שב''ק פרשת צו - שבת הגדול - ערב פסח 'בצל הקודש' פון כ''ק רבינו הגה''ק שליט''א

פרייטאג צונאכטס ארום 8:15 איז דער רבי אריינגעקומען אין ביהמ''ד מעוטף בטליתו און צוגעגאנגען צו מנחה. קבלת שבת: הרה"ח ר' ברוך מרדכי מארקאוויטש הי"ו. מען האט געענדיגט דאווענען ארום 9:40. דער ציבור איז אריבער זאגן גוט שבת און דער רבי איז אריין לחדרו הפרטי.

ארום 10:10 איז דער רבי אריינגעקומען צום שלחן הטהור בהיכל השלחנות אינאיינעם מיט די בני המשפחה און די הונדערטער חתנים מחוץ לעיר, וועלכע זענען געקומען מיטהאלטן די סדרים בצל הקודש, און אנגעהויבן כדרכו בקודש שלום עליכם ברגש ובנעימה.
אשת חיל: נכד רבינו הב' ישכר בער ט"ב ני"ו בן חדב"ן הגה"צ רב דביהמ"ד ברך משה שליט"א.
הגבהת הכוס: חדב"ן הגה"צ רב דביהמ"ד אבני צדק שליט"א.

במשך אלע דריי סעודות האט דער רבי געגעסן די חלה אויף א עקסטערע טישטוך וואס מען האט אראפגענומען פארן עסן די פיש און איבערגעלאזט בלויז א כזית פאר ברכת המזון. אזוי אויך, ע"פ הוראת רבינו, האבן אלע חתנים און אנוועזנדע געגעסן די חלה ביי א זייטיגן טיש און נאכדעם אריבער צו די געהעריגע פלעצער ביים שלחן הטהור פאר די איבריגע חלק סעודה.

מיט די זמירות האט רבינו שליט''א מכבד געווען. כל מקדש: הגה"צ רבי שלמה רובין שליט"א אב"ד ציעשנוב קר"י. מנוחה ושמחה: חדב"ן הגה"צ רב דביהמ"ד אהל פיגא שליט"א.

רבינו שליט''א האט געזאגט תורה אויפן פסוק 'זאת תורת העולה' און געטייטשט בדרך דרוש אין די סוגיא פון כהנים שלוחא דידן או שליחא דרחמנא.

קה אכסוף: הגה"צ אב"ד סיגוט שליט"א. ברכת המזון: חדב"ן הגה"צ רב דביהמ"ד אבני צדק שליט"א.

עובדות וסיפורים די וואך האט רבינו שליט''א דערציילט פון הרה"ק רבי אשר'ל מראפשיץ זיע''א וואס די יארצייט איז געווען שב"ק י"ד ניסן. די פרישע חתנים זענען אריבער נעמען פירות. אז ביום השביעי: הרה"ח ר' אליעזר היילברוין הי"ו. מען האט געענדיגט ארום 12:35.

וביום השבת קודש

שב''ק אינדערפרי איז דער אריינגעקומען צו שחרית ארום 6:40. ברכות ופסוקי דזמרה: הרה"ח ר' יצחק אייזיק שטיין הי"ו (וומסב''ג). שחרית: הרה"ח ר' יעקב יחזקי' גאנדעל הי"ו.

הוצאה והכנסה: הרה"ח ר' נח קליין הי"ו. פסוקי שמע ישראל: נכד רבינו הרב דוד טייטלבוים שליט"א בן הגה"צ אב"ד סיגוט שליט"א.

עליות:
- כהן: הרה"ח ר' אשר שמואל כ"ץ הי"ו.
- לוי: הרה"ח ר' שלום יוסף לעווינגער הי"ו.
- שלישי: הרה"ח ר' גרשון מענדל ניימאן הי"ו.
- רביעי: הרה"ח ר' יעקב פארגעס הי"ו.
- חמישי: הרה"ח ר' יושע שמואל ווידער הי"ו.
- שישי: רבינו שליט''א.

נאכן עולה זיין האט דער רבי קורא שם געווען לרגל הולדת הבת אצל:
- ר' משה הלל ברע"מ קאהן הי"ו.
- ר' שלמה מאיר ברד"ה מערץ הי"ו.

- שביעי: הרה"ח ר' זלמן לייב קאפפעל הי"ו.
- אחרון: הרה"ח ר' מאיר הירש הי"ו.
- מפטיר: הרה"ח ר' בערל פאלאטשעק הי"ו.
- הגבה: הרה"ח ר' אברהם מאיר איצקאוויטש הי"ו.
- גלילה: ר' שבתי בר"ד ווערטהיימער הי"ו (מאנטרעאל).

מוסף: הרה"ח ר' יושע שמואל ווידער הי"ו. פתיחה צו אנעים זמירות: הרה"ח ר' ברוך משה בראדער הי"ו (לאנדאן). מען האט געענדיגט ארום 8:40.

נאך עטליכע מינוט איז דער רבי אריינגעקומען צו די סעודות שב"ק בהיכל השלחנות אינאיינעם מיט די בני המשפחה און די חתנים.
נאך די אייער און צוויבל האט מען געזינגען חי ה' כנהוג, און מיט ברכהמ''ז האט דער רבי מכבד געווען חדב"ן הגה"צ רב דביהמ"ד ברך משה שליט"א. מען האט געענדיגט ארום 9:30.
דער רבי איז ארויס אויף די גאס פאר עטליכע מינוט אויף א הפסקה צווישן די סעודות און נאך עטליכע מינוט אריינגעקומען און זיך נאכאמאל געוואשן צו א דריטע סעודה און געהייסן אויסטיילן די י"ב חלות פאר די חתנים אויפצועסן.
מען האט אויפגעגעבן פצעי, פסח'דיגע טשאלענט, און קוגל, און פארן בענטשן האט דער רבי טועם געווען פיש. מען האט אריינגערופן דעם גוי וואס האט צוזאמגענומען אלע איבריגע חלות און עס אהיימגענומען צו זיך.
מיט די זמירות האט דער רבי מכבד געווען. ברוך ה' יום יום: הגה"צ אב"ד סיגוט שליט"א. ברוך קל עליון: נכד רבינו הרב דוד טייטלבוים שליט"א. און דער רבי האט געבענטשט אויפן כוס. מען האט געענדיגט ארום 10:25, און דער רבי האט געזאגט א לשם יחוד און גענומען די כזית חלה פון טיש און עס מבער געווען אין ביה"כ, און אהיים לביתו נאוה קודש ווי דער רבי האט געזאגט כל חמירא און די יהי רצון.

רבינו שליט''א איז אריינגעקומען אין ביהמ"ד צו מנחה ארום 7:30.
- מנחה: הרה"ח ר' ברוך מרדכי מארקאוויטש הי"ו.
- הוצאה והכנסה: הרה"ח ר' אברהם דוד גאטליעב הי"ו (וומסב''ג).
- כהן: הרה"ח ר' מרדכי יודא פריעדמאן הי"ו.
- לוי: הרה"ח ר' אשר אנשיל לעווי הי"ו.
- שלישי: הרה"ג ר' ארי' אשר אינדיג שליט"א דומ''ץ ביהמ"ד מהרש"א.
- הגבה: רבינו שליט''א.
- גלילה: הרה"ח ר' יוסף הערש מיללער הי"ו.

נאך מנחה איז דער רבי ארויף אויפן בימת הכבוד צו של''ס, ווי דער רבי האט קודם געזאגט דעם סדר הקרבת קרבן פסח.
דער רבי האט טועם געווען פירות. פיש, געטרינקן לחיים, און טועם געווען פון א קוגל.
מיט די זמירות האט דער רבי מכבד געווען. אודה: הרה"צ ר' בערל גלאנץ שליט"א מבארדיוב. שיר המעלות: הרה"ח ר' משה גאלדשטיין הי"ו.

רבינו שליט''א האט געזאגט תורה אויפן פסוק 'והגדת לבנך ביום ההוא לאמור' און געטייטשט אז דורך דעם וואס כלל ישראל האט געזאגט הלל ביי הקרבת קרבן פסח און געדאנקט הקב"ה נאך פאר יציאת מצרים האט הקב"ה אויך גערעכנט דעם טוב העתיד פון אלע שפעטערדיגע דורות, און אין דעם זכות איז געווען יציאת מצרים.

ידיד נפש: הרה"ח ר' שלמה משה קלאגסברוין הי"ו. קל מסתתר: הרה"ח ר' פנחס שפירא הי"ו. דערנאך איז דער רבי אריין לחדרו הפרטי.

▫️ סאטמארע נייעס 🌴 ▫️