שב''ק פרשת מקץ - שבת חנוכה - א' דר"ח טבת 'בצל הקודש' פון כ''ק רבינו הגה''ק שליט''א בקרב קהלתינו הק' וומסב''ג

עטליכע מינוט פארן זמן הדלקה"נ האט דער רבי געצינדן די מנורה בביתו נאוה קודש שע"י ביהמ"ד הגדול, אין די מנורה פון רביה"ק בעל דברי יואל זיע''א, און נאכן צינדן געזאגט דעם נוסח פון הנרות כנהוג. און דערנאך געצינדן די נרות שבת בביתו נאוה קודש.

פרייטאג צונאכטס ארום 5:05 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה.
נאך מנחה איז פארגעקומען אן אפיעל פארן בית הוראה דקהלתינו הק', עס האט אויפגעטרעטן הרה"ג ר' הערש לייב בערנשטיין שליט"א דומ"ץ ביהמ"ד בית מנחם צבי דקהלתינו הק'.
קבלת שבת: הרה"ג ר' משה יצחק בערנשטיין שליט"א. מען האט געענדיגט ארום 6:45. דער ציבור איז אריבער זאגן גוט שבת און דער רבי איז אהיים לביתו נאוה קודש שע"י ביהמ"ד הגדול.

ארום 9:30 איז דער רבי אריינגעקומען צום שלחן הטהור אין ביהמ"ד הגדול, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' יקותיאל יודא בן הרה"ג ר' יואל הכהן גלאנץ שליט"א. הגבהת הכוס: הגה"צ אבד''ק וומסב''ג שליט"א.

מיט די זמירות האט רבינו שליט''א מכבד געווען:
- כל מקדש: הרה"צ ר' אברהם עקשטיין שליט''א אב"ד בוענאס איירעס.
- מנוחה ושמחה: הרה"ג ר' חיים דוד רובין שליט"א רב דביהמ"ד אהל תורה.

רבינו שליט''א האט געזאגט תורה אויפן פסוק 'וטבוח טבח והכן' און געטייטשט בדרך דרוש אין די סוגיא פון מלאכה שאינה צריכה לגופה, בשולב מיט עניני חנוכה.

- קה אכסוף: הרה"ג ר' יוסף פריעדמאן שליט"א אב"ד סטראפקוב.
- ברכת המזון: הגה"צ אבד''ק וומסב''ג שליט"א.

עובדות וסיפורים די וואך האט רבינו שליט''א דערציילט פון הגה''ק שינאווער רב זיע''א וואס די יארצייט געפאלט עש"ק ו' טבת.
- קה רבון עלם: הרה"ג ר' יחיאל מיכל סעקולא שליט"א מנה"ר ישיבה קטנה אהבת התורה שע"י מוסדותינו הק'.
די פרישע חתנים זענען אריבער נעמען פירות.
עס איז פארגעקומען די שלום זכר ביי:
- ר' שלמה חיים שטיין הי"ו.
- ר' גרשון בר"י פעלבערבוים הי"ו.
- ר' חיים נחום געשטעטנער הי"ו.
- ר' משה שעהנפעלד הי"ו.

- אז ביום השביעי: הר"ר יואל ראזענבערג שליט"א מנה"ר ישיבה קטנה נזר התורה שע"י מוסדותינו הק'.
מען האט געענדיגט ארום 11:30.

וביום השבת

שב''ק אינדערפרי איז דער רבי אריינגעקומען צום דאווענען ארום 9:30.
- ברכות ופסוקי דזמרה: הרה"ח ר' אברהם משה פאלקאוויטש הי"ו.
דער רבי איז צוגעגאנגען צו שחרית והלל.

- הוצאה והכנסה: הרה"ח ר' משה יודא טייטלבוים הי"ו, הרה"ח ר' אברהם יושע ווייס הי"ו, הרה"ח ר' חיים הערש גאלד הי"ו.
- פסוקי שמע ישראל: הרה"ג ר' יוסף אשר זילבערשטיין שליט"א, מו"ץ.
עליות:
- כהן: הרה"ח ר' ישראל לאנדא הי"ו.
- לוי: החתן מאיר יעקב ב"ר אברהם יצחק לאנדא הי"ו - באווארפען.
- שלישי: הגה"צ אבד''ק שליט"א.
- רביעי: הרה"ח ר' משה פאלקאוויטש הי"ו.
- חמישי: הרה"ח ר' דוד הערש מערץ הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' יואל פישל פריעד הי"ו (קר"י).
- ר' יואל ברי"א זילבערשטיין הי"ו.
- ר' יואל ברחז"ל פעלדמאן הי"ו.
- ר' שמואל הערש סופר הי"ו.
- ר' שמעון סאנדער הי"ו.

- שביעי: הבה"ח יונתן בנימין ב"ר הלל קליין הי"ו.
- הגבה אויפן ערשטן ספר: הרה"ח ר' בנציון אברהם כהן הי"ו (קר"י).
- גלילה: הרה"ח ר' יואל ברא"פ גאטליעב הי"ו.
- אחרון - קריאה פון ר"ח: ר' מענדל בר"י גאלדבערגער הי"ו, און דער רבי האט קורא שם געווען לרגל הולדת בתו למז''ט.
- הגבה אויפן צווייטן ספר: הרה"ח ר' אברהם יצחק לאנדא הי"ו.
- גלילה: הרה"ח ר' יואל בר"ח פרנס הי"ו.
- מפטיר - קריאה פון חנוכה: הרה"ח ר' שלמה יעקב מערץ הי"ו.
- הגבה אויפן דריטן ספר: הרה"ח ר' וואלף דייטש הי"ו.
- גלילה: הרה"ח ר' יואל ברד"ש גאלדבערגער הי"ו.

צו תפילת מוסף איז דער רבי צוגעגאנגען לכבוד שבת ר"ח. פתיחה צו אנעים זמירות: הרה"ח ר' מאיר שפיטצער הי"ו. מען האט געענדיגט ארום 12:55.

רעוא דרעווין

דער רבי איז אריינגעקומען צו תפילת מנחה ארום 5:10.
- בעל תפילה: הרה"ח ר' עקיבא הירש הי"ו.
- הוצאה והכנסה: ר' יואל ארי' מאלח הי"ו.
- כהן: הרה"ח ר' יוסף לייב סאנדער הי"ו.
- לוי: הרה"ח ר' עקיבא הירש הי"ו.
- שלישי: הרה"ח ר' אביגדור פרענקל הי"ו.
- הגבה: רבינו שליט''א.
- גלילה: הרה"ח ר' מרדכי אלעזר ברייער הי"ו.

זמירות ביי של"ס האט דער רבי מכבד געווען.
- אודה הרה"ח ר' יודל ווערצבערגער הי"ו.
- שיר המעלות: הרה"ח ר' אייזיק הערש בערקאוויטש הי"ו.

דער רבי האט געזאגט תורה אויפן פסוק 'וטבוח טבח והכן' און געטייטשט אז נר חנוכה איז משפיע א אור תורה מען זאל קענען פילן א עריבות ומתיקות התורה וואס דאס איז משפיע אלע השפעות בעולם הזה, און מסיים געווען און אנגעוואונטשן אז די נרות חנוכה זאל משפיע פרנסה בהרחבה גדולה פאר יעדעם איינעם.

- ידיד נפש: הרה"ח ר' מנחם גרשון לעבאוויטש הי"ו.
- קל מסתתר: הרה"ח ר' חיים העללער הי"ו.
דער רבי האט געבענטשט על הכוס.

פאר מעריב האט דער משמש הרה"ח ר' שלמה ווערצבערגער הי"ו אנגעצינדן די מנורה.
- מעריב מוצש''ק: הרה"ח ר' דוד הערש מערץ הי"ו.
נאך הבדלה האט דער רבי געוואונטשן א גוטע וואך פארן גאנצן ציבור אינאיינעם. מען האט געענדיגט ארום 7:15.

ארום 10:20 איז דער רבי אריינגעקומען אין ביהמ''ד הגדול צו הדלקת נירות חנוכה ברוב עם הדרת מלך, דער רבי האט אריינגעגאסן די אויל און געזאגט די ברכות ההדלקה.
דערנאך האט דער רבי געזאגט די זמירות בשעת דער ציבור האט געזונגען נגוני התעוררות, און דערנאך האט די קאפעליע געזונגען די פיוטים כנהוג, און דער רבי האט פארטיילט מטבעות פאר די קינדער וואס האבן געזינגן אין די קאפעליע.

דערנאך האט רבינו שליט''א משמיע געווען דב''ק דברי דרוש ופלפול אין די סוגיא במס' שבת פון כבתה זקוק לה, און דערנאך ממשיך געווען בדרך אגדה אז דורך הדלקת נר חנוכה ווערט נתחזק די תורה שבעל פה, און די תורה שבע"פ איז משפיע אז אפילו ווען הקב"ה וויל געבן א עונש פאר כלל ישראל זאל עס זיין דורך געבן רחמים וחסדים פאר כלל ישראל און אזוי זיי מעורר זיין לתשובה, און מסיים געווען מיט ברכות לרוב פארן גאנצן ציבור.

נאך די דב''ק האט מען ממשיך געווען צו זינגען ניגונים, דער רבי האט געטרינקן לחיים און געוואונטשן ברכות קדשו. ביים ארויסגיין האט זיך דער רבי באגריסט מיט הגה"צ ר' הערשל אויש שליט"א אבד"ק וואלקאן און די אנדערע אנוועזנדע רבנים שליט"א.
מען האט געענדיגט ארום 11:40 און דער רבי איז אהיים לביתו נאוה קודש שע"י ביהמ"ד הגדול, ארום 12:15 איז דער רבי אהיימגעפארן לביתו נאוה קודש אין קר"י.

▫️ סאטמארע נייעס 🌴 ▫️