סאטמארע נייעס

שב"ק פרשת שמיני שבת פרה מברכים חודש ניסן 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 7:50 איז רבינו שליט''א אריינגעקומען אין ביהמ"ד און צוגעגאנגען צו מנחה. קבלת שבת: הרה"ח ר' אנטשיל ברה''א עקשטיין הי''ו (מאנסי).

מען האט געענדיגט דאווענען ארום 9:15. נאכן דאווענען איז פארגעקומען אן אפיעל פאר ישיבת בית יוסף אין פראנקרייך. דער עולם אריבער געגאנגען גוט שבת זאגן, און רבינו שליט''א איז אריין בחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה"ט בהיכל השלחנות אינאיינעם מיט די תלמידי המתיבתא - ווי אויך האבן זיך אהנגעזעהן א שיינע קבוצה מתלמידי ישיבתינו הק' ב"פ - און אנגעהויבן כדרכו בקודש 'שלום עליכם' ברגש ובנעימה.

אשת חיל: נכד רבינו הב' מאיר אליעזר בן הגה''צ רב דביהמ''ד ברך משה שליט''א. מיט די זמירות האט רבינו שליט''א מכבד געווען. כל מקדש: הרה''ח ר' צבי עקיבה ברייטשטיין הי''ו מנהל מוסדותינו בבית שמש, מנוחה ושמחה: הרה"ח ר' יעקב חיים מאשקאוויטש הי''ו (וומסב''ג).

רבינו שליט''א האט געזאגט תורה אויפן פסוק "וידום אהרן" און געטייטשט בדרך דרוש אין די סוגיא צו עשה לפני הדיבור עדיף.

קה אכסוף: הרה''ג ר' שלמה הערש בר''א עקשטיין שליט''א מו''ץ בקהלתינו, ברכהמ"ז: הרה''צ ר' קלמן האלבערשטאם שליט''א אב''ד צאנז קר''י.

עובדות וסיפורים די וואך האט רבינו שליט''א דערציילט פון הרה''ק התפארת שלמה זי"ע, וואס די יארצייט געפאלט פרייטאג כ''ט אדר. קה רבון עלם: הגה''צ ר' מאיר צוויבל שליט''א.

די פרישע חתנים זענען אדורך נעמען פירות, און עס איז פארגעקומען די שלום זכר ביי ב''ר משה ארי' ברש''ה עקשטיין הי''ו, אז ביום השביעי: הרה''ח ר' יעקב ברייטשטיין הי''ו (בית שמש). מען האט געענדיגט ארום 12:30.

וביום השבת קודש

שב"ק צופרי איז רבינו שליט''א אריינגעקומען 9:40. פסוקי דזמרה: הרה''ח ר' אברהם הערץ הערשקאוויטש הי''ו, צו שחרית איז רבינו שליט''א צוגעגאנגען, און ביי די הויכע שמו"ע פארגעזאגט די יוצרות לשבת פרה, מען האט געזינגען ביי מכלכל חיים און ממקומך כנהוג.

הוצאה והכנסה: הרה''ג ר' אהרן קויפמאן שליט''א (מאנטריאל) און הרה''ח ר' אפרים יוסף עפשטיין הי''ו (וומסב''ג), פסוקי שמע ישראל: הגה''צ ר' מאיר צוויבל שליט''א.

עליות. כהן: החתן ב''ר הערש פנחס מאשקאוויטש הי''ו, לוי: החתן ב''ר מנחם ישעי' לעווי הי''ו, שלישי: החתן ב''ר פנחס פראנקל הי''ו, רביעי: החתן ב''ר יעקב יודא גפן הי''ו, חמישי: החתן ב''ר צדוק היילברוין הי''ו, שישי: החתן ב''ר יעקב קעסלער הי''ו, שביעי: הרה''ח ר' יואל עפשטיין הי''ו, אחרון: הרה''ח ר' אברהם בראך הי''ו (וומסב"ג), הגבה די ערשטע ספר: הרה''ח ר' שלמה הערש בר''ד עקשטיין הי''ו, גלילה: הרה''ח ר' יוסף לייב ברוין הי''ו.

מפטיר - פ' פרה: רבינו שליט''א. נאכן עולה זיין האט רבינו שליט''א געמאכט די מי שברך וקריאת השם לרגל הולדת הבת ביי ר' אהרן מנחם גרשון אונגאר הי''ו.

הגבה די צווייטע ספר: הרה''ח ר' יעקב ברוינער הי''ו (ב"פ), גלילה: הרה''ח ר' שמואל הירש פעלדמאן הי''ו. רבינו שליט''א האט ראש חודש געבענטשט בהתעוררות.

מוסף: הרה''ח ר' דוד עקשטיין הי''ו, פתיחה לאנעים זמירות: הרה"ח ר' ישראל מאיר שפילמאן הי''ו. מען האט געענדיגט 12:50.

ביים קידוש בביתו נאוה קודש האט מען געזינגען נגוני שמחה לרגל הולדת הבת ביים אייניקל הרב יוקל שליט''א, רבינו שליט''א האט געוואונטשן לחיים פארן זיידן חדב''ן הגה''צ רב דביהמ''ד ברך משה שליט''א פאר די בני המשפחה און פארן גאנצע ציבור. די שמחת הקידושא רבה איז פארגעקומען בבית מדרשינו דברי יואל בוומסב''ג, ויקרא שמה בישראל הענא זיסל נאך די עלטער באבע, די מאמע פון הגה''צ ר' יוסף משה מייזליש ז''ל אב''ד ווייטצען.
רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 7:50. מנחה: הרה''ח ר' פנחס פראנקל הי''ו (וומסב''ג), הוצאה והכנסה: הר''ר הערשל כ''ץ שליט''א (וומסב''ג) כהן: הרה''ח ר' מרדכי יצחק מאשקאוויטש הי''ו (וומסב''ג) הי''ו, לוי: הרה''ח ר' בערל פעלדמאן הי''ו (מאנטריאל) שלישי: הרב ר' מרדכי ראזענפעלד שליט''א (וומסב''ג), הגבה: רבינו שליט"א, גלילה: הרה''ח ר' אהרן שאול סאנדעל הי''ו.

זמירות ביי של"ש האט רבינו שליט"א מכבד געווען. אודה: הרה''ח ר' נח גפן הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק אין די קריאה פון פרה ''זאת חוקת התורה'' און געטייטשט אז דאס וואס אידן זענען נכשל געווארן אינעם חטא העגל האט מגדיל געווען די חשיבות פון קבלת התורה, אפילו מען איז אין אזא נידריגע מדרגה וואס טמאת מצרים האט זיך אנגעזאמעלט אין זיי מיט דעם אלעם זענען זיי צוגעקומען צו אזא מדרגה פון נעשה ונשמע און נישט מכח זכות אבות, און דאס קומט לערנען אז לפעמים האט א איד שווערע נסיונות און ער איז נישט מנצח דעם יצר, בשעת קיום המצוות קומט דער יצר הרע און דערמאנט אים און פארקלאפט אים דעם אפעטיט, אדרבה יעצט זענען זיינע מצוות אסאך מער חשוב ווייל עס ווייזט אז ער האט נישט קיין זכות אבות וואס מעשה אבות סימן לבנים נאר אלעס איז זיין אייגענע עבודה.

ידיד נפש: הרב ר' מרדכי ראזענפעלד שליט''א הי''ו, קל מסתתר: הרה''ח ר' וואלף ברוינער הי''ו (בארא פארק) רבינו שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' יצחק טייטלבוים הי''ו. נאך הבדלה איז מען אריבער זאגן א גוטע וואך, מען האט געענדיגט 10:25.

▫️ סאטמאר'ע נייעס 🌴 ▫️

דאנערשטאג פרשת שמיני 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בבית מדרשינו רב טוב בקר''י אינאיינעם מיט תלמידי ישיבה קטנה 'מעיין התורה' במוסדותינו הק' בבארא פארק. פארן דאווענען האט דער רבי תפילין געלייגט פאר די בר מצוה בחורים.
ב"ר יהודה שעהר הי''ו.
ב"ר יואל פאסטערנאק הי''ו.
ב"ר ישראל יודא יעקב גאלדבערגער הי''ו.

דערנאך האט דער רבי געצינדען 5 ליכט לרגל די יומדהל"ק פון הרה''ק הרבי ר' אלימלך זיע''א. פאר הודו האט מען געזאגט די תפילה קודם התפילה פון רבין ר' אלימלך זיע"א, בשעת רבינו שליט''א האט מאריך געווען בדמעות שליש וואס האט זיך פארצויגן נאנט צו א האלבע שעה. ביים ליינען איז דער רבי געגאנגען הגבה.

נאכן דאווענען איז פארגעקומען א מסיבת לחיים בהיכל הביהמ''ד לרגל די יומדהל"ק, דער רבי האט געטרונקען לחיים און אנגעווינטשן פאר די בר מצוה בחורים, די מגי"ש און פאר אלע בחורים, און דאן משמיע געווען דברות קודש בגודל קדשתו ואורו הבהיר פונעם בעל הילולא וואס האט איבערגעלאזט א רשימה דקדושה ביז צום היינטיגן טאג, אז דאס אז עס איז נאך דא א איד היינט מיט יראת שמים איז נאר אדאנק די כח הקדושה פונעם הייליגן רבי ר' אלימלך זי"ע, און דערנאך ארומגערעדט איבער די הייליגקייט פון די תפילה קודם התפילה, און מסיים געווען בדברי שבח פון די ישיבה וברכת קדשו.

פארמיטאג אום 1:45 איז רבינו שליט''א אריינגעקומען בהיכל המתיבתא סניף קדושת יואל ווי דער רבי האט פארגעלערענט די צווייטע סוגיא שיעור אין די סוגיא פון 'מצוות צריכות כוונה' אין בעפארברייטונג צום דרשת שבת הגדול, מען האט געענדיגט ארום 2:40.

דערנאך איז דער רבי אריבער צום דערנעבנדיגן בנין הישיבה ווי די בחורים זענען עוסק אין מאלן ווייץ לקראת יו"ט פסח הבעל"ט, דער רבי האט זיך אומגעקוקט אויפן סדר הטחינה און דערנאך אליינס געמאלן די ווייץ בטירחא דגופא פאר א לענגערע צייט.

נאכמיטאג אום 6:15 האט דער רבי געדאווענט מנחה בביתו נאוה קודש, פארן דאווענען האט דער רבי געצינדען 5 ליכט לרגל די יומדהל"ק.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' יעקב קעסלער הי''ו - ר' יואל בר"א קויפמאן הי''ו באולם כינור דוד.
ר' צדוק היילברוין הי''ו - ר' יואל עפשטיין הי''ו באולם בית רחל פאראדייס.

נאך די חופות האט דער רבי מנחם אבל געווען הגה''צ ר' שלמה זאבעל שליט"א דומ''ץ ביהמ"ד בית דוב דקהלתינו הק' בקר''י ע"פ אחיו הרה"ח ר' אשר זאבעל ע''ה.

אויפדערנאכט איז געווען זמני כניסה בקודש פנימה פון 8:15 ביז 11:30, ארום 9:45 האט דער רבי געדאווענט מעריב און דערנאך ווייטער ממשיך געווען אויפצונעמען דעם ציבור.

רבינו שליט''א האט געליינט תנאים אין די תנאים זאלן בביתו נאוה קודש, פון די מחותנים ר' משה יודא גאלדבערגער הי''ו - ר' יצחק שטויבער הי''ו.

▫️ סאטמארע נייעס 🌴 ▫️

מיטוואך פרשת שמיני 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא 'סניף ויואל משה'. פארן דאווענען האט דער רבי תפילין געלייגט פארן בר מצוה בחור ב"ר יואל מויזקאפף הי''ו. דערנאך האט דער רבי געצינדן 5 ליכט לרגל די יארצייט פון חותנו האדמו"ר בעל ישועות משה מוויזניץ זצ"ל.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י' פסוק א'. און דערנאך איז פארגעקומען א לחיים מיטן בר מצוה בחור בחדרו הפרטי.

פארמיטאג אום 1:40 איז רבינו שליט''א אריינגעקומען בהיכל המתיבתא סניף קדושת יואל ווי דער רבי האט פארגעלערענט דער ערשטן סוגיא שיעור אין די סוגיא פון 'מצוות צריכות כוונה' אין בעפארברייטונג צום דרשת שבת הגדול, מען האט געענדיגט ארום 2:30.

אין די נאכמיטאג שעה'ן איז פארגעקומען דורך די רביצין תחי' א יארצייט סעודה לע"נ אבי' האדמו''ר בעל ישועות משה מוויזניץ זצ''ל, פריוואט פאר די בני המשפחה אין די תנאים זאלן שע"י בית רבינו שליט"א אויף איהעל קט., ווי רבינו שליט"א האט זיך משתתף געווען.

אום 7:30 נאכמיטאג האט דער רבי געדאווענט מנחה בביתו נאוה קודש, און דערנאך האט רבינו שליט''א מסדר קידושין געווען ביי די חופה פון די פאלגענדע מחותנים.
ר' חיים ארי' שווארץ הי''ו (וומסב''ג) - ר' יקותיאל מרדכי פריעדמאן הי''ו, באולם קרן ויואל משה.
ר' מאיר משה שפיצער הי''ו (וומסב''ג) - ר' יעקב שפילמאן הי''ו באולם כינור דוד.
ר' ישעי' ווערצבערגער הי''ו - ר' ליפא ניישטאדט הי''ו, באולם בית רחל פאראדייס.

ארום 8:10 איז רבינו שליט''א אנגעקומען באולם שע''י ביתו נאוה קודש ווי עס איז פארגעקומען די סיום כתיבת ספר תורה וואס ווערט געשריבן דורך הרה''ג ר' יצחק יעקב ראזענפעלד שליט''א מראשי ישיבה גדולה שיעור ד', און ווערט אריינגעגעבן קומענדיגן זונטאג בהיכל הישיבה, רבינו שליט''א האט אריינגעשריבן די אותיות און דערנאך איז פארגעקומען די מסיבת לחיים אינאיינעם מיט תלמידי ישיבה גדולה שיעור ד', מען האט געזינגען עטליכע ניגונים, און דער רבי האט געטרינקן לחיים און מאציל געווען מברכות קדשו פאר הרה''ג ר' יצחק יעקב שליט''א די ראשי הישיבה און אלע בחורים, און ארויסגעברענגט אז מען דארף מקשר זיין סוף התורה לתחילתה, די לעצטע מצוה איז כתיבת ספר תורה און די ערשטע מצוה איז פרו ורבו, און ווארעם אנגעווינטשן פאר די בחורים מען זאל זוכה זיין צו גוטע שידוכים במהרה.

זמני כניסה איז געווען דערנאך ביז 11:50 אויפדערנאכט. ווען דער רבי האט געדאווענט מעריב, פארן דאווענען האט דער רבי געצינדן 5 ליכט לרגל לרגל די יומדה"ק הרה''ק הרבי ר' אלימלך מליזענסק זי"ע.

▫️ סאטמאר'ע נייעס 🌴 ▫️

דינסטאג פרשת שמיני 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא 'סניף ויואל משה'. פארן דאווענען האט דער רבי תפילין געלייגט פאר די בר מצוה בחורים.
ב''ר זאב זארגער הי''ו.
ב''ר יואל גלאנץ הי''ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ט' פסוק י"ב. און דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז רבינו שליט''א ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי. און אום 6:00 האט דער רבי געדאווענט מנחה אין די ישיבה.

פארנאכטס האט רבינו שליט''א מסדר קידושין געווען ביי די חופה פון די מחותנים ר' הערש פנחס מאשקאוויטש הי''ו (וומסב''ג) - ר' שלמה הערש בר"ד עקשטיין הי''ו באולם קרן ויואל משה.

דערנאך איז דער רבי אריינגעפארן קיין וומסב''ג ווי עס איז פארגעקומען די וועכנטליכע זמני כניסה בקודש פנימה פון 8:15 ביז 12:30 אויפדערנאכט, בביתו נאוה קודש.

בעת די זמני כניסה איז אריין בקודש פנימה הרבני הנגיד מוה"ר זאב הלוי ווערצבערגער הי"ו פון ב"פ ובני משפחתו, וועלכע האבן אפגעקויפט פאר א גרויסן סכום א זכות נכבד אינעם היכל בית חי' שע"י בית מדרשינו הגדול אין ב"פ, רבינו שליט"א האט געחתמ'ט די שטרות מיט'ן נדבן, און האט מאציל געווען מברכתו פארן חשובן נדבן ובני משפחתו.

אזוי אויך איז אריין בקו"פ א דעלעגאציע פון הנהלת מוסד 'בוני עולם' לרגל דאס עפענען א נייעם אפיס אין וומסב"ג, ווי זיי האבן איבערגעגעבן א באריכט פון די פעולות לטובה פאר משפחות חשוכי בנים ה"י, און רבינו שליט''א האט מאציל געווען מברכות קדשו פאר'ן מנהל ר' שלמה באכנער און אלע עסקנים לטובת המוסד.

ארום 11:20 האט רבינו שליט''א געדאווענט מעריב, און דערנאך ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️

מאנטאג פרשת שמיני 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד לר' חיים בערקאוויטש הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא 'סניף דברי יואל'. פארן דאווענען האט דער רבי תפילין געלייגט פארן בר מצוה בחור ב"ר משה יושע ווייס הי''ו. ביים ליינען האט דער רבי עולה געווען שלישי.

נאכן דאווענען האט דער רבי פארגעלערנט דעם טעגליכן תהילים שיעור קאפיטל ט' פסוק ב', און דערנאך איז פארגעקומען א לחיים מיטן בר מצוה בחור בחדרו הפרטי.

אין די פארמיטאג שעה'ן איז רבינו שליט''א געווען אויף די וועכענטליכע באזוך אינעם מצה בעקעריי דקהלתינו הק'.

נאכמיטאג איז דער רבי ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי. און אום 6:15 האט דער רבי געדאווענט מנחה אין ישיבה.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' לוי יצחק פעדער הי''ו - ר' שאול יחזקאל גראס הי''ו, באולם קרן ויואל משה.
ר' פנחס פראנקל הי''ו (וומסב''ג) - ר' שמואל הערש פעלדמאן הי''ו, באולם כינור דוד.
ר' מנחם ישעי' לעווי הי''ו - ר' יואל ישראל מאיר שפילמאן הי''ו, באולם בית רחל פאראדייס.

אויפדערנאכט איז געווען זמני כניסה בקודש פנימה פון 7:45 ביז 11:50.

רבינו שליט''א האט געליינט תנאים אין די תנאים זאל בביתו נאוה קודש, פון די מחותנים ר' יואל צבי פילאפף הי''ו (מאנסי) - ר' יואל ברי''ח ביקעל הי''ו.

רבינו שליט"א האט געדאווענט מעריב ארום 11:50 בביתו נאוה קודש. און נאך מעריב האט זיך געשטעלט צום פארהער ביים רבי'ן הב' משה דוד בן הר''ר מנחם זאב מקובצקי שליט''א (קר"י) ממציוני תלמידי המתיבתא - סניף דברי יואל, אויף טויזענט פינעף הונדערט בלאט גמרא בע"פ.

▫️ סאטמאר'ע נייעס 🌴 ▫️

זונטאג פרשת שמיני 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד לר' גרשון פעלבערבוים הי''ו, ווי דער רבי איז געווען סנדק ומוהל.
לבן הנולד לר' זלמן לייב שפיטצער הי''ו, ווי דער רבי איז געווען סנדק ומוהל.
לבן הנולד לר' יודל גוטמאן הי''ו, ווי דער רבי איז געווען סנדק.

רבינו שליט''א האט געדאווענט שחרית בביהמ''ד הגדול. פארן דאווענען האט רבינו שליט''א תפילין געלייגט פאר די בר מצוה בחורים:
ב"ר יואל פארגעס הי''ו.
ב"ר חיים אברהם גליק הי''ו.
ב"ר יואל בערגער הי''ו
ב"ר יואל (ב"ר מאיר) ווערטהיימער הי''ו.
ב"ר יעקב קליין הי''ו.
ב"ר יואל רובינשטיין הי''ו.
און נאכן דאווענען איז פארגעקומען די מסיבת לחיים מיט די בר מצוה בחורים בהיכל הביהמ''ד.

נאכמיטאג איז רבינו שליט''א ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי. און אום 6:15 האט דער רבי געדאווענט מנחה אין ישיבה.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' יעקב יודא גפן הי''ו - ר' יוסף לייב ברוין הי''ו, באולם כינור דוד.
ר' שמואל זאנוויל כהנא הי''ו - ר' אהרן שמואל פוקס הי''ו, באולם בית רחל פאראדייס.

אויפדערנאכט איז געװען זמני כניסה בקודש פנימה פון 8:00 ביז 11:45.

בעת די זמני כניסה איז פארגעקומען א חתימת שטרות דורך הרה"ח ר' שלום ווייס הי''ו נדבן פונעם בנין מבצר הכוללים בקר''י, ווי דער חשובער נדבן האט געגעבן א סכום אדיר צו קענען איבערבויען די הינטערשטע שטאק פונם בנין ווי עס וועט צוקומען נאך הונדערטער פרישע פלעצער פאר די לומדי הכולל, דער רבי האט בתו''ד ארויסגעברענגט די גרויסע זכיה פונם נדבן, און אז די צוועלף פרישע מורי הוראה בקהלתינו הק' וואס זענען נתמנה געווארן פארגאנגענעם וואך זענען אויסגעשטיגן אדאנק די פירות פונעם מבצר הכוללים, דער רבי האט גע'חתמ'ט די שטרות אינאיינעם מיט'ן נדבן און מאציל געווען מברכות קדשו לטב ולחיין ולשלם.

אויך זענען אריין בקו"פ א קבוצה בחורים פון א ישיבה אין די גרינפיעלד פארק געגנט אין די קעסטקילס, בהנהלת הרה"ג ר' אלימלך מיללער שליט''א,
דער רבי האט זיך נאכגעפרעגט אויף די ישיבה און די לימודים, און זיך מפלפל געווען מיט די בחורים אין די סוגיא וואס זיי לערנען, און דערנאך מאציל געווען מברכות קדשו פאר די בחורים.

רבינו שליט''א האט געליינט תנאים און די תנאים זאל בביתו נאוה קודש, פון די מחותנים ר' יחזקאל בערגער הי''ו - הרה''ג ר' דוד שלמה עקשטיין הי''ו.

רבינו שליט''א האט געדאווענט מעריב 10:50, און דערנאך ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️

שב"ק פרשת צו 'בצל הקודש' פון כ"ק מרן רבינו הגה"ק שליט"א.

פרייטאג צונאכטס ארום 7:40 איז רבינו שליט''א אריינגעקומען אין ביהמ"ד מעוטף בטליתו און צוגעגאנגען צו מנחה. קבלת שבת: הרה"ח ר' יוסף ווייס הי''ו, ביי לכה דודו האט מען געזינגען יעדע שטיקל אן אנדערע ניגון כנהוג.

מען האט געענדיגט דאווענען ארום 9:05. דער עולם אריבער געגאנגען גוט שבת זאגן, און רבינו שליט''א איז אהיים לביתו נאוה קודש.

ארום 11:30 איז רבינו שליט''א אריינגעקומען צום שלחה"ט בהיכל השלחנות און אנגעהויבן כדרכו בקודש 'שלום עליכם' ברגש ובנעימה. הגבהות הכוס לקידוש: הרה''ג ר' חיים נחום גאטליעב שליט''א מו''ץ בקהלתינו.

מיט די זמירות האט רבינו שליט''א מכבד געווען. כל מקדש: הרה''ג ר' חיים נחום גאטליעב שליט''א, מנוחה ושמחה: הרה"ג ר' יוסף שמואל בערקאוויטש שליט''א מו''ץ בקהלתינו.

רבינו שליט''א האט געזאגט תורה אויפן פסוק "זאת תורת העולה" און געטייטשט בדרך דרוש אין די סוגיא פון מין במינו.

קה אכסוף: הרה''ג ר' יואל יצחק שטערן שליט''א, דומ''ץ ביהמ''ד דינוב, ברכהמ"ז: חדב''ן הגה''צ רב דביהמ''ד ברך משה שליט''א.

עובדות וסיפורים די וואך האט רבינו שליט''א דערציילט פון הרה''ק הרבי ר' אלימלך מליזענסק זי"ע, וואס די יארצייט געפאלט דאנערשטאג כ''א אדר. קה רבון עלם: הרה''ח ר' שמחה יוסף הירש הי''ו (ירושלים).

די פרישע חתנים זענען אדורך געגאנגן נעמען פירות, אז ביום השביעי: הרב יושע העשיל שארף שליט''א. מען האט געענדיגט ארום 1:30.

וביום השבת קודש

שב"ק צופרי איז רבינו שליט''א אריינגעקומען 9:20. פסוקי דזמרה: הרה''ח ר' צדוק היילברוין הי''ו, צו שחרית איז רבינו שליט''א צוגעגאנגען.

הוצאה והכנסה: הרה''ח ר' שמעי' קעסלער הי''ו (וומסב''ג), פסוקי שמע ישראל: הרה''ח ר' אליעזר היילברוין הי''ו.

עליות. כהן: הרה''ח ר' אברהם שמחה פריעדמאן הי''ו, לוי: הרה''ח ר' אהרן שלמה אפעל הי''ו (וומסב''ג), שלישי: החתן ב''ר צדוק היילברוין הי''ו - באווארפן, רביעי: החתן ב''ר יעקב קעסלער הי''ו - באווארפן, חמישי: החתן ב''ר מאיר שפיצער הי''ו, שישי: רבינו שליט''א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת אצל ר' ברוך יוסף פריעדמאן הי''ו.
שביעי: בעל שמחה ר' ארי' ברח''י הערשקאוויטש הי''ו - רבינו שליט"א האט געמאכט דעם מי שברך וקריאת השם לרגל הולדת בתו למז"ט, אחרון: בעל שמחה ר' אברהם שאול בערנאטה הי''ו - רבינו שליט"א האט געמאכט די מי שברך וקריאת השם לרגל הולדת בתו למז"ט, מפטיר: הרה''ג ר' יוסף חיים גרינוואלד שליט''א, הגבה: הרה''ח ר' יעקב מאיר דאסקאל הי''ו (וומסב''ג), גלילה: הרה''ח ר' יעקב קעסלער הי''ו.

מוסף: משב''ק הרה''ח ר' שמואל הכהן פריעדמאן הי''ו, פתיחה לאנעים זמירות: הרה"ח ר' שלמה דוד דאסקאל הי''ו. מען האט געענדיגט 12:30.

רעוא דרעווין

צו מנחה ושל"ש איז רבינו שליט''א אריינגעקומען אין ביהמ''ד ארום 7:35. מנחה: הרה''ח ר' שמעון יאזשעף הי''ו (בני ברק), הוצאה והכנסה: הרה"ח ר' מעכיל פעלבערבוים הי"ו (וומסב''ג), כהן: הרה''ח ר' אלימלך דייטש הי''ו, לוי: הרה''ח ר' הלל מנשה מארמארשטיין הי''ו (וומסב''ג), שלישי: הרה''ח ר' אייזיק הערש בערקאוויטש הי''ו (וומסב''ג), הגבה: רבינו שליט"א, גלילה: הרה''ג ר' יחיאל גוטמאן שליט"א (וומסב''ג).

זמירות ביי של"ש האט רבינו שליט"א מכבד געווען. אודה: הרה''ח ר' שלמה הערש בר''מ עקשטיין הי''ו, שיר המעלות: הרה"ח ר' משה גאלדשטיין הי"ו.

ביי די תורה האט זיך רבינו שליט"א געשטעלט אויפן פסוק ''זאת תורת העולה'' און געטייטשט אז אפילו מען האט א התעוררות תשובה דארף מען האבן עקסטערע כוחות ארויסצוגיין פון מעשי היצר און קענען ארויסברענגן מכח אל הפועל, דורך עוסק זיין בתורה באקומט מען די כוחות צו קענען זוכה זיין לתשובה שלימה און צו די גאולה.

ידיד נפש: הרה''ח ר' חיים אלעזר שפיצער הי''ו (וומסב''ג), קל מסתתר: הרה''ח ר' משה שווארץ הי''ו, שושנת יעקב: הרה''ח ר' יעקב מאיר דאסקאל הי''ו - מען האט געזונגען דעם אלטן ניגון פון הרה''ח ר' ליפא לויאש ז''ל. דער רבי שליט''א האט געבענטשט אויפן כוס און געזאגט שבע ברכות.

מעריב מוצ"ש: הרה''ח ר' יואל בר''ש ווערצבערגער הי''ו. נאך הבדלה איז מען אריבערגעגאנגן זאגן א גוטע וואך, מען האט געענדיגט 10:10.


נאך הבדלה איז רבינו שליט''א אריבער אין שטוב פון הרה''ח ר' יואל בערנאטה הי''ו לרגל נישואי בתו למז''ט עב"ג הכלה ב"ר אברהם סופר הי"ו, ווי עס איז פארגעקומען די חתימת שטרות אויף א זכות אדיר וואס ער האט אפגעקויפט אין די מקוה טהרה החדש אין קרית יואל, דער רבי האט גע'חתמ'ט די שטרות מיטן נדבן און דערנאך געטרינקן לחיים און מאציל געווען מברכות קדשו פאר די גאנצע משפחה.

▫️ סאטמאר'ע נייעס 🌴 ▫️

פרייטאג שושן פורים 'בצל הקודש' פון כ''ק רבינו הגה''ק שליט''א

פארן דאווענען איז פארגעקומען דער ברית לבן הנולד לר' יהושע מיטטלמאן הי''ו, ווי דער רבי איז געווען סנדק ומוהל. אים 10:55 האט מען זיך געשטעלט דאווענען. פארן דאווענען האט רבינו שליט''א תפילין געלייגט פאר די בר מצוה בחורים.
ב''ר חיים פריעדלענדער הי''ו.
ב''ר הערשל אילאוויטש הי''ו.

נאכמיטאג 2:25 איז רבינו שליט"א אריינגעקומען צום שולחן הטהור לכבוד היום, מען האט מרבה געווען מיט נגונים שמחה, די ערשטע תורה איז געווען אויפ'ן פסוק 'ובבואו לפני המלך' און געטייטשט אז הקב''ה ברוב רחמיו וחסדיו רעכנט די חטאים אזוי ווי מען רירט עס אן בעולם הזה און נישט ווי און הימל ווי די פגם איז אין לשער.
די צווייטע תורה איז געווען אויף די תקנה פון מתנת לאביונים אלס זכר צום נס וואס איז געשעהן ווען די אידן זענען געווען נישט ראוי און א בחינה פון אביונים.

מען האט זיך אויפגעשטעלט טאנצן אויפן ניגון וחסד ה' מעולם ועד עולם.

הרה''ג ר' יונה גוטמאן שליט''א איז ארויף אויפן טיש גראמען לכבוד די בחורים פון די ישיבות קטנות וואס האבן געברענגט א מתנה חשובה פון 36 שעות רצופות פון יעדע בחור באזונדער וואס זיי האבן געלערנט בין אדר לאדר פון ר''ח, כפקודת הקודש, און א מתנה פון די נייע זמירות ברך משה. דער ראש המנהלים הרה''ג ר' ברוך שלמה וויינבערגער שליט''א האט צוגעברענגט א קונטרס מיט אלע נעמען לזכרון בספר. רבינו שליט''א האט משמיע געווען דב''ק און ארויסגעברענגט קורת רוחו און גערעדט בשבח פון די בחורים וואס האבן געברענגט די מתנה חשובה מאד, און בשבח פון אלע בחורים פון די ישיבות קטנות וגדולות פון קרית יואל אין פון די שטאט וואס האבן געפראוועט דעם יו''ט פורים מיט יראת שמים און אויפגעהויבן דעם קרן התורה וירא''ש מיט איידלקייט.

און געזאגט תורה אויף 'עינם של ישראל נשיאות למקרא מגילה' דורך קריאת המגילה איז מען מהפך פון מות און רעב צו מעות רב, און גערעדט בשבח פון כלל ישראל וואס האבן זיך געלאזט קאסטן מיליאנען דאלארן פאר צדקה און געזאגט אז אפילו אויב מען געט צדקה אויך היינט איז מען נישט עובר אויף בעל תוסיף, און ארויפגעשיקט אלע וואס הייסן יוסף ארויפצוגיין אויפן טיש צוזאם נעמען געלט לטובת קופת רבינו אבני חסד, און דערנאך געזאגט תורה און געוואונטשן אז דורך די ערשטע און לעצטע 'ו' פון די מגילה מאכט מען א צינור אראפצוברענגען די השפעות און מאציל געווען מאוצר הברכות פארן גאנצן ציבור.

דערנאך איז דער פורים רב הרב שלמה לייב וויינבערגער הי''ו און הרב הערשל פרידמאן הי''ו ארויף אויפן טיש משמח זיין לכבוד היום.

מיט אשר הניא האט דער רבי מכבד געווען הרה''ג ר' אהרן מרדכי בריסק שליט''א דומ''ץ טאשנאד מאנסי, שושנת יעקב: הרה''צ ר' יוסף מרדכי וואגשאל שליט''א ראה''כ ורב דביהמ''ד כולל ערב שבת, רבינו שליט''א האט געבענטשט אויפו כוס. מען האט געענדיגט 5:10.

לעשות אותם ימי משתה ושמחה

▫️ סאטמאר'ע נייעס 🌴 ▫️

ימי האורה ושמחה, פורים - שושן פורים, 'בצל הקודש' פון כ''ק מרן רבינו הגה''ק שליט''א

ליל פורים

מיטוואך תענית אסתר 7:20 נאכמיטאג איז רבינו שליט''א אריינגעקומען אין ביהמ''ד הגדול צו תפילת מנחה, בעל תפילה איז געווען הרה''ג ר' יחזקאל געלבשטיין שליט''א.

הוצאה והכנסה: הרה''ח ר' משה שווארץ הי''ו (וומסב''ג), כהן: הרה''ח ר' אברהם שמחה פריעדמאן הי''ו, הרה''ח ר' יושע ווערצבערגער הי''ו, שלישי/מפטיר: רבינו שליט''א, הגבה: הרה''ג ר' דוד פערל שליט''א, גלילה: הרה''ח ר' אליעזר דוד עפשטיין הי''ו.

מעריב: הרה''ח ר' עקיבא וויינשטאק הי''ו, נאך קדיש האט רבינו שליט''א אנגעטוהן א טלית שאילה און איז ארויף אויף די בימה, מען האט אויסגעשפרייט די מגילה כאגרת כנהוג. דער רבי האט געזאגט דעם לשם יחוד און געמאכט די ברכות באש קודש און פארגעליינט די מגילה בהתעוררת רב, מען האט אנגעהויבן ליינען 8:25 מען האט געענדיגט 9:30. נאך מגילה לייענען ביים ארויסגיין האט דער רבי געוואונטשן 'א גוטן פורים'.

11:55 איז רבינו שליט''א אריינגעקומען צום ערושה''ט בהיכל השלחנות, ביים אריינקומען האט מען געטאנצן פארשידענע ניגוני שמחה, נאך די זופ האט זיך דער רבי אויפגעשטעלט טאנצן א לענגערע צייט, מיט אשר הניא האט דער רבי מכבד געווען הרה''ח ר' יצחק עהרענפעלד הי''ו, מיט שושנת יעקב הרה''ח ר' מענדל פרענקל הי''ו.

רבינו שליט''א האט געזאגט תורה אויפן פיוט 'אשר הניא' און געטייטשט אז דורך די זדונות וואס ווערן זכיות קען מען משפיע זיין א מפלה פאר שונאי ישראל אדער קען מען דאס משפיע זיין דורך טוהן עבירות לשמה.

דער פורים ראב''ד הרב נפתלי משה ווייס שליט''א איז ארויף אויפן טיש זאגן דברי בדחנות, מיט ברכהמ''ז האט דער רבי מכבד געווען הרה''ח ר' פנחס אלימלך ווייס הי''ו, מען האט געענדיגט 1:40.

דאנערשטאג יום הפורים

אינדערפרי 10:00 איז רבינו שליט''א אריינגעקומען אין ביהמ''ד, צו שחרית איז צוגעגאנגען הרה''ח ר' עקיבא וויינשטאק הי''ו.

הוצאה והכנסה: הרה''ג ר' מענדל גאלד שליט''א אב''ד לובלין, בעל קורא: משב''ק הרה''ח ר' יושע מענדלאוויטש הי''ו, כהן: הר''ר עמרם כהן הי''ו, לוי: הרה''ח ר' יושע ווערצבערגער הי''ו, שלישי: רבינו שליט''א, הגבה: הרב אברהם דוד וואגשאל שליט''א, גלילה: הרב יחיאל אלתר טויב שליט''א.

נאך אשרי ובא לציון איז רבינו שליט''א אריין בחדרו הפרטי און אנגעטוהן רבינו תם תפילין, אים 11:10 איז דער רבי אריינגעקומען אין ביהמ''ד און איז ארויף אויף די בימה און געזאגט דעם לשם יחוד און דאן מקיים געווען מנהג מחצית השקל כנהוג, און דערנאך געזאגט די לשם יחוד און די ברכות פון קריאת המגילה און פארגעליינט באש קודש, מען האט געענדיגט דאווענען 12:30.

אויפ'ן וועג ארויס נאכן דאווענען האט רבינו שליט''א באגעגנט מיט הרה''ח ר' פישל פארקאש הי''ו וועלכע איז צוריקגעקומען פון זיין באזוך אין רומעניע להצלת יהדות אוקריינא ווי ער האט איבערגעגעבן א דעטאלירטע באריכט פארן רבי'ן און דער רבי האט אים אנגעווינטשן און ארויסגעוויזן א שטארקע קורת רוח.

בביתו נאוה קודש האט רבינו שליט''א מקיים געווען די מצוות היום משלוח מנות ומתנות לאביונים, און דאן טועם געווען מאכלי פורים 'נאנט און קינדל', און זיך געוואשן צו די ערשטע סעודה.

נאכמיטאג פון 4:00 האט רבינו שליט''א אויפגענומען דעם ציבור לברך ולהתברך ביום הפורים, צווישן אנדערע איז אריבער הרה''ג ר' אברהם יעקב יאקאב שליט''א דער רבי האט אפגעשטעלט פאר אפאר מינוט און אויסגעפרעגט א באריכט פון זיין באזוך די לעצטערע טעג אין אייראפע להצלת יהדות אוקריינא, אום 6:45 האט מען געדאווענט מנחה, בעל תפילה: הר''ר יואל וויינבערגער הי''ו.
7:10 איז רבינו שליט''א אריינגעקומען בביהמ''ד הגדול צום ערשה''ט משתה היין, ביים אריינגעקומען האט מען געזינגען און געטאנצן, דער רבי האט זיך געוואשן און נאך די כזית געזאגט דעם לשם יחוד און געמאכט א בורא פרי הגפן און געטרינקן לכבוד היום נאך די פיש און נאך די זופ האט דער רבי געמאכט נאכאמאל א לשם יחוד און געטרינקן נאך א כוס.

בשעת די זופ האט מען געזינגען שימני כחותם על לבך, נאכדעם האט דער רבי געוואונקן מ'זאל עס זינגען נאכאמאל און מ'האט דאס געזינגען בבכיות עצומות, און דערנאך האט מען פארגעזונגען כבודו מלא עולם און זיך אויפגעשטעלט טאנצן.

די ערשטע תורה איז געווען אויפ'ן פסוק 'והמן נופל על המיטה' און געטייטשט אז יעקב אבינו איז די נשמה פון כללות ישראל און ער איז מחבר אלע חלקים פון כלל ישראל און דורכדעם האבן די שונאי ישראל א מפלה.
די צווייטע תורה איז געווען אויפ'ן פסוק 'דורש טוב לעמו' דורך די קרי''ש פון מרדכי הצדיק האט ער מהפך געווען דוה צו הוד דורכן מצרף זיין דעם אלופי של עולם.

רבינו שליט''א האט זיך נאכאמאל אויפגעשטעלט טאנצן.

די דריטע תורה איז געווען אויפן פסוק 'ליהודים אותה אורה' און געטייטשט אז דורך תפילין ומילה איז ואתם הדבקים בה' אלוקיכם מען איז דבוק אינעם בוכ''ע און מען קען נישט אפטיילן.
די פערטע תורה איז געווען אויפ'ן פסוק 'ודובר שלום לכל זרעו' און געטייטשט אז די פארמעגן פון א מענטש איז זיינע קינדער שלום איז ר''ת מה שאלתך וינתן לך, מען קען אין דעם טאג זיך אויסבעטן אויף גוטע קינדער נישט אויסגעלאזט קיין איינס.
די פיפטע תורה איז געווען אויפן פסוק 'ובבואו לפני המלך' ווען מען איז פון הימל משפיע א ישועה דארף מען נאך זכותים עס זאל אנקומען ביזן ערד, מחצית השקל וואס איז מאת ככר, אות ק' איז למטה מן השיטה איז משפיע אן קיין מעכב יעדער וועט נהנה זיין.
דער רבי האט זיך אויפגעשטעלט טאנצן 'והריקותי לכם ברכה' מיט א ברען, און געטאנצן א לענגערע צייט.

די זעקסטע תורה 'פורים איז א לשון פון פרו ורבו' עס איז מסוגל פאר שידוכים עס זאל זיין מרבין בשמחה.

רבינו שליט''א האט גערייכערט א ציגאר כנהוג, און געזאגט די זיבעטע תורה 'וכל הרשעה כולה בעשן כעשן תכלה' אלע שאור בבתי ישראל זאל ארויפגיין מיטן רויך, און געגעבן דעם ציגאר פאר הרה''ח ר' שלמה משה קלאגסברוין הי''ו.

די אכטע תורה איז געווען אויפ'ן פסוק 'דורש טוב לעמו' און געטייטשט אז דורך געבן צדקה ביום הפורים ווערט נשפע צוויי מאל דעם שם יב''ק.

מען האט אויפעגעבן די קרויט. דערנאך איז הרה''ח ר' שלמה הערשקאוויטש הי''ו ארויף אויפן טיש און געזאגט חרוזים לכבוד היום און הרה''ח ר' שלום אליעזר דים הי''ו האט אויפגעטרעטן בדברי בדחנות.

מיט אשר הניא האט דער רבי מכבד געווען הגה''צ ר' חיים יוסף ווערצבערגער שליט''א אב''ד הוניאד, שושנת יעקב: הרה''ג ר' מאיר אליעזר פריעדמאן שליט''א, ברכהמ''ז: חדב''ן הגה''צ רב דביהמ''ד אבני צדק שליט''א.

נאך אפאר מינוט איז דער רבי אריינגעקומען צו מעריב, בעל תפילה איז געווען הר''ר הערשל קאהן שליט''א, מען האט נישט געזאגט ברוך ה' לעולם. מען האט געענדיגט 12:30.

▫️ סאטמארע נייעס 🌴 ▫️

דינסטאג פרשת צו 'בצל הקודש' פון כ"ק מרן רבינו הגה"ק שליט"א

רבינו שליט"א האט געדאווענט שחרית בהיכל המתיבתא "סניף ברך משה". פארן דאווענען האט רבינו שליט''א תפילין געלייגט פארן בר מצוה בחור ב"ר אברהם יעקב גאטליעב הי"ו.

נאכן דאווענען האט רבינו שליט''א פארגעלערנט די טעגליכע תהילים שיעור קאפיטל ט' פסוק ה'. און ארומגערעדט הדרכה פאר די בחורים לימי הפורים הבעל''ט. דערנאך איז פארגעקומען א מסיבת לחיים מיטן בר מצוה בחורים בחדרו הפרטי.

נאכמיטאג אים 6:15 האט דער רבי געדאווענט מנחה בביתו נאוה קודש.

אויפדערנאכט איז געווען זמני כניסה בקודש פנימה פון 8:30 ביז 12:15, בביתו נאוה קודש בוומסב''ג.

ביים אהנקומען קיין וויליאמסבורג איז קודם פארגעקומען בקודש פנימה אן אסיפה מיט די אקטיווע עסקנים לטובת פליטי אוקריינא ווי מ'האט אויסגעשמועסט די לעצטע אנטוויקלונגן.
בעת די זמני כניסה איז פארגעקומען די כתיבת האותיות פון די ס"ת וואס ווערט געשריבן דורך מוה"ר יצחק צבי קליין הי''ו און ווערט אריינגעגעבן בבית מדרשינו בנין בראך בוומסב''ג קומענדיגן זונטאג, דער רבי האט אריינגעשריבן די אותיות און געטרינקן לחיים און מאציל געווען מברכות קדשו.

ארום 10:30 האט רבינו שליט''א געדאווענט מעריב בביתו נאוה קודש, און ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️