סאטמארע נייעס

הדרן עלך שלש בבות

פראכטפולער "סיום שלש בבות והתחלת מס' סנהדרין" פאר אלפי לומדי "תורתך שעשועי" תושבי וומ"ס בארא פארק וועט פארקומען דעם מוצאי שב"ק אין זאלן פון "קאנטינענטאל".

שִֹישֹוּ וְשִֹמְחוּ בְּשִֹמְחַת תּוֹרָה: וועט פארקומען מפוארה ברוב פאר והדר, במקהלות אלפי הלומדים, ביקר עטרת תפארת, מיט גלאנץ און פּראכט, לכבודה של תורה, אין א ריין תורה'דיגע און מלכות'דיגע אטמאספערע, א גאר רייכער פּראגראם לכבודה של תורה, סעודת מצוה רחבה ומפוארה, ריקודין של שמחה, און הערליכע דרשות ברום מעלת ומתיקות לימוד התורה דורך וועלט בארימטע דרשנים, מגידים מפורסמים פון העכסטן קאליווער, וואס וועט געבן דעם ריכטיגן חיזוק ואומץ צו גיין ווייטער מחיל אל חיל בהתחלת מס' סנהדרין.

"דברי פתיחה:" דורך הרה"ג ר' שלמה שבתי קעסטנבוים שליט"א מרבני החבורה.
"דִּבְרֵי פִי חָכָם חֵן:" במקהלות אלפי הלומדים וועט מען הערן "משא המעמד" דעם דבר ה' ברמה פון מורינו כ"ק הגה"צ אבדק"ק ור"מ שליט"א.
פִּי צַדִּיק יֶהְגֶּה חָכְמָה: מלהיב לבבות ישראל כ"ק אדמו"ר תולדות יהודה סטיטשין שליט"א וועט אויפטרעטן אלס "נואם הכבוד" בדברי פי חכם חן.

"הדרן עלך שלש בבות". דער אומגלויבליכער צאל פון העכער דריי טויזנט לומדים תושבי וומ"ס ב"פ אין די בארימטע גמרא-חבורה "תורתך שעשועי ד'סאטמאר", זענען אין די יעצטיגע טעג איינגעהילט אין העכערע אומבאשרייבליכע געפילן פון התרוממות הנפש בבחינת "ברנה יקצורו", שטייענדיג ווירקליך ביים מאמענט פון "שניידן די פירות" פון גאנצע אכט יאר עמל התורה, ווען עס ווערט אין א גוטע שעה געפייערט דער היסטארישער מאמענט "סיום שלש בבות", וואס פלעכט אריין אין די קומענדיגע מסכתא, מס' סנהדרין, על סדר הש"ס.

ובאו כולם בברית יחד לשמוח בשמחת התורה.

סאטמאר'ע נייעס 🌴

נגיל ונשיש בזאת התורה כי היא לנו עוז ואורה

'לעשות אותם ימי שמחה:' סדר פון די געהויבענע מעמדים וואס וועלן בעז"ה אפגעראכטן בשמחה רבה ובהתרגשות עילאה פון די היסטארישע ימי 'חגיגת הכנסת ספר תורה' וואס ווערט אריינגעגעבן דורך נזר תפארתינו הוד כ"ק מרן רבינו הגאון הקדוש שליט"א - (לויט ווי עס הייסט יעצט).

מוצש"ק זכור וועט פארקומען די גרויסע מעמד נרגש "סיום כתיבת ספר תורה" בבית מדרשינו הגדול קרית יואל.

מוצש"ק ליל שושן פורים וועט פארקומען די גרויסע מעמד נרגש "סיוםכתיבת ספר תורה" אינאיינעם מיט עריכת שלחן הטהור לכבוד היום בבית מדרשינו הגדול וויליאמסבורג.

'שישו ושמחו בשמחת רבינו:' זונטאג יום שושן פורים וועט פארקומען במעמד רבבות חסידי סאטמאר די היסטארישע מעמד 'הכנסת ספר תורה' וועלעכע וועט ארויסגיין פון ביתו נאוה קודש פון כ"ק מרן רבינו הגה"ק שליט"א און אריינגעפירט ווערן בתופים ובמחולת צום בית שהתפללו בו רבותינו הק' "בית מדרשינו הגדול קרית יואל" ווי עס וועלן פארקומען די ריקודי קודש און דערנאך די סעודה לגמרה של תורה אינאיינעם מיטן עריכת שלחן הטהור לכבוד היום.

מאנטאג ממחרת שושן פורים וועט כ"ק מרן רבינו הגה"ק שליט"א דאווענען תפילת שחרית בבית מדרשינו הגדול ק"י מיט אלע בחורי הישיבות ד'סאטמאר פון איבער גרעיטער ניו יארק ווי די רבי וועט עולה זיין און די נייע ספר תורה, און נאכן דאווען אפרעכטן די מסיבת לחיים און משמיע זיין דב"ק ודברי חיזוק.

מער פרטים וועלן נאכפאלגן.

אשרי עין ראתה גילת קהלינו, כולם נקבצו באו לך לשמוח בשמחת תורתינו

▫️ סאטמאר'ע נייעס 🌴 ▫️

מה אהבתי תורתך כל היום היא שיחתי, הדרן עלך שלש בבות

חבורת "תורתך שעשועי" דקהלתינו הקדושה אין פייערליכע שפאנונג צו חגיגת סיום שלש בבות

הדרן עלך: נאך יארן פון יגיעות התורה מיט חודש'ליכע בחינוך אויף עמקות'דיגע סוגיות פון לעכטיגע דריי בבות,

היו נכונים: מעמדי פאר לומדי החבורה וועלען פארקומען אויף א הערליכע פארנעמן בשמחת התורה, אנטשפרעכט אווענט מיט פייערליכע מאמענטן בהודאה על העבר וקבלת התורה על העתיד, די צענטראלע מעמדים אין קרית יואל מאנטאג פרשת משפטים, און אין וויליאמסבורג מוצאי שב"ק בשלח-שירה, בראשות די נשיא ומייסד החבורה כ"ק מרן רבינו הגאון הקדוש שליט"א

הרשמה לחבורה: מעכטיגע אויפוואכונג אין אלע סאטמארע צענטרן זיך אנצושליסן להתחלת מס' סנהדרין יחד אלפי ישראל.

שישו ושמחו בשמחת התורה, אשרי מי שבא לכאן ותלמידו בידו

סאטמאר'ע נייעס 🌴

א גאר הערליכע מסיבת ברוכים הבאים איז פארגעקומען דעם פארגאנגענעם דאנערשטאג נאכט פרשת שמות, צוגעשטעלט פאר די קרוב צו 50 נייע פרישע איינוואוינער וואס האבן זיך ארויסגעצויגן אין די לעצטע שטיק צייט צום עיר הצדק קרית מלך רב "קרית יואל".
די מסיבה איז פארגעקומען אינעם אינטערשטן שטאק פונעם בנין מבצר הכוללים דקהלתינו הק', ווי עס האט זיי אפגעווארט די איבערגעבענע גבאים פון קביעת עתים דקהלתינו הק' פון יעדע געגענט באזונדער ובראשם הר"ר יואל וויינבערגער שליט"א דער מנהל המפעל. עס איז געווען צוגעשטעלט טעימה קלה פארן גאנצן ציבור המשתתפים,
נאך א שטיק צייט פארברענגען אינאיינעם מיט די גבאים, האט אויפגעטרעטן הר"ר יואל שליט"א, ווי ער האט ארויסגעברענגט פארשידענע טיפס ווי אזוי זיך צו קענען גרינג איינגלידערן דא אין שטאט, ווי אויך האט ער ארויסגעברענגט די סערוויסעס וואס די קהילה דא אין קרית יואל שטעלט צו, בפרט איבער די נושא פון צושטעלן חברותות פאר יעדן אין סיי וועלכע מקום אדער לימוד מען באגערט. דער ציבור איז זיך צוגאנגען, פול מיט חיזוק אנצוגיין ווייטער מיט די שיעורי תורה און די טעגליכע ארבעט.
ופרצתה ימה וקדמה