סאטמארע נייעס

זונטאג פרשת שופטים ב' דר"ח אלול 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די פאלגענגע בר מצוה בחורים.
ב"ר יואל חיים משה מיללער הי"ו.
ב"ר יחזקאל משולם גלויבער הי"ו.
ב"ר שמואל אפרים גאלד הי"ו.

רבינו שליט''א איז צוגעגאנגען צום עמוד צו הלל. לדוד ה' אורי האט מען געזאגט תיכף נאך שחרית. ביים ליינען האט דער רבי עולה געווען רביעי. נאכן דאווענען האט רבינו שליט"א געבלאזן שופר, און ביי תהילים געזאגט 10 קאפיטלעך כנהוג בימי אלול. דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 4:15 איז דער רבי ארויס געפארן קיין קרית ויואל משה אין מאנטיסעלא צו די הכנסת ספר תורה אריינגעגעבן בביהמ''ד הגדול 'זכרון יחיאל מיכל'. דער רבי איז געקומען צו פארן לכבודו פונעם נדבן הס"ת הרה"ח ר' יצחק זאב פילאפף הי"ו.
דער רבי איז אהנגעקומען בערך 5:00 אזייגער, דער רבי האט קודם געדאווענט מנחה אין איינס פון די חדרי התפילה פונעם ביהמ"ד, דערנאך איז דער רבי אריין אין היכל הביהמ"ד און איבערגענומען די ס''ת פונעם נדבן און אפגעראכטן א לענגערע צייט די ריקודי קודש בהתלהבות אש, און אויך מכבד געווען צו טאנצן דעם נדבן הרה"ח ר' יצחק זאב הי"ו, דערנאך האט דער רבי פארגעזאגט לדוד מזמור כנהוג.
נאך קדיש איז פארגעקומען א מסיבת לחיים בהיכל הביהמ"ד, עס האט אויפגעטרעטן מיט קורצע ווערטער הרה"ג ר' שלום טייטלבוים שליט"א דומ"ץ הקרי'. דער רבי האט געטרינקן לחיים און ווארעם אנגעווינטשן פארן חשובן נדבן וכל משפחתו בברכת התורה, און משמיע געווען קורצע דברות קודש פארן ציבור, זיך שטעלנדיג אויפן פסוק אין די סדרה 'תכין לך הדרך ושלשת', און ארומגערעדט בשבח המקום ביהמ"ד המפואר זכרון יחיאל מיכל, וואס איז א תל תלפיות, פון ווי עס גייט ארויס אזויפיל תורה, עבודה וגמילת חסדים, און מסיים געווען בברכה מען האט געענדיגט ארום 6:10.

פארנאכטס האט דער רבי מסדר קידושין געווען ביי די חופה פון די פאלגענגע מחותנים.
הר"ר שרגא גאנדל שליט''א - ר' יונה דוד פערל הי"ו, באולם כינור דוד.
ר' אהרן וויינשטאק הי"ו - ר' יעקב הערש פערל הי"ו, באולם קרן ויואל משה.

זמני כניסה בקודש פנימה איז געווען פון 7:45 ביז אום 11:30 אויפדערנאכט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענגע מחותנים.
הר''ר יונה גוטמאן הי"ו - ר' יואל ברד"ל האלפערט הי"ו.
ר' שמעון מאסרי הי"ו - ר' יואל בר"י מזרחי הי"ו.

רבינו שליט''א האט געדאווענט מעריב ארום 11:30 בביתו נאוה קודש.

▫️ סאטמאר'ע נייעס 🌴 ▫️

שב"ק פרשת ראה א' דר''ח אלול 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 8:10 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' יושע גליק הי''ו (מאנסי).

מען האט געענדיגט דאווענען ארום 9:40. דער עולם אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' ישראל דושינסקיא בן הגה''צ רב דביהמ''ד אהל פיגא שליט''א, הגבהת הכוס לקידוש: הרה''ח ר' פסח עקשטיין הי''ו (ירושלים).

מיט די זמירות האט רבינו שליט''א מכבד געווען, די אייניקליך בני הגה''צ אב''ד סיגוט שליט''א, כל מקדש: הרב מרדכי יודא האלבערשטאם שליט''א, מנוחה ושמחה: הרב אברהם רוקח שליט''א.

רבינו שליט''א האט געזאגט תורה אויפן פסוק "ראה אנכי נותן היום" און געטייטשט בדרך דרוש אין די סוגיא פון דרשינן טעמא דקרא.

קה אכסוף: הרב חיים שלמה הורוויץ שליט''א חתן אב''ד סיגוט שליט''א, ברכהמ"ז: הרב מרדכי יודא האלבערשטאם שליט''א חתן אב''ד סיגוט שליט''א.

עובדות וסיפורים די וואך האט רבינו שליט''א דערציילט פון זקינו הגה"ק מרן הייטב לב זיע"א, וואס די יארצייט געפאלט פרייטאג ו' אלול. קה רבון עלם: הרב הגאון ר' יואל שווארץ שליט''א דומ"ץ בית מדרשינו בנין געלבשטיין וומסב''ג.

די פרישע חתנים זענען אדורך נעמען פירות, אז ביום השביעי: הרה''ג ר' מענדל מאיר מיטעלמאן שליט''א מו''ץ בקהלתינו וומסב''ג. מען האט געענדיגט ארום 12:55.

וביום השבת קודש

שב"ק צופרי איז רבינו שליט''א אריינגעקומען 9:40. פסוקי דזמרה: הרה''ג ר' שרגא גאנדעל שליט''א, וכרות האט רבינו שליט''א געזאגט פסוק בפסוק, און צוגעגאנגען צו שחרית והלל.

הוצאה והכנסה: נכדי רבינו הרב אברהם רוקח שליט''א און הרב חיים שלמה הורוויץ שליט''א, פסוקי שמע ישראל: הרב הגאון ר' יואל שווארץ שליט''א.

עליות. כהן: החתן ב''ר ישראל לייב כהן הי''ו - באווארפן, לוי: ר' אברהם פרענקל הי''ו - רבינו שליט"א האט געמאכט די מי שברך וקריאת השם לרגל הולדת בתו למז"ט, שלישי: החתן בן הר''ר שרגא גאנדעל שליט''א - באווארפן, רביעי: ר' דוב לעבאוויטש הי''ו - רבינו שליט"א האט געמאכט דעם מי שברך וקריאת השם לרגל הולדת בתו למז"ט, חמישי: ר' יואל אלטר גאלדשטיין הי''ו - רבינו שליט"א האט געמאכט די מי שברך וקריאת השם לרגל הולדת בתו למז"ט, שישי: רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי ר' יואל בר''א אקער הי''ו.

שביעי: ר' מרדכי יצחק גפן הי''ו (וומסב''ג), אחרון: הר''ר יואל ווייס שליט''א (ב''פ) בן האדמו''ר מהארדענקא שליט''א, מפטיר וקריאת ר''ח: הרה''ח ר' דוד עקשטיין הי''ו, הגבה: הרה''ח ר' אשר אנטשיל גאנדעל הי''ו, גלילה: הרה''ח ר' פנחס אלי' ברוין הי''ו (וומסב''ג).

צו מוסף איז רבינו שליט''א צוגעגאנגען לכבוד שבת ר''ח ולרגל די הילולא קדישא פונעם יטב לב זיע"א דעם וואך, פתיחה לאנעים זמירות: הרה"ח ר' חיים שלמה פיש הי''ו.

נאכן דאווענען איז פארגעקומען די ברית לבן הנולד אצל ר' מרדכי יצחק גפן הי''ו, ווי דער רבי איז געווען סנדק ומוהל. מען האט געענדיגט 1:20.

ביים מיטאג טיש בביתו נאוה קודש האט מען אריינגעברענגט א עקסטערע קוגל לכבוד שבת ר''ח, מיט ברכו נפשי האט דער רבי מכבד געווען נכדו הב' יואל בן הגה''צ אב''ד סיגוט שליט''א, ברכהמ''ז: נכדו הרב אברהם רוקח שליט''א.
נאכמיטאג ארום 6:55 איז רבינו שליט''א אריינגעקומען אין ביהמ''ד צו פרקי אבות, דער רבי האט זיך געשטעלט אויף פרק ה' משנה ז' 'שבעה דברים בחכם על ראשון ראשון, ועל מה שלא שמע אומר לא שמעתי', און געטיישטש אויף 15 אופנים בדרך דרוש אגדה ומוסר, ביים סוף האט רבינו שליט''א ארויסגעברענגט בשבח פון תושבי קרית יואל וואס האט נאך די השפעה פון רביה''ק מייסד הקרי' זיע"א און אזויפיל טויזענטער פרויען זענען זיך צוזאמגעקומען הערן און מקבל זיין, אזוי אויך בעניני טעכנעלאגיע אפילו ווי עס איז נישט אסור האלט מען זיך צוריק מכל וכל, און מסיים געווען בדברי הכנה צו די הייליגע טעג אז אויב מען וועט אויסניצן אלע שעות פונעם חודש בתשובה ותיקון המעשים וועט מען ניצל ווערן מכל צרה וצוקה. מען האט געענדיגט ארום 7:55 און דער רבי איז אריין לחדרו הפרטי.

רעוא דרעווין

צו מנחה ושל"ש איז רבינו שליט''א אריינגעקומען ארום 8:10. מנחה: ר' אלי' ברח''א שפיצער הי''ו, הוצאה והכנסה: הרה"ח ר' אברהם סאלינסקי הי"ו (וומסב''ג), כהן: הרה''ח ר' זושא הכהן רובין הי''ו (וומסב''ג), לוי: הרה''ח ר' עקיבא הירש הי''ו (וומסב''ג), שלישי: הגה''צ רבי יואל שליט''א רב דביהמ''ד בית ברוך, הגבה: רבינו שליט"א, גלילה: הרה''ח ר' יודל וויטריאל הי''ו (אנטוורפען).

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' אהרן הערש מיטעלמאן הי"ו (ב''פ).

ביי די תורה האט זיך רבינו שליט"א געשטעלט אויפן פסוק 'ראה אנכי נותן לפניכם' און געטיישטש אז ווען מען טיט תשובה קען מען נאר תשובה טוען אויף וואס מען געדענקט און נישט אויף די נשכחות, אויב פירט מען זיך בחסד ורחמים ווייזט מען אז מען איז חושש אויף קיום העולם, כביכול איז הקב''ה אויך חושש אויף קיום העולם און איז מוחל אויך דאס וואס מכן געדענקט שוין נישט, נאך מער הקב''ה וואס איז זוכר כל הנשכחות געדענקט יא אלעס, כדאי אויב מען איז זוכה ווערט אלע זדונות זכיות.

ידיד נפש: הרה''ח ר' שמואל דוד מארקאוויטש הי''ו (וומסב''ג), קל מסתתר: הרה''ח ר' זושא רובין הי''ו. רבינו שליט''א האט געבענטשט אויפן כוס.

צו מעריב מוצ"ש איז רבינו שליט''א צוגעגאנגען לרגל די הילולא קדישא פונעם יטב לב זיע"א דעם וואך. נאך הבדלה איז מען אריבער זאגן א גוטע וואך, מען האט געענדיגט 10:35.

▫️ סאטמאר'ע נייעס 🌴 ▫️

דאנערשטאג פרשת ראה 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' משה ברוך כ"ץ הי"ו, ווי דער רבי איז געווען סנדק ומוהל.
לבן הנולד אצל ר' יואל בר"י טייטלבוים הי"ו, ווי דער רבי איז געווען סנדק ומוהל.
לבן הנולד אצל ר' בערל ווערצבערגער הי"ו, ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר'ן בר מצוה בחור ב"ר אברהם שמואל יערמיאש הי"ו.
ביים ליינען האט דער רבי עולה געווען שלישי. און נאכן דאווענען איז פארגעקומען א לחיים מיט'ן בר מצוה בחור בחדרו הפרטי.

ארום 12:30 איז רבינו שליט''א אריינגעקומען בהיכל הישיבה צו תפילת יו"כ קטן, ביי וואס דער רבי האט מאריך געווען בבכיות נוראות. בע''ת איז געווען הרה''ג ר' שמואל קרויס שליט"א ר''מ בישיבה. מען האט געענדיגט אום 1:20.

ארום 7:30 האט דער רבי געדאווענט מנחה בביתו נאוה קודש. נאך מנחה איז דער רבי אריבער אין ישיבה קטנה 'סניף ייטב פנים' בהנהלת הרה''ג ר' חיים לייב זילבערשטיין שליט"א צום מעמד הכנסת ספר תורה וואס איז געשריבן געווארן דורך הרה"ח ר' מענדל ברא"ש פריעדמאן הי"ו ובניו, לע"נ בנו הב' אהרן פריעדמאן ע"ה אינאיינעם מיט די תלמידי הישיבה לע"נ דעם חשובן תלמיד ממציוני הישיבה, דער רבי האט איבערגענומען די ס''ת און געטאנצן א לענגערע צייט ברשפי אש, און דערנאך מכבד געווען צו טאנצן די זיידעס, און דער פאטער הרה"ח ר' מנחם מענדל הי"ו און דערנאך מו"ה ר' יעקב פריעדמאן הי''ו, און דער מנהל הישיבה, נאך די ריקודין האט דער רבי פארגעזאגט לדוד מזמור כנהוג.

נאך די הכנסת ס''ת ארום 8:20 איז דער רבי אריבער בבית הרה"ח ר' אברהם ווידער הי"ו ווי דער רבי האט באשיינט די יערליכע מסיבה לטובת 'מוסד רב טוב' לטובת די פליטי אוקריינע, עס האט זיך פארמירט א לענגערע שמועס מיט די אנוועזנדע איבער די פעולות פאר די פליטי אוקריינע, און זכרונות פון רביה"ק בעל דברי יואל זי"ע פון פאר די קריג. דער רבי האט געטרינקן לחיים ומאציל געווען מברכות קדשו.

זמני כניסה בקודש פנימה איז געווען פון 8:45 ביז אום 12:50 אויפדערנאכט.

בעת די זמני כניסה איז פארגעקומען בקו''פ א מסיבת לחיים מיט ראשי קהלתינו הק' וחברי הנהלת הקריה בלומינגראוו אין שפיץ פון הגה"צ רבי יואל האלבערשטאם שליט"א רב דקהלתינו הק' בבלאמינגראוו, לרגל דאס אפקויף פונעם גיגאנטישער שטח אין הארץ פון שכונת בלומינגראוו בגלילות קרית יואל, ווי עס וועט בקרוב אויפגעבויט ווערן ביהמ''ד הגדול דקהילתינו הק' שכונות בלומינגראוו, עס האט זיך פארצויגן א לענגערע שמועס איבער די ווייטערדיגע פלענער להרחבת גבולי הקדושה אין בלומינגראוו, דער רבי האט געטרינקן לחיים און מאציל געווען מברכות קדשו.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
הר''ר אביגדור הערשקאוויטש הי"ו - ר' שלמה הערש ברא"י עקשטיין הי"ו.
הר"ר בעריש גראס הי"ו (מאנטריאל) - ר' שמואל לאנדא הי"ו.

אזוי אויך איז געווען אויף א באזוך בקו'''פ הרה"ג ר' יצחק משה ערלאנגער שליט"א משפיע בארה"ק, עס האט זיך פארצויגן א שיינע שמועס און דער רבי האט אים מאציל געווען מברכות קדשו.

רבינו שליט''א האט געדאווענט מעריב ארום 12:50 בביתו נאוה קודש.

▫️ סאטמאר'ע נייעס 🌴 ▫️

מיטוואך פרשת ראה 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' פנחס לוי ווידער הי''ו, ווי דער רבי איז געווען סנדק ומוהל.
לבן הנולד אצל ר' בנימין שלאגער הי''ו, ווי דער רבי איז געווען סנדק.
לבן הנולד אצל ר' משה יוסף גאלדמאן הי''ו, ווי דער רבי איז געווען סנדק ומוהל.
לבן הנולד אצל ר' חיים יעקב ווייס הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
בן הר''ר יוסף אשר זילבערשטיין שליט"א.
ב''ר יואל הערשקאוויטש הי''ו.
ב''ר ישראל מרדכי שטערן הי''ו.
ב''ר פנחס מענדלאוויטש הי''ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל יג' פסוק ו'. דערנאך איז פארגעקומען א לחיים מיט די בר מצוה בחורים בהיכל הביהמ''ד.

נאכמיטאג איז דער רבי ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי.

ארום 7:00 איז דער רבי אריבער אין ישיבה קטנה סניף ייטב פנים בהנהלת הרה''ג ר' חיים לייב זילבערשטיין שליט"א ווי עס איז פארגעקומען דער סיום כתיבת ספר תורה וואס ווערט געשריבן דורך הרה"ח ר' מענדל ברא"ש פריעדמאן הי"ו ובניו, לע"נ בנו הב' אהרן פריעדמאן ע"ה אינאיינעם מיט די תלמידי הישיבה לע"נ דעם חשובן תלמיד ממציוני הישיבה, און ווערט אריינגעגעבן היינט דאנערשטאג בהיכל הישיבה, מען האט געזינגען ניגוני התעורורות ודביקות התורה, און עס האט אויפגעטרעטן הרה"ח ר' מרדכי דוד עסטרייכער הי"ו מיט דברי חרוזין לכבוד המעמד ודברי הערכה אויפן חשובן נפטר ה"ב אהרן ע"ה, דערנאך האט דער מנהל שליט"א איבערגעגעבן פאר רבי'ן א ספר מיט די נעמען פון די תלמידי הישיבה וועלכע האבן געלערענט צען טויזענט שעה אלץ הכנה צו די הכנסת ספר תורה, דער רבי האט אריינגעשריבן די לעצטע אותיות, בשעת מען האט ממשיך געווען מיט די ניגוני התעורורות.
דערנאך האט דער רבי געטרינקן לחיים און ווארעם אנגעווינטשן פאר די משפחה די רמ"י הישיבה און אלע תלמידי הישיבה, און משמיע געווען קורצע דב"ק.
נאך די דב''ק האט דער רבי געמאכט הגבה און געטאנצן מיט די אפענע ספר תורה, מיט גלילה איז מכובד געווארן דער פאטער הרה"ח ר' מענדל הי"ו, דערנאך האט זיך דער רבי ארויסגעלאזט אין א פייערדיגען ריקוד מיט די ספר תורה און געטאנצן בהתלהבות אש, און מכבד געווען צו טאנצן די טאטע די זיידעס, משפחה און די רמ"י הישיבה. מען האט געענדיגט ארום 8:00.

פארנאכטס ארום 8:10 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:10 אויפדערנאכט.

בעת די זמני כניסה איז פארגעקומען דער סיום כתיבת האותיות פאר די ס''ת וואס ווערט געשריבן דורך הרה"ח ר' אליעזר מרדכי ראזענטאהל הי"ו פון לעיקוואד, דער רבי האט אריינגעשריבן די אותיות און מאציל געווען מברכות קדשו.

רבינו שליט''א האט געליינט תנאים אין די תנאים זאל בביתו נאוה קודש, פון די פאלגענדע מחותנים.
ר' יעקב יצחק שטיינמעץ הי"ו - ר' יואל ברש''ל זאלדאן הי"ו.
הר''ר יעקב יחזקי' היימליך הי"ו (מאנטריאל) - הר''ר אפרים טייטלבוים הי"ו.

אזוי אויך איז געווען אויף א באזוך בקו'''פ הגה"צ ר' יצחק אלעזר מאסקאוויטש שליט"א אבד"ק שאץ מאנסי ונשיא מוסד נועם אלימלך עטה''ק בבני ברק, עס האט זיך פארמירט א שיינע שמועס איבער מוסדות החינוך עטה"ק בארה"ק, בפרט איבער ת"ת נועם אלימלך ווי דער רב שליט"א איז נושא בעול, דער רב שליט''א האט ארויסגעברענגט לשבח די גרויסע נתינות וואס מען באקומט פון תושבי קרית יואל, דער רבי האט אים מכבד געווען מיט לחיים און מאציל געווען מברכות קדשו און געגעבן א מתנה ספרו לב אהרן עה"ת, און ארויסבאגלייט.

רבינו שליט''א האט געדאווענט מעריב ארום 12:10 בביתו נאוה קודש.

▫️ סאטמאר'ע נייעס 🌴 ▫️

דינסטאג ראה כ''ו מנחם אב יומא דהילולא קדישא של רביה''ק זיע"א 'בצל הקודש' פון מ''מ ומ''ד בקודש כ''ק מרן רבינו הגה''ק שליט''א

רבינו שליט"א האט געדאווענט תפילת שחרית בבנין הישיבה על קברו, היכל המתיבתא סניף דברי יואל, אינאיינעם מיט א גרויסן ציבור אנ''ש און די תלמידי המתיבתא. פארן דאווענען האט דער רבי געלייגט תפילין פאר די בר מצוה בחורים.
ב"ר שלום יצחק יאקאבאוויטש הי"ו.
ב"ר יואל בר"א ראזענבערג הי"ו.

דערנאך האט רבינו שליט''א געצינדן 5 ליכט און יורד געווען לפני התיבה בהשתפכות הנפש, צו ברכות ותהילים איז צוגעגאנגען נכד רבינו הב' מאיר אליעזר בן הגה"צ רב דביהמ''ד ברך משה שליט''א.

נאכן דאווענען ארום 12:00 איז רבינו שליט''א אריינגעקומען צום מסיבת לחיים לפני עלי' לציון הק' ברוב עם הדרת מלך, מען האט געזינגען נגוני התעוררות, דער רבי האט געטרינקן לחיים און אנגעווינטשן פאר די בר מצוה בחורים און פארן גאנצן ציבור, דערנאך האט דער רבי מסיים געווען ששה סדרי משנה וואס איז געלערענט געווארן דורך די תלמידי המתיבתא, און געזאגט די קדיש.
און רבינו שליט"א האט משמיע געווען דברות קודש, הכנה והתעוררות איידערן פוקד זיין דעם ציון הקדוש.

נאכן מסיבת לחיים ארום 12:50 איז רבינו שליט"א ארויף צום ציון המצויינת, דער רבי האט געצינדן 5 ליכט מיט א נשמה ליכט, און געזאגט די תפילה 'שלום עליך' פונעם ישמח משה זי"ע בבכיות נוראות, און דערנאך פארגעזאגט פון קאפיטל צ' ביז ק"ז כנהוג, און געזאגט דען יהו"ר בהשתפכות הנפש, דערנאך האט דער רבי געלערנט פרקי משניות און געזאגט קדיש דרבנן.
רבינו שליט"א האט געליינט קוויטלעך א לענגערע צייט, און מען האט געזינגען ניגוני התעוררות וואס פלעגט געזינגען ווערן בבית מדרשו פונעם בעל ההילולא, אויך האט דער רבי אראפגעלייגט די פעקלעך מיט טויזענטער קוויטלעך פון די נשים צדקניות ביי די גרויסע אסיפה ליל הילולא קדישא, דערנאך האט זיך דער רבי משתטח געווען אויף ציון הק' א לענגערע צייט. מען האט געענדיגט ארום 1:45.

אין די נאכמיטאג שעה'ן זענען אריין בקודש פנימה חברי וועד להוצאת ספרי רבינו, און האבן געוויזן פאר'ן רבין דעם נייעם ספר 'לב אהרן - חידושים' אויף מסכת ראש השנה און סוכה וועלכע איז נארוואס ארויס פון דרוק, דער רבי האט עס איבערגעקוקט מיט גרויס התרגשות און געזאגט "ברוך שהחינו וקימנו לזמן הזה" און מאציל געווען מברכות קדשו פאר די עוסקים במלאכת הקודש.

נאכמיטאג ארום 5:30 איז פארגעקומען אן אסיפה מיט אלע וועדי החינוך דמוסדותינו הק' פון גרעיטער ניו יארק, ווי מ'האט דן געווען פארשידענע ענינים רוחניים בקרב מוסדותינו הק' העומדים על הפרק.
בערך 6:45 האט דער רבי געדאווענט מנחה בביתו נאוה קודש, פארן דאווענען האט דער רבי געצינדן 5 ליכט און יורד געווען לפני התיבה.

פארנאכטס ארום 8:15 איז רבינו שליט"א אריינגעקומען צו די צענטראלע סעודת הילולא בבית מדרשו פונעם בעל הילולא אין ביהמ"ד הגדול, דער רבי האט זיך געוואשן צו די סעודה און מעריך געווען שלחנו הטהור, און דאן געמאכט דעם סיום הש"ס וששה סדרי משנה וואס איז געלערנט געווארן דורך די חברה ש"ס דקהלתינו הק' און דערנאך געזאגט דעם הדרן און קדיש, ביי די לחיים נאך די פיש האט דער רבי געווינטשן 'זכותו יגן עלינו ועל כל ישראל'.
במשך דעם טיש האט מען געזינגען ניגוני דביקות וגעגועין וואס מען פלעגט זינגען בבית מדרשו פונעם בעל ההילולא. מיט מכתם לדוד האט רבינו שליט"א מכבד געווען הגה"צ ר' חיים יוסף ווערצבערגער שליט"א אב''ד הוניאד קר''י.

ארום 9:45 האט רבינו שליט"א אנגעהויבן די דברות קודש, דברי חיזוק ומוסר, וחובת השעה בדברים העומדים על הפרק, דער רבי האט זיך געשטעלט אויפן פסוק 'ראה אנכי נותן היום ברכה וקללה' און געטיישטש במשנתו פונעם בעל הילולא, און ארומגערעדט איבער גדלותו וצדקתו, כלו אומר כבוד שמים, די פעולות לרוב וואס רביה"ק האט אויפגעטוהן בכלל ובפרט.
דער רבי האט דערמאנט די גרויסע אסיפה פאר די נשים כשרות וצניעות אינעם הויף פונים ביהמ"ד, און ארויסגעברענגט דעם קורת רוח וואס רביה''ק האט בעולם העליון, און משבח געווען די עסקנים וועלכע האבן ארויסגעהאלפן בגוף ובממון, די פולע קבלת טובות וואס די נשים צדקניות האבן זיך מקבל געווען בעניני צניעות אויף וואס רביה"ק איז זיכער מליץ יושר, און געזאגט 'כה תאמר לבית יעקב ותגיד לבני ישראל' צו די פרויען דארף מען רעדן בלשון רכה און צו די מענער בלשון עזה, דברים קשים כגידין, עס איז א חרפה און א בושה אז עס איז דא מענער וואס מאכן קאלט די פרויען און פארלאנגען קולות פון זיי, אדרבא מען דארף זיי מחזק זיין, און זיך אליינס פארבעסערן מיט וואס מען קען בעניני צניעות וטעכנעלאגיע, אזוי אז מען זאל קענען באלאנגען אינעם מחנה אלוקים.
דערנאך האט דער רבי געזאגט מען דארף האבן אסאך רחמי שמים, סיי אין די גזירת החינוך אין ניו יארק און אין ענגלאנד, די גזירת גיוס בני הישיבות בארה''ק, אין ירושלים עיה''ק איז נפטר געווארן דער רב ז''ל דאס האט איבערגעלאזט א געוואלדיגע חלל אויף די עדה החרדית וואס איז אויפגעשטעלט געווארן דורך גדולי ישראל, מען דארף אסאך סיעתא דשמיא דאס זאל ח"ו נישט חרוב גיין.
דערנאך האט דער רבי ארומגערעדט אז מען דארף זען צו מחזק זיין די מוסדות בארה''ק וואס נעמען נישט קיין געלט פון די ממשלה, 'כמה גדולים דברי חכמים' וואס האבן געווארענט אז אויב מען וועט נעמען געלט וועט מען מאכן שינוים אין די לימודים אזוי ווי מען זעט עס שוין בחוש ביי פארשידענע מוסדות וואס מאכן שוין שינוים לרעה, בפרט ליגט א התחייבות אויף תלמידי רביה"ק צו שטיצן 'מוסדות יטב לב' אויף וואס רביה"ק האט זיך אזויפיל מוסר נפש געווען, און דער רבי האט ארויסגעברענגט לשבח די מתיבתא הק' - די ישיבה על קברו מיט אירע 7 סניפים און קרוב צו טויזענט תלמידים.
דערנאך האט דער רבי ארומגערעדט בעניני גלות וגאולה און דערציילט א מעשה פון רביה''ק הברך משה זיע"א מיט איינעם וואס האט זיך מפלפל געווען אין די ענינים, וואס ס'וועט זיין בעפאר און דערנאך בזמן הגאולה, ווי ער האט אים גארנישט געענטעפרט נאר געוויזן דעם רמב''ם וואס שרייבט אז מען טאר זיך נישט מתעסק זיין אין די ענינים, און מסיים געווען בברכות לרוב בזכות פונעם בעל הילולא.

נאך די דברות קודש האט רבינו שליט"א געבענטשט על הכוס. מען האט געענדיגט ארום 10:50.

נאך עטליכע מינוט איז דער רבי אריינגעקומען צו תפילת מעריב אין ביהמ"ד הגדול, בע"ת הרה"ח ר' שלמה זלמן שטיין הי"ו

ארום 12:00 אויפדערנאכט האט זיך דער רבי באטייליגט ביי די לויה פון האשה הח' אשת הרבני הנגיד ר' יצחק זאב וויינשטאק הי"ו מגדולי תומכי מוסדותינו הק' די בכל אתר ואתר, און בערך 12:45 איז דער רבי צוריקגעקומען צום ביה"ח, ווי דער רבי האט מנחם אבל געווען די אבילים וועלכע זענען געזעצן דארט שבעה, אינעם ווארט זאל פון די טהרה שטובל.

▫️ סאטמאר'ע נייעס 🌴 ▫️

מאנטאג פרשת ראה 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' מרדכי אפרים פישל סופר הי"ו, ווי דער רבי איז געווען סנדק ומוהל.
לבן הנולד אצל ר' ברוך סימאן הי"ו, ווי דער רבי איז געווען סנדק ומוהל.
לבן הנולד אצל ר' הערשל גליק הי"ו, ווי דער רבי איז געווען סנדק.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר'ן בר מצוה בחור ב"ר יואל גאנץ הי"ו.
ביים ליינען האט דער רבי עולה געווען שלישי. און נאכן דאווענען איז פארגעקומען א לחיים מיט'ן בר מצוה בחור בחדרו הפרטי.

ארום 8:00 האט דער רבי געדאווענט מנחה בביתו נאוה קודש.

פארנאכטס ליל הילולא קדישא של מרן רביה''ק זיע"א מייסד עיר קרית יואל, איז פארגעקומען דער היסטארישער מעמד קדוש 'אסיפת נשים צדקניות' תושבי העיר, 'קרית מלך רב קרית יואל והגלילות יצ"ו', אינעם גיגאנטישען שאטער וואס איז אויפגעשטעלט געווארן אינעם שוהל הויף בבית מדרשו של רבי צווישן דעם ביהמ"ד הגדול אינעם בנין מבצר הכוללים, ווי דער ריזן בנין הענקי איז אין א קורצע צייט איבערגעפילט געווארן מיט טויזענטער נשים צדקניות און די עסקנים האבן אין איילעניש געמוזט עפענען דעם דערנעבנדיגן ריזיגן היכל התורה בבנין בית המדרש הגדול, צו קענען אקאמאדירן די נאנט צו א 'רבבה' נשים צדקניות מתושבי העיר וואס זענען געקומען כולם כאחד לשמוע את דבר ה' ברמה, חובת השעה פונעם מרא דאתרא קדישא כ''ק מרן רבינו הגה''ק שליט''א ועל פי קריאתו הם נאספים.

ארום 9:10 איז רבינו שליט"א אריינגעקומען אויפן ספעציעלן פלאטפארמע אינעם גיגאנטישן שאטער, וואס איז באשיינט געווען דורך די רבני ודייני קהלתינו הק' אין שפיץ פון הגאון הגדול הדומ"ץ שליט"א.

עס האט ממשיך געווען מיט זיין דרשה דער פה מפיק מרגליות הרה"ג ר' בערל טויבער שליט"א, וועלכע האט מקבל פנים געווען דער מרא דאתרא מרן רבינו שליט''א.

א חרדת קודש האט באנומען די פארזאמלטע ווען מרן רבינו שליט''א האט אנגעהויבן די לענגערע פלאם פייערדיגע דברות קודש, רבינו שליט''א האט זיך געשטעלט אופן פסוק 'האזינו השמים ואדברה ותשמע הארץ אמרי פי' און געטייטשט אז דורך אויסהערן די רייד און זיך מקבל זיין קבלת טובות איז מען זוכה אז די תפילות ווערן אנגענומען, ובדברים בוערים האט דער רבי ממשיך געווען, אז מ'שטייט ביומא דהילולא פון רביה"ק זיע"א מייסד העיר, וואס על שמו יקרא, אלע תושבים דארפן געדענקען צו גיין אין זיינע דרכים וויאזוי ער האט געוואלט מען זאל זיך פירן. און מיט א ברייטע הסברה ארומגערעדט א לענגערע צייט איבער די זכיה פון זיין א אידישע מאמע און א חסידישע פרוי, די חיוב פון זיין לכתחילה'דיגע אידן און שטיין ווייט פון די אידיש-גויאישע גאס וואס איז כולל אלע מלבושים, שערן די האר, פארבן די פנים, די לענג פון די קליידער, די זאקן, וכו'. און מעורר געוועהן איבער די גע'אסר'טע שייטלעך, און די מאדערענע צודעקן, און איבער די שנועל'ס וכדומה, און אויפגעפאדערט אנצוטוהן די אינגלעך חסידיש בכל פרטיה ודקדוקיה, זיין אפגעהיטן פון די כלים הטמאים בכל שם דאית ליה.
עס איז דא צוויי מחנות בתוכינו, א מחנה אלוקים און א מחנה מגושמים, צו באלאנגען אינעם מחנה אלוקים דארף מען זיין א פשרה'לאזע איד! נישט טוהן זאכן וואס איז ביי אונז געווען אפגעפרעגט, מ'דארף בפנימיות זיין ערליך, מדקדק זיין בקלה כבחמורה, און נאכגעזאגט פונעם הייליגן צאנזער רב זי"ע און פונעם הייליגן קדושת יו"ט זי"ע וואס האבן צוגעזאגט ישועות ורפואת פאר די וואס מאכן קבלת טובות אין צניעות, און אויסגערופן בקול חוצב 'בזכותם ועל דעתם קען מען צוזאגן אז ס'וועט זיין ישועות פאר די וואס זענען זיך מקבל קבלת טובות אין צניעות'.
באש קודש ארומגערעדט איבער דעם איסור פון די עכטע האר שייטלעך, און געזאגט 'ווען א איד האט א צרה גייט ער ארויף צום ציון הק', רביה''ק זי"ע פארלאנגט מזאל גיין אין זיינע דרכים, דער רבי זי"ע האט גערופן ביי האר 'וויי האר' פאר אפאר האר פארלירט מען ביידע וועלטן! דער רבי ז"ל איז א גברא דקפדנא און ער האט געזאגט בחיים חיותו "ווער עס גייט מיט ביי האר בין איך נישט מוחל"! ווי קען זיין אפי' איינער זאל נישט מורא האבן פון זיין קפידא?
דערנאך האט דער רבי מסיים געווען מיט ברכות לרוב.
נאך די דברים חוצבים להבות אש ארום 11:00 האט אויפגעטרעטן הרה"ג ר' בערל טויבער שליט"א מיט די החלטת האסיפה.

ארום 11:45 האט רבינו שליט''א געדאווענעט מעריב בביתו נאוה קודש, דער רבי האט געצינדן 5 ליכט און צוגעגאנגען צום עמוד לרגל די הילולא קדישא.

▫️ סאטמאר'ע נייעס 🌴 ▫️

זונטאג פרשת ראה 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
ב"ר יוסף לייב ווייס הי"ו.
ב"ר יואל לאנדא הי"ו.
ב"ר יואל ב"ר ברוך ווייס הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאך שחרית איז פארגעקומען דער ברית לבן הנולד אצל הרה"ג ר' ברוך שטערן הי"ו (וומסב''ג) בבית זקנו הרה"ח ר' ישראל בנציון ווערצבערגער הי"ו אויף רעיוואד, ווי דער רבי איז געווען סנדק ומוהל.

אין די נאכמיטאג שעה'ן איז דער רבי אריבערגעפארן קיין מאנסי ווי דער רבי האט מנחם אבל געווען הנגיד הנכבד ר' אליעזר שיינער הי"ו ואחיו שיחיו, ע"פ אמם ע"ה.

נאכמיטאג ארום 5:45 האט דער רבי געדאווענט מנחה בביתו נאוה קודש. נאך מנחה איז פארגעקומען בביתו נאוה קודש א התרגשות'דיגע מסיבת לחיים ומעמד חתימת שטרות ווי הרבני הנגיד בונה ומקים עולמות של תורה הרה''ח ר' משה גאלדשטיין הי"ו האט אפגעקויפט דעם זכות שם הבנין פונעם גיגאנטישן בנין התלמוד תורה החדש במוסדותינו הק' במאנסי וואס ווערט געבויעט אינטערן ביהמ"ד הגדול, פארן אסטראנאמישן סכום פון פינף מיליאן דאלער, ועל שמו יקרא ''בנין גאלדשטיין''.

ביים מסיבת לחיים האבן אנטייל גענומען די חברי הנהלת קהלתינו ומוסדותינו הק' פון מאנסי און שפיץ פון הגה"צ אבד"ק מאנסי שליט"א, עס האט זיך פארמירט א לענגערע שמועס איבער פארשידענע פעולות לרומם קרן מוסדותינו הק' אין מאנסי, דערנאך האט דער רבי אינטערגעשריבן די שטרות אינאיינעם מיטן נדבן, און געטרינקן לחיים און ווארעם אנגעווינטשן פארן חשובן נדבן ובני משפחתו.

פארנאכטס ארום 8:15 איז רבינו שליט''א אנגעקומען אין ביהמ"ד אבני צדק צו די צענטראלע שמחת השבע ברכות צוגעשטעלט דורך די מתפללי הביהמ"ד לכבוד רבינו שליט"א ולכבוד חדב"ן הגה"צ רב הביהמ"ד שליט"א, עס האט אויפגעטרעטן רב הביהמ"ד שליט"א, דער רבי האט געטרינקן לחיים און אנגעווינטשן פארן חתן מחותנים און פארן גאנצן ציבור.

ביים שבע ברכות האט זיך אויך משתתף געווען כ"ק אדמו"ר מתולדות צבי דספינקא שליט"א, דער רבי האט אים מכבד געווען מיט לחיים און זיך ארויסגעלאזט אין א טאנץ מיטן גאנצן אויבנאן, דערנאך האט דער רבי געטאנצן עקסטער מיט האדמו"ר מתולדות צבי ספינקא שליט"א.

מ'האט געבענטשט פארן זמן צאה"כ, מיט ברכהמ''ז האט דער רבי מכבד געווען חדב"ן הגה"צ רב דביהמ"ד שליט"א, ברכות ראשונות: דער זיידע הגה"צ ראש ישיבת וויזניץ שליט"א, ברכה אחריתא: דער מחותן הגה''צ אב''ד וויזניץ מאנטשעסטער שליט"א.

נאכן בענטשן האט הרה"ח ר' אבא ווינקלער הי"ו אויפגעטרעטן מיט דברי בדחנות, מען האט געענדיגט ארום 9:20.

דערנאך איז געווען זמני כניסה בקודש פנימה ביז אום 12:50 אויפדערנאכט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענגע מחותנים.
הר''ר יואל ברי"א שטיין שליט''א - ר' דוד אונגאר הי"ו.
ר' יואל בר''מ טייכמאן הי"ו - ר' יואל ברי"ש קאהן הי"ו.

ארום 12:50 האט רבינו שליט"א געדאווענט מעריב בביתו נאוה קודש.

▫️ סאטמאר'ע נייעס 🌴 ▫️

שב"ק פרשת עקב מברכים חודש אלול, שבת שבע ברכות בחצרות קדשינו, 'בצל הקודש' פון כ"ק מרן רבינו הגה"ק שליט"א.

פרייטאג צונאכטס איז רבינו שליט''א ארויס מיטן חתן מביתו נאוה קודש אויפן וועג צום ביהמ"ד און מען האט באגלייט בשירה וזמרה. ארום 8:20 איז רבינו שליט''א אריינגעקומען אין ביהמ"ד הגדול, מעוטף בטליתו און צוגעגאנגען צו מנחה. קבלת שבת: הגה"צ ר' מאיר יצחק הורוויץ שליט"א אב"ד לינסק ב"פ, מ'האט געענדיגט דאווענען ארום 9:45.

נאכן דאווענען האט דער משמש הרה"ח ר' יואל קויפמאן הי"ו אויסגערופן א הכרזת קודש איבערצוגעבן אין שטוב די התחייבות פון אלע נשים זיך משתתף זיין ביים היסטארישען אסיפת נשים צדקניות מאנטאג נאכט.
אזוי אויך איז פארגעקומען אן אפיעל פאר ת"ת נועם אלימלך עטה"ק בבני ברק.
דער עולם איז אריבער געגאנגען גוט שבת זאגן, און רבינו שליט''א איז אהיים לביתו נאוה קודש.

ארום 12:15 איז רבינו שליט''א אריינגעקומען צום שלחה"ט בהיכל ביהמ''ד הגדול, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה"צ רב דביהמ"ד ברך משה שליט"א, הגבהת הכוס לקידוש: חדב''ן הגה''צ רב דביהמ''ד אבני צדק שליט''א.

מיט די זמירות האט רבינו שליט''א מכבד געווען. כל מקדש: הרה"ג ר' הערשל אשכנזי שליט"א מנה"ר ישיבתינו הק' באר התורה וומסב"ג, מנוחה ושמחה: הרה"ג ר' יואל מענדל אשכנזי שליט"א רב דביהמ"ד מאגלעניץ.

רבינו שליט''א האט געזאגט תורה אויפן פסוק פון די הפטורה 'הביטו אל אברהם אביכם' און געטייטשט אז א איד אפילו ער איז נישט אינגאנצן בשלימות, וויבאלד ער האט אין זיך אפילו אביסל קדושה איז ער נישט פארפאלן.

קה אכסוף: הרב יוחנן פנחס טווערסקי שליט"א (מאנטשעסטער), ברכהמ"ז: דער זיידע הגה''צ ראש ישיבת ווינזיץ ארה''ק שליט''א, ברכות ראשונות: הגה"צ ר' ישראל ארנסטר שליט"א אב"ד מאור חיים ב"פ, ברכה אחריתא: הרה"צ ר' פנחס שלום אייכענשטיין שליט"א אב"ד חודרוב שיקאגא.

די פרישע חתנים זענען אדורך געגאנגן נעמען פירות, און עס איז פארגעקומען א שלום זכר ביי ב''ר יואל בר"י טייטלבוים הי"ו.

דערנאך האט הרה"ח ר' מרדכי דוד עסטרייכער הי"ו בדחנא דמלכא אויסגערופן רבינו שליט"א צו די מצוה טאנץ, און רבינו שליט"א האט געטאנצן די ריקודי קודש בעוז ותעצומות, און ממשיך געווען דערנאך צו טאנצען מיטן חתן.
דערנאך האט רבינו שליט"א מכבד געווען צו טאנצן דעם זיידן הגה"צ ראש ישיבת וויזניץ שליט"א און די מחותנים. און דערנאך האט דער רבי געטאנצן 'אז ביום השביעי' אין א רינג אינמיטן ביהמ"ד. מען האט געענדיגט ארום 2:30.

וביום השבת קודש

שב"ק צופרי איז רבינו שליט''א אריינגעקומען 9:40. פסוקי דזמרה: הרה"ח ר' חיים הערש גאלד הי"ו (וומסב"ג). צו שחרית איז רבינו שליט''א צוגעגאנגען.

הוצאה והכנסה: הרה"ח ר' שלום יוסף גאטליב הי"ו (וומסב"ג), פסוקי שמע ישראל: הרה"ח ר' שלום ווייסמאן הי"ו (וומסב"ג).

עליות. כהן: הרה"ח ר' אברהם יצחק יודא הכהן קאהן הי"ו (וומסב"ג), לוי: הרה"ח ר' משה ווערצבערגער הי"ו (מאנטריאל), שלישי: הגה"צ ראש ישיבת וויזניץ שליט"א, רביעי: נכד רבינו החתן הרב אשר אנטשיל אשכנזי שליט"א, חמישי: הגה"צ ר' זלמן אשכנזי שליט"א אדמו"ר מאוסטילא, שישי: רבינו שליט''א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת ביי ר' חנני' סופר הי"ו.

שביעי: חדב"ן הגה"צ רב דביהמ"ד אבני צדק שליט"א, הוספות: החתן ב"ר יונתן בנימין וויינגארטן הי"ו, החתן ב"ר יושע וואלף שווארטץ הי"ו, החתן ב"ר ישראל אלימלך ווייסמאן הי"ו, אחרון: הרה"ח ר' משה חיים ווייס הי"ו מנהל מוסדותינו הק' בבני ברק, מפטיר: הרה"ח ר' אהרן שאול סאנדעל הי"ו, הגבה: הר"ר אלכסנדר נחום גאטליעב הי"ו, גלילה: הר"ר יואל ברמ"ח ווייס הי"ו.

רבינו שליט"א האט ראש חודש געבענטשט בהתעוררות רב, און צוגעגאנגען צום עמוד צו תפילת מוסף לרגל די יומדהל"ק פון דודו רביה"ק בעל דברי יואל זי"ע קומענדיגן דינסטאג כ"ו אב. פתיחה לאנעים זמירות: הרב יוחנן פנחס טווערסקי שליט"א (מאנטשעסטער). מען האט געענדיגט ארום 12:50.
רעוא דרעווין

צו מנחה ושל"ש איז רבינו שליט''א אריינגעקומען ארום 8:20. מנחה: הרה"ח ר' יעקב הערש היימאן הי"ו (וומסב"ג), הוצאה והכנסה: הרה"ח ר' יושע וואלף שווארטץ הי"ו (מאנסי), כהן: הרב אהרן מאיר קאהן שליט"א (מאנטשעסטער), לוי: הרה"ח ר' חיים העללער הי"ו (וומסב"ג), שלישי: הגה"צ ר' נתן דוד ראזענבערגער שליט"א אב"ד גמזו, הגבה: רבינו שליט"א, גלילה: הרה"ח ר' שמשון ווייס הי"ו (לאנדאן).

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי"ו, שיר המעלות: הרה"ח ר' משה חיים ווייס הי"ו פון בני ברק.

ביי די תורה האט זיך רבינו שליט"א געשטעלט אויפן פסוק פון די הפטורה 'הביטו אל אברהם אביכם ואל שרה תחוללכם' און געטייטשט אז די נחמה פאר כלל ישראל אינעם לאנגן ביטערן גלות מען זאל זיך האלטן, איז די כח פון אברהם אבינו און שרה אמינו וועלכע האבן געמאכט גרים וואס זענען געווען אוכלי שולחנם, וואס האט אריינגעלייגט אין זיי א כח דקדושה, און מען ווייסט נישט ווי די גרים זענען אנגעקומען נאר ווי זענען געגאנגען האבן זיי איבערגעלאזט א רושם אויף שפעטער אין ארץ העמים און באגלייט אונז ביז היינט.

ידיד נפש: הרה"ח ר' משה ווערצבערגער הי"ו, קל מסתתר: הרה"ח ר' חיים הלוי העללער הי"ו. פארן בענטשן האט מען ממשיך געווען מיט ניגונים לכבוד די שמחה. דער רבי האט געבענטשט אויפן כוס, און געזאגט שבע ברכות.

מעריב מוצ"ש איז רבינו שליט"א צוגעגאנגען צום עמוד לרגל די הילולא קדישא די וואך. נאך הבדלה האט רבינו שליט''א געוואונטשן א גוטע וואך פארן גאנצן ציבור, מען האט געענדיגט ארום 10:45.

▫️ סאטמאר'ע נייעס 🌴 ▫️