Satmara Niyes

מאנטאג פרשת קרח 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד לר' אהרן ברי"ח פאלאק הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל ישיבה קטנה 'סניף זרע קודש' בהנהלת הר"ר יואל אשר ווידער שליט"א בבנין החדש "בנין קעפעטש" אויף די קארלסבורג גאס, נדבת הרה"ח ר' שמעון משה קעפעטש הי''ו חבר הנהלת המוסדות, לרגל חנוכת הבנין וקביעת מזוזה.

ביים אנקומען איז דער רבי ארום געגאנגן אויף אלע שטאקן און זיך אומגעקוקט אויף די מקוה און די שמחה זאלן וואס ווערן געבויעט פאר די געגענט.
פארן דאווענען האט דער רבי געלייגט תפילין פאר די בר מצוה בחורים.
ב"ר לוי יצחק דוד לאנדא הי''ו.
ב"ר מנחם ווייס הי''ו.
ב"ר יואל ברצ"א עקשטיין הי''ו.
ב"ר שמעון לאנדא הי''ו.
בעל תפילה איז געווען הרה"ח ר' שמעון משה קעפעטש הי''ו, ביים ליינען איז דער רבי געגאנגען הגבה.

נאכן דאווענען האט דער רבי קובע מזוזה געווען אויפן היכל הביהמ"ד און מכבד געווען דעם נדבן הרה"ח ר' שמעון משה הי''ו מיטן לייגן א מזוזה אויפן צווייטן שער, דערנאך איז פארגעקומען א מסיבת לחיים בהיכל הביהמ"ד מיט די באטייליגונג פון די חברי הנהלת המוסדות און די נדבני הכתות, עס האט אויפגעטרעטן דער מנהל שליט"א, און דער נדבן הבנין הרה"ח ר' שמעון משה הי''ו, ווי ער האט צום ערשט געמאכט א ברכת שהחינו בשם ומלכות, מען האט געזינגען עטליכע ניגונים לכבוד המאורע, און הבה''ח יושע ב"ר הערש בער מייזעלס הי''ו מתלמידי הישיבה האט געמאכט א סיום אויף מסכת מכות, און הרה"ח ר' שמעון משה הי''ו האט געזאגט קדיש, דער רבי האט געטרינקן לחיים און ווארעם אנגעווינטשן פארן חשובן נדבן, חברי הנהלת המוסדות, און די נדבני הכתות, פאר די בר מצוה בחורים רמ''י הישיבה און אלע בחורים, און דערנאך משמיע געווען דברות קודש ובתו''ד ארויסגעברענגט די גרויסע שמחה פאר תושבי קר"י אז מען באנייט נאך א בנין פאר די ישיבה קטנה, און די געוואלדיגע זכי' פונעם חשובן נדבן צו מנדב זיין א בנין לתורה ולתפילה ווי עס וועט זיין א ישיבה קטנה און צוגאב צום ביהמ"ד רב טוב וואס געפינט זיך שוין אינעם בנין, און דאס איז חוץ פונעם בנין וואס ר' שמעון משה האט שוין מנדב געווען פאר די מוסדות, ''די בנינים וואס מען איז מנדב דאס איז די אמת'ע פארמעגן און מיט דעם בלייבט מען אויף שטענדיג'', און מסיים געווען מיט ווארעמע ברכת קדשו פארן חשובן נדבן און פארן גאנצן ציבור. מען האט געענדיגט ארום 1:00.

פון דארט איז דער רבי אריבער אויף א ביקור גומלין ביי הגה''צ האדמו''ר משבט הלוי וגאב"ד זכרון מאיר שליט''א בבית האכסניא בקר''י אין שטוב פון הרה"ח ר' פנחס שפירא הי''ו, עס האט זיך פארמירט א שיינע שמועס בתורה וחסידות, האדמו''ר משבט הלוי האט מכבד געווען דעם רבי'ן מיט לחיים און דער רבי האט מאציל געווען מברכות קדשו און געגעבן א מתנה ספרו החדש לב אהרן דרושים, במדבר.

נאכמיטאג איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

אין די פארנאכט שעה'ן זענען אריין בקו'''פ די הנהלת רוחניות וגשמיות פון מחנה בית רחל אפצונעמען ברכת הקודש לרגל די בעפארשטייענדע זומער ווי מען גרייטן זיך אי"ה צו עפענען די קעמפ קומענדיגן זונטאג מיט קרוב צו דריי טויזענט מיידלעך בליעה''ר, און דער רבי האט מאציל געווען ברכת קדשו.
ארום 7:15 איז דער רבי אנגעקומען צום ביהמ"ד 'אהל בתי'ה' בשכונת היילענד מילס, צו די הכנסת ספר תורה אריינגעגעבן דורך הרה''ג ר' לוי יצחק בארזעסקי שליט"א מנהל ישיבה סניף ויואל משה, אינאיינעם מיט בנו הב' יוסף צבי נ"י, דער רבי האט אפגעראכטן די ריקודי קודש און מכבד געווען צו טאנצן הרה''ג ר' לוי יצחק שליט"א און בנו הב' יוסף צבי, און דערנאך האט דער רבי פארגעזאגט לדוד מזמור כנהוג. אויפן וועג ארויס האט דער רבי געהערט א באריכט פונעם נדבן ופטרון הביהמ"ד הרה"ח ר' יחזקאל דוד בערקאוויטש הי''ו יו"ר הנהלת המוסדות אין וויליאמסבורג ומתושבי השכונה, איבער די הרחבת גבולי הקדושה פון די אומגעגענט און איבער דעם כולל בוקר וערב וואס פונקציאנירט אינעם ביהמ"ד לשם ולתפארת.

דערנאך ארום 7:40 איז דער רבי אנגעקומען צום ביהמ"ד בית ברוך דקהלתינו הק' צו די הכנסת ספר תורה אריינגעגעבן געווארן דורך הרה"ח ר' מרדכי הערש פארקאש הי''ו לע"נ בנו ר' יעקב ע"ה, דער רבי האט אפגעראכטן די ריקודי קודש און מכבד געווען צו טאנצן בנו הגה"צ רבי יואל שליט"א רב הביהמ"ד, דעם נדבן הרה"ח ר' מרדכי הערש הי''ו, בעת זייערע ריקודין האט דער רבי געטאנצן מיט די יתומים די קינדער פון ר' יעקב פארקאש ע"ה, און דערנאך פארגעזאגט לדוד מזמור כנהוג, און די יתומים האבן געזאגט קדיש.

ארום 8:10 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:30 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די פאלגענדע מחותנים.
ר' שמעון הערשקאוויטש הי''ו - ר' יואל יצחק סופר הי''ו.
ר' יואל ברמ"א כ"ץ הי''ו - ר' אלעזר קליין הי''ו.

בעת די זמני כניסה זענען אריין בקו"פ די הנהלה ועסקני הקהלה והמוסדות פון ירושלים עיה"ק, וועלכע זענען אין די טעג צוגאסט אין ניו יארק, אינאיינעם מיט די ירושלימער הנהלה בארה"ב, וועלכע האבן געברענגט שיינע גריסן פון די קהלה און די מוסדות הק' אין ירושלים, און האבן אויסגעשמועסט מיט'ן רבי'ן פארשידענע נושאים בקרב הקהלה והמוסדות, און דער רבי האט מיט זיי צוריק געשיקט א פריסת שלום פאר אנ"ש אין ירושלים עיה"ק.
דערנאך בערך 12:30 האט רבינו שליט"א געדאווענט מעריב בביתו נאוה קודש.

▫️ סאטמאר'ע נייעס 🌴 ▫️

זונטאג פרשת קרח 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
נכד רביה''ק זי''ע הבחור בן הרה''ג ר' יואל טייטלבוים שליט"א בן הגה"צ אב''ד קהלתינו ב''פ 15 שליט''א.
ב"ר חנני' יו"ט שטיינבערג הי''ו.
ב"ר יעקב רייך הי''ו.
ב"ר יעקב קעסלער.
דערנאך האט דער רבי ארויפגעלייגט די כריכות פארן בר מצוה בחור בן הרה"ג ר' יואל שליט"א.

נאכן דאווענען האט דער רבי פארגעלערנט דעם טעגליכען תהילים שיעור אויף קאפיטל י"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.


נאכמיטאג זענען אריין בקו"פ א חבריא בחורים תלמידי ישיבת תפארת יהודא ארי' פון קארטרעט ניו דזשורזי, מיט זייער מגי"ש הרה"ג ר' חיים מוטעשן שליט"א, דער רבי האט זיי אויסגעפרעגט אויף די סדרי הישיבה און די לימודים, און דערנאך זיי געזאגט דברי הדרכה און מאציל געווען מברכת קדשו.

דערנאך איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

ארום 7:50 איז דער רבי אריבער געגאנגן צום בנין הישיבה סניף עצי חיים ווי עס איז פארגעקומען א מעמד סיום כתיבת ספר תורה וואס ווערט געשריבן דורך הרה''ג ר' לוי יצחק בארזעסקי שליט"א מנהל ישיבה סניף ויואל משה, אינאיינעם מיט בנו הב' כמר יוסף צבי בארזעסקי ני''ו און ווערט אריינגעגעבן מארגן מאנטאג בביהמ"ד 'אהל בתי'ה' בשכונת היילענד מילס, דער רבי האט געטאנצן אויפן פלאץ פאר עטליכע מינוט, דערנאך האט מען געזינגען ניגוני התעורורות ודביקות התורה און עס האט אויפגעטרעטן הרה"ג ר' מאיר צוויבל שליט"א מרמ"י הישיבה, דערנאך האט דער רבי אריינגעשריבן די אותיות, און מען האט געזינגען ניגוני התעורורות.

דער רבי האט געטרינקן לחיים און ווארעם אנגעווינטשן פארן חתן התורה הב' יוסף צבי נ"י, און פאר אביו הרה''ג ר' לוי יצחק שליט"א, פאר די רמ"י הישיבה און אלע בחורים, און משמיע געווען קורצע דברי ברכה לכבוד המעמד, און נאך די טרעפליכע דרשה פונעם זיידן הר"ר אלימלך שלמה שווארץ שליט"א האט דער רבי געמאכט הגבה אויפן ספר תורה און געטאנצן פאר א לענגערע צייט מיטן אפענעם ספר תורה, מיט גלילה איז מכובד געווארן דער זיידע הר"ר אלימלך שלמה שליט"א, מיט חגירת הספר תורה דער חתן התורה הב' יוסף צבי נ"י, און מיט כתר תורה הגה''צ ר' שמחה שלום שטיינבערגער שליט"א רב דביהמ"ד דברי חיים ור''מ בישיבה, דערנאך האט זיך דער רבי ארויסגעלאזט אין א פייערליכן ריקוד קודש מיטן ספר תורה און געטאנצן בהתלהבות אש פאר א לענגערע צייט, און דערנאך מכבד געווען צו טאנצן הרה''ג ר' לוי יצחק שליט"א ובנו הב' יוסף צבי נ"י, און דער זיידע הר"ר אלימלך שליט"א, און די רמ"י הישיבה. מען האט געענדיגט ארום 8:40.

נאכן מעמד איז דער רבי אריבער לביתו נאוה קודש אויף איהעל קט. ווי דער רבי האט געדאווענט מנחה, און דערנאך איז געווען זמני כניסה בקודש פנימה ביז אום 11:45 אויפדערנאכט.

רבינו שליט''א האט געליינט די תנאים אין די תנאים זאל בביתו נאווה קודש פון די פאלגענגע מחותנים.
ר' יודא אברהם שטיין הי''ו (וומסב''ג) - ר' יואל בר"ה מיטטעלמאן הי''ו.
ר' שמואל אהרן זינגער הי''ו - ר' מאיר שאול יחזקאל העכט הי''ו.

רבינו שליט''א האט געדאווענט מעריב ארום 11:45 בביתו נאוה קודש.

▫️ סאטמאר'ע נייעס 🌴 ▫️

שב"ק פרשת שלח מברכים חודש תמוז 'בצל הקודש' פון כ"ק מרן רבינו הגה"ק שליט"א.

ערש''ק נאכמיטאג האט רבינו שליט''א אנגעטוען די שטריימל פאר די חתנים.
הבחור החתן הערש לייב ב''ר שמשון שרגא פאגעל הי''ו.
הבחור החתן גדלי' ב''ר יודא הערש בערגער הי''ו.

פרייטאג צונאכטס ארום 9:05 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' משה יונה ראזענפעלד הי''ו (ירושלים).

מען האט געענדיגט דאווענען ארום 10:35. דער עולם אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה''צ רב דביהמ''ד ברך משה שליט''א, הגבהת הכוס לקידוש: הרה"ח ר' משה יונה ראזענפעלד הי''ו.

מיט די זמירות האט רבינו שליט''א מכבד געווען. כל מקדש: הרה''ג ר' יחזקאל לאנדא הי''ו (לאנדאן), מנוחה ושמחה: הר''ר יושע העשיל שארף הי''ו.

רבינו שליט''א האט געזאגט תורה אויפן פסוק "שלח לך אנשים" און געטייטשט בדרך דרוש אין די סוגיא פון הודעת בעל דין כמאה עדים במקום שחב לאחרים.

קה אכסוף: הרה''ח ר' יעקב מאיר שטיינמעץ הי''ו (בני ברק), ברכהמ"ז: נכד רבינו הרה''ג ר' זלמן טייטלבוים שליט''א רב דביהמ''ד בית מנחם זאב בשכונת ויואל משה.

עובדות וסיפורים די וואך האט רבינו שליט''א דערציילט פון הגה"ק רבי שלמה מבאבוב זצוק"ל, וואס די יארצייט געפאלט דאנערשטאג א' תמוז. קה רבון עלם: הרה''ח ר' אהרן יקותיאל בערקאוויטש הי''ו (מאנסי).

די פרישע חתנים זענען אדורך נעמען פירות, און עס איז פארגעקומען א שלום זכר ביי ר' ארי' פריעדלענדער הי''ו. אז ביום השביעי: הרב שלמה בערקאוויטש הי''ו (וומסב''ג). מען האט געענדיגט ארום 1:50.

וביום השבת קודש

שב"ק צופרי איז רבינו שליט''א אריינגעקומען 9:40. פסוקי דזמרה: הרה''ח ר' מעכיל פעלדמאן הי''ו, צו שחרית איז רבינו שליט''א צוגעגאנגען.

הוצאה והכנסה: הרה''ג ר' דוד הירש שליט''א מו''ץ בקהלתינו וומסב''ג, פסוקי שמע ישראל: הר''ר יושע חיים טייטלבוים שליט''א (ב''פ).

עליות. כהן: הר''ר משה יעקב גליק שליט''א, לוי: החתן ב''ר יודא הערש בערגער הי''ו - באווארפן, שלישי: החתן ב''ר שמשון שרגא פאגעל הי''ו - באווארפן, רביעי: החתן ב''ר שלמה זלמן ווייס הי''ו, חמישי: הרה''ח ר' ישראל יעקב סופר, שישי: רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענדע בעלי שמחה.
ר' יואל יעקב קאהן הי''ו.
ר' יואל ברי''ה פערל הי''ו.

שביעי: הרה''ח ר' יצחק פאגעל הי''ו (וומסב''ג), אחרון: הרה''ג ר' שלמה זאבעל שליט''א דומ"ץ ביהמ"ד בית דוב, מפטיר: הרה''ח ר' שלמה זלמן ווייס הי''ו, הגבה: הר''ר שמואל בערגער הי''ו (וומסב''ג), גלילה: הרה''ח ר' חיים הערש אפעל הי''ו.

רבינו שליט''א האט ראש חודש געבענטשט. מוסף: הרה''ג ר' יוסף טובי' הורוויץ שליט''א (רב באיסט סייד), פתיחה לאנעים זמירות: הרה"ח ר' יצחק מאיר פעלדמאן הי''ו (וומסב''ג). מען האט געענדיגט אים 12:35.

נאכמיטאג ארום 7:40 איז רבינו שליט''א אריינגעקומען אין ביהמ''ד צו פרק פארלערנען, דער רבי האט זיך געשטעלט אויף פרק ג' משנה י"ד, 'חבה יתרה נודעת להם שנקראו בנים למקום, חביבין ישראל שניתן להם כלי חמדה' און געטייטשט אויף 12 בחינות, בדרוש ופלפול, אגדה ומוסר, און מסיים געווען בדברי התעוררות והכנה צו די זומער טעג, מען דארף זיך שוין גרייטן צו די הייליגע טעג הקריאה מעורר הזמן וואס מען ליינט אין די סדרות די פסוקים וואס מען זאגט אין די הייליגע טעג, עצת היצר איז צו מכשיל זיין דוקא אין דעי טעג, און מסיים געווען ברוב ברכות. מען האט געענדיגט ארום 8:40, און דער רבי איז אריין לחדרו הפרטי.
רעוא דרעווין

צו מנחה ושל"ש איז רבינו שליט''א אריינגעקומען ארום 9:00. מנחה: ר' יעקב משה מיטעלמאן הי''ו, הוצאה והכנסה: הרה"ח ר' שלום אליעזר ראטער הי"ו (בני ברק). כהן: הרה''ח ר' דוד מרדכי שווארץ הי''ו (וומסב''ג), לוי: הרה''ח ר' , אהרן שלמה אפעל הי''ו (וומסב''ג). שלישי: הרה''ח ר' שלום האלפערט הי''ו, הגבה: רבינו שליט"א, גלילה: הרה''ח ר' אברהם יצחק ברמ''ל מערץ הי''ו.

זמירות ביי של"ש האט רבינו שליט"א מכבד געווען. אודה: הרה''ח ר' שלמה הערש בר''מ עקשטיין הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק 'והתחזקתם ולקחתם מפרי הארץ' און געטיישטש אז דורך די אור התורה גייט אריין אינעם מענטש א חיות דקדושה און מען ווערט אנגערופען חיי און אפילו מען פאלט דורך העלפט תשובה און מען קען זוכה זיין צו די גאולה, דארף מען זעהן זיך מחזק דוקא אין דעי חדשים נישט ווי די מנהג העולם ווי מען פארט אוועק מיט א התרשלות בלימוד התורה, נאר אדרבה מוסיף זיין און אזוי וועט זיין והימים האלו יתהפכו לששון ולשמחה.

ידיד נפש: הרה''ח ר' יודא משה געלב הי''ו (מאנטריאל), קל מסתתר: הרה''ח ר' יצחק פאגעל הי''ו. דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' שאול לייב זאלדאן הי''ו. נאך הבדלה איז מען אריבער זאגן א גוטע וואך, מען האט געענדיגט 11:25.

מוצ"ש איז פארגעקומען בביתו נאוה קודש די סיום כתיבת האותיות פאר די ספר תורה וואס ווערט געשריבן דורך הרה"ח ר' משה עובדי' מאסרי הי''ו, דער רבי האט אריינגעשריבן די אותיות, און געטרינקן לחיים און מאציל געווען מברכות קדשו פאר הרה"ח ר' משה עובדי' הי''ו און זיין משפחה.

אויך איז אריין בקודש פנימה הרב ישראל קאופמאן שליט"א סגן רב דקהל זכרון אליעזר ד'סינסינעטי אהייאו, ויו"ר ביקור חולים ד'סינסינעטי, וועלכער דינט אלס טשאפלעין פונעם ארטיגן גרויסן שפיטאל וועלכע באדינט ליידער אסאך היימישע אידן, דער רבי האט געהערט א באריכט פון די פעולות, און זיך שטארק נאכגעפרעגט אויף די ארטיגע קהילה און מוסדות און ווארעם אנגעווינטשן ברכת קדשו.

▫️ סאטמאר'ע נייעס 🌴 ▫️

דאנערשטאג שלח 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
ב"ר יואל וועלץ הי''ו.
ב"ר חנוך דוב הורוויץ הי''ו.

ביים ליינען איז דער רבי געגאנגען הגבה. און נאכן דאווענען האט דער רבי פארגעלערנט דעם וועכנטליכן שיעור סוגיא בשיעורי הישיבה מסכת בבא בתרא פרק חזקת הבתים. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעה'ן זענען אריין בקודש פנימה בביתו נאווה קודש תלמידי כתה ט' פון ת"ת קארלין סטאלין בארא פארק, אינאיינעם מיטן מנהל הר"ר שמואל ביניק שליט''א, דער רבי האט פארהערט די בחורים אויף די לימודים, און דערנאך זענען די בחורים אריבער שלום נעמען און דער רבי האט מאציל געווען ברכת קדשו.

פארנאכטס ארום 8:00 אזייגער איז דער רבי אריבער אין ביהמ"ד הגדול צו די שמחת הכנסת ספר תורה אריינגעגעבן דורך הרה"ח ר' ישראל יעקב סופר הי''ו, דער רבי האט אפגעראכטן די ריקודי קודש און דערנאך געזאגט לדוד מזמור כנהוג.

נאכן הכנסת ספר תורה ארום 8:30 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 11:50 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די מחותנים ר' יואל ברש''ל זאלדאן הי''ו - ר' אברהם הערשקא הי''ו.

ארום 12:00 איז דער רבי אריבערגעגאנגן צו די זאלן פון כינור דוד מפאר צו זיין ביי די שמחת השבע ברכות צוגעשטעלט דורך הגאון הגדול הדומ"ץ שליט"א לרגל נשואי נכדתו הכלה בת חתנו הגה"צ ר' יוסף מרדכי וואגשאהל שליט"א ראה"כ ורב דביהמ''ד כולל ערב שבת, עס האט זיך פארמירט א לענגערע ידידות'דיגע שמועס בדברי תורה ופלפול אין די סוגיא פון ריבית, דערנאך האט דער רבי געטרינקן לחיים און מאציל געווען מברכות קדשו פארן חתן און פארן דיין שליט"א, מחותנים און פארן גאנצן ציבור. נאך ברכהמ''ז האט דער רבי געזאגט די שבע ברכות, און דערנאך האט זיך דער רבי ארויסגעלאזט אין א ריקוד מיטן חתן און מיט די מחותנים און א עקסטערן טאנץ מיטן דיין שליט"א.

נאכן שבע ברכות ארום 12:40 האט דער רבי געדאווענט מעריב אינטן בבית מדרשינו בית מרדכי, נאך מעריב איז דער רבי ארום און זיך אומגעקוקט אויפן פראכטפולען איבערגעבויטן ביהמ"ד, און איז אהיים לביתו נאווה קודש.

▫️ סאטמארע נייעס 🌴 ▫️

מיטוואך פרשת שלח 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד לר' יהושע זאב מיטעלמאן הי''ו ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד ישמח משה לרגל די שמחת ברית מילה פון בן הנולד לנכדו הרב לוי יצחק טויב שליט"א בן הגה"צ אב"ד קאלוב ב"פ שליט''א חתן הגה"צ רב דביהמ"ד ישמח משה שליט''א, חדב''ן.

פארן דאווענען האט רבינו שליט''א תפילין געלייגט פאר די בר מצוה בחורים.
ב"ר יואל עפשטיין הי''ו.
ב"ר יואל ווידער הי''ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

דערנאך איז פארגעקומען די שמחת הברית מילה. סנדקאות: רבינו שליט"א, מוהל: דער אבי הבן הרב לוי יצחק שליט''א, סנדק מעומד: חדב"ן הגה"צ רב דביהמ''ד ישמח משה שליט"א, ברכות: הגה''צ אב"ד קאלוב ב"פ שליט"א, ויקרא שמו בישראל חיים מאיר נאכן זיידן הגה''צ גאב"ד זכרון מאיר ז"ל.

נאכן ברית איז דער גאנצער עולם אריבער ווינטשן מזל טוב פאר רבינו שליט"א, דערנאך איז פארגעקומען די סעודת ברית מילה בהיכל הביהמ"ד, במשך די סעודה האבן אויפגעטרעטן בדברי תורה דער בעל שמחה אבי הבן שליט"א, און דער זיידע אב"ד קאלוב ב"פ שליט"א. יום ליבשה האט דער רבי מכבד געווען נכדו הרב חיים יעקב רוקח שליט"א. דערנאך האט דער רבי משמיע געווען דברות קודש בעניני ברית מילה און מסיים געווען מיט ברכת קדשו פארן בעל שמחה פאר די זיידעס און פארן גאנצן ציבור. מיט ברכהמ''ז האט דער רבי מכבד געווען חדב''ן הגה"צ רב דביהמ''ד ישמח משה שליט''א, און מיט די הרחמן'ס די בני משפחה. מ'האט געענדיגט ארום 1:40.

נאכן ברית איז דער רבי ארויף אין שטוב פון הגה"צ רבי שמעון זאב שליט"א ווי דער רבי האט אנגעווינטשן פאר די יולדות.

מיטאג ארום 2:30 איז דער רבי אריבער אויף א באזוך אינעם 'קעמפ מאנראו' בשכינות קרית יואל ווי עס האלטן זיך אויף תלמידי כתות ו' ז' ח' סניף הר"ר יעקב שלום ווייס שליט"א, צום ערשט איז דער רבי אריין אין אלע כתות און פארהערט די לימודים, דערנאך איז פארגעקומען א מסיבת לחיים אינעם ביהמ"ד פאר אלע קינדער, די קינדער האבן געזינגען עטליכע ניגונים, און עס האט אויפגעטרעטן דער מנהל שליט"א, און דער רבי האט משמיע געווען קורצע דברות קודש, איבער די גרויסקייט פון א דיבור טוב א קאפיטל תהילים וכו', און מסיים געווען בברכות קדשו.

פארנאכטס ארום 8:20 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 12:00 אויפדערנאכט.

בעת די זמני כניסה איז פארגעקומען די סיום כתיבת האותיות פאר די ספר תורה וואס ווערט געשריבן דורך הרה"ח ר' מרדכי הערש פארקאש הי''ו, און ווערט אריינגעגעבן קומענדיגן מאנטאג קרח בבית מדרשינו בית ברוך, דער רבי האט אריינגעשריבן די אותיות, און געטרינקן לחיים און מאציל געווען מברכות קדשו פאר הרה"ח ר' מרדכי הערש הי''ו און זיין משפחה.

רבינו שליט''א האט געליינט תנאים אין די תנאים זאל בביתו נאווה קודש פון די פאלגענגע מחותנים.
ר' ישעי' שבתי בראך הי''ו - הרה"ג ר' יצחק שלום פריעדמאן שליט"א.
הרה"ג ר' יוסף שמואל ראטענבערג שליט"א - הר"ר יואל גאטליעב שליט''א.

רבינו שליט''א האט געדאווענט מעריב ארום 12:00 בביתו נאוה קודש.

▫️ סאטמאר'ע נייעס 🌴 ▫️

דינסטאג פרשת שלח 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף ויואל משה. נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ב פסוק ב'.

און די נאכמיטאג שעה'ן איז דער רבי געווען אויפ'ן וועכנטליכן באזוך אינעם בית השחיטה המהודרת דקהלתינו הק'. און דערנאך איז רבינו שליט''א ארויף בהיכל הישיבה סניף ברך משה ווי דער רבי האט געלערנט מיט א חברותא מתלמידי הישיבה בחדרו הפרטי.

נאכמיטאג ארום 6:30 איז דער רבי אריינגעפארן קיין וומסב"ג, תיכף ביים אנקומען איז דער רבי צוגעפארן צו די כתר ריזל זאלן ווי דער רבי האט מסדר קידושין געווען ביי די חופה פון החתן המשב"ק כמר דוב אלטר ברוך ב"ר אברהם יושע גפן הי''ו מיט הכלה ב"ר פנחס פראנקל הי''ו.

דערנאך איז געווען די וועכנטליכע זמני כניסה בקודש פנימה ביז אום 12:20 אויפדערנאכט. ארום 9:25 האט דער רבי געדאווענט מנחה בביתו נאווה קודש.

בעת די זמני כניסה איז געווען אויף א באזוך בקו''פ הגה"צ אדמו''ר משבט הלוי וגאב"ד זכרון מאיר שליט"א עס האט זיך פארצויגן א שיינע ידידות'דיגע שמועס בדברי תורה וחסידות וסיפורי צדיקים דער רבי האט אים מכבד געווען מיט לחיים און מאציל געווען מברכות קדשו.

אויך איז אריין בקו"פ הרה"ג ר' יואל משה מרדכי הכהן כ"ץ שליט"א בן כ"ק אב"ד וויען שליט"א לרגל שמחת הבר מצוה פון בנו ני"ו די קומענדיגע וואך, דער רבי האט מאציל געווען מברכת קדשו פאר ח"ג הרה"ג שליט"א און פאר בנו חתן הבר מצוה, און אים געגעבן דורן דרשה, ספרו לב אהרן על פרקי אבות.

אזוי אויך איז פארגעקומען די סיום כתיבות האותיות פאר די ספר תורה וואס ווערט געשריבן דורך ישיבת בנין עולם, דער רבי האט אריינגעשריבן די אותיות און דערנאך געטרינקן לחיים און ווארעם אנגעוואונטשן פאר די הנהלת הישיבה און פאר די נדבנים.

רבינו שליט''א האט געדאווענט מעריב ארום 12:30. נאך מעריב איז דער רבי אריבער געגאנגן אין די כתר ריזל זאלן מפאר צו זיין די שמחת החתונה פון החתן המשב"ק דוב אלטר ברוך גפן הי''ו, דער רבי האט געטרינקן לחיים און אנגעוואונטשן פארן חתן מחותנים און פארן גאנצן ציבור, און דערנאך געטאנצען ריקודין של מצוה טאנץ לפני הכלה, דערנאך האט דער רבי געטאנצען מיטן חתן און די מחותנים. נאכן טאנצן האט דער רבי זיך ווארעם געזענגנט און אנגעוואונטשן דעם חתן, און פון דארט איז דער רבי אהיימגעפארן לביתו נאוה קודש אין קרית יואל.

▫️ סאטמאר'ע נייעס 🌴 ▫️

מאנטאג פרשת שלח 'בצל הקודש' פון כ''ק מרן רבינו הגה''ק שליט''א

פארן דאווענען איז פארגעקומען די ברית'ן, לבן הנולד לר' יעקב לאנדא הי''ו, און לבן הנולד לר' יושע גאלדבערגער הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ''ד הגדול. ביים ליינען האט דער רבי עולה געווען שלישי.

נאכמיטאג איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט דער רבי מסדר קידושין געווען ביי די חופה פון די פאלגענדע מחותנים.
ר' שלמה זלמן ווייס הי''ו - ר' מעכיל פעלדמאן הי''ו, באולם כינור דוד.
ר' יואל בר"מ גאלדשטיין הי''ו - ר' ברוך יודא דרעזנער הי''ו, באולם בית רחל פאראדייס.

נאך די חופות ארום 8:10 האט דער רבי געדאווענט מנחה בביתו נאוה קודש אויף איהעל קט. דערנאך איז געווען זמני כניסה בקודש פנימה ביז אום 11:30 אויפדערנאכט.

רבינו שליט''א האט געליינט תנאים אין די תנאים זאל בביתו נאווה קודש פון די מחותנים ר' ציון סאאל הי''ו - ר' מיכאל עג'מי הי''ו.

רבינו שליט''א האט געדאווענט מעריב ארום 11:30 בביתו נאוה קודש.

▫️ סאטמאר'ע נייעס 🌴 ▫️

זונטאג פרשת שלח 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
ב"ר יחיאל דוב פריעדמאן הי''ו.
ב"ר יואל יאקאבאוויטש הי''ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ב פסוק ב'. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:15 האט זיך דער רבי ארויסגעלאזט אויפן וועג קיין בארא פארק צו באשיינען די חומש סעודה פון די תלמידי מוסדותינו הק' אין בארא פארק. ארום 2:40 איז דער רבי אנגעקומען אין ביהמ"ד הגדול ווי דער רבי איז ענטפאנגען געווארן דורך די ילדי התשב"ר מיט שיינע חרוזים לכבוד המאורע, דער רבי האט פארטיילט א סידור פאר אלע קינדער, און דערנאך געטרינקן לחיים, און אנגעוואונטשן פאר די קינדער און די עלטערן און משמיע געווען קורצע דברות קודש לכבוד די חתני המקרא, דערביי האט דער רבי דערמאנט לשבח די עסקנים וואס האבן ארגאנעזירט די כינוס נשי ישראל וואס זענען געקומען זיך דורכרעדן און אנגענומען אלע הוראות עס זאל זיין על צד היותר טוב, און דער רבי האט מסיים געווען בברכת קדשו פארן גאנצן ציבור. מען האט געענדיגט ארום 3:30.

דערנאך האט דער רבי אריבערשפאצירט צום בנין הבית רחל ווי עס איז פארגעקומען א אסיפת הדיינים אינאיינעם מיט די מנהלים והנהלה רוחנית פון מוסדותינו הק', ווי מען האט אויסגעשמועסט די תקנות וואס זענען אוועקגעשטעלט געווארן ביים כינוס מסורתינו פארגאנגענעם מאנטאג בחקותי פאר אלע הורי מוסדותינו הק', עס האט אויפגעטרעטן הגה"צ ר' משה פריעדמאן שליט"א דומ"ץ דקהלתינו הק', און דערנאך האט דער רבי משמיע געווען דברות קודש והדרכה, דערנאך איז געווען א געלעגענהייט פאר די מנהלים צו פרעגן שאלות פון רבינו שליט"א וואס דער רבי האט געענטפערט און אויסגעשמועסט בטוב טעם ודעת. מען האט געענדיגט ארום 4:15.

פון דארט איז דער רבי אריבער צו די ישיבה קטנה סניף מעיין התורה בהנהלת הגה"צ ר' יצחק ראזענבוים שליט"א מקאליש ווי עס איז פארגעקומען די קביעות מזוזה פאר די נייע איבערגעבויעטע שטאקן פון די ישיבה, ביים אנקומען אינעם בנין האט זיך דער רבי אומגעקוקט אויף בית מדרשינו 10'טע עוו. וואס געפינט זיך אינעם בנין, דער רבי איז ארום אינעם ביהמ''ד און אין די היכל התורה און עזרת נשים, און זיך אומגעקוקט אויף די פלענער צו פארברייטערן דעם היכל הביהמ"ד, דערנאך איז דער רבי ארויף צו די ישיבה, דער רבי האט קובע מזוזה געווען אויפן שער הביהמ"ד, דערנאך איז פארגעקומען א מסיבת לחיים מען האט געזינגען עטליכע ניגונים און עס האט אויפגעטרעטן דער מנהל שליט"א, דער רבי האט געטרינקן לחיים און אנגעווינטשן פאר די רמ''י הישיבה און אלע בחורים, און משמיע געווען דברות קודש. צום ערשט א פלפול אין די סוגיא וואס מען לערענט אין ישיבה, און דערביי געפרעגט א קשיא פון די בחורים, און געבעטן צו זוכן תירוצים, און דערנאך משמיע געווען דברי הדרכה והתחזקות. מען האט געענדיגט ארום 5:15.

דערנאך איז דער רבי אריבער צו די אכסניא אין שטוב פון הרה"ח ר' משה כהנא הי''ו.

ארום 5:30 איז געקומען אויף א באזוך האדמו"ר מסאדיגורא לאנדאן שליט"א אינאיינעם מיט אחיו החתן שמעון מנחם נחום פריעדמאן שליט"א אפצונעמען ברכת הקודש לרגל די חתונה וואס קומט פאר היינט מאנטאג אויפדערנאכט, עס האט זיך פארצויגן א שיינער שמועס פון די צדיקים לבית סאדיגורא און רוזין אין דער שייכות פונעם הייליגן ישמח משה זי"ע מיטן הייליגן רוזשינער זי"ע, און דער רבי האט מאציל געווען מברכות קדשו.

ארום 6:45 איז דער רבי אנגעקומען צו די זמר זאלן ווי עס איז פארגעקומען א פראכטפולער סיום הש"ס דורך הרה''ח ר' יוסף יצחק אייזיק לאנדא הי''ו און הרה''ח ר' שלמה יואל פריעדמאן הי''ו, די חתני התורה האבן געמאכט דעם סיום און געזאגט דעם הדרן, דערנאך האט דער רבי געטרינקן לחיים און ווארעם אנגעווינטשן פאר די חתני התורה און פאר די משפחה, און זיך ארויסגעלאזט אין א געהויבענעם טאנץ אינאיינעם מיט די חשובע אינגעלייט. מען האט געענדיגט ארום 7:10.

פון דארט איז רבינו שליט''א אריינגעפארן קיין וומסב''ג, און איז תיכף אריין געקומען בבית מדרשינו המפואר בנין געלבשטיין בשכונת קעסקעיד צו די שמחת הכנסת ספר תורה אריינגעגעבן דורך הרה"ח ר' חיים יושע געלבשטיין הי''ו, דער רבי האט איבערגענומען די ס''ת פון הגה"צ אבד''ק וומסב''ג שליט"א און געטאנצן ריקודי קודש פאר א לענגערע צייט, און דערנאך פארגעזאגט לדוד מזמור כנהוג.

ארום 8:00 האט דער רבי געדאווענט מנחה בביהמ"ד עצי חיים סיגוט.

ארום 8:30 איז רבינו שליט"א אנגעקומען אין די זאלן פון קאנטינעטאל צום מעמד קבלת פנים פון נכד רביה"ק בעל ברך משה זי"ע
החתן הרב יקותיאל יהודה בן הרב ר' מרדכי אהרן מייזליש שליט"א בן הגה"צ רב דקהלתינו ב"פ שליט"א, דער רבי האט מסדר געווען די כתובה, און געטרינקן לחיים און אנגעווינטשן פארן חתן און מחותנים און פארן גאנצן ציבור, מיט סידור קידושין האט דער רבי מכבד געווען גיסו הגה"צ רב דקהלתינו ב''פ שליט"א, מיט כתובה ליינען דעם זיידן הרב יושע ברוך ווערצבערגער הי''ו, די ברכות. דער זיידע ווייצענער רב שליט"א, הגה"צ אבד''ק וומסב''ג שליט"א א פעטער מצד החתן, הרב יוסף מייזליש שליט"א א פעטער מצד החתן, און דער זיידע הרה"ח ר' חיים אליעזר גראס הי''ו סגן ראה"ק דקהלתינו הק'.

דערנאך איז דער רבי אהיים לביתו נאוה קודש, ווי עס איז פארגעקומען די סיום כתיבת ספר תורה דורך הרה"ח ר' יודל פאלקאוויטש הי''ו,
דער רבי האט אריינגעשריבן די אותיות, און געטרינקן לחיים און אנגעווינטשן פאר הרה"ח ר' יודל הי''ו און זיין משפחה.

ארום 10:30 איז דער רבי אריבער בבית מדרשינו 'בנין געלבשטיין' צום סעודה לגומרה של תורה, ביים אנקומען האט דער רבי געטאנצען אויפן פלאץ פאר עטליכע מינוט, עס האט אויפגעטרעטן דער בעל שמחה הרה"ח ר' חיים יושע געלבשטיין הי''ו, דערנאך האט דער רבי געטרינקן לחיים און אנגעווינטשן פארן בעל שמחה און פארן גאנצן ציבור.

דערנאך האט דער רבי משמיע געווען דברות קודש, און מעורר געווען צו דאווענען דוקא אין היימישע ווארימע בתי מדרשים, און איבער עבודת התפילה זיך שטעלן דאווענען פון אנהייב און דאווענען מיט א קאך, און בקול, נישט אינזין האבן קיין שום זאך חוץ דאווענען און דאס וועט צו העלפן אז מזאל נישט שמועסן ביים דאווענען און קענען אינזין האבן דאס דאווענען, און ארומגערעדט בשבח הביהמ''ד ובשבח פון די צוויי חשובע דיינים פון ביהמ"ד, און עקסטער אנגעוואונטשן דעם בעל שמחה, דער נדבן הספר תורה און ארויסגעברענגט אז דאס ביהמ"ד הייסט נאכן פאטער פונעם בעל שמחה אין ער האט זיכער א נחת רוח בגנזי מרומים. דער רבי האט אנגעוואונטשן און ארויסגעברענגט לשבח דעם איידעם פון בעל שמחה הרה"ח ר' אברהם בראך הי''ו פטרון הביהמ''ד 'דאס איז שוין די דריטע ביהמ"ד וואס ר' אברהם האט געבויעט, און יעדע ביהמ"ד פון די דריי איז א פינת יקרת א הערליך ווינקל בתורה ועבודה וגמ"ח, אזוי אויך איז יעדע ביהמ"ד עקסטער אויסגעשטאטעט מיט הערליכע מקוואות וואס דאס העלפט צו מזאל קענען לערנען תורה בטהרה', און מסיים געווען מיט שטארקע דברי ברכה פאר די גאנצע משפחה און פאר אלע מתפללי הביהמ"ד. מען האט געענדיגט ארום 11:20. נאכן מעמד האט דער רבי געדאווענט מעריב אין חדר דברי יואל אין ביהמ''ד.

דערנאך איז דער רבי ארויף אויף א באזוך אין שטוב פון הגה''צ ר' שמואל דוד סאקס שליט"א דומ"ץ הביהמ''ד, אויך איז אנוועזנד געווען הרה"ג ר' יואל שווארץ שליט"א דומ''ץ הביהמ''ד און הרה"ח ר' אברהם בראך הי''ו בונה ומקים עולמות של תורה ופטרון ביהמ''ד המפואר "בנין געלבשטיין', עס האט זיך פארמירט א שיינער שמועס בתורה וחסידות, דער רבי האט געטרינקן לחיים און ווארעם אנגעווינטשן פאר די חשובע דיינים און פאר הרה"ח ר' אברהם הי''ו.

ארום 12:00 איז רבינו שליט''א אנגעקומען צו די שמחת החתונה פון נכד רביה"ק בעל ברך משה זי"ע, ביים אנקומען האט זיך רבינו שליט"א ווארעם באגריסט מיט די רבנים אויפן אויבן אן, דער רבי האט געטרינקן לחיים און אנגעווינטשן פארן חתן מחותנים און פארן גאנצן ציבור, מיט ברכהמ''ז איז מכובד געווארן הרה"ח ר' בעריש גראס הי''ו א פעטער מצד הכלה, ברכות ראשונות: רבינו שליט"א, ברכה אחריתא האט דער רבי מכבד געווען אחיו הגה"צ רב דקהלתינו ב''פ 15 שליט"א.

נאכן בענטשן האט הרה"ח ר' ישעי' פוקס הי''ו אויסגערופן רבינו שליט"א צום מצוה טאנץ, דער רבי האט אפגעראכטן די ריקודי קודש און געטאנצען מצוה טאנץ לפני הכלה, און דערנאך געטאנצען מיטן חתן מחותנים און זיידעס. אויפן וועג ארויס האט רבינו שליט"א אנגעווינטשן פאר די כלה און פארלאזט דעם זאל אויפן וועג קיין בארא פארק.

ארום 1:00 איז דער רבי אנגעקומען אויף א באזוך ביי כ"ק אדמו"ר מבאבוב 45 שליט"א בחדרו הפרטי בבית מדרשו, עס האט זיך פארצויגן א הערליכע תורה'דיגע שמועס און סיפורי צדיקים לבית צאנז, האדמו"ר מבאבוב 45 שליט"א האט מכבד געווען דעם רבי'ן מיט לחיים, און דער רבי האט אים ווארעם אנגעווינטשן, נאכן באזוך האט האדמו"ר מבאבוב 45 שליט"א באגלייט רבינו שליט''א צום דערנעבענדיגע שטח הבנייה פונעם בנין ביהמ''ד החדש דק''ק באבוב 45, און מכבד געווען רבינו שליט"א צו גיסן דעם אבן הפינה און דער רבי האט געווינטשן הצלחה פארן נייעם ביהמ"ד, און האדמו"ר מבאבוב 45 שליט"א האט באגלייט רבינו שליט"א ביזן קאר.

ארום 1:30 איז דער רבי אהיימגעפארן לביתו נאוה קודש אין קרית יואל.

▫️ סאטמאר'ע נייעס 🌴 ▫️

שב"ק פרשת בהעלותך 'בצל הקודש' פון כ"ק מרן רבינו הגה"ק שליט"א.

ערש''ק נאכמיטאג האט רבינו שליט''א אנגעטוהן דעם שטריימל פאר די חתנים.
הב' החתן המשב''ק אלתר ברוך ברא''י גפן הי''ו.
הב' החתן שמואל בר''י גאלדשטיין הי''ו.

פרייטאג צונאכטס ארום 9:00 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה.
קבלת שבת: הרה"ח ר' דוד שמואל גאלדבערגער הי''ו.

מען האט געענדיגט 10:30. נאכן דאווענען איז פארגעקומען דער אפיעל פאר ישיבה גדולה לעדת הספרדים בעיר בית שאהן עטה''ק. דער עולם איז אריבער געגאנגען גוט שבת זאגן, און רבינו שליט''א איז אריין לחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה''צ רב דביהמ''ד ברך משה שליט''א, הגבהת הכוס לקידוש: הרה''ח ר' ישראל חיים שטעסל הי''ו.

מיט די זמירות האט רבינו שליט''א מכבד געווען. כל מקדש: הרה''ח ר' אברהם שמחה פריעדמאן הי''ו, מנוחה ושמחה: הרה"ח ר' אברהם הערש שעהר הי''ו.

רבינו שליט''א האט געזאגט תורה אויפן מדרש "הרוצה לידע תחיית המתים מן התורה יראה והנה מרים מצורעת כשלג'' און געטייטשט בדרך דרוש אין די סוגיא צו מען קען דרש'ענען א קל וחומר מעצמו.

במשך דעם טיש האט מען געזינגען ניגוני שמחה לכבוד די שמחת השלום זכר ביי נכד רבינו הרב לוי יצחק טויב חתן הגה''צ רב דביהמ''ד ישמח משה שליט''א, חדב''ן.
קה אכסוף: הרה''ח ר' אהרן וויינבערגער הי''ו, ברכהמ"ז: נכד רבינו בעל שמחה הרב לוי יצחק טויב שליט''א.

עובדות וסיפורים די וואך האט רבינו שליט''א דערציילט היסטאריע פונעם יום בכי ומספד כ' סיון וואס איז נקבע געווארן ליום תענית צוליב די גזירות רעות אױף כלל ישראל און די פריערדיגע דורות. קה רבון עלם: הגה''צ ר' שמואל שלום רוקח שליט''א האדמו''ר מקארוב ב''פ.

מען האט אויפגעגעבן באנדלעך און ביר לכבוד די שמחת השלום זכר, דער רבי האט טועם געווען און געוואונטשן פארן בעל שמחה און בני המשפחה און פארטיילט שריים.

די פרישע חתנים זענען אדורך נעמען פירות, אז ביום השביעי: נכד רבינו הרב פנחס מרדכי מייזליש בן הגה''צ רב דביהמ''ד ישמח משה שליט''א, חדב''ן. מען האט געענדיגט ארום 1:35.

וביום השבת קודש

שב"ק צופרי איז רבינו שליט''א אריינגעקומען 9:30. פסוקי דזמרה: הרה''ח ר' יושע מרדכי ווערצבערגער הי''ו, צו שחרית איז רבינו שליט''א צוגעגאנגען.

הוצאה והכנסה: הרה''ח ר' משה חיים ווערצבערגער הי''ו (מאנטריאל). פסוקי שמע ישראל: הרה''ח ר' נח גפן הי''ו.

עליות. כהן: הרה''ח ר' ישראל מאיר פריעדמאן הי''ו (וומסב''ג), לוי: הרה''ג ר' יואל וויינבערגער שליט''א מו''ץ בקהלתינו וומסב''ג, שלישי: החתן המשב''ק אלתר ברוך ב''ר אברהם יושע גפן הי''ו - באווארפן, רביעי: החתן ב''ר דוד חיים מאשקאוויטש הי''ו - באווארפן, חמישי: החתן ב''ר יואל ברש''י שעהר הי''ו - באווארפן, שישי: רבינו שליט''א.

נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי די פאלגענדע בעלי שמחה.
ר' דוד ווערטהיימער הי''ו.
ר' מאיר ברמ''ב כ''ץ הי''ו.
ר' יחזקאל שרגא דרעזנער הי''ו (ב''פ).

שביעי: החתן ב''ר שלמה זלמן ווייס הי''ו - באווארפן, הוספות: החתן ב''ר יואל בר''מ גאלדשטיין הי''ו - באווארפן, החתן ב''ר בנצין לעבאוויטש הי''ו, החתן ב''ר חזקי' פייבל בראך הי''ו, אחרון: הרה''ח ר' משה גאלדשטיין הי''ו, מפטיר: הרה''ח ר' דוד שמואל גאלדבערגער הי''ו, הגבה: הרה''ח ר' משה מאיר טייטלבוים הי''ו, גלילה: הרה''ח ר' דוד חיים מאשקאוויטש הי''ו.

מוסף: הרה''ח ר' שלום יצחק שעהר הי''ו, פתיחה לאנעים זמירות: הרה"ח ר' שלום חננאל מענדלאוויטש הי''ו (וומסב''ג). מען האט געענדיגט ארום 1:40.
רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 9:00. מנחה: ר' יואל ברמ''ח ווערצבערגער הי''ו, הוצאה והכנסה: הרה"ח ר' משה אברהם גראס הי"ו (ב''פ), כהן: הרה''ח ר' יואל בר''ש הכהן פריעדמאן הי''ו, לוי: הרה''ח ר' שלום יוסף לעווינגער הי''ו, שלישי: הרה''ח ר' שלמה זלמן ווייס הי''ו, הגבה: רבינו שליט"א, גלילה: הרה''ח ר' אברהם מאיר ווערצבערגער הי''ו (מאנטריאל).

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק ''ויהי בנסוע הארון'' און געטייטשט אז דורך דעם כח פון יעקב אבינו וואס קפצה לו הארץ האבן אידישע קינדער זוכה געווען אז דער מקום המקדש איז נעתק געווארן ממקומו און מיטגעגאנגען מיט די אידן איבעראל, און מיט דעם זענען ערליכע אידן היינט זוכה צו די בתי מדרשות וואס האבן מיט זיך קדושת ארץ ישראל, אבער נאר אז מען האט די ריכטיגע פחד ומורא מקדש דעמאלטס איז וזה שער השמים, אבער חלילה אויב מען איז מזלזל ווי אזוי זאל מען זוכה זיין צו דעם ברכה.

ידיד נפש: הרה''ח ר' משה חיים ווערצבערגער הי''ו, קל מסתתר: הרה''ח ר' שלום חננאל מענדלאוויטש הי''ו. דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' אברהם שלום לאנדא הי''ו. נאך הבדלה איז מען אריבער זאגן א גוטע וואך, מען האט געענדיגט 11:15.

נאך הבדלה איז רבינו שליט''א אריבער אין שטוב פון הרה"ח ר' ישראל יעקב סופר הי''ו, ווי עס איז פארגעקומען די סיום כתיבת האותיות פאר די ספר תורה וואס ווערט אריינגעגעבן דעם דאנערשטאג אין ביהמ"ד הגדול, דער רבי האט אריינגעשריבן די אותיות און דערנאך געטרינקן לחיים און אנגעווינטשן פאר הרה"ח ר' ישראל יעקב און זיין משפחה.

▫️ סאטמאר'ע נייעס 🌴 ▫️