סאטמארע נייעס

פרייטאג ערש''ק וילך 'בצל הקודש' פון כ''ק רבינו הגה''ק שליט''א

באשמורת הבוקר אום 5:45 איז רבינו שליט''א אריין געקומען צו אמירת סליחות אין ביהמ''ד הגדול, בעל תפלה: משב"ק הרה"ח ר' שלמה זלמן שטיין הי"ו. מען האט געענדיגט ארום 6:35, און דער רבי איז אהיים לביתו נאוה קודש.

פאר שחרית האט זיך דער רבי טעלעפאניש פארבינדן מיט הב' משה בן גיטל ני"ו מתלמידי ישיבתינו הק' מהרי''ט אין בני ברק וועלכע זיצט אין תפיסה פארן חטא פון זיך נישט שטעלן צום טריפה'נעם ציוניסטישע מיליטער, דער רבי האט אים שטארק מחזק געווען און מאציל געווען מברכת קדשו.

ארום 9:50 איז דער רבי אנגעקומען אין ביהמ''ד הגדול צו תפילת שחרית.
פארן דאווענען איז פארגעקומען די ברית לבן הנולד אצל ר' יושע דוד מארקאוויטש הי"ו ווי דער רבי איז געווען סנדק.

דער רבי האט געלייגט תפילין פאר די בר מצוה בחורים.
- ב"ר מאיר מנחם זאב הירש הי"ו.
- ב"ר נחמן שלאגער הי"ו.
- ב"ר שמואל טובי' פריינד הי"ו.
- ב"ר נחמן דוד שמידמאן הי"ו.
- ב"ר חיים זאב פאלקאוויטש הי"ו.

נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

▫️ סאטמארע נייעס 🌴 ▫️

דאנערשטאג וילך - צום גדלי' 'בצל הקודש' פון כ''ק רבינו הגה''ק שליט''א

באשמורת הבוקר אום 5:45 איז רבינו שליט''א אריינגעקומען צו אמירת סליחות אין ביהמ''ד הגדול, בעל תפלה: הרה"ח ר' משה מאיר גאטליעב הי"ו. מען האט געענדיגט ארום 6:35, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ''ד הגדול צו תפילת שחרית.
פארן דאווענען איז פארגעקומען א ברית לבן הנולד אצל ר' אפרים יצחק אדלער הי"ו ווי דער רבי איז געווען סנדק.

דער רבי האט געלייגט תפילין פאר די בר מצוה בחורים.
- ב"ר יואל פאסטערנאק הי"ו.
- ב"ר יואל אייזדארפער הי"ו.
- ב"ר יואל בר"מ מיטטעלמאן הי"ו.
- ב"ר יו"ט בערגער הי"ו.

- פתיחה: הרה"ח ר' יואל אייזדארפער הי"ו.
- בעל קורא: הרה"ח ר' יואל פאסטערנאק הי"ו.
- כהן: ר' שמואל ווייס הי"ו.
- לוי: הר"ר חיים יושע לעווי שליט"א.
- שלישי: רבינו שליט"א.
- הגבה: הרה"ח ר' יו"ט בערגער הי"ו.
- גלילה: הב' הבר מצוה ב"ר יואל מיטטעלמאן הי"ו.

ארום 5:50 איז דער רבי אריינגעקומען צו תפילת מנחה ודרשת שבת שובה במעמד אלפי אנשי שלומינו אין ביהמ"ד הגדול.
- בעל תפילה: הרה"ח ר' קלמן גפן הי"ו.
- פתיחה: הרה"ח ר' ברוך מרדכי אבערלענדער הי"ו (מאנטרעאל).
- כהן: משב"ק הרה"ח ר' שמואל הכהן פריעדמאן הי"ו.
- לוי: הגה''צ ר' חיים יוסף ווערצבערגער שליט"א אב"ד הוניאד.
- שלישי - מפטיר: רבינו שליט"א.
- הגבה: הרה"ג ר' יוסף לייב קאהן שליט"א.
- גלילה: הר"ר שלמה זלמן וויינבערגער שליט"א.

נאך מנחה אום 6:30 האט זיך דער רבי מתעטף געווען מיטן טלית, ארויף צום ארון הקודש און מתפלל געווען א תפילה חרישות, און אנגעהויבן די דרשה אויפן פסוק 'שובה ישראל עד ה' אלקיך' און תיכךמזיך אריינגעלאזט אין א לענגערע פלפול אין די סוגיא פון מצוה הבאה בעבירה און ממשיך געווען בדברי דרוש און מיט שיינע טייטשן בדרך אגדה.
דערנאך מעורר געווען:
- מזאל זיך מחזק זיין בקביעות עתים לתורה אין איינע פון די חבורות יסודי התורה און תורתך שעשועי, סאיז טאקע נתרומם געווארן דער קרן התורה בקרב קהלתינו אבער יעדער איינציגער איד בלי שום יוצא מן הכלל דארף האבן א שיעור קבוע.
- בעניני תפילה צו דאווענען מרישא ועד גמירא מיט א מתינות אהנגעהויבן פון ברכות, וועט מען טאקע זוכה זיין צו אלע ברכות.
- דער רבי האט ארומגערעדט איבער קרית יואל וואס רביה"ק בעל דברי יואל זיע''א האט מייסד געווען עס זאל זיין אפגעשיידט פון אלע מנהגי אמעריקע הן עם לבדד ישכון, מען דארף האלטן ווייטער די ירושה פון רביה''ק צו האלטן דעם חומה און זיין אפגעטיילט סיי פון אלע מאדעס און בלייבן אפגעזונדערט, שלא יתערב זר במחנינו איינער וואס האט א צווייטע השקפה ווי אונז זאל זיך נישט אהערציען, נישט אין קרית יואל און נישט אין קר"י המורחבת.
- דער רבי האט ממשיך געווען בדברי מוסר איבער די היינטיגע ניגונים, נישט צו זינגען די היינטיגע מאדערנע ניגונים.
- בעניני צניעות פון קאפ ביז פיס, פון די ביי האר ביז די זאקן, און די פריצות'דיגע שייטלען.
- ארויסגעברענגט לשבח און מחזק געווען די חבורה עבודה כהלכה, הכשרים אויף אפיסעס, יעדער בעה"ב און ארבעטער זאל זיכער מאכן עס צו האבן אין זיין אפיס.
- דער רבי האט ארויסגעברענגט בנוגע דעם גזירת החינוך אין ניו יארק ווי מען האט בס''ד משנה געווען דאס געזעץ לטובת החינוך, אבער די רשעים רוהן נישט איין און האבן איינגעגעבן א קלאגע אין געריכט ס'איז א ערנסטע קלאגע און מען האפט און מען איז מתפלל צו הקב"ה 'בטל מחשבות שונאינו' אז זיי זאלן נישט מצליח זיין און נישט קענען שטערן די חינוך פון די תשב"ר.
- די ביטערע גזירה פון גיוס בני ישיבת בארה"ק ווי צענדליגע בחורים זענען געזעצן אין תפיסה דעם יו"ט ראש השנה פארן איינציגסטן חטא פון לערנען תורה, צווישן זיי א בחור מתלמידי ישיבתינו הק' פון בני ברק, מען דארף דאנקן הקב"ה אז עס איז דא א קול מלחמה במחנה און מען טוט שטארק מחזק זיין די לוחמים וואס זענען לוחם מיט אן ערנסטקייט, אבער אין די זעלבע צייט זענען ליידער דא אזעלכע וואס ארבעטן אויף פשרות וואס דורך דעם קען האלב כלל ישראל חלילה יא אנקומען אין די טמא'נע מיליטער, אונז רוף מיר אויס פאר די פאליטיקאנטן אז אידישע נשמות זענען נישט קיין מקח וממכר פאר פאליטיק! און מען טאר נישט מפקיר זיין קיין שום נפש מישראל!
- און דערביי שטארק מחזק געווען די עסקנים פון מרכז עזרה ויעוץ וועלכע שטייען אויפן פראנט ארויסצוהעלפן צו ראטעווען יעדעם איינעם פון מיליטער.

- ארומגערעדט איבער די פראבלעמען פון די כלים למיניהם ובפרט די תאוה פון בחורים צו האבן א אייגענע טעלעפאון, און אויפגעפאדערט פון די עלטערן נישט צו געבן קיין טעלעפאון פאר א בחור, עס איז שוין איינגעפירט די לעצטע פאר יאר אז עס איז צוגעשטעלט אומזיסטע טעלעפאנען אין אלע בתי מדרשים און מען פירט עס יעצט איין אין די שאפינג צענטערן אזוי אז עס זאל נישט זיין קיין שום תירוץ פאר א בחור צו האבן א טעלעפאון.
- דער רבי האט ממשיך געווען ארומרעדענדיג איבער די דירות פרייזן וואס זענען ב"ה שטארק געפאלן סיי צו קויפן און סיי צו דינגען א דירה, און מחזק געווען זיך צו האלטן פעסט און נישט צאלן מער פון די פרייז וואס מען האט באשטימט און קיינער זאל נישט זאגן אז איך בין א אויסנאם, און אזוי וועט מען מצליח זיין צו האלטן די פרייזן נידריג סיי אין קרית יואל און אין קרית יואל המורחבת.
דער רבי האט מסיים געווען נאכזאגענדיג וואס ער האט זוכה געווען אליינס צו הערן מפ"ק פון רביה"ק בעל דברי יואל זיע''א ביי די דרשה שנת תשכ"ו, אזוי ווי דער הייליגער שינאווער רב זיע''א האט געזאגט בשנת תרס"ו אז עס איז א זמן פקידה, און ווי דער הייליגן ישמח משה זיע''א האט געזאגט אז יעדע זעכציג יאר איז נאכאמאל א זמן פקידה און איינגעריסן אז מען זאל זוכה זיין תשכ"ו צו ביאת המשיח, האט דער רבי געזאגט אז אונז שטיי מיר שוין היינט תשפ"ו זעכציג יאר שפעטער און מען האפט און מען איז מתפלל אז דאס יאר זאל שוין זיין דאס יאר ווען מ'וועט זוכה זיין צו ביאת המשיח, און דער רבי האט מסיים געווען בברכת קדשו פארן גאנצן ציבור.

מען האט געענדיגט די דרשה ארום 7:50 און דער רבי האט געזאגט קדיש דרבנן, מען האט געדאווענט מעריב. בעל תפילה: הרה"ח ר' שמואל לייבוש וויינבערגער הי"ו.

▫️ סאטמארע נייעס 🌴 ▫️

ליל ב' דראש השנה 'בצל הקודש' פון כ''ק רבינו הגה''ק שליט''א

ביים זמן ר"ת איז דער רבי אריינגעקומען אין ביהמ"ד צו מערבית. בעל תפילה איז געווען הרה''ח ר' דוד בר''מ עקשטיין הי''ו. מען האט געענדיגט ארום 8:40, דער רבי איז ארויף אויפן ארון קודש און געוואונטשן 'א גוט יו"ט א גוט געבענטשט יאר' פארן גאנצן ציבור, און אהיים לביתו נאוה קודש.

ארום 11:25 איז דער רבי אריינגעקומען צום שלחן הטהור בהיכל השלחנות.
הגבהת הכוס: הר"ר אלי' גראס שליט"א מבערבעשט.
דער רבי האט אנגעטוהן א נייעם קאפטן פאר שהחיינו און אויפן טיש איז געווען שהחיינו פירות, דער רבי האט געמאכט א ברכה אויף א טייטל און טועם געווען פון די שהחיינו פירות, און דערנאך געטיילט שיריים פון די מילגרוימען פארן גאנצן עולם.

ביי די לחיים נאך די פיש האט דער רבי געוואונטשן 'א שנה טובה ומבורכת'.
מיט די זמירות האט דער רבי מכבד געווען הר"ר משה אלי' גראס שליט"א (וומסב''ג).

דער רבי האט געזאגט תורה אויפן פסוק 'אשרי העם יודעי תרועה' און געטייטשט אז דורך די תקיעות מעומד ומיושב איז 3 מאל ל' מיט די מילוי איז עס בגימ' ע''ד מבטל צו זיין די מקטריגים, אבער נאר אז מען גייט בדרך המסורה בלימוד הא' ב' ווי דער ייטב לב איז מאריך אויף דעם אופן קען מען רעכענען אזוי די גימטריא.

ברכת המזון: הר"ר אלי' גראס שליט"א, מען האט געענדיגט ארום 12:30.

ונתנה תוקף קדושת היום

דעם צווייטן טאג יו''ט אינדערפרי איז דער רבי אריינגעקומען ארום 8:20.

כמעשהו בראשונה האט דער רבי אפגעראכטן די עבודת הקודש, דער רבי האט פארגעזאגט ברכות, און דער בעל תפילה אנגעהויבן זינגען אדון עולם. פסוקי דזמרה: הרה''ג ר' דוד פערל שליט''א. שחרית: הרה"ח ר' בעריש אפפעל הי"ו.

מיט די פתיחות ביי שחרית זענען מכובד געווארן:
- הרה"ח ר' עוזיאל לעפקאוויטש הי"ו.
- הרה"ח ר' יצחק אייזיק שטיין הי"ו.
- הרה"ח ר' שלמה הערש פעלדמאן הי"ו.
- הרה"ח ר' ברוך יצחק ווייס הי"ו.
- הרה"ח ר' משה יוסף ווערטהיימער הי"ו.
- הרה"ח ר' זלמן לייב קאפפעל הי"ו.

נאך א קורצע הפסקה איז דער רבי אריינגעקומען מלובש מיטן קיטל, זילבערנע קאפל, און די ווייסע סטראקעס בעקיטשע.

- הוצאה והכנסה זענען נתכבד געווארן הר"ר משה אלי' גראס שליט"א און הר"ר יוסף משה פארגעס שליט"א.
- פסוקי שמע ישראל: הר"ר אלי' גראס שליט"א.
- הולכת הס"ת לבימה: הרה"ח ר' וואלף פארקאש הי"ו און הרה"ח ר' חיים יחזקאל הערשקאוויטש הי"ו

רבינו שליט"א איז געווען בעל קורא, און געליינט בהתעוררות רב בבכיות ובהשתפכות הנפש. עליות:
- כהן: הרה"צ ר' יצחק צבי ווייס שליט"א.
- לוי: הרה"ח ר' חיים הערש אפפעל הי"ו.
- שלישי: הגאון הגדול הדומ"ץ שליט"א.
- רביעי: הרה"ח ר' אהרן הערש מיטטעלמאן הי''ו (ב"פ).
- חמישי: רבינו שליט"א.
- הגבה די ערשטע ספר: הרה"ג ר' ליפא בערקאוויטש שליט"א מו"ץ.
- גלילה: הר"ר שמואל מענדל באב"ד שליט"א (ב"פ).
- מפטיר: הרה"ח ר' מאיר ווערטהיימער הי"ו.
- הגבה די צווייטע ספר: הר"ר ברוך שלמה וויינבערגער שליט"א.
- גלילה: הר"ר שמואל אליעזר טייטלבוים שליט"א (ב"פ).
מען האט געענדיגט 12:30.

עס איז געווען פּויזע, דער רבי איז געגאנגען אין מקוה און אריין לחדרו הפרטי.

ארום 1:20 איז רבינו שליט"א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זיע''א, דער רבי איז ארויף אויפן ארון קודש און מתפלל געווען א תפילה חרישות, און אנגעהויבן די פייערדיגע דרשה אויפן פסוק 'אשרי העם יודעי תרועה' און געטייטשט אז דורך מצוות און מעשים טובים בויעט מען אויף דעם ביהמ''ק השלישי אבער דורך די חטאים צו ווארפט מען עס חלילה און מען צו ווארפט אפילו דעיס וואס פריערדיגע צדיקים האבן אויפגעבויט, דארף מען ראש השנה מאכן אז חשבון הנפש צו מען איז חלילה נישט פון די סוסרים און מתקן זיין וואס מען דארף, און מאריך געווען בדברי התעוררות לתשובה ותיקון המעשים און מסיים געווען ברוב ברכות און אויסגעפירט מיט א רמז 'מי יתן מציון ישועת ישראל' 'ישועת' איז בגי' תשפ"ו, און אנגעוואונטשן מען זאל בקרוב זוכה זיין צו זען ישועת ישראל בשמחתן.
נאך די דרשה האט דער רבי געזאגט קדיש דרבנן, מען האט געענדיגט ארום 1:50.

דערנאך איז דער רבי ארויף אויפן באלעמער, די ספרי תורה האבן געהאלטן הרה"ח ר' יואל פאגעל הי"ו (אנטווערפען), און ר' אהרן שפיטצער הי"ו. דער רבי האט פארגעזאגט מן המיצר און פאר די ברכה אנגעטוהן א נייע זיידענע שאהל, און געמאכט די ברכות באש קודש און געבלאזן די תקיעת דמיושב, בעל מקריא איז געווען הגאון הגדול הדומ"ץ שליט"א.

רבינו שליט''א איז צוגעגאנגען צו תפילת מוסף און געזאגט הנני העני ממעש, קדיש איז געווען 2:20, בעל תוקע ביי די תקיעת דמעומד איז געווען הגה''צ ר' שלמה זאבעל שליט''א דומ''ץ ביהמ''ד בית דוב.

שלוחי עמך בית ישראל העומדים לבקש תפילה ותחנונים, ולהתחנן על עמך ישראל, כמעשהו בראשונה זענען די תפילות זענען געווען איין שטיק רגש דקדושה, מיט בכיות מפעם לפעם און מיט א קול חוצב להבת אש, וואס האט מעורר געווען דעם גאנצן היכל בית המדרש.

פתיחות ביי מוסף זענען נתכבד געווארן:
- הרה"ח ר' אברהם שלום לאנדא הי"ו.
- הרה"ח ר' יצחק מארקאוויטש הי"ו.
- הרה"ח ר' בערל פאלאטשעק הי"ו.
- הרה"ח ר' הירצקא גרינפעלד הי"ו.
- הרה"ח ר' מאיר זאב פריעדמאן הי"ו.

הרה"ח ר' אברהם יושע גלאנץ הי"ו און הרה"ח ר' יואל בר"מ מיטטעלמאן הי"ו זענען מכובד געווען אויפצוהייבן דער רבי'ן ביי כורעים.

צו קוה איז צוגעגאנגען הרה"ח ר' יצחק עהרנפעלד הי"ו, פתיחה לאנעים זמירות: הרה"ח ר' אליעזר ראטה הי"ו. מען האט געענדיגט ארום 5:25, און מען האט תיכף געדאווענט מנחה. פארן עמוד האט געדאווענט הרה"ח ר' יוסף משה גלאנץ הי"ו, שמו"ע האט דער רבי געדאווענט מיטן טלית אויפן קאפ, מען האט געענדיגט ארום 5:50.

ארום 7:50 איז דער רבי שליט"א אריינגעקומען צום שולחן הטהור נעילת ימי ראש השנה אין ביהמ"ד הגדול.

מען האט אריינגעברענגט קוגל און זיסע מייערן, און מען האט געזונגען ניגוני ימים נוראים.

מיט אתה נגלית האט דער רבי מכבד געווען נכדו הרב אנשיל אשכנזי שליט"א (מאנטשעסטער), בן חדב"ן הגה"צ רב דביהמ"ד אבני צדק שליט"א.

דער רבי האט געזאגט תורה אויפן פסוק 'תקעו בחודש שופר' און געטייטשט אז מכח דעים וואס אידן זענען מקיים מצוות דרבנן איז הקב''ה מחיוב מיט די חיובי בעל לאשה משפיע זיין אויף ישועות פאר אידישע קינדער, און צוגעלייגט אז רמז אויפן טייטש פון רבי'ן פון לובלין זיע''א 'ועשית משבצות זהב' אז אידן זאלן האבן קעסטלעך מיט גאלד, 'ועשית' איז בגי' תשפ"ו עס זאל אראפקומען קעסטלעך פון גאלד עס זאל נשפע ווערן פרנסה בהרחבה גדולה און מסיים געווען בברכות לרוב.

מען האט ממשיך געווען מיט ניגוני ימים נוראים און הר"ר הערשל קאהן שליט"א האט פארגעזינגען א ניגון מקובל פון הרה''ק ר' ישראל מפיקוב זיע''א זוהן פון הרה''ק הקדושת לוי זיע''א. און דער רבי האט געבענטשט אויפן כוס.

מעריב מוצאי יו"ט: הרה"ח ר' חיים יעקב גוטמאן הי"ו. דער רבי האט געמאכט הבדלה, און נאך הבדלה געוואונטשן פארן גאנצן ציבור "א גוטע וואך א גוט יאהר", און זיך דערביי באדאנקט פאר די קאפעליע וועלכע האבן געזינגען די נייע ניגונים ביים דאווענען, מען האט געענדיגט ארום 9:00

יה"ר שיתקבלו תפילתינו לרחמים ולרצון א שנה טובה ומבורכת לנו ולכל ישראל

▫️ סאטמארע נייעס 🌴 ▫️

יום תרועה יהיה לכם 'בצל הקודש' פון כ''ק רבינו הגה''ק שליט''א

דעם ערשטן טאג יו''ט אינדערפרי איז דער רבי אריינגעקומען אין ביהמ''ד ארום 8:15.

רבינו שליט''א האט אפגעראכטן זיינע הייליגע תפילות בינו לבין קונו בלב קרוע ומרתח ובקש רחמים כעני בפתח, מיט בכיות נוראות וואס האט זיך געהערט אינעם גאנצן ביהמ''ד וואס האט אויפגעציטערט די הערצער פון די טויזענטער מתפללים.
דער רבי האט פארגעזאגט ברכות, און דערנאך האט דער בעל תפילה אנגעהויבן זינגען אדון עולם. פסוקי דזמרה: הרה"ג ר' אברהם שלום פריעדמאן שליט"א מראשי הכוללים. דער רבי האט געזאגט 'וכרות' פסוק בפסוק. שחרית: הגאון הגדול הדומ"ץ שליט"א.
מיט די פתיחות ביי שחרית זענען מכובד געווארן.
- הרה"ח ר' שלמה ווערצבערגער הי"ו.
- הרה"ח ר' זעליג אינדיג הי"ו.
- הרה"ח ר' שלום יודא קליין הי"ו.
- הרה"ח ר' מאיר ווערטהיימער הי"ו.
מען האט געענדיגט ארום 11:30.

נאך א קורצע הפסקה איז דער רבי אריינגעקומען מלובש מיטן קיטל, זילבערנע קאפל, און ווייסע סטראקעס בעקיטשע.
- הוצאה והכנסה זענען נתכבד געווארן. הרה"ג ר' יוסף הערש סופר שליט"א מו"ץ, און הרה"ג ר' נתן דוב שווארטץ שליט"א מו"ץ.
- פסוקי שמע ישראל: הרה"צ ר' יצחק צבי ווייס שליט"א מאיהעל ב"פ.
- הולכת הס"ת לבימה: הרה"ח ר' משה גאלדבערגער הי"ו און הרה"ח ר' חיים קארנבלי הי"ו.

דער רבי איז געווען בעל קורא, און געליינט די קריאה בבכיות ובהתעוררות רב. עליות:
- כהן: משב"ק הרה"ח ר' שמואל הכהן פריעדמאן הי"ו.
- לוי: הרה"ח ר' אלעזר גרובער הי"ו.
- שלישי: הרה"ח ר' אברהם ווידער הי"ו.
- רביעי: הרה"ח ר' ליפא גראס הי"ו.
- חמישי: רבינו שליט"א.

נאכן עולה זיין האט דער רבי קורא שם געווען לרגל הולדת הבת אצל:
- ר' מענדל ב"ר יואל עפשטיין הי"ו.
- ר' אהרן ב"ר יואל ברש"מ עקשטיין הי"ו.
- ר' יואל ב"ר יושע שמאיע הי"ו.
- ר' חיים שמעון גלויבער הי"ו.

- הגבה דעם ערשטע ספר: הרה"ח ר' יודא ווייס הי"ו.
- גלילה: הרה"ח ר' אברהם קליין הי"ו.
- מפטיר: הרה"ח ר' מאיר הירש הי"ו.
- הגבה דעם צווייטע ספר: הרה"ח ר' משה אברהם לעפקאוויטש הי"ו (ב"פ).
- גלילה: הרה"ח ר' חיים טאגער הי"ו.
מען האט געענדיגט 12:10.

עס איז געווען פּויזע, דער רבי איז געגאנגען אין מקוה און אריין לחדרו הפרטי.

אום 1:10 איז רבינו שליט''א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זיע''א, דער רבי איז ארויף אויפן ארון קודש און מתפלל געווען א תפילה חרישה און אנגעהויבן די פייערדיגע 'תקיעת שופר דרשה' אויפן פסוק 'אשרי העם יודעי תרועה' און געטייטשט אז בזמן שביהמ''ק היה קיים האט מען זוכה געווען צו הכנעה און התבטלות במקום הקודש, דורכן קול שופר ווערט מען גערייניגט מען זאל קענען צוקומען צו דעים אויך היינטיגע צייטן.
נאך א בחינה. ראש השנה דארפן אידן צוקומען צו הילף פון די פריערדיגע צדיקים זיך צו קענען מטהר זיין, ביי תקיעות שופר ווערט נתעורר דער זכות פון יעקב אבינו דורך דעם האט מען דעם כח תשובה צו טוהן כראוי. און מסיים געווען מיט א רמז 'בגלל אבות תושיע בנים' 'תושיע' איז בגי' תשפ"ו, מען האפט און מען איז מתפלל אז די אבות הק' זאלן אונז תושיע זיין און מען זאל בקרוב זוכה זיין צו ישועתן של ישראל מיט די גאולה השלימה, און מסיים געווען מיט ברכות לרוב בכל ענינים פארן גאנצן ציבור.
נאך די דרשה האט דער רבי געזאגט קדיש דרבנן, מען האט געענדיגט ארום 1:40.

דערנאך איז רבינו שליט''א ארויף אויף די בימה.
די ספרי תורה האבן געהאלטן:
- הרה"ח ר' שלום יצחק דאסקאל הי"ו (בני ברק).
- הרה"ח ר' אהרן שפיטצער הי"ו.
דער רבי האט פארגעזאגט מן המיצר און געמאכט די ברכות באש קודש און געבלאזן די תקיעת דמיושב, בעל מקריא איז געווען הגאון הגדול הדומ"ץ שליט"א.

רבינו שליט''א איז צוגעגאנגען צום עמוד צו תפילת מוסף און געזאגט הנני העני ממעש, און אנגעהויבן קדיש בערך אום 2:10.

בעל תוקע ביי די תקיעת דמעומד איז געווען הגה"צ ר' שלמה זאבעל שליט"א דומ"ץ ביהמ"ד בית דוב.
רבינו שליט"א האט געדאווענט אין א מחזור נוסח תפלה ישרה.
גשים מול ארון הקודש באימה, ועמך מסביבים אותם כחומה, מיטצוהאלטן די עבודת הקודש באימה וביראה בהתעוררות וברגש קודש ביי תפילת מוסף ובפרט ביי די פסוקי מלכיות זכרונות ושופרות, ובקול חוצב ובלב שופך כמים, עיני עמך תליות ועינים לך מיחלות

פתיחות ביי מוסף זענען נתכבד געווארן:
- הרה"ח ר' יושע ווערצבערגער הי"ו.
- הרה"ח ר' מרדכי לאנדא הי"ו.
- הרה"ח ר' יעקב מיטטעלמאן הי"ו.
- הרה"ח ר' יודל שטיינמעטץ הי"ו.
- הרה"ח ר' בערל הערשקאוויטש הי"ו.

הרה"ח ר' יואל עפשטיין הי"ו און הרה"ח ר' שלמה זלמן ווייס הי"ו זענען מכובד געווארן אויפצוהייבן דער רבי'ן ביי כורעים.

צו קוה איז צוגעגאנגען הרה"ח ר' יצחק עהרנפעלד הי"ו, פתיחה לאנעים זמירות: הרה"ח ר' ארי' האפמאן הי"ו (מאנסי). מען האט געענדיגט ארום 5:30, און מען האט תיכף געדאווענט מנחה, פארן עמוד האט געדאווענט הרה"ח ר' אהרן שפיטצער הי"ו, שמו"ע האט דער רבי געדאווענט מיטן טלית אויפן קאפ, מען האט געענדיגט ארום 6:00.

ביים מיטאג טיש בביתו נאוה קודש האט דער רבי מכבד געווען מיט די זמירות נכדו הרב דוד טייטלבוים שליט"א.
דער רבי האט געזאגט תורה אויפן נוסח 'באין מליץ יושר מול מגיד פשע' און געטייטשט אז דורך אמונה האט א איד חיות און ווערט נישט נדחה, און דערציילט עטליכע סיפורים אויף ראש השנה.

מיטן בענטשן האט דער רבי מכבד געווען הר"ר יואל וויינבערגער שליט"א.

'תחל שנה וברכותיה'

יו"ט ראש השנה תשפ''ו בצל הקודש פון כ"ק רבינו הגה"ק שליט"א בקרב ק''ק קרית יואל יצ"ו.

ליל יו''ט פארנאכטס ארום 7:30 איז רבינו שליט"א אריינגעקומען אין ביהמ"ד מעוטף בטליתו און צוגעגאנגען צו מנחה בהתעורורות רב, און דערנאך האט מען געזאגט דעם פיוט 'אחות קטנה' כנהוג.

נאך מנחה איז פארגעקומען דער יערליכער אפיעל פארן 'מבצר הכוללים דקרית יואל' מיט אירע 1200 לומדי הכולל, עס האט אויפגעטרעטן דער מנהל הכוללים הרה"ג ר' וואלף אהרן טעלער שליט"א.

דערנאך ארום 8:20 איז דער רבי צוגעגאנגען צו מערבית, און נאכן דאווענען פארגעזאגט כנהוג 'לדוד מזמור' באש קודש. מען האט געענדיגט ארום 8:55.

נאכן דאווענען איז רבינו שליט"א ארויף אויפן ארון הקודש צום 'ברכת הקודש' און געזאגט תורה אויפן פסוק 'ישא ברכה מאת ה', און געטייטשט אז עס קומט א ברכה פונעם אייבערשטען אליינס איז שורה די ברכה אפילו בדבר המדוד ומנוי, ויתן ויחזור ויתן עס ווערט נשפע א ברכה כללית און א ברכה פרטיות פאר יעדעם זיין ברכה וואס ער דארף, און דער רבי האט געוואונטשן לכל הקהל הקודש ברכות לרוב, 'לשנה טובה תכתבו ותחתמו לאלתר לחיים טובים ולשלום' און מסיים געווען מיט א רמז צום נייעם יאר ועשו לי מקדש ושכנתי בתוכם 'ושכנתי' איז בגי' תשפ"ו מען זאל זוכה זיין צום בנין ביהמ''ק השלישי במהרה.
ויענו כל העם בקול 'אמן' ולעומתו ברוך יאמרו, האבן די אלפי ישראל צוריקגעוואונטשן פארן רבי'ן ברכת לשנה טובה ואף הוא ענה כנגד המברכים אמן, און דערנאך געוואנטשן א גוט יו''ט.

נאכן אראפגיין האט דער רבי עקסטער געוואונטשן לשנה טובה פאר הגאון הגדול הדומ"ץ שליט"א און די אנדערע רבנים, און אהיים געגאנגן לביתו נאוה קודש.

ארום 11:20 איז דער רבי אריינגעקומען צום שלחן הטהור בהיכל השלחנות. הגבהת הכוס: הרה"ח ר' אלי' ניישטאדט הי"ו.

נאך קידוש האט דער רבי אויפגעשניטן די רינדעכיגע חלה מיט א נייעם מעסער און איינגעטונקען אין האניג דבש חי, און געמאכט א ברכת העץ אויף עפל, איינגעטונקען אין האניג און געזאגט דעם יהי"ר שתתחדש עלינו שנה טובה ומתוקה, און פארטיילט שיריים פון די עפל פארן גאנצן ציבור.

דערנאך האט מען אריינגעברענגט א ראש כבש, ווי אויך א חלק פון די ראש כבש געשיקט געווארן דורך כ''ק אדמו''ר מסערדאהעלי שליט''א, פון די כבש מיט וואס דער רבי האט מקיים געווען מצות פדיון פטר חמור דעם פארגאנגענעם חוה"מ פסח ווי ער האט געדינט אלץ כהן הפודה, דער רבי האט געזאגט דעם יהי"ר שנהיה לראש ולא לזנב, און נאכן טועם זיין געטרינקן לחיים און געוואונטשן 'א שנה טובה ומתוקה א גוט געבענטשט יאר'.
מען האט אריינגעברענגט א קאפ פון א פיש און די מאכלי יו''ט, אין די זופ איז געליגן געקעסטעלטע לאקשן כנהוג, נאך די פלייש האט מען אויפגעגעבן זיסע מייערן און דער רבי האט געזאגט דעם יהי"ר שירבו זכיותינו.

במשך דעם טיש האט מען מאריך געווען מיט ניגוני ימים נוראים, מיט די זמירות לדוד מזמור האט דער רבי מכבד געווען הר"ר מענדל בר"א גראס שליט"א (ב"פ).

רבינו שליט''א האט געזאגט תורה אויפן פסוק 'אשרי העם יודעי תרועה' און געטייטשט אז אידן בכל הדורות האבן מיטגעמאכט שווערע צרות און מיט דעם אלעם געבליבן מיט די אמונה שלימה אין בוכ''ע, דאס איז א מליצה ישרה ארויסצוגיין זכאי ביום הדין.

ברכת המזון: נכד רבינו הרב דוד טייטלבוים שליט"א בן הגה"צ אב"ד סיגוט שליט"א. מען האט געענדיגט ארום 12:25.

▫️ סאטמארע נייעס 🌴 ▫️

מאנטאג וילך ערב ראש השנה 'בצל הקודש' פון כ''ק רבינו הגה''ק שליט''א

באשמורת הבוקר ארום 5:25 איז רבינו שליט"א אריינגעקומען צו אמירת סליחות 'זכור ברית' אין ביהמ''ד הגדול.
רבינו שליט''א האט יורד געווען לפני התיבה בהתעוררות רב מעוטף אינעם טלית און קאפל פון רביה"ק בעל דברי יואל זיע''א, געברענגט דורך הרה"ח ר' משה פאלקאוויטש הי"ו.
מיט די פתיחות זענען נתכבד געווארן הרה"ח ר' יעקב פארגעס הי''ו און הרה"ח ר' עקיבא וויינשטאק הי"ו. מען האט געענדיגט ארום 7:40, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ''ד הגדול צו תפילת שחרית. פארן דאווענען האט דער רבי געלייגט תפילין פאר די בר מצוה בחורים.
- ב"ר יעקב טעללער הי"ו.
- ב"ר מרדכי שעהר הי"ו.

- פתיחה: ר' אברהם יושע קטינא הי"ו - לאנדאן.
- כהן: ר' יואל ב"ר זלמן לייב פריעדמאן הי"ו.
- לוי: הרה"ח ר' שמחה ישראל אפפעל הי"ו.
- שלישי: הב' הבר מצוה ב"ר יעקב טעללער הי"ו.
- הגבה: רבינו שליט"א.
- גלילה: הב' הבר מצוה ב"ר מרדכי שעהר הי"ו.

נאכן דאווענען האט דער רבי געזאגט פופצן קאפיטלעך תהילים און מסיים געווען די צווייטע מאל תהילים כנהוג בחודש אלול. נאכן אויסטוהן די תפילין האט רבינו שליט''א געמאכט התרת נדרים פאר א מנין און געזאגט די מסירות מודעות, און זיי באדאנקט און אנגעוואונשן א כתיבה וחתימה טובה.

נאך שחרית האט דער רבי מנחם אבל געווען הרה"ח ר' זעליג צוויבל הי"ו ובניו החשובים היושבים ע"פ בנו /אחיהם ע"ה.

בביתו נאוה קודש איז פארגעקומען א ברית לבן הנולד אצל ר' טובי' ברד"י קאהן הי"ו ווי דער רבי איז געווען סנדק ומוהל. נאכן ברית האט דער רבי געטרינקן לחיים און מאציל געווען מברכת קדשו.

▫️ סאטמארע נייעס 🌴 ▫️

זונטאג פרשת וילך - ז' סליחות 'בצל הקודש' פון כ''ק רבינו הגה''ק שליט''א

באשמורת הבוקר ארום 5:45 איז רבינו שליט"א אריין געקומען צו אמירת סליחות אין ביהמ"ד הגדול. בעל תפלה: הרה"ח ר' אלימלך שמשון שווארטץ הי"ו. מען האט געענדיגט ארום 6:25, און דער רבי איז אהיים לביתו נאוה קודש.

ארום 9:50 איז דער רבי אנגעקומען אין ביהמ"ד הגדול צו תפילת שחרית. פארן דאווענען האט דער רבי געלייגט תפילין פאר די בר מצוה בחורים.
- בן הר''ר אהרן יעקב כהנא שליט"א.
- ב"ר מנחם זאב פייערשטיין הי"ו.
- ב''ר יונה אשר פריעד הי"ו.
נאכן דאווענען האט דער רבי געבלאזן שופר און געזאגט פיפצן קאפיטלעך תהילים כנהוג אום חודש אלול. דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית האט דער רבי מנחם אבל געווען הרה"ח ר' שלמה חיים פיש הי"ו היושב ע"פ אחיו ע"ה.

זמני כניסה איז געווען פון 6:50 ביז 10:30 אויפדערנאכט בביתו נאוה קודש אויף איהעל קט.

דער רבי האט געדאווענט מנחה ארום 7:30, און מעריב ארום 10:30.

▫️ סאטמארע נייעס 🌴 ▫️

שב''ק פרשת נצבים 'בצל הקודש' פון כ''ק רבינו הגה''ק שליט''א

פרייטאג צונאכטס ארום 7:30 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' עמרם אקער הי"ו. מען האט געענדיגט ארום 9:05. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 9:35 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי שיעור ג' פון אלע סניפי ישיבות קטנות פון קר"י, און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' בנימין חיים מייזליש ני"ו בן חדב"ן הגה"צ רב דביהמ"ד ישמח משה שליט"א.
- הגבהת הכוס איז מכובד געווארן הר"ר נפתלי צבי בראדי שליט"א (ב"ב).

פאר די פיש האט דער רבי משמיע געווען דב"ק אויפן מדרש 'ישראל שאין מכלין שדותיהן לא אעשה כלה' און געטייטשט אז דורך צדקה וחסד ווערט מען פארשריבן צום נייעם יאר לטובה, אזוי ווי מען גייט אי''ה פארן קיין ארץ ישראל דעם קומענדיגן ווינטער וויל איך מכבד זיין די בחורים צו אויסניצן די צייט פון בין הזמנים און גיין נאך געלט פאר עניי ארץ ישראל און אין דעם זכות וועט מען ארויסגיין זכאי בדין, און דערנאך ממשיך געווען מיט הדרכה וועגן טעלעפאנען ביי בחורים מען זאל וויסן דעם חורבן דערפון, נישט אזוי ווערט מען א גרויסע בחור, און מסיים געווען בברכת קדשו.

מיט די זמירות האט רבינו שליט''א מכבד געווען.
- כל מקדש הרה''ג ר' ברוך שלמה וויינבערגער שליט"א - ראש המנהלים קר"י.
- מנוחה ושמחה: הרה''ג ר' חיים לייב זילבערשטיין שליט"א מנהל ישיבה קטנה סניף ייטב פנים.
רבינו שליט''א האט געזאגט תורה אויפן פסוק אתם נצבים היום און עס אויסגעטייטשט בדרך דרוש אויף צוויי אופנים אין די סוגיא פון מצוות לאו ליהנות ניתנו.

- קה אכסוף: הרה''ג ר' חיים אליעזר דאווידאוויטש שליט"א מנהל ישיבה קטנה סניף אבני צדק.
- ברכת המזון: נכד רבינו הר"ר יואל אשכנזי שליט"א (וומסב''ג) בן חדב"ן הגה"צ רב דביהמ"ד אבני צדק שליט"א.

עובדות וסיפורים די וואך האט רבינו שליט''א דערציילט פון הרה"ק השר שלום מבעלזא זיע''א וואס די יארצייט איז געווען שב"ק כ"ז אלול.
- קה רבון עלם: הרה"ח ר' משה שווארטץ הי"ו (וומסב''ג).
די פרישע חתנים זענען אריבער נעמען פירות.
- אז ביום השביעי: הרה"ח ר' חיים יאקאב הי"ו (וומסב''ג).
מען האט געענדיגט די טיש ארום 12:30.

וביום השבת

שב''ק אינדערפרי איז דער רבי אריינגעקומען צום דאווענען ארום 9:40. ברכות ופסוקי דזמרה: הרה"ח ר' אשר יעקב עקשטיין הי"ו. צו שחרית איז דער רבי צוגעגאנגען.

- הוצאה והכנסה: הרה"ח ר' יעקב הערש ניישטאדט הי"ו.
- פסוקי שמע ישראל: הר"ר נפתלי צבי בראדי שליט"א.

עליות.
- כהן: ר' יצחק ישעי' כ"ץ הי"ו - דער רבי האט קורא שם געווען לרגל הולדת בתו למז''ט.
- לוי: הרה"ח ר' בעריש אפפעל הי"ו.
- שלישי: ר' אברהם אלי' זאלדאן הי"ו - דער רבי האט קורא שם געווען לרגל הולדת בתו למז''ט.
- רביעי: ר' יואל בר"א גאלדבערגער הי"ו - דער רבי האט קורא שם געווען לרגל הולדת בתו למז''ט.
- חמישי: ר' משה בר"מ פאלקאוויטש הי"ו - דער רבי האט קורא שם געווען לרגל הולדת בתו למז''ט.
- שישי: רבינו שליט''א.
- שביעי: ר' משולם איסר וויינגארטן הי"ו - דער רבי האט קורא שם געווען לרגל הולדת בתו למז''ט.
- אחרון: ר' נפתלי הירצקא ברי"א שווארטץ הי"ו - דער רבי האט קורא שם געווען לרגל הולדת בתו למז''ט.
- מפטיר: הרה"ח ר' אברהם גאלדבערגער הי"ו.
- הגבה: הרה"ח ר' ישראל ברוך הערשקאוויטש הי"ו.
- גלילה: ר' שמעון דוב פילאפף הי"ו - דער רבי האט קורא שם געווען לרגל הולדת בתו למז''ט.

מוסף: הרה"ח ר' יעקב מיטטעלמאן הי"ו. פתיחה צו אנעים זמירות: הרה"ח ר' יוסף קדיש פילאפף הי"ו. מען האט געענדיגט ארום 12:25.

נאכמיטאג ארום 6:45 איז דער רבי אראפגעקומען אינטן אינעם זאל בביתו נאוה קודש ווי די קאפעליע האט פארגעזינגען די נייע ניגונים וואס זענען פארפאסט געווארן לקראת די ימים נוראים הבעל"ט, דער רבי האט מיטגעהאלט מיט די משוררים און אויסגעהערט די ניגונים און דערנאך מאציל געווען מברכת קדשו שיתקבל לרחמים ולרצון.

רעוא דרעווין

דער רבי איז אריינגעקומען צו תפילת מנחה ארום 7:35.
- מנחה: הרה"ח ר' אלחנן טויב הי"ו.
- הוצאה והכנסה: הרה"ח ר' אשר אנשיל זאלדאן הי"ו.
- כהן: הרה"ח ר' אברהם שלמה כ"ץ הי"ו - לאנדאן.
- לוי: הרה"ח ר' מענדל לעווי הי"ו.
- שלישי: הר"ר ארי' מרדכי ראבינאוויטש שליט"א חתן כ"ק אדמו"ר מבית יצחק ספינקא שליט"א.
- הגבה: רבינו שליט''א.
- גלילה: הרה"ח ר' משה יודא גאלדבערגער הי"ו - וומסב''ג.

זמירות ביי של"ס האט דער רבי מכבד געווען:
- אודה: הרה"ג ר' מענדל גאלד שליט"א מלובלין.
- שיר המעלות: הרה"ח ר' משה גאלדשטיין הי"ו.
רבינו שליט''א האט געזאגט תורה אויפן פסוק 'אתם נצבים היום' און געטייטשט אז יעצט פאר ראש השנה ווען מען איז עוסק בתשובה ותיקון המעשים דארף מען ווערן מלא בושה וכלומה פארוואס מען ווערט נאר נתעורר לתשובה דורך אימות הדין וצרות בבתי ישראל, מען וואלט געדארפט נתעורר ווערן לתשובה אפילו אן דעם, אבער כאטש דאס אליינס איז אויך עפעס נאר מיטן כח פון בושה איז אזיל סומקא ואתא חיוורא גייט אוועק די אלע דינים און עס ווערט נשפע רחמים וחסדים צום נייעם יאר.

- ידיד נפש: הרה"ח ר' יצחק מארקאוויטש הי"ו.
- קל מסתתר: הר"ר נפתלי צבי בראדי שליט"א.
דער רבי האט געבענטשט על הכוס.

מעריב מוצש''ק: הרה"ג ר' בערל גלאנץ שליט"א מבארדיוב. נאך הבדלה איז דער ציבור אריבער זאגן א גוטע וואך. מען האט געענדיגט ארום 10:00.

▫️ סאטמארע נייעס 🌴 ▫️

פרייטאג ערש''ק נצבים ו' סליחות 'בצל הקודש' פון כ''ק רבינו הגה''ק שליט''א

באשמורת הבוקר ארום 5:45 איז רבינו שליט"א אריין געקומען צו אמירת סליחות אין ביהמ"ד הגדול.
- בעל תפלה: הרה"ח ר' יודא אליעזר גאטעסמאן הי"ו.
מען האט געענדיגט ארום 6:25, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ"ד הגדול צו תפילת שחרית, פארן דאווענען איז פארגעקומען א ברית לבן הנולד אצל ר' שמחה בונם שווארטץ הי"ו ווי דער רבי איז געווען סנדק ומוהל.

דער רבי האט געלייגט תפילין פארן בר מצוה בחור ב"ר אברהם יושע בערקאוויטש הי"ו.
נאכן דאווענען האט דער רבי געבלאזן שופר און געזאגט פיפצן קאפיטלעך תהילים כנהוג אום חודש אלול. דערנאך איז פארגעקומען א לחיים מיטן בר מצוה בחור בחדרו הפרטי.

אויך זענען אריין בקודש פנימה עטליכע תלמידי הישיבה חברי וועד מעתיקי שמיעה פון הגה"צ אבד''ק וומסב''ג שליט"א און האבן איבערגעגבן ספרו החדש אמירה נעימה ב"כ דרשות, איידער ס'גייט אריין אין דרוק לקראת די חתונה פון נכדתו הכלה, נכדת דור רביעי הבכירה פון רבינו שליט"א, וואס וועט פארקומען בשעטומ"צ דעם קומענדיגן חודש כסלו הבעל"ט, דער רבי האט זיי מאציל געווען מברכת קדשו און זייער עבודת הקודש.

נאך תפילת שחרית איז דער רבי אריבער אין שטוב פון חדב"ן הגה"צ רב דביהמ"ד אבני צדק שליט"א צו די שמחת החאלאקע פון נכדו הילד כמר יצחק ני"ו בן בנו הר"ר יואל אשכנזי שליט"א, דער רבי האט אפגעשניטן עטליכע האר און אנגעטוהן די קאפל און ציצית, און דערנאך זיך געוואשן צו פת שחרית, עס האט זיך פארצויגן א שיינע שמועס מיט די זיידעס בסיפורי צדיקים, און דער רבי האט געבענטשט אויפן כוס.

נאכמיטאג ארום 5:15 איז פארגעקומען בביתו נאוה קודש א ברית לבן הנולד אצל הר"ר יחיאל נפתלי באב''ד שליט''א (וומסב''ג), ווי דער רבי איז געווען סנדק ומוהל.
נאכן ברית האט דער רבי מאציל געווען מברכת קדשו און עקסטער טעלעפאניש פאר אביו הרב הגאון ר' מרדכי שליט''א ראב''ד מכון להוראה.

▫️ סאטמארע נייעס 🌴 ▫️

דאנערשטאג נצבים - ה' סליחות 'בצל הקודש' פון כ''ק רבינו הגה''ק שליט''א

באשמורת הבוקר ארום 5:45 איז רבינו שליט"א אריין געקומען צו אמירת סליחות אין ביהמ"ד הגדול.
- בעל תפלה: הרה"ח ר' דוד עקשטיין הי"ו.
מען האט געענדיגט ארום 6:25, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ"ד הגדול צו תפילת שחרית, ביים ליינען האט דער רבי עולה געווען שלישי. און נאכן דאווענען געבלאזן שופר און געזאגט פיפצן קאפיטלעך תהילים כנהוג אום חודש אלול.

נאכן דאווענען האט זיך פארבינדן מיט רבינו שליט"א העסקן הגדול הרב שמעון שישא שליט"א יו"ר מרכז עזרה ויעוץ שע"י העדה החרדית להצלת בחורי ישראל מגזירת הגיוס, ר' שמעון הי"ו שטייענדיג אין ציוני'סטישער בית משפט מזכיר געווען דריי שווערע קעיסעס פון ארעסטירטע אויף וועמען די מדינה פארלייגט זיך מיט שטארקע כוחות זיי צו האלטן אין טורמע, וואס איז פארגעקומען א געריכט סעסיע איבער זייער שיקזאל, און דערביי אויך דערציילט די ביטערע מצב הגזירה ווי עס זענען שוין ארעסטירט געווארן די וואך אליינס אריבער 100 בחורים וועלכע האבן זיך נישט געשטעלט צום טריפה'נעם מיליטער, דער רבי איז איבערגעגאנגען א לענגערע צייט אלע פרטים פון די פארצווייגטע מערכה, און גאר ווארעם אנגעוואונטשן ברכת קדשו מען זאל מצליח זיין מיט די פארשידענע אופנים צו באפרייען די אסירי ישראל, און שטארק מחזק געווען מען זאל ווייטער אנגיין מיט די עבודת הקודש ביז די גזירה וועט בעז"ה אינגאנצן בטל ווערן.

דערנאך האט דער רבי אהיימשפאצירט לביתו נאוה קודש, אויפן וועג האט זיך פארצויגן א לענגערע שמועס איבער די ביטערע גזירה פון גיוס בני ישיבות בארה"ק.

זמני כניסה איז געווען פון 6:30 ביז 12:00 אזייגער אויפדערנאכט בביתו נאוה קודש אויף איהעל קט.

בעת די זמני כניסה איז פארגעקומען אן אסיפה בקו''פ מיט די רבני ועד לטהרינו דקהילתינו הק' אינאיינעם מיט די איינגעשטעלטע פון "גדר" ווי מען איז איבערגעגאנגען די לעצטערע אנטוויקלונגען אין די פעלד פון טעכנאלאגישע כלים, און רבינו שליט"א האט געגעבן הוראת קדשו, און אנגעוואונטשן די עסקנים מען זאל ווייטער קענען אויפטון למען טהרתן של ישראל.

ארום 10:10 איז דער רבי אראפ צו די תנאים זאלן בביתו נאוה קודש ווי דער רבי האט געליינט די תנאים פון די מחותנים. הרה"ח ר' אברהם שמעון רייך הי"ו און הרה"ח ר' יעקב ברי"מ פריעדמאן הי"ו אין די תנאים זאלן בביתו נאוה קודש.

דער רבי האט געדאווענט מנחה ארום 7:40, און מעריב ארום 12:00 אזייגער.

▫️ סאטמארע נייעס 🌴 ▫️

מיטוואך פרשת נצבים - ד' סליחות 'בצל הקודש' פון כ''ק רבינו הגה''ק שליט''א

באשמורת הבוקא אום 5:45 איז רבינו שליט"א אריינגעקומען צו אמירת סליחות אין ביהמ"ד הגדול, בעל תפלה: הרה"ח ר' אהרן ווערצבערגער ה"יו.
מען האט געענדיגט ארום 6:25, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ"ד הגדול צו תפילת שחרית.
פארן דאווענען איז פארגעקומען א ברית לבן הנולד אצל ר' ישראל זאב גאנדל הי"ו ווי דער רבי איז געווען סנדק.

דער רבי האט געלייגט תפילין פאר די בר מצוה בחורים.
- בן הרה"ג ר' ליפא טייטלבוים שליט"א, בן האדמו"ר מסאסוב שליט"א וחתן הגה"צ רב דקהלתינו ב''פ 15 שליט"א.
- ב"ר עזריאל יאקאבאוויטש הי"ו.
- ב"ר חיים דוד ניישטאדט הי"ו.
נאכן דאווענען האט דער רבי געבלאזן שופר און געזאגט פיפצן קאפיטלעך תהילים כנהוג אום חודש אלול. דערנאך איז פארגעקומען א לחיים מיט די בר מצוה בחורים בהיכל הביהמ"ד.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

זמני כניסה בקו''פ איז געווען פון 6:30 ביז 12:00 אזייגער אויפדערנאכט בביתו נאוה קודש אויף איהעל קט.

ארום 10:15 איז דער רבי אראפ צו די תנאים זאלן בביתו נאוה קודש וואו דער רבי האט געליינט די תנאים פון די מחותנים:
- הרה"ח ר' יעקב ברח"מ שטויבער הי"ו און הרה"ח ר' דוד יצחק קליין הי"ו.
- הר"ר יואל בר"ב בערגער שליט"א און הר"ר ישראל יודא ווערצבערגער שליט"א.

דער רבי האט געדאווענט מנחה ארום 7:40, און מעריב ארום 12:00.

▫️ סאטמארע נייעס 🌴 ▫️