🌴 ג' במדבר בצל הקודש פון כ"ק מרן רבינו הגה"ק שליט"א 🌴

די רבי האט געדאוונט שחרית בישיבתינו "מתיבתא הקדושה" סניף קדושת יואל פארן דאווענען האט די רבי תפילין געלייגט פאר די בר מצוה בחור בן הגה"צ ר' קלמן האלבערשטאם שליט"א אב"ד צאנץ ק"י ומנהל הישיבה.

נאכן דאווענען האט די רבי פארגעלערנט די טעגליכע תהילים שיעור קאפיטל ג' פסוק ב',

דערנאך איז פארגעקומען א מסיבת לחיים ברוב עם אין היכל הביהמ"ד ווי די רבי האט אויפגעטרעטן מיט דברות קודש און זיך געשטעלט אויפן פסוק "ויסעו מרפידים" און ארויסגעברענגט אז ויסעו מרפידים איז געווען ערב ראש חודש סיון און דעמאלטס האבן די אידן תשובה געטוהן אויף לימוד התורה, און ארומגערעדט בדברי הכנה ליו"ט שבועות אז מען דארף זיך אנהייבן גרייטן מיט לימוד התורה לכבוד יו"ט שבועות שוין פון ער"ח.

דערנאך האט די רבי געווינטשן פארן בר מצוה בחור ווי די רבי האט ארויסגעברענגט די גרויסע יחוס אז ער איז א אייניקל פונעם הייליגן צאנזער רב זי"ע בן אחר בן, און פארן טאטן הגה"צ ר' קלמן די מנהל הישיבה ברכות לרוב, און פאר אלע תלמידים.

נאכמיטאג האט די רבי אריינגעשריבן א אות אינעם ס"ת וואס ווערט געשריבן דורך הרבני הנגיד ר' שלמה יעקב מערץ, אין אינעם ס"ת וואס ווערט געשריבן דורך הרה"ח ר' יושע וואלדמאן.
שפעטער אין וויליאמסבורג האט די רבי אריינגעשריבן א אות אינעם ס"ת וואס ווערט געשריבן דורך הרה"ח ר' הערשל דייטש.

▫️ סאטמאר'ע נייעס 🌴 ▫️