שב''ק פרשת לך 'בצל הקודש' פון כ''ק רבינו הגה''ק שליט''א

פרייטאג צונאכטס ארום 6:30 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' דוד עקשטיין הי"ו. מען האט געענדיגט ארום 8:05. דער ציבור איז אריבער זאגן גוט שבת און דער רבי איז אריין לחדרו הפרטי.

נאך עטליכע מינוט האט דער רבי ארויפשפאצירט צום בנין המתיבתא סניף ויואל משה ווי דער רבי האט מעריך געווען דעם שלחן הטהור אינאיינעם מיט די תלמידי המתיבתא פון אלע סניפים.
ביים אנקומען איז דער רבי אריין לחדרו הפרטי.

ארום 8:50 איז דער רבי אריינגעקומען צום שלחן הטהור און אנגעהויבן כדרכו בקודש שלום עליכם ברגש ובנעימה.
- אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
- הגבהת הכוס: הרה"ח ר' ישראל חיים שטעסל הי"ו.

מיט די זמירות האט רבינו שליט''א מכבד געווען.
- כל מקדש: הרה"ג ר' יוסף לייב קאהן שליט"א.
- מנוחה ושמחה: הרה"ג ר' מרדכי אהרן זאבעל שליט"א.

רבינו שליט''א האט געזאגט תורה אויפן פסוק 'לך לך מארצך' און געטייטשט בדרך דרוש אין די סוגיא צו תפילה איז א דאורייתא.

- קה אכסוף: הר"ר ישראל שמעון מאיר לייפער שליט"א מטעמעשוואר קר"י.
- ברכת המזון: הר"ר לוי יצחק בארזעסקי שליט"א.
עובדות וסיפורים די וואך האט רבינו שליט''א דערציילט פון הרה''ק המאור עינים זיע''א וואס די יארצייט איז געווען זונטאג י"א חשון.
- קה רבון עלם: הרה"ח ר' קאפיל שעהנברוין הי"ו.
די פרישע חתנים זענען אריבער נעמען פירות. און עס איז פארגעקומען א שלום זכר ביי ר' אברהם פאגעל הי"ו.
- אז ביום השביעי: הרה"ח ר' דוד הערש מערץ הי"ו (וומסב''ג)
מען האט געענדיגט ארום 11:30.

וביום השבת

שב''ק אינדערפרי איזןדער רבי אריינגעקומען ארום 9:45.
- ברכות ופסוקי דזמרה: הרה"ח ר' מאיר אלי' אקער הי"ו.
דער רבי האט פארגעזאגט וכרות פסוק בפסוק. און צוגעגאנגען צו שחרית.

- הוצאה והכנסה: הרה"ח ר' זושא ניישטאדט הי"ו.
- פסוקי שמע ישראל: הרה"ח ר' יונה בערנאטה הי"ו.
- הולכת הס"ת לבימה: הרה"ח ר' משה אהרן שטיינבערג הי"ו.

עליות.
- כהן: משב"ק הרה"ח ר' שמואל הכהן פריעדמאן הי"ו.
- לוי: החתן יעקב הערש ב"ר משה יוסף פריעדמאן הי"ו.
- שלישי: החתן חיים מרדכי ב"ר משה ישעי' סאמעט הי"ו - באווארפען.
- רביעי: החתן נחמן ב"ר יושע הערש פריעדמאן הי"ו.
- חמישי: החתן שלמה זלמן ב"ר פנחס מרדכי קליין הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' יואל ברי"ב רייך הי"ו.
- ר' קלמן אליעזר ברא"י עקשטיין הי"ו.
- ר' שמואל ישעי' וויינשטאק הי"ו (אנטווערפן).
- ר' משה יצחק דוד סימאן הי"ו.

- שביעי: החתן מרדכי שמואל ב"ר שמעון יצחק פילאפף הי"ו.
- אחרון: החתן משה ב"ר יואל בר"ש פריעדמאן הי"ו.
- מפטיר: הרה"ח ר' מאיר הירש הי"ו.
- הגבה: הרה"ח ר' יואל ב"ר יהוסף שווארטץ הי"ו.
- גלילה: הרה"ח ר' פנחס מרדכי קליין הי"ו.

- מוסף: הרה"ח ר' מאיר הירש הי"ו.
- פתיחה צו אנעים זמירות: הרה"ח ר' שלמה נתן וויינשטאק הי"ו (לאנדאן).

נאכן דאווענען איז פארגעקומען די ברית'ן:
- לבן הנולד אצל ר' אפרים פישל ברמ"ב לאנדא הי"ו ווי דער רבי איז געווען סנדק ומוהל.
- לבן הנולד אצל ר' יעקב משולם בר"ש לאנדא הי"ו ווי דער רבי איז געווען סנדק.
מען האט געענדיגט ארום 12:55.

ביים קידוש בביתו נאוה קודש האט מען געזינגען ניגוני שמחה און דער ציבור איז אריבער וואונטשן מזל טוב לרגל די שמחת הקידושא רבא פון בת הנולדה אצל נכד רבינו הרב יואל טייטלבוים שליט"א בן הגה"צ אבד''ק וומסב''ג שליט"א וועלכע איז פארגעקומען בבית מדרשינו הגדול אין ב"פ, ויקרא שמה בישראל: חי' פעסיל נאך די באבעס הרבנית הצדיקת אשת חבר פון רביה"ק בעל ברך משה זי"ע ובתו הרבנית אשת חבר פון הגה"צ אבד''ק ב"פ שליט"א.

רעוא דרעווין

דער רבי איז אריינגעקומען צו תפילת מנחה ארום 6:25.
- בעל תפילה: הר"ר נטע מאשקאוויטש שליט"א (וומסב''ג).
- הוצאה והכנסה: הרה"ח ר' דוד חיים גראס הי"ו (וומסב''ג).
- כהן: הרה"ח ר' ליפא פריעדמאן הי"ו (וומסב''ג).
- לוי: הרה"ח ר' אברהם שפירא הי"ו (שיכון סקווירא).
- שלישי: הרה"ח ר' יעקב מיטטעלמאן הי"ו.
- הגבה: רבינו שליט''א.
- גלילה: הרה"ח ר' מאיר יצחק ווייס הי"ו.

זמירות ביי של"ס האט דער רבי מכבד געווען.
- אודה הרה"ח ר' נח גפן הי"ו.
- שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק 'לך לך מארצך' און געטייטשט אז דורך מצות קריאת שמע קומט אראפ השפעות גדולות און פרנסה בהרחבה און מען ווערט ניצל פון נסיון העושר, און מעורר געווען נזהר זיין אין מצות קרי"ש וואס פעלט זיך נישט אויס קיין טירחא דגופא און נישט קיין טירחא דממונא נאר אביסל כוונה און אין דעם זכות וועט מען זוכה זיין צו פרנסה בהרחבה גדולה.

- ידיד נפש: הרה"ג ר' ישראל יעקב היימליך שליט"א אב"ד וועגשייד וומסב''ג.
- קל מסתתר: הרה"ח ר' חיים אלעזר שפיטצער הי"ו (וומסב''ג).
דער רבי האט געבענטשט על הכוס און געזאגט שבע ברכות.

מעריב מוצש''ק: הרה"ח ר' משה גאלדשטיין הי"ו. נאך הבדלה איז דער ציבור אריבער זאגן א גוטע וואך. דערנאך האט דער רבי געמאכט קידוש לבנה פארנט פון ביהמ"ד הגדול. מען האט געענדיגט ארום 8:45.

בביתו נאוה קודש איז געווען אויף א באזוך בקו''פ הרה"צ ר' ברוך האגער שליט"א בן האדמו"ר מסערט וויזניץ שליט"א וחתן כ"ק אדמו"ר מוויזניץ שליט"א, עס האט זיך פארצויגן א שיינע שמועס און דער רבי האט אים מאציל געווען מברכת קדשו.

ארום 10:50 האט דער רבי מנחם אבל געווען הרה"ח ר' בנציון הי"ו ואחיו הר"ר חיים קליין שליט"א היושבים ע"פ אביהם הרה"ח ר' נח קליין ע"ה.

דערנאך איז דער רבי אריבער צו די נייע פארברייטערטע אפיסעס פון Ahcieve, דער רבי האט קובע געווען א מזוזה, דערנאך איז דער רבי אריין אויף א מסיבת לחיים, עס האט אויפגעטרעטן הרה"ג ר' יוסף משה שטויבער שליט"א מו"ץ בקהלתינו הק' וועלכע האט ארויסגעברענגט די פעולות פונעם ארגענעזאציע לטובת די חולי ישראל בנפש רח"ל.
דער רבי האט געטרינקן לחיים און מאציל געווען מברכת קדשו, און משמיע געווען דב"ק איבער די וויכטיגקייט פון די פעולות ארויסצוהעלפן אידן ארויסצוקומען פון זייער פריוואטער גלות און די חיוב זיך צו פירן ע"פ דעת תורה ביי יעדע פעולה, און מסיים געווען בברכת קדשו.

פון דארט ארום 11:40 איז דער רבי אריבער אויף קביעות מזוזה ביי די נייע בנין פון די 'ידידים' ארגענעזאציע אינאיינעם מיט א שמחת שבע ברכות פאר החתן בן הרה"ח ר' ארי' ברח"י הערשקאוויטש הי"ו - מראשי המפעל.
דער רבי האט קובע געווען א מזוזה, דערנאך איז פארגעקומען א מסיבת לחיים, עס האט אויפגעטרעטן הרה"ח ר' אהרן יוסף לאנדא הי"ו.
דער רבי האט געטרינקן לחיים און מאציל געווען מברכת קדשו און משמיע געווען דב"ק איבער די חשיבות פון טוהן חסד מיט אנדערע אידן ובפרט פאר חולי ישראל וואס דאס איז מקרב ביאת המשיח און מסיים געווען בברכת קדשו.
דערנאך האט דער רבי פארטיילט שיריים פארן גאנצן ציבור, און דערנאך ארום אויף אלע שטאקן פונעם בנין און שטארק באוואונדערט די פילע פעולות פונעם ארגענעזאציע און איבערגעלאזט ברכת קדשו פאר די הנהלה און אלע מיטארבעטער.

▫️ סאטמארע נייעס 🌴 ▫️