סאטמארע נייעס

שב"ק פרשת פנחס 'בצל הקודש' פון כ"ק מרן רבינו הגה"ק שליט"א, בעיר הנופש בעטלעהם ניו העמפשיר.

די וואך האבן געהאט די זכיה מיטצוהאלטן דעם שב''ק בצל הקודש תלמידי המתיבתא סניף דברי יואל, און סניף עצי חיים שיעור ג'.

ערש''ק נאכמיטאג נאך די מקוה האבן תלמידי הישיבה איבערגעגעבן תירוצים אויפ'ן רבי'נס קשיא:
הב' שלמה יצחק ב"ר יוסף משה אונגאר הי"ו (מאנסי).
הב' משה ב"ר ארי' הערשקאוויטש הי''ו (קר"י).
הב' יושע בן הר"ר יואל בערגער שליט"א (קר"י).
הב' שמעון בן הר"ר הערשל גאלדבערגער שליט"א (קר''י).

פרייטאג צונאכטס ארום 9:05 איז רבינו שליט''א אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: נכד רבינו הרב יואל מייזליש שליט"א בן חדב"ן הגה"צ רב דביהמ"ד ישמח משה שליט"א.

מען האט געענדיגט דאווענען ארום 10:30, דער ציבור אריבער זאגן גוט שבת און שלום נעמען, און דער רבי איז אהיים לביתו נאוה קודש.

ארום 11:10 איז רבינו שליט''א אריינגעקומען צום שלחה''ט בהיכל הביהמ''ד אינאיינעם מיט די תלמידי הישיבה און פילצאליגע געסט אנ''ש, און אנגעהויבן כדרכו בקודש שלום עליכם ברגש ובנעימה.

אשת חיל: נכד רבינו הב' ישראל דושינסקיא בן הגה"צ רב דביהמ"ד אהל פיגא שליט"א, הגבהת הכוס: הגה"צ אבד''ק ראשית חכמה שליט"א.

מיט די זמירות האט רבינו שליט''א מכבד געווען. כל מקדש: הרה"ג ר' יוסף מרדכי וואגשאהל שליט"א ראה"כ ורב דביהמ"ד עטרת חכמים, מנוחה ושמחה: הרה"ג ר' מרדכי אהרן זאבעל שליט"א מנהל סניף עצי חיים.

רבינו שליט''א האט געזאגט תורה אויפן פסוק 'ושם האיש ישראל זמרי בן סלוא' און געטייטשט בדרך דרוש אין די סוגיא צו עס איז דא א מודעה.

קה אכסוף: הרה''ג ר' אברהם יושע ווערצבערגער שליט"א ר"מ בישיבה, ברכהמ''ז: הגה"צ אבד''ק ראשית חכמה שליט"א.

עובדות וסיפורים די וואך האט רבינו שליט''א דערציילט פון הרה"ק ר' יהושע'לע טאמאשוב'ער זיע''א וואס די יארצייט איז געפאלן שב"ק י"ט תמוז.

קה רבון עלם: הרה''ג ר' אברהם יעקב יאקאב שליט"א ר"מ בישיבה, די פרישע חתנים זענען אדורך נעמען פירות.

דערנאך איז פארגעקומען די שמחת השלום זכר פון נכד רבינו בן הנולד אצל הרב יואל מייזליש שליט"א, מען האט אריינגעברענגט בונדלעך און ביר, דער רבי האט געטרינקן לחיים און אנגעוואונטשן פארן בעל שמחה און פארן גאנצן ציבור, און מען האט געזינגען ניגוני שמחה.
אז ביום השביעי: הר"ר יקותיאל הערש לעווי שליט"א ר"מ בישיבה. מען האט געענדיגט ארום 2:00.

וביום השבת קודש

שב''ק אינדערפרי איז רבינו שליט''א אריינגעקומען אין ביהמ''ד ארום 9:45. פסוקי דזמרה: הרה"ג ר' יוסף מרדכי וואגשאהל שליט"א, צו שחרית איז דער רבי צוגעגאנגען, און צוגעשיקט צו חזרת הש"ץ הגה"צ אבד''ק ראשית חכמה שליט"א.

הוצאה והכנסה: הרה"ח ר' משה שווארטץ הי"ו (לאנדאן), פסוקי שמע ישראל: הרה"ח ר' נחמן דוב העללער הי"ו (וומסב''ג).

בעל קורא: משב''ק הרה"ח ר' יושע מענדלאוויטש הי"ו.
עליות. כהן: הרב יצחק אייזיק כהנא שליט"א. לוי: הרה''ג אברהם יושע ווערצבערגער שליט"א. שלישי: הגה"צ אבד''ק ראשית חכמה שליט"א. רביעי: הרה"ג ר' יוסף מרדכי וואגשאהל שליט"א. חמישי: הרה"ח ר' יואל דוד שווארטץ הי"ו (קר"י). שישי: רבינו שליט''א, דעם רבין'ס עלי' איז געקויפט געווארן דורך הרה"ח ר' יוסף הערש גרינפעלד הי"ו (מאנטרעאל), דער רבי האט זיך באדאנקט און געהייסן מאכן א מי שברך. שביעי: הב' החתן ב"ר יצחק יודא שאלאמאן הי"ו (ב"פ). הוספות: חדב"ן הגה"צ רב דביהמ"ד ישמח משה שליט"א. הרה"ח ר' מאיר דוד היילברוין הי"ו (קר"י) - דער רבי האט געמאכט די מי שברך וקריאת השם לרגל הולדת בתו למז"ט. הרב יואל מייזליש שליט"א. הרה"ח ר' יוסף הערש גרינפעלד הי"ו. הרה"ח ר' טובי' גאלדשטיין הי"ו (וומסב''ג). הרה"ח ר' יצחק יוסף גראד הי"ו (וומסב''ג). הרה''ג ר' אברהם יעקב יאקאב שליט"א. ר' שמעון יואל ראזענבערג הי"ו (קר"י). הבה"ח ב"ר יואל ווייס הי"ו (וומסב''ג). ר' בערל באב"ד הי"ו (קר"י). הרה"ח ר' יצחק ערענפעלד הי"ו (קר"י). הרה"ח ר' משה יודא ברד"ש גאלדבערגער הי"ו. הרה"ח ר' משה בראך הי"ו (קר"י). הב' המשב"ק חנני' יו"ט ליפא דייטש ני"ו. אחרון: הב' ב"ר ארי' הערשקאוויטש הי"ו (קר"י). מפטיר: הרה"ג ר' מרדכי אהרן זאבעל שליט"א. הגבה: הב' ב"ר משה סעגעדין הי"ו (וומסב''ג). גלילה: הב' ב"ר מאיר פייערשטיין הי"ו (קר"י).

צו מוסף איז רבינו שליט''א צוגעגאנגען לרגל די יארצייט פון אמו הרבנית הצדיקת ע"ה וועלכע געפאלט דעם מיטוואך כ"ג תמוז, פתיחה לאנעים זמירות: ר' מנחם שטויבער הי''ו (קר"י). מען האט געענדיגט ארום 1:00.
ארום 2:50 איז רבינו שליט''א אריינגעקומען אין ביהמ''ד צו די זמירות ביים מיטג טיש, מען האט אריינגעברענגט קוגל און לחיים. מיט די זמירות האט רבינו שליט''א מכבד געווען. ברוך ה' יום יום: הרה"ח ר' זושא ניישטאדט הי"ו (קר"י), ברוך קל עליון: הרה"ח ר' משה יודא גאלדבערגער הי"ו.

רבינו שליט''א האט געזאגט תורה אויפן פסוק 'פנחס בן אלעזר בן אהרן הכהן השיב את חמתי' און געטייטשט בדרך דרוש אין די סוגיא צו מען דרש'נט את.

ברכת המזון: חדב"ן הגה"צ רב דביהמ"ד ישמח משה שליט"א. מען האט געענדיגט ארום 3:40.

רעוא דרעווין

צו מנחה ושל''ש איז דער רבי איז אריינגעקומען ארום 8:55. מנחה: הרה"ח ר' משה שווארטץ הי"ו, הוצאה והכנסה: הרה''ח ר' אברהם יצחק כאירה הי''ו (קר''י), כהן: הבה"ח ב"ר אברהם שלמה כ"ץ הי"ו (לאנדאן), לוי: הר"ר יקותיאל הערש לעווי שליט"א, שלישי: הרה"ח ר' יצחק ערענפעלד הי"ו, הגבה: רבינו שליט''א, גלילה: הרה"ח ר' אהרן וואלף פאלאטשעק הי"ו (קר"י).

פאר די פיש האט רבינו שליט''א טועם געווען מאכלי חלב און געטרינקען א קאווע כנהוג פון הרה''ק הדברי חיים זיע''א איין שבת בימי בין המצרים.

זמירות ביי של''ש האט דער רבי מכבד געווען. אודה: הרה"ח ר' יצחק ערענפעלד הי"ו, שיר המעלות: הרה"ח ר' יצחק יוסף גראד הי"ו.

רבינו שליט''א האט געזאגט תורה אויפן פסוק 'פנחס בן אלעזר בן אהרן הכהן השיב את חמתי מעל בני ישראל' און געטייטשט אז פנחס האט אריינגעברענגט אין אידן אז כח התפילה גייט צוזאמען מיט תורה, תורה איז חיים, און דורך דעם קען מען גרינג צוקומען צו ויכפר את בני ישראל אן קיין יסורים אדער מיתה ח''ו.

ידיד נפש: הרה"ח ר' מרדכי שבתי שימאן הי"ו (ב"פ), קל מסתתר: הרה"ח ר' יואל דוד שווארטץ הי"ו, דער רבי האט געבענטשט אויפן כוס.

צו מעריב מוצש''ק איז רבינו שליט''א צוגעגאנגען לרגל די יארצייט פון די אמה של מלכות די וואך. נאך הבדלה איז מען אריבער זאגן א גוטע וואך. מען האט געענדיגט ארום 11:20.

אויך האבן איבערגעגעבן תירוצים אויפן רבי'נס קשיא, תלמידי הישיבה.
הב' מנשה בן הר"ר חיים ארי' כהנא שליט"א (וומסב''ג).
הב' מאיר ב"ר יחזקאל מקובעצקי הי"ו (לאנדאן).

▫️ סאטמאר'ע נייעס 🌴 ▫️

פרייטאג פרשת פנחס 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען אין ביהמ''ד צו תפילת שחרית ארום 8:45, בעל תפילה: הב' שלמה מנשה ב"ר מאיר דוד היילברוין הי"ו (קר").

נאכן דאווענען זענען די געסט אריבער שלום נעמען, און הב' אשר זעליג ב"ר חיים ישראל קלאגסבאלד הי"ו (לאנדאן) האט איבערגעגעבן א תירוץ אויפן רבי'נס קשיא, אויך האט הרה"ג ר' מרדכי אהרן זאבעל שליט"א מנהל המתיבתא סניף עצי חיים שיעור ג' וואס די ישיבה וויילט די וואך אויף שבת בצל הקודש, איבערגעגעבן א פריסת שלום פון כ"ק אדמו"ר מטאהש שליט"א נאך א באזוך פון די ישיבה די וואך אין קרית טאהש.

דערנאך האט דער רבי אהיימשפאצירט לביתו נאוה קודש, אויפן וועג האט זיך פארמירט א שמועס איבער די מצב פון אידישקייט אין די אלטע היים אין די קליינע דערפלעך.

▫️ סאטמאר'ע נייעס 🌴 ▫️

דאנערשטאג פרשת פנחס, שבעה עשר בתמוז 'בצל הקודש' פון כ''ק רבינו הגה''ק שליט''א

רבינו שליט''א איז אריינגעקומען אין ביהמ''ד צו תפילת שחרית ארום 8:45. פארן דאווענען האט דער רבי תפילין געלייגט פארן בר מצוה בחור ב"ר משה יעקב יודא ווערצבערגער הי"ו (קר"י).
בעל תפילה: הרה"ח ר' נחמן דוב העללער הי"ו (וומסב''ג), פתיחה: הרה"ח ר' משה יעקב יודא ווערצבערגער הי"ו, כהן: הרה"ח ר' ישעי' יצחק רובין הי"ו (וומסב''ג), לוי: הב' הבר מצוה, שלישי: רבינו שליט"א, די עלי' איז געקויפט געווארן דורך הרה"ח ר' משה יעקב יודא ווערצבערגער הי"ו, און דער רבי האט זיך באדאנקט, הגבה: ר' ישראל מאיר ווערצבערגער הי"ו (קר"י), גלילה: הילד ב"ר משה סימאן הי"ו (קר"י).

נאכן דאווענען האט דער רבי אהיים שפאצירט אינאיינעם מיט חדב"ן הגה"צ רב דביהמ"ד ישמח משה שליט"א, אויפן וועג האט זיך פארמירט א שיינע שמועס איבער די באזוך אינעם בית השחיטה המהודרת פאר די גסות אין פאוסטוויל אייאווע און דער רבי האט אויסגעשמיעסט פארשידענע אינטערסאנטע ענינים פון די שחיטה.

דער רבי איז אריין געקומען אין ביהמ''ד צו תפילת מנחה ארום 9:00, ביים אנקומען האט זיך דער רבי באגריסט מיטן לאנג יעריגער חברותא הגה"צ רבי יעקב אלי' אונסדארפער שליט"א אבד''ק ראשית חכמה מאנטרעאל.
בעל תפילה: הרה"ח ר' נחמן דוב העללער הי"ו, פתיחה: הרה"ח ר' מרדכי שבתי שימאן הי"ו, כהן: הרה"ח ר' חיים שאול קאהן הי"ו (קר"י), לוי: הרה"ח ר' נחמן דוב העללער הי"ו, שלישי - מפטיר: רבינו שליט"א, די עלי' איז געקויפט געווארן דורך הרה"ח ר' מרדכי שבתי שימאן הי"ו, און דער רבי האט זיך באדאנקט. הגבה: הגה"צ אבד''ק ראשית חכמה שליט"א, גלילה: הרה"ח ר' משה אברהם ווייס הי"ו (ב"פ). צווישן מנחה און מעריב האט דער רבי עוסק געווען בלימודו, און ביים זמן ר"ת ארום 9:45 געדאווענט מעריב, בעל תפילה: הב' החתן משה ב"ר אברהם שלמה כ"ץ הי"ו (לאנדאן).

▫️ סאטמארע נייעס 🌴 ▫️

מיטוואך פרשת פנחס 'בצל הקודש' פון כ''ק רבינו הגה''ק שליט''א

נאך די מקוה ארום 7:30 האט רבינו שליט''א תפילין געלייגט פארן בר מצוה בחור ב"ר פנחס בר"מ פרענקל הי"ו, בחדרו הפרטי אין ביהמ"ד הגדול.

דערנאך האט זיך רבינו האט ארויסגעלאזט אויפן וועג צום מאריס-טאון עירפארט אין ניו דזשערזי, ביים אנקומען האט דער רבי געדאווענט שחרית אין א פריוואטע צימער אינעם עירפארט, בעל תפילה: הב' יהודא ברנ"ה שטיין ני"ו.

די פריוואטע פליגער האט זיך געהויבן ארום 10:30 אויפן וועג קיין פאוסטוויל אייאווע צו באזוכן די מהודר'דיגע גסות שחיטה שע''י קהלתינו הק'. עס זענען אויך מיטגעפארן הגה''צ רבני קהלתינו וומסב''ג און מאנסי שליט''א און געציילטע מקורבים, אויפן פליגער האט דער רבי געלערנט זיין שיעור במס' בבא קמא, דערנאך האט מען אויפגעגעבן פת שחרית, פארן בענטשן האט זיך פארצויגן א הערליכער שמועס איבער פארשידענע הלכה'דיגע שאלות בהל' שבת, און איבער רייכע קאפיטלן היסטאריע ביי כלל ישראל, היות מ'האט זיך געהאט געוואשן פארן ארויספארן האט מען געקענט בענטשן אינאיינעם מיט א מנין, דער רבי האט מכבד געווען א כהן הבה"ח חיים אלי' הכהן שאהנברוין ני"ו מיט ברהמ"ז.

נאכן בענטשן הארט איידערן לאנדן האט הגה"צ אבד"ק מאנסי שליט"א איבערגעבן א הערליכן גרוס קהלתינו הק' ומוסדותי' אין לאנדאן פון ווי ער האט זיך נארוואס צוריקגעקערט וויילענדיג דארט אויף א משפחה שמחה, און ס'האט זיך פארצויגן א שמועס איבער דעם הערליכן היכל התורה, און איבער דעם נייעם היכל התורה 'היכל לב אהרן' וואס ווערט געבויעט אין מאנטשעסטער.

ארום 11:30 ארטיגע זייגער (12:30 ניו יארק'ער זייגער) האט דעם רבי'ס פליגער געלאנדעט אינעם לאקאלע מוניציפיאלע לופטפעלד אין וויסקאנסין פון וואו דער רבי איז צוגעפארן א וועג פון ארום 35 מינוט צום בית השחיטה המהודרת.

דער רבי איז אנגעקומען צום בית השחיטה ארום 12:10 ווי דער רבי האט זיך ווארעם באגריסט מיט הגה"צ ר' מנחם מאיר ווייסמאנדל שליט"א אבד''ק נייטרא מאנסי - רב המכשיר אינעם בית השחיטה, ובנו הר"ר מרדכי שליט"א וועלכע פארפיגן אויף די גאנצע אפעראציע אינעם בית השחיטה.

אזוי די ארבייט האט שוין געהאלטן פעסט אינדערמיט איז דער רבי תיכף צוגעגאנגען צום חלק הניקור וואו דער רבי האט באטראכט דעם גאנצע ניקור אפאראט אויף די פלייש פון די מאנטאג'דיגע שחיטה פאר א לענגערע צייט און נו"נ געווען מיט די חשובע רבנים איבער די תקנות וואס איז איינגעפירט ביים חלק הניקור, און דערביי אנגעצייגט פאר די מיטבאגלייטער אלע חומרות והידורים וועלכע זענען איינגעפירט געווארן אינעם חלק הניקור, דערנאך איז דער רבי אריבער מיטצוהאלטן די חלקי המליחה פון שטיין-זאלץ און דורך א איד דוקא, דערנאך דעם סדר פון שטופה, שרוי' והדחה מיט אלע חומרות והידורים וואס איז איינגעפירט געווארן דורך רבינו שליט"א.

פון דארט איז דער רבי אריבער צום אנדערן חלק פלענט וואו עס ווערט פראסעצירט די פלייש און מען שניידט עס, און איז איבער געגאנגען דעם גאנצן סדר פון פעקעדשינג און לעיבלען וואו אלעס ווערט אדורכגעפירט מיט די גרעסטע מאס הידור.

פון דארט איז דער רבי צוריק געגאנגן צו די שחיטה אפאראט, אהנגעהויבן פון בדיקת החלפים ווי די שוחטים האבן געגעבן פארן רבין בודק צו זיין זייערע חלפים, דער רבי האט אויסגעשמועסט דעם הידור פון מאכן אויסער א בדיקת לח אויך א בדיקת יבש, און דער רבי האט באוואונדערט די כשרות פון די חלפים וועלכע זענען "חד וחלק" לויט די הויכע סטאנדארטן וואס רבינו שליט"א האט איינגעפירט.

דערנאך האט דער רבי באטראכט דעם סדר השחיטה, ווי די בהמות גייען אריין אינעם באקס וואס ווערט איבערגעדרייט אז די שחיטה זאל זיין א שחיטה מונחת, דער רבי האט גאר שטארק מפליא געווען די הידורים און חומרות וואס זענען איינגעפירט געווארן ביי די שחיטה גסות שע"י קהלתינו הק'.

דערביי האט דער רבי באטראכט פונקטליך דעם מקום השחיטה וואו דער שוחט שעכט, און פון וואו מען גיבט איבער פאר א גוי צו פארענדיגן ווי געברענגט אין תבואת שור אז עס איז א גרעסערע הידור אז א גוי זאל עס פארענדיגן.

פון דארט איז דער רבי אריבער חלק בדיקות הריאות, ווי דער רבי האט אליינס געמאכט א בדיקת פנים און זיך אומגעקוקט גאר א לאנגע צייט אויף די בדיקות חוץ, דערביי האט דער רבי צוגעוויזן פאר די אנוועזנדע די טבלא וואו א איד פארצייכנט די כשרות פון יעדע בהמה, און דוקא א איד לייגט די נומערן און זיגלט די חלקי הבהמה, און געצייגט אז פון די לעצטע 20 בהמות זענען בלויז 8 ארויס כשר.

אזוי האט דער רבי ממשיך געווען צי אלע חלקים, וויזוי מכשרט די צונג, און אלע חלקים קטנים.
פון דארט האט דער רבי ממשיך געווען צו די חלקי הבהמה וועלכע זענען נארוואס געשאכטן געווארן און ס'ווערט געמאכט א חלק הניקור, ווען די בהמה איז נאך ווארים, 'ניקור חם'. און ווי משניידט אוועק די חלקים וואס מ'נעמט נישט ביי אונזערע בוטשער סטאר'ס כפי תקנת רבינו שליט"א.

דערביי האט דער געצייגט פאר די באגלייטער אלע חלקי החלב, דאורייתא ודרבנן, און וועלכע חלקים סאייז נאר א מנהג נישט צו עסן אבער מדינא איז עס מותר.

נאך א קארגע 5 שעה אינעם בנין בית השחיטה האט דער רבי פארלאזט דאס פלאץ און איז צוגעפארן צום ארטיגן בית המדרש וואו דער רבי האט טועם געווען, ווען דערביי האט זיך פארצויגן א לענגערע שמועס פאר אריבער א האלבע שעה מיט הרבנים הגאונים רבני קהלתינו וומסב"ג און מאנסי שליט"א און הגה"צ אבד"ק נייטרא מאנסי שליט"א וואו דער רבי האט אויסגעדרוקט זיין התרגשות צוזעענדיג אזא הערליכע שחיטה פאר גסות אויף אזא הויכע סטאנדארט, און גאר שטארק מפליא געווען די פילצאליגע חומרות והידורים, און ס'האט זיך פארצויגן א שמועס מענין לענין איבער אסאך היסטארישע ענינים.

דערנאך איז דער רבי צוגעפארן צום עירפארט, און האט זיך געזעגנט מיט די ארטיגע שוחטים, ספעציעל האט דער רבי ווארים געוואונטשן פאר הר"ר מרדכי ווייסמאנדל שליט"א, און האט געלאדענט הגה"צ מנייטרא שליט"א מיטצוקומען אויפן פליגער.

דער פריוואטער פליגער האט זיך געהויבן ארום 5:45 ארטיגע זייגער, און געפארן א וועג פון 2 שעה לעיר הנופש ניו העמפשיר, אינטערוועגנס האט זיך פארצויגן גאר א רייכער שמועס איבער פארשידענע שאלות וואס דער טעכניק האט צוגעברענגט אין די לעצטע 100 יאר, ווען דערביי האט דער רבי נו"נ געווען מיט די חשובע רבנים איבער פסקי הלכות און שו"ת ספרים מגדולי האחרונים, וואס מ'קען פון דארט מדמה זיין מילתא למילתא אויף היינטיגע שאלות וואס די טעכנעלאגיע האט מחדש געווען.

דערנאך האט דער רבי אויסגעשמועסט מיט די מיטרייזענדע די קשיא וואס ער האט איבערגעלאזט פאר די תלמידי הישיבה כמנהגו בקודש איידערן אפרייזן למנוחת הנפש, אין די סוגיא פון תופס לבעל חוב, און אויסגעשמועסט פארשידענע מהלכים אין די סוגיא, און דערביי דערציילט מיט התרגשות איבער דעם גרויסן שבת שקלים מיט די בחורים תלמידי ישיבה של מעלה בעיר האבות סיגוט ווי ער האט זוכה געווען פארצולערנען סוגיא שיעורים אין די סוגיא פון שלא כדרך הנאתן, במקום שהתפללו ולמדו בו אבותיו הק' זי"ע.

ארום 9:00 האט דער פליגער געלאנדעט אין 'בערלין רידזשענעל עירפארט' אין מילאן ניו העמפשיר, דער רבי האט געדאווענט מנחה אין עירפארט.

איידער מ'האט זיך געשטעלט דאווענען האט דער רבי געזאגט בלב מלא רגש אז ער וויל ברבים אפגעבן א שבח והודי' פאר השי"ת אז ער האט די זכי' עוסק צו זיין בזיכוי הרבים אין כשרות הבשר, און דערביי זיך באדאנקט מעומק הלב מיט התרגשות פארן נייטרא רב שליט"א וואס שטייט אונז צי בכל עת ובכל זמן בעניני שחיטה, זייענדיג דער רב המכשיר פונעם פלענט, און ארויסברענגט דאס ידידות פונעם נייטרא רב שליט"א וועלכער איז אונז צוגעשטאנען בכל לב ונפש בכל עת וזמן וואס מ'קען דאס נישט פארגעסן. און דערביי אים מאציל געווען מברכת קדשו לאריכת ימים ושנים בעבודת הקודש מתוך הרחבת הדעת.

נאך מנחה איז דער רבי צוגעפארן א וועג פון בערך א שעה לביתו נאוה קודש אין בעטלעהעם ניו העמפשיר, און די רבנים און איבעריגע מיטרייזענדע זענען אפגעפלויגן צוריק קיין מאריס-טאון אירפארט אין ניו דזשערזי ווי דער פליגער האט געלאנדעט בערך 10:15.

דער רבי איז אנגעקומען קיין בעטלעהעם ארום 10:30 און געדאווענט מעריב אין ביהמ''ד דקהל יראים בית אלימלך, און נאך מעריב איז דער ציבור אריבער שלום נעמען.

▫️ סאטמארע נייעס 🌴 ▫️

דינסטאג פרשת פנחס 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל ישיבה גדולה שיעור ד'. פארן דאווענען האט דער רבי תפילין געלייגט פאר'ן בר מצוה בחור ב"ר יעקב פעלדמאן הי"ו.
נאכן דאווענען האט דער רבי פארגעלערנט דעם טעגליכע תהילים שיעור אויף קאפיטל י"ח פסוק ד'. דערנאך איז פארגעקומען א לחיים בהיכל הביהמ''ד.

ארום 1:30 איז רבינו שליט''א אריבער בהיכל המתיבתא סניף ברך משה ווי דער רבי האט איבערגעלאזט די קשיא פאר די תלמידי המתיבתא אין די סוגיא פון 'התופס לבעל חב במקום שחב לאחרים', כנהוג איידערן אפרייזן למנוחת הנפש. דער רבי האט פארלאזט די ישיבה ארום 1:50.

נאכמיטאג איז רבינו שליט''א ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס האט רבינו שליט''א מסדר קידושין געווען ביי די חופה פון די מחותנים ר' יואל ברי"ק שעהנברוין הי"ו - ר' יחזקאל פראנקעל הי"ו, באולם כינור דוד.

זמני כניסה בקודש פנימה איז געווען פון ארום 8:30 ביז 12:45 האט דער רבי אויפדערנאכט, בביתו נאוה קודש אויף איהעל קט.
דער רבי האט געדאווענט מנחה אום 8:30.

בעת די זמני כניסה זענען אריין בקו'''פ גבאי קופת 'פקודת הקודש' - לטובת 'מוסדות קרית יואל', אינערהאלב די ישיבות קטנות בקר''י אינאיינעם מיט די בחורים וואס האבן אריינגעברענגט פון 1000 און העכער, דער רבי האט פארטיילט ספרו לב אהרן חידושי סוגיות אויף ראש השנה - סוכה, און מאציל געווען מברכות קדשו.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' יצחק לויפער הי"ו (וומסב''ג) - ר' יודא טרייטל פעלדמאן הי"ו.
ר' משה יודא רובינשטיין הי"ו (וומסב''ג) - ר' אהרן משה שווארטץ הי"ו.

אזוי אויך איז פארגעקומען די שמחת קישור החיתון פון די מחותנים ר' דוד ווערטהיימער הי"ו - ר' אברהם חיים היילברוין הי"ו.

דער רבי האט געדאווענט מעריב ארום 12:45.

▫️ סאטמאר'ע נייעס 🌴 ▫️

מאנטאג פרשת פנחס 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' יחזקאל שרגא היימליך הי"ו (מאנסי), ווי דער רבי איז געווען סנדק.

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די בר מצוה בחורים.
ב"ר יחזקאל דוב באנדא הי"ו.
ב"ר יואל גאלדבערג הי"ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל י"ח פסוק ד', דערנאך איז פארגעקומען א לחיים מיט די בר מצוה בחורים בחדרו הפרטי.

פארנאכטס ארום 7:00 האט דער רבי געדאווענט מנחה בביתו נאוה קודש.

נאך מנחה איז רבינו שליט''א אריבער בבית הרבני הנגיד ר' עקיבא הערש קליין הי''ו צו דעם היסטארישן רייכע באנקעט לטובת דעם קרן הבנין פארן נייעם בנין האדיר תל תלפיות פון קהילתינו הק' ומוסדותי' אין ירושלים עיה''ק, - ווי שוין ברייט באריכטעט.

זמני כניסה בקודש פנימה איז געווען פון ארום 10:20 ביז 1:30 אויפדערנאכט, בביתו נאוה קודש אויף איהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' מאיר משה שפיטצער הי"ו - ר' יוסף קדיש פילאפף הי"ו.
ר' אייזיק הערש שפילמאן הי"ו - ר' יוסף לייב ברוין הי"ו.

דער רבי האט געדאווענט מעריב ארום 12:45, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

זונטאג פרשת פנחס 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי תפילין געלייגט פאר די בר מצוה בחורים.
ב"ר דוד מאיר ווידער הי"ו.
ב"ר יואל ברד"א יאקאב הי"ו.
ב"ר יואל מאשקאוויטש הי"ו.
ב"ר יעקב אהרן זאב גרין הי"ו.
ב"ר יוסף גביוף הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י"ז פסוק ט"ו, דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז רבינו שליט''א ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

זמני כניסה בקודש פנימה איז געווען פון ארום 8:10 ביז 12:15 אויפדערנאכט, בביתו נאוה קודש אויף איהעל קט.
דער רבי האט געדאווענט מנחה אום 8:10.


רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' מענדל מאיר גליק הי"ו (וומסב''ג) - ר' פישל גאלדבערגער הי"ו.
ר' יואל סופר הי"ו - ר' אהרן ברא"ש שווארטץ הי"ו.

דער רבי האט געדאווענט מעריב ארום 12:15.

▫️ סאטמארע נייעס 🌴 ▫️

היינט אום 7:40 אינדערפרי האט כ"ק רבינו הגה"ק שליט"א פארלאזט ביהמ''ד הגדול אין קרית יואל אויפן וועג צום מאריס-טאון עירפארט, ווי רבינו שליט''א וועט דארט דאווענען תפילת שחרית, און תיכף דערנאך אפפליען מיט א פריוואטן פליגער צו באזוכן די מהודר'דיגע גסות שחיטה שע"י קהלתינו הק', אין פאוסטוויל אייאווע, אין באגלייטונג פון הגה"צ רבני קהלתינו וומסב"ג און מאנסי שליט"א און געציילטע מקורבים.

במשך דעם טאג וועט רבינו שליט"א אדורך גיין דעם גאנצן בית השחיטה פלענט, און אויפדערנאכט ממשיך זיין מיט'ן פריוואטע פליגער קיין בעטלעהעם ניו העמפשיר ווי דער רבי וועט זיך אויפהאלטן די קומענדיגע וואכן אויף מנוחת הנפש.

כי מלאכיו יצוה לך לשמרך בכל דרכיך

▫️ סאטמאר'ע נייעס 🌴▫️

ויהי זהב התנופה.. שלושים מיליאן דאלאר

נְדִיבֵי עַמִּים נֶאֱסָפוּ

א היסטאריש רייכע באנקעט איז פארגעקומען היינט יום ב' פרשת פנחס, לטובת דעם קרן הבנין פארן נייעם בנין האדיר תל תלפיות פון קהילתינו הק' ומוסדותי' אין ירושלים עיה''ק, וואס שטייט אונטער דעם נשיאות פון כ''ק מרן רבינו הגה''ק שליט''א.

די מסיבה איז פארגעקומען אין שטוב פון דעם בונה ומקים עולמות של תורה הרבני הנגיד המפואר ר' עקיבא הערש קליין הי''ו, נאכדעם וואס וואכן לאנג איז ער מיט די אנדערע פונעם וועד קרן הבנין ה''ה הרבני הנגיד ר' אברהם בראך הי''ו, הרבני הנגיד איש ירושלים ר' אברהם יושע גלאנץ הי''ו, הרבני הנגיד ר' יחזקאל דוד בערקאוויטש הי''ו, ארום געגאנגען על פתחי נדיבים מיט די פערזעדליכע באגלייטונג פונעם משב"ק הרה''ח ר' חיים שלמה פישער הי''ו. איז היינט געווען דער באשטימטער טאג וואס די פינף און דרייסיג אידן היושבים ראשונה במלכות סאטמאר, זענען געקומען זיך באטייליגן און גע'חתמ'ט אויף א שטר שותפות אינאיינעם מיט רבינו שליט''א צו זיין א שותף אין דעם דרייסיג מיליאן דאלערדיגן בנין.

רבינו שליט''א איז אנגעקומען צו די מסיבה ארום 7:30. א רייכע סעודה איז געווען צוגעשטעלט אויף גאר א פראכטפולן פארנעם.

דער יושב ראש המעמד הרה''ח ר' מרדכי אלעזר הירש הי''ו האט ארויסגעברענגט אין קורצע טרעפליכע ווערטער די מטרת המסיבה און די היסטארישקייט דערפון, און דאן אויסגערופן דעם אורח הדגול הרה''ח ר' יששכר יאקאב הי''ו מנהל מוסדותינו הק' בירושלים עיה''ק, וואס איז געקומען ספעציעל צו פליען צו די געהויבענע מסיבה, און האט איבערגעגעבן פארן ציבור דער מצב קהלתינו הק' ומוסדותי' ובפרט נאך די ביטערע שריפה וואס האט דארט באטראפן.

צווישן די דרשות און די הערליכע ניגונים זענען די נגידים איינציגווייז ארויף חתמ'נען די שטרות אינאיינעם מיט רבינו שליט''א.

דערנאך האט דער יו''ר אויסגערופן הגה''צ אבד''ק וומסב''ג שליט''א וועלכע האט זיך נארוואס צוריקגעקערט פון א נסיעה בארה''ק ווי די רב שליט''א האט געפראוועט א שבת בעיה''ק. דער רב שליט''א האט איבערגעגעבן א גריס פון אנ''ש בארה"ק בכלל אין ירושלים עיה''ק בפרט און ארויסגעברענגט די זכי' וואס די שותפים האבן מיט'ן בויען דעם בית הגדול והקדוש. דער רב שליט"א האט עקסטערע ארויסגעברענגט לשבח די חברי וועד קרן הבנין החדש, וועלכע האבן זיך אוועקגעגעבן בלב ונפש פאר די הצלחה ובמיוחד פארן משב"ק ר' חיים שלמה, און מסיים געווען בברכות לרוב.

דערנאך האט דער יו''ר אויסגעריפן און באגריסט די אלע נגידים וואס האבן שוין אינטערגעשריבן ביז יעצט און אויסגערופן הרבני הנגיד ר' מאיר הירש הי''ו וואס איז מקושר קיין ירושלים שוין לאנגע יארן און דערביי ארויסגעברענגט אז שוין יאהרן לאנג וואס ער דעקט דעם דעפיציט און צאלט די מארגעדזש פון די בנין וואס האט געהאלטן ביים פארפאלן גיין.

ר' מאיר הירש הי''ו וואס איז באקאנט אלס א נאה דורש ונאה מקיים איז צום ערשט ארויפגעגאנגען חתמ'נען די חתימה מיט רבינו שליט''א און דערנאך אויפגעטרעטן און געפאדערט צו ארבייטן באחדות און אזוי ווי מען האט צוזאמגעשטעלט דא געלט פונעם גאנצן עולם אלע אינאיינעם, זאל מען ארבייטן צוזאמען ביז דער בנין וועט שטיין און וועט זיין א כבוד לממלכת סאטמאר, און דערביי באגריסט די חברי וועד קרן הבנין וואס האבן זיך אזוי שטארק אוועקגעגעבן ובמיוחד דעם בעל אכסניא הרבני הנגיד ר' עקיבא הערש קליין הי''ו.

דער יו"ר האט דערנאך ארויסגעברענגט דאס התקשרות פון רבינו שליט"א צו אנ"ש בירושלים עיה"ק, און האט דערביי באגריסט די חברי הנהלה וועלכע זענען נתמנה געווארן דורכ'ן רבין שליט"א אין ירושלים עיה''ק, ה''ה הרה''ח ר' יששכר יאקאב הי''ו, הרה''ח ר' ישראל מרדכי פעלבערבוים הי''ו, הרה''ח ר' נתן בנימין ראטה הי''ו, און הרה''ח ר' יושע קליין הי''ו, וואס צוויי פון די זענען ספעציעל ארויסגעקומען צום מעמד.

און באזונדער האט ער באגריסט הרה''ח ר' גרשון פעלבערבוים הי''ו וואס ער איז דער עסקן בהאי הידועה און איז מסדר אלע ביוראקראטישע ענינים. מ'האט ארויסגעברענגט ווי וואונדער איבער וואונדער נאך יארן וואס גארנישט האט זיך גערירט, האט זיך פלוצלינג אלעס אנגעהויבן רירן און בחסדי שמו ית' איז שוין ערהאלטן געווארן די פערמיטן און מען האט שוין אנגעהויבן די מלאכת הבניה אויפן ריזן שטח.
דאן האט דער יו''ר אויסגערופן אז בא הכתוב ויוחסו אחר אהרן, פון ווי קומט דאס אלס דער עולם האט געגעבן די גרױסע נדבות מיט אזא אש להבה, דאס אלעס דרייט זיך נאכן רבי'ן שליט''א, און דער רבי אליינס האט זיך אויך מתחייב געווען צו ברענגן א מיליאן דאלאר און שוין יעצט ביי די מסיבה געברענגט די ערשטע הונדערט טויזנט דאלאר.

צווישן די מתנדבים בעם זענען לע"ע געווארן רעזערזווירט די דריי זכותים.

זכות שם בנין הביהמ''ד 'בנין ראזענבערג' וואס איז אפגעקויפט געווארן דורך משפחת הרה''ח ר' יצחק ראזענבערג ע''ה ואחיו הרה''ח ר' אברהם יודא הי''ו.

זכות שם בנין התלמוד תורה 'בנין יחזקאל בראך' אפגעקויפט געווארן דורך נכדי הרה''ח ר' יחזקאל בראך ע''ה מנהל מוסדותינו הק' בירושלים רבות בשנים, ה''ה הרבני הנגיד ר' שמואל חיים בראך הי''ו ובנו הרבני הנגיד ר' אברהם בראך הי''ו ובנו הרבני הנגיד ר' יחזקאל שרגא בראך הי''ו, הרבני הנגיד ר' אברהם יושע העשיל הכהן גלאנץ הי''ו, הרבני הנגיד ר' יודא ווייס הי''ו.

זכות המקוה איז רעזערווירט געווארן דורך דער בעל אכסניא הרבני הנגיד ר' עקיבא הערש קליין הי''ו ושותפו הרבני הנגיד ר' מאיר יעקב אינדיג הי''ו.

אלעס צוזאמען איז געשאפן געווארן די אסטראנאמישע פאנטאסטישע סומע פון אריבער 30 מיליאן דאלאר מנדבת לבם של אנ''ש שיחי' וואס האבן בייגעשטייערט פון א מיליאן דאלאר און העכער כ"י, ה"ה:

כ''ק מרן רבינו הגה''ק שליט"א
ר' מאיר הירש הי''ו
ר' מנחם גרשון לעבאוויטש הי''ו
ר' אברהם יודא ראזענבערג הי''ו
משפחת ר' יצחק ראזענבערג ע''ה
ר' שאול פריעדמאן הי''ו
ר' שמואל חיים בראך הי''ו
משפחת לעוו - לאנדאן
משפחת וויינשטאק שיחי'
ר' עקיבא הערש קליין הי''ו
ר' מאיר יעקב אינדיג הי''ו
ר' אברהם יודא גאלדבערגער הי''ו
ר' יחזקאל דוד בערקאוויטש הי''ו
ר' פישל ריספלער הי"ו
ר' אברהם בראך הי''ו
ר' יחזקאל שרגא בראך הי''ו
ר' אברהם יהושע הכהן גלאנץ הי''ו
ר' חיים יהודא לעפקאוויטש הי''ו
ר' שלום יצחק יאקאבאוויטש הי''ו
ר' זלמן לייב אבערלענדער הי"ו
ר' משה אליעזר לאנדא הי''ו
ר' משה גאלדשטיין הי''ו
ר' יקותיאל דוד אהרן ווייס הי''ו
ר' יהודה ווייס הי''ו
ר' יהודה רובינשטיין הי''ו
ר' יוסף מרדכי כהנא הי''ו

רבינו שליט''א האט דאן משמיע געווען דברות קודש די שייכות וואס אונז האב מיר קיין ירושלים, און אז ווען א מענטש געט געלט דארט איז זיין שאיפה דארט ווייל ער זיין עומדות היו רגלינו בירושלים. דערנאך האט דער רבי שליט''א געוואונטשן ברכות לרוב פאר אלע נגידים און ספעציעל פארן בעל אכסניא ר' עקיבא הערש הי''ו און געזאגט אז מען קען נישט ארויסברענגן די רגשי הלב אז עס פאסירט אזא זאך אז ארום 35 אידן קומען און געבן אזעלכע גרויסע געלטער, דאס איז נישט קיין פשוט'ע זאך און עס איז א מורא'דיגע זכות, דער רבי האט דערנאך מסיים געווען בברכה שלימה פארן גאנצן ציבור יעדן עקסטער מיט השפעות טובות וכל טוב סלה.

די טאג ב' פנחס תשפ''ג וועט אריינגיין אין די היסטאריע פון ממלכת סאטמאר אלס דער טאג וואס די נגידים פון די סאטמארע קהילה האבן ציווישן זיך צוזאמען געשטעלט אזא אסטראנאמישע ציפער אין איין טאג צו קענען אנהייבן און בעזרת השם גומר זיין דעם מעכטיגן צענטער בירושלים עיה''ק.

▫️ סאטמאר'ע נייעס 🌴 ▫️

מוצש''ק פרשת חקת בלק 'בצל הקודש' פון כ''ק רבינו הגה''ק שליט''א

ארום 12:15 זענען אריין בקודש פנימה הגה''צ ר' אברהם שמואל ענגלענדער שליט"א דומ"ץ קהלתינו לעיקוואד אינאיינעם מיט ראשי ונכבדי קהלתינו פון לעיקוואד וועלכע האבן געוויילט אויף שבת בצל הקודש, עס האט זיך פארמירט א שיינע שמועס צום סוף האט דער רבי געזאגט דברי הדרכה פאר די בחורים, און מען איז אריבער אפנעמען ברכת הקודש.

אזוי אויך זענען אריין בקו''פ א קבוצה בחורים פון שיכון סקווירא וועלכע האבן געוויילט אויף שבת בצל הקודש, דער רבי האט אויסגעפרעגט איבער די לימודים און מאציל געווען מברכת קדשו.

ארום 12:45 איז רבינו שליט''א אריבער אין ביהמ"ד תפילה למשה בקר''י ווי עס איז פארגעקומען א מסיבת לחיים לרגל אירוסי בת הרבני הנגיד ר' אברהם יודא גאלדבערגער הי"ו נדבן ופטרון הביהמ"ד מגדולי תומכי מוסדות רבינו שליט"א וועלכע האט געגעבן א גרויסע סכום פאר די מקוה טהרה אין קר''י, עס האט זיך פארמירט א שיינע שמועס, און עס האט אויפגעטרעטן הר"ר אלי' מאיר ברא"י גאלדבערגער שליט"א, דער רבי האט געטרינקן לחיים און מאציל געווען מברכות קדשו פארן חתן מחותנים, און פארן זיידן הרה"ח ר' ישראל גאלדבערגער הי"ו און פארן רב הביהמ"ד הגה''צ ר' שלום ראטענבערג שליט"א און פארן גאנצן ציבור, דערנאך האט דער רבי קובע מזוזה געווען אויף איינע פון די טירן און ארומגעגאנגען אלע חדרים און שטאקן פונעם ביהמ"ד און אין די פראכטפולע מקוה.

ארום 1:30 איז דער רבי אנגעקומען בבית מדרשינו החדש אויף 68 דולעק בשכונת דאלעס אין קרית יואל, ווי עס איז פארגעקומען א מסיבת לחיים לרגל פתיחת הביהמ"ד, ביים אנקומען האט דער רבי קובע געווען א מזוזה אויפן הויפט אריינגאנג און זיך אומגעקוקט אינעם ביהמ"ד ווי מען גייט בויען א מקוה און אלע צוגעהערן.
דערנאך איז פארגעקומען א מסיבת לחיים, עס האט אויפגעטרעטן איינע פון די עסקנים און הרה"ח ר' דוד עקשטיין הי"ו מראה"ק, און הרה"צ ר' יואל האלבערשטאם שליט"א רב בית מדרשינו בית שמואל.
דער רבי האט געטרינקן לחיים און ווארעם אנגעוואונטשן פארן גאנצן ציבור און עקסטער פאר די עסקני הביהמ"ד, און משמיע געווען דב"ק אז אלעס ווענדט זיך אין די התחלה און וואספארא יסוד מען שטעלט אראפ, און מעורר געווען צו שטיין על המשמר אז עס זאל זיין א ביהמ"ד וואס קומט ארויס תורה עבודה און גמ''ח אויף א שטארק חסידיש'ע אופן, און מסיים געווען מיט ברכת קדשו פאר אלע תושבי השכונה ומתפללי הביהמ"ד, אויפן וועג ארויס האט זיך דער רבי אומגעקוקט אויפן גרויסן שטח ווי עס וועט געבויעט ווערן דעם בנין החדש והמפואר פארן ביהמ''ד. דער רבי האט פארלאזט די ביהמ"ד ארום 2:10.

פון דארט איז רבינו שליט''א אריבער אין שטוב פון הרה"ג ר' נתן דוב שווארץ שליט"א מו"ץ, צו די שמחת השבע ברכות לרגל נשואי בנו למז"ט, דער רבי האט געטרינקן לחיים און מאציל געווען מברכות קדשו און ארויס אין א ריקוד מיטן חתן און מחותנים.

▫️ סאטמאר'ע נייעס 🌴 ▫️

שב''ק פרשת חקת בלק 'בצל הקודש' פון כ''ק מרן רבינו הגה''ק שליט''א

פרייטאג צונאכטס ארום 9:10 איז רבינו שליט''א אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: הרה''ח ר' וואלף ליכטנשטיין הי''ו.

נאכן דאווענען איז פארגעקומען דער יערליכער אפיעל פאר מוסדותינו הק' 'יטב לב' בארה''ק, מען האט געענדיגט ארום 10:50, דער ציבור איז אריבער גוט שבת זאגן און דער רבי איז אריין בחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחן הטהור בהיכל השלחנות אינאיינעם מיט די תלמידי המתיבתא, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' מאיר אליעזר ט''ב בן הגה''צ רב דביהמ''ד ברך משה שליט''א, הגבהת הכוס: הגה''צ ר' אברהם שמואל ענגלענדער שליט''א דומ''ץ קהלתינו לעיקוואד.

מיט די זמירות האט רבינו שליט''א מכבד געווען: כל מקדש: הגה''צ ר' מנחם יודא גאטליעב שליט''א אב''ד ניאמץ וומסב''ג, מנוחה ושמחה: הרה''ח ר' משה שווארץ הי''ו (לאנדאן).

רבינו שליט''א האט געזאגט תורה אויפן פסוק 'ויגר מואב מפני העם כי רב הוא' און געטייטשט בדרך דרוש אין די סוגיא פון קנין פירות כקנין הגוף.

קה אכסוף: הב' אלעזר בן הרה''צ ר' חיים מאיר טווערסקי שליט''א נכד כ''ק אדמו''ר מסקווירא שליט''א, ברכהמ''ז: הגה''צ דומ''ץ קהלתינו לעיקוואד שליט''א.

עובדות וסיפורים די וואך האט רבינו שליט''א דערציילט פון הרה''ק עטרת צבי מזידיטשוב זיע''א וואס די יארצייט איז געווען פרייטאג י''א תמוז.

קה רבון עלם: ר' חיים ענגלענדער הי''ו (וומסב''ג), די פרישע חתנים זענען אריבער נעמען פירות, אז ביום השביעי: הרב יחיאל מיכל גאלדשטיין שליט"א נכד האדמו''ר מסקאליע. מען האט געענדיגט ארום 2:00.

וביום השבת קודש

שב''ק אינדערפרי איז רבינו שליט''א אריינגעקומען אין ביהמ''ד ארום 9:40. פסוקי דזמרה: הרה''ח ר' מענדל פרענקל הי''ו, צו שחרית איז רבינו שליט''א צוגעגאנגען.

הוצאה והכנסה: הרה''ח ר' הערשל פליישמאן הי''ו (מאנטרעאל), פסוקי שמע ישראל: הרה''ח ר' ברוך פיש הי''ו.

עליות. כהן: הרה''ח ר' שמחה כ''ץ הי''ו. לוי: הרה''ח ר' שמחה קלאגסברוין הי''ו (אויסטראליע). שלישי: הגה''צ דומ''ץ קהלתינו לעיקוואד שליט''א. רביעי: החתן בן הרה''ג ר' נתן דוב שווארץ שליט''א. חמישי: החתן ב''ר יואל בר''ש פריעדמאן הי''ו. שישי: רבינו שליט''א.

נאכן עולה זיין האט רבינו שליט''א געמאכט דעם מי שברך וקריאת השם לרגל הולדת הבת ביי די פאלגענדע בעלי שמחה:
ר' אברהם משה קליין הי''ו.
ר' ישראל מאיר ברמ''י פריעדמאן הי''ו.

שביעי: החתן ב''ר אברהם וואלף קויפמאן הי''ו. אחרון: החתן ב''ר דוד לייבוש יאקאבאוויטש הי''ו. מפטיר: הרה''ח ר' דוד עקשטיין הי''ו. הגבה: הרה''ח ר' חיים אלעזר שפיצער הי''ו (וומסב''ג). גלילה: הר''ר אלחנן טויב הי''ו.

מוסף: הרה''ח ר' דוד עקשטיין הי''ו, פתיחה לאנעים זמירות: ר' חיים ענגלענדער הי''ו. מען האט געענדיגט ארום 12:45.

רעוא דרעווין

צו מנחה ושל''ש איז דער רבי איז אריינגעקומען ארום 9:00. מנחה הרה''ח ר' משה שווארץ הי''ו (לאנדאן). הוצאה והכנסה: הרה''ח ר' יואל בר''ש פריעדמאן הי''ו. כהן: ר' יואל ברח''י גרויס הי''ו. לוי: הרה''ח ר' יואל בר"מ רייזמאן הי''ו (לעיקוואד). שלישי: הרה''ג ר' מאיר לייב קטינא שליט''א. הגבה: רבינו שליט''א. גלילה: ר' יואל קליינבערגער הי''ו (וומסב''ג).

זמירות ביי של"ס האט דער רבי מכבד געווען. אודה הרה"ח ר' נח גפן הי"ו, שיר המעלות: הרה''ח ר' משה גאלדשטיין הי''ו.

רבינו שליט''א האט געזאגט תורה אויפן פסוק 'לא הביט און ביעקב ולא ראה עמל בישראל' און געטייטשט אז דער כלל איז מצוה גוררת מצוה און עבירה גוררת עבירה עס ווערט באשאפן א מלאך פון יעדע עבירה וואס שטופט אים ווייטער ביז מען קען צוקומען ר''ל צו חמורות שבחמורות, די עצה אויף דעם איז מצוות קרי''ש שחרית וערבית וואס די סגולה איז מזיקין בדלין ממנו סיי מזיקין בגשמיות און סיי ברוחניות, און מעורר געווען נזהר צו זיין במצוות קרי''ש בזמנה.

ידיד נפש: הרה''ח ר' יצחק מארקאוויטש הי''ו, קל מסתתר: הרה''ח ר' זושא רובין הי''ו (וומסב''ג), דער רבי האט געבענטשט אויפן כוס און געזאגט שבע ברכות.

מעריב מוצש''ק: הרה''ח ר' ברוך יודא קליין הי''ו, נאך הבדלה איז מען אריבער זאגן א גוטע וואך. מען האט געענדיגט ארום 11:30, און מען האט ארויסבאגלייט רבינו שליט''א מיטן ניגון כי מלאכיו לרגל די נסיעה קיין ניו העמפשיר אי"ה די וואך, למנוחת הנפש.

▫️ סאטמאר'ע נייעס 🌴 ▫️