דער רבי איז אריינגעקומען צום עריכת השלחן לכבוד די אושפיזא אין די סוכה הגדולה ארום 11:30. דער רבי האט געזאגט דעם סדר האושפיזין כנהוג, און זיך געוואשן צו די סעודה, מען האט אויף געגעבן די מאכלים ווי יו''ט, די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים פאר די בעלי אושפיזין, מיט די שיר המעלות האט דער רבי מכבד געווען:
- הרה"ג ר' זלמן לייב רובין שליט"א - אדמו"ר מדינוב מאנסי. - הרה"ג ר' שמחה שלום שטיינבערגער שליט"א - רב דביהמ"ד דברי חיים. - הרה"ג ר' מרדכי פריעדמאן שליט"א - רב דביהמ"ד יראי השם בשכונת ברוך טעם קר"י.
דערנאך האט דער רבי געזאגט תורה און ארויסגעברענגט אז מצות סוכה ווייזט אויפן גלות און די ד' מינים איז משפיע שמחה, און פארדעם טראגט מען אריין די ד' מינים אין די סוכה צו ווייזן אז אפילו אין גלות דארף מען אויך זיין בשמחה, וויבאלד הקב"ה געפונט זיך מיט אונז אין גלות, אזוי ווי הרה"ק החוזה מלובלין זיע"א האט געענטפערט פארן הייליגן ישמח משה זיע"א אויף די קשיא פארוואס חסידים זענען אלץ בשמחה און זענען נישט מיצר ודואג אויפן חורבן ביהמ"ק, האט ער געענטפערט אז עס דארף זיין אבלו בלבו וצהלתו בפניו וויבאלד דער מלך מלכי המלכים געפונט זיך בתוכינו.
ברכת המזון: הר"ר יעקב הערש פריעדמאן שליט"א. נאכן בענטשן האט מען ממשיך געווען בשירה וזמרה ווי דער רבי האט זיך אויפגעשטעלט טאנצן לכבוד שמחת בית השואבה. מען האט געענדיגט ארום 1:10.
דאנערשטאג, יום א' דחול המועד סוכות
פארן דאווענען האט דער רבי געלייגט תפילין בביתו נאוה קודש פארן בר מצוה בחור ב"ר דוד בר"ע אונגאר הי"ו.
דער רבי איז אריינגעקומען אין ביהמ"ד צו שחרית ארום 10:10. בעל תפילה: הרה"ח ר' יודא אליעזר גאטעסמאן הי"ו. דער רבי איז צוגעגאנגען צו הלל און אפגעראכטן די עבודת הקודש פון די נענועים באש קודש און דערנאך פארגעזאגט די הושענות מיט גרויס התעוררות. - הוצאה והכנסה: הרה"ח ר' זלמן לייב קליין הי"ו, לאנדאן. - כהן: הרה"ח ר' עמרם כהן הי"ו. - לוי: הרה"ח ר' חיים לעווי הי"ו, וויען. - שלישי: הר"ר חיים אלעזר ווייס שליט"א מחמעלניק מאנסי. - רביעי: רבינו שליט"א. - הגבה: נכד רבינו הרב מאיר אליעזר טייטלבוים שליט"א בן חדב"ן הגה"צ רב דביהמ"ד ברך משה שליט"א. - גלילה: נכד רבינו הבה"ח יצחק אייזיק ט"ב ני"ו בן הגה"צ רב דביהמ"ד בית ברוך שליט"א. צו מוסף איז צוגעגאנגען הגה"צ רב דביהמ"ד בית ברוך שליט"א. מען האט געענדיגט ארום 12:40.
ארום 5:15 איז געקומען אויף א ביקור חג הגה"צ רבי מנחם מאיר ווייסמאנדל שליט"א - אבד"ק נייטרא מאנסי, עס האט זיך פארצויגן א לענגערע הלכה'דיגע שמועס פון קרוב צו א שעה איבער פארשידענע שאלות בעניני יו"ט סוכות וועלכע איז אינטערגעקומען במשך דעם יום טוב, און נאך פארשידענע אינטערעסאנטע שאלות, דער רבי האט מכבד געווען מיט לחיים און ווארעם אנגעוואונטשן ברכת קדשו און אים ארויסבאגלייט ביז צו די גאס.
אין די שפעטע נאכמיטאג שעות ארום 6:15 האט דער רבי משמיע געווען דב"ק דורך א הוקאפ פאר אנשי שלומינו אין בני ברק ביים מסיבת שמחת בית השואבה לכבוד יו"ט, וסיום מס' ברכות במחזור שני פון מסגרת תורתך שעשועי. דער רבי האט ארומגערעדט דברי הדרכה וחיזוק לכבוד די געהויבענע 'צווייטע טעג יו"ט', און ארויסגעברענגט די הנאה פון די גוטע גריסן וואס מען באקומט פון קהלתינו ומוסדותינו הק' פון בני ברק און בפרט פון בית מדרשינו הגדול וועלכע איז פארברייטערט געווארן סיי בכמות און סיי באיכות און פארענדיגט מיט ברכות לרוב און אויסגעדרוקט זיין תשוקה זיך צו טרעפן בקרוב מיט אנ"ש פערזענדליך פנים אל פנים, און מסיים געווען ברב ברכות.
דער רבי האט געדאווענט מנחה ארום 6:40 בביתו נאוה קודש אויף צאנז קט.
ליל ב' דחול המועד סוכות, אושפיזא דמשה רעיא מהימנא
דער רבי האט געדאווענט מעריב ארום 8:10 בביתו נאוה קודש אויף צאנז קט.
שפעטער ארום 11:05 איז דכר רבי אריינגעקומען צום עריכת שלחן הטהור אין די סוכה הגדולה. דער רבי האט געזאגט דעם סדר אושפיזין כנהוג, און זיך געוואשן צו די סעודה. מען האט אויפגעגעבן די מאכלים אזוי ווי יו''ט, די בעלי אושפיזין האבן געשטעלט וויין, און נאך די פלייש האבן די בעלי אושפיזין אויפגעגעבן קוגלען און דער רבי האט פארטיילט שיריים פאר די בעלי אושפיזין.
מיט די שיר המעלות האט דער רבי מכבד געווען: - הגה"צ רבי שלמה רובין שליט"א - רב דביהמ"ד ציעשנוב קר"י. - הגה"צ רבי יואל האלבערשטאם שליט"א - רב דבית מדרשינו בית שמואל בשכונת דברי חיים. - הרה"ג ר' חיים אשכנזי שליט"א חתן הגה"צ אב"ד דקהלתינו מאנטריאל שליט"א.
דערנאך האט דער רבי געזאגט תורה, דער רבי האט זיך געשטעלט אויפן פסוק 'ויאמר בנערינו ובזקיננו נלך כי חג ה' לנו' און ארויסגעברענגט אז יעדער איד דארף טאקע זיין א עניו אבער יעדער דארף אויך האבן אביסל פון די מידת הגאוה ביי עבדות השם, סוכה איז משפיע דעת מען זאל קענען מבחין זיין ווען צו זיין א עניו און ווען א בעל גאוה, און דער רבי האט ממשיך געווען מיט לענגערע דברי חיזוק איבער די חשיבות פון יעדע מצוה פון א איד, יעדע תפילה, יעדע חסד, יעדע פעולה אין עבודת השם, און ח"ו אז א איד זאל טראכטן אז מיין עבודה איז גארנישט ווערד, און מסיים געווען בברכת קדשו.
דערנאך האט מען ממשיך געווען צו זינגען אנא עבדא דקדשא בריך הוא און דער רבי האט זיך אויפגעשטעלט טאנצן מיט גרויס התלהבות פאר א לענגערע צייט, מיטן בענטשן האט דער רבי מכבד געווען נכדו הר"ר משה מייזליש שליט"א חתן חדב"ן הגה"צ רב דביהמ"ד אבני צדק שליט"א, מען האט געענדיגט ארום 12:55 און דער רבי איז אריבער לחדרו הפרטי אין ביהמ"ד הגדול.
ארום 1:10 איז דער רבי אריינגעקומען אין ביהמ"ד הגדול ווי עס איז פארגעקומען ריקודי קודש דורך חסידים ואנשי מעשה זקנים עם נערים לכבוד שמחת בית השואבה, דער רבי האט זיך אראפגעזעצט אויפן בימת הכבוד און זיך צוגעקוקט און מעודד געווען די ריקודין פאר א לענגערע צייט, ארום 1:45 האט דער רבי פארלאזט דעם ביהמ"ד און אהיים לביתו נאוה קודש.
פרייטאג ערש"ק, יום ב' דחול המועד סוכות
דער רבי איז אריינגעקומען אין ביהמ"ד צו שחרית ארום 10:10. בעל תפילה: הרה"ח ר' אלחנן טויב הי"ו. דער רבי איז צוגעגאנגען צו הלל און אפגעראכטן די עבודת הקודש פון די נענועים באש קודש, און דערנאך פארגעזאגט די הושענות מיט גרויס התעוררות. - הוצאה והכנסה: הרה"ח ר' אברהם דוד גאטליעב הי"ו, וומסב"ג. - כהן: הרה"ג ר' יעקב יחזקאל שרגא הכהן גלאנץ שליט"א מבארדיוב וומסב"ג - לוי: הרה"ג ר' חיים נחום גאטליעב שליט"א - מו"ץ. - שלישי: הרה"ג ר' וואלף לאנדא שליט"א. - רביעי: רבינו שליט"א.
נאכן ליינען האבן גומל געבענטשט צענדליגער פרישע געסט פון אייראפע וועלכע זענען געקומען אויף יו"ט להסתופף בצל הקודש. - הגבה: הרה"ג ר' יוסף משה שטויבער שליט"א - מו"ץ. - גלילה: הר"ר יצחק דוד יאקאב שליט"א, ירושלים. צו מוסף איז צוגעגאנגען הרה"ג ר' יואל יצחק שטערן שליט"א - דומ"ץ ביהמ"ד דינוב קר"י. מען האט געענדיגט ארום 12:40.
