סאטמארע נייעס

דאנערשטאג וילך צום גדלי' בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקרית יואל. בעל תפלה איז געווען הרה"ח ר' דוד שמואל גאלדבערגער הי"ו.

צופרי איידער תפילת שחרית איז פארגעקומען די ברית לבן הנולד לר' זלמן גראסבערג הי''ו, ווי דער רבי שליט''א איז מכובד געווארן מיט סנדקאות ומוהלות.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט"א תפילין געלייגט פאר די בר מצוה בחור ב"ר אלישע יואל ראזענפעלד הי"ו.

נאכמיטאג האט מען אריבערגעברענגט בביתו נאוה קודש עטליכע אתרוגים פאר רבינו שליט"א לקראת חג הסוכות הבעל"ט, ווי דער רבי שליט"א האט באטראכט די אתרוגים.

היינט פרייטאג ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקרית יואל. בעל תפלה איז געווען הרה"ח ר' משה מאיר גאטליעב הי"ו.

צופרי איידער תפילת שחרית איז פארגעקומען די ברית לבן הנולד לר' יואל ברש"י שעהר הי''ו, ווי דער רבי שליט''א איז מכובד געווארן מיט סנדקאות ומוהלות.
און די ברית לבן הנולד לר' יצחק רובין הי''ו, ווי דער רבי שליט''א איז מכובד געווארן מיט סנדקאות ומוהלות.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט"א תפילין געלייגט פאר די פאלגענדע בר מצוה בחורים:
ב"ר יצחק טובי פריעדמאן הי"ו.
ב"ר מאיר מנחם זאב הירש הי"ו.

נאכן דאווענען איז פארגעקומען א מסיבת לחיים מיט די בר מצוה בחורים בחדרו הפרטי.

▫️ סאטמאר'ע נייעס 🌴 ▫️

ארום 1:45 איז רבינו שליט"א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זי"ע, און אונטער די קיטל א ווייסע קאפטן. דער רבי שליט''א איז ארויף אויפן ארון קודש און געזאגט א שטילע תפילה, און אנגעהויבן די פייערדיגע תקיעת שופר דרשה מיטן פסוק "אשרי העם יודעי תרועה", אז באמת איז א פגם פון א עבירה בלי שיעור ותכלית, נאר הקב"ה ברוב רחמיו איז דן לויטן פגם אין די נסיונות אויף די וועלט. דאס איז נאר ביי די אידן וואס זיי גלייבן בהשגחת ה' יתברך 'בתחתונים' און פירן זיך בענוה ושפלות רוח, משא"כ אומת העולם וואס זאגן אז עס איז נישט לפי כבודו זיך אומצוקוקן בתחתונים ביי זיי העלפט נישט קיין תשובה. מען דארף זיך אבער בודק זיין צו מען איז נישט חלילה געכאפט צווישן די וואס זאגן אז די שרעקליכע פאסורונגען פון די פארגאנגענע יאהר אז ס'איז א מקרה, 'כל באי עולם יעברון לפניך כבני מרו"ן', מען דערמאנט זיך וואס האט זיך אפגעשפילט באתרא קדישא מירון, זיי זאגן אז ס'איז א מקרה, ווייל סאיז געווען אסאך מענטשן, וכדומה ביי די אנדערע פאסירונגען, "חלילה אזוי צו זאגן" נאר דאס איז געווען מן השמים צו וועקן און מאָהנען תשובה צו טוהן. נאך די דרשה האט דער רבי שליט''א געזאגט קדיש דרבנן, מען האט געענדיגט ארום 2:10.

דערנאך איז רבינו שליט"א ארויף אויפן באלעמער, די ספרי תורה האבן געהאלטן הרה"ג ר' אשר ישעי פייערשטיין שליט"א, און הרה"ח ר' אהרן שפיצער הי"ו.

פארן מאכן די ברכה האט דער רבי שליט"א אנגעטוען א נייע בגד - א שאהל. רבינו שליט"א האט געמאכט די ברכות באש קודש און געבלאזן די תקיעת דמיושב. בעל מקרא איז געווען הגה"צ הדומ"ץ שליט"א.

דער רבי איז צוגעגאנגען צום עמוד צו תפילת מוסף און געזאגט הנני העני ממעש, קדיש איז געווען 2:35.

די תפילות זענען געווען איין שטיק רגש דקדושה, און מיט א קול חוצב להבת אש, וואס האט מעורר געווען דעם גאנצן היכל בית המדרש.

פתיחות ביי מוסף זענען נתכבד געווארן הרה"ח ר' אברהם שלום לאנדא הי"ו, הרה"ח ר' מרדכי לאנדא הי"ו, הרה"ח ר' אברהם ווידער הי"ו, הרה"ח ר' יעקב מיטלעמאן הי"ו, הרה"ח ר' דוד שמואל גאלדבערגער הי"ו.

צו קוה איז צוגעגאנגען הרה"ח ר' יצחק עהרנפעלד הי"ו, פתיחה לאנעים זמירות: הרה"ח ר' מאיר דוד מאסרי הי"ו (וומסב"ג).

תיכף נאך מוסף האט מען געדאווענט מנחה. פארן עמוד האט געדאווענט הרה"צ ר' חיים בנימין כהנא שליט''א מ'ספינקא קר"י. מען האט געענדיגט ארום 6:25.

צום מיטאג טיש האט זיך רבינו שליט"א געוואשן בביתו נאוה קודש. ארום 8:05 איז דער רבי שליט"א אריינגעקומען צום שולה"ט אין ביהמ"ד הגדול.

מען האט אריינגעברענגט קוגל און זיסע מייערן. דער רבי שליט"א געטרינקן לחיים און געוואונטשן "א גוט געבענטשט יאהר אין אלע ענינים", מען האט געזונגען נגוני ימים נוראים.

די זמירות האט רבינו שליט"א מכבד געווען הגה"צ ר' מאיר אליעזר פריעדמאן שליט"א.

רבינו שליט"א האט געזאגט תורה אויפן פסוק "תקעו בחודש שופר בכסא ליום חגינו כי חוק לישראל הוא משפט לאלקי יעקב" און געטייטשט, חק איז לשני דמזוני, שופר איז משפיע פרנסה, 'עלה אלוקים בתרועה ה' בקול שופר'. די צוויי שמות אלוקים און די שם הוי' זענען בגימטריא די שם יב"ק וואס איז אויך גימטריא געלט. דער רבי שליט''א האט דערציילט א מעשה ביים רבין פון לובלין זי"ע וואס האט משפיע געווען מיט זיין תקיעת שופר א גרויסע שפע פון פרנסה, און געוואונטשן אז עס וועט קומען א יאהר מיט גרויס שפע מיט ברכות לרוב.

רבינו שליט"א האט געבענטשט אויפן כוס. מעריב מוצאי יו"ט: הרה"ח ר' חיים יעקב גוטמאן הי"ו.

רבינו שליט"א האט געמאכט הבדלה, און ביים זיך אויפשטעלן געוואונטשן "א גוטע וואך א גוט יאהר", מען האט געענדיגט 9:10.

אשרי העם שככה לו אשרי העם שה' אלוקיו

יהי"ר מען זאל האבן גע'פועל'ט אלעס גוטס. די תפילות זאל נתקבל ווערן לרחמים ולרצון. מען זאל זוכה זיין צו א שנת גאולה וישועה

▫️ סאטמאר'ע נייעס 🌴 ▫️

דער רבי איז צוגעגאנגען צום עמוד צו תפילת מוסף און געזאגט הנני העני ממעש, קדיש איז געווען 2:40.

רבינו שליט"א האט געדאווענט אין א מחזור נוסח תפלה ישרה. בעל תוקע ביי די תקיעת דמעומד איז געווען הגה"צ ר' שלמה זאבעל שליט"א דומ"ץ ביהמ"ד בית דוב דקהלתינו הק'.

גשים מול ארון הקודש באימה, ועמך מסביבים אותם כחומה, מיטצוהאלטן די עבודת הקודש באימה וביראה בהתעוררות וברגש קודש ביי תפילת מוסף ובפרט ביי די פסוקי מלכיות וזכרונות, עיני עמך תליות ועינים לך מיחלות

פתיחות ביי מוסף זענען נתכבד געווארן הרה"ח ר' יושע ווערצבערגער הי"ו, הרה"ח ר' אשר ווידער הי"ו (מאנטריאל), הרה"ח ר' קאפל שעהנברוין הי"ו, הרה"ח ר' זושא ניישטאדט הי"ו.

צו קוה איז צוגעגאנגען הרה"ח ר' יצחק ערעהנפעלד הי"ו, פתיחה לאנעים זמירות: הרה"ח ר' אברהם לעבאוויטש הי"ו (וומסב"ג).

תיכף נאך מוסף האט מען געדאווענט מנחה. פארן עמוד האט געדאווענט הרה"ח ר' אהרן שפיצער הי"ו. שמו"ע האט דער רבי שליט''א געדאווענט מיטן טלית אויפן קאפ. מען האט געענדיגט ארום 6:25.

ביים מיטאג טיש בביתו נאוה קודש האבן מיטגעגעסן די בחורים אייניקליך פון רביה"ק בעל ברך משה זי"ע. דער רבי האט מכבד געווען צו זינגען די זמירות. ברהמ"ז הבחור אלעזר בן הגה"צ ר' יואל האלבערשטאם שליט"א.

נאך די סעודה איז רבינו שליט"א אריבערגעגאנגן אין ביהמ"ד. ביים זמן האט מען זיך געשטעלט דאווענען מערבית. בעל תפלה איז געווען הרה"ח ר' דוד עקשטיין הי"ו מראה"ק, נאך מעריב איז דער רבי שליט''א ארויף אויפן ארון קודש און געוואונטשן "א גוט יו"ט א גוט געבענטשט יאר".

ארום 11:50 איז רבינו שליט"א אריינגעקומען צום שלחה"ט בהיכל השלחנות. דער רבי שליט"א האט אנגעטוהן א נייע בעקיטשע לכבוד שהחיינו. הגבהות הכוס לקידוש הרה"ג ר' שלום משה ליפשיץ שליט"א דומ"ץ ביהמ"ד בית מרדכי דקהלתינו הק'.

אויפן טיש איז געווען טעצער פירות. דער רבי האט געמאכט א ברכה אויף א טייטל און טועם געווען פון די  פירות, און דערנאך געטיילט שיריים פון די טייטלען פארן גאנצן עולם.

מיט די זמירות האט דער רבי מכבד געווען הרה"ג ר' שלום משה ליפשיץ שליט"א.

רבינו שליט"א האט געזאגט תורה אויפן פסוק 'לה' הארץ ומלואה' און געטייטשט אז מען בלאזט שופר ראש השנה ווייל עס איז א יום המלוכה. אויבן אין הימל איז אויך דא תקיעת שופר, אבער ביים באשעפער איז מער חשוב די תקיעת פון די וועלט, ווייל עס איז יותר נתרבה כבוד שמים פון בעלי בחירה וואס האבן א יצר הרע.

ברכהמ"ז: ר' מענדל גראס שליט"א, מען האט געענדיגט ארום 1:00.

כמעשהו בראשונה כך מעשהו בשני', דעם צווייטן טאג יו"ט אינדערפרי איז רבינו שליט"א אריינגעקומען ארום 8:10 אין ביהמ"ד.

פסוקי דזמרה: הר"ר יואל ב"ר שלמה ווערצבערגער שליט"א מרביץ תורה במוסדותינו הק', שחרית: הרה"ח ר' בעריש אפפעל הי"ו.

נאך א קורצע הפסקה איז דער רבי שליט"א אריינגעקומען מיטן קיטל און זילבערנע קאפל. הוצאה והכנסה זענען נתכבד געווארן הרה"ג ר' יצחק קויפמאן שליט"א, און הרה"ג ר' יוסף משה פארגעס שליט"א. פסוקי שמע ישראל: הרה"ג ר' איתמר טובי ווידער שליט"א.

רבינו שליט"א איז געווען בעל קורא, און געליינט בבכיות ובהתעוררות רב.

עליות. כהן: הרה"ח ר' אלי שלמה קאהן הי"ו, לוי: הרה"ח ר' שלמה קלאגסברוין הי"ו, שלישי: הרה"ח ר' מאיר יעקב אינדיג הי"ו, רביעי: הרה"ח ר' אהרן הערש מיטטלמאן הי''ו (בארא פארק), חמישי: רבינו שליט"א. הגבה די ערשטע ספר: הרה"ח ר' מאיר ווערטהיימער הי"ו, גלילה: הרה"ח ר' אברהם קליין הי"ו, מפטיר: הרה"ח ר' יעקב זוסמאן סופר הי"ו, הגבה די צווייטע ספר: הרה"ח ר' ברוך יצחק ווייס הי"ו, גלילה: הרה"ח ר' שמעון שטערן הי"ו (מאנסי). מען האט געענדיגט 12:40

עס איז געווען פּאָזע. רבינו שליט"א איז געגאנגען אין מקוה און אהיים געגאנגען לביתו נאוה קודש.

▫️ סאטמאר'ע נייעס 🌴 ▫️

יום תרועה יהיה לכם

דעם ערשטן טאג יו"ט אינדערפרי איז רבינו שליט"א אריינגעקומען ארום 8:15 אין ביהמ"ד. רבינו שליט''א האט אפגעראכטן זיינע הייליגע תפילות בבכיות נוראות. דער קול בוכים האט זיך געהערט אינעם גאנצן ביהמ"ד ביי די תפילות, ובפרט ביי 'שיר המעלות ממעמקים' און ביים פיוט 'יראתי בפצותי'. עס האט אויפגעציטערט די הערצער פון די טויזענטער מתפללים.

פסוקי דזמרה: הרה"ג ר' אברהם שלום פריעדמאן שליט"א מראשי הכוללים, שחרית: הגה"צ הדומ"ץ שליט"א.

נאך א קורצע הפסקה איז דער רבי שליט"א אריינגעקומען מיטן קיטל און זילבערנע קאפל. הוצאה והכנסה זענען נתכבד געווארן הרה"ג ר' יוסף הערש סופר שליט"א און הרה"ג ר' ארי אשר אינדיג שליט"א מדייני קהלתינו הק'. פסוקי שמע ישראל: הרה"צ ר' יצחק צבי ווייס שליט"א אב''ד איהעל פון בארא פארק.

רבינו שליט"א איז געווען בעל קורא, און געליינט בבכיות ובהתעוררות רב.

עליות. כהן: אב"ד איהעל ב"פ שליט"א, לוי: הרה"ח ר' אלעזר גרובער הי"ו, שלישי: הגה"צ הדומ"ץ שליט"א, רביעי: הרה"ח ר' יהודה ווייס הי"ו, חמישי: רבינו שליט"א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת ביי די פאלגאנדע בעלי שמחה:
ר' משה דוד ניימאן הי"ו.
ר' שמעון שווארץ הי"ו.
ר' חיים יקותיאל כ''ץ הי"ו.
ר' אברהם שמעון וויעדער הי"ו.

הגבה דעם ערשטע ספר: הרה"ח ר' חיים אהרן קליין הי"ו, גלילה: הרה"ח ר' שמחה כץ הי"ו, מפטיר: הרה"ח ר' מאיר הירש הי"ו, הגבה דעם צווייטע ספר: הרה"ח ר' אליעזר לעוו הי"ו - לאנדאן, גלילה: הרה"ח ר' שמעון שווארץ הי"ו. מען האט געענדיגט 12:20.

עס איז געווען פּאָזע. רבינו שליט"א איז געגאנגען אין מקוה און אהיים געגאנגען לביתו נאוה קודש.

ארום 1:30 איז רבינו שליט"א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זי"ע, און אונטער די קיטל א ווייסע קאפטן. דער רבי שליט''א איז ארויף אויפן ארון קודש און געזאגט א שטילע תפילה, און אנגעהויבן די פייערדיגע תקיעת שופר דרשה מיטן פסוק "אשרי העם יודעי תרועה", אז ס'איז דא צוויי אופנים ווי אזוי דער באשעפער איז מעורר לתשובה, איינס איז דורך שיקן א מלך קשה כהמן, און דער צווייטע וועג איז דורך אריין שיקן א רוח טהרה ביי אידישע קינדער, אז מען איז עוסק בתורה איז מען זוכה צו נתעורר ווערן דורך א קריאה של חיבה. רבינו שליט''א האט מיט בכיות נוראות ממשיך געווען עס איז אדורך א יאהר ווי מ'האט נעכטן דערמאנט ויהי איז א לשון צער, ס'איז אדורך א שווער יאר. מען בעהט ביים הייליגן באשעפער השיבנו ה' אליך ונשיבה, זיי אונז מעורר צו תשובה דורך אריינשיקן א רוח טהרה, נישט דורך א מלך קשה כהמן. דער רבי שליט''א האט נאכגעברענגט פון רביה"ק בעל דברי יואל זי"ע אז ס'איז דא אמאל וואס דער מלך קשה כהמן העלפט נישט, נאר עס מאכט ארגער, אזוי ווי אין מצרים 'ולא שמעו אל משה מקוצר רוח ומעבודה קשה'. מען האט געהאט זייער א שווער יאהר, השי"ת האט געוועקט כלל ישראל אויף א שווערן אופן. "הייליגע באשעפער שיק א רוח טהרה, וועק אויף כלל ישראל מיט מידות הרחמים. די היינטיגע דורות אויב מען איז מעורר דורך יסורים, אדרבה קען עס שאטן", ווען מען בלאזט שופר איז גנוחי גנח ילולי יליל, אידן זענען יודעים לפתות את בוראם בתרועה, מען ווערט שוין פון דעם אליינס נתעורר לתשובה.

דער רבי שליט''א האט ממשיך געווען אז ס'שטייט אין אליה רבה אז ראש השנה ווערט נתעורר די בכיה פון שרה אמינו בשעת די עקידה. פשט פון די בכיה איז, ביי די עקידה האט שרה אמינו געזעהן די צרות ישראל עד היום הזה, און איר הייליג הארץ האט עס נישט געקענט אריבערטראגן ופרחה נשמתה, רבינו שליט''א האט אויסגעשריגן בבכיות עצומות "און יעדעס יאהר בשעת תקיעת שופר וויינט שרה אמינו די מאמע פון כלל ישראל מיט מיט אלע אידישע מאמעס וואס וויינען יעדער אויף זייערע צרות" און אויסגערכנט צרות וואס אידישע קינדער דארפן געהאלפן ווערן, און דער זכות פון שרה אמינו איז מגין אויף כלל ישראל, און געוואונטשן ברכות.

נאך די דרשה האט דער רבי שליט''א געזאגט קדיש דרבנן, מען האט געענדיגט ארום 2:00.

נאך די דרשה איז פאהרגעקומען דער ברית ביי ב"ר ברוך ארי' פויגל הי"ו, ווי דער רבי איז געווען סנדק און מוהל.

דערנאך איז רבינו שליט"א ארויף אויפן באלעמער, די ספרי תורה האבן געהאלטן הרה"ח ר' מאיר הערש גרינבוים הי"ו און הרה"ח ר' אהרן שפיטצער הי"ו.

2:15 האט רבינו שליט"א אנגעהויבן מן המצר. רבינו שליט"א האט געמאכט די ברכות באש קודש און געבלאזן די תקיעת דמיושב. בעל מקרא איז געווען הגה"צ הדומ"ץ שליט"א.

▫️ סאטמאר'ע נייעס 🌴 ▫️

'תחל שנה וברכותיה'

יו"ט ראש השנה בצל הקודש פון כ"ק מרן רבינו הגה"ק שליט"א בקרב קהלתינו הק' בקרית יואל.

ערב יו"ט פארטאגס ארום 5:20 איז כ''ק מרן רבינו שליט"א אריינגעקומען בבית מדרשינו הגדול בקר"י מעוטף אינעם טלית און קאפל פון רביה"ק בעל דברי יואל זי"ע און יורד געווען לפני התיבה צו אמירת סליחות 'זכור ברית'. מיט די פתיחות זענען נתכבד געווארן הרה"ח ר' עקיבא וויינשטאק הי"ו און הרה"ח ר' יעקב פארגעס הי"ו. מען האט געענדיגט ארום 7:45.

פארן דאווענען איז רבינו שליט"א אריבערגעקומען אין שטוב פון הרה''ח ר' עמרם כהן שליט"א ווי עס איז פארגעקומען די ברית ביי בן הנולד ביי הר"ר יואל שפיצער שליט"א, אויך איז פארגעקומען די ברית אין ביהמ"ד ביי ב"ר וואלף בערגער הי"ו.

ארום 10:15 איז רבינו שליט"א אריינגעקומען צו שחרית. נאך תהלים האט מען געזאגט דעם יהי"ר, דערנאך האט רבינו שליט"א אויסגעטוהן די תפילין און געמאכט התרת נדרים פאר א מנין און געזאגט די מסירות מודעה.

ליל יו"ט פארנאכטס ארום 8:00 איז רבינו שליט"א אריינגעקומען אין ביהמ"ד און צוגעגאנגען צום עמוד צו תפילת מנחה און דערנאך האט מען געזאגט דעם פיוט 'אחות קטנה' כנהוג.

נאך מנחה איז פארגעקומען דער יערליכער אפיעל פארן "מבצר הכוללים בקר"י" מיט אירע אריבער 800 לומדי הכולל. עס האט אויפגעטרעטן דער מנהל הכוללים הרה"ג ר' וואלף אהרן טעלער שליט"א, בתו"ד האט ער געמאלדן אז דער כולל וועט העכערן די תמיכה פאר די לומדים כפקודת רבינו שליט''א ביים היסטארישן שבת 'עמלי התורה'.

ביים זמן איז רבינו שליט"א צוגעגאנגען צום עמוד צו מערבית.

נאכן דאווענען איז רבינו שליט"א ארויף אויפן ארון הקודש און געזאגט תורה אויפן פסוק 'תקעו בחודש שופר בכסא ליום חגינו', תרועה איז גנוחי גנח ילולי יליל. דער ערשטער בעלזא רב זי"ע זאגט, אז ימלא ש'חוק פ'ינו ו'לשוננו ר'נה איז ר"ת שופר, אז שופר איז מיט שמחה. מען בלאזט צוויי מאל שופר, תקיעת דמיושב און תקיעת דמעומד. די ערשטע מאהל בלאזט מען לעורר לתשובה, און די צווייטער מאהל בלאזט מען אויף די שמחה אז מען האט מקיים געווען די מצוה פון תשובה. דער חתם סופר ז"ל זאגט 'ויהי' איז א לשון צער און 'והיה' איז א לשון שמחה. 'ויהי' איז די עבר 'והיה' איז די עתיד. ווען מען קוקט ווי אזוי די יאהר איז אדורך, איז א לשון צער. "זייער א שווער יאהר איז אדורך, זייער שווערע פאסירונגען פאר כלל ישראל". מען קוקט אבער 'והיה א לשון עתיד' וואס וועט זיין, איז א לשון שמחה. "עס וועט קומען א גוט יאהר פאר כלל ישראל, א לעכטיגע יאהר, א פרייליכע יאר". פאר דעם בלאזט מען צוויי מאהל, דאס ערשטע מאהל בלאזט מען גנוחי גנח ילולי יליל, אויפן יאהר וואס איז אריבער תכלה שנה וקללותיה. דער צווייטער מאהל בלאזט מען צו ווייזן שמחה וביום שמחתכם ובמועדיכם אויפן יאהר וואס קומט "תחל שנה וברכותיה", דאס איז תקעו בחודש שופר בכסה ליום חגינו, חג איז א יו"ט בשמחה.

רבינו שליט''א האט געוואונטשן ברכת כללית וברכת פרטית פאר אנ"ש און פאר כלל ישראל און א ברכה פאר יעדן יחיד "לשנה טובה תכתב ותחתם לאלתר לחיים טובים ולשלום", און געזאגט תשפ"ב איז בגימטריא "קבל רנת", הקב"ה וועט צוהערן די תפילות פון כלל ישראל, 'תחל שנה וברכותיה' ס'קומט א גוט יאר פאר כלל ישראל, און ווייטער געוואונטשן ברכות לרוב און מסיים געווען א גוט יו''ט און א גוט יאר. ולעומתו ברוך יאמרו, האבן די אלפי ישראל צוריקגעוואונטשן פארן רבי'ן לשנה טובה ואף הוא ענה כנגד המברכים אמן.

נאכן אראפגיין האט רבינו שליט"א עקסטער געוואונטשן לשנה טובה פאר הגה"צ הדומ"ץ שליט"א, און דערנאך אהיים לביתו נאוה קודש.

ארום 11:45 איז רבינו שליט"א אריינגעקומען צום שלחה"ט בהיכל השלחנות. נאך קידוש האט רבינו שליט"א אויפגעשניטן די חלה מיט א נייע מעסער און איינגעטונקען אין האניג דבש חי, און דערנאך געמאכט א ברכת העץ אויף עפל איינגעטונקען אין האניג און געזאגט דעם יהי"ר שתתחדש עלינו שנה טובה ומתיקה, און פארטיילט שריים פון עפל פארן גאנצן ציבור.

מען האט אריינגעברענגט ראש כבש פון די כבשים של מצוה וואס רבינו שליט"א האט מקיים געווען מצות ראשית הגז פארגאנגענעם יו''ט פסח, דער רבי האט טועם געווען און געזאגט דעם יהי"ר שנהיה לראש ולא לזנב. ביי די לחיים האט רבינו שליט"א געוואונטשן א כתיבה וחתימה טובה.

מיט די זמירות לדוד מזמור האט רבינו שליט"א מכבד געווען הרה"ח ר' אלי שאול כ''ץ הי"ו (בארא פארק).

רבינו שליט"א האט געזאגט תורה אויף לדוד מזמור און געטייטשט עס איז דא א מחלוקה פון די צדיקים וואס עס קומט קודם, גשמיות אדער רוחניות? מען בלאזט שופר צוויי תקיעות איינס איז אויף גשמיות און איינס אויף רוחניות, און גשמיות קומט קודם, און מסיים געווען מיט ברכות.

ברכהמ"ז: הרה"ח ר' אליעזר לעוו הי"ו (לאנדאן), מען האט געענדיגט 1:00.

▫️ סאטמאר'ע נייעס 🌴 ▫️

זונטאג וילך ז' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקרית יואל. בעל תפלה איז געווען הרה"ג ר' ארי' דוב קארנבלי שליט"א ראש ישיבה שיעור ד'.

רבינו שליט"א האט געדאווענט שחרית בבנין התלמוד תורה 'בנין הירש גאלדבערגער לאנדא' אינאיינעם מיט תלמידי כתות ו' ז' ח' סניף הר"ר נפתלי הירצקא פריעדמאן שליט"א. פארן דאווענען איז פארגעקומען דער מעמד הנחת תפילין פאר נכד רבינו שליט"א חתן הבר מצוה הב' חנני יו''ט טייטלבוים בן הגה"צ ר' יואל שליט"א רב דביהמ"ד בית ברוך.

דערנאך האט רבינו שליט"א תפילין געלייגט פאר די פאלגענדע בר מצוה בחורים
ב"ר יעקב מארקאוויטש הי"ו.
ב"ר יואל ליכטנשטיין הי"ו.
ב"ר מאיר יודא אייזנבאך הי"ו.

נאכן דאווענען איז פארגעקומען די מסיבת לחיים ווי די קינדער האבן פארגעזונגען ווארימע חרוזים לכבוד המאורע. דער רבי שליט''א האט געטרינקן לחיים און געוואונטשן פאר נכדו הבחור הבר מצוה און פאר בנו הגה"צ ר' יואל שליט"א, און פאר די בר מצוה בחורים און די תשב"ר. דערנאך האט רבינו שליט''א משמיע געווען דברות קודש.

קול רנה וישועה באהלי צדיקים

ארום 7:30 איז רבינו שליט"א אנגעקומען באולם כינור דוד אין קרית יואל צום שמחת הבר מצוה פונעם אייניקל חתן הבר מצוה חנני' יום טוב טייטלבוים בן הגה"צ ר' יואל שליט"א רב דביהמ"ד בית ברוך.

רבינו שליט"א האט זיך געוואשן צום סעודת הבר מצוה. נאך די פיש ואמירת לחיים האט דער בר מצוה בחור געזאגט דעם פשעטל.

עס האבן אויפגעטרעטן הגה"צ רב דביהמ"ד בית ברוך שליט"א, און דער זיידע הגה"צ אב"ד בערטש שליט"א.

דערנאך האט רבינו שליט"א משמיע געווען דברות קודש. מיט בענטשן האט דער רבי מכבד געווען נכדו דעם בר מצוה בחור.

מען האט געענדיגט ארום 8:40.

נאך די בר מצוה האט רבינו שליט"א מנחם אבל געווען הרה"ח ר' יעקב אקער הי"ו ובניו, און הרה"ג ר' עמרם כהן שליט"א וועלכע זיצן שבעה נאך די פטירה פון אשתו /אמם /אחותו.

בשורות טובות

▫️ סאטמאר'ע נייעס 🌴 ▫️

המשך באריכט שב"ק פרשת נצבים בצל הקודש פון כ"ק מרן רבינו הגה"ק שליט"א.

נאכמיטאג איז רבינו שליט"א אראפגעקומען אין די זאל בביתו נאוה קודש ווי די "קאפעליא" האט געזונגען אלע נייע נגונים פארפאסט לכבוד די הייליגע טעג. ביים ענדיגן האט רבינו שליט"א געוואונטשן "ברכה והצלחה ויהיו נא אמרינו לרצון".

רעוא דרעוין

צו מנחה ושל"ש איז רבינו שליט''א אריינגעקומען 7:55. מנחה: הרה"ח ר' יעקב יוסף פילאפף הי"ו, הוצאה והכנסה: הרה"ח ר' ברוך מרדכי ראזענבערג הי"ו, כהן: הרה"ח ר' משה ברוך פאלאק הי"ו, לוי: הרה"ח ר' נפתלי יעקב גאטליעב הי"ו, שלישי: הרה"ג ר' יואל אפענהיים שליט"א, הגבה: רבינו שליט"א, גלילה: הרה"ח ר' ברוך יודא קליין הי"ו.

זמירות ביי של"ש האט רבינו שליט"א מכבד געווען. אודה: הרה"ח ר' נח גפן הי"ו, שיר המעלות: הרה"ח ר' יחזקאל יואל סאמעט הי"ו (וומסב"ג).

ביי די תורה האט זיך רבינו שליט"א געשטעלט אויפן פסוק "אתם נצבים היום כלכם לפני ה' אלוקיכם" און געטייטשט בדרך מוסר, מיט לענגערע דברי התעוררות להכנה צו די הייליגע טעג. אידן זענען יודעין לפתות את בוראם בתרועה, הגם די אומת העולם קענען אויך בלאזן שופר און תשובה טוהן, אבער מיט דעם וואס אידן זענען מאמינים בני מאמינים און גלייבן באמונה שלימה אז אפילו מען האט יאר נאך יאר געבלאזן שופר און עס איז נאכנישט געקומען די גאולה שלימה, וועט זיך דער אייבערשטער סוכ"ס מרחם זיין און מען גלייבט אז דאס יאר וועט עס קומען, און דאס איז א געוואלדיגע מליצה ישרה אויף כלל ישראל 'יהי חסדך ה' עלינו כאשר יחלנו לך' אזוי ווי אידישע קינדער האפן און עס איז נישט אפגעשוואכט געווארן די אמונה און דעם זכות האף מיר אז הקב"ה וועט נאכמאל צוהערען די תפילות תקיעות און הירהורי תשובה פון כלל ישראל. ביים סוף פון די דב"ק האט דער רבי מסיים געווען ביי די ברכות הקודש בקול בוכה אידישע קינדער זענען באמת צובראכן מען איז מתפלל מען געזעגענט זיך פון יאר "תכלה שנה וקללותיה" פאריאר האט מען אויך געזאגט 'תכלה שנה וקללותיה' ווען מען געזעגענט זיך פון יאר און פאר 2 יאר האט מען אויך געזאגט 'תכלה שנה וקללותיה' מען האפט אז עס וועט קומען א יאר א יאר וואס אידישע קינדער וועלן געהאלפן ווערן בכל מיני ישועות, מען שטייט יעצט נאכאמאל סוף יאר מען בעט נאכאמאל "תכלה שנה וקללותיה" און ממשיך געווען מיט דברי התעוררות שטייענדיג סוף פונעם יאר, און מסיים געווען השי"ת זאל העלפן אז מיר זאלן טאקע זוכה זיין צו ביאת המשיח במהרה מען זאל זוכה זיין הקב"ה זאל מקבל זיין די תפילות און די תקיעות פון אידישע קינדער, אידישע קינדער גיסן זיך אויס דאס הארץ ביים בוכ"ע, כי כל לבב דוי אלע אידישע קינדערס הערצער זענען צובראכן אידישע קינדער דארפן ישועות אידישע קינדער דארפן רפואות יעדן טאג הערט מען פרישע בשורות וואס שוידערט אויף יעדן איד, השי"ת זאל העלפן מזאל מיר זוכה זיין תשובה צו טוען בשלימות אין די טעג, השי"ת יאמר לצרות ישראל די. מזאל שיקן די גאולה שלימה יהי חסדך ה עלינו כאשר יחלנו לך, דער אייבערשטער זאל העלפן מזאל מיר זוכה זיין צו התרוממות קרן התורה וישראל בהתגלות כבוד שמים עלינו בב"א".

ידיד נפש: הרה"ח ר' יצחק מארקאוויטש הי"ו, קל מסתתר: הרה"ח ר' חיים יאקאב הי''ו. דער רבי שליט''א האט געבענטשט אויפן כוס. מעריב מוצ"ש: הרה"ח ר' שלמה זלמן שטיין הי"ו. נאך הבדלה איז מען אריבער זאגן א גוטע וואך. מען האט געענדיגט 10:20.

▫️ סאטמאר'ע נייעס 🌴 ▫️

שב"ק פרשת נצבים בצל הקודש פון כ"ק מרן רבינו הגה"ק שליט"א.

פרייטאג צונאכטס ארום 8:15 איז רבינו שליט''א אריינגעקומען אין ביהמ"ד און צוגעגאנגען צו מנחה. קבלת שבת: הרה"ג ר' העניך שעהר שליט"א.

מען האט געענדיגט ארום 9:30. נאכן דאווענען איז דער עולם אריבערגעגאנגען גוט שבת זאגן.

ארום 11:45 איז רבינו שליט''א אריינגעקומען צום שלחה"ט בהיכל השלחנות.

אשת חיל: נכד רבינו הבחור אשר אנשיל אשכנזי בן הגה"צ ר' העניך שליט''א.

ביי די פיש האט רבינו שליט''א געטיילט שריים פאר די וואס זענען געזעצן ביים טיש.

מיט די זמירות האט רבינו שליט''א מכבד געווען ווי פאלגענד, כל מקדש: הרה"ג ר' יואל ב"ר יצחק שמואל אפענהיים שליט"א, מנוחה ושמחה: הרה"ח ר' יצחק פריעד הי"ו (לעיקוואד).

רבינו שליט''א האט געזאגט תורה אויפן פסוק "אתם נצבים היום" און געטייטשט בדרך דרוש אין די סוגיא פון אידישע קינדער האבן א דין פון א אשה ששברה בבית בעלה.

קה אכסוף: הרה"ח ר' מאיר סימאן הי"ו, ברכהמ"ז הרה"ג ר' זלמן לייב כהנא שליט"א (בית שמש).

עובדות וסיפורים די וואך האט רבינו שליט''א דערציילט פון הרה"ק די שר שלום פון בעלזא זי"ע, וואס די יארצייט איז געפאלן שב"ק כ"ז אלול. קה רבון עלם: הרה"ג ר' חיים יחזקאל ווערצבערגער שליט"א.

די פרישע חתנים זענען אדורך נעמען פירות. אויך איז פארגעקומען די שלום זכר ביי ב"ר יעקב נפתלי קארסירער הי"ו. אז ביום השביעי: הרה"ח ר' משה מאיר טייטלבוים הי"ו, מען האט געענדיגט ארום 1:40.

וביום השבת קודש

שב"ק צופרי איז רבינו שליט''א אריינגעקומען 9:30. פסוקי דזמרה: הרה"ח ר' אשר יעקב עקשטיין הי"ו. ביי וכרות האט דער רבי שליט''א געזאגט פסוק בפסוק.

צו שחרית איז רבינו שליט''א צוגעגאנגען, און צוגעשיקט צו הויעך שמו"ע נכדו הרה"ג ר' חיים הערש אשכנזי שליט"א רב דביהמ"ד רב טוב.

הוצאה והכנסה: הרה"ח ר' חיים אלי טייטלבוים הי"ו, פסוקי שמע ישראל: הרה"ח ר' ישראל יעקב סופר הי"ו.

עליות. כהן: בעל שמחה ר' אלי כץ הי"ו, לוי: הרה"ח ר' אהרן ווערצבערגער הי"ו, שלישי: החתן ב"ר ישראל דוד טייטלבוים, רביעי: בעל שמחה ר' שלמה הערש ברא"י עקשטיין הי"ו - רבינו שליט"א האט געמאכט די מי שברך וקריאת השם לרגל הולדת בתו למז"ט, חמישי: בעל שמחה הר"ר שלמה נח היילברוין שליט"א - רבינו שליט"א האט געמאכט די מי שברך וקריאת השם לרגל הולדת בתו למז"ט, שישי: רבינו שליט"א.

נאכן עולה זיין האט רבינו שליט"א געמאכט די מי שברך וקריאת השם לרגל הולדת הבת ביי די פאלגענדע בעלי שמחה:
ר' בנציון אונגאר הי"ו.
ר' שמעון גאלדבערג הי"ו.

שביעי: בעל שמחה ר' משה אלימלך ווידער הי"ו - רבינו שליט"א האט געמאכט די מי שברך וקריאת השם לרגל הולדת בתו למז"ט, אחרון: בעל ברית ר' משה ארי מארק הי"ו, מפטיר: הרה"ח ר' יואל ברח"א שפיצער הי"ו, הגבה: הרה"ח ר' ישראל דוד טייטלבוים הי"ו (וומסב"ג), גלילה: הרה"ח ר' יואל ברי"י סופר הי"ו (מאנסי).

מוסף: הרה"ח ר' יעקב מיטעלמאן הי"ו, פתיחה לאנעים זמירות: הרה"ח ר' שלמה מארק הי"ו (ירושלים). מען האט געענדיגט 12:40.

נאכן דאווענען איז פארגעקומען די ברית לבן הנולד לר' משה ארי מארק הי''ו, ווי דער רבי שליט''א איז מכובד געווארן מיט סנדקאות ומוהלות.

▫️ סאטמאר'ע נייעס 🌴 ▫️

פרייטאג נצבים ו' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקרית יואל. בעל תפלה איז געווען הרה"ח ר' שלמה זלמן שטיין הי"ו.

רבינו שליט"א האט געדאווענט שחרית בבית מדרשינו הגדול בקר"י.

פתחו לי שערי צדק

נאכן דאווענען איז רבינו שליט"א אריבער געפארן צום ביהמ"ד החדש מהרש"א, דקהלתינו הק' קרית יואל, אויף שכונת בעיקערטאון אינעם נייעם המספיק וועי. דאס בית המדרש איז דער די 18'טע שוהל דקהלתינו הק' בקרית יואל.

רבינו שליט"א האט קובע געווען די מזוזה, און דערנאך אפגעראכטן א מסיבת לחיים. ביי די מסיבת לחיים איז אויך פאהרגעקומען א מעמד התמנות פארן מו"צ הביהמ"ד, הרה"ג ר' ארי אשר אינדיג שליט"א.

קודם האט אויפגעטרעטן הרה"ח ר' דוד עקשטיין הי"ו ראה"ק דקהלתינו הק' בקרית יואל און באגריסט דעם מעמד. דערנאך האט רבינו שליט"א משמיע געווען דב''ק ווי דער רבי שליט''א האט - ווי שוין געמאלדן - קורא שם געווען פארן ביהמ"ד ביהמ"ד מהרש"א דקהל יטב לב דסאטמאר לשמו ולזכרו של זקינו הרה"ק פועל ישועות רבי שלום אליעזר'ל מראצפערט זצוק"ל הי''ד. רבינו שליט''א האט דערביי ארויסגעברענגט אז דער נאמען איז זייער פאסיג, ווען דער ביהמ"ד געפונט זיך הארט נעבן די ראצפערט גאס אין קרית יואל, און געוואונטשן ווארימע ברכות הקודש פארן נייעם מו"צ הביהמ"ד.

נאך די דב"ק האט אויפגעטרעטן די נייע מו"צ הרה"ג ר' ארי אשר אינדיג שליט"א. דערנאך האט רבינו שליט"א געטרינקן לחיים און געוואונטשן פאר די עסקנים ומתפללים און פארטיילט שריים פאר די גבאים ועסקנים.

נאכדעם האט זיך רבינו שליט"א אומגעקוקט אויפן ביהמ"ד און ביים מקוה.

נאך די מעמד איז רבינו שליט"א געפארן אויף מאנסי ווי דער רבי שליט''א האט מנחם אבל געווען הגה"צ ר' מנחם מאיר ווייסמאנדל שליט"א אב"ד נייטרא מאנסי, ע"פ אחיו הגה"צ ר' שמואל דוד זצ''ל ר''מ ישיבת קרית נייטרא.

בברכת שבתא טבא

▫️ סאטמאר'ע נייעס 🌴 ▫️

דאנערשטאג נצבים ה' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקרית יואל. בעל תפלה איז געווען הרה"ח ר' דוד עקשטיין הי"ו.

צופרי איידער תפילת שחרית איז פארגעקומען די ברית לבן הנולד לר' יואל ברוך באש הי''ו, ווי דער רבי שליט''א איז מכובד געווארן מיט סנדקאות.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב''ר יואל מערץ הי"ו.
ב''ר יחאל אלטר טויב הי"ו.
ב''ר יוסף גרינבלאט הי"ו.

נאכדעם איז פארגעקומען א מסיבת לחיים מיט די בר מצוה בחורים בחדרו הפרטי.

נאכמיטאג ארום 4:45 זענען אריבערגעקומען בקודש פנימה ביי רבינו שליט"א בביתו נאוה קודש, תלמידים המצטיינים פון כתה ח' במוסדותינו הק' וומסב"ג וועלכע האבן זיך מקבל געווען קבלות טובות נישט צו רעדן פארן דאווענען ובשעת התפילה, ווי רבינו שליט"א האט געוואונטשן ברכות קדשו און פארטיילט מטבעות קודש.

אויפדערנאכט איז געווען זמני כניסה בקודש פנימה פון 6:00 ביז 12:00 בביתו נאוה קודש אויף אוהעל קט.

▫️ סאטמאר'ע נייעס 🌴▫️

מיטוואך נצבים ד' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בוומסב"ג. בעל תפלה איז געווען הרה"ח ר' שלמה זלמן שטיין הי"ו.

נאך סליחות האט זיך רבינו שליט"א צוריקגעקערט לביתו נאוה קודש בקרית יואל.

צופרי איידער תפילת שחרית איז פארגעקומען די ברית לבן הנולד לר' געציל פרענקעל הי''ו, ווי דער רבי שליט''א איז מכובד געווארן מיט סנדקאות. אזוי אויך די ברית לבן הנולד לר' מאיר לייב ווערטהיימער הי''ו, ווי דער רבי שליט''א איז מכובד געווארן מיט סנדקאות ומוהלות.

רבינו שליט"א האט געדאווענט שחרית בבית מדרשינו הגדול בקר"י.

אויפדערנאכט איז געווען זמני כניסה בקודש פנימה פון 5:30 ביז 11:45 בביתו נאוה קודש אויף אוהעל קט.

▫️ סאטמאר'ע נייעס 🌴▫️

דינסטאג נצבים ג' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בוומסב"ג. בעל תפלה איז געווען הרה"ח ר' יודל ווערצבערגער הי"ו.

רבינו שליט"א האט געדאווענט שחרית בבנין התלמוד תורה 'בנין ישעי זאב לעוו' אינאיינעם מיט תלמידי כתה ט' מכינה לישיבה. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב''ר אברהם שלמה האפפער הי''ו.
ב''ר יחיאל ארגעל הי''ו.
ב''ר ישראל משה בערקאוויטש הי''ו.

נאכן דאווענען זענען אריין בקודש פנימה בחדרו הפרטי די תלמידים המצטיינים פון כתה ח' וועלכע האבן זיך פארהערט די לימודים. רבינו שליט"א האט פארטיילט פרסים און געוואונטשן ברכות קדשו. אויך זענען אריין תלמידי כתה ט' מכינה לישיבה וואס האבן אריינגעברענגט גרעסערע סכומים לטובת המוסדות בימי פורים העעל"ט. רבינו שליט"א האט פארטיילט געבענטשטע מטבעות.

נאכדעם איז פארגעקומען א מסיבת לחיים אינאיינעם מיט תלמידי כתה ט' מכינה לישיבה. רבינו שליט"א האט געטרינקן לחיים און געוואונטשן פאר די בר מצוה בחורים די מרביצי תורה און די בחורים, און דערנאך משמיע געווען קורצע דברות קודש.

דערנאך איז רבינו שליט"א אראפגעגאנגען ביים פראכטפולען נייעם איבערגעבויעטן אולם פרענקל נדבת הרבני הנגיד ר' אביגדור פרענקל הי"ו ובנו הרבני הנגיד ר' יושע הי"ו. רבינו שליט"א האט קובע מזוזה געווען און מכבד געווען הגה"צ אבד"ק ור"מ וומסב"ג שליט"א און הרבני הנגיד ר' אביגדור פרענקל הי"ו צו קובע מזוזה זיין. דערנאך האט די רבי שליט''א געוואונטשן ברכות קדשו פאר די נדבנים ועסקנים, און זיך אומגעקוקט אויף די זאלן.

ורוח הקודש אומרת כן ירבה וכן יפרוץ

ארום 12:15 איז רבינו שליט''א - ווי שוין געמאלדן - אנגעקומען צום ''מעמד קביעת מזוזה ומסיבת לחיים'' פארן בנין הבית רחל בנין ריספלער החדש במוסדותינו הק' וויליאמסבורג, וועלכע איז בשעטו"מ געעפענט געווארן און אריין אין באנוץ נאך לאנגע יארן פון עגמת נפש. - זעהט באזונדערע באריכט ביי די פריערדיגע באריכטן -

אויף דערנאכט איז געווען זמני כניסה בקודש פנימה פאר אנ"ש תושבי וומסב"ג ווי יעדן דינסטאג. עס האבן געשטראמט נאכאנאנד א ריזן ציבור אנשי שלומינו פאר איבער 8 שעה, פון 4:30 נאכמיטאג ביז 12:45 אינמיטן די נאכט.

▫️ סאטמאר'ע נייעס 🌴▫️

ורוח הקודש אומרת כן ירבה וכן יפרוץ

היינט פארמיטאג איז פארגעקומען די ''מעמד קביעת מזוזה ומסיבת לחיים'' פארן בנין הבית רחל בנין ריספלער החדש במוסדותינו הק' וויליאמסבורג, וועלכע איז בשעטו"מ געעפענט געווארן און אריין אין באנוץ נאך לאנגע יארן פון עגמת נפש. דער מעמד איז באשיינט געווארן דורך כ"ק מרן רבינו הגה"ק שליט"א.

רבינו שליט"א האט קובע געווען די מזוזה, און דערנאך אפגעראכטן די מסיבת לחיים. דער רבי שליט''א האט געוואונטשן פארן ציבור ובפרט פאר הרבני הנגיד ר' פישל ריספלער הי"ו. עס האבן אויפגעטרעטן הגה"צ אבד"ק ור"מ וומסב"ג שליט"א און די מנהל הרה''ג ר' בנימין ליכטענשטיין שליט"א. רבינו שליט"א האט משמיע געווען דברות קודש. בתו"ד האט רבינו שליט"א ארומגערעדט בשבח פונעם נדבן הבנין הרבני הנגיד ר' מאיר זעליג ריספלער ז"ל ראה"ק דקהלתינו הק', און ארויסגעברענגט די גרויסע טובה וואס עס איז פאר די נשמה ווען מען איז מחנך א בנין וואס מען האט זיך אזויפיל געמוטשעט, און די זכי' אז אזוי פיל מיידלעך ווערן נתחנך אין זיינע בנינים. רבינו שליט''א האט מסיים געווען מיט גאר ווארימע ברכות הקודש פאר די משפחה וואס זענען הולכים בדרכיו ועוד ידיהם נטוים לרומם קרן קהילתנו הק'.

נאכדעם איז רבינו שליט"א ארומגעגאנגען אינעם בנין ווי דער רבי האט זיך אומגעקוקט אויף אלע שטאקן, אין די עסן זאלן און אין די כתות. ביים ארויסגיין האט דער רבי שליט''א גאר ווארעם געוואונטשן פאר די חשובע מרת ריספלער תחי' און זיך אויסגעדריקט "אז דאס איז די שענסטע כבוד וואס מען קען טוהן לטובת הנשמה".

בורא עולם בקנין השלם זה הבנין

▫️ סאטמאר'ע נייעס 🌴 ▫️

מאנטאג נצבים ב' סליחות בצל הקודש פון כ"ק מרן רבינו הגה"ק שליט"א

ארום 5:45 איז רבינו שליט''א אריין געקומען צו אמירת סליחות בבית מדרשינו הגדול בקר"י. בעל תפלה איז געווען הרה"ג ר' בערל גלאנץ שליט"א מבארדיוב קרית יואל. מען האט גענדיגט ארום 6:30.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט''א תפילין געלייגט פאר די פאלגענדע בר מצוה בחורים:
ב''ר יושע קאהן הי''ו.
ב''ר משה נסים מזרחי הי''ו.

נאכן דאווענען האט רבינו שליט"א געבלאזן שופר, און ביי תהילים געזאגט 15 קאפיטלעך כנהוג.

נאכדעם איז פארגעקומען א מסיבת לחיים מיט די בר מצוה בחורים בחדרו הפרטי.

נאכן מסיבת לחיים האט רבינו שליט''א קובע מזוזה געווען אויף חדרו הפרטי החדש בביהמ"ד הגדול, נדבת לבו פון הרבני הנגיד ר' שמואל זאנוויל ווערטהיימער הי"ו.

נאכמיטאג ארום 4:00 ביים אנקומען אין בארא פארק איז רבינו שליט"א געווען מנחם אבל זיין משפחת הגה"צ ר' חיים יצחק אייזיק טייטלבוים זצ"ל אב"ד סלאטפינא נכד רבותינו הק', צווישן זיי בנו הרה"ג ר' ליפא ט"ב שליט"א דומ"ץ דקהלתינו הק' באנטווערפן. עס איז פארפירט געווארן א שיינע שמועס איבער צדיקי ומנהגי בית סיגוט.

ארום 4:30 איז רבינו שליט"א אנגעקומען בבית האכסניא אין שטוב פון הרה"ח ר' משה כהנא הי"ו ווי עס איז געווען זמני כניסה בקודש פנימה לקראת ימי הרחמים והרצון פאר אנ"ש אין שטאט, ווי עס זענען אריין שווערע הונדערטער אידן צווישן זיי צענדליגע רבנים פון שטאט, וואס האט זיך פארצויגן פאר קרוב צו 9 שעה פון 4:30 ביז 1:30.

ביי די זמני כניסה האט -ווי שוין געמאלדן- באזוכט ביי רבינו שליטא הגה"צ ר' בנציון הכהן שטראסער שליט"א אבד"ק נייטרא בארא פארק, ווי רבינו שליט"א האט אים איבערגעגעבן א מתנה א נייער "טלית" וואס די ציצית איז געמאכט געווארן פון די וואל וואס רבינו שליט"א האט אליינס געשניטן און מקיים געווען די מצות מתנת כהונה ביים היסטארישען מעמד ראשית הגז פארגאנגענעם חוה"מ פסח.

ארום 2:00 איז רבינו שליט"א אנגעקומען בביתו נאוה קודש אין וויליאמסבורג.

▫️ סאטמאר'ע נייעס 🌴 ▫️

מארגן דינסטאג וועט כ"ק מרן רבינו הגה"ק שליט"א אריינקומען צו אמירת סליחות ארום 5:45 בבית מדרשינו הגדול בוויליאמסבורג.

רבינו שליט"א וועט דאווענען תפילת שחרית בבנין התלמוד התורה "בנין ישעי זאב לעוו" אינאיינעם מיט תלמידי כתה ט' מכינה לישיבה קטנה. נאכן דאווענען וועט פארקומען א מסיבת לחיים ווי רבינו שליט"א וועט משמיע זיין דברות קודש פאר די בחורים.

נאכדעם וועט רבינו שליט"א באזוכען די פראכטפולע נייע איבערגעבויעטע אולמי פרענקל שע"י מוסדותינו הק' וועלכע איז פארענדיגט געווארן לשם ולתפארת.

נאכמיטאג וועט כ"ק מרן רבינו הגה"ק שליט"א באשיינען די "מעמד קביעות מזוזה" פאר די פראכטפולע בנין בית רחל 'בנין ריספלער החדש' במוסדותינו הק' וויליאמסבורג, וועלכע איז בשעטו"מ היינט געעפענט געווארן און אריין אין באנוץ נאך לאנגע יארן פון עגמת נפש.

אויפדערנאכט וועט זיין זמני כניסה בקודש פנימה ביי רבינו שליט"א להיפקד בדבר ישועה ורחמים לקראת הימי הרחמים והרצון פאר אנ"ש תושבי וויליאמסבורג פון 5:00 ביז 10:00.

הצלחה רבה און פועל'טס אלעס גוטס

▫️ סאטמאר'ע נייעס 🌴 ▫️

זונטאג נצבים א' סליחות בצל הקודש פון כ"ק מרן רבינו הגה"ק שליט"א

במוצאי מנוחה קדמנוך תחילה זונטאג פארטאגס 5:18 איז רבינו שליט"א אריינגעקומען צו אמירת סליחות בבית מדרשינו הגדול בקרית יואל, ווי דער ריזן ביהמ"ד איז געווען מלא על כל גדותיו עד אפס מקום, אלע שטיבלעך און פאלישען הולוועיס און דורכגענג, מיט שווערע רבבות אידן וואס זענען געקומען זאגן די ערשטע סליחות במחיצת הקודש.

רבינו שליט"א האט יורד געווען לפני התיבה בבכיות נוראות, מעוטף אינעם טלית און קאפל פון רבינו הקדוש בעל דברי יואל זי"ע, געברענגט דורך הרה"ח ר' משה פאלקאוויטש הי"ו, און פארגעזאגט אין א סליחות פון רביה"ק בעל דברי יואל זי"ע געברענגט דורך הרה"ח ר' שלמה זלמן שטיין הי"ו. מען האט געענדיגט ארום 6:20.

נאך סליחות האט זיך געזעגענט הגה"צ אבד"ק ור"מ קהלתינו מאנטשעסטער שליט"א, וועלכע האט געוויילט אויף שבת און א' סליחות בצל הקודש.

רבינו שליט"א האט געדאווענט שחרית בבית מדרשינו הגדול בקר"י. פארן דאווענען האט רבינו שליט''א תפילין געלייגט פאר די פאלגענדע בר מצוה ב"ר מתתי' אירגאס הי''ו.
ב"ר מרדכי לאנדא הי''ו.
ב"ר אברהם יושע גלויבער הי''ו.

נאכן דאווענען איז רבינו שליטא געווען אויף די באזוך אין בית השחיטה המהודרת.

אויפדערנאכט איז געווען זמני כניסה בקודש פנימה פון 5:30 ביז 10:30.

נאך מעריב איז אריבערגעקומען צו רבינו שליט"א הגה"צ ר' מענדל ווערצבערגער שליט"א דומ"ץ דקהלתינו הק' במאנטריאל, אפנעמען ברכות קדשו לרגל די חתונה פון בנו החתן למז"ט וועלכע איז פארגעקומען פארגאנגענע וואך, ווי רבינו שליט"א האט אים ווארעם אנגעווינטשן.

▫️ סאטמאר'ע נייעס 🌴 ▫️