סאטמארע נייעס

פרייטאג האזינו א' - ערב ראש השנה 'בצל הקודש' פון כ''ק רבינו הגה''ק שליט''א

באשמורת הבוקר אום 5:18 איז דער רבי אריינגעקומען אין ביהמ"ד הגדול מעוטף מיטן טלית און קאפל פון רביה"ק בעל דברי יואל זיע''א, און צוגעגאנגען צו סליחות 'זכור ברית' בהתעורורות רב.
מיט די פתיחות זענען נתכבד געווארן הרה"ח ר' יעקב האלענדער הי"ו און הרה"ח ר' עקיבא וויינשטאק הי"ו.
מען האט געענדיגט ארום 7:30 און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ''ד הגדול צו תפילת שחרית.
פארן דאווענען איז פארגעקומען די ברית'ן.
- לבן הנולד אצל ר' יעקב ב"ר יצחק פריעדמאן הי"ו ווי דער רבי איז געווען סנדק ומוהל.
- לבן הנולד אצל ר' יצחק מאשקאוויטש הי"ו ווי דער רבי איז געווען סנדק.

דער רבי האט געלייגט תפילין פאר די בר מצוה בחורים.
- ב"ר אלעזר פריעדמאן הי"ו.
- ב"ר אברהם יצחק גאלדבערגער ע"ה.

נאכן דאווענען האט דער רבי געזאגט פופצן קאפיטלעך תהילים או און מסיים געווען די צווייטע מאל תהילים כנהוג בחודש אלול. נאכן אויסטוהן די תפילין האט רבינו שליט"א געמאכט התרת נדרים פאר א מנין און געזאגט די מסירות מודעות, און זיי באדאנקט און אנגעוואונשן א כתיבה וחתימה טובה.

▫️ סאטמארע נייעס 🌴 ▫️

דאנערשטאג האזינו א' - ה' סליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריינגעקומען צו אמירת סליחות אין ביהמ"ד הגדול, בעל תפילה: הרה"ח ר' אלימלך שמשון שווארטץ הי"ו. מען האט געענדיגט ארום 6:25, און דער רבי איז אהיים לביתו נאוה קודש.

פארן דאווענען איז פארגעקומען א ברית לבן הנולד אצל ר' יושע ברי"י גפן הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. דער רבי האט געלייגט תפילין פאר די בר מצוה בחורים.
- ב"ר יואל ב"ר ברוך יצחק ווייס הי"ו.
- ב''ר ליפא מענדלאוויטש הי"ו.
ביים ליינען האט דער רבי עולה געווען שלישי. און נאכן דאווענען געבלאזן שופר און געזאגט פופצן קאפיטלעך תהילים כנהוג אום חודש אלול.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

זמני כניסה בקו''פ איז געווען פון 6:45 ביז 10:50 אויפדערנאכט בביתו נאוה קודש אויף איהעל קט.

דער רבי האט געדאווענט מנחה ארום 7:45 און מעריב ארום 10:50.

בעת די זמני כניסה איז פארגעקומען א אסיפה בקו''פ אינאיינעם מיט די הנהלה און אדמיניסטראציע פון 'עזר העלט סענטער' ווי מען האט א לענגערע צייט אויסגעשמועסט פילע דעטאלן וויאזוי צו אויסברייטערן און פארבעסערן די העלט סענטער לטובת אלפי תושבי קר"י, דערביי האט דער רבי ממנה געווען פרישע חברי הנהלה וועלכע זאלן שטיין צו די הילף פאר די ביז יעצטיגע הנהלה, ה"ה הרה"ח ר' יצחק שלמה פאלאטשעק הי"ו, הרה"ח ר' אליעזר דוד איצקאוויטש הי"ו, און הרה"ח ר' שלום יצחק הערשקאוויטש הי"ו.
דער רבי האט ארויסגעברענגט אז זיי אלע זענען שוין לאנג יעריגע עסקנים און וועלן קענען ניצן זייער עקספערטיז ארויסצוהעלן דעם העלט סענטער לשביעת רצון פון אלפי תושבי העיר, און ווארעם אנגעוואונטשן ברכת קדשו פאר די נייע חברי הנהלה, און פאר די יעצטיגע חברי הנהלה.


▫️ סאטמארע נייעס 🌴 ▫️

מיטוואך האזינו א' - ד' סליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריינגעקומען צו אמירת סליחות אין ביהמ"ד הגדול, בעל תפילה: הרה"ג ר' ארי' דוב קארנבלי שליט"א. מען האט געענדיגט ארום 6:20.
נאך סליחות איז פארגעקומען א ברית לבן הנולד אצל ר' שלמה מנשה ב"ר יואל פאלקאוויטש הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר יוסף שאול ליכטנשטיין הי"ו.
- ב"ר נפתלי הירצקא יאקאב הי"ו.
דער רבי האט געבלאזן שופר און געזאגט פופצן קאפיטלעך תהילים כנהוג אום חודש אלול.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

אין די נאכמיטאג שעות האט דער רבי טעלעפאניש מנחם אבל געווען האדמו"ר מסטריזוב שליט"א און הרה"ג ר' אלטר אליעזר הורוויץ שליט"א רב דביהמ"ד קדושת יו"ט דקהלתינו הק' ב"פ און אחיו הרה"ג ר' זלמן לייב הורוויץ שליט"א - דומ"ץ מכון להוראה מאנסי, היושבים ע"פ אחיו /אביהם הגה"צ אבד"ק זאלישא זצ"ל.

זמני כניסה בקו''פ איז געווען פון 6:45 ביז 12:15 אויפדערנאכט בביתו נאוה קודש אויף אוהעל קט.

ארום 7:30 האט דער רבי געדאווענט מנחה בביתו נאוה קודש.

בעת די זמני כניסה זענען אריין בקו''פ רבני וועד העירובין שע"י בית הוראה דקרית יואל און האבן איבערגעגעבן א באריכט פאר רבינו שליט"א איבער די פילע פעולות פון די וועד משך די פארלאפענע יאר פאר די פילע עירובין איבער גאנץ קרית יואל און אין אלע שכונות איבער קרית יואל המורחבת, ווי צווישן אנדערע האט מען אין די פארגאנגענע וואכן פארענדיגט די עירוב פאר שכונת קדושת לוי, און פונעם מאסיווע פראיעקט צוזאמשטעלן אלע עירובין פון די שכונת אין טאון אוו מאנראו מיט'ן צענטראלע קרית יואל עירוב, דערביי האבן די חברי הנהלת וועד העירובין איבערגעגעבן א באריכט איבער די הצלחה פונעם קאמפיין וועלכע איז פארגעקומען אין די פארגאנגענע וואכן לטובת די וועד העירובין, דער רבי איז איבערגעגאנגען די ליסטעס פון די גרעסערע נדבנים מיט גרויס קורת

רוח, און אנגעוואונטשן ברכת קדשו פאר די רבני והנהלת וועד העירובין און באזונדער פאר הרה"ג ר' יואל קאהן שליט''א יו"ר הוועד.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

דינסטאג האזינו א' - ג' סליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריינגעקומען צו אמירת סליחות אין ביהמ"ד הגדול, בעל תפילה: הרה"ח ר' אהרן ווערצבערגער הי"ו. מען האט געענדיגט ארום 6:30, און דער רבי איז אהיים לביתו נאוה קודש.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן אור אייניקל הב' הבר מצוה שמואל שמעלקא ט"ב ני"ו בן הר"ר חיים הערש טייטלבוים שליט"א בן חדבן הגה"צ רב דביהמ''ד ברך משה שליט"א.
דערנאך האט דער רבי געלייגט תפילין פארן בר מצוה בחור ב"ר בנציון גאלדמאן הי"ו.
דער רבי האט געבלאזן שופר און געזאגט פופצן קאפיטלעך תהילים כנהוג אום חודש אלול.

נאכן דאווענען איז פארגעקומען א מסיבת לחיים רבתי לרגל די שמחת הנחת תפילין בחדר אברהם יודא, מען האט געזינגען ניגוני שמחה, דער רבי האט געטרינקן לחיים און אנגעוואונטשן פארן בר מצוה בחור, פאר חדב"ן הגה"צ רב דביהמ"ד ברך משה שליט"א, פאר נכדו הר"ר חיים הערש שליט"א און פארן גאנצן ציבור, דערנאך האט דער בר מצוה בחור געזאגט די פשעטל און מען האט אריינגעזינגען כנהוג.
דערנאך האט דער רבי משמיע געווען דב"ק און ארויסגעברענגט אז תפילין איז מקשר כלל ישראל צו הקב"ה און פארדעם ניצט תשובה, במילא איז א בר מצוה א גוטע הכנה צו ראש השנה, און מסיים געווען בברכת קדשו.

בביתו נאוה קודש איז פארגעקומען א סעודת פת שחרית לרגל די שמחת הבר מצוה אינאיינעם מיט חדב"ן הגה"צ רב דביהמ"ד ברך משה שליט"א ובני משפחתו, עס האבן זיך פארצויגן שיינע שמועסן במנהגי חודש תשרי און מנהגי בר מצוה און מען האט געזינגען ניגוני שמחה.
מיטן בענטשן האט דער רבי מכבד געווען דער בר מצוה בחור הב' שמואל שמעלקא ט"ב ני"ו.

נאכמיטאג איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 4:30 ביז 11:30 אויפדערנאכט בביתו נאוה קודש אויף היוז סט.

דער רבי האט געדאווענט מנחה ארום 6:30 און מעריב ארום 9:50 בביתו נאוה קודש.

בעת די זמני כניסה זענען אריין בקו''פ אריבער הונדערט יתומות תלמידות פון מוסד אור חדש צו מקבל זיין ברכת הקודש לקראת די ימי הרחמים והרצון, די הנהלה האט איבערגעגעבן א באריכט פון די פילע פעולות פונעם מוסד לטובת די יתומות, דער רבי האט משמיע געווען ברכת הקודש פאר די יתומות און געבענטשט קייטלעך וואס וועט פארטיילט ווערן פאר אלע יתומות און מאציל געווען מברכת קדשו פאר אלע עסקני ועסקניות פונעם מוסד.

▫️ סאטמארע נייעס 🌴 ▫️

מאנטאג האזינו א' - ב' דסליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריין געקומען צו אמירת סליחות אין ביהמ"ד הגדול. בעל תפילה: הרה"ג ר' בערל גלאנץ שליט"א - מבארדיוב. מען האט געענדיגט ארום 6:25, און דער רבי איז אהיים לביתו נאוה קודש.

פארן דאווענען איז פארגעקומען א ברית לבן הנולד אצל ר' מענדל ב"ר יעקב פארקאש הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול.
ביים ליינען האט דער רבי עולה געווען שלישי, און נאכן דאווענען געבלאזן שופר און געזאגט פופצן קאפיטלעך תהילים כנהוג אום חודש אלול.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

זמני כניסה בקו''פ איז געווען פון 6:30 ביז 12:20 אויפדערנאכט בביתו נאוה קודש אויף איהעל קט.

אנהייב פון די זמני כניסה זענען אריין בקו''פ די מחותנים הרה"ג ר' אברהם יחזקאל פריעדמאן שליט"א אב"ד קאמאדע מאנסי און הר"ר אברהם פאנעט שליט"א בן האדמו"ר מדעעש קר"י שליט"א, מקבל זיין ברכת הקודש שטייענדיג אין די ימי השבע ברכות פון שמחת נישואי צאצאיהם למז"ט, עס האט זיך פארצויגן א שיינע שמועס און דער רבי האט אנגעוואונטשן פארן חתן, מחותנים, און די גאנצע משפחה.

ארום 7:50 האט דער רבי געדאווענט מנחה.

צווישן די הונדערטער אנ''ש וועלכע זענען אריין לברך ולהתברך זענען אריין בקו''פ. הרב הגאון רבי יואל הערש מאשקאוויטש שליט"א דומ"ץ קרית טאהש, הרה''ג ר' אברהם דוד ווארפמאן שליט"א אב"ד בוטשאטש מאנסי. הגה''צ ר' העניך מרדכי מייזליש שליט"א רב דביהמ"ד טאלטשאווע קר"י, און דער רבי האט אנגעוואונטשן ברכת קדשו לקראת די ימי הרחמים והרצון.

ארום 9:40 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' יואל ב"ר יצחק וויינגארטן הי"ו און הרה"ח ר' יודל מאשקאוויטש הי"ו.

ארום 12:00 איז געווען אויף א באזוך בקו''פ האדמו"ר מקיוויאשד שליט"א, עס האט זיך פארצויגן א שיינע שמועס איבער הרה"ק רבי דוד מ'קשאנוב זצ"ל וואס איז געווען די יארצייט, דער רבי האט אים מכבד געווען מיט לחיים און מאציל געווען מברכת קדשו, און אנגעוואונטשן פאר בנו הר"ר דוד האלבערשטאם שליט"א מנה''ר פון מוסדותינו הק' אין לינדען, און דערביי האט זיך פארמירט א שמועס איבער די בליה און וואוקס פון קהילתינו

ומוסדותינו הק' אין שטאט לינדען, און דער רבי האט אים ארויסבאגלייט ביז צו די גאס.

דער רבי האט געדאווענט מעריב ארום 12:20.

נאך די זמני כניסה האט דער רבי מנחם אבל געווען הרה"ח ר' ברוך מרדכי ראזענבערג הי"ו היושב ע"פ אביו הרה"ח ר' הערשל ע"ה.

▫️ סאטמארע נייעס 🌴 ▫️

זונטאג האזינו א' - א' סליחות 'בצל הקודש' פון כ''ק רבינו הגה''ק שליט''א

באשמורת הבוקר אום 5:20 איז דער רבי אריינגעקומען צו סליחות אין ביהמ"ד הגדול במקהלות אלופי אלפי אנ''ש, מעוטף מיטן טלית און קאפל פון רביה"ק בעל דברי יואל זיע''א, דער רבי איז צוגעגאנגען צום עמוד און פארגעזאגט די סליחות מיט גרויס התעוררות.
דער רבי האט פארגעזאגט אין א סליחות פון רביה"ק בעל דברי יואל זיע''א. מען האט געענדיגט אום 6:20, נאך סליחות האט דער רבי געלייגט תפילין פאר הב' ב"ר דוד ווייס הי"ו, און דער רבי איז אהיים לביתו נאוה קודש.

דער רבי איז אריינגעקומען צו תפילת שחרית אין ביהמ"ד הגדול ארום 9:50. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים הערש ב"ר אלי' גאלדבערגער הי"ו.
- ב"ר יחיאל מיכל פריעדמאן הי"ו.
- ב"ר אשר זאב בערגער הי"ו.
דער רבי האט געבלאזן שופר און געזאגט פופצן קאפיטלעך תהילים כנהוג אום חודש אלול.

נאכן דאווענען איז פארגעקומען א ברית לבן הנולד אצל ר' קלמן אליעזר ווייס הי"ו ווי דער רבי איז געווען סנדק ומוהל.

נאך חצות איז דער רבי אריבער אין שטוב פון נכדו הרב יושע מרדכי אלעזר לאבין שליט"א חתן חדב"ן הגה"צ רב דביהמ"ד ברך משה שליט"א, צו די חאלאקע פון בנו הילד נפתלי צבי ני"ו.
דער רבי האט אפגעשניטן עטליכע האר און אנגעטוהן די קאפל און ציצית, און אנגעוואונטשן ברכת קדשו, דערנאך האט זיך דער רבי געוואשן צו פת שחרית, עס האט זיך פארצויגן שיינע שמועסן בסיפורי צדיקים לבית זידיטשוב און מען האט געזינגען ניגוני שמחה. דער רבי האט געבענטשט אויפן כוס, מען האט געענדיגט ארום 2:00.

זמני כניסה בקו''פ איז געווען פון 6:45 ביז 11:30 אויפדערנאכט בביתו נאוה קודש אויף איהעל קט.

ארום 8:10 האט דער רבי געדאווענט מנחה.

ארום 9:00 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' מרדכי יואל לעבאוויטש הי"ו און הרה"ח ר' ישעי' בנימין שפילמאן הי"ו.

דער רבי האט געדאווענט מעריב ארום 10:50 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

שב''ק פרשת נצו"י 'בצל הקודש' פון כ''ק רבינו הגה''ק שליט''א

פרייטאג צונאכטס ארום 8:00 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' צבי טובי' עפשטיין הי"ו. מען האט געענדיגט ארום 9:35. דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 10:35 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי שיעור ג' פון אלע סניפי ישיבות קטנות פון מוסדות קרית יואל, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' חיים הערש אשכנזי ני"ו בן הר"ר מאיר יודא אשכנזי שליט"א חתן חדב"ן הגה"צ רב דביהמ"ד אבני צדק שליט"א.
- הגבהת הכוס: הר"ר ברוך שלמה וויינבערגער שליט"א - ראש המנהלים.
מיט די זמירות האט דער רבי מכבד געווען די מנהלי ישיבה קטנות.
- כל מקדש: הרה''ג ר' חיים לייב זילבערשטיין שליט"א - מנהל סניף ייטב פנים.
- מנוחה ושמחה: הרה''ג ר' חיים אליעזר דאווידאוויטש שליט"א - מנהל סניף אבני צדק.

דער רבי האט האט געזאגט תורה אויפן פסוק 'אתם נצבים היום כולכם' און געטייטשט בדרך דרוש אין די סוגיא פון חצי שיעור.

- קה אכסוף: הרה''ג ר' שמואל מאיר לעווי שליט"א - מנהל סניף קדושת יו"ט.
- ברכת המזון: הרה''ג ר' ברוך שלמה וויינבערגער שליט"א.

עובדות וסיפורים די וואך האט רבינו שליט''א דערציילט פון הרה"ק רבי מרדכי דוב מהארנסטייפל זיע''א וואס די יארצייט איז געווען פרייטאג כ"ב אלול.

- קה רבון עלם: הרה"ח ר' יעקב הערש בר"ש היימאן הי"ו (וומסב''ג).
די פרישע חתנים זענען אריבער נעמען פירות.
- אז ביום השביעי: נכד רבינו הרב ליפא רובין שליט"א חתן חדב"ן הגה"צ רב דביהמ"ד ברך משה שליט"א.
מען האט געענדיגט ארום 1:25.

וביום השבת

שב''ק אינדערפרי איז דער רבי אריינגעקומען צום דאווענען ארום 9:40.
- ברכות: הרה"ח ר' ישראל ארי' פישער הי"ו (ב"פ).
- פסוקי דזמרה: הרה"ח ר' משה פאלקאוויטש הי"ו.
דער רבי איז צוגעגאנגען צו שחרית.

- הוצאה והכנסה: הרה"ח ר' יונה בערנאטה הי"ו.
- פסוקי שמע ישראל: הרה"ג ר' דוד יודא הירשפעלד שליט"א דומ"ץ מונקאטש מאנסי.
- הולכת הס"ת לבימה: הרב אלטר וואגשאהל שליט"א (ב"פ).
עליות.
- כהן: החתן משה ב"ר מאיר מענדל ווייס הי"ו.
- לוי: החתן שלמה יעקב ב"ר מרדכי יחזקאל לעווי הי"ו.
- שלישי: החתן בנימין זאב ב"ר הלל הערשקאוויטש הי"ו.
- רביעי: ר' עמרם אקער הי"ו.
- חמישי: ר' שלמה מנשה בר"ש דייטש הי"ו, און דער רבי האט קורא שם געווען לרגל הולדת בתו למז''ט.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' שמואל מאיר שרייבער הי"ו.
- ר' ברוך מרדכי אקערמאן הי"ו.
- ר' יעקב נפתלי קאסירער הי"ו.
- ר' יעקב ברד"ל גליק הי"ו.

- שביעי: ר' שלמה ברא"מ בראך הי"ו, און דער רבי האט קורא שם געווען לרגל הולדת בתו למז''ט.
- אחרון: ר' נחום מרדכי ברמ"ח שפיטצער הי"ו, און דער רבי האט קורא שם געווען לרגל הולדת בתו למז''ט.
- מפטיר: הרה"ח ר' בערל פאלאטשעק הי"ו.
- הגבה: הרה"ח ר' יודא לייב מאשקאוויטש הי"ו.
- גלילה: הרה"ח ר' הלל הערשקאוויטש הי"ו (וומסב''ג).
- החזרת הס"ת: הרה"ח ר' יצחק אהרן הירשפעלד הי"ו (מאנסי).

- מוסף: הרה"ח ר' נפתלי הירצקא קאהן הי"ו.
- פתיחה צו אנעים זמירות: הרב יצחק אייזיק רובין שליט"א (ב"פ).
מען האט געענדיגט ארום 12:25.

נאכמיטאג ארום 7:00 איז דער רבי אראפ אינטן אינעם זאל בביתו נאוה קודש ווי די קאפעליע האט פארגעזינגען די נייע ניגונים וואס זענען פארפאסט געווארן לקראת די ימים נוראים הבעל"ט, דער רבי האט זיך צוגעהערט צו די ניגונים א לענגערע צייט און מאציל געווען מברכת קדשו.

רעוא דרעווין
דער רבי איז אריינגעקומען צו תפילת מנחה ארום 7:55.
- בעל תפילה: ר' מאיר שלמה פילאפף הי"ו.
- הוצאה והכנסה: הרה"ח ר' מאיר מענדל ווייס הי"ו.
- כהן: ר' יעקב ב"ר יצחק פריעדמאן הי"ו.
- לוי: הרה"ח ר' דוד יערמיאש הי"ו.
- שלישי: חדב"ן הגה"צ רב דביהמ"ד אבני צדק שליט"א.
- הגבה: רבינו שליט''א.
- גלילה: הרה"ח ר' יעקב הערש ניישטאדט הי"ו.

זמירות ביי של"ס האט דער רבי מכבד געווען.
- אודה: הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'אתם נצבים היום כולכם' און געטייטשט אז דורך טבילה במקוה איז מען זוכה אז הקב"ה איז קונה כלל ישראל מיט קנין משיכה דורך קורא לה והיא בא און מען דארף נישט צוקומען צו הכישה במקל, און נאכגעזאגט פונעם חתם סופר אז א יאר וואס ראש השנה חל בשבת קומט צו נאך א מעת לעת פון קדושת שבת, איז דא ע"ב שעות כמנין חס"ד און עס איז מעורר מידת החסד פון הקב"ה אז עס זאל זיין קורא לה והיא בא.

- ידיד נפש: הרה"ח ר' יצחק מארקאוויטש הי"ו.
- קל מסתתר: הרה"ח ר' ברוך מרדכי גאלדבערגער הי"ו (ב"פ).
דער רבי האט געבענטשט על הכוס און געזאגט שבע ברכות.

- מעריב מוצש''ק: הרה"ח ר' נפתלי הירצקא קאהן הי"ו.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 10:15.

▫️ סאטמארע נייעס 🌴 ▫️

דאנערשטאג נצו"י 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד בביתו נאוה קודש ארום 8:15. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר הלל שפיטצער הי"ו.
- ב"ר יחזקאל אביגדור קליין הי"ו.
ביים ליינען איז דער רבי געגאנגען הגבה. און נאכן דאווענען געבלאזן שופר און געזאגט פופצן קאפיטלעך תהילים כנהוג אום חודש אלול. דערנאך איז פארגעקומען א לחיים מיטן בר מצוה בחורים בחדרו הפרטי.

ארום 10:30 האט דער רבי פארלאזט ביתו נאוה קודש אויפן וועג צום סטוארט לופטפעלד, פון ווי דער פריוואטער פליגער האט זיך געהויבן ארום 12:05 אויפן וועג קיין וואשינגטאן די. סי. צום היסטארישע רבנישע דעלעגאציע באזוך אינעם ווייסן הויז אין וואשינגטאן הבירה, דורך גדולי הרבנים אין שפיץ פון רבינו שליט"א אויף א זעלטענע אסיפה מיט פרעזידענט טראמפ יר"ה.
[זעה עקסטער די פולע באריכט פונעם אסיפה אין די פריערדיגע באריכטן].

ארום 5:05 נאך א קורצע הפסקה אינעם ספעציעלן צימער אינעם עירפארט האט זיך געהויבן דעם רבי'נס פריוואטע פליגער און האט געלאנדעט אין סטוארט לופטפעלד ארום 5:55.

פון דארט איז דער רבי צוריק געפארן אהיים קיין קר"י און תיכף צוגעפארן צו ביתו נאוה קודש אויף איהעל קט. אויפצונעמען אנ''ש לקראת הימי הרחמים והרצון.

זמני כניסה בקו''פ איז געווען פון 6:30 ביז 12:50 אויפדערנאכט בביתו נאוה קודש אויף איהעל קט.

ארום 7:15 האט דער רבי געדאווענט מנחה בביתו נאוה קודש.

ארום 7:50 האט דער רבי מסדר קידושין געווען ביי די חופה פון די מחותנים הרה"ח ר' משה לייב וויטריאל הי"ו און הרה"ח ר' יוסף פנחס סטרולאוויטש הי"ו אין די זאלן פון גינת קליין.

בעת די זמני כניסה איז פארגעקומען א כתיבת האותיות פאר די ס''ת וואס ווערט געשריבן דורך הרה"ח ר' יושע ברך וויינער הי"ו און ווערט אריינגעגעבן דעם שב"ק אין ביהמ"ד בנין בראך דקהלתינו הק' וומסב''ג, דער רבי האט אריינגעשריבן עטליכע אותיות און מאציל געווען מברכת קדשו.

ארום 9:45 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' יואל אברהם וואלף אפפעל הי"ו און הרה"ח ר' בערל גאלד הי"ו.

דער רבי האט געדאווענט מעריב ארום 12:20 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מיטוואך נצו"י 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד עצי חיים סיגוט אויף היוז סט. אינאיינעם מיט די לומדי כולל בוקר שע''י ביהמ''ד סיגוט.
פארן דאווענען האט דער רבי געלייגט תפילין פארן בר מצוה בחור ב"ר יואל בלייך הי"ו.
נאכן דאווענען האט דער רבי געבלאזן שופר און געזאגט פופצן קאפיטלעך תהילים כנהוג אום חודש אלול. דערנאך איז פארגעקומען א מסיבת לחיים מיטן בר מצוה בחור בחדרו הפרטי בביתו נאוה קודש.

ארום 12:30 איז דער רבי אריבערגעפארן קיין ב"פ צו די יערליכע זמני כניסה.

ביים אנקומען אין ב"פ ארום 1:15 איז דער רבי צום ערשט אריבער בבית מדרשינו אויף די 15'טע עוו. מלובש בבגדי שבת צום ברית פון נכד אחיו הגה"צ רב דקהלתינו ב''פ 15 שליט"א, בן הנולד אצל הרב שמעון טייטלבוים שליט"א בן הגה"צ אב"ד סאסוב שליט"א וחתן הגה"צ אב"ד אלעסק לינדען שליט"א.
דער רבי איז מכובד געווארן מיט סנדקאות ומוהלות און דערנאך פארגעזאגט די ברכות וקריאת השם.
נאכן ברית איז דער ציבור אריבער וואונטשן מזל טוב.
דערנאך איז פארגעקומען א מסיבת לחיים בהיכל הביהמ"ד, עס האט זיך פארצויגן א שיינע שמועס דער רבי האט געטרינקן לחיים און מאציל געווען מברכת קדשו. און דער משמש הרה"ח ר' אסף וואהלבערג הי"ו האט געמאכט די מי שברך כנהוג.

ארום 1:55 איז דער רבי אנגעקומען בהיכל כוללינו 'כולל דברי יואל' ווי דער רבי האט פארגעלערנט א סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, דערביי איז געהערט געווארן א הוקאפ פונעם סוגיא שיעור בהיכל המתיבתא אין קר"י.
ביים אנקומען אין כולל האט זיך דער רבי באגריסט מיט הגה"צ דומ"ץ קהלתינו ב''פ שליט"א און מיט די חברי הנהלת ורבני הכולל, דער רבי האט אנגעהויבן בשבח פון די לומדי הכולל און געזאגט אז עס איז א שמחה צו קענען פארלערנען א סוגיא שיעור פאר די כולל אינגעלייט, און נאכן שיעור געזאגט דברי הדרכה אז א מענטש טאר נישט אונטערשאצן זיינע מצוות ומעשים טובים נאר וויסן אז יעדע קלייניגקייט יעדע חצי שיעור איז חשוב ביי הקב"ה, און מסיים געווען בברכת קדשו.

מען האט געענדיגט ארום 2:20 און דער רבי איז אריבער לבית האכסניא אין שטוב פון הרה"ח ר' משה כהנא הי"ו.

ארום 4:10 איז דער רבי אנגעקומען בחדרו הפרטי אין ביהמ"ד הגדול צו די זמני כניסה פאר אנ''ש תושבי בארא פארק לברך ולהתברך לקראת די ימי הרחמים והרצון.

ארום 4:30 איז געווען אויף א באזוך בקו''פ כ"ק אדמו"ר מסערדאהעלי שליט"א, עס האט זיך פארצויגן א שיינע שמועס אין די סוגיא פון חצי שיעור און איבער פארשידענע שתדלנות באזוכן דורך פריערדיגע גאונים און צדיקים ביי מלכים ושרים לטובת הכלל והפרט, און דערביי האט ער געוואונטשן פארן רבין צו מצליח זיין ביי די אויפנאמע ביים פרעזידענט יר"ה, דער רבי האט אים מכבד געווען מיט לחיים און האדמו"ר מסערדאהעלי שליט"א האט איבערגעגעבן א קוויטל פאר רבינו שליט"א און דער רבי האט אים מאציל געווען מברכת קדשו.

עס האבן זיך אנגעזען הרבנים הגאונים רבני ודייני קהילתינו רבני העיר וראשי ישיבות ונכבדי העדה וואס זענען אריין בקו''פ לקראת די ימי ימים הנוראים הבעל"ט.
צווישן אנדערע זענען אריין בקו''פ הגה"צ רב דקהלתינו ב"פ שליט"א און הגה"צ רב דקהלתינו ב"פ 15 שליט"א, און עס האט זיך פארצויגן שיינע שמועסן בדברי תורה וסיפורי צדיקים.
ארום 6:15 האט דער רבי געדאווענט מנחה בהיכל הביהמ"ד, בעל תפילה: ר' עמרם יואל שאלאמאן הי"ו.

ארום 8:15 איז דער רבי אריבער אין שטוב פון הרה"ח ר' משה כהנא הי"ו פאר א קורצע הפסקה, און נאך א שטיק צייט איז דער רבי צוריקגעקומען אין ביהמ"ד און ממשיך געווען אויפנעמען דעם ציבור.

דער רבי האט געדאווענט מעריב ארום 10:50 בהיכל הביהמ"ד, בעל תפילה: הרה"ח ר' יחיאל יודא פריעדמאן הי"ו. און דערנאך ווייטער ממשיך געווען אויפצונעמען דעם ציבור ביז ארום 12:20.

נאך די זמני כניסה ארום 12:30 איז דער רבי אריבער אין די זאלן פון 'די לעגעסי' צום שמחת החתונה פון נכדת כ"ק אדמו"ר מצאנז ז'מיגראד שליט''א, החתן בן הר"ר שמואל קליין שליט"א בן הגה"צ ר' מרדכי בצלאל קליין שליט''א דומ"ץ קהלתינו לעיקוואד, עב"ג הכלה בת הרה"צ ר' חיים מאיר גרינוואלד שליט"א אבד"ק טעטש ב"פ, חתן כ"ק אדמו"ר מצאנז ז'מיגראד שליט"א.
דער רבי האט געטרינקן לחיים און אנגעוואונטשן פארן חתן, מחותנים, און זיידעס שליט"א, און פארן גאנצן ציבור, דערנאך האט האדמו"ר מצאנז ז'מיגראד שליט''א ארויסבאגלייט רבינו שליט''א ביז די גאס.
ארום 12:40 איז דער רבי אהיימגעפארן לביתו נאוה קודש אין קר"י.

▫️ סאטמארע נייעס 🌴 ▫️

דינסטאג נצו"י 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' חיים ברי"ש פריעדמאן הי"ו ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד אמרי נועם בשכונת דברי יואל אינאיינעם מיט תלמידי ישיבה גדולה סניף עסק התורה פון מאנסי בהנהלת הר"ר ישראל מרדכי זיידענפעלד שליט"א.
פארן דאווענען האט דער רבי געלייגט תפילין פארן בר מצוה בחור ב"ר אפרים גאלדמאן הי"ו.
דער רבי האט געבלאזן שופר און געזאגט פופצן קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק ו'. דערנאך איז פארגעקומען א מסיבת לחיים לרגל סיום הזמן בהיכל הביהמ"ד, דער רבי האט געטרינקן לחיים און אנגעוואונטשן פארן בר מצוה בחור און די רמ"י ותלמידי הישיבה, און משמיע געווען דב"ק און ארויסגעברענגט די געוואלדיגע הצלחה וואס די ישיבה האט געהאט די יאר ווי מען האט געהערט גאר גוטע גריסן פון די ישיבה, און אנגעוואונטשן גוטע שידוכים פאר אלע בחורים.
דערנאך האט דער רבי פארטיילט ספר ברך משה - סוגיות הש"ס פאר אלע בחורים.

נאך שחרית איז דער רבי אריבער בביהמ"ד בביתו נאוה קודש אויף אוהעל קט. ווי עס איז פארגעקומען א ברית לבן הנולד אצל הרה''ח ר' הערשל ווערטהיימער הי"ו מראה"ק במאנסי, ווי דער רבי איז געווען סנדק ומוהל.
דערנאך איז פארגעקומען א מסיבת לחיים בהיכל הביהמ"ד, עס האט זיך פארצויגן א שיינער שמועס דער רבי האט געטרינקן לחיים און מאציל געווען מברכת קדשו, און דער משמש הרה"ח ר' יואל קויפמאן הי"ו האט געמאכט דעם מי שברך כנהוג.

ארום 1:45 איז דער רבי אריבער בהיכל המתיבתא סניף ברך משה ווי דער רבי האט פארגעלערנט דעם זיבעטן סוגיא שיעור אין די סוגיא פון 'חצי שיעור' אלץ הכנה צום שבת שובה דרשה.

ביים סוף האט דער רבי ארומגערעדט איבער די סוגיא שיעורים זאגענדיג אז נאכן פארלערנען זיבן סוגיא שיעורים האלט מען נאך אלץ ביי א חצי שיעור, און עס איז נאך דא אסאך צו עוסק זיין אין די סוגיא, און געזאגט אז מארגן מיטוואך וועט מען נישט פארלערנען זייענדיג אין בארא פארק און דאנערשטאג אויב וועט זיין א מעגליכקייט וועט מען בעז"ה פרובירן פארצולערנען א סוגיא שיעור, און אויסגעפירט אז בכל אופן זאלן די בחורים זעהן אויסצוניצן די צייט און ענדיגן די וואך מיט לימוד התורה.
נאכן שיעור האט זיך דער רבי מפלפל געווען מיט די בחורים, מען האט געענדיגט ארום 2:45.

נאך סוגיא איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 4:30 ביז 11:30 אויפדערנאכט בביתו נאוה קודש אויף היוז סט.

בעת די זמני כניסה איז אריין בקו''פ הגה"צ ר' יקותיאל טייטלבוים שליט"א לברך ולהתברך לקראת די ימים נוראים הבעל"ט, עס האט זיך פארצויגן א שיינער שמועס און דער רבי האט אים מאציל געווען מברכת קדשו.

דער רבי האט געדאווענט מנחה ארום 6:00, און מעריב ארום 10:30.

▫️ סאטמארע נייעס 🌴 ▫️

מאנטאג נצו"י 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר אליעזר דוד גליק הי"ו.
- ב"ר ציון עובדי' מאסרי הי"ו.
ביים ליינען איז דער רבי געגאנגען הגבה, און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול, און דערנאך פארגעלערנט דעם טעגליכן תהילים שיעור אויף קאפיטל ל"ב פסוק ה'. דערנאך איז פארגעקומען א לחיים מיט די בר מצוה בחורים בחדרו הפרטי.
אויך האט דער רבי פארטיילט א מתנה א לעדערנע סידור פאר א קבוצה בחורים וועלכע האבן אריינגעברענגט טויזענט דאלער פאר קופת זכרון משה להחזקת מוסדות עטה"ק בארה"ק.

ארום 1:45 איז דער רבי אריבער בהיכל המתיבתא סניף ברך משה ווי דער רבי האט פארגעלערנט דעם זעקסטן סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן שיעור האט זיך דער רבי מפלפל געווען מיט די בחורים, מען האט געענדיגט ארום 2:35.

זמני כניסה בקו''פ איז געווען פון 6:30 ביז 1:20 אויפדערנאכט בביתו נאוה קודש אויף איהעל קט.

ארום 7:20 האט דער רבי געדאווענט מנחה בביתו נאוה קודש.

נאך מנחה האט דער רבי מסדר קידושין געווען ביי די חופה פון די מחותנים הרה"ח ר' יואל בר"נ גרינפעלד הי"ו און הרה"ח ר' משה אקערמאן הי"ו אין די זאלן פון גינת קליין.

ארום 9:15 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' שניאור פייוויש וועבערמאן הי"ו און הרה"ח ר' יעקב יודא גפן הי"ו.

בעת די זמני כניסה איז געווען אויף א באזוך בקו''פ הרה"צ ר' נפתלי מנחם ווייס שליט"א אדמו"ר מספינקא בית שמש, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

דער רבי האט געדאווענט מעריב ארום 12:50 און דערנאך ווייטער ממשיך געווען אויפנעמען דעם ציבור.

נאך מעריב זענען אריין בקו''פ עסקני מרכז עזרה ויועץ אינאיינעם מיט איינע פון די לויערס פונעם מרכז ר' משה וויינבערג הי"ו וועלכע העלפט ארויס די צענדליגע בחורים און אינגעלייט וועלכע שמאכטן ליידער אין די מיליטערישע תפיסות זיי ארויסצוראטעווען פון תפיסה, ובפרט מיט'ן מחזק זיין און גרינגער מאכן בשעת'ן שמאכטן אין תפיסה, און העסקן ר' וועלוול קופטשיק הי"ו פון בית שמש מגדולי עסקני המרכז, עס האט זיך פארצויגן א לענגערע שמועס איבער דעם שווערן מצב מיט די צענדליגער בחורים און אינגעלייט וועלכע זיצן אין די תפיסות און איבער די הילף וואס מען שטעלט זיי צו אין די צייט וואס מען זיצט אין תפיסה, און דער רבי האט מאציל געווען מברכת קדשו.

▫️ סאטמארע נייעס 🌴 ▫️

זונטאג נצו"י 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יואל ברצ"א עקשטיין הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
- בן הר"ר דוד שלמה לאוב שליט"א.
- ב"ר נפתלי הירצקא הורוויץ הי"ו.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:50 איז דער רבי אריבער בהיכל המתיבתא סניף ברך משה ווי דער רבי האט פארגעלערנט די פונפטע סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן שיעור האט זיך דער רבי מפלפל געווען מיט די בחורים, מען האט געענדיגט ארום 2:40.

ארום 4:30 איז דער רבי אנגעקומען אין ביהמ"ד ישראל שלום בשכונת ויואל משה צו די סיום חמשה חומשי תורה דורך די תלמידי כתה ה' פון מוסדותינו הק' סניף בנין מארקאוויטש בהנהלת הר"ר משה ארי' מארק שליט"א, מען האט געזינגען עטליכע ניגונים און עס איז פארגעקומען די פארהער אויף חמשה חומשי תורה דורך דער מלמד הר"ר אהרן ברי"י וויינשטאק שליט"א.
דער רבי האט געטרינקן לחיים און אנגעוואונטשן פאר די מלמדים, הנהלה, און קינדער, און דערנאך משמיע געווען דב"ק און ארויסגעברענגט די גרויסע שמחה ווען אזויפיל קינדער זענען מסיים חמשה חומשי תורה מיט א שטארקע בקיאות, און לערנען אין א מסגרת ווי מען ניצט אויס יעדע מינוט אויף לימוד והבנת התורה, און מסיים געווען בברכות לרוב.

זמני כניסה בקו''פ איז געווען פון 6:30 ביז 12:50 אויפדערנאכט בביתו נאוה קודש אויף איהעל קט.

ארום 7:20 האט דער רבי געדאווענט מנחה בביתו נאוה קודש.

נאך מנחה האט דער רבי מסדר קידושין געווען ביי די חופה פון די מחותנים.
- הרה"ח ר' יחזקאל טעללער הי"ו און הרה"ח ר' ישראל מרדכי וואנחאצקער הי"ו אין די זאלן פון כינור דוד.
- הרה"ח ר' מאיר מענדל ווייס הי"ו און הרה"ח ר' יואל ברי"ל מאשקאוויטש הי"ו אין די זאלן פון בית רחל פאראדייס.

ארום 9:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' הלל אלימלך שפיטצער הי"ו און הר"ר אברהם הערש זאלדאן שליט"א.
- הרה"ח ר' יצחק ליפא גוטמאן הי"ו און הרה"ח ר' יעקב יושע כהנא הי"ו.
- הרה"ח ר' יודא הערש שווארטץ הי"ו און הרה"ח ר' זלמן לייב פעלבערבוים הי"ו.

דער רבי האט געדאווענט מעריב ארום 12:50.

▫️ סאטמארע נייעס 🌴 ▫️

שב''ק פרשת כי תבא 'בצל הקודש' פון כ''ק רבינו הגה''ק שליט''א

ערב שב"ק נאכמיטאג ארום 6:00 איז דער רבי אריבער צו די נייע 'מכובד זאלן' בביתו נאוה קודש אויף איהעל ווי עס איז די וואך צום ערשטן מאל פארגעקומען פיר שמחת שבת שבע ברכות אויף די מכובד סטאנדארטן פאר די ביליגע פרייז פון $2,700, דער רבי האט זיך אומגעקוקט אויף אלע זאלן און דערביי געהערט א באריכט פון די עסקנים איבער די גרויסע סוקסעס פון די נייע זאלן ווי ס'איז שוין דא איבער 100 בוקינגס שטייענדיג קוים א חודש נאכן אנהייבן אננעמען שמחות, און דער רבי האט אנגעוואונטשן ברכת קדשו.

פארן זמן הדלקה"נ האט דער רבי אנגעטוהן די שטריימל פאר די חתנים.
- החתן משה ב"ר מאיר מענדל ווייס הי"ו.
- החתן חיים שלום ב"ר אברהם אלי' פויגעל הי"ו.
- החתן משה ב"ר יחזקאל טעללער הי"ו.
- החתן ישראל מאיר ב"ר יואל ברא"ש שווארטץ הי"ו.

ארום 8:10 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' שלום מאיר עקשטיין הי"ו. מען האט געענדיגט ארום 9:50. דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 10:50 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הרה"ח ר' משה יוסף ווערטהיימער הי"ו (וומסב''ג).

פאר די פיש האט דער רבי משמיע געווען דב"ק בדברים העומדים על הפרק, איבער די הזמנה וואס מען האט באקומען די וואך פונעם ווייסן הויז אריבערצוקומען זיך צו טרעפן מיטן פרעזידענט יר"ה, דער רבי האט געזאגט אז מתחילה האב ער עס אפגעזאגט זאגענדיג אז עס איז בכלל נישט קיין גדולה צו זיצן מיט א גוי אז מען זאל אוועקגעבן אזויפיל צייט פאר דעם, ובפרט אז מען שטייט יעצט אין חודש אלול און מען דארף זיך גרייטן צו די ימים נוראים און פארלערנען שיעורי סוגיא 'חצי שיעור' בהיכל הישיבה, אבער וויבאלד מען איז געקומען זאגן אז עס קען ארויסקומען א הילף פאר אחב"י וועלכע זענען בעת צר האט מען אפגעמאכט אז מען גייט יא פארן און האפענטליך וועט מען קענען פועל'ן וואס מען דארף, דער רבי האט אויסגעפירט מיט א בקשה צו די בחורים אז מען זאל נישט ליגן אין די נייעס און זיך נישט קאכן אין דעם כדרכו של בחורים, נאר מען זאל עוסק זיין אין די סוגיא פון חצי שיעור, און ממליץ געווען אז איין שיעור אין די סוגיא פון חצי שיעור איז מער ווערד פון די גאנצע מעשה. דערויף האט מען ממשיך געווען מיט פייערדיגע נגינה 'אשר בחר בנו מכל עם'.

- כל מקדש: הרה"ג ר' שמחה שלום שטיינבערגער שליט"א - רב דביהמ"ד דברי חיים.
- מנוחה ושמחה: הרה"ג ר' ישעי' גדלי' קויפמאן שליט"א דומ"ץ קראלי וומסב''ג.

דער רבי האט געזאגט תורה אויפן פסוק 'ועתה הנה הבאתי את ראשית פרי האדמה' און געטייטשט אז וויבאלד כלל ישראל האט א דין אשה לבעלה צו הקב"ה און די הלכה איז אז האשה ששברה כלי בבית בעלה איז פטור, במילא איז כלל ישראל אויך פטור טראץ וואס מיט יעדע עבירה איז מען פוגם בעולמות העליונים.

- קה אכסוף: הר"ר משה אהרן דאווידאוויטש שליט"א מסעקלעהיד ב"ב.
- ברכת המזון: הגה''צ ר' הערש אלימלך טייטלבוים שליט"א רב דביהמ"ד תפילה למשה ב"פ.

עובדות וסיפורים די וואך האט רבינו שליט''א דערציילט פון הגאון רבי יונתן אייבשיץ זצ"ל וואס די יארצייט געפאלט דאנערשטאג כ"א אלול.
- קה רבון עלם: הרה"צ ר' שלום לייפער שליט"א אב"ד דינוב בית שמש.
די פרישע חתנים זענען אריבער נעמען פירות, און עס איז פארגעקומען א שלום זכר ביי ר' יושע בר"ח קארנבלי הי"ו.
- אז ביום השביעי: הר"ר משה אלי' גרין שליט"א (וומסב''ג).
מען האט געענדיגט ארום 1:50.

וביום השבת

שב''ק אינדערפרי איז דער רבי אריינגעקומען צום דאווענען ארום 9:40.
- ברכות: הרה"ח ר' ארי' בר"מ הערשקאוויטש הי"ו.
- פסוקי דזמרה: הרה"ח ר' אברהם גוטמאן הי"ו (וומסב''ג).
דער רבי איז צוגעגאנגען צו שחרית.

- הוצאה והכנסה: הרה"ח ר' דניאל בוכינגער הי"ו (מאנסי).
- פסוקי שמע ישראל: הר"ר משה אהרן דאווידאוויטש שליט"א.
- הולכת הס"ת לבימה: הרה"ח ר' מאיר סימאן הי"ו.
עליות.
- כהן: החתן משה ב"ר מאיר מענדל ווייס הי"ו - באווארפען.
- לוי: הרה"ח ר' חיים הערש אפפעל הי"ו.
- שלישי: הגה''צ ר' הערש אלימלך טייטלבוים שליט"א.
- רביעי: החתן חיים שלום ב"ר אברהם אלי' פויגעל הי"ו - באווארפען.
- חמישי: החתן משה ב"ר יחזקאל טעללער הי"ו - באווארפען.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' חיים הערש גלאנצער הי"ו.
- ר' מענדל בר"ב קליין הי"ו.

- שביעי: החתן ב"ר יואל בר"א גוטמאן הי"ו.
- הוספות: החתן יושע ב"ר ישראל העניך קרויס הי"ו.
- החתן דוד אלי' ב"ר יואל ברמ"ש ווייס הי"ו.
- הרה"ח ר' יצחק עהרנפעלד הי"ו.
- אחרון: החתן קלמן אליעזר ב"ר מאיר זאלדאן הי"ו.
- מפטיר: הרה"ג ר' יצחק שלום פריעדמאן שליט"א - מו"ץ.
- הגבה: הרה"ח ר' דוד שטוהל הי"ו.
- גלילה: הרה"ח ר' מאיר מענדל ווייס הי"ו.
- החזרת הס"ת: הרה"ח ר' יודא ארי' מאשקאוויטש הי"ו.

- מוסף: הרה"ח ר' משה גאלדשטיין הי"ו.
- פתיחה צו אנעים זמירות: הרה''ח ר' קאפיל שעהנברוין הי''ו.
מען האט געענדיגט ארום 12:35.

ביים קידושא רבא בביתו נאוה קודש האט מען געזינגען ניגוני שמחה לרגל די שמחת הקידושא רבא פון נכדת רבינו, בת הנולדה אצל הרב חיים שלמה הורוויץ שליט"א חתן הגה"צ רב דביהמ"ד ישראל שלום שליט"א וועלכע איז פארגעקומען אין וומסב''ג.

רעוא דרעווין

דער רבי איז אריינגעקומען צו תפילת מנחה ארום 8:15.
- בעל תפילה: הרה"ח ר' אלחנן טויב הי"ו.
- הוצאה והכנסה: הרה"ח ר' יעקב דוב לעווי הי"ו.
- כהן: הרה"ח ר' אליעזר דוד גליק הי"ו.
- לוי: הרה"ח ר' אליעזר דוד אינזליכט הי"ו.
- שלישי: הר"ר יודא בער טעללער שליט"א (וומסב''ג).
- הגבה: רבינו שליט''א.
- גלילה: הרה"ח ר' שלמה שטוהל הי"ו (וומסב''ג).

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'ועתה הנה הבאתי את ראשית פרי האדמה' און געטייטשט אז אויב מען האט א חיות דקדושה ווערט מען אנגערופן א בעל חי זאגט מען נישט נראה ונדחה אינו חוזר ונראה, און אזוי ניצט תשובה, דאס איז מען מתפלל 'כתבינו בספר החיים' מען זאל ווערן אנגערופן א חי און נישט ווי רשעים בחייהם קרואים מתים, און נאכגעזאגט פון רבי ר' שמעלקא מניקלשבורג זיע''א אז בזמן שביהמ"ק היה קיים האט די קטורת פארמאגט צוויי סגולות, עשירות און המנעת מיתה, און בזמנינו אלה זענען די צוויי סגולות אריבער צו מצות קרי"ש, דורך מצות קרי"ש איז מען זוכה מען זאל נישט ווערן אריינגעשריבן אין די ספרי מתים נאר מען זאל ווערן אנגעריפן א בעל חי און עס זאל ניצן תשובה, און מעורר געווען יעצט אין די צווייטע האלב פון חודש אלול זיך מאכן א חשבון הנפש וואס מען האט שוין אויפגעטוהן די ערשטע האלב חודש, און נזהר צו זיין צו ליינען קרי"ש כתיקונה און אזוי זוכה זיין צו תשובה.

- ידיד נפש: הרה"ח ר' יצחק מארקאוויטש הי"ו.
- קל מסתתר: הר"ר מאיר מאיער שליט"א (ב"פ).
דער רבי האט געבענטשט על הכוס אום געזאגט שבע ברכות.

- מעריב מוצש''ק: הרה"ח ר' אליעזר ווייס הי"ו.
נאך הבדלה איז דער ציבור אריבער זאגן א גוטע וואך.
מען האט געענדיגט ארום 10:40.

ארום 12:00 איז פארגעקומען בביתו נאוה קודש א כתיבת האותיות פאר די ס''ת וואס ווערט געשריבן דורך הרבני הנגיד ר' משה גאלדשטיין הי"ו, דער רבי האט אריינגעשריבן עטליכע אותיות און מען האט געזינגען ניגוני שמחת התורה, עס האט זיך פארצויגן א שמועס מיט חתנו הרה"ח ר' חיים הערש מיטטעלמאן הי"ו איבער פארשידענע דירות פראיעקטן אין קר"י, דער רבי האט געטרינקן לחיים און מאציל געווען מברכת קדשו.

אויך איז פארגעקומען א התחלת כתיבת ס''ת וואס ווערט געשריבן דורך הרה"ח ר' שלום מאיר עקשטיין הי"ו, דער רבי האט אריינגעשריבן עטליכע אותיות און מען האט געזינגען ניגוני שמחת התורה, עס האט זיך פארצויגן א שיינע שמועס בעניני סופרות און זכרונות פון הרה"ח ר' אהרן פאללאק ע"ה - סופר מומחה, דער רבי האט געטרינקן לחיים און מאציל געווען מברכת קדשו.

אויך איז געווען אויף א באזוך בקו''פ הגה"צ ר' נפתלי אלימלך רייך שליט"א אב"ד פשעווארסק אנטווערפען, עס האט זיך פארצויגן א שיינע שמועס איבערן הגה''ק הייטב לב זיע''א און דערביי האט ער געוויזן פאר רבינו שליט"א א כתב מיט אן ארגינעלע חתימה פונעם ייטב לב אין וואס דער רבי האט מעיין געווען דערין א לענגערע צייט, דער רבי האט אים מכבד געווען מיט לחיים און מאציל געווען מברכת קדשו.

אויך זענען אריין בקו''פ חברי 'מפעל חזקת טהרה' שע"י וועד המקוואות דבית הוראה קר''י וועלכע פארן ארום געבן השגחות אויף פילע מקוואות איבער גאנץ אמעריקע, זיי האבן איבערגעגעבן א באריכט פון די פילע פעולות להרבות טהרה בישראל און דערביי אנגעפרעגט פארשידענע הוראות איבער וויאזוי זיך צו פירן ביי פארשידענע אופנים, און דער רבי זיי האט מאציל געווען מברכת קדשו.

דערנאך איז פארגעקומען א מסיבת לחיים לרגל שמחת קישור החיתון פון די מחותנים הרה"ח ר' יצחק אליקים שווארטץ הי"ו און הרה"ח ר' יואל ברמ"ב לאנדא הי"ו מגדולי עסקני קהלתינו הק' בכל אתר ואתר, מען האט געמאכט קבלת קנין און מען האט געזינגען ניגוני שמחה, דער רבי האט געטרינקן לחיים און מאציל געווען מברכת קדשו.

אזוי אויך זענען אריין בקו''פ עסקני וועד לטהרינו און איבערגעגעבן א באריכט איבער די קאמפיין אין מבצר הכוללים ארויפצוגיין א דרגה בעניני טעכנעלאגיע, דער רבי האט איבערגעקוקט די קבלת טובות און די רשימה פון די הונדערטער אינגעלייט וועלכע האבן זיך מקבל געווען נישט צו פארמאגן קיין טעקסט, און מאציל געווען מברכת קדשו.

ארום 12:45 איז דער רבי אריבער אין די זאלן פון בית רחל אודיטאריום צו די סיום מסכת קידושין דורך די אריבער 400 תלמידי כתה ט' פון ביידע סניפים פון מוסדות קרית יואל בליעה''ר כ''י, מיט די השתתפות פון די עלטערן און זיידעס פון די בחורים.
עס איז פארגעקומען א בחינה פומבי דורך הגה"צ ר' מאיר צוויבל שליט"א מרבני קהלתינו וומסב''ג, אויף גאנץ מסכת קידושין, און דערביי האט דער רבי אויך געפרעגט פילע שאלות פון די בחורים אויף וואס די בחורים האבן געענטפערט בטוב טעם ודעת, דערנאך האבן די בחורים צוזאמען אדורכגעלערנט די גאנצע מסכת.
צו מאכן דעם סיום איז מכובד געווארן נכד רבינו הב' יוסף בן הרה"ג ר' חיים יעקב רוקח שליט"א -רב דביהמ"ד קול אליהו, און מיטן זאגן דעם הדרן נכד רבינו הב' אלימלך בן הרה"ג ר' חיים הערש אשכנזי שליט"א - רב דביהמ"ד רב טוב, און מיטן זאגן קדיש הרה"ח ר' פישל ב"ר יעקב ישראל פריינד הי"ו, דערנאך האט זיך דער גאנצער ציבור ארויסגעלאזט אין א פייערליכע טאנץ פאר א לענגערע צייט.
דער רבי האט געטרינקן לחיים און אנגעוואונטשן פאר די בחורים און פארן גאנצן ציבור, און עקסטער פאר די מנהלים הר"ר יואל שפיטצער שליט"א און הר"ר בנימין בער בערקאוויטש שליט"א, און דערנאך משמיע געווען דב''ק און ארויסגעברענגט די שמחה ווען אזויפיל בחורים זענען מסיים א מסכת, און געזאגט אז עס זענען דא 408 בחורים אין כתה ט' וואס דאס איז בגי' "צום קול ממון" ווען 408 בחורים זענען עוסק בתורה איז דאס מעורר צום קול ממון און מען איז זוכה צו א כתיבה וחתימה טובה, און מסיים געווען בברכות לרוב.
דערנאך האט דער רבי פארטיילט פאר אלע בחורים א זמירות ברך משה. מען האט געענדיגט ארום 1:30.

פון דארט איז דער רבי אריבער אויף ניחום אבלים ביי הגה''צ ר' קלמן האלבערשטאם שליט"א רב דביהמ"ד צאנז קק"י היושב ע"פ אחיו הגה''צ ר' ברוך ז"ל אדמו"ר מצאנז ב"פ, עס האט זיך פארמירט א שיינע שמועס בסיפורי בית צאנז און דער רבי האט געוואונטשן ברכת תנחומין.

▫️ סאטמארע נייעס 🌴 ▫️

פרייטאג ערש''ק כי תבא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן:
- לבן הנולד אצל ר' שלמה דוד שווארטץ הי"ו ווי דער רבי איז געווען סנדק ומוהל.
- לבן הנולד אצל ר' יוסף ברח"י הערשקאוויטש הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים:
- ב"ר יואל ב''ר שרגא אלימלך קליין הי"ו.
- ב"ר יואל יוסף מארקאוויטש הי"ו.
דער רבי האט געצינדן לעכט לרגל די יארצייט פון זקינו הגה"ק רבי ישראל יעקב יוקל מוואלאווע זצ"ל. און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.
אויך זענען אריין בקו''פ א קבוצה חתנים מתלמידי הישיבה מקבל זיין ברכת הקודש לרגל דאס אפרייזן למקומות הקדושים אין אייראפע אינאיינעם מיט חדב"ן הגה"צ רב דביהמ"ד אהל פיגא שליט"א, דער רבי האט אויסגעפרעגט די פרטי הנסיעה און פארטיילט שליח מצוה געלט און מאציל געווען מברכת קדשו.

▫️ סאטמארע נייעס 🌴 ▫️

דאנערשטאג כי תבא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' חיים ישראל לעווי הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ברך משה. פארן דאווענען האט דער רבי געלייגט תפילין פאר די בר מצוה בחורים:
- ב"ר חיים הערש סעגעדין הי"ו.
- ב"ר חיים צבי יואל פריעדמאן הי"ו.
ביים ליינען האט דער רבי עולה געווען שלישי. און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.
אויך זענען אריין בקו''פ א קבוצה בחורים מתלמידי הישיבה מקבל זיין ברכת הקודש לרגל דאס אפרייזן למקומות הקדושים אין אייראפע, דער רבי האט אויסגעפרעגט די פרטי הנסיעה און פארטיילט שליח מצוה געלט און מאציל געווען מברכת קדשו.

ארום 1:40 איז דער רבי אריבער בהיכל המתיבתא סניף ברך משה ווי דער רבי האט פארגעלערנט דעם פערטע סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן סוגיא שיעור האט זיך דער רבי מפלפל געווען מיט די בחורים, מען האט געענדיגט ארום 2:40.

זמני כניסה בקו''פ איז געווען פון 6:15 ביז 1:20 אויפדערנאכט בביתו נאוה קודש אויף אוהעל קט.

ארום 7:15 האט דער רבי מסדר קידושין געווען ביי די חופה פון די מחותנים:
- הרה"ח ר' יואל ברמ"ש ווייס הי"ו און הרה"ח ר' ארי' בר"מ הערשקאוויטש הי"ו אין די זאלן פון כינור דוד.
- הרה"ח ר' יואל בר"א גוטמאן הי"ו און הרה"ח ר' משה יוסף דוב סימאן הי"ו אין די זאלן פון בית רחל פאראדייס.
- הרה"ח ר' וואלף ברד"ש בערגער הי"ו און הרה"ח ר' יואל יקיר פריעדמאן הי"ו אין די זאלן פון גינת קליין.

ארום 8:15 האט דער רבי געדאווענט מנחה בביתו נאוה קודש.

בעת די זמני כניסה איז אריין בקו''פ הגאון רבי ישעי' שלעזינגער שליט"א נשיא וועד להצלת בתי עלמין - אדמת קודש ורב דביהמ"ד כולל חיים עוזר בלאנדאן, עס האט זיך פארצויגן א שיינע שמועס איבער די פעולות פונעם וועד להצלת בתי עלמין וואס אביו הגאון הגדול רבי אליקים זצ"ל האט מייסד געווען און דער רבי האט אים מאציל געווען מברכת קדשו און געגעבן ספרו לב אהרן, און דערנאך אנגעוואונטשן פאר די אנוועזנדע חברי הנהלה.

ארום 9:15 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' יושע הערש ברמ"י גליק הי"ו און הרה"ח ר' שמואל לייב פריעד הי"ו.
- הרה"ח ר' יוסף רפאל האפפער הי"ו און הרה"ח ר' יואל חיים לעבאוויטש הי"ו.

דער רבי האט געדאווענט מעריב ארום 12:45, דער רבי האט געצינדן לעכט און צוגעגאנגען צום עמוד לרגל די הילולא קדישא פון זקינו הגה"ק רבי ישראל יעקב יוקל מוואלאווע זצ"ל, און נאך מעריב ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מיטוואך כי תבא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים אלי' פעלבערבוים הי"ו.
- ב"ר גדלי' פאלקאוויטש הי"ו.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכע תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:40 איז דער רבי אריבער בהיכל המתיבתא סניף ברך משה ווי דער רבי האט פארגעלערנט די דריטע סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן סוגיא שיעור האט זיך דער רבי מפלפל געווען מיט די בחורים, מען האט געענדיגט ארום 2:30.

זמני כניסה בקו''פ איז געווען פון 6:15 ביז 12:50 אויפדערנאכט בביתו נאוה קודש אויף איהעל קט.

ארום 6:55 האט דער רבי געדאווענט מנחה בביתו נאוה קודש.

נאך מנחה האט דער רבי מסדר קידושין געווען ביי די חופה פון די מחותנים.

- הר"ר שלמה לייב גרובער שליט"א און הרה"ח ר' יואל ברא"מ ראזענבערג הי"ו אין די זאלן פון כינור דוד.
- הרה"ח ר' יודא בינער הי"ו און הרה"ח ר' יואל בר"ש גוטמאן הי"ו אין די זאלן פון קרן ויואל משה.
- הרה"ח ר' שלום יוסף בראך הי"ו און הרה"ח ר' מרדכי ישראל ראזענטאהל הי"ו אין די זאלן פון בית רחל פאראדייס.
- הרה"ח ר' חיים בעריש שפילמאן הי"ו און הרה"ח ר' משה יעקב יודא ווערצבערגער הי"ו אין די זאלן פון גינת קליין.

בעת די זמני כניסה איז געווען אויף א באזוך בקו''פ כ"ק אדמו"ר ממעליץ שליט"א לברך ולהתברך לקראת די ימי הרחמים והרצון הבעל"ט, עס האט זיך פארצויגן א שיינע שמועס מיט זכרונות פון זיינע קינדער יארן אין שטאט ליזענסק פאר די צווייטע וועלט מלחמה, און צווישן אנדערע האט ער האט געגעבן א גריס פון קרית ויואל משה מאנטיסעלא נאכן וויילן דארט אין די פארלאפענע זומער חדשים, דער רבי האט אים מכבד געווען מיט לחיים און מאציל געווען מברכת קדשו, און אנגעוואונטשן פאר בנו הרה''ג ר' אלעזר הורוויץ שליט''א רב דביהמ''ד ויואל משה ב''פ.

ארום 9:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' יואל ברא"ה הערשקאוויטש הי"ו און הרה"ח ר' פישל כ"ץ הי"ו.

דער רבי האט געדאווענט מעריב ארום 12:50.

▫️ סאטמארע נייעס 🌴 ▫️

דינסטאג כי תבא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' אהרן בר"מ גאלדשטיין הי"ו ווי דער רבי איז געווען סנדק ומוהל.
- לבן הנולד אצל ר' ישי מערץ הי"ו (וומסב''ג), ווי דער רבי איז געווען סנדק ומוהל.
- לבן הנולד אצל ר' אברהם משה גאטעסמאן הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף עצי חיים - שיעור ג'. פארן דאווענען האט דער רבי געלייגט תפילין פארן בר מצוה בחור ב"ר יעקב יואל גליק הי"ו.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכע תהילים שיעור אויף קאפיטל ל"ב פסוק ב'.
דערנאך זענען אלע תלמידי הישיבה אריין בקו''פ בפתקא ובפדיון לברך ולהתברך לקראת די ימי הרחמים והרצון, ולרגל דאס אפרייזן למקומות הקדושים אין אייראפע קומענדיגן זונטאג נצו"י, און דער רבי האט אנגעוואונטשן און פארטיילט שליח מצוה געלט.
דערנאך איז פארגעקומען א לחיים מיטן בר מצוה בחור בחדרו הפרטי.

ארום 1:50 איז דער רבי אריבער בהיכל המתיבתא סניף ברך משה ווי דער רבי האט פארגעלערנט דעם צווייטע סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן סוגיא שיעור האט זיך דער רבי מפלפל געווען מיט די בחורים, מען האט געענדיגט ארום 2:30.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
זמני כניסה בקו''פ איז געווען פון 8:00 ביז 12:30 אויפדערנאכט בביתו נאוה קודש אויף היוז סט.

בעת די זמני כניסה איז אריין בקו''פ הגה"צ ר' יצחק רייך שליט''א אב"ד פשעווארסק וומסב''ג, מקבל זיין ברכת הקודש לרגל נישואי בתו למז"ט, עס האט זיך פארמירט א שיינע שמועס און דער רבי האט אים מאציל געווען מברכת קדשו.

דער רבי האט געדאווענט מנחה ארום 8:30 און מעריב ארום 11:40.

▫️ סאטמארע נייעס 🌴 ▫️

מאנטאג כי תבא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' יצחק אייזיק ברא"י הירש הי"ו (וומסב''ג), ווי דער רבי איז געווען סנדק ומוהל.
- לבן הנולד אצל הר"ר יואל ברשא"מ גרובער שליט"א ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פארן בר מצוה בחור ב"ר שאול יחזקאל זאב כ"ץ הי"ו.
ביים ליינען האט דער רבי עולה געווען שלישי, און נאכן דאווענען געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכע תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיטן בר מצוה בחור בחדרו הפרטי.

נאך שחרית איז דער רבי אריבער אין ביהמ"ד מהרש"א ווי עס איז פארגעקומען א ברית לבן הנולד אצל הר"ר בנימין זאב פוקס שליט"א - מנהל כתה ט' פון מוסדותינו הק' מאנסי, ווי דער רבי איז געווען סנדק ומוהל.
דערנאך איז פארגעקומען א מסיבת לחיים אינאיינעם מיט די תלמידי כתה ט', דער רבי האט געטרינקן לחיים און אנגעוואונטשן פארן בעל ברית ובני משפחתו און פאר אלע בחורים, און משמיע געווען קורצע דב"ק פאר די בחורים און מעורר געווען אויסצוניצן די בחורישע יארן און מסיים געווען בברכת קדשו.

ארום 2:00 איז דער רבי אריבער בהיכל המתיבתא סניף ברך משה ווי דער רבי האט פארגעלערנט דעם ערשטע סוגיא שיעור אין די סוגיא פון 'חצי שיעור' אלץ הכנה צום שבת שובה דרשה, נאכן סוגיא שיעור האט זיך דער רבי מפלפל געווען מיט די בחורים, מען האט געענדיגט ארום 2:45.

זמני כניסה בקו''פ איז געווען פון 6:00 ביז 12:50 אויפדערנאכט בביתו נאוה קודש אויף איהעל קט.

ארום 7:15 האט דער רבי מסדר קידושין געווען ביי די חופה פון די מחותנים.
- הרה"ח ר' אברהם שמואל בלייך הי"ו און הרה"ח ר' יצחק ברז"י גאלד הי"ו אין די זאלן פון כינור דוד.
- הרה"ח ר' שלום אליעזר גראד הי"ו און הרה"ח ר' יעקב מאיר ווייס הי"ו אין די זאלן פון בית רחל פאראדייס.
- הרה"ח ר' מרדכי ווינקלער הי"ו און הרה"ח ר' משה שלום יאקאבאוויטש הי"ו אין די זאלן פון קרן ויואל משה.
- הרה"ח ר' ישראל העניך קרויס הי"ו און הרה"ח ר' דוד שטוהל הי"ו אין די זאלן פון גינת קליין.

ארום 8:30 האט דער רבי געדאווענט מנחה בביתו נאוה קודש, און דערנאך ווייטער ממשיך געווען אויפנעמען דעם ציבור.

ארום 9:20 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' שמואל לייבוש וויינבערגער הי"ו און הרה"ח ר' דוד שמואל ברמ"י גאלדבערגער הי"ו.
- הרה"ח ר' משה סעגעדין הי"ו און הרה"ח ר' יואל יצחק לעווי הי"ו.

בעת די זמני כניסה איז געווען אויף א באזוך בקו''פ כ"ק אדמו"ר מצאנז ז'מיגראד שליט"א וועלכע האלט זיך אויף אין די זומער וואכן בשכונת דברי חיים אין קרית יואל המורחבת, עס האט זיך פארצויגן א שיינע שמועס בסיפורי בית צאנז און פון הרה"ק מנאסויד זצ"ל וואס איז געווען די יארצייט, דער רבי האט אים מכבד געווען מיט לחיים און מאציל געווען מברכת קדשו, און אנגעוואונטשן פאר חתנו הרה"ג ר' חיים מאיר גרינוואלד שליט"א אבד"ק טעטש ב"פ לרגל נישואי בתו למז"ט קומענדיגע וואך, און דער רבי האט אים ארויסבאגלייט ביז צו די גאס.

דער רבי האט געדאווענט מעריב ארום 12:50.

▫️ סאטמארע נייעס 🌴 ▫️

זונטאג כי תבא 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' קלמן אליעזר רובינשטיין הי"ו ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
- ב"ר ישראל ברוך קליינבערגער הי"ו.
- ב"ר מענדל פארקאש הי"ו.
- ב"ר חיים יודא פריעדמאן הי"ו.
- ב"ר שמואל אליעזר חיים פערל הי"ו.
- ב"ר אהרן וויינבערגער הי"ו.
דער רבי האט געבלאזן שופר און געזאגט צען קאפיטלעך תהילים כנהוג אום חודש אלול.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:40 איז דער רבי אריינגעפארן קיין לינדען ניו דזשערסי צו די חומש סעודה פון תלמידי מוסדותינו הק' אין לינדען וואס איז פארגעקומען בבית מדרשינו הגדול אין לינדען מיט די באטייליגונג פון די עלטערן און זיידעס פון די קינדער.
דער רבי איז אנגעקומען ארום 2:50 און זיך באגריסט מיט די רבנים אויפן אויבנאן, די קינדער האבן געזינגען עטליכע ניגונים און חרוזים לכבוד המאורע, דער רבי האט געטרינקן לחיים און אנגעוואונטשן פאר הרה"ג רב דקהלתינו שליט"א און די אנוועזנדע רבנים, פאר די קינדער און גאנצן ציבור, און משמיע געווען דב''ק איבער די שמחה ווען תשב"ר הייבן אן צו לערנען חומש וואס איז א התחלה פאר אלעס, און מאריך געווען בשבח הקהילה און מסיים געווען בברכת קדשו.
דערנאך זענען די חתני המקרא אריבער און דער רבי האט פארטיילט א סידור פאר אלע קינדער, אויך האט דער רבי פארטיילט געבענטשטע מטבעות פאר די תלמידים פון די עלטערע כתות פון מוסדותינו הק'.

נאך די חומש סעודה איז דער רבי אראפ אויפן הינטערשטן שטאק און זיך אומגעקוקט אויף די בוי ארבעט ביים מקוה און היכל התורה און דערביי געהערט א באריכט פון די הנהלת הביהמ"ד. מען האט געענדיגט ארום 3:30.

דערנאך איז דער רבי צוגעפארן צו די מקוה טהרה דקהלתינו הק' וועלכע איז אין די טעג פארענדיגט געווארן ברוב פאר והדר, דער רבי האט זיך אומגעקוקט אויף די גאנצע מקוה מיט אלע הידורים און קובע געווען א מזוזה, און מאציל געווען מברכת קדשו פאר די עסקנים.

פון דארט איז דער רבי אריבער בבית האכסניא אין שטוב פון הרה"ח ר' יעקב יואל ווייס הי"ו, ווי עס איז געווען זמני כניסה בקו''פ פון 3:50 ביז 6:15. ווי פילע אנ''ש תושבי העיר זענען אריין בקו''פ לקראת די ימי הרחמים והרצון.
ביים אנקומען האט דער רבי געטרינקן לחיים לרגל די חנוכת הבית פונעם נייעם דירה, און אנגעוואונטשן פארן בעל אכסניא הרה"ח ר' יעקב יואל הי"ו, פאר זקינו הרה"ח ר' מרדכי ווייס הי"ו, און פאר די גאנצע משפחה.

בעת די זמני כניסה איז געווען אויף א באזוך בקו''פ כ"ק אדמו"ר מקאסאן שליט"א, עס האט זיך פארצויגן א שיינע שמועס בשבח פונעם שטאט לינדען, דער רבי האט אים מכבד געווען מיט לחיים און מאציל געווען מברכת קדשו, און עקסטער געוואונטשן א ברכת מזל טוב שטייענדיג אין די ימי השבע ברכות פון נכדו למז"ט.

אויך איז אריין בקו''פ הר"ר נתן דוד אשכנזי שליט"א אב"ד סטאניסלאוו לינדען מקבל זיין ברכת הקודש לקראת די ימי הרחמים והרצון הבעל"ט, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

נאך די זמני כניסה איז פארגעקומען מעמדי חתימת שטרות ווי פילע אנ"ש תושבי לינדען האבן מנדב געווען גרעסערע סכומים לטובת די בנין הת"ת פון מוסדותינו הק', דער רבי האט אינטערגעשריבן די שטרות אינאיינעם מיט יעדע נדבן באזונדער און מאציל געווען מברכת קדשו.

דערנאך איז דער רבי אריבער בביתו החדש פון האברך ר' עמרם פישמאן הי"ו ווי עס איז פארגעקומען א חתימת שטרות אויף א כתה בבנין הת"ת פון מוסדותינו הק', עס איז אנוועזנד געווען הרה"ג ר' יושע פרץ שנעבאלג שליט"א אב"ד זידיטשוב לינדען.
עס האט זיך פארצויגן א שיינע שמועס בסיפורי צדיקים, דער רבי האט אינטערגעשריבן די שטרות אינאיינעם מיטן נדבן געטרינקן לחיים און מאציל געווען מברכת קדשו. און דערנאך קובע געווען א מזוזה אויף איינע פון די טיהרן.
ארום 6:30 האט דער רבי פארלאזט די שטוב און איבערגעלאזט ברכת קדשו פאר ראשי ועסקני קהלתינו ומוסדותינו הק' און אהיימגעפארן קיין קר"י.

ביים אנקומען אין קר''י איז דער רבי אריבער אין די זאלן פון גינת קליין צום שמחת החתונה פון החתן נכד כ"ק אדמו"ר מראחיסטריווקא שליטא פון ב"פ ונכד האדמו"ר מפאלטישאן שליט"א, עב"ג הכלה בת הגה''צ ר' קלמן האלבערשטאם שליט"א רב דביהמ"ד צאנז קר"י.
דער רבי איז אנגעקומען ארום 7:30 מלובש בבגדי שבת, דער רבי האט געטרינקן לחיים און אנגעוואונטשן פארן חתן, מחותנים, זיידעס האדמורי"ם שליט"א, און פארן גאנצן ציבור, דערנאך איז דער רבי מיט געגאנגען צום באדעקן און פון דארט ארויס צום מעמד החופה, דער רבי האט מסדר קידושין געווען און נאך די חופה אנגעוואונטשן פארן גאנצן ציבור און זיך ארויסגעלאזט אין א מחול לצדיקים.

ארום 8:20 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 12:15 אויפדערנאכט בביתו נאוה קודש.

בעת די זמני כניסה איז געווען אויף א באזוך בקו''פ האדמו"ר מראחמיסטריווקא אוקוויין שליט"א, עס האט זיך פארצויגן א שיינע שמועס מיט זכרונות פון זקינו הרה"ק מסקווירא זצ"ל, דער רבי האט אים מכבד געווען מיט לחיים און מאציל געווען מברכת קדשו, און עקסטער אנגעוואונטשן ברכת קדשו לרגל פתיחת בית מדרשו החדש אין אקוויין.

אויך איז אריין בקו''פ הגה"צ אבד"ק גלאגוב שליט"א מקבל זיין ברכת הקודש לקראת די ימי הרחמים והרצון הבעל"ט, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

דער רבי האט געדאווענט מעריב ארום 11:40 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

שב''ק פרשת כי תצא 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים:
- החתן מרדכי דוב בהר"ר שלמה לייב גרובער שליט"א.
- החתן שלמה הערש ב"ר חיים בעריש שפילמאן הי"ו.

ארום 8:20 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה.
- קבלת שבת: הרה"ח ר' חיים בעריש שפילמאן הי"ו.
מען האט געענדיגט ארום 9:55. עס איז פארגעקומען אן אפיעל פאר מוסדותינו הק' אין מאנטרעאל, דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 10:55 איז דער רבי אריינגעקומען צום שלחן הטהור בהיכל המתיבתא אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הרה''ח ר' יחזקאל דוד לעפקאוויטש הי''ו (ירושלים).
- כל מקדש: הרה''ח ר' יחזקאל דוד לעפקאוויטש הי''ו.
- מנוחה ושמחה: הרה"ג ר' יוסף שמואל ראטענבערג שליט"א - מו"ץ.

דער רבי האט געזאגט תורה אויפן פסוק 'לא תלבש שעטנז גדילים תעשה לך' און געטייטשט בדרך דרוש אין די סוגיא פון עשה דוחה לא תעשה.

- קה אכסוף: הרב ישכר בער ראזענבוים שליט"א בן האדמו"ר ממאשלוי שליט"א.
- ברכת המזון: נכד רבינו הר''ר חיים הערש טייטלבוים שליט"א מראצפערט.

עובדות וסיפורים די וואך האט רבינו שליט''א דערציילט פון הרה"ק רבי יעקב ישראל מטשערקאס זיע''א וואס די יארצייט געפאלט דאנערשטאג י"ג אלול.

- קה רבון עלם: הר"ר יחיאל מיכל בערקאוויטש שליט"א בן הגאון הגדול הדומ"ץ שליט"א.
די פרישע חתנים זענען אריבער נעמען פירות.
- אז ביום השביעי: הרה"ח ר' הערשל שרייבער הי"ו (לאנדאן).
מען האט געענדיגט ארום 1:35.

וביום השבת

שב''ק אינדערפרי איז דער רבי אריינגעקומען צום דאווענען ארום 9:40
- ברכות: הר"ר שלמה לייב גרובער שליט"א.
- פסוקי דזמרה: הרה"ח ר' דוד לייב אקער הי"ו (לאנדאן).
דער רבי איז צוגעגאנגען צו שחרית.

- הוצאה והכנסה: הרה"ח ר' אשר פארקאש הי"ו (מאנסי).
- פסוקי שמע ישראל: הרה"ג ר' מענדל גאלד שליט"א אב"ד לובלין.
- הולכת הס"ת לבימה: הרה"ח ר' שלמה כ"ץ הי"ו.
עליות.
- כהן: החתן יואל משה ב"ר חיים ראובן שעהנברוין הי"ו.
- לוי: החתן מרדכי דוב בן הר"ר שלמה לייב גרובער שליט"א - באווארפען.
- שלישי: החתן חיים אלעזר בן הרה"ג ר' מענדל גאלד שליט"א - באווארפען.
- רביעי: החתן שלמה הערש ב"ר חיים בעריש שפילמאן הי"ו - באווארפען.
- חמישי: הגה"צ ר' אברהם משה גראס שליט"א אב"ד קערעסטיר בערבעשט מאנסי.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' יואל בר"ש עקשטיין הי"ו.
- ר' יואל ברי"י פריעד הי"ו.
- ר' חיים מענדל ברי"ה שווארטץ הי"ו.
- ר' גרשון בר"י רובינשטיין הי"ו.
- ר' יצחק נפתלי קנאפפלער הי"ו.
- ר' יוסף ברי"ש כ"ץ הי"ו.
- ר' משה ב"ר יעקב שווארטץ הי"ו.
- ר' מרדכי אפרים פישל לאנדא הי"ו.

- שביעי: הרה"ח ר' גרשון מענדל ניימאן הי"ו.
- הוספות: החתן יואל ברוך ב"ר יעקב יצחק שטיינמעטץ הי"ו.
- החתן משה הערש בן הר"ר ברוך שווארטץ שליט"א.
- החתן יחזקאל שרגא בן הר"ר נפתלי שטערן שליט"א.
- אחרון: הר"ר משה יודא בר"ל שפילמאן שליט"א, און דער רבי האט קורא שם געווען לרגל הולדת בתו למז''ט.
- מפטיר: הרה''ח ר' יחזקאל דוד לעפקאוויטש הי''ו.
- הגבה: הר"ר ישעי' קרויס שליט"א (אנטווערפען).
- גלילה: הר"ר ברוך שווארטץ שליט"א.
- החזרת הס"ת: הרה"ח ר' ישראל שפילמאן הי"ו.

- מוסף: הרה"ג ר' דוד גליק שליט"א.
- פתיחה צו אנעים זמירות: הרה"ח ר' אהרן יוסף שווארטץ הי"ו.
מען האט געענדיגט ארום 12:30.

דער רבי איז אריינגעקומען צו תפילת מנחה ארום 8:15.
- בעל תפילה: הרה"ח ר' יואל בר"ע הירש הי"ו.
- הוצאה והכנסה: הרה"ח ר' הערשל שרייבער הי"ו.
- כהן: משב"ק הרה"ח ר' שמואל הכהן פריעדמאן הי''ו.
- לוי: הרה"ח ר' מענדל לעווי הי"ו.
- שלישי: הרה"ג ר' אברהם הערש פריעדמאן שליט"א דומ"ץ גאלאנטא וומסב''ג.
- הגבה: רבינו שליט''א.
- גלילה: הרה"ח ר' זלמן לייב שרייבער הי"ו.

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: האדמו"ר מווערדאן פלעטבוש שליט"א.

דער רבי האט געזאגט אויפן פסוק 'כי ה' אלקיך מתהלך בקרב מחניך' און געטייטשט אז בזכות וואס די מענטש פירט זיך מיט מידת החסד און טיילן צדקה איז הקב"ה מוחל אויך אויף די עבירות וואס מען האט שוין פארגעסן.

- ידיד נפש: הרה"ג ר' שמחה קארנרייך שליט"א (ב"פ).
- קל מסתתר: הרה"ח ר' אליעזר לעוו הי"ו (לאנדאן).
דער רבי האט געבענטשט על הכוס און געזאגט שבע ברכות.

- מעריב מוצש''ק: הרה"ח ר' משה מאיר גאטליעב הי"ו.
נאך הבדלה איז דער ציבור אריבער זאגן א גוטע וואך, דערנאך האט דער רבי געמאכט קידוש לבנה פארנט פון ביהמ"ד. מען האט געענדיגט ארום 10:40.

בביתו נאוה קודש ארום 11:30 איז אריין בקו''פ הגה"צ ר' אברהם משה גראס שליט"א אב"ד קערעסטיר בערבעשט מאנסי וועלכע האט געוויילט אויף שב"ק בצל הקודש, עס האט זיך פארצויגן א שיינער שמועס און דער רבי האט אים מאציל געווען מברכת קדשו.

אויך איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' יודא זאב קליין הי"ו און ווערט אריינגעגעבן זונטאג נצו"י אין ביהמ"ד בית חיים דוד דקהלתינו הק' בשכונת פרי מגדים אין קרית יואל המורחבת.
דער רבי האט אריינגעשריבן עטליכע אותיות און מכבד געווען הגאון הגדול הדומ"ץ שליט"א אריינצושרייבן א אות אינעם ספר תורה, עס האט זיך פארמירט א שיינע שמועס איבער די הרחבת גבולי הקדושה אין שכונת פרי מגדים און פונעם ביהמ''ד המפואר, דער רבי האט געטרינקן לחיים און מאציל געווען מברכת קדשו.

אויך איז פארגעקומען א חתימת שטרות ווי הרה"ח ר' זלמן לייב קאפפעל הי"ו האט אפגעקויפט די זכות פון א חדר האוכל בבנין הבית רחל החדש בנין קליין אין קר"י, עס האט זיך פארצויגן א שיינע שמועס איבער די שטארקע הרחבת גבולי הקדושה פון מוסדות קרית יואל, מען האט געזינגען עטליכע ניגונים, דער רבי האט אינטערגעשריבן די שטרות אינאיינעם מיטן נדבן, געטרינקן לחיים און מאציל געווען מברכת קדשו.

דערנאך איז פארגעקומען א מסיבת לחיים לרגל שמחת נישואין ביי די מחותנים הרה"ח ר' שמעון משה ניישטיין הי"ו און הרה"ח ר' יואל ב"ר שלמה מיכאל מאיער הי"ו - יו"ר הנהלת חבורת תורתך שעשועי סניף קר"י, עס האט זיך פארצויגן א שיינער שמועס איבער מנהגי נישואין און איבער חבורת תורתך שעשועי, דער רבי האט געטרינקן לחיים און מאציל געווען מברכת קדשו.

▫️ סאטמארע נייעס 🌴 ▫️