סאטמארע נייעס

פרייטאג - ר''ח אב 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ''ד צו תפילת שחרית ארום 8:50. פאר'ן דאווענען האט דער רבי תפילין געלייגט פארן בר מצוה בחור ב"ר משה כ"ץ הי"ו (קר''י).

בעל תפילה: הרה"ח ר' יוסף משה אונגאר הי"ו (מאנסי). צו הלל איז רבינו שליט''א צוגעגאנגען.
פתיחה: הרה''ג ר' עקיבא יוסף כהנא שליט"א.
עליות: כהן: הב' הבר מצוה ב"ר משה כ"ץ הי''ו, לוי: הרה"ח ר' יוסף משה אונגאר הי"ו, שלישי: הגה''צ ר' קלמן האלבערשטאם שליט"א, רביעי: רבינו שליט"א, הגבה: הרה"צ ר' ברוך הורוויץ שליט"א דומ"ץ מעליץ, גלילה: הרה"ח ר' משה כ"ץ הי"ו.
צו מוסף איז צוגעגאנגען הגה''צ ר' קלמן האלבערשטאם שליט"א.

נאכן דאווענען זענען די געסט אריבער שלום נעמען, דערנאך איז פארגעקומען א מסיבת לחיים בהיכל הביהמ"ד, דער רבי האט געטרינקן לחיים און אנגעווינטשן פארן בר מצוה בחור און פארן גאנצן ציבור. דער רבי האט געשמועסט איבער די יארצייט פון אהרן הכהן, און דערציילט עובדות וסיפורים פונעם קרייזער רב הרה"ק ר' אהרן האלבערשטאם זצוק''ל בן מרן הדברי חיים זי"ע וואס די יארצייטן געפאלן פרייטאג ר"ח אב. נאכן לחיים האט דער רבי אהיים שפאצירט, אויפן וועג האט זיך פארמירט א שמועס איבער פארשידענע מנהגים פון די ניין טעג.

זמנים לשבת קודש בצל הקודש בעיר הנופש בעטלעהעם ניו העמפשיר

זמן הדלקה"נ: 7:59.
מנחה וקבלת שבת: 8:40.
עריכת שלה"ט בליל שב''ק: ארום 15 מינוט נאכן גוט שבת זאגן.
סוף זמן קרי"ש: 8:35.
שחרית: 9:30.
דער רבי וועט אריינקומען צו זמירות ודברי תורה ביי די סעודה ביום שב''ק אין ביהמ"ד ארום איינס און א האלב שעה נאכן דאווענען.
מנחה ורעוא דרעווין: 8:45.

▫️ סאטמאר'ע נייעס 🌴 ▫️

דאנערשטאג פרשת מטו"מ 'בצל הקודש' פון כ''ק מרן רבינו הגה''ק שליט''א, במקום הנופש בעטלעהעם ניו העמפשיר

רבינו שליט''א איז אריין געקומען אין ביהמ"ד צו תפילת שחרית ארום 8:55. פארן דאווענען האט דער רבי תפילין געלייגט פאר די בר מצוה בחורים.
ב"ר שמעון ישראל כהנא הי"ו (מאנטריאל).
ב"ר אברהם שלמה אלעזר בערקאוויטש הי"ו (קר"י).

בעל תפילה: הרה''ח ר' ישעי' יצחק הכהן רובין הי''ו, פתיחה: ר' אברהם שלמה אלעזר בערקאוויטש הי"ו.
עליות: כהן: הב' הבר מצוה ב"ר שמעון ישראל כהנא הי''ו, לוי: הרה"ח ר' נחמן דוב העללער הי"ו (וומסב''ג), שלישי: הב' הבר מצוה ב"ר אברהם שלמה אלעזר בערקאוויטש הי''ו, הגבה: רבינו שליט''א, גלילה: ר' שמעון ישראל כהנא הי"ו.

נאכן דאווענען איז פארגעקומען א לחיים מיט די בר מצוה בחורים בהיכל הביהמ''ד, דער רבי האט געטרינקן לחיים און געוואונטשן ברכות קדשו, און ארומגערעדט איבער די יארצייט פון אהרן הכהן, און פונעם קרייזער רב הרה"ק רבי אהרן האלבערשטאם זצוק''ל בן מרן הדברי חיים זי"ע וואס די יארצייטן געפאלן פרייטאג ר"ח אב.

נאכן לחיים האט דער רבי אהיים שפאצירט, אויפן וועג האט זיך פארמירט א שמועס איבער די רבנות פון די גלילות פון צאנז - קרייז, גריבוב, באבוב, און די ארומיגע דערפער, און די חילוקים פון די רבנות אין מדינת פוילן און אונגארן.

רבינו שליט''א איז אריין געקומען אין ביהמ''ד צו תפילת מנחה ארום 9:00. אויפן וועג צו מנחה האט דער רבי אויסגעשמועסט די מנהגים ביי רבותיה"ק זי"ע איבער שניידן די נעגל ער''ש ווען עס געפאלט אום ר"ח וכדו'

נאך מנחה האבן שלום גענומען די געסט וועלכע זענען געקומען וויילן אויף שב''ק בצל הקודש, צווישן אנדערע האט שלום גענומען הרה"ח ר' משה אונגאר הי"ו פון שיכון סקווירא, חבר הנהלת הקריה בקרית יואל, ער האט איבערגעגעבן א באריכט איבער פארשידענע פלענער להרחבת גבולי הקדושה אין קרית יואל.

אזוי אויך האבן עטליכע בחורים איבערגעגעבן פאר'ן רבין א תירוץ אויף די קשיא וואס דער רבי האט איבערגעלאזט בהיכל המתיבתא, צווישן זיי:
הב' יעקב אהרן ב"ר יושע פישער הי''ו (וומסב''ג).
הב' יואל ברוך ב"ר יעקב יצחק שטיינמעץ הי"ו (קר"י).

ביים זמן ר''ת ארום 9:30 האט דער רבי געדאוונט מעריב, בעל תפילה איז געווען הגה''צ ר' קלמן האלבערשטאם שליט''א אב''ד צאנז קר''י ומנהל ישיבתינו הקדושה סניף קדושת יואל.

▫️ סאטמארע נייעס 🌴 ▫️

מיטוואך מטו"מ כ''ח תמוז יומדהל''ק פון מרן הגה''ק הישמח משה זיע''א 'בצל הקודש' פון כ''ק מרן רבינו הגה''ק שליט''א, במקום הנופש בעטלעהעם ניו העמפשיר

רבינו שליט''א איז אריין געקומען אין ביהמ"ד צו תפילת שחרית ארום 8:50. פארן דאווענען האט דער רבי תפילין געלייגט פארן בר מצוה בחור ב"ר יואל ברד"ש בערגער הי"ו (קר"י).

דער רבי האט געצינדן 5 ליכט און און יורד געווען לפני התיבה לרגל די יומדהל''ק פון זקינו מרן הגה''ק הישמח משה זיע''א, צו תהילים איז צוגעגאנגען נכד רבינו החתן אשר אנטשיל אשכנזי בן הגה"צ רב דביהמ''ד אבני צדק שליט"א, חדב"ן.

נאכן דאווענען איז פארגעקומען א מסיבת לחיים בהיכל הביהמ"ד, דער רבי האט געטרינקן לחיים און אנגעווינטשן פארן בר מצוה בחור און פארן גאנצן ציבור, און דערציילט עטליכע סיפורים ועובדות פונעם בעל הילולא. נאך די לחיים האט דער רבי אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 8:15. גייענדיג אין ביהמ''ד האבן שלום גענומען די תלמידי ישיבה גדולה שיעור ד' מיט די ראשי הישיבה, פאר'ן דאווענען האט דער רבי געצינדן 5 ליכט און יורד געווען לפני התיבה לרגל די יומדהל''ק.

נאך מנחה איז דער רבי אריינגעקומען אין ביהמ''ד צו די סעודת הילולא מיט תלמידי ישיבה גדולה שיעור ד'. ביי די סעודת הילולא איז אויך פארגעקומען א מעמד הנחת אבן הפינה להתייסדות ישיבה קטנה תורה ויראה במוסדותינו הק' באנטווערפען וואס וועט זיך עפענען בשעטו''מ אויף קומענדיגן זמן החורף הבעל''ט.

דער רבי האט זיך געוואשן צו די סעודה, פאר די פיש האט הרה"ג ר' יצחק יעקב ראזענפעלד שליט"א מראשי ישיבה געמאכט א סיום אויף מסכת מכות וואס איז געלערנט געווארן אין די ישיבה, און דערנאך געזאגט קדיש, ביי די לחיים נאך די פיש האט דער רבי געוואונטשן 'זכותו יגן עלינו', במשך די סעודה האט מען געזינגען מערערע ניגוני גלות וגאולה.

מיט מכתם לדוד האט דער רבי מכבד געווען הגה''צ ר' קלמן האלבערשטאם שליט"א אב''ד צאנז קר''י ומנהל ישיבתינו הק' סניף קדושת יואל, דערנאך האט דער רבי משמיע געווען דברות קודש במשנתו פונעם בעל הילולא ודברי חיזוק פאר די בחורים משולב מיט סיפורים פונעם בעל הילולא, דערנאך האט רבינו שליט''א ארומגערעדט בשבח קהלתינו ומוסדותינו הק' באנטווערפען ובפרט איבער די גרויסע שמחה פון די הנחת אבן הפינה פארן נייעם ישיבה קטנה ווייל מען קוקט על שם העתיד און מען זעט שוין יעצט די תורה וואס גייט ארויסקומען, און מסיים געווען מיט גאר ווארעמע דברי ברכה פאר די עסקנים און דברי חיזוק וברכות קדשו פאר די בחורים.

דערנאך האט הרה"ח ר' יואל פאגעל הי"ו מגדולי עסקני קהלתינו הק' באנטווערפען ארויפגעלייגט אויפן טיש די ספעציעלע ציגל, דער רבי האט אריינגעלייגט מטבעות און געגאסן די יסודות און ארויפגעלייגט די ציגל און דערנאך מתפלל געווען א הייליגע תפילה, ווען דערביי ווערט געזינגען ניגוני התעורורות פאר א לענגערע צייט, נאכן לייגן די אבן היסוד האט מען ממשיך געווען צו זינגען ניגוני שמחה.

רבינו שליט''א האט געבענטשט על הכוס, הגבהת הכוס: הרה"ג ר' יצחק יעקב ראזענפעלד שליט"א.

מען האט געענדיגט ארום 10:15, און דער רבי האט געדאווענט מעריב, נאך מעריב האבן זיך געזעגענט א קבוצה אנ''ש פון מאנטריאל וועלכע זענען געקומען מיטהאלטן די יארצייט סעודה, און דער רבי האט אהיים שפאצירט.

▫️ סאטמאר'ע נייעס 🌴 ▫️

דינסטאג 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ''ד צו תפילת שחרית ארום 8:50. בעל תפילה: הרה"ח ר' נחמן דוב העללער הי"ו (וומסב"ג). נאכן דאווענען האט דער רבי האט אהיים שפאצירט.

אין די פארמיטאג שעה'ן ארום 11:30 איז דער רבי געגאנגען שפאצירן בנאות דשא װי עס איז פארפירט געווארן הערליכע שמועסן בד"ת וסיפורי צדיקים, איבער די אתרוגים פון ארץ ישראל אום שמיטה. דער מצב פון אידישקייט נאך די ערשטע וועלט מלחמה. די התייסדות פון די בתי חינוך לבנות אין אייראפע און אין אמעריקע דורך רביה"ק זי"ע.

רבינו שליט''א איז אריין געקומען אין ביהמ''ד צו תפילת מנחה ארום 8:55. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:35 געדאוונט מעריב, פאר'ן דאווענען האט דער רבי געצינדן 5 ליכט און יורד געווען לפני התיבה לרגל די יארצייט פון זקינו מרן הגה"ק הישמח משה זיע"א.

נאכן דאווענען האט דער רבי אהיים שפאצירט, אויפן וועג האט זיך פארמירט א שמועס איבער די נסיעה פונעם ישמח משה זי"ע קיין סיגוט.

▫️ סאטמאר'ע נייעס 🌴 ▫️

מאנטאג 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ"ד צו תפילת שחרית ארום 8:50. בעל תפילה: ר' אליעזר גפן הי"ו (קר"י).
עליות: כהן: הרה"ח ר' ישעי' יצחק רובין הי"ו (וומסב"ג), לוי: הרה"ח ר' יואל בר"ב אפפעל הי"ו (קר''י), שלישי: רבינו שליט"א, - עס איז געקויפט געווארן דורך הרה"ח ר' מרדכי שבתי שימאן הי"ו, און דער רבי האט זיך באדאנקט. הגבה: הגה"צ אבד''ק ראשית חכמה שליט"א, גלילה: הרה"ח ר' יצחק פנחס גלאנצער הי"ו (קר"י).

נאכן דאווענען האט דער רבי אהיים שפאצירט, אויפן וועג האט זיך פארמירט א שמועס איבער די תפילה קודם הלימוד פון הגה"ק מרן הישמח משה זיע''א.

אין די פארמיטאג שעה'ן איז דער רבי אריבער צום נייעם בית התבשיל וואס סערווירט די חשובע אורחים פונעם PMR רעזארט, אינטער די השגחה פון התאחדות הרבנים, דער רבי האט זיך אומגעקוקט אויף די קאך איינריכטונגן און ווארעם אנגעווינטשן פארן קעכער הרה"ח ר' שמחה שאמועל הי"ו, דערנאך איז דער רבי אריבער און זיך אומגעקוקט אויפן שערמאנ'ס האטעל וואס דינט אלס אכסניא פאר די תלמידי המתיבתא וואס וויילן אויף שבת בצל הקודש.

רבינו שליט''א איז אריין געקומען אין ביהמ''ד צו תפילת מנחה ארום 9:00. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:40 געדאוונט מעריב, און נאך מעריב האט דער רבי האט אהיים שפאצירט.

▫️ סאטמארע נייעס 🌴 ▫️

חלק א' פרשת מטו"מ 'בצל הקודש' פון כ''ק מרן רבינו הגה''ק שליט''א, במקום הנופש בעטלעהעם ניו העמפשיר

זונטאג

רבינו שליט''א איז אריין געקומען אין ביהמ''ד צו תפילת שחרית ארום 8:50. פארן דאווענען האט דער רבי תפילין געלייגט פארן בר מצוה בחור ב"ר שמשון שרגא פאגעל הי"ו (קר"י).
בעל תפילה: הרה"ח ר' נחמן דוב העללער הי"ו (וומסב"ג). נאכן דאווענען האבן זיך די געסט געזעגענט, דערנאך איז פארגעקומען א מסיבת לחיים מיטן בר מצוה בחור בהיכל הביהמ"ד, און דער רבי האט אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 8:55. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:35 געדאוונט מעריב. נאך מעריב האט דער רבי האט אהיים שפאצירט, אויפן וועג האט זיך פארמירט א שמועס איבער הרה"ק האור לשמים מאפטא זי"ע וואס די יארצייט איז געפאלן זונטאג.

▫️ סאטמארע נייעס 🌴 ▫️

שב"ק פרשת פנחס מברכים חודש מנחם אב 'בצל הקודש' פון כ"ק מרן רבינו הגה"ק שליט"א, במקום הנופש בעטלעהעם, ניו העמפשיר.

די וואך האבן געהאט די זכיה מיטצוהאלטן דעם שב''ק בצל הקודש תלמידי המתיבתא סניף ויואל משה.

ערש''ק נאכמיטאג נאך די מקוה האט דער רבי געצינדן ליכט ביים עמוד אין ביהמ''ד לרגל די יארצייט פונעם אמה של מלכות הרבנית הצדיקת ע''ה.
דערנאך האבן שלום גענומען די געסט אין ביהמ"ד, און די פאלגענדע בחורים האבן איבערגעגעבן תירוצים אויף די קשיא וואס דער רבי האט איבערגעלאזט בהיכל המתיבתא.
הב' יעקב ב"ר חיים זאב פאלקאוויטש הי''ו.
הב' בנציון אלימלך בן הרה"ג ר' דוד יצחק ווערצבערגער הי''ו.
הב' אשר לעמיל ב"ר לוי יצחק לאנדא הי''ו.
הב' יצחק ב"ר שלמה זלקא מויזקאפף הי''ו.
הב' אהרן ב"ר יוסף מענדל פרידריך הי''ו.
הב' בנימין דוד בן הר"ר ליפא סאמעט הי''ו.

אזוי אויך האט דער רבי געהערט עטליכע גריסן פון די געסט, פון דעם הערליכן סדר הלימודים 'משנת מאיר זעליג' וואס די תלמידי ישיבות אין קרית יואל רעכטן אפ מידי שבוע בשבוע מיט א ספעציעלן סדר, און דער קול תורה הילעכט אפ גאנצע ליל שישי'ס בהתמדה רבה, אינעם היכל ביהמ"ד 'זכרון יחיאל מיכל' אין איחוד קאנטרי, וואס ווערט געספאנסערט מנדבת לבו פון הרבני הנגיד מוה"ר פישל ריספלער הי"ו, פון וואס דער רבי האט געהאט א געוואלדיגע קורת רוח.

פרייטאג צונאכטס ארום 9:00 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה און נאך עלינו געזאגט קדיש לרגל די יארצייט. קבלת שבת: הרה''ג ר' אנטשיל קארפען שליט''א ר''מ במתיבתא.

מען האט געענדיגט דאווענען ארום 10:30. דער עולם איז אריבער געגאנגען גוט שבת זאגן און שלום גענומען, און רבינו שליט''א איז אהיים לביתו נאוה קודש.

ארום 11:10 איז רבינו שליט''א אריינגעקומען צום שלחה"ט בהיכל הביהמ''ד מיט די תלמידי המתיבתא און פילצאליגע געסט אנ''ש, און אנגעהויבן כדרכו בקודש 'שלום עליכם' ברגש ובנעימה.

מיט די זמירות האט רבינו שליט''א מכבד געווען. כל מקדש: הרה''ג ר' לוי יצחק בארזעסקי שליט''א מנהל סניף ויואל משה, מנוחה ושמחה: הרב הערשל אשכנזי שליט''א בן האדמו''ר מסטאניסלאוו שליט''א.

רבינו שליט''א האט געזאגט תורה אויפן פסוק "ושם האיש ישראל המוכה זמרי בן סלוא" און געטייטשט בדרך דרוש אין די סוגיא פון מודעה רבה לאורייתא.

קה אכסוף: הרה''ג ר' ליפא סאמעט שליט''א ר''מ במתיבתא, ברכהמ"ז: דעם רבינ'ס חברותא הגה''צ אבד''ק ראשית חכמה שליט''א.

עובדות וסיפורים די וואך האט רבינו שליט''א דערציילט פון זקינו מרן הגה''ק הישמח משה זיע''א, וואס די יארצייט געפאלט מיטוואך כ''ח תמוז. קה רבון עלם: הר"ר בעריש גראס שליט''א (מאנטריאל).

נאך די פירות איז פארגעקומען די שלום זכר ביי נכד הרה''ח ר' דוד יודא קאהן הי''ו, אז ביום השביעי: הרה''ג ר' אנטשיל קארפען שליט''א ר''מ במתיבתא. מען האט געענדיגט ארום 1:50.

וביום השבת קודש

שב"ק צופרי איז רבינו שליט''א אריינגעקומען צום דאווענען אים 9:40. פסוקי דזמרה: הרה''ח ר' אלחנן טויב הי''ו, צו שחרית איז רבינו שליט''א צוגעגאנגען, און צוגעשיקט צו חזרת הש''ץ הגה''צ אבד''ק ראשית חכמה שליט''א.
הוצאה והכנסה: הרה''ח ר' ישראל יעקב בראך הי''ו (קר''י), פסוקי שמע ישראל: הרה''ח ר' נחמן דוב העללער הי''ו (וומסב''ג), בעל קורא: משב''ק הרה''ח ר' יושע מענדלאוויטש הי''ו.

עליות. כהן: הרה''ג ר' לוי יצחק בארזעסקי שליט''א, לוי: הרה''ח ר' יעקב חיים מאשקאוויטש הי''ו (וומסב''ג), שלישי: הגה''צ אבד''ק ראשית חכמה שליט''א, רביעי: ר' יעקב יצחק הורוויץ הי''ו, חמישי: הרב ברוך נחמן הערשקאוויטש הי"ו (קר''י), שישי: רבינו שליט''א.

דעם רבינ'ס עליה איז געקויפט געווארן דורך הרה''ח ר' מאיר ווערטהיימער הי''ו, דער רבי האט זיך באדאנקט און געהייסן מאכן א מי שברך.

שביעי: הב' הבר מצוה ב''ר שמשון שרגא פאגעל הי''ו (קר''י), הוספות: הרה''ג ר' יוסף לייב קאהן שליט''א ר''מ במתיבתא, הרה''ח ר' שלמה יעקב ליבערמאן הי''ו (וומסב''ג), הרה''ח ר' מרדכי שבתי שימאן הי''ו (וומסב''ג), החתן ב''ר יודל פערלשטיין הי''ו (ב''פ), הרה''ח ר' וואלף שניצער הי''ו (קר''י), הרה''ח ר' יואל ברש''ז שטיין הי''ו (וומסב''ג), הר'''ר יוסף מאסרי הי''ו ר''מ במתיבתא, הב' ב''ר משה יוסף ווערטהיימער הי''ו, אחרון: הרה''ח ר' לוי אפפעל הי''ו (קר''י), מפטיר: הרה''ח ר' מאיר ווערטהיימער הי''ו (קר''י) הגבה: ר' דוד בערנאטה הי''ו (וומסב''ג), גלילה: הב' ב''ר יואל שטיין הי''ו.

מען האט געזאגט די הפטורה פון פרשת מטות, און רבינו שליט''א האט ראש חודש געבענטשט בהתעוררות רב.
צו תפילת מוסף איז רבינו שליט''א צוגעגאנגען צום עמוד לכבוד די יארצייט די קומענדיגע וואך פון זקינו מרן הגה''ק הישמח משה זיע''א, פתיחה לאנעים זמירות: הרה''ח ר' שמשון שרגא פאגעל הי''ו. מען האט געענדיגט 1:05.

ארום 2:50 איז רבינו שליט''א אריינגעקומען אין ביהמ"ד צו די זמירות ביים מיטאג טיש, מען האט אריינגעברענגט קיגל און לחיים. מיט די זמירות האט רבינו שליט''א מכבד געווען: ברוך ה': הרה"ח ר' יצחק טייטלבוים הי''ו (קר''י), ברוך קל עליון: הרה"ח ר' שלמה יעקב ליבערמאן הי''ו.

רבינו שליט''א האט געזאגט תורה אויפן פסוק "ושם האיש המוכה זמרי בן סלוא" און געטייטשט בדרך דרוש אין די סוגיא פון עבד שפדאהו לשם עבדות.
ברכהמ''ז: הרה''ג ר' יוסף לייב קאהן שליט''א. מען האט געענדיגט 3:30.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 8:50. מנחה: הרה''ח ר' ישראל יעקב בראך הי''ו (קר''י), הוצאה והכנסה: הרה"ח ר' יעקב חיים מאשקאוויטש הי"ו, כהן: הב' ב''ר אברהם יושע לאנדא הי''ו (קר''י), לוי: הרה''ח ר' לוי אפפעל הי''ו, שלישי: הב' ב''ר אליעזר זוסיא ראזענבערג הי''ו (ב''פ) הגבה: רבינו שליט"א, גלילה: הב' בן הרה''ג ר' אלעזר ניסן שטראהלי שליט''א (ב''פ).

ביי של''ש האט רבינו שליט''א טועם געווען מאכלי חלב, אביסל פיטער מיט די חלה און געטרינקן א קאווע, כמנהג רבותיה"ק זיע"א דאס צו עסן איין שבת בימי בין המצרים.

זמירות ביי של"ש האט רבינו שליט"א מכבד געווען. אודה: הרה''ח ר' מאיר ווערטהיימער הי''ו, שיר המעלות: הרה"ח ר' נחמן דוב העללער הי"ו.

ביי די תורה האט זיך רבינו שליט''א געשטעלט אויפן פסוק ''לכן אמר הנני נותן לו את בריתי שלום'' און געטייטשט מען דארף מטהר זיין די אברים פון תאוות עולם הזה און דער עיקר איז שמירת עינים, דורך א פגם בעניני קדושה קומט מען חלילה צו צו עבודה זרה און דאס איז געווען דער גורם פון חורבן ציון וירושלים, אז מען וועט מתקן זיין די ענינים וועט זיין באש הצתה ובאש אתה עתיד לבנותה.

ידיד נפש: הרה''ח ר' יעקב חיים מאשקאוויטש הי''ו, קל מסתתר: הרה''ח ר' וואלף שניצער הי''ו.

פארן בענטשן האט דער רבי ארומגערעדט איבער דעם מקור פונעם מנהג צו עסן מאכלי חלב א שבת בימי בין המצרים, דערנאך האט דער רבי שליט''א געבענטשט אויפן כוס.

צו מעריב מוצ"ש איז רבינו שליט''א צוגעגאנגען, נאך הבדלה איז מען אריבערגעגאנגן זאגן א גוטע וואך, און הב' אברהם יצחק בן הרה''ג ר' נתן דוב שווארטץ שליט''א מו''ץ בקהלתינו בקר''י האט איבערגעגעבן א תירוץ אויף די קשיא וואס דער רבי האט איבערגעלאזט אין די ישיבה. מ'האט געענדיגט 11:20.

ארום 12:45 איז רבינו שליט''א אריינגעקומען אין ביהמ''ד צום מלוה מלכה לכבוד די יארצייט דעם וואך פון זקינו מרן הגה''ק הישמח משה זיע''א, דער רבי האט טועם געווען מזונות און געטרינקן לחיים און אנגעוואונטשן פארן ציבור 'זכותו יגן עלינו' און מען האט געזינגען די זמירות למלוה מלכה און נגוני גלות וגאולה, דערנאך האט רבינו שליט''א פארציילט סיפורי קודש פאר א לענגערע צייט. מען האט געענדיגט ארום 1:40.

נאך די מלוה מלכה האט הב' שלום יואל ב''ר חיים משה פעדער הי''ו איבערגעגעבן א תירוץ אויף די קשיא וואס דער רבי האט איבערגעלאזט אין ישיבה.

▫️ סאטמאר'ע נייעס 🌴 ▫️

פרייטאג 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ''ד צו תפילת שחרית ארום 8:46. פאר'ן דאווענען האט דער רבי געצינדן 5 ליכט און יורד געווען לפני התיבה לרגל די יארצייט פונעם אמה של מלכות הרבנית הצדיקת ע''ה.

נאכן דאווענען זענען די געסט אריבער שלום נעמען, און הב' שלמה ב"ר בעריש גראס הי''ו (מאנטריאל), האט איבערגעגעבן א תירוץ אויף די קשיא וואס דער רבי האט איבערגעלאזט בהיכל הישיבה.

דערנאך איז פארגעקומען א מסיבת לחיים לרגל די יארצייט, דער רבי האט געטרינקן לחיים און אנגעווינטשן פארן גאנצן ציבור, און פארציילט סיפורים פונעם זיידן הגה''ק וואלאווע רב זצוק''ל, דערנאך האט דער רבי אהיימשפאצירט, אויפן וועג האט זיך פארמירט א שמועס וויאזוי עס איז צושטאנד געקומען דער שידוך פון רביה"ק בעל ברך משה ז"ל מיט די רביצין ע"ה.

זמנים לשבת קודש בצל הקודש בעיר הנופש בעטלעהעם ניו העמפשיר

זמן הדלקה"נ: 8:07.
מנחה וקבלת שבת: 8:50.
עריכת שלה"ט בליל שב''ק: ארום 15 מינוט נאכן גוט שבת זאגן.
סוף זמן קרי"ש: 8:32.
שחרית: 9:30.
דער רבי וועט אריינקומען צו זמירות ודברי תורה ביי די סעודה ביום שב''ק אין ביהמ"ד ארום איינס און א האלב שעה נאכן דאווענען.
מנחה ורעוא דרעווין: 8:50.

מוצש''ק ארום 12:30 וועט דער רבי אריינקומען אין ביהמ"ד און אפרעכטן די סעודת מלוה מלכה ברב עם לרגל די יארצייט פון זקינו מרן הגה''ק הישמח משה זיע''א וואס געפאלט דעם קומענדיגן מיטוואך כ"ח תמוז.

▫️ סאטמאר'ע נייעס 🌴 ▫️

דאנערשטאג 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ"ד צו תפילת שחרית ארום 8:45.
בעל תפילה: הרה"ח ר' ישעי' יצחק רובין הי"ו.
עליות: כהן: הרה''ח ר' ישעי' יצחק רובין הי''ו, לוי: הרה"ח ר' נחמן דוב העללער הי"ו (וומסב''ג), שלישי: רבינו שליט"א, - עס איז געקויפט געווארן דורך הרה"ח ר' ישעי' יצחק רובין הי''ו, און דער רבי האט זיך באדאנקט. הגבה: הגה''צ אבד''ק ראשית חכמה שליט''א, גלילה: הרה"ח ר' מרדכי שבתי שימאן הי"ו.
נאכן דאווענען האט דער רבי אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 9:05. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:40 געדאוונט מעריב, פאר'ן דאווענען האט דער רבי געצינדן 5 ליכט און יורד געווען לפני התיבה לרגל די יארצייט פונעם אמה של מלכות הרבנית הצדיקת פעסל לאה ע''ה.
נאכן דאווענען האט דער רבי אהיים שפאצירט.

▫️ סאטמארע נייעס 🌴 ▫️

מיטוואך 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ''ד צו תפילת שחרית ארום 8:40. בעל תפילה: הרה"ח ר' ישעי' יצחק רובין הי"ו.

עס האבן געהאט די זכיה צו וויילן בצל הקודש תלמידי ישיבה גדולה עסק התורה סניף טשעסטער, בהנהלת הר"ר שלמה לייב וויינבערגער הי''ו, נאכן דאווענען זענען די בחורים אריבער שלום נעמען און דער רבי האט מאציל געווען מברכות קדשו, דערנאך האט דער רבי אהיים שפאצירט, און אויפן וועג האט זיך פארמירט א שיינע שמועס איבער די הרחבת גבולי הקדושה אינעם טשעסטער געגענט בגלילות קר''י, און איבער שכונת ויואל משה און נאך אנדערע געגענטער.

רבינו שליט''א איז אריין געקומען אין ביהמ''ד צו תפילת מנחה ארום 9:05. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:40 געדאוונט מעריב. דערנאך האט דער רבי אהיימשפאצירט, און אויפן וועג האט זיך פארמירט א שמועס איבער די בתי מדרשים אין אייראפע וועלכע זענען פארבליבן נאך די קריג.

▫️ סאטמארע נייעס 🌴 ▫️

דינסטאג 'בצל הקודש' פון כ''ק רבינו הגה''ק שליט''א

רבינו שליט''א איז אריין געקומען אין ביהמ''ד צו תפילת שחרית ארום 8:40. בעל תפילה: הרה"ח ר' ישעי' יצחק רובין הי"ו. נאכן דאווענען האט דער רבי האט אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 9:05. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:40 געדאוונט מעריב.

נאך מעריב האט שלום גענומען הר"ר פסח גראסמאן שליט''א פון לעיקוואד וועלכע דינט אלץ משגיח כשרות מטעם התאחדות הרבנים אויפן נייעם קאך אינעם דערנעבענדיגן PMR רעזארט, עס האט זיך פארצויגן א שיינע שמועס בעניני כשרות, אויך איז אנוועזנד געוועהן דער בעה''ב הרה"ח ר' יצחק רודריך הי"ו און דער רבי האט געהערט א באריכט איבער די פולע איינריכטונגן וועלכע זענען צוגעלייגט געווארן לטובת די פולע אנ''ש וועלכע קומען וויילן אין די זומער טעג, און די פלענער אויף ווייטער, און דער רבי האט מאציל געווען מברכות קדשו. און דערנאך האט דער רבי אהיימשפאצירט.

▫️ סאטמארע נייעס 🌴 ▫️

פרשת פנחס 'בצל הקודש' פון כ''ק מרן רבינו הגה''ק שליט''א, במקום הנופש בעטלעהעם ניו העמפשיר

מאנטאג

רבינו שליט''א איז אריין געקומען אין ביהמ"ד צו תפילת שחרית ארום 8:40. פארן דאווענען האט דער רבי געלייגט תפילין פארן בר מצוה בחור ב"ר יעקב יושע זאבעל הי"ו (קר''י).

בעל תפילה: הרה"ח ר' ישעי' יצחק רובין הי"ו (וומסב''ג).
עליות: כהן: ר' יעקב בר"י פריעדמאן הי"ו (קר''י), לוי: הרה"ח ר' אהרן יוסף בערגער הי"ו (קר''י), שלישי: רבינו שליט"א, - עס איז געקויפט געווארן דורך הרה"ח ר' יצחק גוטמאן הי"ו (וומסב''ג), און דער רבי האט זיך באדאנקט. הגבה: הרה"ח ר' יצחק גוטמאן הי"ו, גלילה: הב' וואלף ב"ר אהרן יוסף בערגער הי''ו.

נאכן דאווענען איז געווען א קבועת המזוזה געווען אויפן נייעם חדר הפרטי פון רבינו שליט''א אינעם ביהמ"ד, דער רבי האט קובע געווען די מזוזה און דערנאך מכבד געווען הגה"צ אבד''ק ראשית חכמה שליט"א צו קובע מזוזה זיין אויפן צווייטן טיר, און דער רבי האט אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 9:05. צווישן מנחה און מעריב האט דער רבי עוסק געווען בלימודו אינעם ביהמ"ד. און ביים זמן ר''ת ארום 9:40 געדאוונט מעריב.

▫️ סאטמארע נייעס 🌴 ▫️

זונטאג פרשת פנחס שבעה עשר בתמוז 'בצל הקודש' פון כ''ק מרן רבינו הגה''ק שליט''א, במקום הנופש בעטלעהעם ניו העמפשיר

רבינו שליט''א איז אריין געקומען צו תפילת שחרית אין ביהמ"ד ארום 8:50.

בעל תפילה: הרה"ח ר' ישעי' יצחק רובין הי"ו (וומסב''ג), פתיחה: הרה"ח ר' מרדכי שבתי שימאן הי"ו (וומסב''ג).
עליות: כהן: הרה"ח ר' ישעי' יצחק רובין הי"ו. לוי: ר' דוד יצחק בר"י ווערצבערגער הי"ו (קר''י). שלישי: רבינו שליט"א, - עס איז געקויפט געווארן דורך הרה"ח ר' מרדכי שבתי שימאן הי"ו, און דער רבי האט זיך באדאנקט. הגבה: הרה"ח ר' משה ברוך שווארטץ הי"ו ( וומסב''ג).

נאכן דאווענען זענען די אידן וואס האבן געוויילט אויף שבת אריבער זיך געזעגענען, דער רבי האט איבערגעקוקט די תירוצים פון תלמידי ישיבתינו הקדושה אויף די קשיא וואס דער רבי האט איבערגעלאזט בהיכל המתיבתא, און דער רבי האט אהיים שפאצירט.

רבינו שליט''א איז אריין געקומען אין ביהמ''ד צו תפילת מנחה ארום 9:00.

ביים אנקומען אין ביהמ"ד האט זיך דער רבי באגריסט מיטן לאנג יעריגער חברותא הגה"צ רבי יעקב אלי' אונדסדארפער שליט"א אבד''ק ראשית חכמה מאנטריאל שליט''א.

עליות: כהן: הרה"ח ר' בנציון אברהם כהן הי"ו (קר''י), לוי: ר' יהודה ארי' מאשקאוויטש הי"ו (קר''י). שלישי - מפטיר: רבינו שליט"א. הגבה: הגה"צ אבד''ק ראשית חכמה שליט"א. גלילה: הרה"ח ר' אליעזר הערש ניימאן הי"ו (קר''י)

דער רבי האט געדאוונט מעריב ביים זמן ר"ת ארום 9:40. און נאכן דאווענען אהיים שפאצירט.

▫️ סאטמאר'ע נייעס 🌴 ▫️

שב"ק פרשת בלק 'בצל הקודש' פון כ"ק מרן רבינו הגה"ק שליט"א, במקום הנופש בעטלעהם ניו העמפשיר.

די וואך האבן געהאט די זכיה מיטצוהאלטן דעם שב''ק בצל הקודש תלמידי המתיבתא סניף דברי יואל, אויך האבן געוויילט בצל הקודש הרב הגאון רבי אברהם שמואל ענגלענדער שליט''א דומ"ץ קהלתינו לעיקוואד יצ"ו, אינאיינעם מיט א קבוצה מבחורי אנ''ש תושבי לעיקוואד.

ערש''ק נאכמיטאג גייענדיג צו די מקוה האבן שלום גענומען הרה''ג דומ''ץ קהלתינו לעיקוואד שליט''א אינאיינעם מיט די בחורים, און גייענדיג איז פארמירט געווארן א שיינער שמועס איבער מקדים זיין קבלת שבת פריער ווי דער זמן.
נאך די מקוה האט רבינו שליט''א איבערגעקוקט דעם עירוב וועלכע לויפט פונעם ביהמ''ד ביז ביתו נאוה קודש וואס איז געמאכט געווארן דורך מוה"ר אברהם מאסרי הי''ו.

פרייטאג צונאכטס ארום 9:00 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' מרדכי ווידער הי''ו (טאהש).

מען האט געענדיגט דאווענען ארום 10:30. דער עולם איז אריבער געגאנגען גוט שבת זאגן און שלום גענומען, און רבינו שליט''א איז אהיים לביתו נאוה קודש.

ארום 11:10 איז רבינו שליט''א אריינגעקומען צום שלחה"ט בהיכל הביהמ''ד מיט די תלמידי המתיבתא און פילצאליגע געסט אנ''ש, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' ישראל דושינסקיא בן הגה''צ רב דביהמ''ד אהל פיגא שליט''א, הגבהת הכוס הרה"ג דומ"ץ קהלתינו לעיקוואד שליט''א.

מיט די זמירות האט רבינו שליט''א מכבד געווען. כל מקדש: הרה''ג ר' ליפא בערקאוויטש שליט''א מו''ץ בקהלתינו קר''י, מנוחה ושמחה: הרב חיים ענגלענדער הי''ו (וומסב''ג).

רבינו שליט''א האט געזאגט תורה אויפן פסוק "ויגר מואב מפני העם מאוד כי רב הוא" און געטייטשט בדרך דרוש אין די סוגיא פון עשה דוחה לא תעשה.

קה אכסוף: הרה''ג ר' אברהם יושע ווערצבערגער שליט''א ר''מ במתיבתא, ברכהמ"ז: הרה''ג דומ''ץ קהלתינו לעיקוואד שליט''א.

עובדות וסיפורים די וואך האט רבינו שליט''א דערציילט פון זקינו הרה''ק ר' משה דוד מ'טאלטשאווא זי"ע, וואס די יארצייט געפאלט זונטאג י''ח תמוז. קה רבון עלם: הרה''ג ר' יוסף דוד לעווי שליט''א ר''מ במתיבתא.

די פרישע חתנים זענען אדורך געגאנגן נעמען פירות, אז ביום השביעי: הרה''ג ר' אברהם יעקב יאקאב שליט''א ר''מ במתיבתא. מען האט געענדיגט ארום 1:50.

וביום השבת קודש

שב"ק צופרי איז רבינו שליט''א אריינגעקומען צום דאווענען אים 9:40. פסוקי דזמרה: הרה''ג ר' ליפא בערקאוויטש שליט''א, צו שחרית איז רבינו שליט''א צוגעגאנגען, און צוגעשיקט צו חזרת הש''ץ הרה''ג דומ''ץ קהלתינו לעיקוואד שליט''א.

הוצאה והכנסה: הרה''ח ר' אהרן וואלף פאלאטשעק הי''ו (קר''י), פסוקי שמע ישראל: הרה''ג ר' יוסף דוד לעווי שליט''א, בעל קורא: משב''ק הרה''ח ר' יושע מענדלאוויטש הי''ו.

עליות. כהן: הרה''ח ר' שלמה שעהנברוין הי''ו (קר''י), לוי: הרה''ג ר' אברהם יושע ווערצבערגער שליט''א, שלישי: הרה''ג דומ''ץ קהלתינו לעיקוואד שליט''א, רביעי: החתן מאיר דוב ב''ר אהרן שאול סאנדעל - המיול"ח ר' שלמה שעהנברוין הי"ו - (קר''י), חמישי: הב' המשב"ק חנני' יו''ט ליפא דייטש הי''ו, שישי: רבינו שליט''א.

דעם רבינ'ס עליה איז געקויפט געווארן דורך הרה''ח ר' שלמה שעהנברוין הי''ו, דער רבי האט זיך באדאנקט און געהייסן מאכן א מי שברך.

שביעי: החתן ישראל אהרן ב''ר יהושע סטרולאוויטש - המיול"ח ר' יואל בר"ב יאקאבאוויטש הי"ו - (ב"פ), הוספות: הרה''ג ר' ליפא בערקאוויטש שליט''א, הר''ר אברהם לוי ליבורוב שליט''א (מעסעטשוסעטס), הרה''ח ר' טובי' גאלדשטיין הי''ו (וומסב''ג), הרה''ג ר' אברהם יעקב יאקאב שליט''א, הרה''ח ר' יצחק יוסף גראד הי''ו (וומסב''ג), הרה''ח ר' אהרן וואלף פאלאטשעק הי''ו, הרה''ח ר' פנחס בראך הי''ו (מאנטריאל), ר' אליעזר ווייזער הי''ו (קר''י), אחרון: משב''ק הרה''ח ר' יהושע מענדלאוויטש הי''ו, מפטיר: הרה''ח ר' מרדכי ווידער הי''ו, הגבה: הב' ב''ר יודא לייב לאוב הי''ו (קר''י), גלילה: הב' ב''ר יואל שעהנברוין הי''ו (קר''י).

צו תפילת מוסף איז רבינו שליט''א צוגעגאנגען צום עמוד לכבוד די יארצייט די קומענדיגע וואך פון די אמה של מלכות הרבנית הצדיקת ע''ה, פתיחה לאנעים זמירות: הרב חיים ענגלענדער הי''ו. מען האט געענדיגט 12:50.
ארום 2:30 איז רבינו שליט''א אריינגעקומען אין ביהמ"ד צו די זמירות ביים מיטאג טיש, מען האט אריינגעברענגט קיגל און לחיים. מיט די זמירות האט רבינו שליט''א מכבד געווען: ברוך ה': הרה"ח ר' אברהם יצחק כאירה הי''ו משגיח במתיבתא, ברוך קל עליון: הרה"ח ר' שלמה שעהנברוין הי''ו.

רבינו שליט''א האט געזאגט תורה אויפן פסוק "כי מראש צורים אראנו" און געטייטשט אז דורך די די הקפות גייט אוועק מסך המבדיל צווישן הקב''ה און כלל ישראל און אזוי קען מען תשובה טוהן מאהבה.
ברכהמ''ז: הר''ר יצחק אייזיק כהנא שליט''א. מען האט געענדיגט 3:15.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 8:55. מנחה: ר' דוד יצחק ווערצבערגער הי''ו, הוצאה והכנסה: הרה"ח ר' פנחס בראך הי"ו, כהן: הרה''ח ר' יעקב ברמ''ח פריעדמאן הי''ו (קר''י), לוי: הרה''ג ר' חיים יוסף דוד לעווי שליט''א, שלישי: הב' ב''ר אהרן דוד גרינפעלד הי''ו (לאנדאן) הגבה: רבינו שליט"א, גלילה: ר' דוד פארקאש הי''ו.

זמירות ביי של"ש האט רבינו שליט"א מכבד געווען. אודה: הרה''ח ר' מרדכי שבתי שימאן הי''ו (וומסב''ג), שיר המעלות: הרה"ח ר' יצחק יוסף גראד הי"ו.

ביי די תורה האט זיך רבינו שליט''א געשטעלט אויפן פסוק 'לא הביט עון ביעקב ולא ראה עמל בישראל' און געטייטשט אז אויב איז מען נישט נזהר אין מידת האמת האט דער יצר הרע א כח צובע צו זיין עבירות פאר מצוות און דורך דעם מכשיל זיין מיט די הארבסטע עבירות וואס דאס האט צוגעברענגט דעם חורבן ביהמ"ק.
דארף מען נזהר זיין און זיך אכטונג געבן די דיבורים ובפרט אין די טעג פון די ימי בין המצרים, און אזוי וועט מען זוכה זיין צום בנין ביהמ"ק במהרה.

ידיד נפש: הרה''ח ר' יצחק עהרנפעלד הי''ו (קר''י), קל מסתתר: הרה''ח ר' שמחה שמאועל הי''ו (קר''י). דער רבי שליט''א האט געבענטשט אויפן כוס.

צו מעריב מוצ"ש איז רבינו שליט''א צוגעגאנגען, נאך הבדלה איז מען אריבערגעגאנגן זאגן א גוטע וואך, און הב' ליפא בן הרה''ג ר' מאיר וויינבערגער שליט''א מו''ץ בקהלתינו אנטווערפן איבערגעגעבן א תירוץ אויפ'ן קשיא וואס דער רבי האט איבערגעלאזט אין ישיבה. מ'האט געענדיגט 11:30.

ארום 12:15 זענען אריין בקו''פ בביתו נאוה קודש הרה''ג דומ''ץ קהלתינו לעיקוואד שליט''א אינאיינעם מיט די קבוצה מבחורי אנ''ש תושבי לעיקוואד וועלכע האבן געוויילט בצל הקודש, עס האט זיך פארצויגן א לענגערע שמועס בעניני הלכה און איבער פארשידענע הנהגות בקודש פון רביה"ק הדברי יואל זי"ע, דערנאך האט דער רבי געזאגט דברי הדרכה פאר די בחורים, און די בחורים זענען אריבער זיך געזעגענען און דער רבי האט מאציל געווען מברכות קדשו פארן דיין שליט''א און אלע בחורים.

▫️ סאטמאר'ע נייעס 🌴 ▫️

דאנערשטאג פרשת בלק 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד לר' יעקב ברמ''מ פריעדמאן הי''ו, ווי דער רבי איז געווען סנדק ומוהל.
לבן הנולד לר' יושע אליעזר ווייסמאן הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי תפילין געלייגט פאר די בר מצוה בחורים.
ב"ר משה טובי' גדלי' ראזענבערג הי''ו.
ב"ר ישכר דוב מיטטעלמאן הי''ו.
ב"ר ברוך יודא פריעדמאן הי''ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם וועכנטליכן שיעור סוגיא בשיעורי הישיבה אין מס' בבא בתרא פרק חזקת הבתים, און דערביי האט דער רבי איבערגעלאזט א קשיא אין די סוגיא פאר די תלמידי הישיבה איידערן אפרייזן למנוחת הנפש קיין בעטלעהעם ניו העמפשיר.

דערנאך איז פארגעקומען א לחיים מיט די בר מצוה בחורים בחדרו הפרטי. און מען האט ארויסבאגלייט רבינו שליט"א פון ישיבה בשירה וזמרה 'כי מלאכיו יצוה לך' לרגל דאס אפרייזן למנוחת הנפש.

ארום 1:40 האט דער רבי פארלאזט ביתו נאוה קודש אויפן וועג קיין בעטלעהעם ניו העמפשיר ווי דער רבי וועט וויילן אויף מנוחת הנפש פאר די קומענדיגע פיר וואכן ביז דאנערשטאג פרשת ואתחנן.

אינטערוועגנס האט זיך רבינו שליט''א אפגעשטעלט אין וואטערבערי קאנעטיקוט, ווי דער רבי האט באזוכט אין ישיבת אהל תורה אוסטרובצא בראשות הרב הגאון ר' אברהם עמרם מייזעלס שליט"א אב''ד מיהאלדי, ווי עס איז אויך אנוועזנד געווען די ראשי הישיבה און די רבנים פון די געגענט, און עס איז פארפירט געווארן א שיינע שמועס, דער רבי איז מכובד געווארן מיט לחיים און משמיע געווען דברות קודש פאר די בחורים.
דערנאך איז דער רבי אריבער אינעם ארטיגן שטאטישע שוהל ווי דער רבי האט געדאווענט מנחה אינעם ביהמ"ד קטן פונעם ארטיגען קהילה, און דערנאך אריין אינעם גרויסן היכל, ווי סאיז סטאנציאנירט דער כולל אברכים דוואטערבערי, און דער רבי האט משמיע געווען א שיעור פלפול אין די סוגיא פון חדש בענין עשה דוחה לא תעשה. דערנאך ארום 4:45 האט דער רבי ממשיך געווען דעם וועג קיין ניו העמפשיר, ווי דער רבי איז אנגעקומען ארום 8:40.

ארום 9:30 איז דער רבי אריינגעקומען אין ביהמ"ד דקהל יראים בית אלימלך, דער רבי האט זיך אומגעקוקט אויף די נייע איינריכטונגען וועלכע זענען צוגעבויעט געווארן לתועלת די פילצאליגע געסט וועלכע קומען וויילן בצל הקודש, און די געסט זענען אריבער שלום נעמען, ביים זמן ר"ת האט דער רבי געדאווענט מעריב, און נאך מעריב האט דער רבי אהיימשפאצירט לביתו נאוה קודש.

▫️ סאטמארע נייעס 🌴 ▫️

מיטוואך פרשת בלק 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל ישיבה גדולה שיעור ד'. פארן דאווענען האט דער רבי תפילין געלייגט פאר די בר מצוה בחורים.
ב"ר חנני' שמואל ווערצבערגער הי''ו.
ב"ר יואל אליעזר זוסיא סטראלאוויטש הי''ו.
ב"ר יצחק פאגעל הי''ו.
וכרות האט דער רבי געזאגט פסוק בפסוק.

נאכן דאווענען איז פארגעקומען די ברית לבן הנולד לר' יואל ברמ"ב ווידער הי''ו חתן הרה"ג ר' יצחק יעקב ראזענפעלד שליט"א מראשי הישיבה, ווי דער רבי איז געווען סנדק ומוהל.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים דער רבי האט געטרינקן לחיים און געוואונטשן פארן בעל שמחה ר' יואל און פאר די ראשי הישיבה, פאר די בר מצוה בחורים און אלע תלמידי הישיבה, און דערנאך משמיע געווען קורצע דברי ברכה וחיזוק.

נאכמיטאג ארום 5:20 איז דער רבי אנגעקומען אין ישיבה קטנה "אור החיים" בהנהלת הרה''ג ר' יעקב פארקאש שליט"א ווי עס איז פארגעקומען די קביעות מזוזה וחנוכת הבית פארן נייעם בנין וואס די ישיבה האט נארוואס אפגעקויפט אין בלומינגראוו, דער רבי האט קובע מזוזה געווען, און דערנאך איז פארגעקומען א מסיבת לחיים, מען האט געזינגען עטליכע ניגונים דער רבי האט געטרינקן לחיים און אנגעווינטשן פאר די בחורים און דערנאך משמיע געווען קורצע דב"ק ודברי ברכה פאר די בחורים, נאכן לחיים איז דער רבי ארום אינעם בנין און זיך אומגעקוקט אויפן פלאץ.

ארום 6:00 איז רבינו שליט''א אנגעקומען אינעם תנאים זאל בביתו נאוה קודש ווי עס איז פארגעקומען דעם מעמד הקמת ''ועדי הוראה בתוככי בית הוראה דק''ק קרית יואל'', על ידי רבני מבצר הכוללים בקרית יואל, וואס איז געגרינדעט געווארן בהוראות רבינו שליט''א, די וועדי הוראה פאר די 7 מקצועות פון עירובין, מקואות, ריבית/עיסקא, סת"ם, דיני ממונות, בדיקת שעטנז, בדיקת תולעים.
דער מעמד איז פארגעקומען בהשתתפות פון דייני קהלתינו הק' ובראשם הגאון האדיר הדומ"ץ שליט"א וועלכע האט אויפגעטרעטן אנהייב פונעם מעמד, און די חברי הנהלה פון מבצר הכוללים.

במשך דעם מעמד האבן אויפגעטרעטן הגה"צ רבי מנחם מאיר ווייסמאנדל שליט"א אבד''ק נייטרא מאנסי ומגדולי ההוראה בדורינו, און הרה"ג ר' וואלף אהרן טעלער שליט"א מנהל הכולל. דער רבי האט געטרינקן לחיים און ווארעם אנגעווינטשן פארן גאנצן ציבור, און משמיע געווען דברות קודש, דער רבי האט באגריסט דעם נייטרא רב שליט"א און ארויסגעברענגט לשבח די פעולות וואס ער איז עוסק בעניני כשרות, און ארומגערעט לענגערע דברי הדרכה פאר די רבני הכולל וועלכע שטעלן יעצט די ערשטע טריט בעניני הוראה והלכה לרבים, און מסיים געווען בברכות לרוב. מען האט געענדיגט ארום 6:45.

פארנאכטס האט דער רבי מסדר קידושין געווען ביי די חופה פון די פאלגענדע מחותנים.
הגה''צ ר' מנחם בנציון ווארפסמאן שליט"א אב"ד בוטשאטש מאנסי - ר' יואל בהר''א באכנער הי''ו, באולם בית רחל פאראדייס.
הרה''ג ר' מרדכי אהרן זאבעל שליט''א - ר' יואל בהרא''ד קארנבלי הי''ו, באולם כינור דוד.

נאך די חופות איז דער רבי אריבער אין שטוב פון הרה''ג ר' יצחק יעקב ראזענפעלד שליט''א ווי דער רבי האט זיך משתתף געווען ביים סעודת ברית מילה לבן הנולד אצל חתנו ר' יואל ברמ"ב ווידער הי''ו, דער רבי האט געטרינקן לחיים און מאציל געווען מברכות קדשו.

זמני כניסה בקודש פנימה איז געווען פון 8:30 ביז שפעט אום 1:30 אויפדערנאכט.

ארום 9:15 האט דער רבי געדאווענט מנחה בביתו נאוה קודש, און מעריב ארום 12:45, און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️

דינסטאג פרשת בלק 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול ארום 8:15, וכרות האט דער רבי געזאגט פסוק בפסוק. נאכן דאווענען האט דער רבי געלייגט תפילין פארן בר מצוה בחור ב"ר משה דוב שווארטץ הי''ו.

דערנאך איז פארגעקומען די ברית'ן.
לבן הנולד לר' מרדכי הירש הי''ו, ווי דער רבי איז געווען סנדק.
לתאומים בני הנולד לר' ישראל הורוויץ הי''ו, ווי דער רבי איז געווען סנדק ומוהל.

ארום 10:20 האט זיך רבינו האט ארויסגעלאזט אויפן וועג צום וועסטשעסטער עירפארט, ווי דער רבי האט זיך געהויבן ארום 11:15 מיט א פריוואטן פליגער אויף א וועג פון ארום איינס אהאלב שעה קיין נארט קאראליינע ווי דער רבי האט באזוכט אסירי ישראל וועלכע געפינען זיך ליידער אינעם ארטיגן טורמע, דורך השתדלות ביי רעגירונגס אינסטאנצן האט מען געקענט מסדר זיין דעם רבינ'ס באזוך כראוי מיט באגלייטונג, ס'זאל זיין אין א צוגעפאסטע זמן, און אויף קרוב צו אנדערטהאלבן שעה.

נאכן באזוך האט זיך דער רבי ארויסגעלאזט אויפן וועג צוריק קיין ניו יארק מיטן פריוואטן פליגער, ארום 5:00 אזייגער האט דער פליגער געלאנדעט אינעם וועסטשעסטער עירפארט, און דער רבי איז תיכף צוגעפארן קיין וומסב''ג צו די וועכענטליכע זמני כניסה.

אים 7:45 האט דער רבי געדאווענט מנחה, און דערנאך איז געווען זמן כניסה בקודש פנימה ביז אום 12:15 אויפדערנאכט בביתו נאוה קודש בוומסב''ג.

בעת די זמני כניסה איז פארגעקומען די שמחת החאלאקע לנכד רבינו הרב ליפא אשכנזי שליט"א בן הגה"צ רב דביהמ"ד אבני צדק שליט''א, חדב''ן. דער רבי האט אפגעשוירן די האר און געטרינקן לחיים און מאציל געווען מברכות קדשו.

ארום 10:30 איז פארגעקומען בביתו נאוה קודש א מסיבת לחיים ומעמד היסוד פאר קהלתינו ומוסדותינו הקדושים "תלמוד תורה ובית רחל" אין לינדען ניו דשערסי, על דרך רבותינו הק' זיע''א תחת נשיאות הקודש פון כ"ק מרן רבינו הגה''ק שליט"א, אינאיינעם מיט די התמנות פון הרה"ג רבי אליעזר מרדכי סופר שליט"א מרבני כוללינו ומרביץ תורה בבתי מדרשינו אין וומסב"ג, אלץ רב הקהלה.

דער נייער רב הרה''ג ר' אליעזר מרדכי שליט''א איז אהנגעקומען און איז תיכף אריין בקו"פ שלום נעמען, אינאיינעם מיט זיין טאטן הרה"ג ר' יצחק צבי שליט"א דומ"ץ בב"פ, זיין זיידן הרה"ג ר' חיים ארי' געללער שליט"א ר"מ בישיבת באבוב, און זיין שווער הרה"ג ר' אשר אנשיל שעהר שליט"א אב"ד קלעסן, ווי עס האט זיך פארפירט א שיינער שמועס איבער די שייכות פונעם ערוגת הבושם זצ"ל צו רבותינו הק' לבית סיגוט וצאנז און איבער די תפקיד פון א רב אין די אלטע היים, און פארשידענע ענינים פון קהלתינו הק' בעיר לינדען, ווי אויך האט הרה''צ ר' יעקב נפתלי ראטטענבערג שליט''א בן כ''ק אדמו"ר מקאסאן שליט"א ממייסדי הישוב בעיר לינדען איבערגעגעבן א פריסת שלום פון אביו האדמו"ר מקאסאן שליט"א וועלכע האט אים געשיקט בשליחותו צום מעמד התמנות.

דערנאך איז דער רבי אראפ געגאנגן בביהמ''ד עצי חיים סיגוט ווי עס איז פארגעקומען א מסיבת לחיים לרגל המאורע, בהשתתפות ראשי הקהלה, עסקני ותושבי עיר לינדען יצ"ו, עס האבן אויפגעטרעטן הרה"ג ר' נפתלי הירצקא צוויבל שליט"א ראה"כ וומסב''ג, און הרה"ח ר' יושע לייב לעווי הי''ו מחשובי התושבים ועסקנים בעיר לינדען, און דער נייער רב הרה"ג ר' אליעזר מרדכי שליט"א, רבינו שליט''א האט געטרינקן לחיים און מאציל געווען מברכות קדשו פארן נייעם רב שליט"א און פארן גאנצן ציבור,
און משמיע געווען דברות קודש, בתוה"ד האט דער רבי ארומגערעדט איבער די בראשית יארן אין אמעריקא ווען רביה"ק זי"ע איז אנגעקומען און מזכך געווען אדמת אמעריקא און אראפגעשטעלט די יסודות פאר קהלתינו הק' אין אלע געגענטער און יעצט איז עס אנגעקומען אויך קיין לינדען ווי אנ''ש שטעלן אויף א קהלה, און יעצט נעמט מען אויף א רב פאר קהלתינו הק', בתו''ד האט דער רבי דערמאנט לשבח פון האדמו"ר מקאסאן שליט"א וועלכע איז געווען דער נחשון זיך אהינצוציען און מייסד זיין דעם חסידישע ישוב, און ארומגערעדט בשבח פונעם חשובן רב שליט"א וועלכע וועט שטיין בראש פון קהלתינו הק' און וועט זען אז די קהילה זאל זיך פירן מיט די יסודות פון רביה"ק זי"ע, און בקרוב האפט מען צו עפענען די ת"ת און בית רחל פאר אנ''ש.

דער רבי האט מסיים געווען בברכות לרוב פארן רב און פארן גאנצן ציבור. מען האט געזינגען עטליכע ניגונים, און דער רבי איז צוריק ארויף לביתו נאוה קודש און ממשיך געווען אויפצונעמען דעם ציבור.

רבינו שליט''א האט געדאווענט מעריב ארום 12:15 בביתו נאוה קודש.

▫️ סאטמאר'ע נייעס 🌴 ▫️

מאנטאג פרשת בלק 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די בר מצוה בחורים.
ב"ר ליפא הערשקאוויטש הי''ו.
ב"ר דוד יצחק פאלקאוויטש הי''ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל י"ג פסוק ג'. און דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי.

שפעט נאכמיטאג איז אריין בקו''פ בביתו נאוה קודש הרב אליעזר לאזרוב הי"ו חב"ד רב פון יוסטאן טעקסאס און רב פונעם ארטיגן שפיטאל וועלכע העלפט אסאך ארויס חולי ישראל פון ניו יארק, און שטייט אסאך בקשר מיט די חברה הצלה פון קר''י, דער רבי האט זיך פאראינטערסירט אין די פעולות לטובה און מאציל געווען מברכות קדשו.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' שלמה קליין הי''ו - ר' חיים הערש בר"א גאלדבערגער הי''ו, באולם כינור דוד.
ר' העניך קרויס הי''ו - ר' אברהם יושע בערקאוויטש הי''ו, באולם בית רחל פאראדייס.
ר' יואל ברמ''ל ראטה הי''ו - ר' נפתלי יעקב דרעזנער הי''ו, באולם קרן ויואל משה.

זמני כניסה בקודש צו איז געווען פון 8:00 ביז שפעט אים 2:00 אויפדערנאכט.

בעת די זמני כניסה זענען אריין בקו'''פ די גבאים פון די ישיבות קטנות אין קר''י וואס האבן אנגעפירט די קאמפיין אריינצוברענגען גרעסערע געלטער במשך די ימי הפורים ובין הזמנים, אינאיינעם מיט הנהלת מוסדותינו הק', דער רבי האט געגעבן א מתנה פאר אלע גבאים א זמירות ברך משה און מאציל געווען מברכות קדשו.

ארום 9:00 האט דער רבי געדאווענט מנחה בביתו נאוה קודש.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' יעקב אליעזר גראד הי''ו - ר' מתתי' אירגאס הי''ו.
ר' יושע בער שווארטץ הי''ו - ר' יואל ברש''י לאקס הי''ו.

רבינו שליט''א האט געדאווענט מעריב ארום 12:45 און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴▫️

מה טובו אוהליך יעקב משכנותיך ישראל

נעכטן אויפדערנאכט איז פארגעקומען בביתו נאוה קודש פון רבינו שליט''א אין וומסב''ג, א מסיבת לחיים ומעמד היסוד פאר קהלתינו ומוסדותינו הקדושים "תלמוד תורה ובית רחל" אין לינדען ניו דשערסי, על דרך רבותינו הק' זיע''א תחת נשיאות הקודש פון כ"ק מרן רבינו הגה''ק שליט"א, אינאיינעם מיט די התמנות פון הרה"ג רבי אליעזר מרדכי סופר שליט"א מרבני כוללינו ומרביץ תורה בבתי מדרשינו אין וומסב"ג, אלץ רב הקהלה.

דער נייער רב הרה''ג ר' אליעזר מרדכי שליט''א איז אהנגעקומען און איז תיכף אריין בקו"פ שלום נעמען, אינאיינעם מיט זיין טאטן הרה"ג ר' יצחק צבי שליט"א דומ"ץ בב"פ, זיין זיידן הרה"ג ר' חיים ארי' געללער שליט"א ר"מ בישיבת באבוב, און זיין שווער הרה"ג ר' אשר אנשיל שעהר שליט"א אב"ד קלעסן, ווי עס האט זיך פארפירט א שיינער שמועס איבער די שייכות פונעם ערוגת הבושם זצ"ל צו רבותינו הק' לבית סיגוט וצאנז, און דערנאך איז דער רבי אראפ בביהמ''ד עצי חיים סיגוט ווי עס איז פארגעקומען א מסיבת לחיים לרגל המאורע, בהשתתפות ראשי הקהלה, עסקני ותושבי עיר לינדען יצ"ו

תשית לראשו עטרת פז!

▫️ סאטמאר'ע נייעס 🌴 ▫️

זונטאג בלק 'בצל הקודש' פון כ''ק רבינו הגה''ק שליט''א
רבינו שליט''א האט געדאווענט שחרית בהיכל המתיבתא סניף קדושת יואל.
פארן דאווענען האט דער רבי תפילין געלייגט פאר די בר מצוה בחורים.
תאומים בני ר' יואל יצחק לעוו הי''ו.
ב"ר חיים אברהם יודא וועכטער הי''ו.
ב"ר מנחם מענדל גאלדבערגער הי''ו.
ב"ר משה שלמה קאליש הי''ו.
ב"ר שלום מאיר אלטר רובין הי''ו.
ב"ר יואל בר"ד כהן הי''ו.
נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ב פסוק ז'. דערנאך איז פארגעקומען א לחיים מיט די בר מצוה בחורים בהיכל הביהמ''ד.

דערנאך איז רבינו שליט''א אריבער אין ביהמ''ד הגדול ווי עס איז פארגעקומען א ברית לבן הנולד לר' יודל אקערמאן הי''ו (ב"פ), ווי דער רבי איז געווען סנדק ומוהל. דערנאך איז פארגעקומען א מסיבת לחיים בהיכל הביהמ"ד, דער רבי האט פארציילט עטליכע סיפורים פון הרה''ק עטרת צבי מ'זידיטשוב זי"ע וואס איז געפאלן די יארצייט זונטאג.

נאכמיטאג איז דער רבי ארויף בהיכל הישיבה סניף ויואל משה ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס איז רבינו שליט"א אריבער אין שטוב פון האשה החשובה מרת גלאנצער תחי', אלמנת הרה"ח ר' אברהם יעקב הכהן ז"ל, ווי עס איז פארגעקומען די חתימת שטרות, וואס די אלמנה תחי' אינאיינעם מיט די קינדער האבן אפגעקויפט פאר א גרויסן סכום א זכות נכבד אינעם בנין בית חינוך לבנות בנות ארץ ישראל בית פיגא בבני ברק יצ"ו, לע"נ אביהם החשוב ז"ל, דער רבי האט אונטערגעשריבן די שטרות אינאיינעם מיט די משפחה, און געטרינקן לחיים און מאציל געווען מברכות קדשו, פאר די אלמנה און אירע חשובע קינדער שיחיו

זמני כניסה בקודש פנימה איז געווען פון 8:00 ביז אום 12:40 אויפדערנאכט.

תיכף ביים אהנקומען איז פארגעקומען א אסיפה אינעם ביהמ"ד בביתו נאוה קודש אינאיינעם מיט די רבני ועסקני וועד הצניעות קרית יואל, עס האט אויפגעטרעטן דער ראה''ק הרה"ח ר' דוד עקשטיין הי''ו און דער רבי האט משמיע געווען דברות קודש און אויסגעשמועסט א לענגערע צייט פארשידענע ענינים העומדים על הפרק און מסיים געווען בברכות קדשו. דערנאך האט דער רבי געדאווענט מנחה.

בעת די זמני כניסה איז אריין בקו'''פ הגה''צ ר' מנחם בנציון ווארפסמאן שליט''א אב"ד בוטשאטש מאנסי אינאיינעם מיט בנו החתן, מקבל זיין ברכת קדשו לרגל די חתונה וואס קומט פאר דעם מיטוואך, און דער רבי האט מאציל געווען מברכות קדשו.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' יואל בר"ה סאנדעל הי''ו -ַהר"ר אברהם כהן שליט"א רב דביהמ''ד נאסאד קר''י.
ר' משה אליעזר זאלדאן הי''ו - ר' אליעזר זוסיא סופר הי''ו.

רבינו שליט''א האט געדאווענט מעריב ארום 12:40 בביתו נאוה קודש.

▫️ סאטמאר'ע נייעס 🌴▫️

שב"ק פרשת חקת 'בצל הקודש' פון כ"ק מרן רבינו הגה"ק שליט"א.

ערש''ק נאכמיטאג האט רבינו שליט''א אנגעטוהן דעם שטריימל פאר די חתנים.
החתן מרדכי יודא ב''ר חיים משה ביטמאן הי''ו.
החתן ישראל דוד ב''ר שלמה קליין הי''ו.

פרייטאג צונאכטס ארום 9:00 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' חיים נחום ווערצבערגער הי''ו.

מען האט געענדיגט דאווענען ארום 10:35. דער עולם איז אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' ישראל דושינסקיא בן הגה''צ רב דביהמ''ד אהל פיגא שליט''א, הגבהת הכוס לקידוש: הרה''ג ר' שמואל לעוו שליט''א מו"ץ קהלתינו לאנדאן.

ביי די פיש האט מען - עפ"י הוראת רבינו - נישט אויפגעגעבן אויפן טיש דעם קאפ פון די פיש ווי יעדע וואך, צוליב די חשש פון ווערים וואס איז נתפרסם געווארן דורכן וועד הכשרות.

מיט די זמירות האט רבינו שליט''א מכבד געווען. כל מקדש: הרה''ג ר' שמואל לעוו שליט''א, מנוחה ושמחה: הרה"ח ר' יעקב הערש פריעדמאן הי''ו (וומסב''ג).

רבינו שליט''א האט געזאגט תורה אויפן מדרש "זאת חקת התורה שאלו מלאכי השרת אם כן למה מת משה'' און געטייטשט בדרך דרוש אין די סוגיא פון אין עשה דוחה לא תעשה ועשה.

קה אכסוף: הרה''ח ר' יואל ברא''ד ראטה הי''ו (ירושלים), ברכהמ"ז: הגה''צ ר' מנחם יודא גאטליעב שליט''א אב''ד ניאמץ וומסב''ג.

עובדות וסיפורים די וואך האט רבינו שליט''א דערציילט פון הרה''ק עטרת צבי מזידיטשויב זי"ע, וואס די יארצייט געפאלט זונטאג י''א תמוז. קה רבון עלם: הרה''ג ר' יואל יצחק שטערן שליט''א מו''ץ, ודומ''ץ ביהמ"ד דינוב בקר''י.

די פרישע חתנים זענען אדורך געגאנגן נעמען פירות, אז ביום השביעי: הרב אלטר ב''ר נפתלי וואגשאהל. מען האט געענדיגט ארום 1:45.

וביום השבת קודש

שב"ק צופרי איז רבינו שליט''א אריינגעקומען ארום 9:30. פסוקי דזמרה: הרה''ח ר' ירחמיאל ביטמאן הי''ו, וכרות האט דער רבי פארגעזאגט פסוק בפסוק און דערנאך צוגעגאנגען צום עמוד צו שחרית.

הוצאה והכנסה: הרה''ח ר' אברהם הערש שעהר הי''ו, פסוקי שמע ישראל: הרה''ג ר' שמואל לעוו שליט''א.

עליות. כהן: הר''ר חיים ראובן שעהנברוין הי''ו (וומסב''ג), לוי: הר''ר אהרן מאשקאוויטש הי''ו (וומסב''ג), שלישי: החתן ב''ר חיים משה ביטמאן הי''ו - באווארפן, רביעי: החתן ב''ר שלמה קליין הי''ו - באווארפן, חמישי: הרה''ג ר' נפתלי הירצקא צוויבל שליט''א ראה''כ וומסב''ג, שישי: רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענדע בעלי שמחה.
ר' יעקב יחזקאל ווייס הי''ו.
ר' חיים אברהם פרענקל הי''ו.

שביעי: בעל שמחה ר' שאול יודא שווארץ הי''ו - רבינו שליט"א האט געמאכט דעם מי שברך וקריאת השם לרגל הולדת בתו למז"ט, אחרון: הרה''ח ר' יצחק מארקאוויטש הי''ו, מפטיר: הרה''ח ר' אליעזר לעוו הי''ו (לאנדאן) הגבה: הרה''ח ר' שלמה קליין הי''ו, גלילה: הרה''ח ר' חיים פעלדמאן הי''ו (מאנסי).

מוסף: הגה''צ ר' מנחם יודא גאטליעב שליט''א אב''ד ניאמץ וומסב''ג, פתיחה לאנעים זמירות: הרה"ח ר' אברהם צבי עקשטיין הי''ו (בני ברק).

נאכן דאווענען איז פארגעקומען די ברית לבן הנולד לר' אליעזר ווייזער הי''ו, ווי דער רבי איז געווען סנדק ומוהל. מען האט געענדיגט 12:50.
רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 9:00. מנחה: הרה''ח ר' יחזקאל פרענקל הי''ו, הוצאה והכנסה: הר''ר נטע מרדכי קויפמאן שליט''א, כהן: הרה''ח ר' משה לייב טרעגער הי''ו (וומסב''ג), לוי: ר' שמחה ישראל לאנדא הי''ו, שלישי: הרה''ח ר' אלימלך שמשון ווייס הי''ו (לאנדאן), הגבה: רבינו שליט"א, גלילה: הרה''ח ר' יואל קליין הי''ו (ירושלים).

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' אליעזר לעוו הי"ו.

ביי די תורה האט זיך רבינו שליט"א געשטעלט אויפן פסוק "זאת חקת התורה" און געטייטשט אז די קריאה פון פרה אדומה האט דעם כח אריינצושיינען א טהרה אין אידישע הערצער אפילו אזעלכע וואס זענען חלילה נכשל געווארן אין הסתכלות אסורות און עבר ושנה נעשה לו כהיתר, עס איז מעורר דאס הארץ און העלפט תשובה צו טוען, אז מען גייט אין מקוה ווערט מקיום וזרקתי עליכם מים טהורים צו האבן אפגעהיטענע חושים און דינען דעם באשעפער מיט א ריין הארץ.

ידיד נפש: הרה''ח ר' יצחק מארקאוויטש הי''ו, קל מסתתר: הרה''ח ר' חיים לייב קויפמאן הי''ו (וומסב''ג). רבינו שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' אברהם הערש קליין הי''ו. נאך הבדלה איז מען אריבער זאגן א גוטע וואך, מען האט געענדיגט 11:20, און מען האט ארויסבאגלייט דעם רבי'ן בשירה ובזמרה מיט 'כי מלאכיו' לרגל נסיעת רבינו שליט''א קיין בעטלעהעם, ניו העמפשיר אי"ה דעם דאנערשטאג אויף מנוחת הנפש.

▫️ סאטמאר'ע נייעס 🌴 ▫️