סאטמארע נייעס

דינסטאג נשא ב' 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף עצי חיים - שיעור ג'. פארן דאווענען האט דער רבי געלייגט תפילין פאר די בר מצוה בחורים.
- בן הרה"ג ר' יואל מייזליש שליט"א רב דביהמ"ד ברך משה סיגוט קר"י, בן הגה"צ אבד''ק מאנטרעאל שליט"א.
- ב"ר יוסף חיים גרובער הי"ו.
- ב"ר יואל בר"ד מיטטעלמאן הי"ו.
- ב"ר אברהם לייב ליכטמאן הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל' פסוק ד'. דערנאך איז פארגעקומען א לחיים מיט די בר מצוה בחורים בהיכל הביהמ"ד.

אין די נאכמיטאג שעות איז דער רבי אריינגעפארן קיין וומסב''ג צו די וועכענטליכע זמני כניסה.

ארום 8:00 האט דער רבי געדאווענט מנחה בביתו נאוה קודש אויף היוז סט.
דערנאך איז געווען זמני כניסה בקו''פ ביז 11:45 אויפדערנאכט בביתו נאוה קודש.

בעת די זמני כניסה זענען אריין בקו''פ הגה"צ דומ"ץ קהלתינו ירושלים שליט"א אינאיינעם מיט עטליכע חברי וועד קרן הבנין פונעם בנין הגדול והמפואר תל תלפיות דקהלתינו הק' ומוסדותי' בעיה"ק ירושלים ת"ו מקבל צו זיין ברכת הקודש לרגל די יציקת הבורות פונעם פראכטפולע מקוה וועלכע וועט פארקומען אין די קומענדיגע וואכן בעז"ה, דערביי האבן דער דיין שליט"א מיט די חברי הוועד פארגעשטעלט פאר רבי'ן די מאסיווע פארשריט פון די בוי ארבעט ווי מען האט שוין געגאסן דעם פערטן שטאק פונעם בנין הגדול, דער רבי האט משיב געווען עטליכע שאלות וואס דער דיין שליט"א האט געפרעגט בנוגע די מקוה און געגעבן הוראות קדשו בהלכה, און מאציל געווען מברכת קדשו פארן דיין שליט"א און פאר די חברי הוועד.

אויך איז אריין בקו''פ הרה"ג ר' ישכר דוב טויב שליט"א אב"ד קאלוב וומסב''ג, בן כ"ק אדמו"ר מקאלוב שליט"א מקבל זיין ברכת הקודש לרגל נשואי בנו למז"ט וועלכע קומט פאר קומענדיגע וואך אין שיכון סקווירא, עב"ג הכלה נכדת כ"ק אדמו"ר מסקווירא שליט"א, עס האט זיך פארמירט א שיינער שמועס און דער רבי האט אים מאציל געווען מברכת קדשו.

דער רבי האט געדאווענט מעריב ארום 9:45 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

מאנטאג נשא ב' 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה גדולה סניף דברי יואל. פארן דאווענען האט דער רבי געלייגט תפילין פאר די בר מצוה בחורים.
- בן הרה"ג ר' לוי יצחק ליכטנשטיין שליט''א מו"ץ בקהלתינו ב''פ.
- ב"ר וואלף שעהר הי"ו.
- ב"ר יואל ב"ר שרגא יצחק גאנדל הי"ו.

ביים ליינען איז דער רבי געגאנגען הגבה. און נאכן דאווענען פארגעלערנט דעם טעגליכן תהילים שיעור אויף קאפיטל ל' פסוק ו'. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות איז אריין בקו''פ בביתו נאוה קודש האדמו"ר מסטאניסלאוו לאנדאן שליט"א נאכן וויילן אויף יו"ט שבועות בצל הקודש, עס האט זיך פארצויגן א שיינער שמועס און דער רבי האט אים מאציל געווען מברכת קדשו.

נאכמיטאג איז דער רבי ארויף אין ישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 6:00 אזייגער האט דער רבי געדאווענט מנחה אין ישיבה.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר אברהם מרדכי זאב שווארטץ שליט"א און הר"ר זלמן לייב פארקאש שליט"א אין די זאלן פון כינור דוד.
- הר"ר שלום גאלדמאן שליט"א און הר"ר משה שמואל רובינפעלד שליט"א אין די זאלן פון בית רחל פאראדייס.
- הרה"ח ר' נחמי' ניימאן הי"ו און הרה"ח ר' אלעזר הורוויץ הי"ו אין די זאלן פון גינת קליין.

זמני כניסה בקו''פ איז געווען פון 8:15 ביז 12:40 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 9:30, נאך מעריב האט דער רבי געמאכט קידוש לבנה און דערנאך ווייטער ממשיך געווען אויפנעמען דעם ציבור.

בעת די זמני כניסה איז פארגעקומען א חתימת שטרות ווי הרה"ח ר' צבי עקיבה ברייטשטיין הי"ו יו"ר הנהלת קהלתינו הק' ומוסדותי' בעיר בית שמש יצ"ו, האט אפגעקויפט א זכות פון א שער בביהמ"ד הגדול אין קרית יואל, עס האט זיך פארצויגן א שיינער שמועס איבער דעם געהויבענעם יו"ט שבועות וועלכע איז אריבער בצל הקודש אין קרית יואל, דער רבי האט אינטערגעשריבן די שטרות אינאיינעם מיטן נדבן און ווארעם אנגעוואונטשן פאר הרה"ח ר' צבי עקיבה הי"ו און פאר הרה"ח ר' דוד עקשטיין הי"ו מראה"ק.

ארום 10:30 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים הרה"ח ר' יוסף מענדל פרידריך הי"ו און הרה"ח ר' אברהם שפילמאן הי"ו.

ארום 11:15 איז דער רבי אריבער אין די זאלן פון גני קליין צו די שמחת הבר מצוה פון נכד גיסו הגה"צ אבד''ק מאנטרעאל שליט"א, הב' חיים ני"ו בן לבנו הרה"ג ר' יואל מייזליש שליט"א רב דביהמ"ד ברך משה סיגוט בשכונת ויואל משה חתן האדמו"ר מסוליצא שליט"א, עס האט זיך פארצויגן א שיינער שמועס, דער רבי האט געטרינקן לחיים און אנגעוואונטשן פארן בר מצוה בחור און פאר די זיידעס הרבנים שליט"א, אויפן וועג ארויס האט דער רבי אנגעוואונטשן פאר אחותו הרבנית מ'מאנטרעאל שליט"א.
דער רבי האט פארלאזט דעם זאל ארום 11:35 און צוריקגעגאנגען לביתו נאוה קודש און ממשיך געווען מיט די זמני כניסה.

נאך די זמני כניסה ארום 12:45 האט דער רבי מקיים געווען מצות שילוח הקן בחצר ביתו נאוה קודש אויף צאנז קט. בהשתדלות הב' הערשל ב"ר יואל גאלדמאן ני"ו, דער רבי האט געזאגט דעם לשם יחוד און מקיים געווען די מצוה, און געמאכט א שליח הבה"ח המשב"ק שניאור זלמן עקשטיין ני"ו אראפצונעמען די אייער פונעם בוים, און דערנאך אנגעוואונטשן ברכת קדשו פארן אנוועזנדן ציבור.

▫️ סאטמארע נייעס 🌴 ▫️

זונטאג נשא ב' 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' יוסף גוטמאן הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר אברהם אלי' פרידריך הי"ו.
- ב"ר יוסף סאפדי הי"ו.
- ב"ר חיים דייטש הי"ו.
- ב"ר מרדכי יודא לאנדא הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי. ביים לחיים איז אנוועזנד געווען הגה"צ ר' יצחק יחיאל מיכל מאסקאוויטש שליט"א אדמו"ר משאץ מאנסי חתן האדמו"ר מוויזניץ מאנסי זצ"ל, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

נאך שחרית איז דער רבי אריבער אין שטוב פון נכדו הרה"ג ר' משה מייזליש שליט"א בן הגה"צ אבד"ק לימנוב שליט"א וחתן חדב"ן הגה"צ רב דביהמ"ד אבני צדק שליט"א צו די חאלאקע פון בנו הילד צבי ני"ו, דער רבי האט אפגעשניטן עטליכע האר און אנגעטוהן די קאפל און ציצית, און מאציל געווען מברכת קדשו.
דערנאך האט זיך דער רבי געוואשן צו פת שחרית, עס האט זיך פארצויגן א שיינער שמועסן איבער פארשידענע מנהגי שבועות און מען האט געזינגען ניגוני שמחה, מיטן בענטשן האט דער רבי מכבד געווען הגה"צ אבד"ק לימנוב שליט"א.

נאכמיטאג ארום 6:00 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יעקב מאיר ווייס הי"ו און הרה"ח ר' ברוך העלד הי"ו אין די זאלן פון גינת קליין.
- הרה"ח ר' אברהם שמואל שווארטץ הי"ו און הרה"ח ר' יואל בר"וו פארקאש הי"ו אין די זאלן פון כינור דוד.

זמני כניסה בקו''פ איז געווען פון 7:40 ביז 12:30 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 9:50 און דערנאך ווייטער ממשיך געווען אויפנעמען דעם ציבור.

ארום 10:20 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' יואל ברי"ד לאנדא הי"ו און הרה"ח ר' אשר יעקב עקשטיין הי"ו.
- הרה"ח ר' פנחס יצחק שמאיע הי"ו און הרה"ח ר' יואל ברי"י קאהן הי"ו.

בעת די זמני כניסה איז אריין בקו''פ האדמו"ר מזידיטשוב פרעמיסלא שליט"א אינאיינעם מיט בתו הכלה מקבל זיין ברכת הקודש לרגל נשואי בתו למז"ט, עס האט זיך פארצויגן א שיינער שמועס און דער רבי האט אים מאציל געווען מברכת קדשו.

▫️ סאטמארע נייעס 🌴 ▫️

שב''ק יום שני של שבועות 'בצל הקודש' פון כ''ק רבינו הגה''ק שליט''א

אינדערפרי אום 8:45 איז רבינו שליט''א אנגעקומען אין ביהמ"ד הגדול זיך משתתף זיין ביים מעמד הנשגב 'נעשה ונשמע' לימוד התורה ברבים, דער רבי איז ארומגעגאנגן אין אלע סניפים פון ביהמ"ד אהנגעהויבן אינעם גיגאנטישן היכל בית המדרש, גאלעריען, און אינעם היכל התורה, און זיך אומגעקוקט א לענגערע צייט ברוב קורת רוח אויף די טויזענטער לומדים זקנים עם נערים, ומה נהדר היה המראה ווי דער רבן של ישראל גייט ארום צווישן די אלפי לומדי תורה אין א בחינה פון וירד משה מן ההר אל העם.

דערנאך איז דער רבי אריין אין חדר דוד ווי עס קומט פאר די חברת תהילים דורך די תשב"ר און דער רבי האט זיך אומגעקוקט פאר א שטיק צייט.
דערנאך איז דער רבי אריין לחדרו הפרטי ווי דער רבי האט עוסק געווען בלימודו ביזן דאווענען.

דער רבי איז אריינגעקומען צום דאווענען ארום 11:15.
- אמירת הברכות: הרה''צ ר' יצחק צבי ווייס שליט"א מאיהעל ב"פ.
- פסוקי דזמרה: הרה"ג ר' זלמן לייב מייזליש שליט"א מו''ץ בקהלתינו ב"פ.
- צו תפילת שחרית האט דער רבי צוגעשיקט בנו הגה"צ אבד''ק וומסב''ג שליט"א, און צו אהבה רבה איז דער רבי צוגעגאנגען צום עמוד און אנגעהויבן דעם אהבה רבה ניגון און דערנאך אויסגעלאזט בהתעוררות גדול ביז ולאהבה את שמך, און שפעטער צוגעגאנגען צו הלל.

נאכן שיר של יום האט מען געזאגט מגילת רות, און דער רבי האט געזאגט קדיש לע"נ די משפחה פון אביו רביה"ק בעל ברך משה זיע''א הי"ד.

פארן ליינען איז פארגעקומען די הכנסת ספר תורה אריינגעגעבן געווארן דורך משפחת הרה"ח ר' חיים שמואל שפילמאן ע"ה, דער רבי האט איבערגענומען די ספר תורה און אפגעראכטן די ריקודי קודש אויף צד מזרח און דערנאך פארגעזאגט לדוד מזמור כנהוג.

- הוצאה והכנסה: הרה"ג ר' ארי' אשר אינדיג שליט"א דומ"ץ ביהמ"ד מהרש"א, און הרה"ג ר' יוסף משה שטויבער שליט"א, מו"ץ.
- - פסוקי שמע ישראל: הרה"ג ר' אברהם מאיר האלבערשטאם שליט"א דומ"ץ בית מדרשינו 18'טע עוו. ב"פ.
- הולכת הס"ת לבימה: הר"ר לייבל טויבער שליט"א (מאנטשעסטער), און הרה"ח ר' מאיר שטערן הי"ו (וומסב''ג).

עליות.
- כהן: החתן ב"ר יואל גברא הי"ו.
- לוי: החתן נחמן ב"ר יואל ברמ"ב לאנדא הי"ו - באווארפען.
- שלישי: החתן שרגא פייוול ב"ר עמרם טירנויער הי"ו - באווארפען.
- רביעי: החתן מענדל גרשון ב"ר יואל בר"א סימאן הי"ו - באווארפען.
- חמישי: החתן יעקב ב"ר נחמי' ניימאן הי"ו - באווארפען.
- שישי: רבינו שליט"א.
- שביעי: החתן משה בהר"ר יואל הערש ליכטנשטיין שליט"א - באווארפען.
- אחרון: החתן מענדל ב"ר יושע פנחס שעהנפעלד הי"ו - באווארפען.
- הגבה ספר ראשון: הרה"ח ר' יואל עפשטיין הי"ו.
- גלילה: החתן יוסף ב"ר זלמן ווידער הי"ו.
- מפטיר: החתן משה ב"ר שלום גאלדמאן הי"ו - באווארפען.
- הגבה: הרה"ח ר' יקותיאל דוד אהרן ווייס הי"ו (וומסב''ג).
- גלילה: הרה"ח ר' ברוך ליפא לעווי הי"ו.
נאכן ליינען האט מען געזאגט יזכור.

- מוסף: הגה"צ רב דביהמ"ד ישראל שלום שליט"א.
- פתיחה צו אנעים זמירות: הרה"ח ר' אברהם גאטעסמאן הי"ו (לאנדאן).
מען האט געענדיגט ארום 3:30.


ביים מיטאג טיש בביתו נאוה קודש האט דער רבי מכבד געווען מיט אהבה רבה הב' משה בן הרה"ג ר' זלמן לייב מייזליש שליט"א.
דער רבי האט געזאגט תורה אויפן פסוק 'אלה הדברים אשר תדבר אל בני ישראל' און געטייטשט אז יעדע איד איז מרומז אין א אות אין די ספר תורה, און אזוי ווי מען ווייסט אז אין מוקדם ומאוחר בתורה און אלע אותיות זענען די זעלבע חשוב, אזוי אויך זענען אלע אידן די זעלבע חשוב ביים רבש"ע.
מיט ברכהמ''ז האט דער רבי מכבד געווען נכדו הבה"ח חיים הערש רוקח ני"ו בן חדב"ן הגה"צ רב דביהמ"ד בית חיים יעקב שליט"א.

פארנאכטס ארום 8:45 איז רבינו שליט''א אריינגעקומען אין ביהמ''ד צו מנחה של''ס ונעילת החג.
- בעל תפילה: הרה"ח ר' יואל בר"ע הירש הי"ו.
- פתיחה: הרה"ח ר' מרדכי געלבער הי"ו (ירושלים).
- כהן: הרה"ח ר' יצחק זאב פילאפף הי"ו (וומסב''ג).
- לוי: הרה"ח ר' משה ישעי' ווערצבערגער הי"ו (מאנטרעאל).
- שלישי: הרה"ח ר' שלום יצחק יאקאבאוויטש הי"ו (וומסב''ג).
- הגבה: רבינו שליט''א.
- גלילה: הרה"ח ר' צבי עקיבא ברייטשטיין הי"ו


ביי של''ס האט הרה"ח ר' שלמה ווערצבערגער, משמש דקהלתינו הק' בוומסב''ג האט אנגעגאסן פארן רבי'ן דעם כוס, דער רבי האט געוואונטשן לחיים פאר די חברא קדישא, און פארן גאנצן ציבור.

זמירות ביי של''ס האט דער רבי מכבד געווען.
- אודה: הרה"ג ר' אברהם וואלף שנעבאלג שליט"א דומ"ץ ביהמ"ד אור ישראל אלימלך דקהלתינו וומסב''ג.
- שיר המעלות: הרה"ג ר' ישראל שלמה ליכטנשטיין שליט"א דומ"ץ ביהמ"ד דברי יואל דקהלתינו ב"פ.
- ידיד נפש: הגה"צ רבי מאיר צוויבל שליט"א מרבני קהלתינו הק' וומסב''ג.
- קל מסתתר: הרה"ג ר' נפתלי הירצקא צוויבל שליט"א ראה"כ וומסב''ג.

מען האט ממשיך געווען בשירה וזמרה ניגוני יו"ט שבועות און ניגוני מתיקות התורה, און דער רבי האט זיך אויפגעשטעלט טאנצן באש קודש א שטיק צייט.
דער רבי האט געבענטשט אויפן כוס און געזאגט די שבע ברכות פאר עטליכע חתנים.

דער רבי געליינט די כתובה שבין ישראל לאביהם שבשמים, און מען האט געזינגען ובאו כולם און עליונים ששו.
מען האט ממשיך געווען מיט ניגוני יו''ט, מיט אהבה רבה האט דער רבי מכבד געווען הרב חיים בן הרה"ג רבי אברהם מאיר האלבערשטאם שליט''א.

דער רבי האט משמיע געווען דב''ק אויפן פסוק 'ויחן שם ישראל נגד ההר ' און געטייטשט אז יעדע איד האט ביי קבלת התורה געהערט דעם קול ה' אחת דיבור אלוקים שתים זו שמעתי, אבער יעדער אויף א אנדערע בחינה, דעמאלטס איז עס געווען פאר יעדן אין די בחינה פון די בני עליה און יעדער איז געווען גרייט אויף מסירת נפש אויף קיום כל התורה כולה, אזוי אויך ברכת השי''ת איז א הרב כללית און ליגט אויך ברכה פרטיות פאר יעדן די מחסורו אשר יחסר לו, און מסיים געווען מיט א מעשה פון הרה''ק הבני יששכר זיע''א וועלכע האט אנגעוואונטשן כל מילי דמטיב פאר א איד.

מען האט ממשיך געווען מיט עטליכע ניגונים און דער רבי האט זיך נאכאמאל אויפגעשטעלט טאנצן בהתלהבות אש, און ביים ענדיגן האט דער רבי פארגעזאגט דריי מאל לשנה הבאה בירושלים.

- מעריב: הרה"ח ר' שלמה משה קלאגסברוין הי"ו.
נאך מעריב האט דער רבי געמאכט הבדלה.

ויו"ט היה עושה בצאתו בשלום מן הקודש

נאך הבדלה איז דער רבי ערשינען אויפן בימת הכבוד פארנט פון ביהמ"ד הגדול במעמד אלפי אנשי שלומינו אנשים נשים וטף.
מען האט געזינגען עטליכע ניגונים, נאך עטליכע מינוט האט דער רבי משמיע געווען די 'ברכת הקודש' אויפן פסוק 'כה תאמר לבית יעקב ותגד לבני ישראל' יעדע איד דארף וויסן אז ער איז א קינד פון יעקב אבינו און דאס דארף אים שוין אליינס מחייב זיין זיך אויפצופירן ווי עס פאסט פאר א קינד פון יעקב אבינו בכל ענינים, און מסיים געווען מיט ברכות לרוב פאר הקטנים עם הגדולים בכל מילי דמיטב.
מען האט געענדיגט ארום 11:50.

ויו''ט היה עושים ווען אלפי ישראל זענען פארבליבן אויף די גאס בחצר ביהמ"ד הגדול א לענגערע צייט, טאנצן פייערליך אין צענדליגער רינגען פון חסידים ואנשי מעשה, ברוב שבח והודאה להשי"ת אויף די געהויבענע זמנים וואס מ'האט זוכה געווען.

מוצאי יו"ט זענען אריין זיך געזעגענען בביתו נאוה קודש בחורי אנ''ש פון מאנטרעאל וועלכע האבן געוויילט אויף יו''ט בצל הקודש, דער רבי האט זיי אויסגעפרעגט איבער די לימודים און מאציל געווען מברכות קדשו.

אויך איז פארגעקומען די שמחת החאלאקע פון נכד רבינו הילד אלעזר רוקח ני"ו בן הרב אברהם יושע העשיל רוקח שליט"א חתן הגה"צ רב דביהמ"ד ישראל שלום שליט"א, דער רבי האט אפגעשניטן עטליכע האר און אנגעטוהן די קאפל און ציצית און מאציל געווען מברכת קדשו.

דער אויבערשטער זאל העלפן מען זאל קענען ממשיך זיין די קדושה און השפעה פונעם יו''ט אויף א גאנץ יאר, און געבן כח און געזונט פאר כ''ק רבינו הגה''ק שליט''א משפיע זיין אויף אונז נאך לאנגע געזונטע יארן און אונז פירן קעגן משיח צדקינו במהרה בימינו

▫️ סאטמארע נייעס 🌴 ▫️

ליל א' דשבועות 'בצל הקודש' פון כ''ק רבינו הגה''ק שליט''א

ערב יו"ט האט דער רבי געמאכט דעם עירוב תבשילין און מזכה געווען דעם פת דורך הב' המשב"ק פאר אלע תושבי העיר, און דערנאך אנגעצינדן א יזכור לעכט.

פארנאכטס ארום 8:50 איז רבינו שליט''א אריינגעקומען אין ביהמ"ד הגדול מעוטף בטליתו און צוגעגאנגען צו מנחה מיט גרויס התעוררות. מערבית: הרה''ג ר' דוד שלמה לאוב שליט"א (מאנסי).
מען האט געענדיגט דאווענען ארום 9:55. דער ציבור איז אריבער זאגן גוט יום טוב און ברכת השלום גאר א לאנגע צייט, און דער רבי איז אהיים לביתו נאוה קודש.

בביתו נאוה קודש האט דער רבי עוסק געווען בתיקון הלילה ביז צום טיש, און געזאגט דעם תיקון ליל שבועות חלקי התורה.

ארום 1:50 איז רבינו שליט''א אריינגעקומען צום שלחן הטהור בהיכלי ביהמ"ד הגדול. הגבהת הכוס: הגה''צ אבד''ק וומסב''ג שליט"א.

במשך דעם טיש האט מען מאריך געווען מיט ניגוני יו''ט נגוני מתיקות ועריבות התורה.
מיטן די זמירות האט רבינו שליט''א מכבד געווען.
- פיוט מערבית: הגה''צ ר' העניך מרדכי מייזליש שליט''א רב דביהמ''ד טאלטשאווא קר''י.
- אהבה רבה: הגה''צ ר' קלמן האלבערשטאם שליט"א רב דביהמ"ד צאנז קר''י.
דערנאך האט מען געזינגען והאר עינינו פאר א לענגערע צייט מיט גרויס התעורורות.

רבינו שליט''א האט געזאגט תורה אויפן מדרש 'בשעה שנתן הקב"ה תורה לישראל נתקנאו בהם אומה"ע' און געטייטשט אז ווען אידן זענען ארויס פון מצרים איז פון זיי ארויסגענומען געווארן די טומאת מצרים און אזוי האט מען געקענט מקבל זיין די תורה און שפירן א עריבות ומתיקות לימוד התורה, יעדעס יאר בשעת קבלת התורה ווערט מען נזדכך מען זאל קענען טועם זיין די מתיקות התורה.

ברכת המזון: הגה"צ אבד''ק וומסב''ג שליט"א. מען האט געענדיגט ארום 3:35, און דער רבי איז אהיים לביתו נאוה קודש ווי דער רבי איז געגאנגען אין מקוה עטליכע מינוט פארן עלות.

יום ראשון של שבועות

ארום 10:45 איז דער רבי אנגעקומען אין ביהמ"ד הגדול און עס איז פארגעקומען די הכנסת ספר תורה אריינגעגעבן געווארן דורך הרה"ח ר' אלי' ב"ר יודל שטיינמעטץ הי"ו, דער רבי האט איבערגענומען די ספר תורה און אפגעראכטן די ריקודי קודש אויף צד מזרח און דערנאך פארגעזאגט לדוד מזמור כנהוג.

- ברכות: האדמו"ר מסטאניסלוב לאנדאן שליט"א.
- פסוקי דזמרה: הגה''צ דומ''ץ דקהלתינו ירושלים שליט''א.
דער רבי איז צוגעגאנגען צו שחרית יוצר והלל, ביי אהבה רבה האט מען געזינגען דעם ניגון המקובל פון הרה"ק רבי ר' הערש מרימנוב זיע''א מיט גרויס התעוררות ובבכיות.

- הוצאה והכנסה: הרה"ג ר' שאול יחזקאל שווארטץ שליט"א דומ"ץ ביהמ"ד לב אהרן דקהלתינו הק' ב"פ, און הגה"צ ר' יואל האלבערשטאם שליט"א רב דביהמ"ד בית שמואל בשכונת דברי חיים קר"י.
- פסוקי שמע ישראל: הגה''צ ר' שמחה שלום שטיינבערגער שליט"א רב דביהמ"ד דברי חיים.

דער רבי איז ארויף אויף די בימה מען האט אויסגערופן דעם כהן הרה''צ ר' בערל גלאנץ שליט''א מבארדיוב קר''י, און דער רבי האט פארגעזאגט דעם אקדמות בקול חוצב להבות אש ברגש קודש ובגעגועין, און דאן געליינט די קריאה בהתעוררות רב.

עליות.
- לוי: הגה"צ אבד''ק מאנסי שליט"א.
- שלישי: הגה"צ אבד''ק וומסב''ג שליט"א.
- רביעי: הגאון הגדול הדומ"ץ שליט"א.
- חמישי: רבינו שליט"א.

נאכ'ן עולה זיין האט דער רבי קורא שם געווען לרגל הולדת הבת אצל:
- ר' משה ישעי' ברא"ש פוקס הי"ו.
- ר' בעריש ברא"מ ווערטהיימער הי"ו.
- ר' יעקב ברש"ז ווייס הי"ו.
- ר' שמואל ברח"י גוטמאן הי"ו.
- ר' ירוחם ברא"י יאקאב הי"ו.
- ר' אברהם בר"י וויינגארטן הי"ו.
- ר' מנחם ברפ"מ קליין הי"ו.
- ר' בערל בר"י האלפערט הי"ו.
- ר' יוסף הערש ברש"י מערץ הי"ו (וומסב''ג).
- ר' יוסף בנציון העללער הי"ו (וומסב''ג).
- ר' מנחם בר"ב גליק הי"ו (וומסב''ג).
- ר' יואל ב"ר יצחק ברא"ש שווארטץ הי"ו (וומסב''ג).

- הגבה ספר ראשון: הרה"ח ר' אהרן וועלץ הי"ו (ב"פ).
- גלילה: הרה"ח ר' שמואל זאנוויל ווערטהיימער הי"ו (מאנסי).
- מפטיר: הרה"ח ר' חיים לעווי הי"ו (וויען).
- הגבה: הרה"ח ר' שלמה זלמן פעדער הי"ו (וומסב''ג).
- גלילה: הרה"ח ר' יצחק שיף הי"ו (מאנסי).

- מוסף: הגאון הגדול הדומ"ץ שליט"א.
- פתיחה צו אנעים זמירות: הרה"ח ר' יואל יודא רובינפעלד הי"ו (וומסב''ג)
מען האט געענדיגט ארום 3:20, און דער רבי איז אריין לחדרו הפרטי.

נאך עטליכע מינוט איז דער רבי אריינגעקומען אין ביהמ"ד צום קרעפל טיש, דער רבי האט קידוש געמאכט און טועם געווען מזונות און פיש, און פון די טייג פון די מילכיגע קרעפלעך, און געטרינקען א קאווע.
מען האט געזינגען ניגוני יו"ט און דער רבי האט משמיע געווען דעם 'קרעפל פשעטל' בריתחא דאורייתא ובשמחת התורה א לענגערע פלפול אין די סוגיא פון עשה דוחה לא תעשה ועשה.
דערנאך האט דער רבי געליינט די תנאים שבין ישראל לאביהם שבשמים און מען האט געזינגען ובאו כולם און עליונים ששו. מען האט געענדיגט ארום 4:00.

ביים מיטאג טיש בביתו נאוה קודש האט דער רבי מכבד געווען מיט אהבה רבה הב' לייבוש בן הרה''ג ר' אהרן מייזליש שליט"א בן הגה"צ אבד''ק מאנטרעאל שליט"א.
דער רבי האט געזאגט תורה אויף די רש"י 'בלשון הזה וכסדר הזה' און געטייטשט אז יעדע מצוה און עבירה פון א איד ווערט איבערגעשריבן אויפן מקום המקדש, און בשעת מתן תורה האט עס כלל ישראל געזען מיט די אייגענע אויגן.
ברכת המזון: נכד רבינו הרב דוד טייטלבוים שליט"א (ב"פ) בן הגה"צ רב דביהמ"ד ישראל שלום שליט"א.

פארן זמן הדלקה"נ איז דער רבי געגאנגען אין מקוה לכבוד שב"ק.

דער רבי האט אנגעטוהן דעם שטריימל פאר די חתנים.
- החתן נחמן ב"ר יואל ברמ"ב לאנדא הי"ו.
- החתן מענדל גרשון ב"ר יואל בר"א סימאן הי"ו.
- החתן משה בן הר"ר יואל הערש ליכטענשטיין שליט"א.


דער רבי איז אריינגעקומען צו תפילת מנחה ארום 8:55.
- בעל תפילה: הרה"ג ר' יואל שווארטץ שליט"א דומ"ץ ביהמ"ד בנין געלבשטיין דקהלתינו וומסב''ג.
- קבלת שבת ומערבית: הר"ר אלעזר מענדל פילאפף שליט"א (וומסב''ג).
מען האט געענדיגט דאווענען ארום 10:10, דער ציבור איז אריבער זאגן גוט שבת גוט יו''ט, און דער רבי איז אהיים לביתו נאוה קודש.

ארום 12:55 איז רבינו שליט''א אריינגעקומען צום שלחן הטהור אין היכל השלחנות, און אנגעהויבן כדרכו בקודש שלום עליכם ברגש ובנעימה ביז מלך תמים דרכו.
- אשת חיל: נכד רבינו הרב דוד טייטלבוים שליט"א.
- הגבהת הכוס: נכד רבינו הר"ר ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א.

במשך דעם טיש האט מען געזינגען ניגוני יו"ט שבועות.
מיט די זמירות האט דער רבי מכבד געווען.
- כל מקדש: האדמו"ר מסטאניסלאוו לאנדאן שליט"א.
- מנוחה ושמחה: הרב ר' אליעזר גאלדמאן שליט"א מזוועהיל ירושלים.

דער רבי האט געזאגט תורה אויפן פסוק 'ויחן שם ישראל נגד ההר' און געטייטשט בדרך דרוש אין די סוגיא פון ארץ ישראל מוחזקת לנו מאבותינו.

- קה אכסוף: הרה"ג ר' מאיר מרגליות שליט"א (מאנסי).
- ברכת המזון: הר"ר הערשל כהנא שליט"א (ב"פ).
די פרישע חתנים זענען אריבער נעמען פירות. און עס איז פארגעקומען די שלום זכר ביי:
- ר' משה ארי' פריעדמאן הי"ו.
- ר' יואל כאירה הי"ו.

- אז ביום השביעי: הרה"ח ר' צבי עקיבא ברייטשטיין הי"ו (בית שמש).
מען האט געענדיגט ארום 2:30.

▫️ סאטמארע נייעס 🌴 ▫️

דאנערשטאג נשא א' - ערב שבועות 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' וואלף ברא"י בערגער הי"ו ווי דער רבי איז געווען סנדק ומוהל.
- לבן הנולד אצל ר' ישראל זאב האלפערט הי"ו ווי דער רבי איז געווען סנדק ומוהל.
- לבן הנולד אצל ר' מרדכי אלי' מאסרי הי"ו ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר חיים בעריש שפילמאן הי"ו.
- ב"ר יואל אליעזר בלוישטיין הי"ו.
ביים ליינען האט דער רבי עולה געווען שלישי. נאכן ליינען האבן גומל געבענטשט פילע אויסלענדישע געסט וועלכע זענען געקומען אויף שבועות בצל הקודש.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמארע נייעס 🌴 ▫️

מיטוואך נשא א' 'בצל הקודש' פון כ''ק רבינו הגה''ק שליט''א

אינדערפרי איז פארגעקומען א ברית לבן הנולד אצל ר' נפתלי גראסבערג הי"ו ווי דער רבי איז געווען סנדק ומוהל.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר עמרם טירנויער הי"ו.
- ב"ר עזריאל מאיר קאהן הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל' פסוק א'. דערנאך איז פארגעקומען א לחיים מיט די בר מצוה בחורים בחדרו הפרטי.

אין די פארמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.

ארום 6:15 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים הרה"ח ר' זלמן ווידער הי"ו און הרה"ח ר' אשר שמואל כ"ץ הי"ו אין די זאלן פון בית רחל פאראדייס.

זמני כניסה בקו''פ איז געווען פון 8:30 ביז 12:00 אויפדערנאכט בביתו נאוה קודש אויף איהעל קט.

דער רבי האט געדאווענט מעריב ארום 11:00 און געציילט ספירה פארן עמוד, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג נשא א' 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ישיבה קטנה סניף רב טוב בהנהלת הרה"ג ר' וואלף לאנדא שליט"א. ביים אנקומען איז דער רבי אריין אין ביהמ"ד און זיך אומגעקוקט אויף די לימודים.
פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ב"ר יצחק טייטלבוים הי"ו.
- ב"ר יוסף מענדל פרידריך הי"ו.
דער רבי האט געצינדן לעכט און צוגעגאנגען צום עמוד לרגל די יארצייט פון זקינו הגה"ק רבי אהרן ט"ב זצ"ל אבד"ק וואלאווע, וואס דער היכל הביהמ"ד פון די ישיבה איז נתנדב געווארן דורך רביה"ק בעל ברך משה זיע''א לע"נ חותנו בעל הילולא זצ"ל.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק הכנה צום יו"ט שבועות, און מסיים געווען בברכת קדשו.
דערנאך איז דער רבי אראפ אויפן אינטערשטן שטאק ווי עס איז פלאצירט א סניף פון מוסד הק' שערי חמלה, דער רבי האט זיך אומגעקוקט אויף די קינדער מיט גרויס התרגשות און אנגעוואונטשן ברכת קדשו.

פון דארט ארום 12:20 איז דער רבי אריבער בבית מדרשינו החדש 'עטרת זקנים' אויף פארעסט צום מעמד יציקת הבורות פאר די מקוה פונעם ביהמ"ד, דער רבי איז אריין בהיכל הביהמ"ד און זיך אומגעקוקט אויף די בוי ארבעט און דערביי געהערט א באריכט פונעם בוי מייסטער הרה"ח ר' בנציון קליין הי"ו.
דערנאך איז פארגעקומען א מסיבת לחיים, עס האט זיך פארמירט א שיינע שמועס מיט הגאון הגדול הדומ"ץ שליט"א, מען האט געזינגען ניגוני שמחה, דער רבי האט געטרינקן לחיים און אנגעוואונטשן פארן דיין שליט"א, פאר בנו הרה"ג ר' ליפא בערקאוויטש שליט"א מו"ץ בקהלתינו, פאר הרה"ח ר' שמעון משה קעפעטש הי"ו מגדולי נדבני הביהמ''ד, און פארן גאנצן ציבור.
דערנאך איז דער רבי אריבער צו די מקוה און דער רבי האט געגאסן די מקוה, און מכבד געווען דעם דיין שליט"א און די נדבני הביהמ''ד צו גיסן די מקוה. מען האט געענדיגט ארום 12:45.

דערנאך איז דער רבי אריבער אין שטוב פון נכדו הרה"ג ר' חיים יעקב רוקח שליט"א רב דביהמ"ד קול אליהו חתן חדב"ן הגה"צ רב דביהמ"ד ישמח משה שליט"א, צו די חאלאקע פון בנו הילד פנחס מרדכי ני"ו, דער רבי האט אפגעשניטן עטליכע האר און אנגעטוהן די קאפל און ציצית, און אנגעוואונטשן ברכת קדשו.
דערנאך האט זיך דער רבי געוואשן צו פת שחרית, עס האט זיך פארצויגן שיינע שמועסן בסיפורי צדיקים ומנהגי ישראל און מען האט געזינגען ניגוני שמחה, דער רבי האט געבענטשט אויפן כוס. מען האט געענדיגט ארום 1:30.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען לביתו נאוה קודש ארום 8:40 האט דער רבי געדאווענט מנחה, דער רבי איז צוגעגאנגען צום עמוד לרגל די יארצייט פון זקינו הגה"ק רבי אהרן ט"ב זצ"ל - אבד"ק וואלאווע.

זמני כניסה בקו''פ איז געווען פון 9:00 אזייגער ביז 12:00 אזייגער אויפדערנאכט בביתו נאוה קודש אויף היוז סט.

בעת די זמני כניסה איז אריין בקו''פ הגה"צ רבי אברהם בער יאזעפאוויטש שליט"א דומ"ץ מונקאטש וומסב''ג, מקבל זיין ברכת הקודש לרגל זיך אריבערציען און עפענען בית מדרשו 'פני משה' ע"ש אביו ז"ל בשכונת זרע קודש אין קרית יואל המורחבת, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

אויך איז אריין בקו''פ הרה"ג ר' חיים אהרן אונגאר שליט"א - דומ"ץ ביהמ"ד לב אהרן דקהלתינו הק', מקבל זיין ברכת הקודש לרגל נשואי בתו למז"ט וועלכע קומט פאר קומענדיגע וואך דינסטאג עב"ג החתן נכד כ"ק אדמו"ר מבאבוב 45 שליט"א, עס האט זיך פארמירט א שיינע שמועס און דערביי האט הרה"ג ר' חיים אהרן שליט"א איבערגעגעבן א באריכט פונעם מעמד יציקת הבורות אין די מקוה טהרה החדש דקהלתינו בשכונת סאוט אכט וועלכע איז פארגעקומען אין די נאכמיטאג שעות בפיקוח פון הגה''צ אבד''ק וומסב''ג שליט''א, און דער רבי האט אים מאציל געווען מברכת קדשו.

דער רבי האט געדאווענט מעריב ארום 10:30 און געציילט ספירה פארן עמוד, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️