סאטמארע נייעס

דינסטאג האזינו - שלש עשרה מידות 'בצל הקודש' פון כ''ק רבינו הגה''ק שליט''א

באשמורת הבוקר אום 5:45 איז דער רבי אריינגעקומען צו סליחות אין ביהמ"ד הגדול. בעל תפילה: הגה"צ ר' חיים יוסף ווערצבערגער שליט"א אב"ד הוניאד. מען האט געענדיגט ארום 6:45. און דער רבי איז אהיים לביתו נאוה קודש.

ארום 9:20 איז דער רבי אנגעקומען אין ביהמ"ד הגדול צו תפילת שחרית. פארן דאווענען האט דער רבי געלייגט תפילין פארן בר מצוה בחור בן הר"ר משה ישכר פריעדמאן שליט"א.
דערנאך האט דער רבי געצינדן 5 ליכט און געזאגט די קדישים ביים דאווענען לרגל די יומדהל''ק פון זקינו מרן הגה"ק רבי אלעזר ניסן זיע''א.
נאכן דאווענען איז דער רבי אריין לחדרו הפרטי און געלייגט רבינו תם תפילין.

ארום 11:00 איז רבינו שליט''א צוריק אריינגעקומען אין ביהמ''ד צו אמירת כל ספר תהילים. בעל תפלה: הרה"ח ר' יהושע טעללער הי"ו. נאך תהילים האט דער רבי געזאגט קדיש לרגל די יומדהל''ק. מען האט געענדיגט ארום 1:20.
נאך תהילים האט דער רבי געזאגט דעם וידוי הגדול פון רבינו ניסים מיט שטארקע בכיות א לענגערע צייט, דערנאך האט מען געליינט די קרבנות, בעל קורא: הגה"צ אב"ד הוניאד שליט"א. מען האט געענדיגט ארום 2:10

דערנאך איז רבינו שליט"א אריבער צו די לעיק אויף די קוויקוועי גאס צו אמירת תשליך ברוב עם, און געזאגט די סדר אמירת תשליך בהשתפכות הנפש, און מען האט געזינגען ניגוני ימים נוראים, מען האט געענדיגט ארום 2:30.

דער רבי האט געדאווענט מנחה ארום 7:20 בביתו נאוה קודש אויף צאנז קט. דער רבי האט געצינדן לעכט און געזאגט קדיש לרגל די יומדהל''ק. און ארום 7:50 געדאווענט מעריב.

▫️ סאטמארע נייעס 🌴 ▫️

מאנטאג פרשת האזינו 'בצל הקודש' פון כ''ק רבינו הגה''ק שליט''א

באשמורת הבוקר ארום 5:45 איז רבינו שליט''א אריין געקומען צו אמירת סליחות אין ביהמ''ד הגדול, בעל תפלה: הרה"ח ר' יושע שמואל ווידער הי"ו. מען האט געענדיגט ארום 6:35, און דער רבי איז אהיים לביתו נאוה קודש.

ארום 9:50 איז דער רבי אנגעקומען אין ביהמ''ד הגדול צו תפילת שחרית, פארן דאווענען האט דער רבי געלייגט תפילין פארן בר מצוה בחור ב"ר יואל בערקאוויטש הי"ו, בן הגאון הגדול הדומ"ץ שליט"א.

- פתיחה: ר' מרדכי עפשטיין הי"ו.
- כהן: ר' משה ברא"ש כ"ץ הי"ו.
- לוי: הר"ר משה בער לאנדא שליט"א.
- שלישי: רבינו שליט"א.
נאכן ליינען האבן גומל געבענטשט פילע געסט פון ארה"ק און אייראפע וועלכע זענען געקומען וויילן אויף חודש תשרי בצל הקודש.
- הגבה: נכד רבינו הב' חיים הערש רוקח ני"ו בן חדב"ן הגה"צ רב דביהמ"ד בית חיים יעקב שליט"א.
- גלילה: הב' הבר מצוה ב"ר יואל בערקאוויטש הי"ו.

נאכן דאווענען איז פארגעקומען די שמחת הברית מילה פון נכד רבינו, בן הנולד אצל חדב"ן הגה"צ רב דביהמ"ד בית חיים יעקב שליט"א בהיכל הביהמ"ד.
רבינו שליט"א איז מכובד געווארן מיט סנדקאות ומוהלות. סנדק מעומד: הגה"צ אבד"ק קאזלאוו מאנסי שליט"א. ברכות וקריאת השם: הגה"צ אבד"ק טערצאל שליט"א, ויקרא שמו בישראל: 'ישעיהו' נאך הרה"ק בעל מעשי למלך מווייטצען זצ"ל.
נאכן ברית איז דער גאנצע ציבור אריבער וואונטשן מזל טוב פאר רבינו שליט"א, דערנאך איז פארגעקומען א לחיים מיטן בר מצוה בחור בחדרו הפרטי.

אויך זענען אריין בקו''פ חברי התאחדות אברכים דקהלתינו הק' אין וומסב"ג מקבל זיין ברכת הקודש לרגל התחלת חבורת לימוד ירושלמי מיוחד דוקא פאר די וועלכע האבן שוין מסיים געווען ש"ס במסגרת חבורת תורתך שעשועי, דער רבי האט אויסגעפרעגט די פרטים פון די חבורה און מאציל געווען מברכת קדשו.

נאך עטליכע מינוט איז פארגעקומען דער סעודת ברית בהיכל הביהמ"ד צד דרום, ביי די סעודה האט אויפגעטרעטן דער בעל שמחה דער אבי הבן חדב"ן הגה"צ שליט"א, און דער עלטער זיידע הגה"צ אבד"ק טערצאל שליט"א.
מיט יום ליבשה האט דער רבי מכבד געווען חדב"ן הגה"צ רב דביהמ"ד אהל פיגא שליט"א.
רבינו שליט''א האט משמיע געווען דב''ק אויפן פסוק מכ'ל חטאתיכ'ם לפנ'י ה' וואס די ס"ת איז 'מילה' און געטייטשט אז בזכות מילה ניצט תשובה, און ממשיך געווען מיט עטליכע סיפורים איבער די קשר פון רבותיה"ק לבית סיגוט זיע''א מיט הרה"ק בעל מעשי למלך זצ"ל און ווארעם אנגעוואונטשן פארן בעל שמחה, זיידעס, און פארן גאנצן ציבור.
מיטן בענטשן האט דער רבי מכבד געווען דער זיידע הגה"צ אבד"ק קאזלאוו מאנסי שליט"א, און מיט די הרחמן'ס די בני המשפחה, מען האט געענדיגט ארום 1:45.

דערנאך איז דער רבי אריבער אין שטוב פון חדב"ן הגה"צ רב דביהמ"ד בית חיים יעקב שליט"א בשכונת ברך משה המורחבת ווי דער רבי האט אנגעוואונטשן פאר די יולדות.

אין די נאכמיטאג שעות איז געווען אויף א באזוך בקו''פ ביי רבינו שליט"א מחותנו הגה"צ אבד"ק בית אהרן שליט"א מקבל זיין ברכת הקודש לרגל די ימים הנוראים, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

זמני כניסה בקו''פ איז געווען פון 6:45 ביז 11:15 אויפדערנאכט בביתו נאוה קודש אויף איהעל קט.

דער רבי האט געדאווענט מנחה ארום 7:20 און מעריב ארום 11:15, פאר מעריב האט דער רבי געצינדן לעכט און נאך מעריב געזאגט קדיש לרגל די יומדה"ק פון זקינו הגה"ק רבי אלעזר ניסן זיע''א.

זונטאג פרשת האזינו 'בצל הקודש' פון כ''ק רבינו הגה''ק שליט''א

באשמורת הבוקר ארום 5:45 איז רבינו שליט''א אריין געקומען צו אמירת סליחות אין ביהמ''ד הגדול, בעל תפלה: הר"ר חיים הערש מענדלאוויטש שליט"א. מען האט געענדיגט ארום 6:35, און דער רבי איז אהיים לביתו נאוה קודש.

פאר שחרית האט דער רבי געלייגט סכך אין די פריוואטע סוכה בביתו נאוה קודש, צום ערשטן מאל אין דעם נייעם ספרים שטוב, און געזאגט לשם צל סוכה, דער רבי האט איבערגעגעבן פארשידענע הוראות און זיך באדאנקט פאר די עסקנים העוסקים במלאכת הקודש אהערצושטעלן די סוכה.

ארום 10:00 אזייגער איז דער רבי אנגעקומען אין ביהמ''ד הגדול צו תפילת שחרית.
פארן דאווענען איז פארגעקומען א ברית לבן הנולד אצל ר' יעקב יושע גרינוואלד הי"ו ווי דער רבי איז געווען סנדק.

דער רבי האט געלייגט תפילין פאר די בר מצוה בחורים.
- בן הרה"ג ר' יצחק אייזיק גליק שליט"א - מו"ץ.
- ב"ר חיים הערש שווארטץ הי"ו.
- ב"ר יואל ב"ר שמואל לאנדא הי"ו.
- ב"ר יושע לייב שטיין הי"ו.
- ב"ר יואל ב"ר יעקב מיטטעלמאן הי"ו.
- ב"ר יעקב בנימין שטעסל הי"ו.
- ב"ר יואל ב"ר משה גאלדבערגער הי"ו.
נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

אין די נאכמיטאג שעות איז אריין בקו''פ הרה''ח ר' יצחק מארקאוויטש הי"ו וועלכע האט איבערגעגעבן פאר רבינו שליט"א א נייע פראכטפולע זילבערנע האניג האלטער לכבוד יו"ט, דער רבי האט זיך באדאנקט און אים געגעבן געבענטשטע האניג און מאציל געווען מברכת קדשו.

זמני כניסה בקו''פ איז געווען פון 6:45 ביז 11:30 אויפדערנאכט בביתו נאוה קודש אויף איהעל קט.
דער רבי האט געדאווענט מנחה ארום 7:15.

בעת די זמני כניסה איז פארגעקומען א חתימת שטרות ווי הרבני הנגיד ר' עקיבא הערש קליין הי"ו בונה ומקים שכונת ויואל משה ונדבן ביהמ"ד בית מנחם זאב האט מנדב געווען דעם סכום פון א מיליאן דאלער צו פארברייטערן די ביהמ"ד, עס האט זיך פארצויגן א שיינע שמועס איבער די הערליכע שכונה, דער רבי האט אינטערגעשריבן די שטרות אינאיינעם מיטן נדבן, געטרינקן לחיים און מאציל געווען מברכת קדשו פארן נדבן, פאר נכדו הרה"ג ר' זלמן טייטלבוים שליט"א רב הביהמ"ד, און פאר די הנהלת ומתפללי הביהמ"ד.
אויך איז פארגעקומען א חתימת שטרות ווי הרה"ח ר' יעקב הערש ווערטהיימער הי"ו האט מנדב געווען א סכום הגון פארן ועד קרן הבנין אין ביהמ"ד בית מנחם זאב, דער רבי האט אינטערגעשריבן די שטרות אינאיינעם מיטן נדבן און מאציל געווען מברכת קדשו.

ארום 10:15 איז דער רבי אראפ צו די תנאים זאלן בביתו נאוה קודש ווי דער רבי האט געליינט די תנאים פון די מחותנים:
- הרה"ח ר' יעקב מרדכי ברי"מ לאנדא הי"ו און הרה"ח ר' עזריאל שפיטצער הי"ו.
- הרה"ח ר' זלמן ווידער הי"ו און הרה"ח ר' אשר שמואל כ"ץ הי"ו.

דער רבי האט געדאווענט מעריב ארום 11:30.

נאך די זמני כניסה ארום 11:50 איז דער רבי אריבער אין שטוב פון חדב"ן הגה"צ רב דביהמ"ד בית חיים יעקב שליט"א צו די שמחת הוואכנאכט לרגל הולדת בנו למז"ט, עס האט זיך פארצויגן א שיינע שמועס בהלכות סוכה און מנהגים פון עשרת ימי תשובה, דער רבי האט געטרינקן לחיים און מאציל געווען מברכת קדשו, און דערנאך געליינט קרי"ש, און אויפן וועג ארויס ארום 12:10 אנגעוואונטשן פאר די יולדות כנהוג.

שב''ק פרשת וילך - שבת שובה 'בצל הקודש' פון כ''ק רבינו הגה''ק שליט''א

פרייטאג צונאכטס ארום 7:25 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' שלמה הערש בר"מ עקשטיין הי"ו, ביי לכה דודי האט די קאפעליע געזינגען די נייע ניגונים. מען האט געענדיגט ארום 9:00. דער ציבור איז אריבער זאגן גוט שבת און דער רבי איז אהיים לביתו נאוה קודש.

ארום 11:15 איז דער רבי אריינגעקומען צום שלחן הטהור בהיכל השלחנות, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' יחזקאל שרגא ט"ב ני"ו בן הגה"צ רב דביהמ"ד בית אלעזר שליט"א. הגבהת הכוס: נכד רבינו הר"ר ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א.

מיט די זמירות האט רבינו שליט''א מכבד געווען.
- כל מקדש: נכדו הרה"ג ר' חיים יעקב רוקח שליט"א רב דביהמ"ד קול אליהו.
- מנוחה ושמחה: הר"ר שמחה בונם רוקח שליט"א בן הגה"צ אבד"ק קאזלאוו מאנסי שליט"א.

רבינו שליט''א האט געזאגטתורה אויפן פסוק 'וילך משה' און געטייטשט בדרך דרוש אין די סוגיא פון מצוה הבאה בעבירה.

- קה אכסוף: נכד רבינו הר"ר ליפא טייטלבוים שליט"א.
- ברכת המזון: חדב"ן הגה"צ רב דביהמ"ד בית חיים יעקב שליט"א.
עובדות וסיפורים די וואך האט רבינו שליט''א דערציילט פון זקינו הרה"ק רבי אלעזר ניסן זיע''א וואס די יארצייט געפאלט דינסטאג שלש עשרה מידות.
- קה רבון עלם: נכד רבינו הרב אנשיל אשכנזי שליט"א (מאנטשעסטער).
די פרישע חתנים זענען אריבער נעמען פירות.
דערנאך איז פארגעקומען די שמחת השלום זכר פון נכד רבינו בן הנולד אצל חדב"ן הגה"צ רב דביהמ"ד בית חיים יעקב שליט"א, מען האט אריינגעברענגט בונדלעך און דער בעל שמחה האט אנגעגאסן ביר, מען האט געזינגען ניגוני שמחה און דער רבי האט ווארעם אנגעוואונטשן פארן בעל שמחה שליט"א, און פאר אלע אייניקלעך און פארן גאנצן ציבור.
- אז ביום השביעי: הר"ר יוקל שלעזינגער שליט"א (לאנדאן).
מען האט געענדיגט ארום 1:20.

וביום השבת

שב''ק אינדערפרי איז דער רבי אריינגעקומען אין ביהמ''ד ארום 9:45. ברכות ופסוקי דזמרה: הרה"ח ר' משה פאלקאוויטש הי"ו. שחרית: הרה"ח ר' חיים שלמה קרויס הי"ו.

- הוצאה והכנסה: הרה"ח ר' שלמה רובינשטיין הי"ו.
- פסוקי שמע ישראל: הרה"ח ר' חיים שלמה קרויס הי"ו.

עליות.
- כהן: הרה"ח ר' שלמה כ"ץ הי"ו.
- לוי: ר' יוסף ברש"ל גרובער הי"ו.
- שלישי: הר"ר מאיר לייב קטינא שליט"א.
- רביעי: ר' יואל ברנ"מ קויפמאן הי"ו - דער רבי האט קורא שם געווען לרגל הולדת בתו למז''ט.
- חמישי: הב' הבר מצוה ב"ר חיים וואלף פאלקאוויטש הי"ו.
- שישי: רבינו שליט''א.
- שביעי: הב' הבר מצוה ב"ר יואל בר"מ מיטטעלמאן הי"ו.
- אחרון: הרה"ח ר' יואל עפשטיין הי"ו.
- מפטיר: הרה"ח ר' יושע טעללער הי"ו.
- הגבה: הר"ר יוקל שלעזינגער שליט"א.
- גלילה: הרה"ח ר' בצלאל חיים באש הי"ו.

מוסף: הרה"ח ר' יושע טעללער הי"ו. פתיחה צו אנעים זמירות: הרה"ח ר' חיים מאיר ערנטאהל הי"ו (אנטווערפען). מען האט געענדיגט ארום 12:20.

רעוא דרעווין

דער רבי איז אריינגעקומען צו תפילת מנחה ארום 7:15.
- מנחה: הרה"ח ר' יעקב יוסף פילאפף הי"ו.
- הוצאה והכנסה: הרה"ח ר' ישראל יודא גאלדבערגער שליט"א (מאנסי).
- כהן: הרה"ח ר' אליעזר דוד גליק הי"ו.
- לוי: הר"ר חיים יושע לעווי שליט"א.
- שלישי: הרה"ג ר' משה טייטלבוים שליט"א דומ''ץ ביהמ"ד בית שמואל בנימין.
- הגבה: רבינו שליט''א.
- גלילה: הרה"ח ר' שמואל עקשטיין הי"ו.

זמירות ביי של"ס האט דער רבי מכבד געווען.
- אודה: הרה"ח ר' שלמה הערש בר"מ עקשטיין הי"ו.
- שיר המעלות: הרה"ח ר' משה גאלדשטיין הי"ו.

דער רבי האט געזאגט תורה אויפן פסוק 'שובה ישראל עד ה' אלקיך' און געטייטשט אז כדי עס זאל זיין פתחו לי פתח כחודו של מחט איז גענוג אז עס איז דא קחו עמכם דברים, א דיבור של תפילה, א דיבור של חרטה ותשובה צו הקב"ה, און מאריך געווען בדברי התעוררות זאגענדיג אז שטייענדיג בין כסא לעשור איז יעצט די צייט צו מתפלל זיין מען זאל זוכה זיין צו תשובה שלימה.

- ידיד נפש: הרה"ח ר' יצחק מארקאוויטש הי"ו.
- קל מסתתר: הרה"ח ר' משה פאלקאוויטש הי"ו.
דער רבי האט געבענטשט על הכוס.
מעריב מוצש''ק: הרה"ח ר' אברהם משה לעבאוויטש הי"ו. נאך הבדלה איז דער ציבור אריבער זאגן א גוטע וואך. מען האט געענדיגט ארום 9:25.

▫️ סאטמארע נייעס 🌴 ▫️