Search: “#פורים”

דאנערשטאג פרשת תצוה 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף ברך משה.
ביים ליינען האט דער רבי עולה געווען שלישי, און נאכן דאווענען פארגעלערנט דעם טעגליכן תהילים שיעור אויף קאפיטל י"ז פסוק א', און ארומגערעדט דברי הכנה והדרכה ליו"ט פורים הבעל"ט, וויאזוי זיך צוצוגרייטן צום יו"ט, לערנען חסידישע ספרים, התנהגות אינעם יו"ט ביים גיין נאך געלט, זינגען איידעלע ניגונים וכו', און מסיים געווען בברכת קדשו.

נאכן דאווענען זענען אריין בחדרו הפרטי די גבאים פון קופת רבינו 'אבני חסד' פון אלע סניפי המתיבתא מקבל זיין ברכת הקודש לקראת יו"ט פורים הבעל"ט, דער רבי האט אינטערגעשריבן די שליחות הקודש, און פארטיילט שליח מצוה געלט פאר די גבאים און ווארעם אנגעוואונטשן ברכת קדשו.

נאכמיטאג ארום 6:30 האט דער רבי געדאווענט מנחה בביתו נאוה קודש.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
הר"ר יעקב יחזקי' היימליך שליט"א (מאנטרעאל) - הר"ר אפרים טייטלבוים שליט"א, באולם כינור דוד.
ר' דניאל שאלילאף הי"ו ד ר' מאיר יודא מאלח הי"ו, באולם בית רחל פאראדייס.

זמני כניסה בקודש פנימה איז געווען פון ארום 8:00 ביז 11:50 אויפדערנאכט, בביתו נאוה קודש אויף אוהעל קט.

ארום 9:00 האט דער רבי מחדש געווען די לבנה פארנט פון ביתו נאוה קודש.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' דוד ברא"י ווייס הי"ו (מאנסי) - ר' ליפא ווייס הי"ו.
ר' ישראל שעהר הי"ו (וומסב''ג) - ר' יעקב אלי' רייזמאן הי"ו.

בעת די זמני כניסה זענען אריין בקו'''פ די בחורים עסקנים פון חבורת 'לגיון של מלך' וועלכע זענען זיך מקבל קבלות טובות בעניני טעכנעלאגיע, דער רבי האט ווארעם אנגעוואונטשן ברכת קדשו און געבענטשט די מטבעות וועלכע וועלן ווערן פארטיילט פאר די הונדערטער בחורים וועלכע האבן זיך מקבל געווען קבלות טובות.

רבינו שליט''א האט געדאווענט מעריב ארום 11:50 בביתו נאוה קודש.

פרייטאג תצוה

רבינו שליט''א האט געדאווענט שחרית בהיכל המתיבתא סניף דברי יואל.

נאכמיטאג ארום 3:30 איז געווען אויף א באזוך בקו'''פ ביי רבינו שליט"א בביתו נאוה קודש כ"ק אדמו"ר מפאלטישאן שליט"א, עס האט זיך פארצויגן א שיינע שמועס, און דער רבי האט אים מאציל געווען ברכת קדשו.

▫️ סאטמאר'ע נייעס 🌴 ▫️

דינסטאג פרשת תרומה א' דר"ח אדר 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית'ן.
לבן הנולד אצל ר' אפרים פישל פריינד הי"ו, ווי דער רבי איז געווען סנדק ומוהל.
לבן הנולד אצל ר' מרדכי אהרן מעזעי הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ישיבה קטנה סניף קדושת יו"ט בהנהלת הרה''ג ר' שמואל מאיר לעווי שליט"א.
פארן דאווענען האט דער רבי תפילין געלייגט פאר'ן בר מצוה בחור ב"ר שמואל פייערשטיין הי"ו.
רבינו שליט''א איז צוגעגאנגען צו אמירת הלל בהתעוררות רב, און ביים ליינען עולה געווען רביעי, און דערנאך געבענטשט גומל נאכן זיך צוריקקערן פונעם מסע הקודש לעיר האבות סיגוט.

נאכן דאווענען איז פארגעקומען א מסיבת לחיים, דער רבי האט געטרינקן לחיים און אנגעוואונטשן פאר'ן בר מצוה בחור, מגי"ש, און אלע בחורים, און משמיע געווען דב"ק והדרכה ללימוד התורה און אויפגעפאדערט די בחורים זיך צוצוגרייטן צום יו"ט פורים הבעל"ט מיט שעות רציפות, און ארומגערעדט בגנות פון זינגען פראסטע ניגונים און בפרט אינעם הייליגן יו"ט פורים, און מסיים געווען בברכת קדשו.

נאכמיטאג ארום 5:45 האט דער רבי געדאווענט מנחה בביתו נאוה קודש.

פארנאכטס איז רבינו שליט''א אריינגעפארן קיין וומסב''ג צו די וועכענטליכע זמני כניסה.
ביים אנקומען ארום 8:15 האט דער רבי געדאווענט מעריב בביתו נאוה קודש אויף היוז סט., דערנאך איז געווען זמני כניסה בקו''פ ביז אום 11:00 אויפדערנאכט.

נאך די זמני כניסה איז דער רבי אריבער בבית בנו הגה''צ אב''ד סיגוט שליט''א, צום שמחת הוואכנאכט פון נכדו בן הנולד אצל הרב מרדכי יודא האלבערשטאם שליט"א בן הגה"צ רבי אברהם מאיר האלבערשטאם שליט"א רב דקהלתינו ב"פ 18'טע עוו שליט''א חתן הגה"צ אב''ד סיגוט שליט"א, עס האט זיך פארמירט א שיינע שמועס מיט די בני המשפחה איבער הרה"ק ר' ברוכ'ל מגארליץ זצ"ל וואס די יארצייט איז געפאלן מיטוואך ב' דר"ח אדר, דער רבי האט געטרינקן לחיים און אנגעוואונטשן פארן בעל שמחה, און פאר די זיידעס און גאנצן ציבור, אויפן וועג ארויס ארום 11:30 האט דער רבי געליינט קרי"ש און אנגעוואונטשן פאר'ן יולדות. און אהיימגעפארן לביתו נאוה קודש אין קר"י.

מיטוואך תרומה ב' דר"ח אדר

רבינו שליט''א האט געדאווענט שחרית אין ביהמ"ד הגדול לרגל די שמחת הברית מילה פון נכדו בן הנולד אצל הרב מרדכי יודא האלבערשטאם שליט"א.
פארן דאווענען האט דער רבי תפילין געלייגט פאר די בר מצוה בחורים.
ב"ר יעקב מארקאוויטש הי"ו.
ב"ר צבי יאזשעף הי"ו.
ב"ר יואל הערשקאוויטש הי"ו.

רבינו שליט''א איז צוגעגאנגען צו אמירת הלל בהתעוררות רב.
ביים ליינען האבן עולה געווען, שלישי: הגה"צ אבד''ק בית אהרן שליט"א, רביעי: רבינו שליט"א, הגבה: הגה"צ אב"ד סיגוט שליט"א.
מוסף: דער בעל שמחה הרב מרדכי יודא שליט"א.

נאכן דאווענען איז פארגעקומען די שמחת הברית מילה, מוהל: רבינו שליט"א, סנדק: דער זיידע הגה"צ אבד''ק בית אהרן שליט"א, סנדק מעומד: הגה"צ רבי אברהם מאיר האלבערשטאם שליט"א רב דקהלתינו ב"פ 18'טע עוו., ברכות: רבינו שליט"א, ויקרא שמו בישראל ברוך נאך זקינו הרה"ק ר' ברוכ'ל מגארליץ זיע''א וואס זיין יארצייט איז געפאלן בו ביום.

נאכן ברית איז דער גאנצע ציבור אריבער וואונטשן מזל טוב פאר רבינו שליט"א, און דער רבי איז אריין לחדרו הפרטי ווי עס איז פארגעקומען א לחיים מיט די בר מצוה בחורים.

דערנאך איז פארגעקומען די סעודת ברית מילה אין חדר שמואל חיים בביהמ''ד הגדול, במשך די סעודה האבן אויפגעטרעטן דער אבי הבן הרב מרדכי יודא האלבערשטאם שליט"א, און די זיידעס הגה"צ אב"ד סיגוט שליט"א, הגה"צ רבי אברהם מאיר האלבערשטאם שליט"א, און הגה"צ אבד''ק בית אהרן שליט"א.
מיט ברכו נפשי האט דער רבי מכבד געווען נכדו הרב אברהם יושע העשיל רוקח שליט"א, און מיט יום ליבשה נכדו הרב חיים שלמה הורוויץ שליט"א, חתני הגה"צ אב"ד סיגוט שליט"א.

רבינו שליט''א האט משמיע געווען דברות קודש בעניני ברית מילה, און ווארעם אנגעוואונטשן פארן בעל שמחה, זיידעס, און פארן גאנצן ציבור.
ברכהמ''ז האט דער רבי מכבד געווען בנו הגה"צ אב"ד סיגוט שליט"א, און מיט די הרחמן'ס די בני המשפחה. מען האט געענדיגט ארום 1:45.

דערנאך איז דער רבי געווען אויף די וועכענטליכע באזוך אינעם מצה בעקעריי דקהלתינו הק'.

נאכמיטאג ארום 6:20 האט דער רבי געדאווענט מנחה בביתו נאוה קודש.

פארנאכטס האט רבינו שליט''א מסדר קידושין געווען ביי די חופה פון די פאלגענגע מחותנים.
הר''ר זאב אלעזר רייכמאן שליט''א (וומסב''ג) - הר"ר אברהם הערש זאלדאן שליט"א, באולם כינור דוד.
ר' ליפא פרידריך ע"ה - ר' פנחס יחזקאל ברייער הי"ו, באולם בית רחל פאראדייס.

נאך די חופות האט דער רבי מנחם אבל געווען הרה"ח ר' מרדכי גאלדבערגער הי"ו, ע"פ אביו ע"ה.
זמני כניסה בקודש פנימה איז געווען פון ארום 8:15 ביז 11:50 אויפדערנאכט, בביתו נאוה קודש אויף איהעל קט.

רבינו שליט''א האט געליינט תנאים אין די תנאים זאלן בביתו נאוה קודש פון די מחותנים ר' עמרם נתן פעלבערבוים הי"ו - ר' משה ברוך כ"ץ הי"ו.

דער רבי האט געדאווענט מעריב ארום 11:50 בביתו נאוה קודש.

דאנערשטאג תרומה

רבינו שליט''א האט געדאווענט שחרית בהיכל המתיבתא סניף ברך משה. פארן דאווענען האט דער רבי תפילין געלייגט פאר די בר מצוה בחורים.
ב"ר יואל בר"מ עקשטיין הי"ו.
ב"ר יואל ברמ"ט גרינפעלד הי"ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל ט"ז פסוק ו', דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג ארום 6:20 האט דער רבי געדאווענט מנחה בביתו נאוה קודש.

פארנאכטס האט רבינו שליט''א מסדר קידושין געווען ביי די חופה פון די פאלגענגע מחותנים.
ר' שלום בערקאוויטש הי"ו - ר' יעקב אשר גרינבלאט הי"ו, באולם בית רחל פאראדייס.
ר' יואל ווייסמאן הי"ו (וומסב''ג) - ר' יואל דוד שווארטץ הי"ו, באולם כינור דוד.

זמני כניסה בקודש פנימה איז געווען פון ארום 8:00 ביז 1:10 אויפדערנאכט, בביתו נאוה קודש אויף אוהעל קט.

דער רבי האט געדאווענט מעריב ארום 11:45, און דערנאך ווייטער ממשיך געווען אויפנעמען דעם ציבור.

פרייטאג תרומה

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די פאלגענגע בר מצוה בחורים.
ב"ר דוד יודא קאהן הי"ו.
ב"ר יואל ברד"ל האלפערט הי"ו.
ב"ר יואל פריעדמאן הי"ו.
ב"ר מנחם מנלי בראך הי"ו.

נאכן דאווענען איז פארגעקומען א לחיים מיט די בר מצוה בחורים בחדרו הפרטי.

▫️ סאטמאר'ע נייעס 🌴 ▫️

באריכט מסע הקודש פון כ''ק מרן רבינו הגה''ק שליט''א, לעיר האבות סיגוט יצ"ו

זונטאג פרשת תרומה

אינדערפרי באשמורת הבוקר האט רבינו שליט''א עוסק געווען בתורה פאר עטליכע שעות פריוואט אינעם ספרים שטוב בביתו נאוה קודש, אויך האט רבינו שליט''א איבערגעקוקט דעם קונטרס חידושים וואס איז ארויסגעגעבן געווארן דורך תלמידי ישיבתינו הק' בירושלים עיה''ק וואס די בחורים האבן מחדש געווען און מעיר געווען געווען אויפ'ן רבינ'ס חידושים אין לב אהרן אויף די סוגיא פון ש''מ רבי עקיבא תלת, וואס דער רבי האט שפעטער משבח געווען פארן מנהל הישיבה.

אנגעהויבן שוין פון אום 8:00 אינדערפרי איז די ישיבה של מעלה שוין געווען איבערגעפילט מיט די הונדערטער בחורים אויף א צוויי שעה סדר, כפקודת הקודש פונעם ראש הישיבה מרן רבינו שליט''א, טראץ וואס מוצש''ק האט מען געענדיגט גאר שפעט.

ארום 10:20 איז רבינו שליט''א אריינגעקומען אין ביהמ"ד צו תפילת שחרית, פאר'ן דאווענען האט דער רבי תפילין געלייגט פאר א בר מצוה בחור.

נאכ'ן דאווענען איז געווען צוגעשטעלט אין ביהמ"ד לייכטע מידי דמיזן פאר די בחורים.

נאך עטליכע מינוט איז רבינו שליט''א אריינגעקומען אינעם פול געפאקטע ביהמ"ד און פארגעלערנט נאך א סוגיא שיעור, דער רבי האט אנגעהויבן אויף א קשיא וואס א תלמיד פון ישיבה קטנה בבני ברק האט אים צוגעשיקט בכתב אויפ'ן שיעור פון פרייטאג, דער רבי האט איבערגעזאגט די קשיא און געזאגט א שיינעם תירוץ געבויעט אויף א אור חדש, דער רבי האט געהייסן אלע בחורים אריינקוקן אינעם אור חדש אין די קובצים פון די סוגיא.
דערנאך האט דער רבי ממשיך געווען מיט א לענגערע פלפול אין די סוגיא, און ביים סוף געזאגט דברי פרידה פאר די בחורים און ארויסגעברענט וואספארא עונג רוחני און קורת רוח מען האט געהאט צו פארברענגןמיט די בחורים אין די לעצטע דריי מעת לעת, מען האט געזעהן כי זרע ברך ה' אזוי זעהן אויס תלמידים פונעם ייטב לב דאס איז די ישיבה וואס דער ייטב לב האט מייסד געווען, און מען דארף זעהן זיך צו פירן ווייטער אויף א אופן ווי עס פאסט זיך פאר א תלמיד פון דעי ישיבה, דער ייטב לב האט געזאגט אז ער וועט זיך נישט שעמען מיט זיינע תלמידים בזה ובבא, האט דער רבי געזאגט 'בזה' מיינט ווען דער ייטב לב איז געווען אויף דער וועלט און 'בבא' מיינט דעי וואס קומען דא לערנען אין די ישיבה פונעם ייטב לב ווען דער ייטב לב איז שוין אויף יענע וועלט, און אויפגעפאדערט די בחורים נישט צו רעדן מיט די תפילין, און צו לערנען ביתר שאת שעות רצופות פון ר''ח ביז פורים און מסיים געווען בברכות לרוב, מען זאל אהיימפארן לחיים ולשלום און זיך זעהן מתוך שמחה, און נאר הערן בשורות טובות.

דערנאך זענען די בחורים ארויף צום ציון הקדוש פון מרן הגה"ק בעל קדושת יום טוב זיע"א ערב יומא דהילולא, דערנאך איז געווען צוגעשטעלט א ברייטן פרישטאג, ארום 2:15 זענען די בחורים ארויף אויף די באסעס און פארלאזט עיר האבות סיגוט, תלמידי ארה''ק קיין באניא, און תלמידי אייראפע קיין סאטמאר, פון ווי זיי האבן גענומען די טשארטער פליגער אויף וועג אהיים מיטנעמענדיג מיט זיך הויפענעס השפעות, מלא חפנים בתורה וביראה, חיזוק והדרכה בכל תחומי החיים, וואס וועט זיי באגלייטן א גאנץ לעבן.

נאכמיטאג האט דער רבי אויפגענומען די שטאטישע באאמטע דעם גאווערנער און מעיאר פון די געגענט וועלכע שטייען צו הילף אין אלע ענינים ובפרט איבער די שטחים וואס באלאנגט פאר'ן שוהל הויף, אין די פארגאנגענהייט און בעתיד ווייטער צו קענען בויען די פרישע בנינים, דער רבי האט זיך באדאנקט און איבערגעגעבן א מתנה, און זיי האבן צוריקגעברעגט א מתנה פארן רבינ'ס שטוב.

דערנאך האט רבינו שליט''א געדאווענט מנחה בביתו נאוה קודש מיט א ענגע מנין.

נאך מנחה איז פארגעקומען בביתו נאוה קודש א מעמד יסוד פארן נייעם היכל התורה דקהלתינו הק' במאנטשעסטער יצ"ו, ווי הרבני הנגיד ר' חיים יוסף גרינפעלד הי"ו אינאיינעם מיט זיין איידעם ר' שמואל בענעדיגט הי''ו האבן זיך אינטערגענומען צו בויען א פרעכטיגע היכל התורה.
אויסער די ערשטע גרויסע נתינה פארן נייעם היכל פון הרבני הנגיד ר' אשר זעליג לעוו הי''ו בונה ומקים פונעם היכל התורה אין לאנדאן, האבן נאך עטליכע נגידים יעצט מנדב געווען פרישע גרויסע נתינות לכבוד הבית הגדול.

דער רבי האט אינטערגעשריבן די שטרות און ווארעם מאציל געווען מברכות קדשו, און געזאגט בלשו"ק: 'א היכל התורה ביי אונז אין ביהמ"ד וועט אי"ה טוישן מאנטשעסטער'.
דערנאך איז פארגעקומען א מעמד התמנות ווי רבינו שליט''א האט ממנה געווען 3 פרישע מורי צדק בקהלתינו הק' בירושלים עיה''ק.

די חשובע תלמידי חכמים מובהקים ויראי ה', ממובחרי קהלתינו הק', ה"ה הרה''ג ר' שמואל עקשטיין שליט''א מו''ץ בעדה החרדית ומרבני כוללינו, הרה''ג ר' שלמה בנעט שליט''א מראשי כוללינו, הרה''ג ר' משה יוסף שפילמאן שליט''א מראשי כוללינו.

דער רבי האט געטיישטש ואלה המשפטים אשר תשים לפניהם, ואלה מוסיף על הראשונים, די קהילה האט זיך ב''ה צווואקסן און מען דארף מוסיף זיין כוחות אין די קהלה, אויסערדעם וואס די קהלה פארמאגט א גאר חשובן דיין שליט"א פעלט זיך ב"ה אויס מ'זאל צולייגן נאך מו''צ וואס זאלן זיך אפגעבן מיט די חשובע אינגעלייט, און געבן שיעורים בכל חלקי השו"ע, און דערביי האט דער רבי אויפגעפאדערט צו גרינדען א בית הוראה, אשר משם יצא תורה והוראה און מסיים געווען בברכות קדשו.

דער רבי האט געטרינקן לחיים און ווארעם אנגעוואנטשן פאר די פרישע מורי הוראה 'שלא יצא מכשול מתחת ידים ולהורת את דבר ה' זו הלכה', און פאר די חברי הנהלת הקהילה הרה''ח ר' ישכר יאקאב הי''ו, הרה''ח ר' נתן בנימין ראטה הי''ו, הרה''ח ר' אהרן הערש היילברוין הי''ו, און ספעציעל פאר הרבני הנגיד ר' אברהם יושע העשיל הכהן גלאנץ הי''ו דער איש ירושלים פון ניו יארק.
דערנאך איז דער גאנצער ציבור ארויס, און דער רבי איז געבליבן פריוואט מיט די מורי הוראה און האט געגעבן פארשידענע הדרכות פאר די פרישע מורי הוראה.

דערנאך איז געווען זמני כניסה פאר די הונדערטער אידן פרישע געסט פון איבער די וועלט, א לענגערע צייט ביז אום 10:15 אויפדערנאכט.

ארום 10:15 האט רבינו שליט''א געדאווענט מעריב, און דערנאך ווייטער ממשיך געווען געזגענען דעם ציבור ביז אום 11:00, דאן האט דער רבי געלערנט פאר זיך אינעם ספר קדושת יו''ט.

דערנאך איז רבינו שליט''א אריינגעקומען צום שלחה''ט לרגל די הילולא קדישא פון זקינו מרנא ורבנא הגה''ק בעל קדושת יו''ט זיע''א, דער רבי האט זיך געוואשן צו די סעודה און געוואונטשן לחיים, און מען האט געזינגען מערערע נגונים וואס איז נתחבר און געזינגען געווארן בבית סיגוט, דעם אשת חיל ניגון, די נענועים ניגון און נאך.

מיט מכתם לדוד האט דער רבי מכבד געווען נכד בעל הילולא הרה''ג ר' ליפא ט''ב שליט''א דומ"ץ קהלתינו באנטוורפן.

רבינו שליט''א האט געזאגט א לענגערע ווארימע תורה און געזאגט אז ער איז ברור אז די קדושת יו''ט בענטשט אלע אידן, און דער קדושת יו''ט האט געזאגט אז זיין ברכה איז נישט קיין ברכה לבטלה נישט נאר יעצט נאר אויף שפעטער אויך, און מסיים געווען מיט ווארימע ברכות פאר אידישע קינדער. דערנאך האט רבינו שליט''א געבענטשט אויפן כוס.

נאכ'ן שלחה''ט האט רבינו שליט''א ממשיך געווען מיט די זמני כניסה ביז אין די שפעטע ביינאכט שעות.

▫️ סאטמאר'ע נייעס 🌴 ▫️

זונטאג פרשת משפטים 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען א ברית לבן הנולד אצל ר' ליפא אקערמאן הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים:
ב"ר הערשל בר"מ ווערטהיימער הי"ו (מאנסי).
ב"ר זלמן לייב וואלדמאן הי"ו (וומסב''ג).
ב"ר יואל גוטטמאן הי"ו.
ב"ר יואל פוקס הי"ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 1:15 האט זיך רבינו שליט''א ארויסגעלאזט אויפן וועג קיין ב"פ, און ארום 2:45 איז רבינו שליט''א אנגעקומען צום מעמד קביעות מזוזה ומסיבת לחיים פאר ביהמ''ד החדש תפילה למשה דקהילתינו הק' בבארא פארק, דער רבי האט קובע מזוזה געווען אויפן הויפט אריינגאנג, דערנאך איז פארגעקומען א מסיבת לחיים, דער רבי האט געטרינקן לחיים און אנגעוואונטשן פארן רב הביהמ''ד הגה''צ ר' צבי אלימלך טייטלבוים שליט"א און פארן גאנצן ציבור, און דאן משמיע געווען דב"ק וברכה. מען האט געענדיגט ארום 3:15.

פון דארט האט זיך רבינו שליט''א ארויסגעלאזט אויפן וועג קיין וומסב''ג.
דער רבי איז אנגעקומען ארום 3:45 צום נייעם בנין פון ישיבות קטנות סניף 'מבצר התורה' בהנהלת הרה''ג ר' נטע מאשקאוויטש שליט"א און סניף 'אהבת התורה' בהנהלת הרה''ג ר' חיים שלמה ראטטענבערג שליט"א, צום ערשט איז פארגעקומען א מסיבת לחיים בהיכל הביהמ''ד סניף מבצר התורה, ווי עס זענען אנוועזנד געווען די בחורים פון ביידע סניפים, מען האט געזינגען עטליכע ניגונים און דער רבי האט משמיע געווען דב"ק און מעורר געווען עוסק זיין בתורה בלימוד שעות רציפות פון ר"ח אדר ביז פורים אלס א הכנה צום גרויסן יו"ט, און ארומגערעדט בדברי מוסר איבער די כלים הטמאים, זינגען ניגונים פון נישט ערליכע מקורות, און מסיים געווען בדברי שבח פון די ישיבות און געוואונטשן ברכת קדשו.

דערנאך איז דער רבי אראפ אין סניף 'אהבת התורה' ווי דער רבי האט קובע מזוזה געווען אויפן שער הביהמ"ד, און זיך אומגעקוקט אין די ישיבה. מען האט געענדיגט ארום 4:15.

פון דארט איז רבינו שליט''א אריבער צום נייעם בנין בית האופה דקהלתינו הק', דער רבי האט זיך אומגעקוקט א לענגערע צייט אינעם גאנצן נייעם בנין און אלעס ארום און אלע שטיבלעך און סטארעדזשעס וכד', ווי דער מנהל בית האופה ר' ברוך יודא שפיצער הי"ו האט צוגעצייגט די פילע הידורים און חומרות, דערנאך האט דער רבי מפריש געווען חלה.
ס'איז פארגעקומען א מסיבת לחיים, אינעם קארידאר, דער רבי האט געטרינקן לחיים און אנגעוואונטשן פארן גאנצן ציבור, ובפרט פאר'ן מנהל בית האופה, און משמיע געווען דב"ק און משבח געווען די יגיעה און די חומרות וואס דער חשובער מנהל האט אריינגעלייגט דאס אהערצושטעלן לשם ולתפארת, אינטער די פרעזענדליכע השגחה פון הגה"צ אבד''ק שליט"א וואס איז עומד על המשמר, און מסיים געווען בברכת קדשו פאר אלע ארבעטערס און עוסקים במלאכת הקודש. אויפן וועג ארויס האט דער רבי איבערגעגעבן א מתנה א כוס של אליהו פאר'ן מנהל בית האופה ר' ברוך יודא שפיטצער הי"ו, און דאן קובע געווען א מזוזה אויפן הויפט אריינגאנג. מען האט געענדיגט ארום 4:50.

פון דארט איז רבינו שליט''א אריבער בבית מדרשינו הגדול בוומסב''ג, דער רבי האט זיך אומגעקוקט אויפן כולל אהבת קדומים וואס קומט פאר אין איינע פון די חדרי התפילה, און דערנאך געדאווענט מנחה בחדר ב' פון די נייע איבערגעבויעטע חדרי התפילה בקומת ריספלער.

נאך מנחה איז דער רבי אריבער צום בנין ביהמ"ד הגדול ווי דער רבי האט אריינגעבליקט אינעם היכל הגדול וואס איז מלא על כל גדותיו פון לומדי הכולל, און געהאט א קורת רוח פון דעם מחזה הוד.

דאן איז דער רבי ארויף אינעם עזרת נשים פון ביהמ''ד הגדול צום שמחת פדיון הבן פון בן לנכדו הרב שלום יחזקאל שרגא רובין שליט''א חתן הגה''צ אב''ד סיגוט שליט''א.
אלץ כהן הפודה האט געדינט נכד רבינו הרה''ג רבי יואל הכהן גלאנץ שליט''א חתן הגה''צ אבד''ק וומסב''ג שליט''א, מען האט געזינגען ניגוני שמחה, דער רבי געטרינקן לחיים און אנגעווינטשן פארן בעל שמחה, זיידעס, מחותנים, און פארן גאנצן ציבור. ארום 5:50 האט דער רבי פארלאזט די זאל.

פון דארט איז רבינו שליט''א אריבער מנחם אבל זיין הרבנים הגאונים בני הגה"צ ר' בעריש לויפער ז"ל ע"פ אמם הרבנית ע"ה. דערנאך ארום 6:10 האט זיך דער רבי ארויסגעלאזט אויפן וועג אהיים קיין קר"י.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' שמשון גפן הי"ו - ר' מאיר ווערטהיימער הי"ו, באולם כינור דוד.
ר' דוד מאיר פריעדמאן הי"ו - ר' יואל בער יאקאבאוויטש הי"ו, באולם בית רחל פאראדייס.
זמני כניסה בקודש פנימה איז געווען פון ארום 8:15 ביז 12:00 אויפדערנאכט, בביתו נאוה קודש אויף אוהעל קט.

רבינו שליט''א האט געליינט תנאים אין די תנאים זאל בביתו נאוה קודש פון די מחותנים ר' הלל ראזענבערג הי"ו (וומסב''ג) - ר' יואל בר"ש בערגער הי"ו.

דער רבי האט געדאווענט מעריב ארום 12:10 בביתו נאוה קודש.

▫️ סאטמאר'ע נייעס 🌴 ▫️

מאנטאג פרשת בלק 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף דברי יואל. פארן דאווענען האט דער רבי תפילין געלייגט פאר די בר מצוה בחורים.
ב"ר ליפא הערשקאוויטש הי''ו.
ב"ר דוד יצחק פאלקאוויטש הי''ו.
ביים ליינען איז דער רבי געגאנגען הגבה, און נאכן דאווענען פארגעלערנט דעם טעגליכן תהילים שיעור אויף קאפיטל י"ג פסוק ג'. און דערנאך איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז דער רבי ארויף בהיכל הישיבה סניף קדושת יואל ווי דער רבי האט געלערנט מיט א חברותא מתלמידי הישיבה בחדרו הפרטי.

שפעט נאכמיטאג איז אריין בקו''פ בביתו נאוה קודש הרב אליעזר לאזרוב הי"ו חב"ד רב פון יוסטאן טעקסאס און רב פונעם ארטיגן שפיטאל וועלכע העלפט אסאך ארויס חולי ישראל פון ניו יארק, און שטייט אסאך בקשר מיט די חברה הצלה פון קר''י, דער רבי האט זיך פאראינטערסירט אין די פעולות לטובה און מאציל געווען מברכות קדשו.

פארנאכטס האט רבינו שליט''א מסדר קידושין געווען ביי די חופה פון די פאלגענדע מחותנים.
ר' שלמה קליין הי''ו - ר' חיים הערש בר"א גאלדבערגער הי''ו, באולם כינור דוד.
ר' העניך קרויס הי''ו - ר' אברהם יושע בערקאוויטש הי''ו, באולם בית רחל פאראדייס.
ר' יואל ברמ''ל ראטה הי''ו - ר' נפתלי יעקב דרעזנער הי''ו, באולם קרן ויואל משה.

זמני כניסה בקודש צו איז געווען פון 8:00 ביז שפעט אים 2:00 אויפדערנאכט.

בעת די זמני כניסה זענען אריין בקו'''פ די גבאים פון די ישיבות קטנות אין קר''י וואס האבן אנגעפירט די קאמפיין אריינצוברענגען גרעסערע געלטער במשך די ימי הפורים ובין הזמנים, אינאיינעם מיט הנהלת מוסדותינו הק', דער רבי האט געגעבן א מתנה פאר אלע גבאים א זמירות ברך משה און מאציל געווען מברכות קדשו.

ארום 9:00 האט דער רבי געדאווענט מנחה בביתו נאוה קודש.

רבינו שליט''א האט געליינט תנאים אין די תנאים זאל בביתו נאוה קודש פון די פאלגענדע מחותנים.
ר' יעקב אליעזר גראד הי''ו - ר' מתתי' אירגאס הי''ו.
ר' יושע בער שווארטץ הי''ו - ר' יואל ברש''י לאקס הי''ו.

רבינו שליט''א האט געדאווענט מעריב ארום 12:45 און דערנאך ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴▫️

זונטאג פרשת חקת 'בצל הקודש' פון כ''ק מרן רבינו הגה''ק שליט''א

אינדערפרי איידער תפילת שחרית איז פארגעקומען די ברית לבן הנולד לר' חיים שמעון וויינבערגער הי''ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ"ד הגדול. פארן דאווענען האט דער רבי תפילין געלייגט פאר די בר מצוה בחורים.
ב"ר שלמה זלמן יאזשעף הי''ו.
ב"ר זאב יוסף אלי' רעטעק הי''ו.
נאכן דאווענען איז פארגעקומען א לחיים מיט די בר מצוה בחורים בחדרו הפרטי.

ארום 1:25 איז רבינו שליט''א אנגעקומען אין מאנסי אין די זאלן פון עטרת טשארנא צו באשיינען די חומש סעודה פון די 3 כתות א' במוסדותינו הק' במאנסי, די ילדי תשב''ר האבן געזינגען שיינע חרוזים לכבוד המאורע און געזאגט די פסוקי חומש כנהוג, עס האבן אויפגעטרעטן דער מנהל הר"ר ישראל מאיר בר''ש פריעדמאן שליט''א און הגה"צ אבד''ק מאנסי שליט"א. דער רבי האט פארטיילט א מתנה א ספר תהילים פאר אלע קינדער, און דערנאך געטרינקן לחיים און מאציל געווען מברכות קדשו פאר די קינדער און די עלטערן, און משמיע געווען קורצע דב''ק.

נאכן חומש סעודה איז דער רבי אריין אין א זייטיגע שטוב און פארטיילט מטבעות קודש פאר די תלמידים פון די גרעסערע כתות וואס האבן אריינגעברענגט גרעסערע סכומים לטובת המוסדות במשך ימי הפורים העעל"ט.

ארום 2:30 איז רבינו שליט''א אריבער אויף א באזוך בהיכל ישיבה גדולה עסק התורה סניף מאנסי בהנהלת הרה''ג ר' ישראל מרדכי זיידענפעלד שליט"א וואס איז סטאנציאנירט אין ביהמ"ד תפילה למשה קאלושין, דער רבי איז אויפגענומען געווארן דורכן מנהל שליט''א אינאיינעם מיט די הנהלה גשמיות, און עס איז אויך אנוועזנד געווען דער בעל אכסניא של תורה הגה''צ רבי משולם נתן שפיגל שליט''א רב הביהמ''ד וועלכע האט איבערגעגעבן א ווארימע גרוס פארן רבין, דער רבי איז אריין אין ביהמ"ד ווי די בחורים זענען געזיצן און געלערנט, און ארומשפאצירט צווישן די טישן מיט א שטארקע קורת רוח און זיך מפלפל געווען מיט עטליכע בחורים. דערנאך האט דער רבי באזוכט די נייע מקוה פונעם ביהמ"ד וואס איז געפענט געווארן דעם זמן הקיץ העעל''ט, אין באגלייטונג פונעם רב הביהמ"ד הגה''צ רבי משולם נתן שליט"א און זיך אומגעקוקט אויף די פילע הידורים. דערנאך איז פארגעקומען א מסיבת לחיים בהיכל הביהמ''ד, מען האט געזינגען עטליכע ניגונים דער רבי האט געטרינקן לחיים און אנגעווינטשן פארן מנהל שליט"א פארן רב הביהמ''ד און פאר אלע בחורים, און משמיע געווען קורצע דברות קודש פאר די תלמידי הישיבה, מען האט געענדיגט ארום 3:00.

דערנאך איז דער רבי אריבער אויף א ביקור חולים באזוך אין שטוב פון הרה"ח ר' אברהם שיפף הי''ו, עס האט זיך פארצויגן א שיינע שמועס איבער די היסטאריע פון מאנסי והגלילות, דער רבי האט געטרינקן לחיים און מאציל געווען מברכות קדשו.

פון דארט איז רבינו שליט''א אריבער באזוכן די בוי ארבייט ביי די גיגאנטישע נייע בניני המוסדות, און באגלייטונג פון די חברי ההנהלה, צום ערשט ביים בנין הת''ת החדש העכערן ביהמ"ד הגדול , דער רבי איז ארויף אין אלע שטאקן און צומערן און מאציל געווען מברכות קדשו, דערנאך איז דער רבי אריבער צום בנין הבית רחל החדש אויף טשערי לעין וועלכע ווערט פארענדיגט אין די יעצטיגע וואכן, דער רבי איז ארויף אין אלע שטאקן און צומערן און איבערגעקוקט די פלענער פונעם בנין, און דערנאך ארום אויפן גרויסן שטח המוסדות און זיך אומגעקוקט אויף אלע קלענרע פראוויזארישע בנינים ארום, און דערביי געהערט א לענגערע באריכט פון הרה"ח ר' שמואל זאנוויל ווערטהיימער הי''ו מנהל המוסדות איבער די פלענער פונעם צווייטע גיגאנטישע בנין בית רחל החדש וואס מ'האפט צו באקומען די פערמיטן בקרוב, און וועט ווערן אויפגעבויעט דארט אויפן שטח, און אנגעוואונטשן די חברי ההנהלה. ארום 4:00 איז דער רבי אהיימגעפארן לביתו נאוה קודש אין קרית יואל.

פארנאכטס האט דער רבי מסדר קידושין געווען ביי די חופה פון די מחותנים ר' יחזקאל שרגא היללער הי''ו (מאנסי) - ר' יוסף פנחס סטראלאוויטש הי''ו, באולם בית רחל פאראדייס.

דערנאך איז געווען זמני כניסה בקודש פנימה פון ארום 8:00 ביז אום 12:15. ארום 9:20 האט דער רבי געדאווענט מנחה בביתו נאוה קודש און ווייטער ממשיך געווען אויפנעמען דעם ציבור.

בעת די זמני כניסה איז פארגעקומען די סיום כתיבת האותיות פאר די ס''ת וואס ווערט געשריבן דורך הרה"ח ר' שמואל זאנוויל כהנא הי''ו, דער רבי האט אריינגעשריבן די אותיות, און געטרינקן לחיים און מאציל געווען מברכות קדשו.
אזוי אויך איז אריין בקודש פנימה הרה"ג ר' שלום טייטלבוים שליט"א דומ"ץ קרית ויואל משה מאנטיסעלאו (איחוד קאנטרי), מיט די הנהלה פון די קאנטרי להתברך בברכת הקודש לרגל התחלת הקיץ, דער רבי האט איבערגעזאגט פארן דיין איבער די שיינע גריסן וואס ער הערט צוריק פונעם קול תורה אין ביהמ"ד, און האט מאציל געווען מברכות קדשו.

אזוי אויך איז פארגעקומען א חתימת שטרות ווי הרה''ח ר' חיים אלעזר ברא"ש פישער הי''ו האט אפגעקויפט א זכות אינעם בנין הת"ת בנין קליין, דער רבי האט אינטערגעשריבן די שטרות אינאיינעם מיטן נדבן און געטרינקן לחיים און מאציל געווען מברכות קדשו.

אזוי אויך איז אריין בקודש פנימה הר"ר אברהם קייזער שליט"א יו"ר מכון המרכז לחינוך והוראה בביתר, דער רבי האט אויסגעפרעגט א לענגערע צייט איבער די פעולות פונעם מכון און מאציל געווען מברכות קדשו.

שפעט פארנאכט'ס האט דער רבי גערופן די עסקנים פון די בחורים און אינגל קעמפ'ס ווי די טויזענטער תלמידי הישיבות והת"ת פון וומסב"ג און ב"פ זענען נעכטן ארויסגעפארן צו פארברענגן די זומער וואכן, דער רבי האט זיך אינטערעסירט צו דער טאג איז אריבער בשלום ובהצלחה 'די פרשה פון ויהי בנסוע איז א פרשה פאר זיך....'.
דער רבי האט זיך נאך געפרעגט איבער אלע פרישע איינריכטונגן אין די קעמפ'ס צווישן די בחורים און די אינגלעך און ביי די כלי קודש, און האט מאציל געווען מברכת קדשו.

רבינו שליט''א האט געדאווענט מעריב ארום 12:15 בביתו נאוה קודש.

▫️ סאטמאר'ע נייעס 🌴 ▫️

דינסטאג פרשת קדושים 'בצל הקודש' פון כ''ק מרן רבינו הגה''ק שליט''א

רבינו שליט''א האט געדאווענט שחרית בהיכל המתיבתא סניף קדושת יואל. פארן דאווענען האט דער רבי געלייגט תפילין פאר די בר מצוה בחורים.
ב"ר יואל מנחם יודא גאנדל הי''ו.
ב"ר משה אליעזר שווארטץ הי''ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל י' פסוק ד', און דערנאך זענען די תלמידי הישיבה אריבער שלום נעמען. און עס איז פארגעקומען א לחיים מיט די בר מצוה בחורים בחדרו הפרטי.

נאכמיטאג איז רבינו שליט''א ארויף בהיכל הישיבה סניף דברי יואל ווי דער רבי האט געלערנט מיט א חברותא מתלמידי הישיבה בחדרו הפרטי.

פארנאכטס ארום 7:45 איז דער רבי אהנגעקומען לביתו נאוה קודש אין וויליאמסבורג ווי דער רבי האט געהאט אן אסיפה מיט די מנהלים רוחניים פון אלע סניפי ישיבה קטנות שע"י מוסדותינו אין וומסב"ג, איבער דאס נחיצות פון מקצר זיין די ליידיגע בין הזמנים טעג.

דערנאך האט דער רבי געדאווענט מנחה, און ס'האט זיך פארצויגן די זמני כניסה בקודש פנימה ביז אום 1:00 אזייגער אויפדערנאכט.

בעת די זמני כניסה זענען אויך אריין בקו''פ תלמידי כתה ט' מכינה לישיבה במוסדותינו הק' בוומסב''ג וועלכע האבן ארייגעברענגט גרעסערע סכומים לטובת די מוסדות במשך די ימי הפורים העעל''ט, רבינו שליט''א האט פארטיילט מתנות ומאציל געווען מברכות קדשו.

דער רבי האט געדאווענט מעריב ארום 11:45 בביתו נאוה קודש, און איז צוגעגאנגען צום עמוד צו ספירה, און נאכדעם ווייטער ממשיך געווען אויפצונעמען דעם ציבור.

▫️ סאטמאר'ע נייעס 🌴 ▫️