מסע הקודש לעיר האבות סיגוט הילולא קדישא קדושת יו''ט און מאנטשעסטער - שבט תשפ''ו
כ"ח שבט תשפ"ו – ל' שבט תשפ"ו · 36 פאוסטס, על הסדר פון מעלדן ביז אהיימקומען
זונטאגכ"ח שבט תשפ"ו2/15/2026
באריכט
כי מלאכיו יצוה לך לשמרך בכל דרכיך מוצש''ק משפטים אום 12:40 האט זיך געהויבן די פריוואטע פליגער פון כ''ק רבינו הגה''ק שליט''א פונעם טיטער-בארא עירפארט, די פליגער וועט לאנדען אין שטאט באניע, רומעניע מארגן נאכמיטאג 3:00 ארטיגע זייגער (8:00 אינדערפרי ניו יארקער צייט).
זונטאג נאכמיטאג וועט רבינו שליט''א אנקומען אין עיר האבות סיגוט ווי דער רבי וועט פוקד זיין דעם ציון הק' פון זקינו מרנא ורבנא הגה''ק בעל קדושת יו''ט זיע''א בעצם יומא דהילולא כ''ט שבט.
מאנטאג וועט דער רבי ממשיך זיין די נסיעה אויפן וועג קיין מאנטשעסטער צום מעמד חנוכת הבית פונעם היכל התורה החדש 'היכל לב אהרן'.
מאנטאג תרומה 3:30 אין באניע רומעניע, די פריוואטע פליגער פון כ''ק רבינו הגה''ק שליט''א האט זיך אין די יעצטיגע מינוטן געהויבן - א וועג פון צוויי א האלב שעה - אויפן וועג קיין מאנטשעסטער לפאר בראש מעמד המרומם חגיגת חנוכת הבית פונעם היכל התורה החדש והמפואר היכל לב אהרן.
כ''ק רבינו הגה''ק שליט''א ביים שלחן הטהור וסעודת הילולא לרגל די הילולא קדישא פון זקינו מרן הגה''ק בעל קדושת יו''ט זיע''א, במקום שהתפללו אבותינו ורבותינו בביהמ"ד עצי התמרים אינעם שוהל הויף בעיר האבות סיגוט יע"א.
מאנטאג תרומה 4:18 נאכמיטאג אין מאנטשעסטער די פריוואטע פליגער פון כ''ק רבינו הגה''ק שליט''א האט יעצט געלאנדעט אינעם ארטיגן עירפארט, ווי רבינו שליט''א איז אפגעוואפט געווארן דורך א גרויסער ציבור אנ''ש אין שפיץ פון הגה''צ אבד''ק מאנטשעסטער שליט''א.
רבינו שליט''א וועט צופארן א וועג פון 40 מינוט לבית האכסניא ווי רבינו שליט''א וועט דאווענען מנחה.
פארנאכטס וועט פארקומען דעם גרויסן מעמד המרומם חגיגת חנוכת הבית פונעם היכל התורה החדש והמפואר היכל לב אהרן, אינאיינעם מיטן שלחן הטהור לכבוד ראש חודש אין די גיגאנטישע בית יעקב זאלן אין שטאט, במקהלות אלפי אנ''ש פון אייראפע.
כ''ק רבינו הגה''ק שליט"א ביי תפילת שחרית לפני התיבה און ביים מסיבת לחיים נאכן דאווענען לרגל די הילולא קדישא פון זקינו מרנא ורבנא הגה''ק בעל קדושת יו''ט זיע''א, בביהמ''ד עצי התמרים אינעם שוהל הויף בעיר האבות סיגוט יע"א.
ערשטע בילדער כ''ק רבינו הגה''ק שליט''א ביים מעמד המרומם חגיגת חנוכת הבית פונעם היכל התורה החדש והמפואר היכל 'לב אהרן' אין מאנטשעסטער אינאיינעם מיטן שלחן הטהור לכבוד ראש חודש אין די גיגאנטישע בית יעקב זאלן, במקהלות אלפי אנ''ש פון אייראפע.
