סאטמארע נייעס

זונטאג פרשת אח"ק 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די בר מצוה בחורים.
ב"ר מרדכי לייב לאנדא הי"ו.
ב"ר שמואל משה עהרנפעלד הי"ו.
ב"ר אברהם קליין הי"ו.
ב"ר משה שמואל רובינפעלד הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

אזוי אויך האט רבינו שליט''א אריינגערופן דער מנהל הישיבה הרה''ג ר' דוד שלמה עקשטיין שליט''א און געהייסן איבערגעבן הוראות קדשו פאר אלע אנ''ש אז דעם קומענדיגע מיטוואך ביום המר והנמהר ה' אייר זאל משנה זיין דעם סדר אמירת תהלים נאכן דאווענען, דינסטאג זאל מען זאגן פון קי''א ביז קי''ט און מיטוואך זאל מען זאגן קאפיטל קי''ט, כדי מ'זאל נישט זאגן מיטוואך ביי די טעגליכע פרקי תהילים די קאפיטלעך פון הלל.

פארמיטאג איז רבינו שליט''א געווען אויף די וועכענטליכע באזוך אינעם בית השחיטה המהודרת.

נאכמיטאג איז דער רבי ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי, און אום 6:10 האט דער רבי געדאווענט מנחה אין די ישיבה.

זמני כניסה בקודש פנימה איז געווען פון ארום 8:30 ביז 12:00 אויפדערנאכט בביתו נאוה קודש אויף איהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
הרב ר' יודא בער טעלער שליט"א (וומסב''ג) - ר' ישראל שווארטץ הי"ו.
ר' ליפא פאלקאוויטש הי"ו - ר' נפתלי חיים פריעד הי"ו.

בעת די זמני כניסה איז געווען אויף א באזוך בקו''פ כ"ק אדמו"ר מטאהש שליט"א, עס האט זיך פארמירט א שיינע שמועס בסיפורי צדיקים פון זקינו הרה''ק הרבי ר' אלימלך זיע''א, און איבער דעם פארלאפענעם יו"ט פסח אין קאנאדע ווי עס איז נישט געווען קיין לעקטער די ערשטע טעג, אזוי אויך האדמו''ר מטאהש שליט"א האט ארומגערעדט בשבח פון די הייליגע שטאט קרית יואל, און האט שטארק מחזק געווען רבינו שליט"א צו שטיין ווייטער על המשמר לרומם קרן קדושת העיר, דער רבי האט אים מכבד געווען מיט לחיים ומאציל געווען מברכות קדשו, און ארויסבאגלייט ביז צו די גאס.

דער רבי האט געדאווענט מעריב ארום 12:00 בביתו נאוה קודש.

אין די שפעטע נאכט שעות האט זיך רבינו שליט"א פארבינדן טעלעפאניש מיט הנהלת מוסדותינו הק' אין ירושלים עיה"ק צו הערן א דעטאלענדע באריכט פונעם סדר התלמוד תורה אינעם נייעם צייטווייליגן מקום ווי די ת"ת האט זיך ענדליך אריינגעצויגן אין זיך מסדר געווען נאך די ביטערע שריפה ה"י בבניני המוסדות דעם פארלאפענעם חודש אדר, דער רבי האט אויסגעפרעגט אלע פרטים, מחזק געווען די הנהלה אין זייער עבודת הקודש און מאציל געווען מברכת קדשו להגדיל תורה ולהאדירה.

▫️ סאטמאר'ע נייעס 🌴 ▫️

שב''ק פרשת תזו''מ ר''ח אייר 'בצל הקודש' פון כ''ק מרן רבינו הגה''ק שליט''א

פרייטאג צונאכטס ארום 8:20 איז רבינו שליט''א אריינגעקומען אין ביהמ''ד מעוטף בטליתו און צוגעגאנגען צו מנחה, קבלת שבת: הרה''ח ר' עמרם אקער הי"ו.
מען האט געענדיגט ארום 9:50, דער עולם איז אריבער זאגן גוט שבת, און דער רבי איז אריין בחדרו הפרטי.

א קורצע צייט נאכן דאווענען איז רבינו שליט''א אריינגעקומען צום שלחה''ט בהיכל השלחנות אינאיינעם מיט די תלמידי המתיבתא סניף דברי יואל, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' מאיר אליעזר ט"ב בן הגה"צ רב דביהמ"ד ברך משה שליט"א.

מיט די זמירות האט רבינו שליט''א מכבד געווען. כל מקדש: נכדו הרב יואל ט"ב שליט"א בן הגה"צ אבד''ק וומסב''ג שליט"א, מנוחה ושמחה: הגה''צ ר' נפתלי הירצקא צוויבל שליט"א ראה"כ וומסב''ג.

רבינו שליט''א האט געזאגט תורה אויפן מדרש 'לא נתקררה דעתו של איוב עד שראה פרשת אשה כי תזריע' און געטייטשט בדרך דרוש אין די סוגיא פון עשה דוחה לא תעשה.

קה אכסוף: הרה"ג ר' יצחק שלום פריעדמאן שליט"א מו"ץ, ברכהמ''ז: הגה"צ אבד''ק וומסב''ג שליט"א.

עובדות וסיפורים די וואך האב רבינו שליט''א דערציילט פון הגה"ק רבי שמעלקא מ'ניקלשבורג זיע''א, און פון הגה"ק החכם צבי זיע''א, וואס די יארצייטן זענען געווען שב"ק א' אייר.

קה רבון עלם: הרה"ח ר' יוסף משה געלבשטיין הי"ו (וומסב''ג), די פרישע חתנים זענען אדורך נעמען פירות, אז ביום השביעי: הרה"ח ר' יעקב חיים מאשקאוויטש הי"ו (וומסב''ג). מען האט געענדיגט ארום 1:20.

וביום השבת קודש

שב''ק אינדערפרי איז רבינו שליט''א אריינגעקומען אין ביהמ''ד ארום 9:30. פסוקי דזמרה: הר"ר יוחנן העניך טייטלבוים שליט"א (ירושלים), דער רבי האט פארגעזאגט וכרות פסוק בפסוק, און צוגעגאנגען צו שחרית, און צו חזרת הש"ץ צוגעשיקט הגה"צ אבד''ק וומסב''ג שליט"א, און צו הלל איז דער רבי צוגעגאנגעןַ

הוצאה והכנסה: נכדי רבינו הרב מרדכי יודא האלבערשטאם שליט"א חתן הגה"צ אב"ד סיגוט שליט"א, און הרב יואל ט"ב שליט"א בן הגה''צ אבד''ק וומסב''ג שליט''א, פסוקי שמע ישראל: הגה''צ ר' נפתלי הירצקא צוויבל שליט"א.

עליות. כהן: ר' ארי' כ"ץ הי"ו - דער רבי האט געמאכט דעם מי שברך וקריאת השם לרגל הולדת בתו למז''ט, לוי: ר' דוד יצחק ברי"ב ווערצבערגער הי"ו, שלישי: הגה"צ אבד''ק וומסב''ג שליט"א, רביעי: הרה"ח ר' ירמי' בוכינגער הי"ו (וומסב''ג), חמישי: הרה"ח ר' ישראל גאלדבערגער הי"ו, שישי: רבינו שליט''א.

נאכן עולה זײן האט דער רבי האט געמאכט דעם מי שברך וקריאת השם לרגל הולדת הבת אצל:
ר' שלמה ברח"י ווערצבערגער הי"ו (וומסב''ג).
ר' עמרם אקער הי"ו.
ר' יואל ברי''מ בלייך הי"ו.
ר' אהרן זאלדאן הי"ו.
ר' ברוך יצחק ווערטהיימער הי"ו.

שביעי: הרה"ח ר' אברהם בראך הי"ו (וומסב''ג). אחרון: הרה"ג ר' נתן דוב שווארטץ שליט"א מו"ץ. הגבה ספר ראשון: הרה"ח ר' יוסף משה געלבשטיין הי"ו. גלילה: הרה"ח ר' הערשל ווערטהיימער הי"ו (מאנסי).
מפטיר קריאת ר''ח: הרה"ח ר' ליפא גראס הי"ו. הגבה ספר שני: הרה"ח ר' קלמן ווייס הי"ו (מאנטרעאל). גלילה: הרה"ח ר' וואלף מאיר ווייס הי"ו (וומסב''ג).

רבינו שליט''א איז צוגעגאנגען צו תפילת מוסף לכבוד שבת ר"ח. פתיחה לאנעים זמירות: הרה"ח ר' מנלי שעהר הי"ו.

נאכן דאווענען איז פארגעקומען די ברית'ן.
לבן הנולד אצל ר' יואל אלי' נידערמאן הי"ו, ווי דער רבי איז געווען סנדק.
לבן הנולד אצל ר' יונתן בנימין קויפמאן הי"ו, ווי דער רבי איז געווען סנדק ומוהל.
מען האט געענדיגט ארום 1:25.
נאכמיטאג ארום 7:05 איז רבינו שליט''א אריינגעקומען צום פרק פארלערנען, דער רבי האט זיך געשטעלט אויף פרק ב' משנה ט' 'צאו וראו איזו דרך ישרה שידבק בה האדם' און געטייטשט בדברי דרוש ואגדה ומוסר.
'רבי אליעזר אומר עין טובה', אויף 7 אופנים, מען זאל קיקן אויף יעדע זאך ווי עס ליגט באהאלטן די כח פונעם אייבערשטען, דורך די ע' פון קרי''ש איז מען מבטל די עין רעה פון די חיצונים, דורך מרבה זיין בגשמיות ווערט אפגעשוואכט די כח הרוחני, תורה איז תבלין קעגן די יצר הרע נאר אז מען היט זיך די אויגן, אזוי האבן די צדיקים א כח מהפך צו זיין מות רעב צו מעות רב, עין ה' דאס איז השגחת הבורא, אויסער די סגולות פון הסתכלות אויף א צדיק דורך דעים וואס א צדיק קוקט איז עס משפיע קדושה.
'רבי יהושע אומר חבר טוב' אויף 4 אופנים, דורך אהבת חברים ווערט נתעורר שם הוי''ה און איז משפיע רחמים, דורך תשובה ברבים ווערט נתהפך די זדונות פאר זכיות, דורך מצרף זיין די מצוות פון כלל ישראל ווערט באשאפן א גאנצע מלאך, דורך טוען מצוות על דעת צדיקים קען מען מקיים זיין די מצוות בשלימות.
'רבי יוסי אומר שכן טוב' אין גלות דארף טאקע זיין אבלו בלבו אבער צהלתו בפניו.
'רבי שמעון אומר הרואה את הנולד' אויף 3 אופנים, מען זאל מטיב זיין די מעשים נישט דארפן נאכאמאל מגולגל ווערן, יעצט בזמן הגלות דארף מען שוין ארויסקוקן אויף די ליכטיגע צייט וואס וועט קומען אויף כלל ישראל, צדיקים דערקענען די מעשים אויפן פנים פונעם מענטש.
'רבי אלעזר אומר לב טוב' די עיקר עבודה פונעם מענטש איז די רצון אין הארץ, מען זאל אויסניצן די ל''ב ימים פון די ימי הספירה בעבודת ה' כראוי.
מען האט געענדיגט ארום 8:00, און דער רבי איז אריין בחדרו הפרטי.

רעוא דרעווין

צו מנחה ושל''ש איז דער רבי איז אריינגעקומען ארום 8:15. מנחה: הרה"ח ר' אהרן הערש מיטטעלמאן הי"ו (ב"פ), הוצאה והכנסה: הרה"ח ר' אשר ישעי' פייערשטיין הי"ו, כהן: הרה"ג ר' לייבוש וויינפעלד שליט"א, לוי: הרה"ח ר' ישראל אברהם שפירא הי"ו (שיכון סקווירא), שלישי: הרה"ח ר' אהרן הערש מיטטעלמאן הי"ו, הגבה: רבינו שליט''א, גלילה: הרה"ח ר' אברהם מרדכי גראס הי"ו (וומסב''ג)

זמירות ביי של"ס האט דער רבי מכבד געווען. אודה: הרה"ח ר' נח גפן הי"ו, שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק 'זאת תהיה תורת המצורע' און געטייטשט אז דורך זיין דבוק במדות האמת קען מען צוקומען צו תשובה שלימה, און אפילו דורך א קבלה בלב איז שוין הקב''ה משפיע אלעס גוטס, בפרט יעצט נאך פסח ווען מען האט געגעסן מצה וואס איז מרומז אויף אמת און מען האט מבער געווען דעם חמץ וואס איז שקר.

ידיד נפש: הרה"ח ר' שמואל דוד מארקאוויטש הי"ו, קל מסתתר: הרה"ח ר' אהרן הערש מיטטעלמאן הי"ו, דער רבי האט געבענטשט אויפן כוס.

מעריב מוצש''ק: הרה''ג ר' מאיר אליעזר פריעדמאן שליט"א, נאך הבדלה איז מען אריבער זאגן א גוטע וואך. מען האט געענדיגט ארום 10:35.

▫️ סאטמאר'ע נייעס 🌴 ▫️

פרייטאג פרשת תזו"מ א' דר''ח אייר

אינדערפרי איידער תפילת שחרית איז פארגעקומען א ברית לבן הנולד אצל ר' יעקב ישראל אלימלך ווייס הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית בהיכל המתיבתא סניף דברי יואל, דער רבי איז צוגעגאנגען צו הלל, און ביים ליינען האט עולה געווען רביעי.

נאכן דאווענען ארום 12:30 איז רבינו שליט''א אריבער באולם שע"י ביתו נאוה קודש אויף איהעל קט., און אפגעראכטן א סעודת ר"ח אינאיינעם מיט די צענדליגער בחורים פון חבורת 'ותלמודו בידו' פון די סניפי ישיבות קטנות בקר''י, וועלכע האבן זיך פארהערט אויף הונדערטער בלעטער גמרא בליעה"ר.
דער רבי האט זיך געוואשן צום סעודה, במשך די סעודה האט מען געזינגען ניגוני ר"ח ודביקת התורה, עס האט אויפגעטרעטן הר''ר אלכסנדר בר"ש לאנדא שליט"א מנהל החבורה איבער די צילן פון די חבורה, און ארויסגעברענגט די זכיה פון די בחורים צו פראווען א סעודת ר"ח אינאיינעם מיט רבינו שליט"א, מיט ברכו נפשו האט דער רבי מכבד געווען הר''ר אלכסנדר לאנדא שליט"א.
רבינו שליט''א האט געזאגט תורה אויפן פסוק אינעם מדרש די וואך 'אחור וקדם צרתנו' און ארויסגעברענגט דאס חשיבות פון איבער'חזר'ן אלטע לימודים און אוועקגעבן די פרייע צייט אויף לימוד התורה, און מסיים געווען מיט ברכות לרוב.
מיט ברכהמ''ז האט דער רבי מכבד געווען דעם פטרון החבורה הרבני הנגיד הנכבד ר' יצחק שווארץ הי"ו (וומסב''ג). מען האט געענדיגט ארום 2:00.

▫️ סאטמאר'ע נייעס 🌴 ▫️

מיטוואך פרשת תזו"מ 'בצל הקודש' פון כ''ק רבינו הגה''ק שליט''א

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די פאלגענדע בר מצוה בחורים.
ב"ר אברהם שלמה כהנא הי"ו.
ב"ר יואל ברמ"ד ווידער הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

פארמיטאג איז דער רבי געווען אויף די וועכענטליכע באזוך אינעם בית השחיטה המהודרת.

אין די מיטאג שעה'ן האט רבינו שליט"א טעלעפאניש מבקר חולה געווען גיסו האדמו"ר מבעלזא שליט"א, דער רבי האט זיך נאכגעפרעגט אויפ'ן מצב הבריאות און מאציל געווען מברכתו לרפואה שלימה וגמורה.

נאכמיטאג ארום 7:45 האט דער רבי געדאווענט מנחה בביתו נאוה קודש.

פארנאכטס האט זיך דער רבי משתתף געווען ביי די שמחת הבר מצוה פון בן הרה"ח ר' יואל ברמ"ד ווידער הי"ו אין די זאלן פון עטרת פ"ז, דער רבי האט אויסגעהערט דעם בר מצוה בחור זאגן דעם פשעטיל, און דערנאך געטרינקן לחיים און מאציל געווען מברכות קדשו.

זמני כניסה בקודש פנימה איז געווען פון ארום 8:45 ביז 12:45 אויפדערנאכט, בביתו נאוה קודש אויך אוהעל קט.

בעת די זמני כניסה איז פארגעקומען א אסיפת מנהלים פון די עלטערע כתות פון כתה ו' און ארויף פון אלע סניפים במוסדות קרית יואל, און בעפארברייטונג צום גרויסן כינוס ואטהר ואתקדש נגע פגעי טעכנעלאגיע קומענדיגן זונטאג אח''ק.

רבינו שליט''א האט געליינט תנאים אין די תנאים זאל בביתו נאוה קודש פון די מחותנים ר' יעקב קלעפנער הי"ו (וומסב''ג) - ר' משה יצחק ראזענפעלד הי''ו.

דער רבי האט געדאווענט מעריב ארום 12:45 בביתו נאוה קודש.

▫️ סאטמארע נייעס 🌴 ▫️

דינסטאג פרשת תזו"מ 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד אצל ר' וואלף ברי"ש פייערשטיין הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די פאלגענדע בר מצוה בחורים.
ב"ר יצחק אייזיק לעבאוויטש הי"ו.
ב"ר שלמה זעלקא מויזקאפף הי"ו.

נאכן דאווענען זענען אריין בקו''פ בחדרו הפרטי תלמידי ישיבת עטרת תורה פון פלעטבוש, דער רבי האט זיך נאכגעפרעגט אויף די לימודים און מאציל געווען מברכות קדשו, דערנאך איז פארגעקומען א לחיים מיט די בר מצוה בחורים.

דערנאך איז רבינו שליט''א אריבער בביהמ"ד אור החיים ווי עס איז פארגעקומען די ברית לבן הנולד אצל ר' יואל ברש"ד מארקאוויטש הי"ו, ווי דער רבי איז געווען סנדק, דער רבי האט געטרינקן לחיים און אנגעוואונטשן פארן בעל שמחה.

פון דארט, ארום 12:30, איז דער רבי אריבער אויף ברכות אילנות אין הויף פון הרה"ח ר' אברהם לייב בראך הי"ו לרפו"ש, דערנאך איז דער רבי אריין אין שטוב געטרינקן לחיים און מאציל געווען מברכות קדשו.

נאכמיטאג ארום 7:00 האט דער רבי געדאווענט מנחה בביתו נאוה קודש.

פארנאכטס איז רבינו שליט''א אריינגעפארן קיין וומסב''ג צו די וועכנטליכע זמני כניסה.
זמני כניסה בקו'''פ איז געווען פון ארום 8:30 ביז 11:30 אויפדערנאכט בביתו נאוה קודש אויף היוז סט.

דער רבי האט געדאווענט מעריב ארום 10:15, און דערנאך ווייטער ממשיך געווען אויפנעמען דעם ציבור.

נאך די זמני כניסה האט דער רבי מנחם אבל געווען משפחת הרה"ח ר' מאיר אפעלדארפער ע"ה.

▫️ סאטמארע נייעס 🌴 ▫️