Satmara Niyes

דינסטאג פרשת צו 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר אברהם העכט הי"ו.
- ב"ר שלמה איצקאוויטש הי"ו.
- ב"ר חיים יקותיאל האלפערט הי"ו.
- ב"ר נפתלי יוסף מענדלאוויטש הי"ו.
- ב"ר יואל שאלאמאן הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 6:15 האט דער רבי געדאווענט מנחה בביתו נאוה קודש.

נאך מנחה זענען אריין בקו''פ ראשי קהלתינו קרית יואל אינאיינעם מיט די עסקני ועד הרחבת גבולי העיר אינאיינעם מיט הנהלת ביהמ"ד החדש דקהלתינו הק' אין שכונת בריגעדאן אין קרית יואל המורחבת מקבל זיין ברכת הקודש לרגל פתיחת הביהמ"ד דעם יו"ט פסח, דער רבי האט אויסגעפרעגט אלע פרטים און איבער די פולע פעולות פון די וועד הרחבת הגבולים און מאציל געווען מברכת קדשו.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.

ביים אנקומען אין וומסב''ג איז דער רבי אריבער אויף קביעות מזוזה אינעם נייעם ביהמ"ד המפואר אור החיים ריבניץ שנבנה ע"י הרבני הנגיד ר' יואל לאנדא הי"ו, דער רבי האט קובע געווען א מזוזה און דערנאך אריין אין בנין המפואר און זיך אומגעקוקט אינעם גאנצן ביהמ"ד.
דערנאך איז פארגעקומען א מסיבת לחיים אין איינע פון די חדרי התפילה הביהמ"ד, עס האט זיך פארצויגן א שיינע שמועס ווי מען האט ארומגערעדט איבער די פילע פעולות צדקה וחסד פון הנגיד ר' יואל הי"ו ובפרט די גרויסע חלוקות אין וומסב''ג לכבוד יו"ט פסח און אזוי אויך די גרויסע נדבה פארן בנין הכנסת אורחים 'בנין לאנדא' בעיר האבות סיגוט יע"א, דער רבי האט געטרינקן לחיים און ווארעם מאציל געווען מברכת קדשו.
דערנאך איז פארגעקומען א שמועס אויף א פריוואטע פארנעם ווי דערביי האט הנגיד ר' יואל הי"ו זיך אינטערגענומען צו מנדב זיין דעם ריזן סכום פון פינף מיליאן דאלער אפצוקויפן די זכות פון די נייע חתונה זאל וואס ווערט געבויעט אינעם בנין הבית רחל 'בנין קליין' אין מוסדות קרית יואל, און עקסטער א ריזן סכום פון א מיליאן דאלאר פאר די נייע מקוה טהרה דק''ק קרית יואל, און דער רבי האט אים ווארעם אנגעוואונטשן ברכות לרוב.

דערנאך איז דער רבי אריבער אויף א קביעות מזוזה ומסיבת לחיים אין די נייע אפיסעס פון די P&G אינשורענס פירמע אין וומסב''ג אונטער די אייגנטומערשאפט פון הרה"ח ר' בערל פערלשטיין הי"ו און הרה"ח ר' יקותיאל יודא פאוועל הי"ו, דער רבי האט קובע געווען א מזוזה, עס האט זיך פארצויגן א שיינע שמועס, דער רבי האט געטרינקן לחיים און אנגעוואונטשן פאר די בעלי בתים און אלע איינגעשטעלטע.

זמני כניסה בקו''פ איז געווען פון 9:15 ביז 12:00 אויפדערנאכט, בביתו נאוה קודש אויף היוז סט.

בעת די זמני כניסה איז אריין בקו''פ הרה"ג ר' פנחס פריעדמאן שליט"א ראש הכוללים דחסידי בעלזא בארה"ק, עס האט זיך פארצויגן א שיינע שמועס איבער פארשידענע מנהגים און חומרות אום פסח און ער האט געגעבן פאר רבינו שליט"א זיין נייע הגדה בשבילי פנחס און דער רבי האט געגעבן הגדה לב אהרן און מאציל געווען מברכת קדשו.

דער רבי האט געדאווענט מעריב ארום 11:00 און דערנאך ווייטער ממשיך געווען אויפנעמען דעם ציבור. נאך די זמני כניסה האט דער רבי געמאכט קידוש לבנה פארנט פון ביתו נאוה קודש.

▫️ סאטמארע נייעס 🌴 ▫️

מאנטאג פרשת צו 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' יעקב ברש"מ פריעדמאן הי"ו, ווי דער רבי איז געווען סנדק ומוהל.
- לבן הנולד אצל ר' שמואל הילמאן דאווידאוויטש הי"ו, ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. ביי שחרית איז אנוועזנד געווען כ"ק אדמו"ר מבית יצחק ספינקא שליט"א לרגל די שמחת הברית פון נכדו וועלכע איז פארגעקומען נאך שחרית.
פארן דאווענען האט דער רבי געלייגט תפילין פאר די בר מצוה בחורים.
- ב"ר יוסף מאיר כ''ץ הי"ו.
- ב"ר אברהם שמעון מארקאוויטש הי"ו.
- ב"ר יואל ברא"י ווייס הי"ו.
ביים ליינען איז דער רבי געגאנגען הגבה.

נאכן דאווענען איז פארגעקומען א ברית לבן הנולד אצל הרב שמואל מנחם הורוויץ שליט"א ווי דער רבי איז געווען סנדק ומוהל, מיט ברכות וקריאת השם האט דער רבי מכבד געווען דער זיידע האדמו"ר מספינקא שליט"א.

נאכן ברית איז פארגעקומען א מסיבת לחיים אין חדר אברהם יודא, דער רבי האט געטרינקן לחיים און אנגעוואונטשן פאר האדמו"ר מספינקא שליט"א, פארן בעל ברית, די בר מצוה בחורים, און פארן גאנצן ציבור, מען האט געזינגען ניגוני שמחה און דער משמש הרה"ח ר' יואל קויפמאן הי"ו האט געמאכט דעם מי שברך פאר רבינו שליט"א.

נאך שחרית האט דער רבי מנחם אבל געווען משפחת הרה"ח ר' יושע העשיל דרעזדנער ע"ה.

ארום 6:30 האט דער רבי געדאווענט מנחה בביתו נאוה קודש.

פארנאכטס איז דער רבי ארויף אויף קביעות מזוזה בביתו החדש פון נכדו הרב ברוך רוקח שליט"א חתן חדב"ן הגה"צ רב דביהמ"ד אהל פיגא שליט"א, דער רבי קובע געווען א מזוזה, עס האט זיך פארצויגן א שיינע שמועס, דער רבי האט געטרינקן לחיים און מאציל געווען מברכת קדשו.

זמני כניסה בקו''פ איז געווען פון 8:45 ביז 12:00 אויפדערנאכט, בביתו נאוה קודש אויף איהעל קט.

דער רבי האט געדאווענט מעריב ארום 10:00 און דערנאך ווייטער ממשיך געווען אויפצנעמען דעם ציבור.

▫️ סאטמארע נייעס 🌴 ▫️

זונטאג פרשת צו 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- ב"ר יונתן בלייער הי"ו.
- ב"ר אפרים יוסף פריעדמאן הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 6:45 האט דער רבי געדאווענט מנחה בביתו נאוה קודש.

זמני כניסה בקו''פ איז געווען פון 8:45 ביז 11:30 אויפדערנאכט, בביתו נאוה קודש אויף איהעל קט.

בעת די זמני כניסה איז געווען אויף א באזוך בקו''פ כ"ק אדמו"ר מבית יצחק דספינקא שליט"א וועלכע איז געווען אין קר"י לרגל די שמחת הוואכנאכט פון א אייניקל, עס האט זיך פארמירט א שיינע שמועס, דער רבי האט אים מכבד געווען מיט לחיים און מאציל געווען מברכת קדשו.

דער רבי האט געדאווענט מעריב ארום 11:30.

▫️ סאטמארע נייעס 🌴 ▫️

שב''ק פרשת ויקרא - שבת הגדול מוקדם 'בצל הקודש' פון כ''ק רבינו הגה''ק שליט''א בקרב קהלתינו הק' וומסב''ג

ערש''ק ביים זמן הדלקה"נ האט דער רבי געצינדן די נרות שבת בהיכל תהילות יהוסף.

ארום 7:55 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: נכד רבינו הרב חיים שלמה הורוויץ שליט"א חתן הגה"צ אב"ד סיגוט שליט"א.

במשך דעם שבת האט דער רבי געזאגט די קדישים ביי אלע תפילות לרגל די יארצייט פון די באבע הרבנית חנה ע"ה אשת חבר פון מרן הגה"ק בעל קדושת יו"ט זיע''א. מען האט געענדיגט דאווענען ארום 9:30. דער ציבור איז אריבער זאגן גוט שבת און דער רבי איז אהיים לביתו נאוה קודש שע"י ביהמ"ד הגדול.

ארום 10:20 איז דער רבי אריינגעקומען צום שלחן הטהור בהיכל תהילות יהוסף אינאיינעם מיט תלמידי ישיבה לצעירים וומסב''ג, און אנגעהויבן כדרכו בקודש שלום עליכם ברגש ובנעימה.
אשת חיל: הב' זלמן לייב ני"ו בן הרה"צ ר' סיני טייטלבוים שליט"א בן הגה''צ רב דקהלתינו ב''פ 15 שליט''א. הגבהת הכוס: הרב נחמן בראך שליט"א (בית שמש).

מיט די זמירות האט רבינו שליט''א מכבד געווען. כל מקדש: הרה''ג גבריאל געשטעטנער שליט"א ר"מ בישיבה לצעירים. מנוחה ושמחה: הרה''ג ר' הערשל טעללער שליט"א ר"מ בישיבה לצעירים.

רבינו שליט''א האט געזאגט תורה אויפן פסוק 'אם עולה קרבנו' און געטייטשט בדרך דרוש אין די סוגיא פון שלא כדרך אכילתו.

קה אכסוף: הרה''ג ר' יחיאל מיכל סעקולא שליט"א מנהל ישיבה קטנה סניף אהבת התורה. ברכת המזון: הגה"צ אבד''ק וומסב''ג שליט"א.

עובדות וסיפורים די וואך האט רבינו שליט''א דערציילט א מעשה פון די שידוך פון זקינו מרן הגה"ק בעל קדושת יו"ט זיע''א מיט הרבנית חנה ע"ה וואס די יארצייט איז געווען שב"ק, און ממשיך געווען מיט סיפורים פון זקינה הגה''ק ר' משה דוד אשכנזי זיע''א מטאלטשאווע.

קה רבון עלם: הרה"ג ר' מאיר האלבערשטאם שליט"א רב דביהמ"ד קשאנוב ומו"ץ בקהלתינו הק'. די פרישע חתנים זענען אריבער נעמען פירות.

עס איז פארגעקומען די שלום זכר ביי בן הנולד אצל:
- ר' וואלף מאיר ווייס הי"ו.
- ר' בערל היימאן הי"ו.
- ר' לוי באש הי"ו.
- ר' אברהם ברח"י לעווינגער הי"ו.
אז ביום השביעי: הרב נחמן בראך שליט"א. מען האט געענדיגט ארום 1:05.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:45. ברכות ופסוקי דזמרה: הגה''צ ר' נפתלי הירצקא צוויבל שליט"א ראה"כ וומסב''ג, צו שחרית ויוצר איז דער רבי צוגעגאנגען. מען האט געזינגען ביי ממקומך, און נאך חזרת הש"ץ פאר קדיש תתקבל האט מען געזאגט די יוצרות לשבת הגדול, כנהוג.

הוצאה והכנסה: הרה"ח ר' יצחק אייזיק זילבערשטיין הי"ו (קר"י). פסוקי שמע ישראל: הרה''ג ר' מרדכי יוסף ווייסמאנדל שליט"א.

עליות.
- כהן: הרה"ח ר' יעקב גליק הי"ו.
- לוי: בעל ברית ר' אברהם ברח"י לעווינגער הי"ו.
- שלישי: הגה"צ אבד''ק וומסב''ג שליט"א.
- רביעי: החתן יושע ב"ר יואל משה רייז הי"ו.
- חמישי: החתן הערשל ב"ר חיים אביש לאקס הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל ר' יעקב הלל וויינבערגער הי"ו.

- שביעי: הרה"ח ר' יעקב הערש ניישטאדט הי"ו.
- אחרון: הרה"ח ר' יחזקאל דוד בערקאוויטש הי"ו.
- מפטיר: הרה"ח ר' אביגדור פרענקל הי"ו.
- הגבה: הרה"ח ר' דוד יערמיאש הי"ו (קר"י).
- גלילה: הרה"ח ר' חיים אביש לאקס הי"ו (קר"י).

מוסף: הרה"ג ר' אברהם שלום פריעדמאן שליט"א מראה"כ קר"י. פתיחה צו אנעים זמירות: הרה"ח ר' שמואל יצחק לאקס הי"ו. דערנאך האט מען געליינט דעם נשיא כנהוג.

נאכן דאווענען איז פארגעקומען א ברית לבן הנולד אצל ר' אברהם ברח"י לעווינגער הי"ו, ווי דער רבי איז געווען סנדק. מען האט געענדיגט ארום 12:55.

ביים קידוש בביתו נאוה קודש האט מען אריינגעברענגט קינדל און נאנט כנהוג אום שבת הגדול.

ארום 5:55 איז דער רבי אריינגעקומען אין ביהמ"ד הגדול צום שבת הגדול דרשה, דער רבי האט זיך מתעטף געווען מיטן טלית מיט א ברכה, און ארויף אויפן ארון הקודש און מתפלל געווען א תפילה חרישית, און אנגעהויבן די דרשה אויפן פסוק 'ויקרא אל משה' און משמיע געווען לענגערע פלפול אין די סוגיא פון 'מתוך' וואס דער רבי האט פארגעלערענט אין ישיבה, און ממשיך געווען בדרוש אין די סוגיא פון שנים שעשהו, און דערנאך אריבער בדברי אגדה ומוסר, און מעורר געווען בדברים הצריכים תיקון, ובפרט בענין לימוד התורה און עבודת התפילה כדבעי מרישא ועד גמירא, און אזוי אויך שב"ק מאכן א הכנה צום דאווענען יעדער לפי ערכו, און מעורר געווען בענין מזוזה וואס מען האט שוין אסאך גערעדט און אויפגעפאדערט אז יעצט זאל יעדער בודק זיין די מזוזות, וואס חוץ די הלכה איז עס א שמירה מכל צרה וצוקה.

יעצט דארף מען אויך תפילות אויף די ענין פון גזירות החינוך דאהי און די גזירות הגיוס בארה''ק וואס איז זייער ערענסט, און ממשיך געווען אז מצה איז מבטל יצרא דעריות, אין שטאט איז אלץ דא נסיונות פון שמירות עינים בפרט זומער ובפרט פאר בחורים, און ארויסגעברענגט לשבח די צוויי ישיבות וואס בנו הגה"צ אבד''ק וומסב''ג שליט"א האט אויפגעשטעלט וואס ס'האט די מעלה אז סאיז מחוץ לעיר, און האט געזאגט 'וואויל איז דער וואס קען שיקן זיין בחור לערנען מחוץ לעיר', און געזאגט אז מען דארף לוחם זיין קעגן אלע מנהגי אמעריקע וואס כאפן זיך אריין אין שטאט און אין די קאנטריס בפרט די ענין פון די משקה המשכר ביי קדישים און שמחות, און מעורר געווען צו מאכן אז הכנה צום פסח און פארציילן ניסי וחסדי ה' און מסיים געווען ברוב ברכות, מען האט געענדיגט אום 7:30, און דער רבי איז אריין בחדרו הפרטי.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 8:00.
- מנחה: הרה"ח ר' יצחק שמעי' פריעדלענדער הי"ו.
- הוצאה והכנסה: הרה''ג ר' יודא בער טעללער שליט"א.
- כהן: הרה"ג ר' אלי' מרדכי כ"ץ שליט"א (ב"פ).
- לוי: הרה"ח ר' חיים העללער הי"ו.
- שלישי: הרה"ח ר' מנחם גרשון לעבאוויטש הי"ו.
- הגבה: רבינו שליט''א.
- גלילה: הרה"ח ר' ישראל יעקב הירש הי"ו.

זמירות ביי של"ס האט דער רבי מכבד געווען. אודה: הרה"ח ר' יודל ווערצבערגער הי"ו. שיר המעלות: הרה"ח ר' אברהם יושע גראס הי"ו.

רבינו שליט''א האט געזאגט תורה אויפן פסוק 'ויקרא אל משה' און געטייטשט אז דורך זיך פירן מיט ענוה ושפלות רוח איז מען זוכה צו השגחת השי''ת, מצה איז משפיע ענווה דאס דארף מען אריינברענגן אין זיך צוגרייטן צום יו''ט כדבעי וועט מען זוכה זיין צו השפעות בגשמיות וברוחניות.

ידיד נפש: הרה"ח ר' מנחם גרשון לעבאוויטש הי"ו. קל מסתתר: הרה"ח ר' ישראל יעקב הירש הי"ו. דער רבי האט געבענטשט על הכוס און געזאגט שבע ברכות.

מעריב מוצש''ק: הרה"ח ר' אביגדור פרענקל הי"ו. נאך הבדלה איז דער ציבור אריבער זאגן א גוטע וואך. מען האט געענדיגט ארום 10:30.

ארום 12:00 איז דער רבי געפארן קיין ב"פ ווי דער רבי איז ארויף אין שטוב פון הרה"ח ר' שאול פריעדמאן הי"ו ווי עס איז פארגעקומען א חתימת שטרות ווי הרה"ח ר' שאול הי"ו האט אפגעקויפט די זכות פונעם היכל הביהמ"ד בבית מדרשינו דברי יואל החדש וואס ווערט יעצט געבויעט אין ב"פ, עס האט זיך פארצויגן א שיינע שמועס און עס האט אויפגעטרעטן הרה"ג ר' ישראל שלמה ליכטענשטיין שליט"א מו"ץ.
דער רבי האט אינטערגעשריבן די שטרות אינאיינעם מיטן נדבן, געטרינקן לחיים און מאציל געווען מברכת קדשו פאר הרה"ח ר' שאול הי"ו און זיין גאנצע משפחה. ארום 12:50 איז דער רבי אהיימגעפארן לביתו נאוה קודש אין קרית יואל.

▫️ סאטמארע נייעס 🌴 ▫️

פרייטאג ערש''ק ויקרא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' אברהם אלי' פריעדמאן הי"ו, ווי דער רבי איז געווען סנדק ומוהל.
- לבן הנולד אצל ר' אברהם געלב הי"ו, ווי דער רבי איז געווען סנדק.

דער רבי האט געדאווענט שחרית אין ת"ת בנין ווידער פאלאטשעק אינאיינעם מיט די כתות ו' ז' ח' סניף הר"ר יעקב שלום ווייס שליט"א.פארן דאווענען האט דער רבי געלייגט תפילין פאר די בר מצוה בחורים.
- תאומים בני ר' שלמה לאנדא הי"ו.
- ב"ר אהרן בר"מ גאלדשטיין הי"ו.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים דער רבי האט געטרינקן לחיים און אנגעוואונטשן פאר די בר מצוה בחורים, מלמדים און קינדער, און משמיע געווען דב"ק און ארויסגעברענגט די הנאה וואס הקב"ה האט פון א דאווענען פון תשב"ר, און געזאגט אזוי ווי מען זעט ביי מצות אז עס דארף זיין שמירה א גאנצן צייט, דארף מען וויסן אז צו זיין א ערליכע איד דארף מען זיין אפגעהיטן ביי אלע מצות און מען קען נישט זאגן אז די מצוה יא און די מצוה נישט, און מסיים געווען בברכת קדשו.
דערנאך האט דער רבי פארטיילט שיריים פאר די מלמדים צו פארטיילן פאר אלע קינדער.

אין די מיטאג שעות איז דער רבי אריינגעפארן קיין וומסב''ג אויף שב"ק בקרב קהלתינו הק'.

▫️ סאטמארע נייעס 🌴 ▫️

דאנערשטאג פרשת ויקרא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' שלמה בראך הי"ו, בבית זקינו הרה"ח ר' אברהם לייב בראך הי"ו לרפו"ש, ווי דער רבי איז געווען סנדק.

דער רבי האט געדאווענט שחרית בבנין הת"ת בנין הירש ג"ב לאנדא אינאיינעם מיט די תלמידי כתה ט' ח''א סניף הר"ר יואל שפיטצער שליט"א. פארן דאווענען האט דער רבי געלייגט תפילין פאר די בר מצוה בחורים.
- ב"ר שאול יחזקאל ווערצבערגער הי"ו.
- ב"ר משה הערש סופר הי"ו.
- ב"ר יואל ב"ר שלמה הערשקאוויטש הי"ו.
- ב"ר יואל ב"ר שמואל קעסטנבוים הי"ו.
- ב"ר יעקב יודא ווייס הי"ו.

דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ע''ה, און ביים ליינען געגאנגען הגבה.

נאכן דאווענען איז פארגעקומען א ברית לבן הנולד אצל הר''ר יואל שפיצער שליט''א - מנהל כתה ט', ווי דער רבי איז געווען סנדק ומוהל.

דערנאך איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי האט געטרינקן לחיים און אנגעוואונטשן פארן בעל שמחה דער מנהל הר"ר יואל שליט"א, פאר די בר מצוה בחורים, און אלע בחורים, און משמיע געווען דב"ק און ארויסגעברענגט די הנאה פון די ווארימע דאווענען אינאיינעם מיט די בחורים, פסח דארף מען מקיים זיין מצות סיפור יציאת מצרים אריינצוגעבן פאר די קינדער אז זיי זאלן עס קענען ווייטער איבערגעבן, און געזאגט אז מען דארף אזוי מקיים זיין יעדע מצוה מיט אזא התלהבות אז עס זאל אריבערגיין צו די קינדער, און מסיים געווען בברכת קדשו.

אין די פארמיטאג שעה'ן איז דער רבי געווען אויף די וועכענטליכע באזוך אינעם בית השחיטה המהודרת, דערנאך איז דער רבי אריבער צום נייעם בנין הביהמ"ד וואס איז געבויעט געווארן אינעם בית השחיטה קאמפלעקס מיט אלע צוגעהערן פארן געברויך פון די שוחטים, בודקים און ארבעטערס, דער רבי האט זיך אומגעקוקט אינעם גאנצן בנין און מאציל געווען מברכת קדשו.

אין די נאכמיטאג שעה'ן האט דער רבי טעלעפאניש מנחם אבל געווען די קינדער פון הרה"ג ר' משה גדלי' שוואב ז"ל ר"י דגל התורה, דער רבי האט ארויסגעברענגט זיינע פילע פעולות לטובת הצלת החינוך בניו יארק און געוואונטשן ברכת תנחומין.

ארום 6:30 האט דער רבי געדאווענט מנחה בביתו נאוה קודש, דער רבי האט געצינדן לעכט און צוגעגאנגען צום עמוד.

זמני כניסה בקו''פ איז געווען פון 8:30 ביז 12:10 אויפדערנאכט, בביתו נאוה קודש אויף איהעל קט.

רבינו שליט''א האט געליינט די תנאים פון די מחותנים.
- הרה"ח ר' ארי' ברח"י הערשקאוויטש הי"ו - הרה"ח ר' מאיר יצחק ווייס הי"ו.
- הר"ר יצחק יחיאל פאנעט שליט"א - הרה"ח ר' נתן קרפיל מרגליות הי"ו.

דער רבי האט געדאווענט מעריב ארום 9:45 און דערנאך ווייטער ממשיך געווען אויפנעמען דעם ציבור.

אין די שפעטע נאכט שעות בביתו נאוה קודש אויף צאנז קט. האט דער רבי מסדר געווען דעם צווייטן חלק פון די רשומות פונעם חלוקת קמחא דפסחא וואס ווערט אפגעשיקט פאר עניי ארץ ישראל חברי קהלותינו הק' ברחבי ארה"ק לקראת חג הפסח הבעל"ט.

▫️ סאטמארע נייעס 🌴 ▫️

מיטוואך פרשת ויקרא 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית אין ביהמ"ד הגדול.

אין די פארמיטאג שעה'ן האט זיך דער רבי משתתף געווען ביים לויה און מלוה געווען די מטה פון הרה"ח ר' יושע העשיל דרעזדנער ע"ה, פארנט פון ביהמ"ד הגדול.

ארום 6:15 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' יצחק שלמה פאלאטשעק הי"ו - הרה"ח ר' שבתי יעקב ווערטהיימער הי"ו, אין די זאלן פון בית רחל פאראדייס.
- הר"ר אברהם יואל לעפפלער שליט"א (וומסב''ג) - הרה"ח ר' משה יקותיאל שווארטץ הי"ו, אין די זאלן פון גינת קליין.

זמני כניסה בקו''פ איז געווען פון 8:20 ביז 1:00 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקו''פ הגאון הגדול הדומ"ץ שליט"א און מען האט אויסגעשמועסט און איבערגעגאנגען פילע שאלות וואס מאכן זיך יעצט לקראת חג הפסח הבעל"ט און בפרט שאלות וואס מאכן זיך שבת ערב פסח.

דער רבי האט געדאווענט מעריב ארום 9:50, דער רבי האט געצינדן לעכט און צוגעגאנגען צום עמוד לרגל די יארצייט פון די באבע הרבנית ברכה סימא ע"ה אשת חבר פון מרן הגה"ק בעל עצי חיים זיע''א .

נאך מעריב האט דער רבי געליינט די תנאים פון די מחותנים הרה"ח ר' יואל שלום שאפפער הי"ו (וומסב''ג) - הרה"ח ר' שמעון יואל גוטמאן הי"ו, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

דינסטאג פרשת ויקרא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן:
- לבן הנולד אצל ר' יצחק וואלף מיטטעלמאן הי"ו, ווי דער רבי איז געווען סנדק.
- לבן הנולד אצל ר' אברהם שלמה וויינשטאק הי"ו (וומסב''ג), ווי דער רבי איז געווען סנדק.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פאר די בר מצוה בחורים.
- בן הר"ר בנימין זאב פוקס שליט"א.
- ב"ר יואל שניטצער הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

נאך שחרית איז דער רבי אריבער אין די מצה בעקעריי ווי דער רבי האט זיך אומגעקוקט אויפן נייעם אויווען וועלכע איז געקויפט געווארן פארן באנוץ פונעם מצות באקן ערב פסח ברוב עם בהיכל המתיבתא בראשות רבינו שליט"א, דער רבי האט אנגעוויזן פארשידענע הוראות און מאציל געווען מברכת קדשו פאר די עסקנים.

ארום 6:15 האט דער רבי געדאווענט מנחה בביתו נאוה קודש.

פארנאכטס איז דער רבי אריינגעפארן קיין וומסב''ג צו די וועכענטליכע זמני כניסה.
ביים אנקומען אין וומסב''ג ארום 8:30 איז דער רבי צום ערשט אריבער בבית מדרשינו בנין געלבשטיין בשכונת קעסקעיד ווי עס איז פארגעקומען א סיום אויף הלכות טהרה דורך לומדי כוללינו וומסב''ג סניף קעסקעיד אינאיינעם מיט א חנוכת הבית פארן נייעם היכל לב אהרן וועלכע איז נארוואס פארענדיגט געווארן אין ביהמ"ד, דער רבי האט געטרינקן לחיים און אנגעוואונטשן פאר די רבנים און פארן גאנצן ציבור, און משמיע געווען קורצע דב"ק וברכה פאר די לומדי הכולל און מתפללי הביהמ"ד. מען האט געענדיגט ארום 8:45.

דערנאך איז דער רבי אריבער אויף ניחום אבילים ביי הרה"ח ר' משה זילבערשטיין הי"ו היושב ע"פ אשתו ע"ה.

זמני כניסה בקו''פ איז געווען פון 9:10 ביז 11:50 אויפדערנאכט, בביתו נאוה קודש אויף היוז סט.

בעת די זמני כניסה איז פארגעקומען א מסיבת לחיים לרגל די שמחת הבר מצוה פון הב' בן הרב יהודא יודקובסקי שליט''א בן הרה''צ האדמו"ר רבי אליעזר יהושע שליט''א מסטוטשין וחתן הרה''ח ר' אשר זעליג לעוו הי''ו ראה''ק קהלתינו הק' לאנדאן, עס האט זיך פארצויגן א שיינער שמועס בסיפורי צדיקים לבית סיגוט, דער רבי האט מכבד געווען מיט לחיים און מאציל געווען מברכת קדשו פאר האדמו"ר מסטוטשין שליט"א פארן ראה"ק הרה"ח ר' אשר זעליג הי"ו, און פארן בר מצוה בחור, און געגעבן דרשה געשאנק ספרו לב אהרן על פרקי אבות.

אויך איז אריין בקו''פ הר"ר יוסף מייזליש שליט"א בן הגה"צ אבד''ק מאנטרעאל שליט"א לרגל שמחת הבר מצוה פון בנו הב' ני"ו, דער רבי האט געגעבן דרשה געשאנק ספרו לב אהרן על פרקי אבות און מאציל געווען מברכת קדשו.

אזוי אויך זענען אריין בקו''פ ווי יאר יערליך א משלחת פונעם וועד מערכת הכשרות שע"י התאחדות הרבנים ווי זיי איבערגעגעבן פארן רבי'ן דעם נייעם מפתח הכשרות, און דער רבי האט זיך באדאנקט און מאציל געווען מברכת קדשו.

אזוי אויך זענען אריין בקו''פ הנהלת ביהמ"ד ברך משה אין ב"פ אין שפיץ פונעם רב הביהמ''ד הרה"ג ר' משה דוד הורוויץ שליט"א לרגל דאס שליסן די מקח פאר א גרויסן בנין וואס וועט בעז"ה איבערגעבויעט ווערן פאר א ביהמ"ד גדול ומפואר מיט אלע צוגעהערן, דער רבי האט אויסגעפרעגט אלע פרטים און מאציל געווען מברכת קדשו.

אזוי אויך איז אריין בקו''פ הרב פרץ שטיינבערג שליט"א מרבני יאנג איזראעל אין קווינס וועלי, אינאיינעם מיט עסקנים פון די ארגאניזאציע 'נשמה', זיך מתייעץ זיין אויף פארשידענע פראבלעמען וואס פאסירט אין אידישע הייזער, דער רבי האט אויסגעהערט און געגעבן הדרכה אויף פארשידענע ענינים, און האט מאציל געווען מברכות קדשו.

דער רבי האט געדאווענט מעריב ארום 10:15 און דערנאך ווייטער ממשיך געווען אויפנעמען דעם ציבור.

נאך די זמני כניסה איז דער רבי געפארן קיין ב"פ ווי דער רבי האט זיך משתתף געווען ביי די שמחת השבע ברכות פון די חתנים נכדי הרה"ח ר' הערשל שפיץ הי"ו - בעל אכסניא פון רבינו שליט"א אין פאלם ספרינגס, וועלכע איז פארגעקומען אין די זאלן פון גרענד טערעס, דער רבי האט געטרינקן לחיים און אנגעוואונטשן פאר די חתנים, מחותנים און זיידעס, און זיך אויפגעשטעלט טאנצן אינאיינעם מיט די גאנצע אויבנאן. מען האט געענדיגט ארום 12:30.

מאנטאג פרשת ויקרא 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' הערשל האלענדער הי"ו, ווי דער רבי איז געווען סנדק ומוהל.

דער רבי האט געדאווענט שחרית אין ביהמ"ד הגדול. פארן דאווענען האט דער רבי געלייגט תפילין פארן בר מצוה בחור ב"ר יקותיאל לוי מערץ הי"ו.

ביים ליינען איז דער רבי געגאנגען הגבה. און נאכן דאווענען איז פארגעקומען א לחיים מיט די בר מצוה בחור בחדרו הפרטי.

ארום 6:20 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' דוד בר"א קויפמאן הי"ו - הרה"ח ר' יואל ברי"ש ווייס הי"ו, אין די זאלן פון כינור דוד.
- הרה"ח ר' יואל בר"מ ווערצבערגער הי"ו - הרה"ח ר' דוד אונגאר הי"ו, אין די זאלן פון בית רחל פאראדייס.
- הרה"ח ר' שלמה יוסף שווארטץ הי"ו - הרה"ח ר' יואל בר"מ פרידריך הי"ו, אין די זאלן פון גינת קליין.

זמני כניסה בקו''פ איז געווען פון 8:20 ביז 12:45 אויפדערנאכט, בביתו נאוה קודש אויף איהעל קט.

רבינו שליט''א האט געליינט די תנאים פון די מחותנים הרה"ח ר' יושע חיים שווארטץ הי"ו - הרה"ח ר' אשר שלום בעק הי"ו.

בעת די זמני כניסה איז געווען אויף א באזוך בקו''פ הגאון הצדיק רבי בנימין לאנדא שליט"א דומ"ץ טאהש ב"פ, עס האט זיך פארצויגן א לענגערע הלכה'דיגע שמועס פון אריבער א שעה צייט איבער אקטועלע שאלות העומדים על הפרק, און דער רבי האט מאציל געווען מברכת קדשו און ארויסבאגלייט ביז צו די גאס.

דער רבי האט געדאווענט מעריב ארום 9:00 און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️

זונטאג פרשת ויקרא ר"ח ניסן 'בצל הקודש' פון כ''ק רבינו הגה''ק שליט''א

דער רבי האט געדאווענט שחרית בהיכל ישיבה קטנה סניף ישמח משה בהנהלת הרה''ג ר' אברהם הערש זאלדאן שליט"א בבנין הת"ת 'בנין מארקאוויטש'. פארן דאווענען האט דער רבי געלייגט תפילין פאר די בר מצוה בחורים.
- ב"ר יואל ברי"ח גרינוואלד הי"ו.
- ב"ר אהרן סטאריק הי"ו.
דער רבי איז צוגעגאנגען צו הלל און ביים ליינען עולה געווען רביעי.

נאכן דאווענען איז פארגעקומען א מסיבת לחיים בהיכל הביהמ"ד, מען האט געזינגען עטליכע ניגונים, דער רבי געטרינקן לחיים און אנגעוואונטשן פאר די בר מצוה בחורים, רמ"י ותלמידי הישיבה, און משמיע געווען דב"ק אז אברהם אבינו האט אריינגעברענגט א כח פון מסירות נפש אין גאנץ כלל ישראל, און ארויסגעברענגט לשבח פון די בחורים וועלכע זיצן נאך אין ישיבה אין חודש ניסן וואס איז אויך א בחינה פון מסירת נפש, און מסיים געווען מיט ברכות לרוב פאר די תלמידי הישיבה.

דערנאך איז דער רבי אראפ צו די ספעציעלע מסגרת שע"י מוסדות קרית יואל, און אריין אין אלע כתות און זיך אומגעקוקט אויף די לימודים א לענגערע צייט.
אויפן וועג ארויס האבן אפגעווארט די תלמידי כתות א' ב' סניף הר"ר דוד חנני' ווייס שליט"א וועלכע האבן געזינגען א ניגון און דער רבי האט זיך אומגעקוקט מיט א קורת רוח.

פון דארט איז דער רבי אריבער בביתו החדש פון הרה"ח ר' זלמן לייב קאפעל הי"ו, דער רבי האט צום ערשט קובע געווען א מזוזה און דערנאך איז פארגעקומען א מסיבת לחיים, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

אין די נאכמיטאג שעות איז דער רבי געווען אויף א באזוך אינעם מצה בעקעריי דקהלתינו הק' ווי דער רבי האט זיך אומגעקוקט א לענגערע צייט אויף די מצות וואס זענען געבאקן געווארן פאר די בני המשפחה.

ארום 6:30 האט דער רבי געדאווענט מנחה בביתו נאוה קודש.

פארנאכטס האט דער רבי מסדר קידושין געווען ביי די חופה פון די מחותנים.
- הרה"ח ר' אהרן פערל הי"ו - הרה"ח ר' דוד יואל כהן הי"ו, אין די זאלן פון כינור דוד.
- הרה"ח ר' שמעון זאב קליין הי"ו - הרה"ח ר' ישעי' בנימין שפילמאן הי"ו, אין די זאלן פון בית רחל פאראדייס.
- הרה"ח ר' אברהם משה ווייס הי"ו - הרה"ח ר' ראובן מיכאל כבודי הי"ו, אין די זאלן פון גינת קליין.

ארום 8:15 איז דער רבי אריבער בבנין המתיבתא סניף קדושת יואל ווי עס איז פארגעקומען דער 'מעמד כבוד התורה וחלוקת המנות' ווי עס איז פארטיילט געווארן א ריזן סכום פון אריבער א מיליאן דאלער פאר פילע רבני ולומדי הכוללים דקהלתינו הק' פון איבער דער גארער וועלט וועלכע האבן זיך געשטעלט צום פארהער ביי הגאון הגדול הדומ"ץ שליט"א אויף פילע מקצועות התורה, נדבת הרה"ח ר' משה יעקב יוסף בראך הי"ו.
ביים אנקומען האט זיך דער רבי באגריסט מיט די חשובע רבנים, דיינים, וראשי הכוללים, און געטאנצן אויפן פלאץ פאר אפאר מינוט, און מען האט געזינגען ניגוני התעוררות.
דער רבי האט געטרינקן לחיים און אנגעוואונטשן פארן גאנצן ציבור און עקסטער פארן חשוב'ן נדבן, און משמיע געווען דב"ק און מאריך געווען בשבח פונעם נדבן וועלכע לאזט זיך קאסטן אזעלכע גרויסע סכומים פאר די לומדי תורה און אים אנגעוואונטשן ברכות לרוב בכל ענינים, און מסיים געווען בברכת קדשו פארן גאנצן ציבור.

דערנאך איז דעק גאנצער ציבור אריבער ווי דער רבי האט פארטיילט דעם סכום פון זעקס טויזענט דאלער פאר יעדן פון די לומדי הכוללים. מען האט ממשיך געווען מיט ניגוני שמחה, מען האט געענדיגט ארום 9:00.

זמני כניסה בקו''פ איז געווען פון 9:10 ביז 12:00 אויפדערנאכט, בביתו נאוה קודש אויף איהעל קט.

בעת די זמני כניסה איז אריין בקודש פנימה הרה''ג ר' מרדכי ווידער שליט"א יו"ר חבורת 'משכינו' העולמי אינאיינעם מיט די ראשי חבורת 'להעלות' דקהלתינו הק', מען האט אויסגעשמועסט פילע פרטים פון די חבורה און די פלענער פון די חבורה במשך די יעצטיגע ימי בין הזמנים פאר די בחורי חמד דקהלתינו הק' און דער רבי האט אים מאציל געווען מברכת קדשו.

אויך זענען אריין בקו''פ ראשי ועסקני קהלתינו הק' פון מאנסי מקבל זיין ברכת הקודש לרגל דאס עפענונג פונעם נייעם מצה בעקערי וואס מען וועט ניצן בעז"ה דעם ערב פסח הבעל"ט אינעם בנין הביהמ"ד הגדול אין מאנסי, דער רבי האט זיך נאכגעפרעגט איבער די פרטים און מאציל געווען מברכת קדשו.

רבינו שליט''א האט געליינט די תנאים פון די מחותנים.
- הרה"ח ר' לוי אפפעל הי"ו - הרה"ח ר' ישעי' מענדל ווייס הי"ו.
- הרה''ח ר' חיים בנימין אליעזר ווערטהיימער הי"ו - הרה"ח ר' יואל בר"מ גראס הי"ו.

דער רבי האט געדאווענט מעריב ארום 12:00.