שב''ק פרשת שמיני מברכים חודש אייר 'בצל הקודש' פון כ''ק רבינו הגה''ק שליט''א בקרב קהלתינו הק' אין ב"פ יצ''ו

ערש''ק נאכמיטאג ארום 4:15 איז דער רבי אנגעקומען אין ב"פ בבית האכסניא פון הרה"ח ר' משה כהנא הי"ו. בבית האכסניא זענען אריין בקו''פ די מחותנים הרה"ג ר' אברהם אלי' אליעזר האלבערשטאם שליט"א און הרה"ג ר' מנחם נפתלי טייטלבוים שליט"א אב"ד טשענסקאוויץ, לרגל שמחת ארוסי צאצאיהם למז"ט, עס האט זיך פארצויגן א שיינער שמועס און דער רבי האט זיי מאציל געווען מברכת קדשו.

דער רבי איז געגאנגען אין די פריוואטע מקוה פון הנגיד ר' וואלף נוסענצווייג הי"ו.

במשך דעם שב"ק איז דער ביהמ''ד הגדול געווען איבערגעפילט מיט אלפי אנ''ש תושבי בארא פארק אין שפיץ פון פילע רבני העיר צווישן אנדערע.
הגה"צ אבד"ק וואלאווע שליט"א, הגה"צ אבד"ק ציעשנוב שליט''א, הגה"צ אב"ד מנחת חינוך טארטיקוב שליט"א, הגה"צ אב"ד טארניפאל שליט"א, הגה"צ אב"ד ברעזשאן שליט"א, הגה"צ אב"ד קרית וויזשניץ ב"ב שליט"א, האדמו"ר מדעעש ב"פ (מיאמי) שליט"א, הגה"צ אב"ד נעפלעמיץ שליט"א, הגה"צ אב"ד שומרי שבת שליט"א, הגה"צ אב"ד דזשיבוי שליט"א, הגה"צ אב"ד קשאנוב שליט'"א, הגה"צ אב"ד קארוב שליט"א, הגה"צ ר' אשר רובין שליט"א מטאמאשוב, הגה"צ אב"ד וואוידסלוב שליט"א, הגה"צ אב"ד גלאגוב שליט"א, הגה"צ אב"ד ראדאוויץ שליט"א, הגה"צ אב"ד טעטש שליט"א, הגה"צ אב"ד מראה יחזקאל שליט"א, הרה"צ מ'אוהעל ב"פ שליט"א, הגה"צ אב"ד לינסק שליט"א, הגה''צ ר' לייביש הורוויץ שליט"א מסטריזשוב, הגה''צ ר' אברהם יושע איגר שליט"א מלובלין, בני האדמו"ר מסערדאהעלי שליט"א, הרה''ג ר' בעריש רובין שליט"א מדאמבראווע, הרה"ג מקאפישניץ שליט"א, הר"ר דניאל רוקח שליט"א מליזענסק.

פרייטאג צונאכטס ארום 8:10 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הגה"צ ר' משה פריעדמאן שליט"א דומ"ץ דקהלתינו. מען האט געענדיגט דאווענען ארום 9:40, און דער ריזן ציבור אנ''ש זענען אריבער זאגן גוט שבת א לענגערע צייט. דערנאך איז דער רבי אריבער אין שטוב פון הרה"ח ר' יצחק זאב וויינשטאק הי"ו ווי ער האט געוויילט ביז צום עריכת שלחה"ט.

ארום 12:00 אזייגער איז דער רבי אריינגעקומען צום שלחן הטהור בהיכל ביהמ"ד הגדול און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' מאיר ט"ב ני"ו בן הר"ר חיים הערש שליט"א בן חדב"ן הגה"צ רב דביהמ"ד ברך משה שליט"א, הגבהת הכוס: הגה"צ אבד"ק ציעשנוב שליט"א וראש ישיבתינו ב"פ.

די חלות האבן געהאט א שליסל כנהוג שבת נאך פסח, און מען האט אריינגעברענגט מצה ביי די זופ כנהוג צווישן פסח און שבועות.

מיט די זמירות האט רבינו שליט''א מכבד געווען. כל מקדש: הגה"צ אבד"ק וואלאווע שליט"א, מנוחה ושמחה: הגה"צ אבד"ק מנחת חינוך שליט"א.

רבינו שליט''א האט געזאגט תורה אויפן פסוק 'וידום אהרן' און געטייטשט בדרך דרוש אין די סוגיא פון חצי שיעור און דרשינן טעמא דקרא

קה אכסוף: הגה"צ אבד"ק ציעשנוב שליט"א. ברכת המזון: הגה"צ אבד''ק ב''פ שליט"א.

עובדות וסיפורים די וואך האט רבינו שליט''א דערציילט פון הרה"ק רבי ר' שמעלקא מניקלשבורג זיע''א וואס די יארצייט געפאלט דינסטאג בדר"ח אייר.

קה רבון עלם: הרה"ג ר' אלטר אליעזר הורוויץ שליט"א רב בית מדרשינו קדושת יו"ט.

די פרישע חתנים זענען אריבער נעמען פירות, און עס איז פארגעקומען די שלום זכר ביי.
- ר' שלמה לאנדא הי"ו.
- ר' יואל אלימלך ראזענפעלד הי"ו.
- ר' שלמה זלמן ברוינער הי"ו.
- ר' מנחם זאב שטערן הי"ו.

דער רבי האט מכבד געווען הגה"צ ר' חיים מאיר האגער שליט"א אב"ד קרית וויזניץ ב"ב צו פארזינגען רחם. אז ביום השביעי: הרה"ג ר' שמואל חיים האלבערשטאם שליט"א מ'קשאנוב. מען האט געענדיגט ארום 2:10.

וביום השבת קודש

ארום 7:00 אינדערפרי איז דער רבי געגאנגען אין די פריוואטע מקוה פון כ"ק אדמו"ר מצאנז קלויזענבורג שליט"א.

דער רבי איז אריינגעקומען אין ביהמ''ד ארום 9:50. ברכות ופסוקי דזמרה: הרה"ג ר' משה דוד הורוויץ שליט"א רב בית מדרשינו ברך משה, צו שחרית איז דער רבי צוגעגאנגען.

הוצאה והכנסה: הרה"ג ר' אלעזר ניסן שטראהלי שליט"א דומ"ץ בית מדרשינו 36'סטע סט. פסוקי שמע ישראל: הגה"צ ר' הערש אלימלך טייטלבוים שליט"א רב בית מדרשינו תפילה למשה.

עליות.
- כהן: הרה"ח ר' חיים משה גלאנצער הי"ו.
- לוי: הרה"ח ר' בערל בר"ח לעווי הי"ו.
- שלישי: הגה"צ אבד''ק ב''פ שליט"א.
- רביעי: הגה"צ רב דקהלתינו ב''פ 15 שליט"א.
- חמישי: הרה"ח ר' אהרן הערש מיטטעלמאן הי"ו.
- שישי: רבינו שליט''א.
- שביעי: ר' שלמה זלמן ברוינער הי"ו.
- הוספות: משב"ק הרה"ח ר' חיים שלמה פישער הי"ו.
- הרה"ח ר' חיים יודא לעפקאוויטש הי"ו.
- הרה"ח ר' פנחס משה לאנדא הי"ו.
- הרה"ג ר' זלמן לייב מייזליש שליט"א מו"ץ.
- אחרון: הרה"ח ר' יצחק זאב וויינשטאק הי"ו.
- מפטיר: הרה"ח ר' משה כהנא הי"ו.
- הגבה: הרה"ג ר' ישראל שלמה ליכטענשטיין שליט"א דומ"ץ בית מדרשינו דברי יואל.
- גלילה: הרה"ח ר' נפתלי הירצקא שטיין הי"ו.

נאכן ליינען האט רבינו שליט"א ראש חודש געבענטשט מיט גרויס התעורורות.

מוסף: הגה''צ ר' אברהם מאיר האלבערשטאם שליט"א דומ"ץ בית מדרשינו 18'טע עוו. פתיחה צו אנעים זמירות: הרה"ג ר' יואל העניך הורוויץ שליט"א חתן הגה"צ רב דקהלתינו ב''פ 15 שליט"א ומו"ץ בקהלתינו הק'. מען האט געענדיגט ארום 12:40.

ביי קידוש בבית האכסניא האט זיך משתתף געווען האדמו"ר מבלאזוב ריבאטיטש שליט"א, עס האט זיך פארצויגן א שיינע שמועס בסיפורים לבית דינוב - בלאזוב און דער רבי האט אים מאציל געווען מברכת קדשו.

זמירות ביים מיטאג טיש האט דער רבי מכבד געווען. ברוך ה' יום יום: הרה''ג ר' מנשה הורוויץ שליט"א אב"ד ריגליץ. ברוך קל עליון: הר"ר אליעזר זאבערמאן שליט"א. שיר היחוד: (כנהוג בין פסח לשבועות) הגה"צ רבי קלמן יושע באב"ד שליט"א אב"ד דראביטש, און הר"ר הערשל האלבערשטאם שליט"א.
מיטן בענטשן דער בעל אכסניא הרה"ח ר' משה כהנא הי"ו.

נאכמיטאג ארום 6:45 איז דער רבי אריינגעקומען אין ביהמ''ד הגדול צו פרקי אבות. דער רבי האט זיך געשטעלט אויף פרק א' משנה א' 'משה קבל תורה מסיני' און געטייטשט אויף פילע מהלכים בדרך דרוש אגדה ומוסר, בענין לימוד התורה וואס לאזט א רשימה דקדושה אויפן מענטש און ארויסגעברענגט לשבח פון חבורת תורתך שעשועי וואס גייט מסיים זיין ש''ס, מען זאל זעהן זיך אנצושליסן אינעם נייעם מחזור, דברי מוסר בעניני צניעות און טעכנאלאגיע, זיך האלטן אפגעזונדערט פון די גוי'שע גאס, נזהר זיין צו קויפן פלייש דווקא אין די פלייש געשעפטן, מען זאל זיין בעה''ב אויף די געלט נישט די געלט אויפן מענטש, און מסיים געווען בברכות לרוב. מען האט געענדיגט ארום 7:45.

רעוא דרעווין

צו מנחה ושל''ש איז דער רבי אריינגעקומען אין ביהמ''ד ארום 8:15.
- מנחה: הרה"ח ר' שלמה יואל פריעדמאן הי"ו.
- הוצאה והכנסה: הרה"ח ר' משה ארי' פריינד הי"ו.
- כהן: הרה"ג ר' אלי' מרדכי כ"ץ שליט"א.
- לוי: הרה"ח ר' שלום קרויס הי"ו.
- שלישי: הר"ר יצחק שרגא גראס שליט"א.
- הגבה: רבינו שליט''א.
- גלילה: הרה"ח ר' אהרן דוב פערלשטיין הי"ו.

זמירות ביי של"ס האט דער רבי מכבד געווען אודה: הרה"ג ר' אשר אנשיל יונגרייז שליט"א אב"ד טשענגער לאנדאן. שיר המעלות: הר"ר אלי' גרויס שליט"א מבערבעשט.

רבינו שליט''א האט געזאגט תורה אויפן פסוק 'זה הדבר אשר צוה ה' תעשו' און געטייטשט אז דורך דעים וואס מען איז עוסק בתורה ווערט נתקבל די תפילות און עס ווערט נשפע פרנסה, און מעורר געווען זקנים עם נערים יעצט אינעם נייעם זמן נאך פסח וואס מצה איז משפיע תורה זיך מחזק זיין בלימוד התורה.

ידיד נפש: הרה''ג ר' אהרן מייזליש שליט"א בן הגה"צ אבד''ק מאנטרעאל שליט"א. קל מסתתר: הרה"ג ר' אשר חיים ווייזער שליט"א מו"ץ. דער רבי האט געבענטשט על הכוס.

מעריב מוצש''ק: הרה"ח ר' אהרן הערש מיטטעלמאן הי"ו. נאך הבדלה איז דער ציבור אריבער זאגן א גוטע וואך א לענגערע צייט. מען האט געענדיגט ארום 10:45, און מען האט ארויסבאגלייט רבינו שליט"א בשירה וזמרה.

▫️ סאטמארע נייעס 🌴 ▫️