ארום 8:15 איז רבינו שליט''א אריינגעקומען צו תפילת שחרית אינעם ארטיגן ביהמ''ד. נאכן דאווענען האט דער רבי אהיימשפאצירט, ווי עס איז פארפירט געווארן א שיינע שמועס בסיפורי צדיקים ומנהגי ישראל.
ארום 1:00 מיטאג איז רבינו שליט''א אריינגעקומען צו תפילת מנחה אינעם ארטיגן ביהמ''ד, נאך מנחה האט זיך דער רבי באדאנקט פאר די ארטיגע עסקנים און פארן רב הביהמ''ד שליט''א, ספעציעל פארן אהערשטעלן די נייע פאלם ספרינגס קאושער געשעפט צוצושטעלן כשר'ע עסן פאר די אידן וואס קומען וויילען אין פאלם ספרינגס למנוחת הנפש.
בביתו נאוה קודש האט רבינו שליט''א טעלעפאניש געוואונטשן ברכות מז''ט פאר הרה''ח ר' צבי עקיבה ברייטשטיין הי''ו מנהל מוסדותינו בית שמש לרגל נישואי בתו, און אין ירושלים פאר הרבני הנגיד ר' יחזקאל דוד בערקאוויטש הי''ו לרגל די ברית פון או אייניקל וואס איז פארגעקומען אין ירושלים.
ארום 1:50 האט דער רבי פארלאזט ביתו נאוה קודש בעיר הנופש פאלם ספרינגס אויפן וועג צום ארטיגן עירפארט, אין די אויטא פון הרבני הנגיד ר' שלום יצחק יאקאבאוויטש הי''ו. ארום 2:45 האט זיך בשעטו''מ געהויבן די פריוואטע פליגער פונעם פאלם ספרינגס אינטערנעשענל עירפארט אויפן וועג קיין ניו יארק, די ערשטע שעות אויפן וועג האט רבינו שליט''א עוסק געווען בתורה אין די סוגיא פון מצוות צריכות כוונה, און דערנאך פארברענגט בסיפורי צדיקים.
ברוך הבא בשם ה'
ארום 10:05 האט געלאנדעט די פליגער אין נוארק עירפארט, ווי רבינו שליט''א האט געדאווענט מעריב אין א פריוואטן צימער.
נאך מעריב ארום 11:10 איז רבינו שליט''א אנגעקומען קיין בארא פארק ווי דער רבי האט מנחם אבל געווען הרה''ח ר' מאיר משה מארקאוויטש הי''ו ע''פ אמו ע''ה. פון דארט האט זיך רבינו שליט''א ארויסגעלאזט אויפן וועג למעון קדשו בקרית יואל ווי דער רבי איז אנגעקומען ארום 12:30.
בזמן שהצדיק בעיר הוא הודה הוא זיוה והוא הדרה
▫️ סאטמאר'ע נייעס 🌴 ▫️
Report
מאנטאג - חמשה עשר בשבט 'בצל הקודש' פון כ''ק רבינו הגה''ק שליט''א
ארום 8:15 איז רבינו שליט''א אריינגעקומען צו תפילת שחרית אינעם ארטיגן ביהמ''ד, ביים ליינען זענען נתכבד געווארן. פתיחה: הרה''ח ר' חיים האלפערט הי''ו (לאס אנדזשעלעס), כהן: הרה''ח ר' חיים יצחק שווארץ הי''ו (אנטווערפן), לוי: ר' יודא הערש בערגער (קר"י). שלישי: רבינו שליט''א, הגבה: הרה''ח ר' ברוך פיש הי''ו (קר''י), גלילה: הרה''ח ר' אברהם יוסף אקערמאן הי''ו (קר''י).
נאכן דאווענען האט הב' יעקב ב''ר חיים זאב פאלקאוויטש הי''ו איבערגעגעבן א תירוץ פאר רבינו שליט''א אויף די קשיא וואס דער רבי האט איבערגעלאזט איידער'ן ארויספארן אויף מנוחת הנפש, דערנאך האט דער רבי אהיימשפאצירט, ווי עס איז פארפירט געווארן א שיינע שמועס איבער עניני ומנהגי חמשה עשר בשבט, און איבער די מנהגי הספרדים מרבה צו זיין בתפילות ובסגולות, און איבער דעם מנהג רבותינו הק' צו עסן פירות ביי קידוש שב''ק בייטאג.
אין די פארמיטאג שעה'ן ארום 12:00 איז דער רבי געגאנגען שפאצירן בנאות דשא װי עס איז פארפירט געווארן הערליכע שמועסן בד"ת וסיפורי צדיקים, און איבער די רדיפות וואס די גדולי אונגארין אינדערהיים פלעגן מיטמאכן פון ראשי הקהלה און בני העיר.
נאכמיטאג איז געווען אויף א באזוך בביתו נאוה קודש פון רבינו שליט"א הרה''ג ר' משה פרץ שווארץ שליט''א אב''ד ק''ק קול אריה לעיקוואד, עס איז פארפירט געווארן א שיינע שמועס בעניני הנהגת הקהילות אמאל אין דער אלטער היים און היינט.
אום 5:00 נאכמיטאג איז רבינו שליט"א אריינגעקומען צו תפילת מנחה, נאך מנחה האט דער רבי געפראוועט א פירות טיש לכבוד חמשה עשר בשבט, מען האט געזינגען עטליכע ניגונים און דער רבי האט טועם געווען פון די טייטלען און פון די אתרוג כנהוג, דערנאך האט דער רבי געטרינקן לחיים און געוואונטשן ברכות קדשו פארן ציבור, און משמיע געווען דב''ק בעניני דיומא, און פארטיילט שריים, מען האט געענדיגט ארום 6:00. און ביים זמן רבינו תם האט מען געדאווענט מעריב.
▫️ סאטמאר'ע נייעס 🌴 ▫️
Report
זונטאג 'בצל הקודש' פון כ''ק רבינו הגה''ק שליט''א
ארום 9:00 אזייגער איז רבינו שליט''א אריינגעקומען צו תפילת שחרית אינעם ארטיגן ביהמ''ד, נאכן דאווענען זענען די געסט אריבער זיך געזעגענען, דערנאך האט דער רבי אהיימשפאצירט, ווי עס איז פארפירט געווארן א שיינע שמועס און צווישן אנדערע ארומגערעדט זכרונות פון רביה''ק בעל דברי יואל זי''ע אין בעל הארבער, און איבער די מהפיכה פון די פסול'ע מזוזות ותפילין היינט און אמאל בימי רביה''ק זי''ע.
אין די פארמיטאג שעה'ן ארום 11:45 איז דער רבי געגאנגען שפאצירן בנאות דשא װי עס איז פארפירט געווארן הערליכע שמועסן בד"ת וסיפורי צדיקים, במיוחד פון הגה''ק בעל דברי חיים מצאנז זי''ע און הגה''ק בעל עצי חיים זי''ע.
פארנאכט'ס אים 5:30 איז דער רבי אריינגעקומען צו תפילת מנחה, צווישן מנחה און מעריב האט דער רבי עוסק געווען בתורה אויף זיין פלאץ אין ביהמ"ד, און ביים זמן רבינו תם האט מען געדאווענט מעריב.
▫️ סאטמארע נייעס 🌴 ▫️
Report
חלק א' פר' יתרו 'בצל הקודש' פון כ''ק מרן רבינו הגה''ק שליט''א בעיר הנופש פאלם ספרינגס, קאליפארניע יצ"ו
פארגאנגענע וואך האט רבינו שליט''א טעלעפאניש גערופן וואונטשן מזל טוב פאר אחיו הגה''צ אב''ד קהלתינו ב''פ 15 שליט''א און פאר בנו הרב ר' סיני טייטלבוים שליט''א לרגל די שמחת החתונה פון בתו / נכדתו למז''ט. דאנארשטאג ביינאכט האט רבינו שליט''א טעלעפאניש מנחם אבל געווען חדב''ן הגה''צ רב דביהמ''ד אבני צדק שליט''א וכל משפחתו וועלכע זענען געזעצן שבעה עפ''י אביהם כ''ק אדמו''ר מאלעסק זצ''ל.
מוצש''ק זענען אריין בקודש פנימה ביי רבינו שליט''א עטליכע תלמידי ישיבה גדולה שיעור ד', ווי דער רבי האט געבענטשט טייטלען וואס איז אפגעשיקט געווארן פאר די תלמידי הישיבה לכבוד חמשה עשר בשבט.
ארום 1:00 מיטאג וועט רבינו שליט"א אריינקומען צו תפילת מנחה אינעם ארטיגן ביהמ''ד, און נאך מנחה וועט דער רבי ארויספארן צום פאלם ספרינגס אינטערנעשענל עריפארט פון ווי דער רבי וועט זיך ארויסלאזן מיט א פריוואטע פליגער, רבינו שליט''א איז ערווארטעט צו לאנדען ארום 10:00 אין ניו יארק און זיך אומקערן למעון קדשו בקרית יואל.
בזמן שהצדיק בעיר הוא הודה הוא זיוה והוא הדרה
▫️ סאטמאר'ע נייעס 🌴 ▫️
Report
בונים!! נעכטן מאנטאג איז בשעטו''מ אריין אין פולן שוואונג די פאקטישע בוי ארבייט אויפן שטח המוסדות אין מאנסי אויף טשערי לעין, אויפצובויען די פראכטפולע בנין הבית רחל החדש ''בנין ניישטאדט''.
דאס קומט נאך וואס אנ''ש האבן אויפגענומען פארגאנגענעם ערש''ק בא די בשורה מרנינה אז די ווילעדזש אוו עירמאנט האט געשאנקען פאר הנהלת מוסדותינו הק' די ענדגילטיגע בוי פערמיטן אויפצובויען די פרעכטיגע בנין הבית רחל.
און די זעלבע צייט ארבייט די הנהלת המוסדות אויף די פערמיטן פארן צווייטן גיגאנטישער בנין הבית רחל החדש און מען ערווארט די אפראוועלס אינעם נאנטן צוקונפט בס''ד.
בורא עולם בקנין השלם זה הבנין
▫️ סאטמאר'ע נייעס 🌴 ▫️
Sunday14 Shevat 57821/16/2022
Report
רעוא דרעווין
צו מנחה ושל"ש איז רבינו שליט''א אריינגעקומען ארום 5:35. מנחה: הרה''ח ר' שמעון עוזר מיטטעלמאן הי''ו(וומסב''ג), הוצאה והכנסה: הרה''ח ר' שלום משה עקשטיין הי"ו (קר''י), כהן: ר' משה מיללער הי''ו (מאנסי), לוי: הרה''ח ר' יעקב חיים מאשקאוויטש הי''ו (וומסב''ג), שלישי: הרה''ח ר' אברהם משה לאנדא הי''ו (וומסב''ג), הגבה: רבינו שליט"א, גלילה: הרה''ח ר' שלמה משה קלאגסברוין הי''ו.
זמירות ביי של"ש האט רבינו שליט"א מכבד געווען. אודה: הרה''ח ר' יושע מענדלאוויטש הי''ו, שיר המעלות: הרה"ח ר' שלום יצחק יאקאבאוויטש הי"ו.
ביי די תורה האט זיך רבינו שליט''א געשטעלט אויפן פסוק "אז ישיר משה ובני ישראל" און געטייטשט אז אויפן ים זענען די מצריים נענש געווארן 5 מאל אזויפיל, מדה כנגד מדה פון זייער מחשבה רעה אויף אידישע קינדער, פון דעם האבן די אידן גענומען א מוסר השכל דעם חומר הענין פון א מחשבה אליין, אז די פגם גייט ביזן נשמה און דער תיקון דערצו איז צו טוען מצוות ומעשים טובים מיט מער מחשבה ופנימיות הלב, און מאריך געווען מיט לענגערע דברי מוסר שטייענדיג בימי השובבי''ם אז מען דארף תשובה טוען אפילו אויף די מחשבות וואס דאס איז דורך טוהן מצוות מיט מער כוונה, און זיך מקבל זיין צו נזהר זיין פון עבירות בדיבור במעשה ובמחשבה.
ידיד נפש: הרה''ח ר' יעקב חיים מאשקאוויטש הי''ו, קל מסתתר: הרה''ח ר' יצחק טייטלבוים הי''ו (קר''י). דער רבי שליט''א האט געבענטשט אויפן כוס.
ביים ערושלה''ט בביתו נאוה קודש האט מען געעפענט ארום 9:10, דער רבי האט געשמועסט בסיפורים פונעם קדושת יו''ט און עצי חיים זי''ע. מיט די זמירות האט רבינו שליט''א מכבד געווען. כל מקדש הרה"ג ר' עזרא משה כאירה שליט''א מו''ץ בקהלתינו וומסב''ג, מנוחה ושמחה: הרה''ח ר' אברהם ווידער הי''ו.
רבינו שליט''א האט געזאגט תורה אויפן פסוק "ויהי בשלח פרעה את העם" און געטייטשט בדרך דרוש אין די סוגיא פון עשה דוחה לא תעשה.
קה אכסוף: הרה''ח ר' משה זושא ניישטאדט הי''ו (קר''י). ברכהמ"ז: הרה"ג ר' הערש אלימלך טייטלבוים שליט"א רב דביהמ''ד תפילה למשה דקהלתינו הק' בארא פארק.
עובדות וסיפורים די וואך האט רבינו שליט''א דערציילט פון הגה''ק הפני יהושע זצוק"ל וואס די יארצייט געפאלט זונטאג י''ד שבט. קה רבון עלם: הרה''ח ר' שמחה יוסף וויזענפעלד הי''ו (וומסב''ג), אז ביום השביעי: הרה''ח ר' אהרן יוסף ווייס הי''ו (וומסב''ג). דערנאך האט מען ממשיך געווען צו טאנצן בבקעך ים סוף לכבוד שבת שירה. מען האט געענדיגט ארום 10:45.
וביום השבת קודש
שב"ק צופרי איז רבינו שליט''א אריינגעקומען 9:45. רבינו שליט"א האט יורד געווען לפני התיבה צו פסוקי דזמרה און שחרית לרגל שבת שירה. הלל הגדול און שירה האט דער רבי געזאגט פסוק בפסוק כנהוג. צו הויעך שמו''ע האט דער רבי צוגעשיקט הרה''ג ר' הערש אלימלך טייטלבוים שליט''א.
פארן ליינען האט הרה"ח ר' משה פאלקאוויטש הי"ו געמאכט דעם אפיעל פארן ביהמ"ד, און האט פארקויפט אלע עליות.
הוצאה והכנסה ופסוקי שמע ישראל: הרה''ח ר' אבא קליין הי''ו (ב"פ), בעל קורא: משב"ק הרה''ח ר' יושע מענדלאוויטש הי''ו.
עליות. כהן: הרה''ח ר' חיים שאול קאהן הי''ו (קר''י), לוי: הב' ב''ר יואל טירנויער הי''ו (וומסב''ג), שלישי: הרה''ג ר' הערש אלימלך טייטלבוים שליט''א, רביעי: משב''ק הב' אלתר ברוך גפן הי''ו, חמישי: הרה''ג ר' עזרא משה כאירה שליט''א, שישי: רבינו שליט''א.
דעם רבי'נס עליה איז געקויפט געווארן דורך הרה''ח ר' משה זושא ניישטאדט הי''ו, נאכן עולה זיין האט זיך דער רבי באדאנקט און אים געהייסן מאכן א מי שברך. אויך האט דער רבי געהייסן מאכן א מי שברך פאר נכדו הרב פנחס מרדכי מייזליש שליט''א לרגל הולדת בתו למז''ט.
שביעי: הרה''ח ר' אהרן יוסף ווייס הי''ו, הוספה: הרה"ח ר' שלום יצחק יאקאבאוויטש הי"ו (וומסב''ג), אחרון: הר''ר משה ברוך זילבער שליט''א בן הגה''צ גאב''ד פריימאן שליט''א, מפטיר: הרה''ח ר' אברהם ווידער הי''ו, הגבה: הרה''ח ר' משה זושא ניישטאדט הי''ו, גלילה: הרה''ח ר' שמחה יוסף וויזענפעלד הי''ו.
מוסף; הרה''ח ר' משה פאלקאוויטש הי''ו, פתיחה לאנעים זמירות: הרה"ח ר' אברהם משה לאנדא הי''ו (וומסב''ג).
נאכן דאווענען איז פארגעקומען א קידוש לרגל די שמחת הקידושא רבה פון נכדת רבינו בת הנולד להרב פנחס מרדכי מייזליש שליט''א בן חדב''ן הגה''צ רב דביהמ''ד ישמח משה שליט''א, דער רבי האט קידוש געמאכט און מען האט געזונגען נגוני שמחה, דערנאך האט דער רבי געטרינקן לחיים און געוואונטשן ברכות קדשו שמחת ביי אידישע הייזער. מען האט געענדיגט 1:00.
▫️ סאטמאר'ע נייעס 🌴 ▫️
Friday12 Shevat 57821/14/2022
Report
פרייטאג 'בצל הקודש' פון כ''ק רבינו הגה''ק שליט''א
ארום 8:15 איז רבינו שליט''א אריינגעקומען צו תפילת שחרית אינעם ארטיגן ביהמ''ד. נאכן דאווענען זענען די געסט אריבער שלום נעמען, דערנאך האט דער רבי אהיימשפאצירט ווי עס איז פאפירט געווארן א שיינע שמועס איבער פארשידענע מנהגי שב''ק ביי רבותינו הק' און איבער מנהגי שבת שירה.
▫️ סאטמאר'ע נייעס 🌴 ▫️
Report
דאנערשטאג 'בצל הקודש' פון כ''ק רבינו הגה''ק שליט''א
ארום 9:15 איז רבינו שליט''א אריינגעקומען צו תפילת שחרית אינעם ארטיגן ביהמ''ד, ביים ליינען זענען נתכבד געווארן. פתיחה: הרה''ח ר' יצחק טייטלבוים הי''ו (קר''י), כהן: הרה''ח ר' בנציון לאנדא הי''ו (וומסב''ג), לוי: הרה''ח ר' שלמה משה קלאגסברוין הי''ו (קר''י), שלישי: רבינו שליט''א, הגבה: נכד רבינו הרב חיים הערש טייטלבוים שליט''א בן הגה''צ רב דביהמ''ד ברך משה שליט''א, גלילה: ר' מרדכי שמעי' קויפמאן הי''ו (וומסב''ג). נאכן דאווענען זענען עטליכע געסט אריבער שלום נעמען.
פארנאכט'ס אים 5:30 איז דער רבי אריינגעקומען צו תפילת מנחה, צווישן מנחה און מעריב האט דער רבי געלערנט, און ביים זמן רבינו תם האט מען געדאווענט מעריב.
▫️ סאטמארע נייעס 🌴 ▫️
Report
חלק ב' פר' בשלח 'בצל הקודש' פון כ''ק מרן רבינו הגה''ק שליט''א בעיר הנופש פאלם ספרינגס, קאליפארניע יצ"ו
מיטוואך
ארום 8:30 איז רבינו שליט''א אריינגעקומען צו תפילת שחרית אינעם ארטיגן ביהמ''ד, נאכן דאווענען איז פארגעקומען א מסיבת לחיים לרגל די שמחת הברית מילה פון נכד רבינו בן הנולד לנכדו הרב משולם זושא ראזענבוים שליט''א חתן חדב''ן הגה''צ רב דביהמ''ד אבני צדק שליט''א, דער רבי האט געטרונקען לחיים און מאציל געווען ברכות קדשו פארן גאנצ'ן ציבור.
אין די פארמיטאג שעה'ן ארום 11:15 איז דער רבי געגאנגען שפאצירן בנאות דשא װי עס איז פארפירט געווארן הערליכע שמועסן בד"ת וסיפורי צדיקים, צווישן אנדערע האט דער רבי ארומגערעדט איבער די עבודה פונעם בעש''ט ותלמידיו צו ארומפארן און אויפהייבן די פראסטע אידן צו אידישקייט, און איבער דעם מנהג פון געבן א נאמען נאך עלטערן און רבי'ס.
פארנאכט'ס אים 5:30 איז דער רבי אריינגעקומען צו תפילת מנחה, צווישן מנחה און מעריב האט דער רבי עוסק געווען בתורה אויף זיין פלאץ אין ביהמ"ד, און ביים זמן רבינו תם האט מען געדאווענט מעריב.
