מיטוואך חיי שרה 'בצל הקודש' פון כ''ק רבינו הגה''ק שליט''א

אינדערפרי איז פארגעקומען די ברית'ן.
- לבן הנולד אצל ר' מרדכי יודא ביטמאן הי"ו (מאנסי), ווי דער רבי איז געווען סנדק ומוהל.
- לבן הנולד אצל ר' יושע ברד"מ ניישטאדט הי"ו, ווי דער רבי איז געווען סנדק.

דער רבי האט געדאווענט שחרית אין ישיבה גדולה סניף ויואל משה. פארן דאווענען האט דער רבי געלייגט תפילין פארן בר מצוה בחור ב"ר אשר מרדכי שווארטץ הי"ו.

נאכן דאווענען האט דער רבי פארגעלערנט דעם טעגליכן תהילים שיעור אויף קאפיטל ל"ג פסוק ט'. דערנאך איז פארגעקומען א לחיים מיטן בר מצוה בחור בחדרו הפרטי.

נאכמיטאג איז דער רבי ארויף אין ישיבה סניף ויואל משה ווי דער רבי האט געלערנט מיט א חברותא מתלמידי הישיבה בחדרו הפרטי. און ארום 5:30 האט דער רבי געדאווענט מנחה אין ישיבה.

זמני כניסה בקו''פ איז געווען פון 8:30 ביז 12:40 אויפדערנאכט בביתו נאוה קודש אויף איהעל קט.

בעת די זמני כניסה זענען אריין בקו''פ חברי הנהלת התאחדות אברכים פון קהלתינו הק' אין מאנסי איינצולאדענען רבינו שליט"א צום סיום מסכת בבא קמא במסגרת חבורת יסודי התורה. עס האט זיך פארמירט א שיינער שמועס איבער די גרויסע מספר פון לומדי החבורה וועלכע שטעלן זיך צום פארהער יעדן חודש אין מאנסי, און דער רבי האט זיי מאציל געווען מברכת קדשו.

ארום 9:40 איז דער רבי אראפ אין די זאלן בביתו נאוה קודש ווי דער רבי האט געליינט די תנאים פון די מחותנים.
- הרה"ח ר' משה שלום גינסבערג הי"ו און הרה"ח ר' יואל ברי"צ מענדלאוויטש הי"ו.
- הרה"ח ר' יואל ברפ"נ גלויבער הי"ו און הרה"ח ר' אלי' מרדכי בראך הי"ו.

ארום 11:30 האט דער רבי געדאווענט מעריב, און דערנאך ווייטער ממשיך געווען אויפנעמען דעם ציבור.

▫️ סאטמארע נייעס 🌴 ▫️