Satmara Niyes

פרייטאג ערש''ק נשא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' מרדכי הערש בערגער הי"ו ווי דער רבי איז געווען סנדק ומוהל.

דער רבי האט געדאווענט שחרית אין ת"ת בנין הירש ג"ב לאנדא אינאיינעם מיט די תלמידי כתות ו' ז' ח' סניף הר"ר משה כ"ץ שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר יצחק הכהן פריעדמאן הי"ו.
- ב"ר מרדכי שמעי' קויפמאן הי"ו.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים און חרוזים, דער רבי האט געטרינקן לחיים און אנגעוואונטשן פאר די בר מצוה בחורים מרביצי תורה און קינדער, און משמיע געווען דב"ק איינצוהאלטן די קבלות טובות וואס מען האט געמאכט יו''ט שבועות, און מעורר געווען די קינדער וואס זענען שוין בר מצוה געווארן און די וואס גרייטן זיך שוין צו בר מצוה ווערן נזהר צו זיין נישט צו רעדן קיין שיחת חולין מיט די תפילין אזוי ווי רביה"ק בעל ברך משה זיע''א פלעגט פארלאנגען פון די בר מצוה בחורים, און מסיים געווען בברכת קדשו.

▫️ סאטמארע נייעס 🌴 ▫️

דאנערשטאג פרשת נשא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר עמרם משה וויינשטאק הי"ו.
- ב"ר דוב לעבאוויטש הי"ו.
- ב"ר אהרן משה שווארץ הי"ו.
- ב"ר מאיר זאלדאן הי"ו.

ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ה פסוק י"ח. דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית איז דער רבי אריבער אין ביהמ"ד הגדול ווי עס איז פארגעקומען א ברית לבן הנולד אצל ר' יואל בר"ד יערמיאש הי"ו, ווי דער רבי איז געווען סנדק ומוהל.

ארום 1:30 איז דער רבי אנגעקומען צום נייעם בנין הישיבה וועלכע ווערט געבויעט פאר ישיבה קטנה סניף דרך התורה בראשות הגה"צ אבד''ק וומסב''ג שליט"א אין די קארנוואל געגענט ווי עס איז פארגעקומען די מעמד יציקת הבורות פאר די מקוה אינעם בנין.
דער רבי איז צום ערשט ארום אינעם גאנצן בנין הישיבה און דערנאך זיך ארויסגעלאזט אויף א שפאציר אין א שמועס בדברי תורה ופלפול אין די סוגיא וואס דער רבי האט געזאגט שבועות דעם פשעטיל מיט בנו הגה"צ אבד''ק וומסב''ג שליט"א, ווי דער רבי האט איבערגעזאגט עטליכע פרישע מהלכים אין די סוגיא און פרישע חידושים פון במשך דעם יו"ט.

דערנאך איז פארגעקומען די יציקת הבורות, דער רבי האט געגאסן צעמענט און אריינגעלייגט עטליכע מטבעות, און מכבד געווען הגה"צ אבד''ק שליט"א און הרה''ג ר' יואל אפענהיים שליט"א מנהל הישיבה, און די הנהלת הישיבה צו גיסן די מקוה, דערביי האט זיך פארצויגן א שיינע שמועס בעניני מקוואות מיט הרה"ג ר' יצחק טריגער שליט"א מגדולי המומחים בעניני מקוואות.
דערנאך איז פארגעקומען א מסיבת לחיים בהיכל הישיבה, עס האט זיך פארצויגן א שיינע שמועס איבער די הצלחה פון די ישיבה און איבער די תועלת פון לערנען אין א ישיבה מחוץ לעיר און איבער די פלענער צו באנייען דעם בנין הישיבה אין די קומענדיגע וואכן בעז"ה, מען האט געזינגען עטליכע ניגונים לכבוד המאורע, דער רבי האט געטרינקן לחיים און מאציל געווען מברכת קדשו. מען האט געענדיגט ארום 2:45.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יואל זאב שעהר הי"ו און הרה"ח ר' יונה דוד פערל הי"ו, אין די זאלן פון כינור דוד.
- הרה"ח ר' יצחק אייזיק יעקב גאלדשטיין הי"ו און הרה"ח ר' יושע הערש פריעדמאן הי"ו, אין די זאלן פון בית רחל פאראדייס.

ארום 8:30 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 12:45 אויפדערנאכט בביתו נאוה קודש.

בעת די זמני כניסה איז אריין בקו''פ הגה''צ ר' יואל מענדל אשכנזי שליט"א אב"ד אלעסק לינדען אינאיינעם מיט בנו החתן ני"ו מקבל זיין ברכת הקודש לרגל נשואיו למז"ט, עס האט זיך פארמירט א שיינע שמועס און דער רבי האט אים מאציל געווען מברכת קדשו.

אזוי אויך איז אריין בקו"פ הרה"ג ר' יעקב ישראל פריעדמאן שליט"א רב דביהמ"ד טשערקאס אין קרית יואל המורחבת, אינאיינעם מיט בנו החתן ני"ו מקבל זיין ברכת הקודש לרגל נשואיו למז"ט, עס האט זיך פארמירט א שיינע שמועס און דער רבי האט אים מאציל געווען מברכת קדשו.

רבינו שליט''א האט געליינט די תנאים פון די מחותנים.
- הרה"ח ר' יואל ברש"ז שטיין הי"ו און הרה"ח ר' שמואל פארגעס הי"ו.

- הרה"ח ר' יודא הערש שווארטץ הי"ו (אנטווערפען) און הרה"ח ר' מאיר ניסן לעווי הי"ו (מאנטרעאל).

דער רבי האט געדאווענט מעריב ארום 12:45.

▫️ סאטמארע נייעס 🌴 ▫️

מיטוואך נשא אסרו חג שבועות 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר נפתלי הירצקא שווארץ הי"ו.
- ב"ר גדלי' אפעל הי"ו.
- ב"ר יואל ברמ"ב שטערן הי"ו.
- ב"ר בנימין אינדיג הי''ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 7:45 האט דער רבי געדאווענט מנחה בביתו נאוה קודש אויף צאנז קט.

פארנאכטס האט דער רבי מסדר קידושין געווען ביי די חופה פון די מחותנים.
- הר"ר יצחק זאב גרינוואלד שליט"א און הר"ר שלמה אלי' ווייס שליט"א, אין די זאלן פון כינור דוד.
- הרה"ח ר' אליעזר יו"ט מיהאלי הי"ו און הרה"ח ר' משה דוד פריעדמאן הי"ו, אין די זאלן פון בית רחל פאראדייס.

זמני כניסה בקו''פ איז געווען פון 8:20 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקו''פ הגה''צ ר' יעקב יוסף האגער שליט"א בן כ"ק אדמו"ר מוויזניץ מאנסי שליט"א וחתן כ"ק אדמו"ר מסקווירא שליט"א מקבל זיין ברכת הקודש לרגל נשואי בנו החתן קומענדיגע מיטוואך בהעלותך אין שיכון סקווירא, עס האט זיך פארצויגן א שיינע שמועס איבער די מקומות הקדושים אין אייראפע ובפרט ביי די צדיקי בית קאסוב - וויזניץ און דער רבי האט אים מאציל געווען מברכת קדשו און פאר בנו החתן ני"ו.

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

יום שני של שבועות 'בצל הקודש' פון כ''ק רבינו הגה''ק שליט''א

אינדערפרי אום 8:25 איז רבינו שליט''א אנגעקומען אין ביהמ"ד הגדול זיך משתתף זיין ביים מעמד הנשגב 'נעשה ונשמע' לימוד התורה ברבים, און אריין בחדרו הפרטי און עוסק געווען בתורה מיט א חברותא נכדו הב' יחזקאל שרגא ט''ב בן הגה''צ אב''ד סיגוט שליט''א.

ארום 9:30 איז איז דער רבי ארויס און ארום געגאנגן אין אלע סניפים פון ביהמ"ד אהנגעהויבן ביים היכל התורה, און דערנאך אינעם גיגאנטישן היכל בית המדרש, און זיך אומגעקוקט א לענגערע צייט ברוב קורת רוח אויף די טויזענטער לומדים זקנים עם נערים, ומה נהדר היה המראה ווי דער רבן של ישראל גייט ארום צווישן די טויזענטער לומדים אין א בחינה פון וירד משה מן ההר אל העם.

פארן דאווענען איז פארגעקומען א ברית לבן הנולד אצל ר' מנחם זאב הירש הי"ו (ב''פ), ווי דער רבי איז געווען סנדק ומוהל.

דער רבי איז אריינגעקומען צום דאווענען ארום 10:55. אמירת הברכות: הרב הגאון ר' מענדל ווערצבערגער שליט''א דומ''ץ קהלתינו מאנטרעאל. פסוקי דזמרה: הגה''צ ר' מאיר צוויבל שליט''א מרבני קהלתינו וומסב''ג. דער רבי איז צוגעגאנגען צו שחרית יוצר והלל.
נאכן שיר של יום האט מען געזאגט מגילת רות, און ביים ענדיגן האט דער רבי געזאגט קדיש לע"נ די משפחה פון אביו רביה"ק בעל ברך משה זיע''א הי"ד.

הוצאה והכנסה: הרה"ג ר' שלום טייטלבוים שליט"א דומ"ץ ביהמ"ד ויואל משה וומסב''ג, און הרה''ג ר' יצחק אהרן גרין שליט"א (וומסב''ג).
פסוקי שמע ישראל: הגה''צ ר' אברהם מאיר האלבערשטאם שליט"א דומ"ץ בית מדרשינו 18 ב"פ.
הלכת הספר לבימה: הרה"ג ר' נתן דוד אשכנזי שליטא מסטאניסלאוו מאנסי, און הרה"ג ר' אהרן יעקב כהנא שליט"א (מאנסי).

עליות.
- כהן: הרה"צ ר' יצחק צבי ווייס שליט"א מאיהעל ב"פ.
- לוי: הרה''ח יואל יודא רובינפעלד הי''ו (וומסב''ג).
- שלישי: הגאון הגדול הדומ"ץ שליט"א.
- רביעי: הרה"ח ר' אברהם בראך הי"ו.
- חמישי: רבינו שליט"א.

נאכן עולה זײן האט דער רבי קורא שם געווען לרגל הולדת הבת אצל: ר' אהרן מתתי' בר"א רייזמאן הי"ו.

- הגבה: הרה"ח ר' מאיר שטערן הי"ו (וומסב''ג).
- גלילה: הרה"ח ר' משה אלי' וויינשטאק הי"ו (ב"פ).
- מפטיר: הרה"ח ר' יעקב זוסמאן סופר הי"ו.
- הגבה: הרה"ח ר' משה ישעי' ווערצבערגער הי"ו (מאנטרעאל).
- גלילה: הרה"ח ר' יצחק שיפף הי"ו (מאנסי).

נאכן ליינען האט מען געזאגט יזכור, צוליב די שטארקע געדרענג איז ווי שוין פארגאנגענע יאר אהערגעשטעלט געווארן דעם נייע סדר בהסכמת רבינו שליט''א, און איז אויסגעשפרייט געווארן ספעציעלע מחיצות אויף אלע פליגלען און גאלעריען און ביי די דרום און צפון זייט פון ביהמ''ד צו פארמיידן סכנות נפשות ווען אזויפיל טויזענטער אידן גייען ארויס אויפאיינמאל.

צו תפילת מוסף איז צוגעגאנגען הגה"צ אבד''ק וומסב''ג שליט"א. פתיחה צו אנעים זמירות: הר''ר יואל מייזליש שליט''א (וויען) מען האט געענדיגט ארום 2:45.

ביים מיטאג טיש בביתו נאוה קודש האט דער רבי מכבד געווען מיט אהבה רבה הב' משה בן הרה"ג ר' זלמן לייב מייזליש שליט"א. דער רבי האט געבענטשט אויפן כוס.

פארנאכטס ארום 9:00 איז רבינו שליט''א אריינגעקומען אין ביהמ''ד צו מנחה ונעילת החג. עס האט געדאווענט פארן עמוד: הרה"ח ר' יואל בר"ע הירש הי"ו.

נאך מנחה איז דער רבי ארויף אויפן פלאץ און געטאנצן פאר עטליכע מינוט, און מען האט מאריך געווען מיט ניגוני יו"ט.
הרה"ח ר' שלמה ווערצבערגער - משמש דקהלתינו הק' בוומסב''ג האט אנגעגאסן פארן רבי'ן דעם כוס, דער רבי האט געוואונטשן לחיים פאר די חברא קדישא, און פארן גאנצן ציבור.
דער רבי האט טועם געווען מזונות און מען האט פארטיילט שיריים.

דער רבי האט געזאגט ברוך המבדיל און משמיע געווען דברות קודש אויף א מייק, דער רבי האט זיך געשטעלט אויפן פסוק 'ועתה אם שמוע תשמעו בקולי' און געטייטשט אז דורך עוסק זיין בתורה ווערט גערעכנט די מחשבות טובות עס זאל זיין למעשה במילא איז טוב לו שנברא, דער רבי האט דערמאנט לשבח פון די שעות לימוד התורה ברבים זקנים עם נערים יו''ט אינדערפרי, און די שמחה בקהלתינו די סיום הש''ס בחבורת תורתך שעשועי די שמחה פון התחלת הש''ס מחזיר שני און מסיים געווען ברוב ברכות.

נאך די דב''ק האט דער רבי געליינט די כתובה שבין ישראל לאביהם שבשמים, און מען האט געזינגען ובאו כולם און עליונים ששו, און דער רבי האט זיך אויפגעשטעלט טאנצן באש קודש, און ביים ענדיגן האט דער רבי פארגעזאגט דריי מאל לשנה הבאה בירושלים.

מעריב מוצאי יו''ט: הר''ר אברהם גאלדבערגער שליט''א, און דער רבי האט געמאכט הבדלה.

ויו"ט היה עושה בצאתו בשלום מן הקודש

נאך הבדלה איז דער רבי ערשינען אויפן בימת הכבוד פארנט פון ביהמ"ד הגדול במעמד אלפי אנשי שלומינו אנשים נשים וטף, דער רבי האט געמאכט קידוש לבנה און זיך ארויסגעלאזט אין א פייערדיגן ריקוד אויף 'טובים מאורות' און מען האט ממשיך געווען בשירה וזמרה, און דער רבי האט משמיע געווען די 'ברכת הקודש' אויפן פסוק ו'עתה' אם שמוע תשמע בקולי' און געטייטשט אז עס גייט ארויף זיי אויף קבלת התורה פונעם הוה און סיי אויפן עתיד מקיים זיין אלע קבלות טובות אויף להבא, אנשים נשים וטף יעדער לפי ערכו, און געוואונטשן לכל הקהל הקודש בכל מילי דמיטב. מען האט געענדיגט ארום 11:15.

ויו''ט היה עושים ווען אלופי אלפי ישראל זענען פארבליבן אויף די גאס בחצר ביהמ"ד הגדול א לענגערע צייט, טאנצן פייערליך אין צענדליגער רינגען פון חסידים ואנשי מעשה, ברוב שבח והודאה להשי"ת אויף די געהויבענע זמנים וואס מ'האט זוכה געווען.

מוצאי יו"ט זענען אריין זיך געזעגענען בביתו נאוה קודש בחורי אנ''ש פון מאנטרעאל וועלכע האבן געוויילט אויף יו''ט בצל הקודש, דער רבי האט זיי אויסגעפרעגט איבער די לימודים און מאציל געווען מברכות קדשו.

ליל א' דשבועות 'בצל הקודש' פון כ''ק רבינו הגה''ק שליט''א

ערב יו"ט בביתו נאוה קודש האט דער רבי געצינדן די יזכור לעכט.

פארנאכטס ארום 9:05 איז רבינו שליט''א אריינגעקומען אין ביהמ"ד הגדול מעוטף בטליתו און צוגעגאנגען צו מנחה מיט גרויס התעוררות. מערבית: הרה''ג ר' דוד שלמה לאוב שליט"א (מאנסי).
מען האט געענדיגט דאווענען ארום 10:10. דער ציבור איז אריבער זאגן גוט יום טוב און שלום נעמען גאר א לאנגע צייט, און דער רבי איז אהיים לביתו נאוה קודש.

בביתו נאוה קודש האט דער רבי עוסק געווען בתיקון הלילה ביז צום טיש, און געזאגט דעם תיקון ליל שבועות חלק התורה.

ארום 1:55 איז רבינו שליט''א אריינגעקומען צום שלחן הטהור אין ביהמ"ד הגדול. הגבהת הכוס: הגה''צ אבד''ק וומסב''ג שליט"א.

במשך דעם טיש האט מען מאריך געווען מיט ניגוני יו''ט נגוני מתיקות ועריבות התורה.
מיטן די זמירות האט רבינו שליט''א מכבד געווען. פיוט מערבית: הגה''צ ר' העניך מרדכי מייזליש שליט''א רב דביהמ''ד טאלטשאווא קר''י. אהבה רבה: הגה''צ ר' קלמן האלבערשטאם שליט"א רב דביהמ"ד צאנז קר''י.
דערנאך האט מען געזינגען והאר עינינו פאר א לענגערע צייט מיט גרויס התעורורות.

רבינו שליט''א האט געזאגט תורה אויפן פסוק 'ומשה עלה אל האלקים' און געטייטשט אז הוסיף משה יום אחד מדעתו צו ווייזן די חשיבות פון לימוד התורה פון יעדע איד, נישט קיין חילוק וואספארא מדריגה און וועלכע דור מען איז קען מען מקבל זיין די תורה און עס איז חשוב ביים בוכ''ע.

ברכת המזון: הגה"צ אבד''ק וומסב''ג שליט"א. מען האט געענדיגט ארום 3:35, און דער רבי איז אהיים לביתו נאוה קודש ווי דער רבי איז געגאנגען אין מקוה עטליכע מינוט פארן עלות.

יום ראשון של שבועות

פארן דאווענען איז פארגעקומען א ברית לבן הנולד אצל ר' דוד שמואל ווייס הי"ו (וומסב''ג), ווי דער רבי איז געווען סנדק.

דער רבי איז אריינגעקומען צום דאווענען ארום 11:15. אמירת הברכות: הרה''ג ר' ישראל שלמה ליכטנשטיין שליט"א דומ''ץ בית מדרשינו דברי יואל ב''פ. פסוקי דזמרה: הרה''ג ר' זלמן לייב מייזליש שליט"א מו''ץ בקהלתינו ב''פ, דער רבי איז צוגעגאנגען צו שחרית יוצר והלל, ביי אהבה רבה האט מען געזינגען דעם ניגון המקובל פון הרה"ק רבי ר' הערש מרימונוב זיע''א מיט גרויס התעורורות ובבכיות.

הוצאה והכנסה: הרה''ח ר' אהרן וועלץ הי''ו (ב''פ), און הרה''ח ר' שמואל זאנוויל ווערטהיימער הי''ו (מאנסי).
פסוקי שמע ישראל: הרה"ג ר' אברהם וואלף שנעעבאלג שליט''א מו"ץ דקהלתינו וומסב"ג.
הולכת הספר לבימה ובשעת אמירת אקדמות: הרה''ג ר' הערשל מייזליש שליט''א רב דבית מדרשינו בית נחום דוב וומסב''ג, און הרה"צ ר' זלמן יהודא כהנא שליט"א מרבני קהלתינו בית שמש.

דער רבי איז ארויף אויף די בימה מען האט אויסגערופן דעם כהן הרה''צ ר' בערל גלאנץ שליט''א מבארדיוב קר''י, און דער רבי האט פארגעזאגט דעם אקדמות בקול חוצב להבות אש ברגש קודש ובגעגועין, און דאן געליינט די קריאה בהתעוררות רב.

עליות.
- לוי: הגה"צ אבד''ק מאנסי שליט"א.
- שלישי: הגה"צ אבד''ק וומסב''ג שליט"א.
- רביעי: הרה''ח ר' יצחק שווארץ הי''ו, און האט געמאכט א מי שברך לכל הלומדים ומסיימים ש''ס במסגרת תורתך שעשועי, בעבור שנדב כל הוצאת הבחינות למחזור השני.
- חמישי: רבינו שליט"א.

נאכ'ן עולה זײן האט דער רבי קורא שם געווען לרגל הולדת הבת אצל:
- ר' ברוך בענדיט ברמ"י כהנא הי"ו.
- ר' אברהם שמעון ברמ"ח ווידער הי"ו.
- ר' יחזקאל שרגא ברח"ל קויפמאן הי"ו (וומסב''ג).

- הגבה ספר ראשון: הרה"ח ר' יצחק פריינד הי"ו (ב''פ).
- גלילה: הרה"ח ר' יוסף מרדכי כהנא הי"ו (וומסב''ג).
- מפטיר: הרה"ח ר' חיים לעווי הי"ו (וויען).
- הגבה: הרה"ח ר' גדלי' סעגעדין הי"ו.
- גלילה: הרה"ח ר' יעקב ברוינער הי"ו (ב''פ).
די הפטורה האט דער רבי געזאגט שטייענדיג כנהוג בהפטורה לחג השבועות.

צו תפילת מוסף איז צוגעגאנגען הגאון הגדול הדומ"ץ שליט"א. פתיחה צו אנעים זמירות: הרה"ח ר' אברהם שלמה כ''ץ הי"ו (לאנדאן). מען האט געענדיגט ארום 3:30, און דער רבי איז אריין לחדרו הפרטי.

נאך עטליכע מינוט איז דער רבי אריינגעקומען אין ביהמ"ד צום קרעפל טיש, דער רבי האט קידוש געמאכט און טועם געווען מזונות און פיש, און פון די טייג פון די מילכיגע קרעפלעך, און געטרינקען א קאווע.
מען האט געזינגען ניגוני יו"ט און דער רבי האט משמיע געווען דעם 'קרעפל פשעטל' בריתחא דאורייתא ובשמחת התורה א לענגערע פלפול אין די סוגיא פון עשה דוחה לא תעשה. מען האט געענדיגט ארום 4:05.

ביים מיטאג טיש בביתו נאוה קודש האט דער רבי מכבד געווען מיט אהבה רבה נכדו הרב דוד טייטלבוים שליט''א בן הגה''צ אב''ד סיגוט שליט''א, ברכהמ''ז: הרב הלל בן הרה''ג ר' אברהם מאיר האלבערשטאם שליט''א ַ

דער רבי איז אריינגעקומען אין ביהמ''ד ארום 8:45, מנחה: הרה"ג שמואל דוד גאנדל שליט''א.
נאך מנחה האט זיך דער רבי אראפגעזעצט ביים ארון הקודש, מען האט געזינגען ניגוני יו"ט, דער רבי האט טועם געווען מזונות און געטרינקן לחיים און אנגעוואונטשן פארן גאנצן ציבור. מיט אהבה רבה האט דער רבי מכבד געווען הרה"ג ר' אלי' גראס שליט''א מבערבעשט.
דער רבי האט געזאגט תורה אויפן פסוק 'כה תאמר לבית יעקב' און געטייטשט אז יעדע סעודה פון שב''ק איז משפיע פרנסה אויף צוויי טעג פון די וואך, און אויף דעם האט מען מקריב געווען שתי הלחם אין יו''ט שבועות ווייל בשבת ניתנה התורה.

דערנאך האט דער רבי געליינט די תנאים שבין ישראל לאביהם שבשמים און מען האט געזינגען ובאו כולם און עליונים ששו. מען האט געענדיגט ארום 9:40 און דער רבי איז אריין לחדרו הפרטי.

נאך עטליכע מינוט איז דער רבי אריינגעקומען אין ביהמ"ד צו תפילת מעריב, מערבית: הרה"ג ר' אברהם לייב ליכטמאן שליט"א (וומסב''ג). מען האט געענדיגט דאווענען ארום 10:10, דער ציבור איז א לאנגע צייט אריבער זאגן גוט יום טוב, און דער רבי איז אהיים לביתו נאוה קודש.

ארום 12:50 איז רבינו שליט''א אריינגעקומען צום שלחן הטהור אין היכל השלחנות. במשך דעם טיש האט מען געזינגען ניגוני יו"ט שבועות.
מיט די זמירות האט דער רבי מכבד געווען. אהבה רבה: נכד רבינו הרב יוקל שליט''א מוהל מומחה בן הגה''צ רב דביהמ''ד ברך משה שליט''א.

רבינו שליט''א האט געזאגט תורה אויפן פסוק 'כה תאמר לבית יעקב' און געטייטשט בדרך דרוש אין די סוגיא פון מקרא נדרש לפניו או לפני פניו.

ברכת המזון: הרה''ג ר' יעקב שלמה פאנעט שליט"א רב דביהמ''ד שערי תפילה קר''י. מען האט געענדיגט ארום 2:00.

▫️ סאטמארע נייעס 🌴 ▫️

שב''ק פרשת במדבר 'בצל הקודש' פון כ''ק רבינו הגה''ק שליט''א

פארן זמן הדלקה"נ האט דער רבי אנגעטוהן די שטריימל פאר די חתנים.
- החתן יעקב שמחה ב"ר יואל זאב שעהר הי"ו
- החתן חנני' יו"ט ליפא בהר"ר יצחק זאב גרינוואלד שליט"א.

פרייטאג צונאכטס ארום 8:55 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה, און נאך מנחה געזאגט קדיש לרגל די יארצייט פון זקינו הרה"ק רבי אהרן ט"ב זצ"ל הי"ד - אבד"ק וואלאווע. קבלת שבת: הרה"ח ר' חיים נחום ווערצבערגער הי"ו. מען האט געענדיגט דאווענען ארום 10:30. דער ציבור איז אריבער זאגן גוט שבת און די געסט האבן שלום גענומען, און דער רבי איז אריין לחדרו הפרטי.

ארום 11:05 איז דער רבי אריינגעקומען צום שלחן הטהור בהיכל השלחנות אינאיינעם מיט די תלמידי הישיבה, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א. הגבהת הכוס: הרה"צ ר' זלמן יודא כהנא שליט"א מרבני קהלתינו הק' בית שמש.

מיט די זמירות האט רבינו שליט''א מכבד געווען. כל מקדש: הר"ר העניך טייטלבוים שליט"א (בית שמש) בן הגה"צ דומ"ץ דקהלתינו ירושלים שליט"א. מנוחה ושמחה: הרה"צ ר' זלמן יודא כהנא שליט"א.

רבינו שליט''א האט געזאגט תורה אויפן מדרש 'בשעה שנתן הקב"ה תורה לישראל נתקנאו בהם אומה"ע' און געטייטשט בדרך דרוש אינעם סוגיא פון תחומין.

קה אכסוף: הרה"ח ר' יואל ווייס הי"ו (ב"ב). ברכת המזון: נכד רבינו הרה"ג ר' חיים יעקב רוקח שליט"א רב דביהמ"ד קול אליהו.

עובדות וסיפורים די וואך האט רבינו שליט''א דערציילט פון הרה"ק רבי משה מ'ראזוואדוב זצ"ל וואס די יארצייט געפאלט פרייטאג י' סיון.
קה רבון עלם: נכד רבינו הרב אשר אנשיל אשכנזי שליט"א (מאנטשעסטער). די פרישע חתנים זענען אריבער נעמען פירות. אז ביום השביעי: הרה"ח ר' שמואל ראטטער הי"ו (ירושלים). מען האט געענדיגט ארום 1:50.

וביום השבת קודש

שב''ק אינדערפרי איז דער רבי אריינגעקומען צום דאווענען ארום 9:40. ברכות ופסוקי דזמרה: הר"ר יצחק זאב גרינוואלד שליט"א. דער רבי איז צוגעגאנגען צו תפילת שחרית.

הוצאה והכנסה: הר"ר העניך טייטלבוים שליט"א. פסוקי שמע ישראל: הרה"ג ר' יודא לייב ניימאן שליט"א (מאנסי).

עליות.
- כהן: ר' גדלי' ב"ר ברוך יודא דרעזדנער הי"ו, און דער רבי האט קורא שם געווען לרגל הולדת בתו למז''ט.
- לוי: הר"ר משה שמואל רובינפעלד שליט"א.
- שלישי: החתן חנני' יו"ט ליפא בהר"ר יצחק זאב גרינוואלד שליט"א - באווארפען.
- רביעי: החתן יעקב שמחה ב"ר יואל זאב שעהר הי"ו - באווארפען.
- חמישי: הרה"ח ר' אברהם מאיר איצקאוויטש הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' יושע ב"ר אברהם גאלדבערגער הי"ו.
- ר' יואל ב"ר אשר יעקב עקשטיין הי"ו.
- ר' חיים מענדל ב"ר יואל קאהן הי"ו.
- ר' אליעזר ב"ר אשר אנשיל ווייזער הי"ו.
- ר' אברהם שאול ב"ר יצחק בערנאטה הי"ו.
- ר' משה ב"ר ירחמיאל זאב פריעד הי"ו.
- ר' יוסף מאיר בן הרה"ג ר' וואלף אהרן טעללער שליט"א.
- ר' אהרן יוסף ב"ר ליפא פריעדמאן הי"ו.
- ר' משה דוד בן הרה"ג ר' יודא לייב ניימאן שליט"א.
- ר' יהוסף ב"ר חיים מנחם לאקס הי"ו.

- שביעי: הרה"ג ר' וואלף אהרן טעללער שליט"א.
- הוספה הרה"ח ר' מענדל פראנקל הי"ו.
- אחרון: הרה"ח ר' אליעזר לעוו הי"ו (לאנדאן).
- מפטיר: הרה"ח ר' שלמה משה קלאגסברוין הי"ו.
- הגבה: הרה"ח ר' מנחם מנלי שעהר הי"ו.
- גלילה: ר' שמואל בר"י ראטטער הי"ו (בני ברק).

נאכן ליינען האבן גומל געבענטשט פילע געסט וועלכע זענען געקומען אויף יו"ט שבועות בצל הקודש.

מוסף: הרה"ח ר' מענדל פראנקל הי"ו. פתיחה צו אנעים זמירות: הרה"ח ר' אברהם שלום ראזענצווייג הי"ו (וומסב''ג).

נאכן דאווענען איז פארגעקומען א ברית לבן הנולד אצל ר' ליפא ב"ר יואל יצחק לעוו הי"ו ווי דער רבי איז געווען סנדק. מען האט געענדיגט ארום 12:50.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 8:50.
- מנחה: הרה"ח ר' חיים הערש שווארטץ הי"ו (וומסב''ג).
- הוצאה והכנסה: הרה"ח ר' יואל ווייס הי"ו (ב"ב).
- כהן: הרה"ח ר' צבי יואל פרייזלער הי"ו (וומסב''ג).
- לוי: הר"ר משה יודא וואזנער שליט"א (לאנדאן).
- שלישי: חדב"ן הגה"צ רב דביהמ"ד ישמח משה שליט"א.
- הגבה: רבינו שליט''א.
- גלילה: הרה"ח ר' אברהם בער שפיטצער הי"ו (וומסב''ג).

זמירות ביי של"ס האט דער רבי מכבד געווען. אודה: הרה"ח ר' נח גפן הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן מדרש 'מה ראו להתקרב יותר מן הכול סתם הקב"ה את פיהם ואמר הביאו שטר יוחסין שלכם כשם שמביאין בני" און געטייטשט אז 'תפילות אבות תקנום' ווען א איד שטעלט זיך מתפלל זיין העלפן צו די אבות הקדושים אז זיינע תפילות זאלן נתקבל ווערן, יעדער ביי די תפילות וואס ער האט מתקן געווען, יעצט איין טאג פאר שבועות האט מען נאך א שחרית מנחה און מעריב מתפלל זיין אתה חונן, והאר עינינו מעומק הלב און בזכות די אבות הקדושים ווארט עס נתקבל.

ידיד נפש: הרה"ח ר' שמואל חיים בראך הי"ו (ב"פ). קל מסתתר: הרה"ח ר' אליעזר לעוו הי"ו. דער רבי האט געבענטשט על הכוס.

מעריב מוצש''ק: הרה"ח ר' שלמה משה קלאגסברוין הי"ו, און דער רבי איז צוגעגאנגען צום עמוד צו ספירה כנהוג, און געציילט די לעצטע ספירה מיט גרויס התעוררות. נאך הבדלה איז דער ציבור אריבער זאגן א גוטע וואך. מען האט געענדיגט ארום 11:10.

ארום 12:45 איז דער רבי אריבער אין שטוב פון הרהח ר' חיים טאגער הי"ו ווי עס איז פארגעקומען א מסיבת לחיים וחתימת שטרות ווי הרה"ח ר' חיים הי"ו האט זיך אנגעשלאסן אין די 'בוני ירושלים' מיטן מנדב זיין א מיליאן דאלער פארן בנין אדיר ומפואר החדש דקהלתינו ומוסדותינו הק' בירושלים עיה"ק, עס האט זיך פארצויגן א שיינע שמועס בסיפורי צדיקים לבית צאנז און גארליץ פון וועם ר' חיים הי"ו איז אן אייניקל, דער רבי האט אינטערגעשריבן די שטרות אינאיינעם מיטן נדבן געטרינקן לחיים און מאציל געווען מברכת קדשו.

▫️ סאטמארע נייעס 🌴 ▫️

פרייטאג ערש''ק במדבר 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' לייב ברמ"ש פרענקל הי"ו ווי דער רבי איז געווען סנדק ומוהל.
- לבן הנולד אצל ר' שלמה ב"ר יואל ברמ"א מאשקאוויטש הי"ו ווי דער רבי איז געווען סנדק.

דער רבי האט געדאווענט שחרית אין ישיבה קטנה סניף רב טוב בהנהלת הרה"ג ר' וואלף לאנדא שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר יוסף יעקב קאהן הי"ו.
- ב"ר יונה פריינד הי"ו.
דער רבי האט געצינדן לעכט און צוגעגאנגען צום עמוד לרגל די יארצייט פון זקינו הרה"ק רבי אהרן ט"ב זצ"ל הי"ד - אבד"ק וואלאווע, וואס די היכל הביהמ"ד פונעם ישיבה איז נתנדב געווארן דורך רביה"ק בעל ברך משה זיע''א לע"נ חותנו בעל הילולא זצ"ל.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים און דער מנהל שליט"א האט איבערגעגעבן פארן רבי'ן א קוויטל כוללות פון די תלמידי הישיבה וועלכע האבן זיך אויסגעצייכנט מיט שעות רציפות, דער רבי האט געטרינקן לחיים און אנגעוואונטשן פאר די בר מצוה בחורים און פאר די רמ"י ותלמידי הישיבה, און משמיע געווען דב"ק אויפן רש"י אם שמוע בישן תשמע בחדש וואס מען דארף האלטן פאר די אויגן 'תשמע בישן' מ'דארף איבער'חזר'ן די לימודים און 'תשמע בחדש' לערנען נייע לימודים, און אז מ'וועט אזוי טוהן וועט מען זוכה זיין צו די השפעות קדושות וואס קומט אראפ יו"ט שבועות, און מסיים געווען בברכת קדשו. דערנאך האט דער רבי פארטיילט שיריים פאר די תלמידי הישיבה וועלכע האבן זיך אויסגעצייכנט מיטן לערנען שעות רציפות.

אין די נאכמיטאג שעות איז פארגעקומען א טעלעפאנישער קאנפרענס בביתו נאוה קודש מיט'ן ניו יארק סטעיט גאווערנאר האקול, וואו דער רבי האט זיך הערצליך באדאנקט פאר די געוואלדיגע ארבעט וואס גאווערנער האקול האט אריין געלייגט ביים שטופן פאראויס און באשטעטיגן דעם אזוי-שווערער טויש אינעם חינוך געזעץ פון ניו יארק, וועלכע וועט האפנטליך אי"ה זיין דער הצלה-ברעט פאר אלע חרדישע מוסדות איבער ניו יארק סטעיט קעגן די גוזרי גזירת החינוך אינעם עדיוקעישן דעפארטמענט.

מוה"ר גדלי' סעגעדין הי"ו האט געעפנט דעם קאנפרענס קאל מיט עטליכע ווערטער ארויסברעגענדיג אז דער רבי געדענקט נאך ווי שווער ס'איז געווען פאר איר אראפ צו קומען בעפאר די וואלן און געבן דעם צוזאג וועגן דעם שווערן חינוך פראבלעם, ארויסטרעטנדיג קעגן אסאך מאכטפולע פאליטיקאנטן, און זי האט טאקע געהאלטן ווארט ביז'ן ענדגילטיג אונטערשרייבן דעם געזעץ.

די גאווערנאר האט זיך באדאנקט פאר רבינו שליט"א וואס האט געגעבן די מעגליכקייט צו העלפן דורך אזא נאנטע צוזאמענארבעט מיט די חרדישע עסקנים וועלכע האבן שווער געארבייט פארן חינוך בשליחת הקודש פון רבינו שליט"א די עטליכע יאר, ביז דער בודזשעט איז אריבער וואס האט געראטעוועט דעם מצב. און אזוי אויך מיט די אלע וואס העלפן כסדר אויף אלע סארט אנגעלעגנהייטן וואס איז גאר וויכטיג פאר די אידישע קאמיונעטי ווי סעיפטי, האוזינג געברויכן, באקעמפן אנטיסעמיטיזם, און סעיוון די וואוטשערס פאר עלטערן פון פרייוועט סקולס, א.א.וו.

דערנאך האט רבינו שליט"א זיך גאר שטארק באדאנקט פארן גאווערנאר בשם אלע אידן איבער ניו יארק סטעיט פארן ראטעווען דעם עדיוקעישן פונעם ערליכן אידענטום, און פאר אלעם וואס מ'טוט פאר די אידישע קאמיונטיס איבער גאנץ ניו יארק סטעיט, און עקסטערע פאר קרית יואל, דער רבי האט צוגעלייגט אז אידן זענען געבענטשט מיט די מדה פון הכרת הטוב און געדענקען ווער עס טוהט זיי א טובה און בלייבן שטענדיג דאנקבאר, און דאן געוואונטשן זי זאל האבן ווייטער הצלחה אויף אלע אירע וועגן.

▫️ סאטמארע נייעס 🌴 ▫️

דאנערשטאג פרשת במדבר 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' נח לאנדא הי"ו ווי דער רבי איז געווען סנדק.

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פאר די בר מצוה בחורים.
- ב"ר יוסף דוב ראזענפעלד הי"ו.
- ב"ר אהרן יוסף פריעדמאן הי"ו.
- ב"ר שמואל בנימין פאלקאוויטש הי"ו.
- ב"ר שלום אליעזר גאלדבערגער הי''ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל כ"ה פסוק ד', און דערביי געזאגט דברי הכנה צום יו"ט שבועות און דערביי מעורר געווען זיך צוצושטעלן צום מנהג טוב פון לערנען צוויי שעה יום ב' דשבועות פארן דאווענען אזוי ווי די פארגאנגענע יארן, און דערנאך ארומגערעדט מיט ווייטאג איבער די שרעקליכע מצב אין וומסב''ג סיי ברוחניות און סיי בגשמיות ובפרט איבער די דירות פרייזן וואס איז עולה עד לרקיע וואס דאס ברענגט פולע פראבלעמען בגשמיות און ברוחניות, און דאס איז חוץ די אנדערע הויכע הוצאות וואס קומט צו קאנטרי /קעמפ וכו', און געבעטן אנשי שלומינו מחזק זיין די קינדער אז ס'איז געקומען דער זמן זיך אוועק צו רירן פון וומסב''ג, 'איכא דרכא אחרינא', מען קען לעבן אנדערש, און מ'דארף לעבן אנדערש, און מסיים געווען בברכות קדשו.

דערנאך איז פארגעקומען א לחיים מיט די בר מצוה בחורים בחדרו הפרטי.

פארנאכטס איז דער רבי ארויף אין שטוב פון הרה"ח ר' ישראל הכהן לאנדא הי"ו לרגל שמחת סיום הש"ס, עס האט זיך פארצויגן א שיינע שמועס, דער רבי האט געטרינקן לחיים און מאציל געווען מברכת קדשו.

ארום 8:45 האט דער רבי געדאווענט מנחה בביתו נאוה קודש אויף איהעל קט.
דערנאך איז געווען זמני כניסה בקו''פ ביז 12:30 אויפדערנאכט בביתו נאוה קודש.

בעת די זמני כניסה זענען אריין בקו''פ די וועד העירובין שע"י בית הוראה דקרית יואל אינאיינעם מיט הגאון הגדול הדומ"ץ שליט"א ווי מען האט איבערגעגעבן די נייע פארענדיגטע מאפע פון די תחום שבת און עירובי תחומין פון איבער גאנץ קרית יואל וואס קומט ארויס לכבוד יו"ט שבועות, דער רבי האט איבערגעקוקט די מאפע א לענגערע צייט און דערביי געהערט א באריכט פון הרה"ג ר' וואלף אהרן טעללער שליט"א און הרה"ג ר' יואל קאהן שליט"א יו"ר וועד העירובין, איבער די פילע פעולות פון די וועד העירובין פאר די פילע עירובי תחומין אין אלע שכונות אין קר"י, און בפרט די נארוואס פארענדיגטע עירוב בשכונת פרי מגדים, אזוי אויך האט מען אויסגעשמועסט פארשידענע אקטועלע שאלות בנוגע יו"ט שבועות, און דער רבי האט מאציל געווען מברכת קדשו פאר די חברי וועד העירובין שלא יצא מכשול במעשי ידיהם.

אויך איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' משה הערש בראך הי"ו און ווערט אריינגעגעבן עש"ק אינעם המספיק רעזארט, דער רבי האט אריינגעשריבן די אותיות געטרינקן לחיים און מאציל געווען מברכת קדשו.

רבינו שליט''א האט געליינט די תנאים פון די מחותנים הרה"ח ר' מנחם ישעי' לעווי הי"ו און הרה"ח ר' חיים אלי' צוויבל הי"ו אין די תנאים זאלן בביתו נאוה קודש.

דער רבי האט געדאווענט מעריב ארום 12:30, דער רבי האט געצינדן לעכט און צוגעגאנגען צום עמוד לרגל די יארצייט פון זקינו הרה"ק רבי אהרן ט"ב זצ"ל אבד"ק וואלאווע.

▫️ סאטמארע נייעס 🌴 ▫️