סאטמארע נייעס

כחצות היום, שני לסדר "וצדקה תהיה לנו" (ואתחנן), י' מנחם אב תשפ"ה לפ"ק

עוֹד אֶבְנֵךְ וְנִבְנֵית בְּתוּלַת יִשְׂרָאֵל
(ירמי' לא, ג)

בנין חדש בית רחל ד'סאטמאר וויליאמסבורג יצ"ו
"בנין מאיר זעליג ריספלער"
בנין בית שליש"י בשרשרת "בניני ריספלער" המפוארים.
*
דער שטח פונעם נייעם בנין געפינט זיך אין הארץ פון ניי-וויליאמסבורג, אויף סענפארד סטריט קארנער פארק עוועניו, און וועט ווערן געבויט אלס המשך צו די צוויי יעצטיגע עקזיסטירנדע "בניני ריספלער" וואו טויזנטער תלמידות בית רחל ווערן נתחנך מיט שטאלץ און כבוד.
די חשובע משפחת ריפסלער שיחיו זענען מנדב צו בויען א שפאגל נייער "בנין בית רחל", אנגעהויבן פון גיסן די "פאנדעישאן", אזוי ארויף אלע 6 שטאקן, ממסד ועד הטפחות, כלול בהדרו.
דער שטח פונעם נייעם בנין איז גיגאנטיש גרויס! עס נעמט אריין א גרויסקייט פון 10,000 סקווער פיס, צו בויען דערויף א מעכטיגן פעסטונג לחינוך הבנות, פון פרישע גאנצע 60,000 סקווער פיס פארן באנוץ פון חינוך הבנות.
די ערשטע פאזע פונעם בנין נעמט אריין די ערשטע 2 שטאקן, וואו עס וועט ווערן אויפגעשטעלט א ריזן "אוידיטאריום", "לאנטש רום", און קלאסן. ווי נאר דער שטח ווערט ריזאונט וועט מען ארויפבויען די איבריגע 4 שטאק מיט צענדליגער קלאסן צימער, ביז א גרויסן " שפיל הויף" אויפן דאך, פארן באנוץ פון די תלמידות בית רחל אויף לאנגע יארן בעז"ה.

עווענטועל וועט אין דעם בנין ווערן אוועקגעשטעלט בעז"ה א נייער "חתונה זאל" פארן געברויך פונעם ציבור, אויפן שטייגער פונעם דערנעבנדיגער הערליכער "גינת אסתר" זאלן, אויף וואס דער ציבור קוקט גאר שטארק ארויס.

אז החלו לבנותו! די ארבעט האט זיך שוין פאקטיש אנגעהויבן! און די פלענער זענען פולקאם גרייט אויפצושטעלן בעז"ה א מייעסטעטישער בנין צו דינען אלס באזע פאר חינוך הבנות לאורך ימים.

▫️ סאטמאר'ע נייעס 🌴 ▫️

מיטוואך פרשת דברים 'בצל הקודש' פון כ''ק רבינו הגה''ק שליט''א

אינדערפרי איז דער רבי אריינגעקומען צו שחרית אין ביהמ"ד דקהל יראים - בית אלימלך ארום 8:50. בעל תפילה: הבה"ח ישראל ארי' בהר"ר חיים אליעזר דאווידאוויטש שליט"א (קר"י). נאכן דאווענען האט דער רבי אהיים שפאצירט לביתו נאוה קודש, אויפן וועג האט זיך פארמירט א שמועס איבער די קרומע שיטה פון די מזרח'יסטן זיך צו גרייטן צו ביאת המשיח דורכן פראקטיצירן צו טוהן די עבודה אין ביהמ"ק, בעת זיי זענען די וואס זענען מעכב ביאת המשיח.

דער רבי איז אריין געקומען אין ביהמ"ד צו מנחה ארום 8:50. בעל תפילה: הב' יוסף מנחם ב"ר אהרן שמואל פישער הי"ו (וומסב"ג).

צווישן מנחה און מעריב האט דער רבי עוסק געווען בלימודו, און האט געדאוונט מעריב ביים זמן ר"ת ארום 9:30. בעל תפילה: ר' יצחק שמואל שווארטץ הי"ו (קר"י).

דאנארשטאג פרשת דברים

אינדערפרי איז דער רבי אריינגעקומען צו תפילת שחרית אין ביהמ"ד דקהל יראים - בית אלימלך ארום 8:50. בעל תפילה: הב' עזריאל ב"ר מאיר וועזעל הי"ו (קר"י).
- פתיחה: הר"ר חיים אליעזר דאווידאוויטש שליט"א (קר"י).
- בעל קורא: רבינו שליט"א.
- ראשון: חדב"ן הגה"צ רב דביהמ"ד ישמח משה שליט"א.
- שני: הרה"ח ר' שלום אלי' מארקאוויטש הי"ו (קר"י).
- שלישי: רבינו שליט"א,
עס איז געקויפט געווארן דורך הב' יואל ב"ר יוסף חביב מאסרי הי"ו (קר"י). און דער רבי האט זיך באדאנקט.
- הגבה: הב' יצחק דניאל ב"ר יוסף חביב מאסרי הי"ו.
- גלילה: הב' יואל ב"ר יוסף חביב מאסרי הי"ו.

דער רבי איז אריין געקומען אין ביהמ"ד צו מנחה ארום 8:50. בעל תפילה: הר"ר אברהם שמחה גאטליעב שליט"א (קר"י).

צווישן מנחה און מעריב האט דער רבי עוסק געווען בלימודו, און האט געדאוונט מעריב ביים זמן ר"ת ארום 9:25.

▫️ סאטמארע נייעס 🌴 ▫️