Satmara Niyes

ליל שב"ק פרשת האזינו 'בצל הקודש' פון כ''ק רבינו הגה''ק שליט''א

פרייטאג צונאכטס ארום 7:05 איז דער רבי אריינגעקומען אין ביהמ''ד מעוטף בטליתו. בעל תפילה: הרה"ג ר' דוד פערל שליט"א, קבלת שבת: הרה"ח ר' שלמה הערש בר"מ עקשטיין הי"ו. ביי לכה דודי האט די קאפעליע געזינגען די נייע ניגונים, מען האט געענדיגט דאווענען ארום 8:30. און דער ציבור איז אריבער זאגן גוט שבת דערנאך איז דער רבי אהיים לביתו נאוה קודש.

ארום 11:00 איז דער רבי אריינגעקומען צום שלחן הטהור בהיכל השלחנות, און אנגעהויבן כדרכו בקודש שלום עליכם ברגש ובנעימה, מען האט געזינגען רבון העולמים ביז מלך תמים דרכו.
אשת חיל: נכד רבינו הרב דוד טייטלבוים שליט"א.

מיט די זמירות האט רבינו שליט''א מכבד געווען. כל מקדש: נכדו הרב ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א. מנוחה ושמחה: הרה"ח ר' אהרן הערש מיטטעלמאן הי"ו.

רבינו שליט''א האט געזאגט תורה אויפן פסוק 'כי שם ה' אקרא' געטייטשט בדרך דרוש אין די סוגיא פון מצוה הבאה בעבירה.

קה אכסוף: הרה"ח ר' קאפיל שעהנברוין הי"ו. ברכת המזון: הרב ליפא טייטלבוים שליט"א.

עובדות וסיפורים די וואך האט רבינו שליט''א דערציילט פון זקינו הגה''ק הייטב לב זיע''א בעניני ראש השנה.

קה רבון עלם: הרה"ח ר' אלי' ניישטאדט הי"ו. די פרישע חתנים זענען אריבער נעמען פירות. אז ביום השביעי: הרה"ח ר' יצחק צבי קליין הי"ו (וומסב''ג). מען האט געענדיגט ארום 12:30.

וביום השבת קודש

שב''ק אינדערפרי איז דער רבי אריינגעקומען אין ביהמ''ד ארום 9:40. ברכות ופסוקי דזמרה: הרה"ח ר' אלי' שאול כ"ץ הי"ו (ב"פ). שחרית: הר"ר שלום האלפערט שליט"א.

הוצאה והכנסה: הרה"ח ר' אברהם ישעי' ווייס הי"ו. כהן: הב' הבר מצוה ב"ר אהרן שמואל גלאנץ הי"ו. לוי: הרה"ח ר' בעריש אפפעל הי"ו. שלישי: הרה"ח ר' דוד שמואל גאלדבערגער הי"ו. רביעי: הרה"ח ר' שלמה הערשקאוויטש הי"ו. חמישי: הרה"ח ר' ישראל פערל הי"ו. שישי: רבינו שליט''א. שביעי: הרה"ח ר' שמואל אהרן לאנדא הי"ו. אחרון: הרה"ח ר' נחמי' ב"ר יושע ווערצבערגער הי"ו. מפטיר: הר"ר מאיר לייב קטינא שליט"א. הגבה: הרה"ח ר' יצחק פרענקל הי"ו (מאנטרעאל). גלילה: הרה"ח ר' יוקל שלעזינגער הי"ו (לאנדאן).

מוסף: הרה"ח ר' יעקב מיטטעלמאן הי"ו. פתיחה צו אנעים זמירות: הרה"ח ר' יואל בר"ש בוים הי"ו (מאנסי). מען האט געענדיגט ארום 12:10.
רעוא דרעווין

צו מנחה ושל''ש איז דער רבי איז אריינגעקומען ארום 7:05. מנחה: הרה"ח ר' מאיר פערל הי"ו (וומסב''ג). הוצאה והכנסה: הרה"ח ר' מיכל פעלדמאן הי"ו. כהן: הרה"ח ר' משה אליעזר כ"ץ הי"ו. לוי: הרה"ח ר' אהרן מתתי' מערמלשטיין הי"ו. שלישי: הרה"ג ר' אברהם שלום פריעדמאן שליט"א. הגבה: רבינו שליט''א. גלילה: הרה"ח ר' שמעון שטערן הי"ו (מאנסי).

זמירות ביי של"ס האט דער רבי מכבד געווען. אודה און שיר המעלות הרה"ח ר' שלמה הערש עקשטיין הי"ו, און די קאפעליע האט געזינגען די נייע ניגונים. ידיד נפש: נכדו הרב חיים הערש טייטלבוים שליט"א בן חדב"ן הגה"צ רב דביהמ"ד ברך משה שליט"א. קל מסתתר: נכדו הרה"ג ר' זלמן טייטלבוים שליט"א רב דביהמ"ד בית מנחם זאב.

דערנאך איז פארגעקומען די נעילת ימי ראש השנה. מען האט געזינגען ניגוני ראש השנה וימים נוראים פאר א לענגערע צייט, און דער רבי האט געבענטשט אויפן כוס.

נאכן בענטשן האט דער רבי משמיע געווען דב"ק אויף א מייק און האט זיך געשטעלט אויפן פסוק 'אשרי העם יודעי תרועה' און געטייטשט אז ווען עס איז דא דריי טעג יו''ט ע''ב שעות ווערט נמשך 'חסד', וואס איז מער פון רחמים, פאר כלל ישראל, און עס ווערט נתכפר אפילו די עבירות הנשכחות און מען ווערט געהאלפן אפילו אויף וואס מען בעט נישט לטב ולחיין ולשלם, 'והי"ה טר"ם יקרא"ו ואנ"י אענ"ה' איז בגי' תשפ"ה, עס קומט בעז"ה א גוט יאר חסד ורחמים פאר גאנץ כלל ישראל און הקב"ה וועט משפיע זיין כל טוב אפילו אויף די זאכן וואס מען בעט נישט, און מסיים געווען מיט ברכות לרוב פארן גאנצן ציבור.

מעריב מוצש"ק: הרה"ח ר' ישראל פערל הי"ו. נאך הבדלה האט דער רבי געוואונטשן 'א גוטע וואך און א גוט יאר' פארן גאנצן ציבור צוזאמען. מען האט געענדיגט ארום 9:20.

יה"ר שיתקבלו תפילתינו לרחמים ולרצון א שנה טובה ומבורכת לנו ולכל ישראל

▫️ סאטמאר'ע נייעס 🌴 ▫️

ליל ב' דראש השנה 'בצל הקודש' פון כ''ק רבינו הגה''ק שליט''א

ארום 7:50 איז דער רבי אריינגעקומען אין ביהמ"ד צו מערבית. בעל תפילה איז געווען הר"ר דוד חנני' ווייס שליט"א. מען האט געענדיגט ארום 8:30, דער רבי איז ארויף אויפן ארון קודש און געוואונטשן "א גוט יו"ט א גוט געבענטשט יאר" פארן גאנצן ציבור, און אהיים לביתו נאוה קודש.

פארן טיש האט דער רבי געצינדן די נרות יו"ט בביתו נאוה קודש, און דערנאך ארום 11:10 אריבער צום שלחן הטהור בהיכל השלחנות ווי דער רבי האט געצינדן די איבריגע לעכט.
הגבהות הכוס: נכד רבינו הרב דוד טייטלבוים שליט"א. דער רבי האט אנגעטוהן א נייעם קאפטן פאר שהחיינו און אויפן טיש איז געווען שהחיינו פירות, דער רבי האט געמאכט א ברכה אויף א טייטל און טועם געווען פון די שהחיינו פירות, און דערנאך געטיילט שיריים פון די מילגרוימען פארן גאנצן עולם.

מיט די זמירות האט דער רבי מכבד געווען הרה"ג ר' יצחק שלום פריעדמאן שליט"א מו"ץ.

רבינו שליט"א האט געזאגט תורה אויפן פסוק 'ישא ברכה מאת ה' און געטייטשט אז אינעם שופר איז מרומז דעם שם הוי''ה און איז משפיע עשירות וואס אזוי שאדט נישט דער נסיון העושר.

ברכהמ''ז: הרה"ח ר' אהרן הערש בערקאוויטש הי"ו. מען האט געענדיגט ארום 12:20.

ונתנה תוקף קדושת היום

דעם צווייטן טאג יו''ט אינדערפרי איז דער רבי אריינגעקומען ארום 7:55.

כמעשהו בראשונה האט דער רבי אפגעראכטן די עבודת הקודש, דער רבי האט פארגעזאגט ברכות, און דער בעל תפילה אנגעהויבן זינגען אדון עולם. פסוקי דזמרה: הרה"צ ר' יצחק צבי ווייס שליט"א אב"ד איהעל ב"פ. שחרית: הרה"ח ר' בעריש אפפעל הי"ו.

נאך א קורצע הפסקה איז דער רבי אריינגעקומען מלובש מיטן קיטל, זילבערנע קאפל, און די ווייסע סטראקעס בעקיטשע.
הוצאה והכנסה זענען נתכבד געווארן נכדי רבינו הרב דוד טייטלבוים שליט"א און הרב ישראל דושינסקיא שליט"א.
פסוקי שמע ישראל: הרה"ג ר' יואל מייזליש שליט"א בן הגה"צ אבד''ק מאנטרעאל שליט"א.
רבינו שליט"א איז געווען בעל קורא, און געליינט בהתעוררות רב ובהשתפכות הנפש.
עליות. כהן: הרה"צ ר' יצחק צבי ווייס שליט"א. לוי: הרה"ח ר' חיים הערש אפפעל הי"ו. שלישי: הגאון הגדול הדומ"ץ שליט"א. רביעי: הרה"ח ר' אהרן הערש מיטטעלמאן הי''ו (ב"פ). חמישי: רבינו שליט"א. הגבה די ערשטע ספר: הרה"ח ר' שמעון הירש הי"ו. גלילה: הרה"ח ר' מרדכי סטרולאוויטש הי"ו.
דער רבי האט געהייסן מאכן א מי שברך לחולה פאר הרבנית הצדיקת תליט"א לרפו"ש.
מפטיר: הרה''ג ר' וואלף בראווער שליט"א. הגבה די צווייטע ספר: הרה"ח ר' פנחס שפירא הי"ו. גלילה: הרה"ח ר' שלום אלי' מארקאוויטש הי"ו. מען האט געענדיגט 11:45.

עס איז געווען פּויזע, דער רבי איז געגאנגען אין מקוה און אריין לחדרו הפרטי.

ארום 12:35 איז רבינו שליט"א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זיע''א, דער רבי איז ארויף אויפן ארון קודש און מתפלל געווען א תפילה חרישות, און אנגעהויבן די פייערדיגע דרשה אויפן פסוק 'תקעו בחודש שופר' און געטייטשט מען בלאזט שופר דריי מאל ביי די תקיעות דמיושב, ביי די שטילע שמו"ע, און ביי די הויכע שמו"ע, צו אויסבעטן פאר זיך צו זיין ערליך האבן ערליכע קינדער און און ערליכע אייניקלעך, און מאריך געווען בבכיות נוראות וזכנו לראות בנים ובני בנים עוסקים בתורה ובמצוות יעדער זאל איינרייסן ביי די תפילות און תקיעת שופר אז די קינדער און אייניקלעך זאלן נישט פארפאלן גיין אין אזעלכע שווערע נסיונות וואס איז דא אינעם היינטיגן דור, און מסיים געווען מיט ברכות לרוב פארן גאנצן ציבור.
נאך די דרשה האט דער רבי געזאגט קדיש דרבנן, מען האט געענדיגט ארום 12:55.
דערנאך איז דער רבי ארויף אויפן באלעמער, די ספרי תורה האבן געהאלטן הרה"ח ר' חיים פאלאטשעק הי"ו, און הרה"ח ר' אהרן שפיטצער הי"ו. דער רבי האט פארגעזאגט מן המיצר און פאר די ברכה אנגעטוהן א נייעם שאהל, און געמאכט די ברכות באש קודש און געבלאזן די תקיעת דמיושב, בעל מקריא איז געווען הגאון הגדול הדומ"ץ שליט"א.

רבינו שליט''א איז צוגעגאנגען צו תפילת מוסף און געזאגט הנני העני ממעש, קדיש איז געווען 1:25, בעל תוקע ביי די תקיעת דמעומד איז געווען הגה''צ ר' שלמה זאבעל שליט''א דומ''ץ ביהמ''ד בית דוב.
שלוחי עמך בית ישראל העומדים לבקש תפילה ותחנונים, ולהתחנן על עמך ישראל, כמעשהו בראשונה זענען די תפילות זענען געווען איין שטיק רגש דקדושה, מיט בכיות מפעם לפעם און מיט א קול חוצב להבת אש, וואס האט מעורר געווען דעם גאנצן היכל בית המדרש.

פתיחות ביי מוסף זענען נתכבד געווארן. הרה"ח ר' אברהם שלום לאנדא הי"ו, הרה"ח ר' גרשון מענדל ניימאן הי"ו, הרה"ח ר' שלמה היימאן הי"ו, הרה"ח ר' נפתלי ליכטענשטיין הי"ו.

הרה"ח ר' וואלף גליק הי"ו און הרה''ח ר' בנציון קליין הי''ו זענען מכובד געווען אויפהייבן דער רבי'ן ביי כורעים.

צו קוה איז צוגעגאנגען הרה"ח ר' יצחק עהרנפעלד הי"ו, פתיחה לאנעים זמירות: הרה"ח ר' מענדל מאיר הכהן גליק הי"ו (וומסב''ג). מען האט געענדיגט ארום 4:15.

ביים מיטאג טיש בביתו נאוה קודש האט דער רבי געזאגט תורה אויפן פסוק 'תקעו בחודש שופר' און געטייטשט אז אויב איז נישט דא קיין מליצי יושר דארף מען מאכן צוויי טעג יו"ט, דער רבי האט געבענטשט אויפן כוס.

נאך די סעודה איז דער רבי געגאנגען אין מקוה לכבוד שב"ק, פארן זמן הדלקה"נ איז דער רבי אריבער בהיכל השלחנות ווי דער רבי האט געצינדן די נרות שבת, דער רבי האט געמאכט די ברכה און געצינדן די לעכט און דערנאך אהיים לביתו נאוה קודש ווי דער רבי האט ממשיך געווען און אנגעצינדן די איבריגע לעכט.

▫️ סאטמארע נייעס 🌴 ▫️

יום תרועה יהיה לכם 'בצל הקודש' פון כ''ק רבינו הגה''ק שליט''א

דעם ערשטן טאג יו''ט אינדערפרי ארום 7:55 איז דער רבי אריינגעקומען צו תפילת שחרית.

רבינו שליט''א האט אפגעראכטן זיינע הייליגע תפילות בינו לבין קונו בלב קרוע ומרתח ובקש רחמים כעני בפתח, מיט בכיות נוראות וואס האט זיך געהערט אינעם גאנצן ביהמ''ד וואס האט אויפגעציטערט די הערצער פון די טויזענטער מתפללים.
דער רבי האט פארגעזאגט ברכות, און דערנאך האט דער בעל תפילה אנגעהויבן זינגען אדון עולם. פסוקי דזמרה: הרה"ג ר' אברהם שלום פריעדמאן שליט"א מראשי הכוללים. דער רבי האט געזאגט 'וכרות' פסוק בפסוק. שחרית: הגאון הגדול הדומ"ץ שליט"א. מען האט געענדיגט ארום 11:10.

נאך א קורצע הפסקה איז דער רבי אריינגעקומען מלובש מיטן קיטל, זילבערנע קאפל, און ווייסע סטראקעס בעקיטשע.
הוצאה והכנסה זענען נתכבד געווארן הרה"ג ר' יוסף הערש סופר שליט"א מו"ץ, און הרה"ג ר' ארי' אשר אינדיג שליט"א מו"ץ.
פסוקי שמע ישראל: הר"ר אלי' גרויס שליט"א מבערבעשט.

דער רבי איז געווען בעל קורא, און געליינט די קריאה בבכיות ובהתעוררות רב.
עליות. כהן: משב"ק הרה"ח ר' שמואל הכהן פריעדמאן הי"ו. לוי: הרה"ח ר' אלעזר גרובער הי"ו. שלישי: הרה"ח ר' אברהם ווידער הי"ו. רביעי: הרה"ח ר' ליפא גראס הי"ו. חמישי: רבינו שליט"א.

נאכ'ן עולה זײן האט דער רבי קורא שם געווען לרגל הולדת הבת אצל:
ר' משה ישעי' פריעדמאן הי"ו.
ר' וואלף בר"ש לאנדא הי"ו.
ר' פנחס נחמן ברא"ל גלויבער הי"ו.
ר' יואל ברמ"ש ווייס הי"ו.
אויך האט דער רבי געהייסן מאכן א מי שברך לחולה פאר הרבנית הצדיקת תליט"א לרפו"ש.

הגבה דעם ערשטע ספר: הרה"ח ר' חיים אהרן קליין הי"ו. גלילה: הרה"ח ר' שמחה כ"ץ הי"ו. מפטיר: הרה"ח ר' מאיר הירש הי"ו. הגבה דעם צווייטע ספר: הרה"ח ר' ארי' אשר שטעסל הי"ו. גלילה: הרה"ח ר' שמואל לאנדא הי"ו. מען האט געענדיגט 11:50.

נאכ'ן ליינען זענען פארגעקומען די ברית'ן:
לבן הנולד אצל ר' בערל פישער הי"ו, ווי דער רבי איז געווען סנדק ומוהל.
לבן הנולד אצל ר' יואל נתן פריעדמאן הי"ו, ווי דער רבי איז געווען סנדק ומוהל.
לבן הנולד אצל ר' אלעזר יואל גליק הי"ו ווי דער רבי איז געווען סנדק.

עס איז געווען פּויזע, דער רבי איז געגאנגען אין מקוה און אריין לחדרו הפרטי.

אום 12:55 איז רבינו שליט''א אריינגעקומען אין ביהמ"ד מעוטף אינעם טלית, קאפל און קיטל פון רביה"ק בעל דברי יואל זיע''א, און אינטער'ן קיטל א ווייסן קאפטן.
דער רבי איז ארויף אויפן ארון קודש און מתפלל געווען א תפילה חרישה און אנגעהויבן די פייערדיגע 'תקיעת שופר דרשה' אויפן פסוק 'בחצוצרות וקול שופר הריעו' וואס איז ר"ת בוש"ה כמובא בחת"ס, מען שטייט ראש השנה דארף מען תשובה טוהן הן אויף די עצם עבירה און הן אויפן פארשפעטיגן די תשובה ביז יעצט, אז מען שטייט פארן הייליגן באשעפער דארף מען שפירן אז פחד כעומד לפני מלך, אז עס איז כאטש דא די בושה, עס איז אזיל סימקא ואתי חיוורא איז ווי מען ווערט נסתלק מן העולם איז דא כפרות עוונות, און ממשיך געווען בבכיות עצומות הקב''ה איז א מבי"ט ומקשיב ער קוקט אהן די פנימער צו ס'איז טאקע מתבייש בה, מבין ומאזין, מבי"ן איז די אותיות בני"ם און איז ר''ת ב'ל י'דח מ'מנו נ'ידח יעצט איז דער זמן מתפלל זיין אויף ערליכע אידישע דורות און די אלע פארפאלענע נשמות זאלן זיך צוריקקערן און נתעורר ווערן צו תשובה, און מסיים געווען ברוב ברכות בכל ענינים פארן גאנצן ציבור. נאך די דרשה האט דער רבי געזאגט קדיש דרבנן, מען האט געענדיגט ארום 1:25.

עס איז פארגעקומען א ברית לבן הנולד אצל ר' יושע כהנא הי"ו, ווי דער רבי איז געווען סנדק ומוהל.

דערנאך איז רבינו שליט''א ארויף אויף די בימה, די ספרי תורה האבן געהאלטן הרה"ח ר' ישראל שפילמאן הי"ו, און הרה"ח ר' אהרן שפיטצער הי"ו. דער רבי האט פארגעזאגט מן המיצר און געמאכט די ברכות באש קודש און געבלאזן די תקיעת דמיושב, בעל מקריא איז געווען הגאון הגדול הדומ"ץ שליט"א.

רבינו שליט''א איז צוגעגאנגען צום עמוד צו תפילת מוסף און געזאגט הנני העני ממעש, און אנגעהויבן קדיש בערך אום 2:00.

בעל תוקע ביי די תקיעת דמעומד איז געווען הגה"צ ר' שלמה זאבעל שליט"א דומ"ץ ביהמ"ד בית דוב.
רבינו שליט"א האט געדאווענט אין א מחזור נוסח תפלה ישרה.
גשים מול ארון הקודש באימה, ועמך מסביבים אותם כחומה, מיטצוהאלטן די עבודת הקודש באימה וביראה בהתעוררות וברגש קודש ביי תפילת מוסף ובפרט ביי די פסוקי מלכיות זכרונות ושופרות, ובקול חוצב ובלב שופך כמים, עיני עמך תליות ועינים לך מיחלות
מיט די פתיחות ביי מוסף זענען נתכבד געווארן. הרה"ח ר' בערל פאלאטשעק הי"ו, הרה"ח ר' מרדכי לאנדא הי"ו, הרה"ח ר' ישראל הערשקאוויטש הי"ו, הרה"ח ר' מרדכי הערש פארקאש הי"ו, הרה"ח ר' חיים הערש ברי"מ שווארטץ הי"ו.

הרה"ח ר' וואלף גליק הי"ו, און הרה"ח ר' אורי יהודה קויפמאן הי"ו זענען מכובד געווארן אויפהייבן דער רבי'ן ביי כורעים.
צו קוה איז צוגעגאנגען הרה"ח ר' יצחק ערעהנפעלד הי"ו, פתיחה לאנעים זמירות: הרה"ח ר' ישראל ארי' פישער הי"ו (ב"פ). מען האט געענדיגט ארום 5:15, און מען האט תיכף געדאווענט מנחה,
פארן עמוד האט געדאווענט הרה"ח ר' אהרן שפיטצער הי"ו, שמו"ע האט דער רבי געדאווענט מיטן טלית אויפן קאפ, מען האט געענדיגט ארום 5:45.

ביים מיטאג טיש בביתו נאוה קודש האט דער רבי געזאגט תורה אויפן פסוק 'אשרי העם יודעי תרועה' און געטייטשט אז דער כח פון יעקב אבינו איז דא אין יעדן איד און אזוי ווערט מען נישט נדחה.
מיטן ברכהמ''ז האט דער רבי מכבד געווען הרה"ח ר' אברהם משה פאלקאוויטש הי"ו.

▫️ סאטמארע נייעס 🌴 ▫️

'תחל שנה וברכותיה'

יו"ט ראש השנה תשפ''ה - שב''ק פרשת האזינו-שבת שובה, בצל הקודש פון כ"ק מרן רבינו הגה"ק שליט"א בקרב ק''ק קרית יואל יצ"ו.
ע''ב שעות של קדושה והתרוממות הנפש וואס איז משפיע 'חסד' ורחמים

ערב יו"ט ארום 5:10 פארטאגס איז רבינו שליט"א אריינגעקומען צו אמירת סליחות 'זכור ברית' אין ביהמ''ד הגדול.
רבינו שליט''א האט יורד געווען לפני התיבה בהתעוררות רב מעוטף אינעם טלית און קאפל פון רביה"ק בעל דברי יואל זיע''א.
מיט די פתיחות זענען נתכבד געווארן הרה"ח ר' עקיבא וויינשטאק הי"ו און הרה"ח ר' יצחק משה פראנקל הי''ו. מען האט געענדיגט ארום 7:30, און דער רבי איז אהיים לביתו נאוה קודש.

איידער תפילת שחרית איז פארגעקומען די ברית'ן:
לבן הנולד אצל ר' שלמה משולם ברא"מ לאנדא הי"ו, ווי דער רבי איז געווען סנדק ומוהל.
לבן הנולד אצל ר' יצחק ב"ר אפרים טייטלבוים הי"ו, ווי דער רבי איז געווען סנדק ומוהל.

ארום 10:00 איז רבינו שליט''א אריינגעקומען אין ביהמ''ד הגדול צו תפילת שחרית. פאר'ן דאווענען האט דער רבי תפילין געלייגט פאר די בר מצוה בחורים.
ב"ר יעקב יואל גליק הי"ו.
ב"ר ישראל פישער הי"ו.

נאכן דאווענען האט מען מסיים געווען תהילים כנהוג בחודש אלול. נאכן אויסטוהן די תפילין האט רבינו שליט''א געמאכט התרת נדרים פאר א מנין און געזאגט די מסירות מודעות, און זיי באדאנקט און אנגעוואונשן א כתיבה וחתימה טובה.

ליל יו''ט פארנאכטס ארום 7:05 איז רבינו שליט"א אריינגעקומען אין ביהמ"ד מעוטף בטליתו און צוגעגאנגען צו מנחה בהתעוררות רב, און דערנאך האט מען געזאגט דעם פיוט 'אחות קטנה' כנהוג.

נאך מנחה איז פארגעקומען דער יערליכער אפיעל פארן 'מבצר הכוללים דקרית יואל' מיט אירע טויזענט לומדי הכולל, עס האט אויפגעטרעטן דער מנהל הכוללים הרה"ג ר' וואלף אהרן טעלער שליט"א.

דערנאך ארום 8:00 איז דער רבי צוגעגאנגען צו מערבית, און נאכן דאווענען פארגעזאגט כנהוג 'לדוד מזמור' באש קודש.

נאכן דאווענען איז רבינו שליט"א ארויף אויפן ארון הקודש צום 'ברכת הקודש' און געזאגט תורה אויפן פסוק 'ישא ברכה מאת ה'' און נאכגעזאגט בקול חינוק בדמעות בשם זקינו הרה"ק רבי מאטעלע האנרסטייפלער זיע"א וואס האט נאכגעזאגט פון זיין גרויסן שווער דער הייליגער צאנזער זיידע זיע''א, אז עס איז דא א ברכה אין אידישע שטיבער איז א כבוד פארן הייליגן באשעפער און דעמאלטס איז הקב''ה א מלך הכבוד, און געוואונטשן לכל הקהל הקודש ברכות לרוב, 'לשנה טובה תכתבו ותחתמו לאלתר לחיים טובים ולשלום' ויענו כל העם בקול 'אמן' ולעומתו ברוך יאמרו, האבן די אלפי ישראל צוריקגעוואונטשן פארן רבי'ן לשנה טובה ואף הוא ענה כנגד המברכים אמן, און דערנאך געוואנטשן א גוט יו''ט.
נאכן אראפגיין האט דער רבי עקסטער געוואונטשן לשנה טובה פאר הגאון הגדול הדומ"ץ שליט"א און די אנדערע רבנים, און דערנאך אריבער בהיכל השלחנות ווי דער רבי האט געצינדן די נרות יו"ט, דער רבי האט געמאכט די ברכה און געצינדן די לעכט אין היכל און דערנאך אהיים געגאנגן לביתו נאוה קודש ווי דער רבי האט ממשיך געווען און אנגעצינדן די איבריגע לעכט.

ארום 11:10 איז רבינו שליט''א אריינגעקומען צום שלחן הטהור בהיכל השלחנות. הגבהת הכוס: נכד רבינו הרב דוד טייטלבוים שליט"א בן הגה"צ אב"ד סיגוט שליט"א
נאך קידוש האט דער רבי אויפגעשניטן די רינדעכיגע חלה מיט א נייע מעסער און איינגעטונקען אין האניג דבש חי, און געמאכט א ברכת העץ אויף עפל, איינגעטונקען אין האניג און געזאגט דעם יהי"ר שתתחדש עלינו שנה טובה ומתוקה, און פארטיילט שיריים פון די עפל פארן גאנצן ציבור.
דערנאך האט מען אריינגעברענגט א ראש כבש, דער רבי האט געזאגט דעם יהי"ר שנהיה לראש ולא לזנב, און נאכן טועם זיין געטרינקן לחיים און געוואונטשן 'א גוט געבענטשט יאר א שנה טובה ומתוקה', נאך די פלייש האט מען אויפגעגעבן זיסע מייערן און דער רבי האט געזאגט דעם יהי"ר שירבו זכיותינו.

במשך דעם טיש האט מען מאריך געווען מיט ניגוני ימים נוראים, מיטן זינגן לדוד מזמור האט דער רבי מכבד געווען נכדו הרב ישראל דושינסקיא שליט"א (ב"פ).

רבינו שליט''א האט געזאגט תורה אויפן פסוק 'אשרי העם יודעי תרועה' און געטייטשט אז דורך די תקיעות דמעומד וואס איז שמחה של מצוה ווערט נתכפר סיי די עבירות און סיי דער חשבון פון די זמנים וואס מען האט געקענט טוהן מצוות.

ברכהמ''ז: נכד רבינו הרב דוד טייטלבוים שליט"א. מען האט געענדיגט ארום 12:25.

▫️ סאטמארע נייעס 🌴 ▫️

דינסטאג פרשת האזינו ג' דסליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריין געקומען צו אמירת סליחות אין ביהמ"ד הגדול, בעל תפלה: הרה"ח ר' נח גפן הי"ו. מען האט געענדיגט ארום 6:25, און דער רבי איז אהיים לביתו נאוה קודש.

איידער תפילת שחרית איז פארגעקומען די ברית'ן:
לבן הנולד אצל ר' משה ראזענפעלד הי"ו, ווי דער רבי איז געווען סנדק ומוהל.
לבן הנולד אצל ר' אברהם שמעון ברא"ט ווידער הי"ו, ווי דער רבי איז געווען סנדק.

רבינו שליט''א האט געדאווענט שחרית אין ביהמ''ד הגדול. פארן דאווענען האט דער רבי געלייגט תפילין פאר די בר מצוה בחורים.
ב"ר שמואל ווייס הי"ו.
ב"ר מאיר סאקס הי"ו.
נאכן דאווענען האט דער רבי געבלאזן שופר.

נאכן דאווענען איז פארגעקומען א ברית לבן הנולד אצל ר' מענדל גרשון ברנ"מ ווייס הי"ו (מאנסי), ווי דער רבי איז געווען סנדק ומוהל.

דערנאך איז פארגעקומען א לחיים מיט די בר מצוה בחורים און דער בעל ברית בהיכל הביהמ"ד. אויך האבן שלום גענומען הרה"ג ר' מרדכי אהרן זאבעל שליט"א מנהל ישיבה גדולה סניף עצי חיים שיעור ג' אינאיינעם מיט די תלמידי הישיבה וועלכע האבן זיך צוריקגעקערט פון זייער נסיעה למקומות הקדושים אין אייראפע, דער רבי האט זיך נאכגעפרעגט איבער וויאזוי די נסיעה איז אריבער און געוואונטשן מ'זאל האבן געפועל'ט אלעס גוטס.

זמני כניסה בקו''פ איז געווען פון 6:30 ביז 10:20 אויפדערנאכט, בביתו נאוה קודש אויף איהעל קט.

דער רבי האט געדאווענט מנחה ארום 7:20, און מעריב ארום 10:20.

▫️ סאטמאר'ע נייעס 🌴 ▫️

מאנטאג האזינו ב' דסליחות 'בצל הקודש' פון כ''ק רבינו הגה''ק שליט''א

אום 5:45 איז רבינו שליט"א אריינגעקומען צו אמירת סליחות אין ביהמ"ד הגדול, בעל תפלה: הרה"צ ר' בערל גלאנץ שליט"א מבארדיוב. מען האט געענדיגט ארום 6:25, און דער רבי איז אהיים לביתו נאוה קודש.

ארום 9:45 איז דער רבי אנגעקומען אין ביהמ"ד הגדול צו תפילת שחרית, פארן דאווענען האט דער רבי געלייגט תפילין פאר די בר מצוה בחורים.
בן הר"ר משה כ"ץ שליט"א.
ב"ר יואל ב"ר יושע טעללער הי"ו.
ב"ר ישראל מענדל היימאן הי"ו.
ב"ר חיים שלמה בוים הי"ו.

ביים ליינען איז דער רבי געגאנגען הגבה, און נאכן דאווענען געבלאזן שופר, דערנאך איז פארגעקומען א לחיים מיט די בר מצוה בחורים בחדרו הפרטי.

נאך שחרית האט דער רבי מנחם אבל געווען משפחת הרה"ח ר' טובי' שרייבער ע"ה.

זמני כניסה בקו''פ איז געווען פון 6:30 ביז 11:45 אויפדערנאכט, בביתו נאוה קודש אויף איהעל קט.

דער רבי האט געדאווענט מנחה ארום 7:20, און מעריב ארום 11:15, און דערנאך ווייטער ממשיך געווען אויפנעמען דעם ציבור.

▫️ סאטמאר'ע נייעס 🌴 ▫️

זונטאג פרשת האזינו א' סליחות 'בצל הקודש' פון כ''ק רבינו הגה''ק שליט''א

באשמורת הבוקר אום 5:19 איז רבינו שליט''א אריינגעקומען צו אמירת סליחות אין ביהמ"ד הגדול דקרית יואל.
דער ביהמ"ד הגדול מיט אלע אירע היכלים און קארידארן ביז צום פארטש, זענען געווען איבערגעפילט מלא על כל גדותיו מיט שווערע טויזענטער אנ''ש פון איבער גרעיטער ניו יארק און ניו דזשורזי.
רבינו שליט''א האט יורד געווען לפני התיבה בהתעוררות רב, מעוטף אינעם טלית און קאפל פון רביה''ק בעל דברי יואל זיע''א, מאוצרו פון הרה"ח ר' אברהם משה פאלקאוויטש הי"ו, און פארגעזאגט אין א סליחות פון רביה''ק בעל דברי יואל זיע''א מיט גרויס התעוררות, מען האט געענדיגט ארום 6:20.

נאך אמירת סליחות איז פארגעקומען דער 'מעמד תפילה ובקשת רחמים' בפקודת הקודש פון רבינו שליט"א ווי די טויזענטער אידן האבן אינאיינעם געזאגט ספר רביעי שבתהילים - אזוי אויך אין אלע בתי מדרשים דקהלתינו הק' איבערן גארער וועלט - איינצורייסן און מעורר זיין רחמי שמים מבטל זיין די גזירות הגיוס בארה"ק, בעל תפילה איז געווען הגה''צ ר' נפתלי הירצקא צוויבל שליט"א ראה"כ ורב דביהמ"ד ברך משה וומסב''ג ומרבני וועד משמרת חומותיך ירושלים. מען האט געענדיגט ארום 6:40, און דער רבי איז אהיים לביתו נאוה קודש.

איידער תפילת שחרית איז פארגעקומען א ברית לבן הנולד אצל ר' שלום יצחק ב"ר מנלי שעהר הי"ו, ווי דער רבי איז געווען סנדק ומוהל.

רבינו שליט''א האט געדאווענט תפילת שחרית אין ביהמ''ד הגדול. פארן דאווענען האט דער רבי געלייגט תפילין פאר די בר מצוה בחורים.
בן הר"ר מנחם יושע בערקאוויטש שליט"א בן הגאון הגדול הדומ"ץ שליט"א.
ב"ר יואל גראס הי"ו.
ב"ר יונתן בנימין קטינא הי"ו.
ב"ר יחזקאל לאנדא הי"ו.
ב"ר משה יודא גאלדבערגער הי"ו.
ב"ר מאיר משה לעבאוויטש הי"ו.
נאכן דאווענען האט דער רבי געבלאזן שופר.

נאך שחרית איז דער רבי אריבער אויף א ביקור חולים באזוך אין שטוב פון משב"ק הרה"ח ר' יושע מענדלאוויטש הי"ו לרפו"ש, עס האט זיך פארצויגן א שיינע שמועס און דער רבי האט אים אנגעוואונטשן א רפואה שלימה וגמורה און ברכות לרוב.

זמני כניסה בקו''פ איז געווען פון 6:30 ביז 10:15 אויפדערנאכט, בביתו נאוה קודש אויף איהעל קט.

דער רבי האט געדאווענט מנחה ארום 7:10, און מעריב ארום 10:15.

▫️ סאטמארע נייעס 🌴 ▫️

שב''ק פרשת נצו"י 'בצל הקודש' פון כ''ק רבינו הגה''ק שליט''א

ערש"ק א שעה פארן זמן הדלה"נ האט רבינו שליט"א געגעבן טעלעפאניש ברכת קדשו פאר הרה"ג ר' חיים אהרן אונגאר שליט"א מו"ץ בביהמ"ד לב אהרן דקהלתינו הק' אין וומסב"ג, לרגל שבת פתיחת שערים דבית מדרשינו המפואר 'לב אהרן' בשכונת סאוט אכט אין וומסב"ג.
פרייטאג צונאכטס ארום 7:15 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: הרה"ג ר' הערשל הורוויץ שליט"א מנהל ישיבה לצעירים וומסב''ג. מען האט געענדיגט דאווענען ארום 8:50. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 9:25 איז דער רבי אריינגעקומען צום שלחן הטהור בהיכל השלחנות אינאיינעם מיט תלמידי ישיבה לצעירים וומסב''ג, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א, הגבהת הכוס: הגה"צ אבד''ק מאנטשעסטער שליט"א.

פאר די פיש האט דער רבי משמיע געווען דב"ק פאר די בחורים אויפן פסוק 'אתם נצבים היום' און דערציילט א מעשה פונעם הייליגן צאנזער רב זיע''א וואס האט געזאגט אז טראץ וואס במציאות דאווענט ער אין א שפעטע שעה, איז זיין עבודה שוין פון גאנץ פרי מיט א הכנה דרבה און איז מתפלל אז ער זאל קענען דאווענען, כדי צו קענען ריכטיג מתפלל זיין ראש השנה דארף מען שוין יעצט מאכן א הכנה מיט תפילה ולימוד התורה.

מיט די זמירות האט רבינו שליט''א מכבד געווען. כל מקדש: הרה"ג ר' משה דוד הורוויץ שליט"א רב דביהמ"ד ברך משה דקהלתינו הק' ב"פ בן הגה"צ אבד''ק מאנטשעסטער שליט"א, מנוחה ושמחה: הרה"ח ר' מנחם יהודא שלעזינגער הי"ו (וומסב''ג).

רבינו שליט''א האט געזאגט תרה אויפן פסוק 'אתם נצבים היום' און געטייטשט בדרך דרוש אין די סוגיא פון מצות לאו ליהנות ניתנו.

קה אכסוף: הרה"ג ר' אליעזר הערש הורוויץ שליט"א (וומסב''ג) בן הגה"צ אבד''ק מאנטשעסטער שליט"א. ברכת המזון: הגה"צ אבד''ק מאנטשעסטער שליט"א.

עובדות וסיפורים די וואך האט רבינו שליט''א דערציילט פון הרה"ק רבי מיכל'ע מזלאטשוב זיע''א וואס די יארצייט איז געפאלן שב"ק כ"ה אלול. קה רבון עלם: הרה''ג ר' הערשל טעללער שליט"א (וומסב''ג), די פרישע חתנים זענען אריבער נעמען פירות. בשעת די פירות האט מען געזונגן דעם ניגון המיוחס צו הרה"ק רבי מיכל'ע מזלאטשוב זיע''א. אז ביום השביעי: הרה"ח ר' מרדכי דוד עסטרייכער הי"ו (וומסב''ג). מען האט געענדיגט ארום 12:05.

וביום השבת קודש

שב''ק אינדערפרי איז דער רבי אריינגעקומען צום דאווענען ארום 9:40. ברכות ופסוקי דזמרה: הרה"ג ר' משה דוד הורוויץ שליט"א. צו שחרית איז דער רבי צוגעגאנגען.

הוצאה והכנסה: הרה"ח ר' אברהם שמחה פריעדמאן הי"ו. פסוקי שמע ישראל: הר"ר אהרן קויפמאן שליט"א (מאנטרעאל).

עליות. כהן: הרה"ח ר' ישראל לייב כהן הי"ו. לוי: הרה"ח ר' דוד יערמיאש הי"ו. שלישי: הגה"צ אבד''ק מאנטשעסטער שליט"א. רביעי: החתן ב"ר יוסף דערמער הי"ו. חמישי: החתן ב"ר יואל וואלף שווארטץ הי"ו. שישי: רבינו שליט''א.

נאכ'ן עולה זײן האט דער רבי קורא שם געווען לרגל הולדת הבת אצל:
ר' זלמן לייב ברש"מ פריעדמאן הי"ו.
ר' יושע ברנ"ה פריעדמאן הי"ו.
ר' משה הלל ברמ"ד עסטרייכער הי"ו.
ר' חיים הערש ברי"ל מארקאוויטש הי"ו.

שביעי: הרה"ח ר' מאיר יעקב אינדיג הי"ו. אחרון: ר' יוסף פנחס סטרולאוויטש הי"ו - דער רבי האט קורא שם געווען לרגל הולדת בתו למז''ט. מפטיר: הרה"ח ר' בערל פאלאטשעק הי"ו. הגבה: הרה"ח ר' מענדל עקשטיין הי"ו. גלילה: הרה"ח ר' יוסף דערמער הי"ו (מאנסי).

מוסף: הרה"ח ר' מאיר יעקב אינדיג הי"ו. פתיחה צו אנעים זמירות: הרה"ח ר' חיים אפרים ווייס הי"ו. מען האט געענדיגט ארום 12:25.

נאכמיטאג ארום 6:30 איז דער רבי אראפגעקומען אינעם זאל בביתו נאוה קודש ווי די קאפעליע האט פארגעזינגען כנהוג די נייע ניגונים וואס זענען פארפאסט געווארן לקראת די ימים נוראים הבעל"ט, דער רבי האט זיך צוגעהערט צו די ניגונים און אנגעוואונטשן ברכה והצלחה לרומם דעם כבוד פון הייליגן באשעפער און ממליך זיין שמו בעולם.
רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 7:15. מנחה: הרה"ח ר' אלחנן טויב הי"ו. הוצאה והכנסה: הרה"ח ר' מענדל גרינפעלד הי"ו (מאנסי). כהן: נכד רבינו הרה"ג ר' יואל הכהן גלאנץ שליט"א. לוי: ר' חיים מענדל פריעדמאן הי"ו. שלישי: הרה"ח ר' פישל שאפפער הי"ו (וומסב''ג). הגבה: רבינו שליט''א. גלילה: הרה"ח ר' מנחם יהודא שלעזינגער הי"ו.

זמירות ביי של"ס האט דער רבי מכבד געווען. אודה: הרה"ח ר' נח גפן הי"ו. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק 'אתם נצבים היום' און געטייטשט אז אפילו ווען אידן זענען אין א נידריגע מדריגה זענען אידן זוכה צו א התעוררות תשובה, דורך דעם וואס דער באשעפער קוקט זיך אים אויף אידישע קינדער און מיט דעם בליק ווערט מען נתעורר צו תשובה און אידן ווערן געבענטשט בכל טוב.

ידיד נפש: הרה"ח ר' מענדל עקשטיין הי"ו. קל מסתתר: הרה"ח ר' משה שווארטץ הי"ו (וומסב''ג), דער רבי האט געבענטשט על הכוס און געזאגט שבע ברכות.

מעריב מוצש''ק: הרה"ח ר' יעקב מיטטעלמאן הי"ו. נאך הבדלה האט דער רבי געוואונטשן א גוטע וואך פארן גאנצן ציבור. מען האט געענדיגט ארום 9:30.

▫️ סאטמאר'ע נייעס 🌴 ▫️

דאנערשטאג פרשת נצו"י 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' אברהם יקותיאל זלמן שטיין הי"ו, ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ברך משה. פארן דאווענען האט דער רבי געלייגט תפילין פארן בר מצוה בחור ב"ר קלמן אליעזר בבור הי"ו.

ביים ליינען איז דער רבי געגאנגען הגבה, און נאכן דאווענען געבלאזן שופר, און עס איז פארגעקומען א לחיים מיט'ן בר מצוה בחור בחדר הפרטי, אויך זענען אריין די בחורים המצטיינים וועלכע האבן זיך געשטעלט צום פארהער אויף גאנץ מסכת בבא מציעא און דער רבי האט פארטיילט א י"ב חלה און מאציל געווען מברכת קדשו.

נאך א קורצע צייט איז דער רבי צוריק אריין אין ביהמ"ד ווי דער רבי האט פארגעלערענט די ניינטע און לעצטע סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה, און דערנאך ממשיך געווען מיט הכנה לקראת די ימי הרחמים והרצון און מסיים געווען מיט ברכות לרוב פאר אלע בחורים.

זמני כניסה בקו''פ איז געווען פון 6:30 ביז 12:00 אויפדערנאכט, בביתו נאוה קודש אויף איהעל קט.
ארום 7:30 האט דער רבי געדאווענט מנחה בביתו נאוה קודש.

רבינו שליט''א האט געליינט די תנאים פון די מחותנים הרה"ח ר' חיים אליעזר ווייס הי"ו - הרה"ח ר' משה שמחה קויפמאן הי"ו.
בעת די זמני כניסה האט רבינו שליט"א משמיע געווען דב"ק וברכה דורך א הוקאפ פאר אנ"ש תושבי מאנטרעאל ביים 'אסיפת אנ"ש' וועלכע איז פארגעקומען בהיכל בית מדרשינו הגדול אין מאנטרעאל, קודם האט אויפגעטרעטן חדב"ן הגה"צ רב דביהמ"ד ישמח משה שליט"א מיט א לענגערע דרשה בשליחות מרן רבינו שליט"א, דערנאך האט דער רבי משמיע געווען די דב"ק און ארויסגעברענגט אז מען גרייט זיך צו עפענען א תלמוד תורה אויף דעם קומענדיגן ווינטער הבעל"ט דארף מען זיך זעהן צו האלטן צו די תקנות פון מייסד קהלתינו ומוסדותינו הק' רביה"ק בעל דברי יואל זיע''א, אזוי אז די מוסדות זאל זיין א שטאלץ פאר מאנטרעאל אזוי ווי בית מדרשינו הגדול וואס איז א שטאלץ און א פראכט פאר די גאנצע שטאט, און דער רבי האט מסיים געווען מיט ברכות לרוב פאר די עסקנים וועלכע שטייען בראש און פארן גאנצן ציבור.

דער רבי האט געדאווענט מעריב ארום 12:00.

▫️ סאטמארע נייעס 🌴 ▫️

מיטוואך פרשת נצו"י 'בצל הקודש' פון כ''ק רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' מענדל גוטמאן הי"ו (מאנטרעאל), ווי דער רבי איז געווען סנדק ומוהל.

דער רבי האט געדאווענט שחרית בהיכל המתיבתא סניף ויואל משה. פארן דאווענען האט דער רבי געלייגט תפילין פאר די בר מצוה בחורים.
ב"ר משה אברהם שעהנברוין הי"ו.
ב"ר משה העניך פריעדמאן הי"ו.
ב"ר יוסף ראזענבערג הי"ו.
ב"ר יואל פראמאוויטש הי"ו.

נאכן דאווענען האט דער רבי געבלאזן שופר און פארגעלערנט דעם טעגליכן תהילים שיעור אויף קאפיטל כ"ג פסוק א', און ממשיך געווען מיט הדרכה לימי בין הזמנים הבעל"ט. דערנאך איז פארגעקומען א לחיים מיט די בר מצוה בחורים בחדרו הפרטי.

ארום 1:45 איז דער רבי אנגעקומען אין ישיבה גדולה סניף ברך משה ווי דער רבי האט פארגעלערענט די אכטע סוגיא שיעור אין די סוגיא פון 'מצות לאו ליהנות נתנו' אלץ הכנה צום שבת שובה דרשה. מען האט געענדיגט ארום 2:20.

אין די נאכמיטאג שעה'ן איז אריין בקו''פ הגה"צ אבד''ק וומסב''ג שליט"א ווי דער רב שליט"א האט איבערגעגעבן א באריכט פון ישיבה קטנה "דרך התורה" וועלכע האט אצינד פארענדיגט שוין דאס דריטע יאר בס"ד מיט הצלחה, און גרייט זיך שוין בשעטו"מ אריין צו שיקן די תלמידים אין ישיבה גדולה, און דערביי האט רבינו שליט"א קורא שם געווען אויפן צווייטן סניף פון די ישיבה וואס מהאט יעצט פארענדיגט די ערשטע יאר, "ישיבת בשבילי התורה", אזוי אויך האט מען אויסגעשמועסט פארשידענע פרטים פון מוסדותינו הק', ישיבות קטנות, און ישיבה לצעירים אין וומסב''ג, ווי דערביי האט דער רבי ארויסגעברענגט מיט א שטארקע קורת רוח די גוטע גרוסן וואס מען הערט צוריק פון אלע סניפי הישיבות נאך א שטארק מוצלח'דיגע יאר וואס איז אדורך בכי טוב.

נאכמיטאג ארום 6:00 איז פארגעקומען א סיום כתיבת האותיות פאר די ס''ת וואס ווערט געשריבן דורך הנגיד ר' חיים אברהם ב"ר ירמי' בראך הי"ו פון לעיקוואד און ווערט אריינגעגעבן ערב יוה''ק אין שטאט ראצפערט אונגארן, דערביי איז אויך פארגעקומען א חתימת שטרות ווי ר' חיים אברהם הי"ו האט אפגעקויפט א זכות נכבד בבית מדרשינו הגדול אין לעיקוואד, דער רבי האט אריינגעשריבן די אותיות, געטרינקן לחיים עס האט זיך פארצויגן א שיינע שמועס איבער הרה"ק רבי הירצקא'לע ראצפערט'ער זיע''א און די הרחבת גבולי הקדושה פון קהלתינו הק' אין לעיקוואד, דער רבי האט אינטערגעשריבן די שטרות אינאיינעם מיטן נדבן און ווארעם מאציל געווען מברכות קדשו.

זמני כניסה בקו''פ איז געווען פון 6:30 ביז 11:45 אויפדערנאכט בביתו נאוה קודש אויף איהעל קט.
ארום 7:30 האט דער רבי געדאווענט מנחה בביתו נאוה קודש.

נאך מנחה האט דער רבי מסדר קידושין געווען ביי די חופה פון די מחותנים הר"ר נתן נטע הויזער שליט"א - הרה"ח ר' שלום אליעזר בערגער הי"ו, באולם בית רחל פאראדייס, און דערנאך ממשיך געווען די זמני כניסה.

רבינו שליט''א האט געליינט די תנאים פון די מחותנים הרה"ח ר' יואל בר"מ ווערצבערגער הי"ו - הרה"ח ר' דוד אונגאר הי"ו.

דער רבי האט געדאווענט מעריב ארום 11:45.

נאך מעריב איז דער רבי אריבער אין בית החיים דקרית יואל צו די לויה פון הרה"ח ר' טובי' שרייבער ע"ה.

▫️ סאטמארע נייעס 🌴 ▫️