דינסטאג פרשת נצבים ג' סליחות 'בצל הקודש' פון כ''ק מרן רבינו הגה''ק שליט''א

ארום 5:45 איז רבינו שליט''א אריינגעקומען צו אמירת סליחות אין ביהמ''ד הגדול. בעל תפלה: הרה"צ ר' בערל גלאנץ שליט"א מבארדיוב קר"י. מען האט געענדיגט ארום 6:25. און דער רבי איז אהיים לביתו נאוה קודש.

אינדערפרי איידער תפילת שחרית איז פארגעקומען א ברית לבן הנולד אצל ר' שלמה אברהם חיים כהן הי"ו, ווי דער רבי איז געווען סנדק ומוהל.

רבינו שליט''א האט געדאווענט שחרית אין ביהמ''ד הגדול. פאר'ן דאווענען האט דער רבי תפילין געלייגט פאר'ן בר מצוה בחור ב"ר מרדכי יחזקאל לעווי הי"ו.

נאכן דאווענען האט דער רבי געבלאזן שופר, דערנאך איז פארגעקומען א לחיים מיט'ן בר מצוה בחור בחדרו הפרטי.

נאכמיטאג איז רבינו שליט''א אריינגעפארן קיין וומסב''ג צו די וועכענטליכע זמני כניסה.
זמני כניסה בקודש פנימה איז געווען פון ארום 4:45 נאכמיטאג ביז אום 12:10 אויפדערנאכט בביתו נאוה קודש אויף היוז סט.

רבינו שליט''א האט געדאווענט מנחה ארום 7:40, און מעריב ארום 10:45, און דערנאך ווייטער ממשיך געווען אויפצונעמען דעם ציבור.

בעת די זמני כניסה איז געקומען אויף א באזוך בקו'''פ הגה"צ אב"ד אולם שליט"א פון קווינס, הגה"צ אב"ד בית אהרן שליט"א, און נאך אנדערע רבנים, פארוועם דער רבי האט מאציל געווען מברכות קדשו לקראת השנה החדשה הבעל"ט

▫️ סאטמאר'ע נייעס 🌴 ▫️