סאטמארע נייעס

היינט ביים פריוואטע שבע ברכות 'בחצרות קדשינו' צוגעשטעלט דורך די גרויסע זיידע כ"ק מרן רבינו הגה"ק שליט"א פאר די בני המשפחה, האט די רבי -ובני וחתני רבינו- אריינגעשריבן אויתיות "אינעם רבינס ספר תורה"
במשך די סעודה האט מען געזינגן ווארימע נגונים פון "תורה", אזוי אויך האט מען מכבד געווען די משב"ק הרה"ח ר' יושע מענדלאוויטש הי"ו צו זינגען די נייע ניגון "שישו ושמחו" וואס ער האט מחבר געווען לרגל הכנסת ספר תורה, אזוי אויך האט זיך פארצויגן א לענגערע שמוס מיטן רבינ'ס סופר הרה"ג ר' שאול לייב זאלדאן, ביי די דברות קודש האט די רבי ארומגערעדט ווארימע ווערטער בענין הכנסת ספר תורה ובפרט פונעם חת"ס אז מען דארף עס מאכן בפומבי וואס איז משפיע יראת שמים פאר די קינדער, מיט בענטשן האט די רבי מכבד געווען די סופר הרה"ג ר' שאול לייב זאלדאן, ברכות ראשונות בנו בכורו מורינו הגה"צ אבדק"ק ור"מ שליט"א, מיט ברכה אחריתא הגה"צ אבי הכלה שליט"א.

▫️ סאטמאר'ע נייעס 🌴 ▫️

די לעצטע הכנות ווערן שוין געמאכט בקרב קהלתינו הק' וויליאמסבורג צום היסטארישע מעמד 'נרגש ומרומם סיום כתיבת ספר תורה' דורכן מנהיג ישראל כ"ק מרן רבינו הגה"ק שליט"א.

די עסקנים ארבעטן אויף סטראטעגישע פלענער אויסצושטעלן דעם ביהמ"ד הגדול מיט אלע גאלעריען אויפן מאקסימאלסטן פארנעם, ווי די גאנצע חלל הביהמ"ד הגדול פון ברעג צו ברעג וועט ווערן אנגעפילט בלויז מיט שורות בענק צו אקאמאדרין די רבבות אנ"ש, אזוי אויך ווערט אויפגעשטעלט צוועלף שטאקיגע וואנט-צו-וואנט "הקפות פארענטשעס" אויף ביידע זייזן לענגאויס ביהמ"ד הגדול פאר די שווערע טויזענטער בחורי הישיבות הקדושות דסאטמאר,

ישיבה גדולה- 5 סניפי מתיבתא הקדושה, ישיבה גדולה ב"פ, ישיבה לצעירים וומ"ס.

ישיבה קטנה- 9 סניפי ק"י, 5 וומ"ס, 2 ב"פ, ישיבה קטנה מאנסי.

גדול וקדוש יהיה כבוד המעמד הגדול הזה, בנערינו ובזקינו נלך כי חג ה' לנו

▫️ סאטמאר'ע נייעס 🌴 ▫️

ויקראו סופרי המלך בעת ההוא

רייכע קוטנרס "כינוס סופרים" ערשיינט דורך 'לשכת הוראה לעניני סת"ם' שע"י קהלתינו הק' וויליאמסבורג

וואונדערבארער קובץ מיט שו"ת, בירורים וביאורים, בעניני מלאכת וכתיבת סת"ם וקדושת ספר תורה, צווישן אנדערע היסטארישע תשובה להלכה מאוצרות נגזיו פון רבינו הקוה"ט זי"ע בעל ברך משה, דרשה נלהבה לסופרי סת"ם דורך כ"ק מרן רבינו הגה"ק שליט"א, און נאך תשובות להלכה פון הרבנים הגאוה"צ שליט"א צווישן זיי פון הגאון האדיר מגדולי פוסקי דורינו דומ"ץ ק"י בעל אגלי דבש שליט"א און פון הגאון האדיר אב"ד דקהלתינו מאנסי שליט"א.

ערשטמאליגער פראיעקט לרגל 'ימי שמחתינו' חגיגת שמחת "הכנסת ספר תורה' פון כ"ק מרן רבינו הגה"ק שליט"א!!, ווערט אי"ה פארטיילט אין די יעצטיגע טעג ביי די מקוה אידן בבתי מדרשינו איבער ניו יארק.

קנאת סופרים תרבה חכמה

▫️ סאטמאר'ע נייעס 🌴 ▫️

דער פרייליך-דערהויבענער פורים איז אט דא:

קופת רבינו אבני חסד "מְשַׂמחִים" גרופעס גרייטן זיך צו פרייליך מאכן ביי אייך אין שטוב; איר גרייט זיך צו דערפרייען די היימישע מחותנים!!

צענדליגער משפחות זוכן א שמחה אין זייער פורים-סעודה: אן אבני חסד משמחים גרופע! – הונדערטער מחותנים קוקן ארויס אז יעדע סאטמאר'ע משפחה זאל זיך צוטיילן מיט א שטריימל $1400 !

היי יאר: מוזיק און טענץ וועלן אנהאלטן מוצש"ק, פורים המשולש

צו באשטעלן א גרופע רופט: 845.281.8338


כלל ישראל האט נארוואס אריינגעטרעטן אינעם חודש אדר שמרבין בו בשמחה, דער חודש וועלכע פארמאגט אין זיך די פרייליכע פורים טעג וועלכע ווערן יאר יערליך פייערליך געפראוועט בכל תפוצות ישראל באגלייט מיט אומצאליגע מצוות און צדקה וחסד.

אין די קארידארן פון קופת רבינו 'אבני חסד' קוקט מען ספעציעל ארויס אויפן יו"ט פורים, דער צייט ווען אנשי שלומינו קומען יאר יערליך אנטקעגן די נצרכי אנ"ש מיטן שטיצן די הייליגע קופה וואס שטעלט צו שטיצע בדרך כבוד פאר מחותנים מאנ"ש בעת שמחתם.
יאר יערליך איז די צייט ארום די ימי הפורים דער הויכפונקט פונעם יאר ווען עיניהם של עניים מאנ"ש זענען געוואנדן צו די נדבנים וועלכע נעמען אויף די חבורות 'משמחים' בעין יפה ורוח נדיבה, און מיט די ברייטהארציגע נדבה גיבט מען דעם ריכטיגן שטופ פאר די הנהלת הקופה וועלכע פונקציאנירן דורכאויסן גאנצן יאר אדאנק די ברייטע שטיצע וואס דער קופה געניסט צווישן ציבור אנ"ש ביום הפורים.

דער יום טוב פורים לויפט שוין היינט ביי אנשי שלומינו פאראלעל מיט די פרייליכע 'משמחים גרופעס' פון קופת רבינו 'אבני חסד', ווען די תלמידי הישיבה נוצן אויס דעם גאנצן פורים לטובת זייערע חברים און זייערע אייגענע עלטערן, ארומגייענדיג פון שטוב צו שטוב מיט די פרייליכע געטענץ אריינשלעפנדיג דעם גאנצן משפחה אין א אטמאספעהר פון שמחה צונויפגעפלאכטן מיטן מצות מתנות לאביונים אויפן הערכסטן און שענסטן סטאנדארט.


קופת רבינו 'אבני חסד' האט זיך שוין איינגעקויפט א שם טוב, זייענדיג דער קופה וואס שטעלט זיך ארויס צו העלפן אנשי שלומינו בעת שמחתם, ווען א באדייטענדע פראצענט מחותנים דארפן ליידער צוקומען צו פינאנציעלע הילף, און צו דעם קומט אפיר דער קאסע וואס איז נתייסד געווארן דורך כ"ק מרן רבינו הגה"ק שליט"א מיט די נויטיגע הילף, צושטעלנדיג ברייטהארציגע שטיצע פאר אלע נצרכי אנ"ש.

היי יאר רישט מען זיך אויף אן אויסשטעל וואס איז היבש אנדערש און אביסל מער קאמפליצירט ווי אין א געווענליכע יאר, צוליב וואס פורים געפאלט אין אן ערב שבת, דעריבער זענען די עסקני הקופה גאר שטארק אקטיוו מיטן אויסשטעלן די סקעדזשועלס פון די 'משמחים גרופעס' אויף א אופן וואס מען זאל קענען דעקן אלע יערליכע אדרעסן, אריינרעכענענדיג דאס ארומגיין מיט די גרופעס אויך מוצאי שב"ק ווען פילע משפחות פראווען דעם סעודת פורים.

צוליבן היי יאריגן אויסשטעל וואס פאדערט מער ארבעט מיטן אויסשטעלן דעם סדר היום פאר די צענדליגע 'משמחים גרופעס' קומען די עסקנים ארויס מיט א רוף צום ציבור אנ"ש אז מען זאל נישט ווארטן אויף די לעצטע מינוט, נאר אריינרופן באשטעלן א 'משמחים גרופע' וואס שנעלער, כדי מען זאל זיך קענען צושטעלן צו די צייט וואס איז די בעסטע פאר די חשובע נדבנים.

צו באשטעלן א גרופע רופט: 845.281.8338

קול רנה וישועה באהלי צדיקים

היינט אויפדערנאכט וועלן זיך אלפי אנ"ש מיטפרייען בשמחת בית צדיקים שמחת החתונה בחצרות קדשינו ווי עס וועט גיין אינטער די חופה די כלה נכדת עט"ר הוד כ"ק מרן רבינו הגה"ק שליט"א בת לחדב"ן הגה"צ רב דביהמ"ד אבני צדק שליט"א בן כ"ק אדמו"ר מאלעסק שליט"א מיט החתן בן הגה"צ המשפיע ר' מאיר איתמר ראזענבוים אב"ד ובעמח"ס דרך אמונה בן כ"ק אדמו"ר מקרעטשניף ירושלים שליט"א וחתן הגה"צ אבד"ק אודווארי שליט"א,קומט פאר בבית מדרשינו הגדול בקרית יואל.

סדר וזמני החתונה:
מנחה 4:00 בביהמ"ד הגדול
נאך מנחה וועלן די אלפי אנ"ש האבן די זכיה אריבערגיין לברך ולהתברך ביים רבי'ן ביום החופה -בלויז און שורות
קבלת פנים 5:00
חופה 6:00
-סעודת החתונה לכל הקהל הקודש תיקף אחר החופה-
ארום א האלבע שעה נאכן חופה וועט כ"ק רבינו הגה"ק שליט"א אריינקומען צום סעודת החתונה, במשך די סעודה וועט זיין א גלעגענהייט פאר די אלפי אנ"ש צו אריבערגיין ווינטשען מזל טוב פארן רבי'ן,
הופעת החתן 9:00
ברהמ"ז 11:00
נאכן בענטשן וועט די געהויבענע זיידע כ"ק מרן רבינו הגה"ק שליט"א אפרעכטן די עבודת הקודש ביים דערהויבענעם מצוה טאנץ,
דערנאך וועלן טאנצן די זיידעס און מחותנים.
ויהו"ר שמשחה זו ישפע שפע רב לנו ולכל ישראל.

שישו ושמחו בשמחת רבינו

▫️ סאטמאר'ע נייעס 🌴 ▫️

היינט ביים טעגליכן תהילים שיעור בהיכל ישיבתינו "מתיבתא הקדושה" תו"י דסאטמאר האט די ראש ישיבה כ"ק מרן רבינו הגה"ק שליט"א נאכגעברענגט א חת''ס אז אריינגעבן א "ספר תורה" דארף דאס זיין 'בפומבי גדול, בקול רעש גדול' ווייל סבלייבט א רושם פאר די קינדער און 'סאיז משפיע יראת שמים על פניהם, "עבדו את ה' בשמחה, בשמחה של מצוה פון הכנסת ספר תורה, איז עבדו את ה' ביראה דאס ברענגט און איז משפיע יראת שמים"

דערביי האט די רבי איינגעלאדענט תלמידיו הקרואים בנים בישיבתינו הקדושות די בכל אתר ואתר צום 'ימי שמחתינו דעם רבינ'ס הכנסת ספר תורה'

"..די אייבערשטער האט מיר געהאלפן כהאב זוכה געווען צו מקיים זיין מצות כתיבת ס"ת אין די חתם סופר זאגט, 'מען געט דאס אריין בפומבי מיט א גרויסע ציבור' איז דאס משפיע יראת שמים פאר יעדן איינעם, ס'משפיע פאר די 'תלמידים הקרואים בנים' "וויל איך איינלאדענען אלע תלמידים -כרעד יעצט דא אין דעי ישיבה- אבער להזמנה מילתא פאר אלע אנדערע תלמידים הישיבות, 'ישיבתינו הק' די בכל אתר ואתר", כהאף מקיים צו זיין דעם עבדו את ה' בשמחה און עבדו את ה' ביראה וגילו ברעדה, סזאל זיין א שמחה של מצוה מיט יראת שמים.."

▫️ סאטמאר'ע נייעס 🌴 ▫️

מה לך נרדם קום קרא אל אלוקיך, פתך לנו שער בעת נעילת השער

בפקודת הקודש פון כ"ק מרן רבינו הגה"ק שליט"א וועט פארקומען 'בבתי מדרשינו די בכל אתר ואתר' די מעמד "בקשת רחמים" ווי אנ"ש וועלן זיך צוזאמקומען באשמורת הבוקר דעם ליל שישי די לעצטע וואך פון שובבי"ם אויסזאגן דעם ספר תהילים לעורר רחמי שמים מרובים און פוילען ישיעות ורפואות.
בבית מדרשינו הגדול קרית יואל בהשתתפות די מנהיג ישראל כ"ק מרן רבינו הגה"ק שליט"א ווי מען וועט פארזאגן פסוק בפסוק 'קאפיטל ק"ל' אזוי אויך וועט ווערן צוגעשטעלט א הוק-אפ אויף קול סאטמאר.

בבית מדרשינו הגדול וויליאמסבורג בהשתתפות מורינו הגה"צ אבדק"ק ור"מ שליט"א וועלעכע וועט משמיע זיין דב"ק וחובת השעה פאר קאפיטל ק"ב, מען וועט קענען מיטהאלטן די הוק-אפ אויף קול סאטמר.
אזוי אויך בבתי מדרשינו בכל אתר ואתר בהשתתפות רבני ודייני קהלתינו הק'
"עורו נא התעוררו נא בעד הנפש חנו נא"
לבא אל המלך להתחנן לו ולבקש מלפניו על עמו

כ"ק מרן רבינו הגה"ק שליט"א האט היינט ביי די דב"ק ביים "יום המיוחד" פאר די העכער 650 תלמידי כיתה ט' דמוסדותינו הק' פון איבער גרעיטער ניו יארק, ארויסגערענגט שטארקע לענגערע דברי הדרכה, ובפרט ארויסגעברענגט דברי שבח אויף אויפשטיין ליל שישי בימי השובבי"ם ווי די רבי האט זיך אויסגעדרוקט "..כוויל מאכן די ברכה פון 'הטוב והמטיב' אויף דעי שמועה טובה", "..סהאט זעכער בוקע רקיעים געווען אין הימל און עושה רושם געווען".

און דערנאך ארויסגעברענגט די התרגשותדיגע געפילן "..כהאב געהערט א שמועה טובה פון קבלות טובות וואס די בחורים האבן זיך מקבל געווען יעצט פון ר"ח אדר ביז צום יו"ט פורים הבאים לקראתינו לשלום, צו לערנען "שעות רצופות" אן הכנה דרבה צו די "שמחת הכנסת ספר תורה" וואס גייט אי"ה זיין בקרוב, דאס איז א בחינה פון והיה שמע תשמע אם שמע בישן תשמע בחדש.."
"איך וויל איינלאדענען אלע בחורים צו די שמחה פון הכנסת ספר תורה, כוויל עטץ זאלטס האבן א חלק אין די שמחה של מצוה, אבער כוויל עטץ זאלטס אויך האבן א חלק אין די הכנה צו די הכנסת ס"ת דורך לימוד התורה"

און צום סוף ארומגערעדט איבער די מצב הנורא השורה בעולם "..ותנתן לי נפשי בשאלתי ועמי בבקשתי' סנאך דא אסאך אידן אין די גאנצע וועלט ליידער, מיט די ביטערע מחלה וואס דרייט זיך ארום, און זיי דארפן ישיעות ורפואות, דער אייבערשטער זאל העלפן א רפו"ש פאר די אלע אידן וואס דארפן א רפואה, און די אלע וואס זענען געזינט זאל דער אייבערשטער העלפן זאלן בלייבן געזונט, 'אנשים נשים וטף, זקנים עם נערים' אלע אידישע קינדער זאלן זיין געזונט בגשמיות וברוחניות, ביז דער אייבערשטער זאל העלפן מיר זאלן אלע זוכה זיין אקעגן צו די גואל צדק בב"א

▫️ סאטמאר'ע נייעס 🌴 ▫️

ואתם כתבו על היהודים בשם המלך

רבבות תלמידי וחסידי סאטמאר גרייטן זיך בהכנה דרבה, בהרגש קודש, ובשמחה רבה צום מעמד נרגש ומרומם סיום כתיבת ספר תורה פונעם הייליג'ן ספר וואס ווערט אריינגעגעבן דורך אבינו רועינו כ"ק מרן רבינו הגה"ק שליט"א, בהתאסף ראשי עם יחד אלופי אלפי ישראל, קומענדיגע מוצש"ק תרומה-זכור, אינעם גיגאנטישן "אודיטאריום" הענקי בקרית יואל.

די מעמד וועט זיין א חטיבה אחת פון דביקות, געגועים, התרוממות הנפש, והתרגשות דקדושה, לכל הקהל הקודש אנגעהויבן מיטן הכנה ביים 'מעמד נורא' די ניגוני התעוררות ודביקות, דערנאך וועט קומען א שטארקער הויכפונקט ווען דער גרויסער בעל שמחה ומאורן של ישראל כ"ק מרן רבינו הגה"ק שליט"א וועט משמיע זיין דברות קודש זיקוקין דנהורא בהתרגשות לבו הטהור, ארויסצוברענגען די פערזענליכע הרגשים און איבער די עת רצון אין אזא מאמענט, באגלייט מיט ספעציעלע דברי חיזוק והדרכה ולרומם עמוד התורה.

דאן ווען קומען די קלימאקס פונעם הייליגן מעמד און מרוגשדיגער מחזה ווען די ציבור לאלפים וועט האבן די זכיה און זען ווי דער מנהיג העדה כ"ק מרן רבינו הגה"ק שליט"א נעמט די 'קסת הסופר' מיט א הייליגער ציטער און התרגשות קודש אריינשרייבנדיג די 'לעצטע' אות אינעם ספר תורה און דערמיט זוכה לברך על גומרה של תורה, די מצוה נדירה פון "ועתה כתבו לכם את השורה הזאת, ולמדה את בני ישראל". און ווי די רבי מאכט הגבה אויפן הייליגן ספר, נאכגעפאלגט מיט אמירת לחיים וברכת קודש פארן ציבור לאלפים, צום שלוס וועט זיך דער זאל הייבן אין התלהבות'דיגע ריקודין של שמחה והודאה, בהתאסף ראשי עם יחד אלפי ישראל אין שפיץ פונעם רבין שליט"א, בהתרוממות הלבבות 'לשמוח בשמחת רבינו, ובשמחת התורה'.

עליונים ששו ותחתונים עלזו, אשרי עין ראתה קהל קדושים רוגשים בשמחת התורה, גדול וקדוש יהיה כבוד המעמד הזה

▫️ סאטמאר'ע נייעס 🌴 ▫️

הדרן עלך שלש בבות, עבידנא יומא טבא לרבנן

פראכטפולער "סיום שלש בבות והתחלת מס' סנהדרין" פאר אלפי לומדי "תורתך שעשועי" תושבי קרית יואל וועט פארקומען היינט מאנטאג משפטים אין זאלן פון בית רחל פארדייס.

שִֹישֹוּ וְשִֹמְחוּ בְּשִֹמְחַת תּוֹרָה: וועט פארקומען מפוארה ברוב פאר והדר, במקהלות אלפי הלומדים, ביקר עטרת תפארת, מיט גלאנץ און פּראכט, לכבודה של תורה, אין א ריין תורה'דיגע און מלכות'דיגע אטמאספערע,
א גאר רייכער פּראגראם לכבודה של תורה, סעודת מצוה רחבה ומפוארה, ריקודין של שמחה, און הערליכע דרשות ברום מעלת ומתיקות לימוד התורה דורך וועלט בארימטע דרשנים, מגידים מפורסמים פון העכסטן קאליווער, וואס וועט געבן דעם ריכטיגן חיזוק ואומץ צו גיין ווייטער מחיל אל חיל בהתחלת מס' סנהדרין.

וועט פארקומען בראשות די מייסד ונשיא החבורה מרא דאתרא קדישא כ"ק מרן רבינו הגאון הקדוש שליט"א וועלעכע וועט משמיע זיין דעם משא המעמד ודבר ה', דברות קודש ודברי התחזקות פאר די אלפי לומדי החבורה די בכל אתר ואתר, מען וועט קענען מיטהאלטן די לייוו הוק-אפ אויף מערכת "קול סאטמאר".

"הדרן עלך שלש בבות". דער אומגלויבליכער צאל פון טויזענטער לומדים תושבי קרית יואל אין די בארימטע גמרא-חבורה "תורתך שעשועי ד'סאטמאר", זענען אין די יעצטיגע טעג איינגעהילט אין העכערע אומבאשרייבליכע געפילן פון התרוממות הנפש בבחינת "ברנה יקצורו", שטייענדיג ווירקליך ביים מאמענט פון "שניידן די פירות" פון גאנצע אכט יאר עמל התורה, ווען עס ווערט אין א גוטע שעה געפייערט דער היסטארישער מאמענט "סיום שלש בבות", וואס פלעכט אריין אין די קומענדיגע מסכתא, מס' סנהדרין, על סדר הש"ס.

ובאו כולם בברית יחד לשמוח בשמחת התורה.

סאטמאר'ע נייעס 🌴

עבידנא יומא טבא לרבנן, הדרן עלך שלש בבות

פראכטפולער "סיום שלש בבות והתחלת מס' סנהדרין" פאר אנ"ש תושבי מאנטריאל לומדי חבורת "תורתך שעשועי" היינט זונטאג משפטים בהיכל התורה שע"י בית מדרשינו הגדול במאנטריאל.
א גאר רייכער פּראגראם לכבודה של תורה, סעודת מצוה רחבה ומפוארה, ריקודין של שמחה, און הערליכע דרשות ברום מעלת ומתיקות לימוד התורה דורך וועלט בארימטע דרשנים, מגידים מפורסמים פון העכסטן קאליווער, וואס וועט געבן דעם ריכטיגן חיזוק ואומץ צו גיין ווייטער מחיל אל חיל בהתחלת מס' סנהדרין.

"הדרן עלך שלש בבות". די צענדליגע לומדים תושבי ירושלים עיה"ק אין די בארימטע גמרא-חבורה "תורתך שעשועי ד'סאטמאר", זענען אין די יעצטיגע טעג איינגעהילט אין העכערע אומבאשרייבליכע געפילן פון התרוממות הנפש בבחינת "ברנה יקצורו", שטייענדיג ווירקליך ביים מאמענט פון "שניידן די פירות" פון גאנצע אכט יאר עמל התורה, ווען עס ווערט אין א גוטע שעה געפייערט דער היסטארישער מאמענט "סיום שלש בבות", וואס פלעכט אריין אין די קומענדיגע מסכתא, מס' סנהדרין, על סדר הש"ס.

ובאו כולם בברית יחד לשמוח בשמחת התורה.

סאטמאר'ע נייעס 🌴

כי עתה הרחיב ה' לנו

נייער בנין אויף קאונטי רוט 105 -דער ביז יעצטיגע טשיילד קעיר צענטער הארט נעבן ק"י ,(וועלעכע איז מיט א צייט צוריק אפגעקויפט געווארן דורך הנהלת הקרי ק"י) בשטומ"צ באנייט געווארן דעם פארגאנגענעם מאנטאג בשלח, דורך פרי סקול אפטיילונג פון מוסד הק' "שערי חמלה" ברענגט שטארקן הרחבת הדעת אויך אין אנדערע אפטיילונגען פונעם "הייליגן מוסד"

פראגאנגענעם ה' ויחי האט כ"ק מרן רבינו הגה"ק שליט"א אפגעשטאט א לענגערע באזוך אינעם נייעם בנין פונעם מוסד הק' וואס איז קרוב ללבו הטהור, און האט זיך מוסר נפש געווען מיום הווסדה ועמד לימין אביו הגדול רביה"ק זי"ע צו פארזיכערן די קיום און הצלחה פונעם מוסד הק', די רבי האט א לענגערע צייט ארומשפאצירט אינעם בנין און באגלייטונג פון די געטרייע חברי הנהלה, און דערנאך אפגעראכטן די מסיבת לחיים, און ווארעם אנגעווינטשן ברכות קדשו פאר די הנהלה ועסקנים, וואס האט שטארק מחזק געווען אנצוגיין מיט די עבודת הקודש.

אנדערש ווי אנדערע בנינים ווי מען וואונטשט אז עס זאל שנעל אויסוואקסן, איז דער האפענונג אז עס זאל זיין 'די לעצטע מאל' וואס די מוסד הק' ווערט פארגרעסערט!, און מען זאל קענען טון די מערסטע פאר די הצלחה פון די קינדערלעך מיט הרחבת הדעת.

▫️ סאטמאר'ע נייעס 🌴 ▫

הנה ימים באים, כל המביא דורן לת"ח.

רבבות אנשי שלומינו תלמידי וחסידי סאטמאר בכל אתר ואתר, זענען איינגעהילט אין א טיפע התרגשות דקדושה, זיך גרייטענדיג בחדרת קודש ובהכנה דרבה צי די ליכטגע ימי האורה "ימי שמחת התורה" בקרב קהלתינו הק', ווי אנ"ש וועלן זיך מיטפרייען בשמחת התורה, ובשמחת אבינו רועינו עט"ר הוד כ"ק מרן רבינו הגאון הקדוש שליט"א ביום שמחת לבו ביים היסטארישן "חגיגת הכנסת ספר תורה" וואס ווערט אריינגעגעבן דורכן רבי'ן קומענדיגע שושן פורים הבעל"ט.

אלס הכנה דרבה זיך צו קענען פרייען בשמחת התורה בלב שלם, גרייטן זיך אלפי בחורי אנ"ש תלמידי ישיבתינו הקדושות די בכל אתר ואתר, כולם כאחד צום תורה'דיגן אונטערנעמונג צו שענקן במתנה לכבודו פון אבינו רועינו כ"ק מרן רבינו הגה"ק שליט"א לקראת יום שמחת לבו זו מתן תורה, לשמוח בשמחתו ולהחיות נפשו הטהורה, אזויפיל ווי ס"ה אריבער 50,000! שעות רצופות תורה דורכאויס די קומענדיגע טעג פון ר"ח אדר ביז פורים, און וועט ווערן איבערגעגעבן אלס מנחת בכורים אין א ספעציעלן "כוללת קוויטל" בשמם ושם אמם, פאר כ"ק מרן רבינו הגה"ק שליט"א על שלחן מלכים ביים היסטארישן מעמד ביום שושן פורים, און באזונדער וועלן אלע תלמידים ערהאלטן מיד קדשו פונעם רבין א נייעם ספר פונעם רבי'ן למחרתו ביים גרויסן 'כינוס בחורי סאטמאר' נאך תפילת שחרית.

אזוי אויך ווערט איבערגעגעבן פון די הנהלת הכוללים, אז אויך אין די 'כוללים' דקהלתינו הק' די בכל אתר ואתר וועט מען אי"ה מרבה זיין בלימוד התורה כהכנה דרבה, און וועט ארויסקומען א "קובץ תורני" ווי די רבני ולומדי הכוללים וועלען אריינלייגן זייערע חידושים בענין "הכנסת ספר תורה" בהלכה ואגדה וחסידות, וואס וועט אי"ה ספעציעל ערשיינען צום היסטארישן מעמד חגיגת הכנסת ספר תורה.

אין שמחה כשמחת התורה, נגיל ונשיש בזאת התורה כי הוא לנו עוז ואורה

▫️ סאטמאר'ע נייעס 🌴 ▫️

קול נהי נשמע מציון איך שדדנו

מתוך דברי הספד מכ"ק מרן רבינו הגה"ק שליט"א על הגאון האדיר ראש ישיבת בריסק זצוק"ל היינט ג' יתרו בהיכל מבצר הכוללים בק"י.

(אחר שהאריך בדברי דרוש.) ואמר רבינו, "דעס וויל איך זאגן דברי הספד אויף די גרויסע אבידה, איך שפיר דא אין כולל די שענסטע מקום תורה דא אין שטאט, איז די ריכטיגע מקום מקונן זיין אויף דעי גרויסע אבידה, וואס איז דעי וואך נסתלק געווערן.." (והאריך בדרבי שבח על הנפטר זצ"ל בהעמיד תלמידים לאלפים בישיבת המפארה "בריסק" בדרך אבותיו.)

'ויהו דוד בכל דרכיו משכיל וה' עמו', ער איז נישט נאכגעשלעפט געווארן נאך די פרימע פארטייען למיניהם, ער איז געשטאנען בראש מערכת בני ישראל חרדים אל ה' אן פחד ומורא, ער האט משמיע געווען דעם דבר ה' ברמה א קול מלחמה במחנה קעגן נגע הציונות אין די פרומע פארטייען וואס ווערן נאכגעשלעפט נאך ציונות, 'הוא הגבר' וואס האט אויסגעשריגן 'מי לה' אלי' אז מוסדות התורה זאלן נישט נעמען קיין שום תמוכה פון די ציוניס'טישע ממשלה, אסאך האבן אים צוגעהערט, ומקדש שם שמים ברבים בענין זה. דעי פטורה איז א גרויסע אבידה פאר כלל ישראל. 'ציון במר תבכה וירושלים תתן קולה' מיט די פטורה פון דעם איש על העדה. אויף אים קען מען זאגן אשרי האיש מיט די "ה' הידוע" וואס איז נתפרסם געווארן אין די גאנצע וועלט אז ער גייט נישט בעצת רשעים, ער איז נישט עומד בעמידת רשעים. סאיז א אבידה גדולה שאין לה תמורה, וכל בית ישראל -בארץ ובגולה- יבכו את השריפה אשר שרף ה'.

פון דערווייטענס שיק מיר א ברכת תנחומין פאר די הויכגעשעצטע משפחה, פאר אלע זיינע תלמידים, המתאבלים אחריו ובפרט פאר זיין חשובע זון הרה"ג וואס איז נתמנה געווארן למלות מקום אביו "ריש ישיבת בריסק" די אייבערשטער זאל אים העלפן בהרבצת התורה והיראה, 'זכות אבותיו בסיעתו', ער זאל זוכה זיין בהצלחה בכל ענינים און א ברכה בכל מעשיו.

וסיום בברכות קדשו.

▫️ סאטמאר'ע נייעס 🌴 ▫️

עבידנא יומא טבא לרבנן, הדרן עלך שלש בבות

פראכטפולער "סיום שלש בבות והתחלת מס' סנהדרין" פאר אנ"ש תושבי ירושלים עיה"ק לומדי חבורת "תורתך שעשועי" היינט מאנטאג יתרו בהיכל בית מדרשינו הגדול בירושלים.

שִֹישֹוּ וְשִֹמְחוּ בְּשִֹמְחַת תּוֹרָה: וועט פארקומען מפוארה ברוב פאר והדר, במקהלות הלומדים, ביקר עטרת תפארת, מיט גלאנץ און פּראכט, לכבודה של תורה, אין א ריין תורה'דיגע און מלכות'דיגע אטמאספערע,
א גאר רייכער פּראגראם לכבודה של תורה, סעודת מצוה רחבה ומפוארה, ריקודין של שמחה, און הערליכע דרשות ברום מעלת ומתיקות לימוד התורה דורך וועלט בארימטע דרשנים, מגידים מפורסמים פון העכסטן קאליווער, וואס וועט געבן דעם ריכטיגן חיזוק ואומץ צו גיין ווייטער מחיל אל חיל בהתחלת מס' סנהדרין.

"דִּבְרֵי פִי חָכָם חֵן:" דעם "משא המעמד" וועט מען הערן פון הגה"צ דומ"ץ קהלתינו ירושלים שליט"א.
"אורח הכבוד:" הרה"ג המשפיע פמ"מ ר' חיים יצחק קאפ שליט"א.
"שמעו דבר ה':" ביים גרויסן מעמד וועט מען האבן די זכיה צו הערן דעם דברי אלוקים חיים פון כ"ק מרן רבינו הגה"ק שליט"א דורך א לייוו הוק-אפ, דרשה מיוחדת לאנ"ש תושבי ירושלים.

"הדרן עלך שלש בבות". די צענדליגע לומדים תושבי ירושלים עיה"ק אין די בארימטע גמרא-חבורה "תורתך שעשועי ד'סאטמאר", זענען אין די יעצטיגע טעג איינגעהילט אין העכערע אומבאשרייבליכע געפילן פון התרוממות הנפש בבחינת "ברנה יקצורו", שטייענדיג ווירקליך ביים מאמענט פון "שניידן די פירות" פון גאנצע אכט יאר עמל התורה, ווען עס ווערט אין א גוטע שעה געפייערט דער היסטארישער מאמענט "סיום שלש בבות", וואס פלעכט אריין אין די קומענדיגע מסכתא, מס' סנהדרין, על סדר הש"ס.

ובאו כולם בברית יחד לשמוח בשמחת התורה.

סאטמאר'ע נייעס 🌴