ליל התקדש החג - צווייטע סדר נאכט 'בצל הקודש' פון כ''ק רבינו הגה''ק שליט''א

פארן סדר איז דער רבי געגאנגען אין מקוה, און דערנאך פארטיילט מצות פאר די אייניקלעך.

ארום 10:30 איז רבינו שליט''א אריינגעקומען צום סדר מעוטף בטלית שאולה און קיטל און זילבערנעם קאפל, כמעשהו בראשונה כך מעשהו בשניה האט דער רבי האט אפגעראכטן די עבודת הקודש.

דער רבי האט מסדר געווען די קערה און געזאגט תורה.
במשך דעם סדר האט דער רבי געזאגט 16 מאל דברי תורה אויף, קדש, כרפס, יחץ, הא לחמא עניא, עבדים היינו, ברוך המקום, רשע מה הוא אומר, שאינו יודע לשאול, מתחילה היו עובדי ע"ז, והיא שעמדה, ויהי שם לגוי גדול, ואת עמלנו אלו הבנים, רבי עקיבא אומר, רבי גמליאל היה אומר, מצה זו, שפוך חמתך.

במשך דעם סדר האבן די אייניקלעך געזאגט די סימנים אויף אידיש.
הגבהת הכוס לקידוש: הגה"צ רב דביהמ"ד בית ברוך שליט"א

ביי מה נשתנה האבן געפרעגט די קשיות צום ערשט הגה"צ רב דביהמ"ד בית ברוך שליט"א און דערנאך אלע אייניקלעך צוזאמען.

מען האט געגעסן די כזיתים הארט פאר חצות, ביי שלחן עורך האט מען שוין געהעריג מאריך געווען בסעודה, מ'האט אריינגעברענגט אייער כנהוג, און די סעודה אזוי ווי יעדן יו''ט, און דער רבי האט מעיין געװען אין עטליכע ספרים במשך די סעודה.

ארום 1:45 האט דער רבי געזאגט דעם לשם יחוד מיט א ברען און געגעסן דעם אפיקומן מיט א דביקות. דער אפיקומן איז גע'גנב'ט געווארן דורכן געטרייען הויז בחור הב' שניאור זלמן עקשטיין הי''ו.
ביי שפוך חמתך האט מען געעפנט דעם טיר און מען האט ממשיך געווען באמירת הלל מיט א געוואלדיגע התעוררות און דערנאך די פיוטים מען האט געענדיגט ארום 3:55.

נאכן סדר איז דער רבי אריבער אין ביהמ''ד הגדול און איז צוגעגאנגען צום עמוד ציילן די ערשטע ספירה ברשפי אש קודש און דערנאך ממשיך געווען דעם סדר ביים שלחה"ט אין צד צפון אין ביהמ''ד הגדול, דער רבי האט פארגעזינגען בנעימה אחד מי יודע און חד גדיא, געזאגט תורה אויפן פיוט 'צדיקיו יאמרו ל"ו' און געטייטשט אז צדיקים גייען בתר קרי און זיי דרשנען ל"ו מיט א ווא"ו אז אפילו מען האט נאך יעצט נישט גענוג זכותים אבער וויבאלד מען גייט האבן איז עס כאילו מען האט עס שוין יעצט און הקב"ה קען אויסלייזן כלל ישראל.
מען האט געענדיגט ארום 4:30.

יום ב' דפסח

דעם צווייטן טאג יו''ט איז דער רבי אריינגעקומען אין ביהמ''ד ארום 11:25.
- ברכות ופסוקי דזמרה: הר"ר חיים לייב זילבערשטיין שליט"א.
דער רבי האט געזאגט וכרות פסוק בפסוק, און צוגעגאנגען צו שחרית, און צו חזרת הש"ץ צוגעשיקט חדב"ן הגה"צ רב דביהמ"ד ברך משה שליט"א, דערנאך איז דער רבי צוגעגאנגען צו הלל מיט גרויס התעוררות.

- הוצאה והכנסה: נכדי רבינו הרב אלעזר טייטלבוים שליט"א און הרב יואל טייטלבוים שליט"א, בני הגה"צ אבד''ק וומסב''ג שליט"א.
- פסוקי שמע ישראל: הרה"ג ר' אברהם שלום פריעדמאן שליט"א מראשי מבצר הכוללים.
- הולכת הס"ת לבימה: הר"ר נחום שמשון שווארטץ שליט"א און הרה"ח ר' ליפא פאלקאוויטש הי"ו.
עליות.
- כהן: הרה"ח ר' שלמה כ"ץ הי"ו.
- לוי: הרה"ח ר' יושע ווערצבערגער הי"ו.
- שלישי: הגה"צ אבד''ק וומסב''ג שליט"א.
- רביעי: הרה"ח ר' יעקב זוסמאן סופר הי"ו.
- חמישי: רבינו שליט"א.

נאכן עולה זיין האט דער רבי געמאכט א מי שברך וקריאת השם לבת הנולד אצל ר' מענדל מאיר ברד"י פריעדמאן הי"ו.

- הגבה אויפן ערשטן ספר: נכד רבינו הרב ליפא טייטלבוים שליט"א בן חדב"ן הגה"צ רב דביהמ"ד ברך משה שליט"א.
- גלילה: נכד רבינו הרב מרדכי יודא האלבערשטאם שליט"א חתן הגה"צ רב דביהמ"ד ישראל שלום שליט"א.
- מפטיר: הרה"ח ר' יחזקאל דוד בערקאוויטש הי"ו (וומסב''ג).
- הגבה אויפן צווייטן ספר: נכד רבינו הרב יוקל טייטלבוים שליט"א (וומסב''ג) בן חדב"ן הגה"צ רב דביהמ"ד ברך משה שליט"א.
- גלילה: נכד רבינו הרב ברוך רוקח שליט''א חתן חדב"ן הגה''צ רב דביהמ''ד אהל פיגא שליט''א.

- מוסף: הגה"צ אבד''ק וומסב''ג שליט"א.
- פתיחה צו אנעים זמירות: הרה"ח ר' חיים בעריש פילאפף הי"ו.
מען האט געענדיגט ארום 2:50.

נאכן דאווענען איז פארגעקומען די ברית'ן:
- לבן הנולד אצל ר' שלמה זלמן עפשטיין הי"ו ווי דער רבי איז געווען סנדק ומוהל.
- לבן הנולד אצל ר' משה מנחם ברנ"ש שווארטץ הי"ו ווי דער רבי איז געווען סנדק.

ביים מיטאג טיש בביתו נאוה קודש האבן מיטגעגעסן די חתנים מחוץ לעיר, במשך די סעודה האט מען געזינגען ניגוני יו"ט.
- פיוט ברח דודי: הבה"ח משה האלבערשטאם ני"ו בן הגה"צ רבי אברהם מאיר שליט"א דומ"ץ ביהמ"ד 18 ב"פ.
- אשר הניא: הב' משה יוסף ב"ר יעקב פארקאש הי"ו.
- שושנת יעקב: הב' יעקב ב"ר חיים וואלף פאלקאוויטש הי"ו.
מען האט אריינגעברענגט א קוגל לכבוד סעודת אסתר,

דער רבי האט משמיע געווען דברות קודש אויפן מדרש 'שומר מצוה לא ידע דבר רע זה אסתר שעוסקות בביעור חמץ' און געטייטשט אז בזכות וואס אסתר המלכה האט מקיים געווען ביעור חמץ וואס איז נאר א חיוב מדרבנן פאר נשים האט הקב"ה אויך מקיים געווען די חיובי בעל לאשה אויסצולייזן א פרוי ווען מען ווערט געפאנגען און אין דעם זכות איז געווען די נס פון פורים.

מען האט ממשיך געווען מיט ניגוני פורים.
- ברכת המזון: חדב"ן הגה"צ רב דביהמ"ד בית חיים יעקב שליט"א.
מען האט געענדיגט ארום 5:00.

▫️ סאטמארע נייעס 🌴 ▫️